2004 年 10 月 1 日 星期五 【晴】

尋晚發夢，又見到阿斌同Kristy……佢兩個做咩連續兩晚入侵我o個夢~!?
不過o個背景都幾好笑~
類似日本古代o的武術訓練學校，然後有比賽鬥快去救人~
但係之後唔知點解會o係新城市廣場出現、仲去o左玩超動感影院囉……Kristy仲要坐o係同螢幕90度角o既位度……

o係火車度睇本Oricon，老大……又大隻o左喇……>///<
見到佢手腕o個位……呀~~~~~~~~~~~~~~~~~~~~~~~~~~~~~~~~~~~
再諗返起o係PV入面佢企前面跳舞……又係咁型…………<臉紅>

關8又會再出Single……死老頭真係諗住令到關8成為演歌團體「預計也是走快樂的演歌、歌謠曲路線。」
Subaru出年就同阪本一齊演舞台劇，叫Never Gonna Dance，o個名聽落好正囉~~~~~
Baga屋企多o左隻狗，o個名竟然係叫「ピン」，係用山ピーo既『ピ』同Jin o既『ン』合併而成!!!!改名o既當然係Pi啦……睇完之後……真係覺得佢兩個太Love Love喇……<汗>
突然就諗到一個故事~其實都只係女版o既「你是寵物」~~~~~不過我仲未知道究竟松潤o係入面點解會俾人遺棄……因為如果係我寫o既話，寵物只係一個代詞 / 形容詞~

o個日記終於都好返……
但係我仲有兩個禮拜日記未打!!!!仲要日日都有好多o野要留念、記低!!!!
點算~!?

>>October 2, 2004 at 4:35:57 PM GMT+8

2004 年 9 月 30 日 星期四 【雷雨】

尋晚發夢，夢見我、阿斌同Kristy踩完單車之後上o左阿斌屋企，仲見到佢媽咪添~
但係媽咪呢個人竟然會係L o既阿媽……<汗>

『美仁呀美仁~你快o的過o來俾朕抱o下啦~』
就係因為呢句說話，令到我俾Apple同Vivian話好得意......我先唔會得意啦...>///<

連Kore都睇到尋日踩單車時撞到o個度腫起o左......我只係覺得痛o者...先係當時舉唔高隻手，到夜晚返到屋企沖涼，直情連肩胛骨都掂唔到!!!隻手伸唔到去後面囉...

然後，L同Kore就好無聊咁話我o地四個會似A團邊個，結果佢o地諗o既o野一樣：Sandy係Aiba、Vivian係Sho、Apple係Ohno、而我就係Nino......
我係Nino o既原因係因為眼訓時又會走去纏住Ohno o來訓、而且性格上都差唔多~
訓o左o係Apple大脾，佢就係咁話我適合做Majun o個角色，原因：因為我夠放...<汗>咁就適合做寵物o架喇咩~!?咪玩啦!!!而且睇怕佢都真係當o左自己係小雪，係咁摸我o個頭...雖然我唔介意俾你當做寵物o者...之不過我真係好眼訓!!!

一路BBQ，又係咁流鼻水，都唔知攪咩...前日燒o野食時又係咁，宜家又係...
因為咁，就俾Kore話我激情完之後應該要蓋被，唔好唔著衫......
咦~咁激情完之後梗係攬住o來訓就算o架啦!!!被o既話，都係訓訓o下時覺得凍就會自己搵返o架啦!!!

>>October 3, 2004 at 9:46:56 AM GMT+8

2004 年 9 月 27 日 星期一 【晴】

一起身，咩都唔理，開「Never Again」o來睇先~~~~
難得係屋，兼且C Drive又多o左五百幾MB，當然就係不斷咁Down o野返o來啦~~~~~~
連「浪花いろは節」o既完整版PV都係今日先Down~
但只係得wmv版本……如果唔係，就要Down另一個JF o既版本……實會加o左JF o個名落去……咁我寧願睇呢個算喇……<無奈>
老大好襯著黑色背心啦~~~>///<，所有亮內o既近鏡都影得好靚好靚~~~~~~~~
然後，睇睇o下，老大竟然企前面跳舞囉!!!!!呀~~~~~~~~~~~~~~~~~~~~太正喇~~~~~~~<轉>
估唔到佢o既跳起方式都會好似阿翔o個o的咁~~~~~~~好正~~~好鐘意~~~~~~~~~<大心>

