2004 年 8 月 6 日 星期五 【酷熱】

SUMMARY周邊：
場刊 ~ 2000日元

名鑑13 ~ 1500日元

海報 ~ KAT-TUN、NewS、YA - 800日元

資料夾 ~ KAT-TUN、NewS、YA - 500日元

扇子 ~ KAT-TUN個人、NewS個人、YA团体 - 500日元

手帕冠军SUMMARYlogo、KAT-TUN logo、NewS logo、YA logo - 1000日元

便条纸 ~ 1000日元

购物袋 ~ 500日元

生写真set ~ 4張600日元

只可以講句：好貴……名鑑13竟然宜家先出……
唔知12樓o個度訂要幾多錢呢~!?
如果只係計日元o既話都唔算費呀……但係又唔知佢o地兌幾多……
而且仲有NewS喎<好彩無Ryo同Uchi份o者!!又慳返o的~>同Kat-tun……

基本上都係想買場刊、名鑑、Kat-tun海報、某兩隻o既扇<最重要都係o個Baga o個把>、同手帕~

尋晚發夢，見到我自己終於搵到Baga o個隻生日熊……仲要有人幫我o係張紙上面寫住「赤西仁」三個字再貼o係盒o野上面~~~~~~之後我繼續搵o下，都有人幫我貼o左佢o個名o係另一盒度，但我我睇個日子……7月3唔係佢生日啦……

睇到某人o既簽名……
Ohno竟然有6舊腹肌囉!!!!真係腹肌o來o架!!!
忍唔住爆o左一o下~~~~

出聯合搵o下BiDan同Top Stage……竟然要九十幾蚊囉!!!
人o地原價都只係五百Yen之嘛!!!駛唔駛兌二十呀????
Animate幾時變得咁狼o架~!?
所以……我放棄唔買住……
然後過o左去信和，o係橫濱度見到有Kat-tun本寫真集!!!!不過都要$240……
算，呢個我一定會買!!!
但係竟然無一度地方有Top Stage同BiDan囉……
唔通係未普及~!?
咁我就等啦!!希望有船返啦~~~~~~
雖然宜家我係鐘意佢o地，但係咁貴，始終都係唔捨得……
見到「紅く燃ゆる太陽」隻碟……初回比較好少少囉……雖然Ryo o既話係普通笑得靚o的，但我真係頂唔順佢o地o個style……<汗>
死Pi又自己一個上封面囉!!!本o野叫「Move」……但唔知入面有幾多頁……
然後上12樓買VCD，買埋8月1o既少俱~~~~~原來只係Special……不過見佢$15，咁就算啦~
問埋SUMMARY o的價錢，竟然只係兌10或者11!!!太好喇~~~~~~~
Jin把扇哦~~~~~~~~~~~~~~~~~^0^
$100訂我都仲可以Affort到……
但係又唔知會唔會有人訂喎……咁可以平少少嘛~~~~
落2樓，竟然有Kat-tun o係泰國o的相囉!!!但係Kame多過Jin……唔開心~><~
最後只係買o左Baga兩張o既原宿相……都滿足啦~

去o左新城市間KFC買o左o個新出o既日版全桶餐，原來有二人份o既賣，但只限星期一至五，所以唯有買o個大o既~~~
o個Counter姐姐我認得佢啦~~~~上次同L & Apple o來o既時候，我又係排佢條Line~
兼且係因為我最認得佢對住我前面o個阿婆o個無奈樣!!!雖則我都好無奈……聽完o個阿婆講o個o的o野……
o係RBT度見到有個類似經理o既人，但係我都無入到去問兼職o的o野……
搭85M入L屋，好彩唔駛等就可以上到車~

一出(車立)時就見到佢阿爸出o來Throw Away o的垃圾~
擺低晒o野就出去開餐食o野~
o個姐姐同我講話o的o野齊晒，我想頭都想Check o架，但係見佢咁講，咪信佢囉!!!
點知佢就俾漏o左o個沙律我囉!!!!
太差喇!!!!
咁我更加認得佢，下次實會投訴!!!
講開SUMMARY o的o野，L叫我買場刊o既話就唔好買Poster……
我都唔知點好~
然後就收到小龜o既Message，佢竟然唔買囉!!!Kore又唔買……淨係得我一個人買~!?
最後小龜直接打o來講，唔……我都唔知訂唔訂好~不過相差三十幾蚊……
但係聽日就係喇喎……應該無得訂啦o下話~!?
L話知道o個日Elyse點解會o來香港囉~
原來Giordano Ladies o個Poster就係搵佢影喎~~~~~
我比較想睇o個簽名啦……

o係L部電腦度繼續睇埋o個Forbidden Siren，好彩睇完全部都唔係好恐怖o者~~~~
而且仲會Bonus多一段女主角o既片段~~~~~~~
入到房，俾埋o的二宮L，再填埋展翅張Form，都真係估到L會有興趣啦!!!所以我都醒目都拎多張Form o來~
訓覺o既時候，L屋o個電話係咁響……
而我都唔係訓得幾好~
因為M Come……一定要側身訓……腰都痛埋喇……

今晚係蟹粥，不過我唔識食蟹，所以只係食粥算~
另外仲有銀針粉啦~~~~~
見到McDonald's開心樂園餐有「三劍客」o既公仔換~我都想換，但肯定遲o的又會拎出o來賣……
所以，L自己一個換就得啦~~~~~~
食後甜品就係L整o既o者喱，不過佢落o左超多魚膠粉，攪到o的o者喱超硬，超有彈力，真係可以拎去當乒乓波咁打……
而佢自己都試過，彈到勁遠咁……
最大問題係：唔夠甜!!!!
L拎o左o的曲奇模出o來係咁整靚o的o者喱……再係咁睇o個「索拉奇藝坊」~
入房睇埋o個兩本「親親寶貝」，攪到我都想成套買添~
估唔到原來L都唔妥本「Get On!!」我都覺得有乜理由用阿翔來做封面但只係得o個兩頁Interview~!?
L竟然未聽過「火の鳥」囉!!!o個日想Down都Down唔到……
講到o個男公關設定……我實會俾Koki佢o架!!!!
「小姐，你想要Rapper呀嘛~!?試o下呢位田中聖呀~佢都好受歡迎o架!!!」XDDDD<大爆>
搭(車立)走o既時候就講到釘耳洞……我或者會去釘第二個先~
反正o個Baga又唔係成日戴耳骨o個個~
行去巴士站時，見到有兩檔o野都話聽日休息……咩事呀??
然後，就試o左將成個人傾斜，原來都唔係好恐怖o乍喎!!!反而係L話驚拉唔返我上o來~~~~~~
o係屋企樓下都有檔o野話要休息幾日，唔會係去睇SUMMARY呀嘛~!?<笑>
之後睇電視先知，原來聽閱係阿仙奴對曼聯……咁就可以令到o的人連檔都唔開……

返到屋企繼續上網，有人Scan o左本「Move」……
睇完之後，我真係妖o左聲……
真係妖o架!!!!阿Pi超妖豔囉!!!!
不過都算多o既~~~~總好過o個本咁o既「Get On!!」……連埋封面得o個三頁阿翔……
而且好似仲有矢澤愛o既訪問~~~~<當然就唔會因為佢而買啦~>


