2006 年 6 月 21 日 星期三 【晴】

傑仔問我有咩食，我就返埋位開抽屜俾佢揀
佢竟然揀o左「大地餅乾」，同埋朱古力；但係我一望o個盒，已經過o左期成個月!!!!
即刻叫住佢，但佢話無事o架喎……你有咩事唔好搵我……=_="

Jack哥一句「我都知我唔似得傑仔或者Ken哥咁得你憐愛」
聽完之後對呢個人更加憎恨!!!!!
之後唔知點解仲要拉埋Tim哥o來講，我咪話「關Tim哥咩事?」
佢就「"門小"」咁就算
我對Tim哥好，絕對係正常!!!!!老闆你會唔對佢好~!?你自己都成日私底下會同Tim哥講波講私人o野啦!!!
我對傑仔、Ken哥好，都絕對係正常!!!!但唔該你好唔咁變態咁用到「憐愛」呢個「異常」o既詞語o來形容!!!!
對我o來講好反感!!!!
全公司我淨係對你一個用咁o既態度，咁你係咪應該檢討一下你自己呢????

你可以一句「我隨口嗡o下之嘛」o來應我尋日突然俾Moudi要我寄辦
我都只係講笑咁話你出o的mail串串貢o者，你就即刻企o係身問我邊封，我就咁講o下話「好多都係」，你就同我講o的咁o既o野!?!?!?
又係你自己問頭要我你o的mail係咪太串
你講晒啦!!!!!

講完之後半個鐘都唔夠又要扮晒無o野咁同「勸」我收工
我係唔鐘意同你一齊走丫!!!你要走o既咪自己走囉!!!!!唔駛次次都同我講喎，我又唔會有事搵你o既
之後佢拎漏o野返上o來，o的人已經走到七七八八，燈仲熄o左三排(我o個位已經係得o個Mon發光，但其實我只係打梗日記;p)，佢見到又問我駛唔駛幫我開返燈、又問我做咩未走 (o個時八點都未夠)，我理都無理過佢
佢自己知無癮就搵人代問再問我駛唔駛開返燈俾我囉……
佢走o左之後我就繼續打日記，傑仔又走過o來自取食物，問我仲有無「大地餅乾」，但無啦~最後一包佢拎埋……所以佢就去拎o的過期朱古力囉……=-=
然後佢就問我o的「大地餅乾」o係邊度買，佢都話以前又係成日食~
但我只捐血時好順手咁拎幾包，顯然佢聽完之後係無奈~
不過隻餅乾真係好味~宜家唔知邊度仲有得賣……
但俾傑仔見到我o的日記耶……>///<

8點時，除o左UA之外，連最後Elaine都走埋!!!!
當佢見到我時都好驚訝我仲o係度~(我當時只係上梗網)
佢仲好光榮咁同我講話今日係除o左返工第一個禮拜之外，唔駛俾人趕走o既一次!!!!
不過今日佢5點幾先有時間食Lunch……

>>June 28, 2006 at 3:04:10 PM GMT+8

2006 年 6 月 20 日 星期二 【晴】

原來Jack哥上o左廠係咁好o架~~~~~~~~
世界真美好~~~~~~~~~~~~~~~~~
雖然Moudi有打o來問我Jack哥跟開o的o野，但梗係一句「我唔清楚」就算啦~(咁我真係唔知嘛!!)
但係，1650時突然收到Thersa o既OCS Waybill Mail，
梗係打俾Moudi問佢要寄咩啦!!!!
佢竟然同我講話要寄件船頭辦俾客睇Lot色!!!!!仲要話「阿Jack話已經話同o左你講要寄件辦喇喎」
聽完之後勁嬲!!!!!
佢根本講都無講!!!!!就算今日幫Moudi打去追問件辦幾時寄，Jack哥都只係話「我再問o下幾時落件辦啦」
宜家你就同Moudi講我會寄件辦~!?唔好咁過份啦!!!!
得返10分鐘我去做，你唔好去死~!?
好嬲之下都要攪掂……頂!!!!

放工後羅拉小姐好快就走o左~
得返我一個o係度慢Hea~~~~~~~~~~~~~~~~~~~
其中包括走去幫Ken哥手「蓋印」~~~~~~~~~~~~~~~~~~
真係收一份$10 o既話都有幾百蚊我賺喇~~~~~~
佢一路整好一份份佢要簽o既Invoice，就俾我蓋印~~~~~
其間傑仔行過，一份怨恨o既眼神望住我o地XDDD
經Ken哥解釋，係因為當時佢做時，無人幫佢手!!!XDDDD
不過o個印要好大力先蓋好~所以得佢一個做時都真係做到佢手"支力"
之後Ken哥就俾o左佢猛咁讚好舒服o既「人造羊皮毯」俾我~~~~~~~呵呵呵呵~~~(某程度係我搶返o來~~~~~但之前佢的確係問我要唔要o架!)