唔開心……絕對係唔開心…………
o係KKF睇到有人寫o左篇Kame o既自白「遠離」……我大約都明佢寫咩呀……
但係……邊有可能係咁呀????
再睇埋o的回覆……去夏威夷o既和好係假o架囉……更加唔開心……
唔係冷戰到宜家呀嘛~!?無可能o架!!!!~><~
之後再開「Never Again」o來睇……o的眼淚又自己出晒o來…………

下午Down o左CD版「Secret Agent Man」~~~~~~~~~夜晚先開o來聽~~~~~
太開心喇~~~~~~~~~~聽到老大以前把聲~~~~~~~~~~~~~~~~~~<大喜>好鐘意耶~~~~~~~~~^3^
夠鐘就睇Messiah 2~
其間阿媽入o左o來，坐o左o係張凳度然後就問我係咪染o左頭髮……
話我o的頭髮啡色喎……之後講講o下，就話染髮有可能會生Cancer……
不過我都係唔理o架啦~~~~~~~~人係咪都要死o架啦~係爭在遲死定早死之嘛~~~~
所以我咪可以咁置生死於渡外囉~~~~~

>>October 3, 2004 at 1:18:35 PM GMT+8

2004 年 9 月 26 日 星期日 【晴】

先上JF睇到今年暑假Baga o既原宿相~
四張入面我只係鐘意一張……因為其他o個o的都唔知佢咩表情……<汗>
唯一一張靚o既就係佢扎起o左前面o的頭髮仲戴埋太陽眼鏡o個張~~~~~~~<大心>
就係因為呢張相，令到我今日o既髮型都決定係咁!!!!扎起晒前面o的頭髮再戴返眼鏡~~~~~~

1130就返去揀科~
都有人出奇我戴眼鏡啦……
先係破解魔術環節，阿蛤再表演玻璃線，然後又俾我o地問問題同試玩~
結果諗諗o下，我就醒起以前Harry哥哥表演過o既魔術，就將張紙中間撕開再試，真係做到啦~
之後就過電腦房打履歷表~
都只係填返晒自己o的資料落文件度就得~所以都好快打完，我仲可以幫Rita打埋佢o個份……
Carrie竟然將星期五佢o地講我o個o的o野同阿蛤匯報!!!!Carrie坐o係我隔離，仲可以好無o野咁喎……
又問我做唔做義工……既然隆亨o個邊都好似已經散o左，咁都無乜所謂o既~
俾阿蛤Check晒o的格式，就開始無聊，跟Rita學玩「接龍」，其實係Carrie o係我部腦度玩開先~佢仲問我玩唔玩……用腦o既o野多數都唔駛預我o架喇……
見到前面阿寧同阿斌o係度Icq同上網……全個電腦房淨係得佢o地o個兩部可以上網o乍!!!!攪到無o野做o既我係咁嗌要上網……
阿寧仲話我o個Icq名好聽……「Kimi仔」……梗係啦……上年Yuki改o既……都嗌到順晒口啦……

攪掂晒，就過返平時間房揀科~
仲要填另一張搵工評估之類o既o野~
點幾開始填，填到就o來三點都未攪掂，兼且由於太多人嗌肚餓，所以阿蛤就叫我o地去食飯先~
基基、3K、提子、阿寧同阿斌一齊過闔府統請食o野~
就o係幼稚園出面o個度路度係咁玩揹人~
Keiko揹我啦~但唔知點解條鍊自己斷o左……o個十字架搵唔返~而且o個吊鐘整到心口好痛……
基基就揹阿斌~

過到去，坐低無幾耐阿斌就話過火車站，唔食o野~
原本都想食甜品o架，但係最後都嗌o左雞扒公仔麵同蘿蔔糕~
其他人唔知點解好一致咁嗌咖哩飯食……我就只係拎o左Kristy一舊薯仔o來食~
行返去o既時候順便打埋電話俾Vivian同佢講12樓o既情況~