見到有人討論NewS……其實算係討論關西o個兩隻囉~
講o下，有人就話關8只係出碟，唔算出道喎……
我諗o個意思太約係好似兩年前Ya-ya-yah出碟咁o卦~
仲有人話NewS之後會變做7人團體……已經Debut o左啦……
唔會宜家先郁人呀嘛~!?
睇關8舞台劇o既Report，竟然係o的Fans o係中場休息o既時候即場打o架囉!!!!我都覺得太勁……
睇小說~~~~「XY」16，竟然係田口救返想跳河o既Jin!!!好彩最後Kame都搵到Jin……
「魔情」同「親愛」又Up埋……後者……俾Kame XX完之後，Jin唔理Kame囉……但其實佢都對Kame有o野o架!!就原諒人啦~~~~~~~

沖完涼，以為有「九五至尊」做，點知又係做「陰陽道柒撞到正」，
所以即刻睇VCD~~~~~~
呵呵~~~~~今集有「Kat-tun青春學園」~~~~~~
睇住佢兩個打籃球……點做Captain o架???
Kame係著Adidas，但睇唔清Jin著o個對係咩……
不過o個Baga捉住Koki隻手時真係好得意~~~~仲要俾佢拖走~~~~~
睇完，邊睇Channel V，寫o下故仔~~~~~~~~~~~~
開始寫第三頁lu~~~~~~~~~~~<拍手>
．外國有隊o野竟然叫「Jin」囉!!!咩意思~!?首歌叫「Learn Chinese」~
．播Britney Spears首「Everytime」o個MV，終於都睇到啦~~~~~~傳聞中俾人禁o既MV~~~~
不過佢上身赤裸咁入浴缸都露唔到點，都覺得佢好勁~~~~~~
o個男主角條牛仔褲又係勁低o個o的>///<入去救Britney時就見得仲清楚~~~~
唔知佢宜家播呢個有無Cut到呢~!?但o個MV其實係正o架~~~~~<唔關露唔露點事~>
．平井堅首「瞳をとじて」，聽到我喊……呢首就真係「另一半死去的思念」!!仲要係佢自己作曲作詞!!
MV o個女主角就係o個夠普通先仲易感動!!!
去埋Toilet諗住訓，點知就播麻衣姐姐首「明日へ架ける橋」，嗯，真係好耐無聽過佢o的歌~~~~
跟住仲睇o左黎明o既「一比一」……仲要有黃秋生份……
幾爆笑o下~<兩個人都以好平靜o既語氣講>「我已經按o左o的數字喇喎，點解仲未入到o既?」「你係咪未按"Enter"?」「呀，係喎……」
做"Hilton"o既外國女仔真係幾靚~~~~~~~~
最後見到又有新o既黑人Rapper，不過呢個Rapper o個樣有o的似Jette Choi……無錯，係教普通話o個個……超似樣，係仲肥o的o既Jette!!!不過佢係叫Terror Squad~~~~~企係隔離跳舞<其實只係郁身郁勢>o個女仔o個兩點已經約隱約現咁~~~~~「Lean Back」真係好似聽過咁……
口痕痕就食o左包梳打餅同o的o者喱糖頂肚~~~~~~

P.S.我要感謝發明棉條o既人~~~~~~~~~
佢令女性o係M Come時o既痛苦減少好多~~~~~~~
至少真係可以自由自在o的~~~~~~~~
又唔駛就住就住喎!!!<爆>

P.P.S對落o個件竟然買o左o係漫畫展勁多人買o個o的花返o來!!!
不過佢應該係o係Toys"R"Us買o既……

P.P.P.S日本對中國場波3:1，活該!!!!
等你o地開場前係咁話要殺死小日本呀喇!!!!
中國人o的態度仲差過日本喎!!!

>>August 8, 2004 at 1:31:20 PM GMT+8

2004 年 8 月 5 日 星期四 【雷雨】

起身睇電視，竟然有「銀河鐵道999」!!!不過已經唄梗ED歌……
跟住就做「神鵰俠侶」囉!!!即睇~~~~~~~~~~~~~
小龍女又唔見o左啦……而且，殺死楊過阿爹o既係咪郭靖~!?
因為佢o的畫我都唔太認得……
聽阿媽話好似要去探阿婆，所以我就早o的過去上水入錢，點知換晒衫佢先話下午四點幾先去……

無奈之一：
M痛得好厲害……
雖然話係第二日o者……
都唔駛咁痛呀嘛~!?
反而返工o既時候就痛都無痛喎!!!

無奈之二：
o係銀行排隊o既時候，L打o來，原來o個Message係Send錯o左!!!咁就唔該Send多o個o來話係Send錯啦!!!
我都心諗我明明無開電話，又點會係唔聽佢電話呀???
然後就講到聽日點……
佢聽完原來o個個之後已經無奈囉……
當時我仲無奈啦o下話~!?
兼且我覺得，要入o來o既話，幾時入都得啦!!!
但係要約人出o來食飯，係咪真係次次都就到時間先~!?

執o野o既時候，又見到玉置成實，又嬲……
睇o左陣「至Net小人類」入面o個卡通，我幾鐘意~~~~~而且ED o的畫都好靚~~~~~
阿媽落街買(食送)，咁o岩阿大去廁所，我不嬲唔會做善後呢o的o野o架嘛，咪叫佢等阿媽返o來囉~
結果等o左半個鐘先返……
俾阿媽話我啦~~~~~
咁我係唔會做就唔會做o架啦!!!
所以其實我都諗梗究竟我將來生唔生好……
或者到時o的母愛就會湧晒出o來唔理o架喇~~~~雖則我都有諗過到4、5歲之前交俾阿媽湊……

無奈之三：
原來諗住買五張Jin o既相，點知話幫我Bid o個人晨咁早就落晒Bid，佢都唔係唔知日本人係真係會到最後一刻先落Bid o架嘛~!?而且佢又唔Keep住Update睇o下有無人叫過拍賣價……俾埋電話佢，以為佢會係好Pro啦……點知原來佢o個$50都算係白賺o既……咁佢都真係好好賺囉!!!
宜家只係得返兩張……<泣>
比較好彩o既係Jin耳骨有耳環o個張到手囉……
不過算啦~
Pro o個o的又要收勁多手續費同用EMS o來寄香港……超貴!!!
SUMMARY Shop相o個度可唔可以搵人o係日本同我成舊磚買返過o來~!?