Tim哥突然行過o來，鬼鬼祟祟咁周圍望……
然後就問我「請問」，仲以為佢想搵我問咩，竟然係問我有無o的Plain o既餅乾!!!!!
好彩都仲有「大地餅乾」~~~~~就俾o左包佢~~~~~
佢再好謹慎咁問我咪係真係Plain o既……
算唔算見到Tim哥o既另一面???

>>June 28, 2006 at 2:37:29 PM GMT+8

2006 年 6 月 19 日 星期一 【晴】

終於問Winnie究竟拖鞋同涼鞋o既分別~~~~
點知原來佢係話我有時o的Total Look好沙灘，就唔係咁好~
所以即係我就算著拖返o來都無問題耶!!!!!(喜)
但係咁o既話我又要煩喇：究竟應該買邊款好呢~!?

同劉謙小姐講電話時，羅拉小姐邊聽邊笑~
佢係笑我講到似唄歌咁，有Rhythm……
但係對於一o的唔Fluent o既語言時，會慢慢講都出奇o卦~!?

放o左工出沙田逛街~~~~
Sistyr Moon真係做梗Sale~~~~~
o係入面見到o個樣有o的似Shela o既Sales姐姐~(笑)
D & G對拖鞋呀……佢o的Beach Wear都好想要……仲要有o的做梗3折囉……
睇中o左條D & G沙灘巾，猶豫梗買唔買時竟然又有一位俾梗錢o既師奶睇中……
然後o個位好似Shela o既小姐同負責o個位師奶o既Sales傾o左陣之後就問我買唔買，係o既就留俾我，如果唔係就會俾o個位師奶
第一次同人爭貨o乍!!!!
所以就決定買!!!!
呵呵呵~~~~~~~~~~~~~~~~~~~~~~~~~~~~~~~~~
不過我感覺o個師奶都係本住「爭貨」o既心態想買我條沙灘巾……
終於有一條好大好大條o既沙灘巾喲~~~~~~(心)

然後行去好運時，「我們的存在」終於都出o左第9期喇!!!!
好開心~~~~~~~~~~~~~~~~即買啦梗係~~~~~~
但買o左返o來又唔捨得睇喎……
但我又等唔到半年之後先睇喎……
算啦~我會呢個禮拜內睇o左佢o架喇……=_=”

>>June 28, 2006 at 2:21:29 PM GMT+8

2006 年 6 月 18 日 星期日 【晴】

Lunch時，羅拉小姐過o來問我o的o野做成點，又問我跟唔跟得掂o的o野 (其實都只係好似普通傾計咁講)
然後佢o係度數，數數o下，我竟然跟梗５個客o的o野!!!
變態o架!!!!!!(大叫)仲多過Jack哥先驚!!!!
Impact-21啦 (日本Polo Ralph Lauren)、Burberry啦、RO (另一個Burberry，唔知點解英國o個邊唔俾返自己公司做)、Polo Jeans (Jones女裝同Sourcing男女裝兩邊，又係唔知其實有咩分別)、St. John (一個擺o係Lane Crawford賣o既牌子)
我有咁萬能的嗎~!?=_=”
不過我都唔會八足咁多爪啦~~~可能到時會係逐日賣身俾唔同客咁做~

交收完就去行o左陣朗豪坊~~~
60小姐已經無o左o個對彩帶鞋!!!
但就俾我見到佢新出o既一款拖鞋，面頭有o的牛件布，邊邊有埋貓”蘇”
而且我望落都唔太似拖鞋o既……o個人字帶位靚o的咁囉~~~~

>>June 28, 2006 at 2:19:59 PM GMT+8

2006 年 6 月 17 日 星期六 【晴】

好好地咁睇返本６月號「ベツコミ」，
o個番外篇雖然好簡單，但對於宜家七美同元晴o既關係o來講，
真係……好想快o的知道元晴去o左邊耶!!!!!
然後，讀者揀真係人版角色選角時，
元晴竟然係Jin寶貝同小龜並列第一囉!!!!!!!*0*
但我覺得Jin寶貝比較適合o的o者~~~~~~~~~~~~~因為大家都係巨蟹o既關係~(甜笑)
至於七美……分別係大塚愛、長澤小姐同綾瀨小姐……無一個似……
可能或者搵蒼井優我會接受到……
竹內嘛……第３位係小亮!!!!!!(大爆)我鐘意啦~~~~~~~~~~~~~~~~~~~~~
真係想知究竟係咪得J家Fans投標……

下一期係「僕等祭り」耶!!!!!
一定．一定．要買到!!!!

>>June 24, 2006 at 9:14:14 AM GMT+8

2006 年 6 月 1 日 星期四 【颱風】

首先，唔知點解今日返工時其他人會有帶遮!!偏偏只有我無帶……
仲要離譜到塞車!!!
太和塞到吐露港，然後馬場塞到返公司!!!!!
我由0845上巴士，結果要1020先返到去……
不過我無打返去講TC，擺明就係因為尋日件事而嬲!!!
返到去濕晒~~~~~
之後即出Polo，o的雨竟然係o係下面打斜落!!!!就算有遮，褲腳同對鞋都濕晒……
仲可以扭到水出o來o個隻……
Van Ho o的態度又超差，Polo中的敗類!!!!