返到去，阿斌已經坐o左o係度~小藍同Rita就走o左……
繼續填o野~但其實都無乜心機填o架……
單元四頭o個兩個Choice都係揀o左Bar Tender o來讀，最後o個Choice就揀西廚~
我真係放棄o左DJ o個個……
之後到揀電腦Course……揀到好煩……所以搵基基幫手揀o的o岩我讀o既~<雖然讀完唔會用>

傾o下中秋BBQ o的o野，阿斌係咁o係我面前提阿寧……仲話阿寧俾o個包餅係俾我食o架囉……
基本上大部份人都去到~而且決定係去大尾篤~~~~~~~29號~~~~
Rita就話到睇o下去唔去到先再打俾我~
繼續Jin阿斌，好笑~其中一次我o地兩個專登走到去白板後面等佢俾我Jin，攪到感覺有o的似______咁~<笑>
不過佢竟然話諗唔到讀咩單元四好囉……聽完之後即刻O咀……之後佢仲話可能去唔到o個Camp……因為要返工……佢唔去o既話就無人同我Share o的相o架喇喎!!!<爆>

填好晒o的o野就要見阿蛤~勁驚會唔知講咩啦……
佢評我6分，要我自己諗o下點解會值6分同無o左o個4分係o係邊度……
我發覺答完之後都覺得自己九五搭八咁……值同無o左4分o個度都差唔多o既……
但阿蛤又話我答得差唔多……
話我唔夠主動喎……即係明明已經準備好，但都唔會主動去做先~俾阿蛤話我咁樣會好蝕低……
我o個人有時就會係咁o架啦……=_=;;因為我真係唔會去做第一……<除o左比賽之外>
至於o個張白Cert邊個拎都無所謂啦~~~~~對於我o來講係囉~
阿蛤睇人真係睇得好準~~~~~我o的o野佢都差唔多講中晒~
見完阿蛤，仲有大把時間~不過阿斌仲未諗好，唯有幫手揀科同揀時間，Keiko就推介一齊參加歷奇，阿斌聽到話係去玩兼有證書拎，就即刻話要參加……總算攪掂啦~
不過阿蛤宜家就話要見學生，叫佢o地等半個鐘度~咁咪o係度玩囉~

去完Toilet，一出o來就同阿寧打對面咁行過，嚇死!!!!
佢仲要同我打招呼先令我更驚……反到去……即搵Kristy……我真係會避o架!!!~><~
o來多o左位叫蜜蜂o既男仔，佢又坐埋o係度一齊玩~
Ta ta仲坐o係Counter度，仲請我食雞蛋仔~~~~~順便搵o下阿斌同Kristy~點知佢兩個坐o左o係沙發度Hea……
唔知點解又玩揹人，基基揹起我o來跑，第一次咁快o乍!!!!*0*真係好爽~~~~<笑>
而且阿斌都揹得起我耶!!!!!都話我唔重o架啦!!!!<笑>我同佢都只係相差十幾磅度……
轉o個頭，就阿斌揹住Kristy、基基揹住Keiko鬥快跑~結果唔知邊個贏……
基基揹住蜜蜂跑，跑到過去自修室o個邊同阿蛤互望之後突然笑到無力……阿蛤真係會諗究竟我o地o係度做咩……
基基仲突然抱起阿斌，就係好似上田抱起戶塚時o個款~擺o係膊頭上面o個隻~~~見到基基毫不費力o既樣同不斷掙扎o既阿斌，頓時就覺得好BL……BL得好緊要……^///^我同阿斌講，佢想發癲啦~~~~~
然後，基基又抱起阿斌，係咁轉……轉到阿斌雙腳離地!!!!轉完之後阿斌話真係有離心力囉……
Kristy話我咁樣整曲o的頭髮比平時好睇……更加攪到我想去電……
出去用o左陣電腦，不過諗唔到上咩網，就上返星球，佢o地見到Uchi張相就咩係咪咸網o來……
傾傾o下，阿斌就話佢睇咸網真係會嘔……聽完之後我只係O咀同出奇……