無奈之四：
又再俾阿媽話我態度差……
但係佢都要諗o下我有無可能日日唔刷牙呀??
我不嬲都用一粒豆咁o既牙膏之嘛，而且我仲要有兩枝用，邊有可能咁快用完呀~!?
而且阿大阿細日日o係屋，攪到佢日日都要鬧人……好煩!!!
我點都唔會用獅王o架喇!!!係o既我會試o下新出o個隻Colgate Triple Action o個隻~~~~

睇o左「いざッ、Now Tour !!」o既周邊，
o的o野的確係幾靚，相都唔差~~~~但係唔知點解我已經無衝動好想要……
再睇埋Report……竟然話唄「Lucky Man」時著小鳳仙裝囉!!!!XDDDDD
呢個我最想睇!!!!
然後再有o的對話……阿翔竟然俾阿叔性騷擾!!!仲要係即日發生o既事!!!報紙都有講喎~~~
等我睇o下東方會唔會有先~~~~~~
而Ohno就話自己最近俾人當做色狼……邊個咁有眼不識泰山呀???
不過佢會戴皮手帶……佢都真係轉性囉……
翔又戴住Scream o個面具……我第一時間就係諗起Yuki o係「素顏3」入面除面具時o個樣……
再睇，Ohno話唔做藝人o既話佢想去做牛郎……哈哈~~~~
簡直就係幫我o個故仔做o左Idea啦!!!!
二宮o既Solo……內容係「另一半去世了後的思念」……
有人死o左咩~!?<爆>

阿媽抹地時，我就執o左o的唔要o既雜誌去廚房，順便睇o下電視~~~~
又南o個頭……又係染橙色囉!!!!
今年興咩~!?
Toma又係……又南又係……
然後……見到方力申，忍唔住，甜笑~~~
唔~其實我以前都鐘意過方力申，仲要係佢只係全職運動員、仲未出道之前o既佢~~~~~
所以當時我日日都睇體育版~~~~~~~呵呵~~~
而且好似有唔知奧運定亞運，佢有份比賽，真係場場都睇~
第二日地鐵電視重播返，都即刻企定定睇~~~~
當時係我同Ceci仲成日一齊o既時候……

「XY」終於都有第15集……
Jin竟然去o左田口屋企囉……
睇完o個心仲唔舒服添……
點解會係因為田口，Jin先識笑喎!!!
不過今晚我會繼續努力o個"有o的o野"故仔o架喇!!!!
我要繼續令自己幸福~~~~~~~~~~~~~

o係拍賣場o的問答度睇度有人話唔好過20號交收，因為之後佢會過日本……
超討厭!!!!
佢去係為o左咩先~!?
SUMMARY??定Arashi Con???定關8 o個Summer Storm???
真係好想叫佢幫我買磚返o來……
最近邊個會去日本呀????

為o左睇「九五至尊」，所以就早o左去沖涼~~~~~~
邊睇邊寫故仔~~~~~
做完就做「無間音樂」，今晚竟然係韓日風!!!!
太好喇~~~~~~~~~~~~~
成晚都係咁播日文歌……o的韓文歌呢~!?
．首先播Lead o既「Night Deluxe」，我幾鐘意喎!!!有個o個樣都唔差o架~!!!
．然後，又係玉置成實!!!!仲要係「Realize」……好嬲呀!!!相差4年o架嘛!!!點解會揀佢喎!!!!不過佢o個胸真係好大……
．L'Arc-en-Ciel o既「奔向自由」，o個MV唔差~~~~~~~~幾好睇~~~~我都係比較對Tetsu有好感~~~
廣告時間轉去睇Channel V，竟然係Black Eyed Peas隻「Hey Mama」!!!不過只係聽到一半……
轉返台，就係中島美嘉隻「火の鳥」!!!!佢o個MV同o的景都好Grant……唔知o個Baga有無買呢隻碟呢~!?
．上戶彩o既「風」同藤田惠美o既「First of May」，後者o既英文發音好準!!!
最後就係平井堅隻「朋友」，又係之前聽過o既~~~~o個MV好得意~~~~~~~~~~~
途中播o左陳小春隻「萬歲」、東瀛藝能特急報……仲係長頭髮o既剛……唔知o的配音有無私自改到o的對話原意呢~!?
Tokio o既就係鬥快用飲管啜o者喱，Mabo贏o左啦~~~~~~太一輸o左，又係要飲埋o的綠色o野，但係太一話幾好飲~

>>August 9, 2004 at 12:39:10 PM GMT+8

2004 年 8 月 4 日 星期三 【暴雨】

尋晚發夢竟然見到Kore幫我剪頭髮!!!佢幫我剪剪o下，我就叫佢繼續幫我剪，話因為反正剪完都唔夠o個Baga短……仲可以剪短o的……

俾對落o個件o係門口大叫嘈醒……頂佢個肺……
話就話醒o左，但係o個人仲好"支力"，o係張床Hea多陣就起身~
繼續執埋o的雜誌~~~~
竟然俾我搵到o的以前o既Kat-tun呀~~~~~~~~~~~~~呵呵~~~~
阿媽佢o地去飲下午茶，係咁問我去唔去，我都唔會去o架啦……
佢擺低錢就出去，而我就宜家先刷牙洗面換衫出沙田~

阿媽又再打o來問我會唔會落街食飯，又問我駛唔駛打包o的o野返o來俾我食……
金枕頭o個張請人招紙已經無o左!!!咁快就請o左人~!?真係手快有、手慢無……
o係火車睇素黑本散文，不過因為好眼訓，所以都無乜心機睇……
出到去，首先就去羅馬競技場o個邊拎展翅o的o野~
然後就無聊周圍行o下，想搵o個位坐低食o下o野睇o下填埋Form~
入o左買物王睇o下會唔會有我想要o既雜誌……但係無，反而搵到o個好得意o既Figure，係用牛奶盒裝住，o個女仔又有o的似精靈之類o架喎!!!但係一盒都要$35……我放棄……

過o左去東東食o野~~~~好耐都無食過~~~~
因為一個炸醬麵都要廿幾蚊，所以就要o左o個下午茶餐~幾抵~~~~
順便睇o下今年有咩課程o岩……竟然無o左魔術班囉!!!!
太差喇!!!!
而佢酒店o的課程又唔o岩讀……
不過我都係去讀Bar Tender先~然後或者會揀DJ或者西餅~~~~~

o係商務o個邊行陣，有間精品店有Pokemon扭蛋!!!見佢只係$5，而且仲要有正負o個兩隻o野，咪拿拿聲抽囉……
點知播o左三個同款我唔鐘意o既、另外再多兩個我都唔鐘意o既……
有乜理由o架~!?
所以就收手唔抽!!!

落o左去Food Court o個層，見佢RBT請人，所以就去問o下，點知o個個人話台長唔o係度，聽日先再o來問過……
我聽日都唔會出街o架啦……
然後又再問清楚展翅其中一個課程o的o野，o個英文試我相信自己會合格o既~~~~
到時就可以Camp返錢囉!!!幾好呀~~~~~~~
英文我係唔會唔合格o架!!!!

過o左去西田o個邊，諗住搵o下生日熊，點知一個都無……
反而西田前面多o左o的賣日本小食o既檔位~~~~
有八爪魚丸啦、燒餅同糰米滋囉!!!但係最前者要廿幾蚊……
入o左Muji買返o的筆~~~~
因為某Baga關係，我買o左呢世人第一枝紅色筆……<其實都唔太算係紅色，係暗紅囉~佢隻色都唔係寫"赤">
落去下面o個層再搵o下雜誌~
點知俾我見到「少年マガジン」封面係金田一同美雪囉!!!!
超開心~~~~~~~~~~~~~~~~~~
終於有返漫畫睇喇~~~~~~~~~~~~仲要話係長篇連載!!!!
但我無理由期期買呀嘛~!?兼且呢度買貴~星期六出銅鑼灣買~~~~
真係真係好開心~~~~~~~~~~~~~~~
今次係「吸血鬼傳說殺人事件」~~~其實我係想知道金田一走o左o個段時間究竟佢做過o的咩囉~~~~
咦……但係仲有「探偵学園Q」o架喎……咁即係點~!?