逼住換o左件9碼o既Oxford o來著……
其實都o岩o既……係o個夾緊o左o的o者……
但偏偏就俾人話我著得好睇……=_="
我自己就覺得似布組Kelly囉……佢又係成日著Oxford，我仲要同佢撞藍色……

無奈我趕時間放工時Liandi先打o來同我講唔見物料
再加聽日要寄o既綉花布片，Shipping o個邊又煩，Van Ho又話未Cmfd到法國o個邊o既收件人
羅拉小姐更加係走o左入Tim哥間房有食有講……
發脾氣之後就一走了之~~~~~~~~~~~~~~~~
再一次感覺到羅拉小姐o既「搵笨」……
Lunch時幫佢趕o的布片去寄，攪到無飯食，而佢o地(同Annie)就竟然係叫o左Pizza Hut……
我O咀……

「無間音樂」播o左Pussycats Dolls隻「Buttons」，超正~~~~
之後竟然播鄭生!!!!
但聽聽o下，鄭生理由唄普通話歌o架嘛……但之後佢o個段Solo舞o的動作同最後扮Live o個幕我就知道佢真係阿Rain……
唉…………

>>June 3, 2006 at 8:48:45 AM GMT+8

2006 年 5 月 26 日 星期五 【雷雨】

新新寵：Pussycat Dolls~~~~~XDDDD
http://www.youtube.com/watch?v=knjAM3XxPC0

自從上禮拜四上完廠之後，我返到屋就一路驚……
因為o個個「哭泣嬰兒」真係好恐怖耶~~~~~~~~~~~~~~~~~~~(絕對唔係鬼故，真係唔係鬼故o來)
自己一到夜晚就唔敢再一個人o係廳睇電視，因為真係驚會聽到……
而且自己又係咁諗住喎!!!
唔得!!!真係好驚……~><~

然後……
點解Kumi要出寫真集呀~!?!?!?!?
7月尾發賣……3000Yen耶……

潤ちゃん o係日記度真係有提o來HK耶~~~~~~~~~~~~~~(心)
2006.5.16
--------------------------------------------------------------------------------

香港でのmoussy opening party fashion showに
Jessicaと行ってきました！
一泊だけだったけど、意外と遠くてびっくりっ。
私が一番身長が小さいの(^-^)

>>May 27, 2006 at 2:55:04 PM GMT+8

2006 年 5 月 25 日 星期四 【晴】

倖田來未Power Up中!!!!
今期(7月號)VIVI封面o既佢好可愛耶~~~~~~~~~~~~~~好鐘意!!!
快o的跌價啦!!!!!!!!!!
月刊TV仲要佢同エビちゃん o既對談!!!!
然後仲以$73買o左佢隻新碟!!!
因為封面o既佢真係好可愛~~~~~~~~~感覺好Love Love~~~(正如我模枋俾Vivian聽o既說話)

>>May 27, 2006 at 8:43:01 AM GMT+8

2006 年 5 月 22 日 星期一 【晴】

開始o左一個以速水做主角o既故仔~~~~~~~
內容基本上係以佢同某人為藍本啦~~~~~~~~~~
因為上期某劍俠o既佢真係好某人好似!!!!(甜笑)
其實佢o地兩個性格應該都會差唔多o卦~!?

>>May 27, 2006 at 8:46:19 AM GMT+8

2006 年 5 月 21 日 星期日 【晴】

又上Burberry試Fit~~~~
今次係女裝~~~~~~~~~~~~
Model Jojo好靚女啦~~~~(我所指o既靚女唔係佢o個樣「驚為天人」o個隻，係指「某方面」啦~~~但我真係覺得佢係靚)
佢第一次o來試Fit~~~~~~唔係Jack哥話o個位時肥時瘦o既女人~~~~
佢仲戴o左o個天藍色o既Bra~~~而今季女裝都係Cotton Lawn，勁透!!!(笑)
而且好幾次都好賤咁想影埋佢o個樣……但唔係角度唔靚就係暗得滯……=_="
但願下次都會睇到佢啦~~~~~~~~~~反正連鄭師傅都話佢o個骨架好好多，雖然條頸比o的客人o既幼……

無聊之下又再睇KAT-TUN叉電~~~~~~
仲因為咁而放棄o左「Six Feet Under」……
但係嘛……
突然之間見到Jin寶貝唄歌時o個咀唇係貼住o個咪耶!!!!!!!!!
即刻有好多遐想耶……唔……同咀有關o既遐想啦~~~~~~
錫錫啦、濕吻啦、舐舐啦、咬咬啦、口交啦<--重點!!!
我好鐘意~(甜笑)

>>May 27, 2006 at 8:51:39 AM GMT+8