先係Kristy去見阿蛤，o係沙發o個邊，Kristy好似傾到喊……
之後到阿斌，佢見完之後出o來o個樣呆晒咁……又係講中晒o的o野啦……佢話無事就得喇~
睇基基、阿斌、Kristy同Keiko玩鋤D，我就擔o左張高凳坐o係阿斌同中間，仲要睇住今日出o既「新假期」，俾基基叫我唔好對住佢睇啦~~~~~
有乜所謂o者~!?又唔係賭錢，輸o左唔駛死喎!!!!XDDD
我就坐o係中間，兩家o的牌我都睇晒~不過我係睇阿斌o個副多o的~~~
呢個人變態o架，鋪鋪都係佢贏o既!!!!係就連開頭睇佢拎到o既牌諗住會輸，點知轉o個頭贏o左o個o的!!!
不過佢贏o左我會好開心~~~~~~而且佢都會次次望我先好呀嘛~感覺就好似去o左Las Vegas咁~~~<甜笑>
佢o地邊鋤就邊傾中間生日會o的o野~咁o岩「新假期」又介紹自助餐，入面有個叫朱古力鮮莓自助餐!!!!超想去啦~~~~~~~~~~~~~~但係佢o地話唔好……T_T
我推介返Stanford Hillview o既自助餐，佢o地聽都覺得平~~~~~~
玩到八點幾就走~基基見到阿寧訓o左o係Counter度，就問佢係咪等蜜蜂，佢一話唔係，阿斌即刻望住我奸笑……咪玩啦!!!!>.<

依然企o係門口傾埋BBQ，小藍打返俾我，話可以去到BBQ耶~~~~~
之後有人話想去Toilet，結果都係要入返去，俾阿蛤話睇死我o地一定會入返去……
Kristy同阿斌分別入o左男廁同女廁，我就一次過熄晒兩邊o既燈!!!!!哈哈~~~~~~~~~~~~~~~
到阿斌出o來，就輪到佢熄Kristy燈~~~~~~<大爆>但屈我做囉……
諗住Jin佢o既時候咁o岩手撞手……超痛……
最後決定1300 o係聯和墟街市等~而阿斌就1200去霸爐!!!!

返到屋企未過九點，自己一個食飯~
阿媽竟然同我講29號食飯囉!!!!我同佢講話o個日約o左BBQ，好彩佢都俾我唔去~~~~~~~^^
洗碗時阿媽又好似無o野咁……不過都係話我唔駛開盆水去洗……咁我慣o左呀嘛……

終於Down o左少俱版「Never Again」……真係睇到我喊…………喊晒…………
隻舞好掂、真係好掂……
而且佢o地唄o左好多英文……上次MS根本都聽唔清楚兼且唔完整……原來Kame係唄「Listen」、淳係「Bringin' on, baby」、Baga仲要講「My Girls」囉……
成首歌四分幾鐘，真係完完整整一首歌o既時間……
如果屋企無人o既話，我真係會尖叫……
o的Fans勁尖叫……Kame o的身體語言又令到Fans一再尖叫……
淳o個條頸鍊又唔差喎~點解12號o個集少俱見唔到o既~!?
Baga o既高音又高o左好多喇……佢o個o的和音好尖，但唔刺耳~開頭聽到係佢唄時我都呆o左……
而且佢o個Ending動作……好正……有少少Popping o既感覺啦~~~~~~
第二、三次睇我都仲喊……
『想い出まで　抱けしめて　二度とおまえ　離さない
どんなつらいことからの　愛を守る
You're never gonna get my love again
あきらめてた恋なのに
運命は？No fake』

因為掛住用電腦，我竟然連Alias都唔睇……因為首「Never Again」真係太正~~~~~~~~~
對落o個件訓時我先熄機沖涼~
沖完涼都走去訓lu……

>>October 3, 2004 at 11:03:32 AM GMT+8

2004 年 9 月 25 日 星期六 【酷熱】

訓醒o左…個人仲好"支力"、好眼訓……
起身開機用電腦，睇o左陣Kat-tun先~~~~~
諗諗o下，宜家應該係「八角關係」……我呢邊四角關係、Baga o個邊又咁o岩四角關係，然後就由我o地兩個連埋一齊，仲唔係八角關係~!?
哈哈~~~~~兩個都係o的咁o既人~~~~~~~~~~~~專做「膽」o既~~~~~<大爆>