過o左去沙田中心間零食物語，竟然有我隻生日熊喎!!!
仲要有兩隻!!!
今次咁快就買到真係好~~~~~

之後就諗住上連城o個HSBC，點知話部存錢妥Update梗……
咪過返去好運o個邊o個間囉，點知又係Update梗……淨返部俾人用都好丫!!!
行過Pie & Tart見佢請人，於是就問埋，填埋Form……
o個女人好好人，睇完我o的資料都同我講話人工低、又要做埋清潔、而且要輪班<佢應該係想叫我唔好再讀書>，不過我都係話唔緊要~
佢就話OK o既會打俾我囉~
不過我唔記得問佢每日返幾多個鐘……

行過Bread Papa，佢竟然賤到用o個大o個o的企o係度o既Banner o來遮人o個張紙囉!!!
好心係要整走佢啦!!!!
到時有人o來應徵，又話請o左人但係張紙又o係度丫……
今日行o左好多路，頂唔順，要返屋企……
好彩火車度有位俾我坐o下訓o下~

o係火車站間零食物語搵o下生日熊，都係無Baga o個日……<泣>
心血來潮就入去報紙檔睇o下有咩雜誌，最後都買o左本「新假期」……
然後竟然俾我見到呢度都有得抽Pokemon囉!!!
即刻抽返隻~~~~係Pikachu啦~~~~~~~~~呵呵!!!
返到屋，無聊就同阿大阿細玩，連阿媽都覺得出奇……
摺o左兩隻飛機俾佢o地，玩玩o下佢o地已經話要飛落街!!!勁!!!

o係KKF睇o左篇寫o個Baga做鴨o既經驗……
哈哈~~~~
佢實會第一時間走去搵Kame，然後再嗲佢食!!!!<爆>

食飯時睇埋o個少少「新聞透視」，又講到旅遊業o個o的……
仲話幾年內會有10間酒店落成……有無咁多呀???
「全線大搜查」有Smash!耶~~~~~~~~~~~~~~
超型!!!
但我想知播o個首係咩歌……
一定唔係Freeway囉……

係咁上網搵金田一o的網，竟然話佐藤文也係女仔o來o架囉!!!!
真係唔似喎……
好少女仔o的畫風會係咁囉……
嗯、突然覺得佢好勁~~~~~~

Up o左o下Info~
為o左搵返SUMMARY係幾時開始，就上網搵~
睇o左一o的日本網，o個女仔o係度寫Kat-tun7月16號上MS時o既Report，我睇完一次之後就開埋片段o來睇……
o個Baga唄「ノーマター・マター」時的確係轉快o左喎!!!佢唔講我一路都唔覺……
<應該話係無人留意到……個個都只係話佢一個走去著白色鞋……>

終於都執完呢堆雜誌喇~~~~~
期間我都真係覺得優香有o的似小山……第一眼見到時我仲問：點解會有座山o係度o架~!?
最後都淨返o個o的Fashion & Beauty……
感覺好無力……
而且日文o既口技原來係アップ~~~~~

睇o左篇Kame同Jin做男公關o既故仔，就突然諗返我之前話要寫o個個J系男公關故仔~~~~
既然o的人都已經攪掂晒囉~
好想快o的開始寫添~~~~~~~~
我同Jin一定會有o的o野o架!!!
因為我相信自己唔會咁快走出呢個赤色沙漠之中!!!
嘩哈哈~~~~~~~~~~~~~~~~~~~~~~~~~~<飛走>

12點幾有人打o來搵對落o個件，呢排都有買家或者係佢o的Friend打o來，阿媽又唔話喎!!!
邊睇「九五至尊」邊寫我同Jin"有o的o野"o既故仔~~~~
沖涼o既時候已經諗好o左o個公關故仔大約係點o既去向~~~~
所以宜家寫得超開心啦~~~~~~~~因為我同o個Baga!!!<爆>
都算寫得多o架喇……
而且仲唔係只寫對白喎!!!係有埋其他動作描述，基本上都見得人o個o的!!!
至於「九五至尊」……四娘同大蝦最後攬埋一齊呀!!!!
希望聽晚o個集佢o地o既關係會有突破啦~~~~~~
睇o左陣「無間音樂」，又聽o左「與神對話」同「吻別的位置」，終於聽清楚o個女仔最後同克勤講咩喇~~~~~~~然後再聽o左Bliss o既「活該」，就係成日聽到o個首歌!!!我的確係已經脫離o左香港樂壇~~~
睇完再睇「裸の少年」o既水運會~
原來o個Baga下面都……<淫笑>
不過佢o個o的「Jin叫」……的確係佢o既特徵……我仲未做到呢點……

>>August 8, 2004 at 11:12:20 AM GMT+8

2004 年 8 月 3 日 星期二 【溫暖】

尋晚發o左o個夢<好似好耐都無提過自己o既夢咁……>其實唔知點講出o來，地點就係火車站出面條橋同馬路位，然後就有一家人要去表演……o個家人平時就係賣富豪雪糕o既~
然後到佢o地就o來表演o既時候就開始落雨，而我呢個負責就睇場o既人就叫佢o地準備，但係突然之間話有人要殺死o個家人o既公公婆婆，o個家人都收到有咁o既消息，所以就帶o左隻有靈性o既黑色狗o來，隻狗見到我仲撲o左出o來啦~然後就要帶佢o地好安全咁去到o個表演場地，忽然聽到鎗聲，見到有好多人拎晒鎗出o來，o個家人就帶o左o個公公婆婆上另一架七人車，而我就負責帶住隻狗去攻擊，之後就聲o左喇……

起身睇o下展翅o個度係咪真係今日開始，但係hea hea o下都係聽日先去~
兼且我唔想連續兩日都o係屋囉~
上KKF好努力咁一次過睇晒20集o既「虹」……Kame同Jin再加Pi……唉~
最後仲要淪落到Pi俾人強姦，仲要話總共都有十幾次……<悲>

因為要打返日記，所以就上o左「Friends」o既官方網~~~~
Jennifer Aniston真係好靚~~~~~~
而且仲o係Yahoo!首頁再睇多次「Collateral (同行殺機)」o既廣告，
我．想．去．睇．呀!!!!!~><~

睇到好多消息，三件都令我要尖叫……
首先就係Kame自己Solo一個上Fashion雜誌封面 + Interview囉!!!!
我要買呀!!!!><
宜家都未Debut，就已經做到好似Debut o左咁……

然後就係Uchi做第三代金田一囉!!!不過唔係連續劇，只係特別廣播，11月9號就播喇~~~~~~
係真係好唔似o既貴族金田一，我覺得到時睇o既時候我會爆笑……
『我自己本身也看過堂本剛及松本潤兩位前輩所拍的金田一，看到他們的演出，自己也感覺到要加倍努力才行!!』
但係，邊個做美雪先~!?