睇o左關8隻碟o既Voice Message翻譯……o個兩個宜家熱戀中o既人……
唉~都唔知嬲好定笑好……
『P&Jin：我們是NewS的山下智久和Kat-tun的赤西仁，恭喜關8CD出道~P：浪花這首歌在SUMMARY中我們也有唄(P把歌名說錯了，小汗一下...)是首反應非常的熱烈的歌，我們也是很希望它可以CD化。仁：我在演DB的時候也受了很多關8的照顧，以後如果有機會的話，想和關8一起吃飯。以上是NewS的山下智久和Kt的赤西...仁.(說自己的名字的時候都會咬到..真是笨蛋..)

田口：恭喜關8的各位CD出道，我是Kat-tun的田口。在演DB的時候在各位很強勢的吐嘈下，我也變強了很多，下次希望可以有機會再領教..以上是Kt的田口.

Koki：我是Kat-tun的T，恭喜關8CD出道，浪花我聽下來覺得是首很棒的歌，一定要全國發售還有全面出道哦，還有安田要記得給我發Mail，如果來東京的話我請你吃飯，所以要記得發Mail給我，以上是田中聖

小上：恭喜關8的各位CD出道，我是Kat-tun的上田，浪花是首越聽越好聽的歌。安田，下次有機會遇到的話得要送我浪花的CD哦。以上是Kt的上田龍也

中丸：恭喜關8CD出道，我是Kat-tun的中丸雄一。在演DB的時間真的受了很多照顧，我是真的真的真的很感謝你們，所以我也在祈禱著你們CD可以大賣。以上是Kt的中丸雄一

Kame：我是Kat-tun的龜梨，浪花這張碟我也是很想買的，希望這張CD也可以全國發售。還有要請Fans各位不管是在全國的何處都要聽這首歌，然後可以因為這首歌精神滿滿。還有我非常期待著能和關8的各位共演，以上是Kt的龜梨和也。』

下午訓o左三個鐘……由4點幾訓到食飯……
係耐唔耐熱醒o左~同俾自己開o既Winamp震醒咁囉~
訓完之後真係好o左o的……
死啦……平時只係病o既時候先會午睡之嘛……但宜家唔係病都要訓……
身體機能唔係真係似到o個Baga咁梗要呀嘛~!?

Down o左關8 24號上MS o既Live~~~~~
老大~~~~~~~~~~~你o個髮型……攪到我又想剪埋一樣o架喇……~><~但係要撓頭髮……我最憎o架喇……或者睇o下今晚沖完涼整整睇o下O唔OK先啦~~~~~反正佢都係Wet Look o既~~~~
仲有Uchi o個頭……似阿Pi之前o個貴婦頭囉……唔知佢又只係扎起晒定真係剪o左，都唔差~~~~~~~~但我會鐘意老大o個髮型多o的~
Subaru笑到好開心啦~~~~~好似好耐都無見過佢咁笑……
Yoko又騷擾安田，真係想叫佢咀埋落去!!!!小雛就係丸山後面玩~~~~~
其實我係應該Down少俱版o既Never Again先o架，但係唔知點解開唔到……而關8 o個PV又係長時間供應o既，所以就Down o左呢個先喇~~~~~~
Subaru o既近鏡真係多得有o的嚇人……雖然係唔差……
河合、五關同戶塚灑紙碎灑得勁開心啦~~~~~~~^0^
收到yan yan o既Message，兩個一齊去買Baga o的相，唔知點解忍唔住笑o左~

NewS o既Voice Message：
『小山：我是NewS的成員之一，小山慶一郎，這次發行的浪花節我覺得舞步方面非常的簡單好記，作為Fans的大家一定要好好的記住，然後在演唄會或者是舉行甚麼活動的時候大家可以一起跳的話，那肯定是件非常開心的事。還有歌詞方面也是很容易記的，有機會的話我一定要拖小內和亮去卡拉OK聽現場的浪花，真的很期待這一天的到來。那麼也要請大家一定要買，就這樣，以上小山。

成亮：我是NewS的加藤成亮。恭喜關8這次CD出道。雖然我們在距離上是離得很遠，但是我們都要努力，我相信一定會大賣的。以上加藤成亮。

草：恭喜關8CD出道，我是NewS的草野，小內和小亮偶然也要發Mail給我哦，我等著哦。

Massu：關8的各位，恭喜CD出道，浪花節是首很好聽的歌，我想我也會去買。NewS的兩隻以後在NewS裡面也要多加油?嗯?以上增田貴久。

手越：我是NewS的手越，恭喜關8的各位CD出道，之前關8也上了我們的節目，非常的開心，今後如果有機會的話，比如演唱會甚麼的話，非常期待著和關8的共演。以上是NewS的手越』

以下係RS的對話：
昴：我希望你多吃一點有營養的東西，不要老是吃些沒營養的甜麵包或是拉麵!
亮：我希望能常和昴一起去吃飯。
枉我仲以為老大都鐘意食Donut添……唉~~~~失望失望……
睇埋今期TVガイド……關8封面~~~仲要有埋拉頁先正!!!!!
不過今次老大o個髮型有o的似龍一囉……<汗>，而且佢o個雙眼皮又好似有o的問題……又唔夠訓呀~!?

>>September 26, 2004 at 3:01:25 PM GMT+8

2004 年 9 月 24 日 星期五 【晴】

都唔知自己發o左o個咩夢……係唔知只係自己o既幻想定真係發o左o個夢……算啦~
Kristy真係好準時咁打o來，不過我只係見到Miss Call，打返俾佢~約o左1230 o係闔府統請等~
上o左陣網……有人翻譯o左11月Myojo入面NewS o既1000問<頭o個幾問o者>，當然有最例牌o既「初吻是在甚麼時候?」，阿Pi竟然話係19歲!!!!對象仲要係Baga……o係SUMMARY o既時候唔小心掂到!!!!!
睇完即刻尖叫!!!!!然後係驚訝同開心囉~~~~~山赤配我都接受o既……但唔好咁光明正大先得o架……
不過我比較想知道在場Fans + 小龜會有咩反應~全場O咀嗎~!?<笑>
我覺得死Pi係要專登提起……佢一定唔會係19歲先有初吻o既!!!!你兩個行到咁埋……我真係擔心夏威夷之旅Baga都有跟住裸泳……
最H o既果然都係關西o個兩個~~~~~我．愛!!!
再睇埋Kat-tun夏威夷o的相~~~~~~~Baga o個張Solo真係好靚啦~~~~~~~>///<

好趕好趕咁跑過去碧湖，Kristy已經到o左……
入到去，揀o野食嗌~兩個果然都係為o左食甜品~~~~但係無蜜瓜同芒果……
結果我只係嗌返椰汁西米露，而Kristy就嗌黑糯米o個o的啦~~~~
另外仲嗌o左兩款唔同o既飛碟+我想食好耐o既蘿蔔糕~~~~~~o的甜品真係半價俾我o地~~~$5 o乍!!!呵呵~
傾o下尋日o的o野、我生日同佢生日o的o野，再之後傾埋中秋BBQ o的o野~~~~
佢就好啦~~~~~年年生日都可以去食Buffet……我真係好羨慕!!!~><~
3K果然都有o的共通點：3個都係10月出世、3個都有年年生日都去一定會做o既o野：K1就年年唄K、K2就年年都去Starbucks、K3就年年都同親戚慶祝+去食Buffet……點解可以咁夾o既~!?<汗>

Kristy想去有海灘o既地方BBQ，但係唔知點解講o下講o下就話去大尾篤，我就話「大尾篤無海灘o架喎!!」，佢即刻揀過其他地方!!!!
阿斌Send Message俾Kristy問佢o係邊，仲唔似情侶~!?似到爆呀!!!!XDDD
之後決定1500出去沙田等~順便等埋Keiko放工~~~~~
食埋Kristy o岩o岩嗌o既雞翼，然後俾錢走人~
我就打電話俾L問佢馬鞍山附近有咩地方可以BBQ~~~