最後就係Kat-tun上「Top Stage」封面!!!
當然就因為Summary啦~~~~~
睇o左o個封面啦~~~~~~超靚!!!
但係Jin拉直o左o的頭髮……竟然會短過我!!!
http://www.tokyonews-webstore.com/topstage/index.html
我又會買o架喇!!!嗯~~~~~~

睇o左「紅太陽」o的Capture圖，睇完之後係幾大個無奈……
Uchi做咩要撓頭髮~!?點解仲要著件類似Cardigen o既o野~!?點解仲要o係條頸仲綁絲巾~!?
係得阿Pi件o野係白色，睇落先無咁奪命o乍……
夠喇……可唔可以俾返o個正常少少o既PV我睇呀……??

因為唔想浪費體力去撕雜誌，所以就改做揀返o的要o既雜誌出o來~
真係輕鬆好多啦……
阿細拎o左兩封信入o來，佢唔識講信箱，於是我就教o左佢講o個個叫信箱~
唔……希望佢會記得啦~

唔知點解，硬係覺得阿媽有o的o野……
佢好似係有不滿……
但係聽佢同我講o野o既時候又無乜o野咁、仲問我買唔買飯~所以就算~
佢仲竟然俾返百佳禮卷o的錢我!!!
一早都話o左唔駛俾返我o架啦!!!平時都無咩o野買俾阿媽，所以先俾張有o的用o既Coupon佢，o個時佢都有問我駛唔駛俾返錢佢，都話o左唔駛o架啦……

小龜夜晚先打o來，
既然佢都Down梗J2000版本o既話，咁就唔駛Send佢啦~~~~~
而且話已經約o左今個星期六晚出去……
o的動作駛唔駛咁快~!?
不過我就話睇o下聽日見工o個度點先~~~

o係日本拍賣品睇o個Baga o的相，見到一o的好靚o既Baga!!!
點解香港無得賣~!?
駛唔駛唔齊貨到咁~!?
好彩o個賣家都話可以寄Oversea……即係我有機會!!!<笑>
然後睇睇o下，我又尖叫……
原來連o個Baga耳骨都有耳環o架!!!!
今次真係耳環而唔係污糟o左!!!
究竟呢個人有幾多個耳洞o架~!?
不過耳骨我都係宜家先見到……
攝影師真係好~影側面~~~~~^^

諗住開Icq，點知又死o左……
而對落o個件又再Log In返……睇o來我真係要加密碼先得!!!
兼且宜家佢又無設定要Password o個o的喎……可唔可以永久Delete o架~!?
有乜理由佢就可以兩部電腦都用晒先得o架~!?

沖完涼就睇「裸の少年」~~~~~
仲要係睇「赤西軍團」~~~~~~~睇到我超開心~~~~~~~
然後就繼續執雜誌~~~~~
執到3點幾，熱得滯，頂唔順先去訓覺~

>>August 5, 2004 at 10:52:22 AM GMT+8

2004 年 8 月 3 日 星期二 【陰】

因為係夜晚，所以就用陰~
睇完Apple同小龜o既日記，再加埋我自己多個月o來一直以o來o既想法，
我決定用o岩o岩洗碗o既時間去諗o野……難得我咁認真，俾返少少Respond我都好!
雖然可能唔太關你事……

開頭點開好呢……?

我都覺得，經過漫畫展之後，有o的o野係的確幾令人失望……
我唔知我o既失望等唔等於佢o地兩個o既，又或者其實只係我自己個人o既偏見……
開頭以為呢個Distance o岩o岩好，大家唔會有o的咩不滿，
點知唔係……
對於我個人o來講，同朋友o既最好相處方式就係保持一段距離，你唔會干涉到我既事、而我又唔會干涉到你o既生活。
你要我幫你，我幫到o既我會幫；你無錢用，而我又有多餘借到俾你o既我會借；你悶，想搵人陪出街o既，我得閒我會陪你；你有咩想呻、我會聽；我發癲o既時候、你又會笑o下；
我o地唔駛日日傾電話，睇到你日記、耐唔耐一個E-mail或者Icq，知道你仲生存梗，仲安好o既，咁就已經夠。
我o地可以耐唔耐出o來食餐飯，得閒約埋一齊出o來玩返日，再唔係o既，去Camp o既都得!!
同普通朋友o既關係無咩分別呀呵~!?
你唔會唔滿意我同o的咩朋友出街、我又唔會唔鐘意你同邊o的朋友一齊玩。
我又唔會唔滿意你有o的o野只係同A朋友講而唔同B朋友講、你又唔會唔滿意我只係同C朋友傾電話而唔同你傾電話；
呢個距離，對於我o來講，o岩o岩好，
其實都唔係好難做到o者……
我覺得我同露比 & 蘇菲亞 / 小龜 & Apple佢o地就o岩o岩好係呢種距離，
o係呢種距離之下，大家應該睇唔到對方o既缺點嘛~<對我呢種超遲鈍o既人o來講的確係咁>
而且我的確無對佢o地不滿o既地方<指性格>~除o左Apple o個o的「近距離遲到」之外……
太過近o既話，對於我o來講，雖然都唔會話因為咁而睇到對方o既缺點，但就硬係有o的唔慣咁……

可能呢篇o野同我以前o係日記嘈o個o的講o既會唔同，但係呢篇係最Update o既版本~
因為我好多o野都「算啦~」咁就過去o左~
個人都係會開心o的o既~

仲有，我一路都覺得既然大家都對對方有不滿o既，點解仲要做Friend??
問題又解決唔到，繼續循環落去，咪又會繼續有嘈、有不滿???
所以我已經逃避梗，諗住咁樣拉返遠o個距離……
再唔係o既，我覺得可以當面講<但語氣一定要平靜為首要條件、而且唔可以講粗口同郁手!>，睇o下大家有咩共識仲好啦~
對方唔肯改、而你又頂唔順o既話，咁咪一係分開一陣囉~
睇o下大家會唔會o係呢段時間諗通。
如果都真係覺得唔適合o既，咁咪算囉~
「好榮幸生命中有過你呢個朋友」，但係我覺得如果係第一段所講咁o既關係，照計大家應該都唔會有o的咩不滿o架喇……
嗯、基本上就係咁……比較自我中心o的o既想法~

講完一大論，我都覺得其實有幾難做到……
特別係最後o個o的……
而且，我真係做唔到張小嫻呢類作家……<苦笑>
因為我o的Points都好無力……<飄走>

>>August 4, 2004 at 1:28:52 PM GMT+8

2004 年 8 月 2 日 星期一 【晴】

10點幾就起o左身，枉我仲成晚開住電話等小龜打o來……
見佢o地無人打o來，所以就用陣電腦先~~~~~
上KKF睇o下o的故事，專揀o左o的有H o既o來睇~<晨早就充血唔係咁好喎~>
然後就搵埋o個Baga鐘意o既顏色：紅黑白灰銀，而黑白灰仲要比其他多一票~
Send Message俾Apple，好彩佢帶o左o野俾我o者~~~~
然後就叫我繼續等小龜約我……
結果佢唔打o來o既答案係驚嘈醒我……咁我尋晚都叫o左佢打o架啦!!!
好彩係約兩點半，我仲有時間準備~~~~~
睇到傳聞……竟然話Ya-ya-yah將會出碟囉……歌名好似係未聽過o既歌~Side B o既就係o係少俱唄過~
然後，關8班人……去晒人o地o的Con做宣傳……Aia仲話會買佢o地隻CD添呀~~~~~~
哈哈~~~~不過都唔會影響某人要買o既決心!!!
但係……已經俾人訂爆……無得買!!!!
有o的CD舖可以俾人訂最多10張，咁o個o的人咪可以拎返出o來賣賺錢~!?
初回五萬張……希望到時會加印啦……
Subaru仲要話希望關8可以向世界中心進發……而喜多川就好似話Subaru好o岩唄瀕歌囉……<雖則我都覺得出奇地好聽……>