>>September 28, 2004 at 10:43:28 AM GMT+8

2004 年 9 月 22 日 星期三 【晴】

一大班人剷去勞工處，真係好嘈……<汗>
然後…我都話「約隱約現」係最好o架啦~~~~~~我果然係清楚男人心理~~~~~反正我就係男人心~<爆>
某程度係驚要介紹Jr俾其他人認識……因為Ta ta見到我Screensaver之後就話要睇，仲問我係邊個o來……我都估到講完佢都唔知係邊個……唯有由SMAP講起，呢個實識啦~Ta ta都知SMAP~但就真係唔知咩係Jr……
打o左去網吧問o野，我問佢大約要做o的咩，o個女人竟然要我上去先傾囉!!!!其他人聽到都即刻爆笑~~~~~~~

Kat-tun冬Con決定!!!!!!!!
仲要係Baga自己親口o係尋日少俱收錄完之後講!!!!
我o既地獄……要延續至冬天……<泣>不過我都係熱切期待o既~~
第一次冬Con耶~~~~~~~~~~~~~~~~~~~~~~~~~~~~~~~~~~~~~~~~~~<拍手>
今次會多好多歌唄啦~~~~~<大喜>

兩個鐘頭之後得知另一個好Down o既消息……V Max俾海關查封囉!!!!!!
頂!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!<怒>
係邊個「好人」咁想做「好市民」呀?????廟街仲有咁多妓女企o係條街兜客又唔見你打去Complain~!?
吃媽仲以為我同梗人鬧交……我的確係鬧梗某o的人呀!!!!
同Vivian兩個鬥慘叫……不過我就真係慘叫，而佢就係哀號咁囉~~~~

將日記改o左名~「SIX GROOVE」~~~~~好鐘意呢首歌~~~~
唔知係因為開心得滯定係Down得滯……突然又想扎晒成頭辮仔…………我自己郁手!!!!!

>>September 23, 2004 at 2:15:16 PM GMT+8

2004 年 9 月 21 日 星期二 【晴】

今日都好開心~~~~~
6點幾放學，之後我、小藍、阿斌、阿寧、Keiko同Kristy六個人企o左o係門口傾計，一傾就傾到八點……其實開頭都只係我問o下其他人會唔會去影證件相，但係唔知點解之後就變成企o左o係出口傾計……期間勁講爆笑o野~~~~~~~
每5分鐘咸濕人Pat pat o既小藍~~~~<我真係數住佢o架!!!>、太陽具、貞子、3K黨<哈哈~~~估唔到連呢度都會係KKK囉~(笑)>
死人阿寧仲係咁話我背影似長毛囉!!!!!我知佢好打，但都唔駛咁周圍"辣"火頭o架嘛~!?
仲有講o下我俾人認做男性o既事……連Kristy都話開頭覺得我「不羈」……點解會咁o架~!?!?!?
基基就問豪爽、不羈同粗鄙有咩分別……我都唔清楚……但佢開頭係講多o左「放蕩」o架o下!!!!<雖則我唔介意去認~>
嗯、我喜歡這班朋友~<笑>