差唔多時間就出門口~
o係火車度繼續睇埋本「永不，永不說再見」~順便打o左俾Daddy，問佢發記o係邊~
我竟然好準時咁就到o左銅鑼灣!!!小龜之後到o左，同o左佢講今日睇到o既o野~
然後就俾埋o的VCD佢睇~~~~~
等多差唔多半個鐘Apple先到……
上地面o既時候見到樓梯o個度全部都係Disney o既圖，即刻拎部手機出o來影o左Beauty & the Beast o個張~因為我唔夠高，小龜負責影，但係影完之後張圖更加反光囉……<無奈>

係咁叫Apple請食飯~~~~~嘩哈哈~~~~~~
去o左發記，食o左佢o個楊枝金露，o的芒果勁大舊，但又唔酸喎!!!
Apple就俾返o的o野我，佢有睇到o的o野啦~
然後就同我講話原來木村都係食Lucky囉!!!!呢個我就真係估唔到呀!!!!
不過宜家又多o左好多人食Lucky……開頭淨係我、佢同大隻佬之嘛!!!
食完就去世貿，點知o個度間Godiva無o左……
轉移陣地去Sogo o個間，期間就見到一個男仔著住Polo衫但打學校呔、下身著短褲!!!
咁係咪我下次都應該咁著呢~!?
Sogo竟然無+X賣囉……而小龜就好開心咁買o左o個Twin Stars公仔……
佢仲係咁話包O'Zack好味……其實都唔算貴丫~~~~~~~~~

終於拎到人o地o的Catalogue~
小龜去俾錢o既時候我就同Apple去o左「果子店」，都話係「源吉兆庵」囉!!!
然後就過去City Super，已經見到o個女仔手上拎住盒Lucky啦……
唔係連呢樣o野都吸埋呀嘛~!?o的人宜家先浮晒上o來……
的確係好似露比所講咁，Sogo有o既o野、City Super就無，呢度竟然有+X賣啦!!!但係只有Red Berry味~
算，照買!!!
竟然見到譚玉瑛姐姐!!!佢睇落真係好後生，但係小龜話佢搽o左好厚粉……
Apple話想食雞，所以就同佢一人一半~
排梗隊o既時候，Apple又再一次開口中，L真係宜家先打o來~
而且，o個少少o野唔駛用膠袋啦……
Apple過埋去睇o下有無o個本日記之後就去Page One搵L……
我就買o左Dought，原來真係叫「甜甜圈」……
見到差$5就有多3粒，所以就買o左$15~仲要兩隻味要晒~~~~~~要埋o個藍莓醬~
再等埋買完o野之後就行去會展~

途中有人搵我做問卷，見到佢份問卷唔長，兼且佢又話可以邊行邊做，咁咪算囉~
點知就俾L一手拉o左我走，仲要因為咁而整到o個細路女……
我的確係不滿!!!
L就話我平時都會撞人o個o的，但係我會唔會去撞o個細路女呀??
腰都未過o架!!!
兼且佢都識話夏天會幫人拎o下o的傳單啦，咁我都幫人填o下問卷無咩問題呀嘛~!?

幾經辛苦終於去到會展~
我拎埋呢幾日o既Pass出o來~
同小龜入去先~
又幾經辛苦先入到去、返到攤位，點知入到去，又係只係可以企……
後面主筆o個檔又勁多人……
然後就叫小龜拎Pass出去俾佢o地，點知佢o地話去拎免費飛……

檔都無位企，所以就同小龜 + Apple周圍行~
不過首先要寫埋o的咭片先~
肥仔仲俾張凳我坐，不過張凳細得滯，我係唔會坐o既~
主筆幫我畫o左卡通Jin，我只係望o左一眼<就係拎返o既時候>，就已經唔敢再望，唔係因為畫得核突，而係呢個Baga笑得太好喇……唔好意思再望……><
拎晒所有o野就周圍去行~
原來葉世榮真係o來o左~仲唄埋「光輝歲月」，佢真係好感蓋宜家香港對Band Sound o既態度<我覺得>
周圍行o下咁~
o個對モコナ=モドキ平o左喇!!!$68一隻!!!真係好想買晒返屋企o架……
終於入到去Lego o個檔，Apple話想要人o地o個膠袋囉……去豬女去拎o個咪得囉!!!<因為我無o野o岩買~>
肥明再一次打o來，於是就叫Apple幫我聽電話……
如果佢肯講低搵我咩事都好啦，佢又無講喎!!!
然後聽到Apple同小龜o既結論，我又開始驚……
連其他人都咁覺得……
但有乜理由隔o左成年先有行動呀???
我會開始避佢o架喇……<雖然呢排我都已經避到唔聽佢電話>

o係另一度都見到有モコナ=モドキ賣，細隻o的，而且額頭o既只係一粒珠~都要$150一對……點解仲貴過大隻o個o的o架~!?
陪Vivian排o個Mega Store~好彩都唔算耐就入到去~
今面其實無咩o岩~不過見到有素黑o既小說而且只係$14所以就買返本o來睇~~~
我太愛素黑啦~~~~~~^^

我同Apple走先~
返到去，食埋o的Dought，就出o左去外圍坐~
傾o左o的好無聊o既o野，之後L o來坐o左陣就返去~
Apple都話返去~我就做埋想做好耐o既o野先返去~
原來唔止一個人見到我星期日o個死樣……後面檔仲有人住粉嶺o架!!!!><太差喇!!!!

終於都夠鐘收工，但係o的人死都唔肯走~
而我就過後面檔度玩~~~~~~
好耐都無玩到咁癲啦~~~~~係咁繞場走~~~~~
玩完之後係"支力"，但好舒服~~~~~~~
差唔多9點都未走得，o的Staff直接走過o來催我o地走~
我o個公仔就派埋俾想要o既人先至拎返屋~
問豬女間舖賣o的咩，佢就話係差唔多o既o野，佢知道我拎o左張咭片之後係咁叫我帶人o來囉~
原來佢間舖開o左一個月度o乍~
我一定會去搵佢o既~~~~
因為我整唔到隻耳環……

執好晒o野就同後面檔一齊走，仲以為會一齊食o野添~
講好今晚要7P o架嘛!!!不過原來後面檔仲有人純情過Apple!!!!唔知咩係7P!!<雖然係誇張o左o的>
幫Apple講o左佢想食飯+唔想行o既心願，於是就o係灣仔食埋o野先~
去o左間日本o野食~
嗌o左兩個二人套餐加一o的小食~
o的文具就遲o的先拎返~
同Aoyi兩個表妹 + 小龜同Apple一齊搭地鐵~
聽o左o的好無奈o既o野……

返到屋企樓下，見到原來係請夜晚8-12，呢段時間都幾好丫~~~~
o係酒店度都已經令我鐘意返夜晚工~~~~~
但係因為開頭有o的猶豫，所以無入到去見工，
諗諗o下，咁我到時就算真係讀展翅o既話都無任何影響啦~!?
嗯，咁就聽日拎埋o的去見工啦~~~~~

P.S.果然，我唔笑o個樣係惡o架o下!!!
因為露比之前都話過我……
然後今日Aoyi講返後面檔o的人都係咁形容我……

>>August 4, 2004 at 2:13:09 PM GMT+8

2004 年 7 月 31 日 星期六 【晴】

今日休息一日，所以就留o左o係屋~~~~
順便訓晏o的~
不過因為尋晚玩得癲得滯，今日沙聲兼講o野走音!!!
我阿媽仲以為我喉嚨痛……
諗住叫Apple拎返o的煙同相俾Aoyi然後等佢今晚一次過拎俾我，但係Apple竟然話無帶出街!!!!
太．差．喇!!!
咁即係都要星期二先拎得返……
而且佢仲話想聽o下我走音把聲係點……我就話會咬返正o的聲先同佢講o野!!!
其實我係做到呢點o架，但之後又會突然之間走返音……<汗>

睇返o的舊o既中文Wink up，Jin竟然話因為細路而開始玩「真．三國無雙」囉!!!!
我o的攻略已經Throw Away晒啦……
點解宜家先俾我見到呢段o野……<泣>

上o左J系論壇，原來佢o地講o個首「用愛留住我」就係Kame唄o個首「離さないで愛」，不過點解會咁譯o架~!?
等我仲以為剛又作o左新歌俾佢o地……
然後再邊睇邊聽~~~~~
呵呵!!!感覺太好喇~~~~~
剛就係話呢首歌係用女性角度寫o架嘛~!?
嗯、咁就叫Jin唄俾我聽啦~~~~~哈哈!!!

再睇到就係話Kat-tun尋日去o左浜松町度影新o既Shop相!!!
都係因為Sumary o架啦~!?
好期待丫~~~~~~~

唔知點解會變o左做執窗台o既o野~
執完之後，原本有4樑o野，都變做得返兩樑!!我都覺得自己好勁~~~~~~<笑>
見洗完碗仲有o的時間，於是就走入阿爸房睇「Friends」~~~~Phoebe結婚啦!!!!好彩有睇到o乍!!!
不過，如果o個個禮拜日我都洗碗o既話係好難會睇到Friends……

阿媽又再問我把聲咩事，我就話係玩得癲得滯，佢o個樣即刻變無奈囉!!!
執到夜晚等Aoyi打o來就過火車站拎o野~
途中Vivian打o來，於是就一路行一路傾~
我聽日唄到歌o架啦~~~~~~
去到火車站，Aoyi就話今日做到九百幾蚊生意，咁都好好啦~~~~~~
返到屋，阿媽都話估到我咁夜出街做咩~

然後沖完涼，阿媽問我耳仔戴o個隻咩耳環，我除出o來俾佢睇，佢竟然都話唔差!!!^0^
佢竟然會咁講我先驚!!!不過隻Lego耳環的確好靚~~~~~^^
執晒聽日要拎o既o野出廳，攪到0230先訓……

『用愛留住我
用愛捉住我
只用甜蜜的 歌 唱給我聽
在你的身邊
我毋需逞強
輕輕擁在懷裡 夜空 來跳舞

誕生自 痛苦中的事物
總有一天 會讓你變得更美麗
你總是不經意的 說出我心裡的痛
令我有一點不開心

或許我很任信
但是我倆之間
突然的加速前進 令我很沒安全感

用愛留住我
用愛捉住我
只用甜蜜的 歌 唱給我聽
在你的身邊
我毋需逞強
輕輕擁在懷裡 夜空 來跳舞
請你讓我變得 更美麗

過去我總是
習慣去懷疑
帶著害羞的心情 望著你的背影
我渴望能走在
你那雙純潔的目光裡

在這個世界裡
我唯一能夠托付的
一份暖意

用不遲疑的愛
用不矯飾的愛
從雙唇 吐露一句 我愛你
只要靠這個聲音
就足夠讓我活下去
輕輕擁在懷裡 夜風 來跳舞
請用更多的吻 讓我解體

用愛留住我
用愛捉住我
只用甜蜜的 歌 唱給我聽

用不遲疑的愛
用不矯飾的愛
從雙唇 吐露一句 我愛你
只要靠這個聲音
就足夠讓我活下去
輕輕擁在懷裡 夜風 來跳舞
請用更多的吻 讓我解體』

>>August 4, 2004 at 9:34:41 AM GMT+8

2004 年 7 月 30 日 星期五 【晴】

仲以為Kat-tun未出道都上到堂本兄弟……
作者真係勁……
咁都作到，仲要勁真實咁，就好似份Report咁……
我都想佢o地快o的上到堂本兄弟~~~~~

>>July 30, 2004 at 4:59:24 PM GMT+8

2004 年 7 月 26 日 星期一 【晴】

搬o左o的TT o既o野過C Drive，等o個D Drive郁返先~~~~
o係KKF度見到有人Post o左o個叫「Forbidden Siren」既網址出o來，就上去睇o下啦~
感覺……真係有o的恐怖……仲恐怖過官方網!!!
兼且真係玩o左好耐都唔知玩咩……
又驚佢會突然彈o的o野出o來喎!!!所以都係拿拿聲Close o左o個IE……
邊個想上去就去啦!!!
http://www.forbidden-siren.com/

順便搵埋展翅o個網，8月4號5號o係新城市會有展覽可以即場報名~
咁我應該到時先去定宜家拎定份報名表格~!?
但係最梗要都係睇o左有咩課程先~~~~~
L打o來，我都係唔想傾電話，所以好快收線，之後就俾佢Send Message o來話，咁我宜家的確係唔想傾電話呀嘛!!!!
咁又唔得呀????

下午又繼續執o野，o係一箱重同一箱大之中揀o左後者o來執~
諗住搬箱重o既上有轆o個箱o既時候，因為我係Drop落去，o個膠箱o既蓋都爆o左!!!!
一邊聽住歌o來執~~~~~~
入面，大部份都係o的要拎上拍賣場賣o既o野同Catalogue……
Throw Away o左o的唔太緊張o既Game介紹同攻略~~~~~
我又發現：原來自己儲埋儲埋好多三級o野!!!要分開Throw，費事俾阿媽見到~~~~~~
阿媽同阿大阿細去探阿婆~~~~阿媽仲幫我搬o左尋日同前日執出o來o既o野落街Recycle~
4點幾o既時候就落街買o野食，過o左去華明，阿媽尋日講o個間度食，只係買o左雞柳o來食~
好懷念以前學校o個o的$5三粒o既雞柳呀~~~~~不過呢度$6四粒，平少少啦~~~~~
再買多o個蛋沙律包食~
$10.5就係我o既Lunch~~~~~~

因為係阿媽將我o的o野搬入o來，所以攪到o的次序亂晒!!!
一本雜誌Cut出o來o既，都可以o係唔同地方發現……
點入File呀???
下次叫返我擺啦!!!又要分開幾次，分都唔係一個問題，但跟返次序先得o架!!!
如果唔係咁我順次序o來撕雜誌有咩用~!?
所以我今日只係揀唔要o既Throw o左先~遲o的先算!!!
搵返梁韻然本中史書啦……
然後再搵到o的哥哥死時o既雜誌……竟然仲有o係度……