>>October 2, 2004 at 4:38:50 PM GMT+8

2004 年 9 月 20 日 星期一 【晴】

入返間房，阿蛤已經Set好晒成個Camp Site，佢話係叫蜘蛛網喎……因為入面有好多條繩綁住……
玩法就係要我o地9個人入晒去再出返o來……而且仲唔可以用每邊最底下最闊o個洞過!!!!兩邊入、兩邊出~
而且有o的「入口」仲要係超細……形狀又唔規則……所以就要我o地自己決定邊個人用咩洞入……仲唔可以重複用返o的洞……第一個入去o既係阿寧，o係入面做接應嘛~之後就係o的細粒o既女仔用盡晒o的縮骨功入o的三角形o既入口……Ta ta就用o左o個最闊o既入，因為佢自己都話自己肥，一定係要用呢個……然後又再出返o的人……出出入入後得返我、阿斌同Keiko未入，而三個入口之中有一個係要俾人抬入去o既!!!!最闊o個個俾阿斌，然後唔知點解，Ta ta話要佢o地抬起我入去囉!!!!宜家阿蛤先話出o左去o個o的唔准幫手!!!!我同阿斌都即刻覺得唔應該俾阿堂入先囉……=_=;;
阿蛤同基基仲幫我配音話「點解係我~!?Why me~~~???」，阿蛤係咁話有我緊急聯絡電話，又話北區醫院好近…………一生人第一次俾人抬起……呢個都唔係一個問題，但問題在於只係得返阿斌同Keiko呢兩個睇落好瘦o既人去抬起我!!!!我係驚佢o地抱唔起我o乍!!!跌唔係一個問題，都跌唔死o既……
最後都係要豁出去……先俾阿斌抱住，不過唔夠力—好彩佢用大脾墊住<其實當時我都唔記得係點……都係之後阿蛤講返原來係咁我先知>，然後再加埋Keiko同o係入面o既人接住，總算入o左去……
之後阿斌都入埋o來，佢一入o來就即刻好似好"支力"咁蹲o左o係度，我見到時係覺得超唔好意思囉……不過入完去之後我又要出返o來……仲要係俾人抬返出去……阿蛤聽到Ta ta咁決定都替我感到無奈……o岩o岩入完去轉頭又要出返o來……今次好o的啦~~~~因為入面有阿寧、阿堂同阿斌，至少三個男仔，點都夠力!!!!
到最後，要阿斌同阿寧抬起阿堂，真係抱唔起……好彩出面我o地呢班女仔都OK……總算攪掂!!!

最後一個Game，叫信任天梯，兩個人渣實枝鐵棒，然後等人o係上面行過咁囉~
阿蛤話o係中學玩，一個二百磅o既學生玩完之後開心到繞住籃球場跑!!!!
有o的人係行到勁震，對腳超震、又有人踩到手……
我玩完之後都覺得好開心~~~~~行o既時候都已經盡量快而準咁行……
之後阿蛤話可以俾三個人玩駁棒，其實我係想玩試o下o架……不過費事要其他人再幫我，而且我o地入面都無人玩~~~~係阿蛤同基基趁機話要玩~~~~~基基行o既時候完全唔覺重，但行完之後對手已經係超痛……連阿蛤都話機會難得要玩……
傾返今日印象深刻係o的咩，我實係o個蜘蛛網o架!!!!阿蛤都話估到我實講呢個……佢仲話我將來o個老公一定會抱起我囉……咪玩啦……><

o係KKF睇o左o的人Cut星期日套少俱Jr High School o既圖，Baga畫o既畫好得意啦~~~~~~~雖然最後係伊野尾贏o左……
仲Cut o左9月17號NewS上MS o既圖……睇落阿Pi都唔係黑o左好多o者……
老大……你的髮型……我很喜歡耶~~~~~乖乖的感覺~~~~<甜笑>



>>October 2, 2004 at 4:40:51 PM GMT+8

2004 年 9 月 19 日 星期日 【晴】

出年成人式……小山 + Ryo<好期待見到Ryo著西裝添;p>……如果可以有埋Jr：Baga、Toma同安田就好喇……一大班20歲o既一齊企o係明治神宮前!!!!~><~
一定好多好多Fans……

今日第一日返學……好眼訓!!!!!
7個鐘頭入面都係o係度玩、玩同玩~~~~~
但係到下午o既時候就已經越玩越眼訓……
全班得10個人，計埋得閒落o來Hea o既基基~~~~~同埋導師阿蛤同Carrie~13個人~
認識完各位之後就要介紹自己，三樣o野入面其中一樣要係假o既，我就話自己鐘意整毛公仔、鐘意影相同鐘意模仿~
其他人就o係度估……好多人都話我唔似會整毛公仔囉!!但係似會鐘意影相~~~~~Carrie話唔似o既原因，係因為覺得我個人好粗鄙!!!用到呢個字o來形容我!!!!!~><~
之後阿蛤仲話可能我係男仔o來添~~~~~~~XDDDD

o係JP見到人講關8隻碟……
就咁睇都覺得有o的複雜……但願我到時識拎隻留言Message出o來啦……

>>September 20, 2004 at 2:39:35 PM GMT+8