好似尋寶咁，竟然搵到好多日文雜誌，有o的仲要有阿Jin o係度o既!!!!
太好啦~~~~~~~~~可以搵返~~~~~
Down o左o的歌返o來~~~~包括t.A.T.u o既師弟Smash! o既「Freeway」，但無我想像中咁好聽~
仲有Kt隻「Red Sun」、Madonna隻「American Life」<因為睇返雜誌介紹，就想聽返，點知原來係無"Fuck it" o既版本>仲有幾經辛苦先Down到o既「雨のMelody」!!!!!
我又太愛呢首歌啦~~~~~~~~~~~~~~~~~

去碧湖食飯，阿媽又叫我搬o的唔要o既落樓……
我想儲埋一次過先Throw Away啦!!!
阿媽見到我黑晒面，都叫阿大阿細唔好嘈我~
又係要我清晒o的o野，我都好飽o架!!!
打包o左o的中式牛柳聽晚食~~~~
屋企無晒牙籤，阿媽就叫我拎人o地o個o的……雖然係好無奈，但係都照做……
仲要話洗返尋晚我拎o來食蘋果o個枝諗住今晚用囉!!!
然後就係我同阿大o既對罵，來往o左7、8句啦~<連隔離檯o的人都望住……係因為阿大把聲尖>
阿大就俾阿媽叫停o左……將來佢兩個……實好難教!!!!
o係根下見到熟人，阿大阿細就過去玩人o地o個BB，o個BB俾佢o地攪到皺眉頭囉!!!

返到屋就開始Send o野俾L，一路Send一路執再一路同Toby ICQ……
佢o地約o左8月2號去唄K囉……我都想去呀……
但係要去漫畫節幫手……
我真係想去唄呀!!!!!~><~
俾阿媽問我做咩好似食o左火藥咁，你出少句聲唔好煩住我o既咪無o野囉!!!!
阿爸竟然聽晚就返……好無癮……

連「24」都無睇……
唔可以再唔睇o架喇!!!!
Send o左兩個幾鐘終於都Send完~
Send完拿拿聲Off，開返o的Kt o來睇~~~~~~
之後L就打o來問我做咩咁快Off……

對落o個件竟然唔開冷氣訓，佢就話等我訓先開喎……
沖完淙首先開返隻「Now that we found love」o來睇~~~~~~~
然後就一邊執埋o個少少一邊睇埋o的少俱~
阿媽要曬衫，但因為我間房係幾堆o野咁攤晒出o來，費事佢踩到或者Kick親，所以就我入去曬~
點知阿媽就話佢唔會踩到我o的o野……
但我想話，近窗台位o既地下全部擺晒o野，我自己都踩到啦!!!佢又點會踩唔到呀???
佢踩到o既我仲驚佢唔知知點整走o的雜誌啦!!!!實皺晒o架!!!

執完睇埋都去訓lu~~~~~
費事L煩，Send o左Message俾佢。
訓落張床度，真係發現自己訓o既位又少o左……以前都仲有5分3o架嘛，宜家只係得返半張床……
阿媽叫我搬埋床o的o野落箱度，唔再話係驚張床會跌落o來，而係話覺得我會訓得唔好……
難得佢會咁講喎……
不過我知道自己要點執o架喇，唔好再煩好唔好??

>>July 28, 2004 at 10:57:25 AM GMT+8

2004 年 7 月 25 日 星期日 【晴】

訓到十一點幾先起身，同樣上網繼續Down o野~
但係對落o個件換衫o既時候有嘈醒過我一陣~~~~~
下午o既時候就先過去上水入錢~~~~
咁o岩行去火車站時就o係公園同對落o個件打對面咁行……
買o左本「Fashion & Beauty」，宜家無o左「Love Actually」睇，就因為有100開心Tips而買~
入完錢就即刻係咁轉賬~
順便幫阿媽買埋奶粉同阿大阿細要食o既得利$1個香蕉蛋糕仔~
期間見到有個阿伯同o的職員嘈……好似話o個包有o野喎……我就見到o個包低o個張紙撕開之後有隻o野啦……

o係粉嶺中心間麵包舖買o左o個蛋撻，見到佢話請人，仲要只係做12noon至6，o的時間都唔錯咁~~~
但係買麵包要記價錢收錢好辛苦……
而且又唔知佢係咪請暑期工喎……
坐o係公園食埋先返屋企~~~~順便寄埋o的錢~

返到屋企就繼續執o野，今次就輪到執o個膠箱，入面全部都係o的報紙……
睇返o既時候，好懷念以前o既「Puff & Pastry」，Repeat o個年成日都買返學校食~
但一定好快俾人搶晒……所以我一定食得好鬼祟~~~~
宜家係咪已經執晒喇~!?
另外仲睇到份東方副刊有讀英皇時隔離班o個男Model……呢份雖然係02年上半年o既，但佢o個樣同讀美皇o既時候都無咩分別，但，唔知係咪佢想學Edison啦……
Throw Away o左好多食譜……咁又空o左半箱出o來~~~~
竟然俾我搵返當年Jr. o來香港時o既報紙!!!
我有Keep到o架!!!!
入面有阿Pi、阿Jin同田口~~~~~報導話阿Jin當時雖然係笑笑口咁，但其實佢差o的就「仆街」收場囉……
睇返以前自己寫o既o野，都覺得核突!!!!

阿媽繼續買生炒排骨食~
仲整o左豬肉餅~~~~~~~~
今日執o野o既時候，就聽埋120至240 o既歌，
o岩o岩好兩日就聽晒Down返o來o既歌~~~~~~

諗住Send o野俾L燒碟，因為o的o野Down到o個D Drive無位，但係見到咁耐都唔打o來，所以就打去，佢竟然出街食飯……佢有講過咩~!?之後就話係我趕住收線……
咁咪算囉~
唔Down住!!!
但我好無奈o既就係星期六同佢講話會寄錢，佢就同我講無錢，叫我俾住先，但係宜家有錢去食飯囉……

o個「離さないで愛」又Down多o左o的lu~~~~~~~~^0^
但Down得最多o既係「LOVE or Like + Heartbreak Club」……仲有20MB度就Down晒……但因為我比較想睇上面o個先Stop o左唔繼續Down~~~~
o個Baga竟然"浪"隻右腳上檯咁坐!!!!>.<
又再一次無睇「las Vegas」……
沖完涼，出o來o既時候見到阿媽我睇梗Throw Away o個o的食譜，係問我係剪邊邊，我就答佢：你覺得我剪邊邊剪得靚o的o既咪係囉~

睇埋綠色盒晒後o個三隻，
好鐘意Pop Jam Super Stage!!!!今次隻「Now that we found love」跳得好好~~~~~~~~~
特別係某個Baga啦~~~~~~~~~~~
我又太愛喇!!!!所以Total睇o左兩次~~~~
順便睇埋o個裸少一周年，原來之前Down o既話阿Jin First Stage就係o係度Cut出o來……

P.S.我真係唔鐘意傾電話!!!
特別係只係打o來o既原因係「睇o下我做咩」!!!
由一梗o既時候開始，我已經講過話我唔鐘意傾電話o架啦!!!

>>July 28, 2004 at 10:56:46 AM GMT+8