2007 年 1 月 10 日 星期三 【颳風】

分梗交收o的o野時，Kenちゃん走過o來按我膊頭……(仲要係按正o個位)攪到我忍唔住好衰聲咁「啊~」o左聲~
但之後就俾雙姐話我唔公平，唔走去報仇……
我o地先唔係「一個願打一個願捱」o個隻啦~
放工後我走過去Kenちゃんo個位做咩佢都唔知~XDDD

羅拉小姐PL am o既話，都基本上最後會變o左PL全日……至少，十次有八次都係……
所以今日我都已經預o左全日見唔到佢~
結果真係……
偏偏今日走UK同Germany大辦呀!!!!!!無人o係度，我要求救搵邊個????
而我選擇，係搵Elaine求救……=_=”

邊同Kate小姐剪衫時又咩都傾一輪~
原來佢係１月９號入職o架!!!咁咪可以一齊慶祝埋囉~
佢聽到我講今年係「踏入第三個年頭」，佢以為我比佢早一年入o來啦~
但其實我o地係同年入職的XDDD
同樣都係佢究竟過o左試用期未……
鼓勵佢真係去問o下Winnie，相比起Annie，的確問Winnie會好o的~
M Come……佢有朋友一年先o來４次……
但次次都痛到返唔到工o個隻……
不過嘛……少M Come即係少排卵、即係卵巢少產生傷口，咪即係患卵巢癌o既機會少o的囉~!?
又係咪一件好事呢?
到講到「意外」呢個字……Kate小姐話佢住o個度好多人跳樓……自然又會講埋傑仔……
Kate小姐話無論幾醉都好，點都會有少少知覺，知道自己做梗乜o野……
我信佢啦~至少知道自己已經離開人世……
Jack入o來同Kate講話傑仔２２號走……聽聞又係死晒樣o個o的……夠啦係咪呀???(因為當時我返o左埋位)
順便o係度呻自己點俾Account煩……
跟住佢又繼續話Kate面青口唇白……
我只係覺得你有無必要成日提住佢……M Come會咁唔出奇囉……
然後佢竟然係話「咁你咪唔好聽囉，又唔係同你講」
哈~你都幾好笑~
你自己成日搭訕我o地都算啦~
宜家你就o係度話我???
我咪應佢「咁你咪唔好o係度講囉」，話佢幾次，佢都只係識話「又唔係同你講」
好心啦……２７歲人，仲咁同人嘈……
真係咁串o既，就o係俾阿Jane話時，即串佢，唔好成日事後同我o地話「走o既時候實X硬佢!」
全公司o既男生年紀應該最大係佢(老闆們就唔駛講啦)，但最無禮貌無風度o既都係佢囉……
OK!!!FINE!!!
唔好聽呀嘛，你以後同我講親乜o野我都唔會應你囉……你搭訕更加唔會俾面你!!!
Kate去o左搵Winnie，我無聽到佢o地o既對話，但之後Kate出返o來時係一臉不屑的樣子!!!

開始學埋羅拉o的o野……一到放工時間就頭痛……
過o左去又一城~原本係諗住直接返屋企o既，但因為想去Page One而過o左去~
新書o個邊見到擺o左本「為什麼女人愛傳簡訊，男人不愛回?」呢個問題我都想問!!!!
再唔係回o既，都係超簡短……基本上我Send親去o個o的都係咁……(~D~ノ)

『是不是曾經苦等一天，他依然沒回簡訊呢？
男人與女人為什麼這麼不一樣？
手機簡訊——這個小小的動作裡，
有你意想不到的幸福答案！
傳簡訊給男人卻沒有收到回信。隨著時間的流逝，女人逐漸焦躁不安。等了又等，還是沒有男人的簡訊。
第二天，男人打電話來：「對不起，昨天沒有傳簡訊給妳，明天怎麼約？」
女人本來並不打算和男人吵架。但，還是不小心說了出來。
「昨天為什麼不傳簡訊給我？寫一封簡訊只需要兩、三分鐘的時間吧，為什麼做不到呢！！」
究竟為什麼男人不回簡訊呢？
因為男人一次只能做一件事，女人卻可以同時做很多件事；因為男人為了生存抹煞了自己的情緒……』

買o左本「愉悅小書」~~~~~另外行去英文書o個邊時俾我發現到本教跳Pole-dancing o既書~
見佢唔係貴，就一次過買埋~~~~
外國o個o的講Sex o既書籍好吸引啦~真人教埋「印度愛經」入面o的姿勢~我想睇呀!!!~><~
唔知係咪又一城呢間返書返得慢o的呢?前日睇尖沙咀o個間已經有本叫「BOAO」o既雜誌，但呢度都仲未有……
去Taste買埋o個沙律就趕返屋企睇「Nip/Tuck」Season Final~
返到去遲o左15分鐘，睇唔到少女集體被”界”面同Quentin俾Craver捉o左o個幕~
一路都睇到好緊張~阿爸之後都出o左o來睇，但問我有無Nicam……唔好啦~入面有o的中文名唔係咁好o既~睇字幕就算啦~
最後，竟然Quentin就係Craver，而Kit係佢o個妹先驚!!!!因為父母亂倫，攪到佢o地兩個一出世都有缺憾：Quentin就無生殖器官、而Kit就係爛面…係之後Quentin做o左好多次手術整返好佢塊面同頭骨……
不過最後佢o地都消遙法外，去o左西班牙繼續”界”面囉……而Kit同Quentin都應該係有亂倫傾向……
但佢o地寄俾女修士o個張合照兩個都影得好靚~好鐘意o個張相~
SMS o左羅拉同佢講佢估錯Craver o既真面目~

>>January 23, 2007 at 1:22:02 PM GMT+8

2007 年 1 月 9 日 星期二 【颳風】

上去樓梯頂時，不自覺咁諗起上星期二佢直情出o左去天台邊傾電話邊食煙o既情境……
仲有當時佢問我o既o野……
唉~~~~~~~~~~~~~~~~~~~~~~~~~~~~~~~~~~~~~~~~~~~
唔得，仲係好掛住佢：
聽到有人好大力咁「嘭」o個影印機蓋時我都仲係會伸出頭睇o下係咪佢……
聽到行路時牛仔褲o既磨擦聲又會望係咪佢……
行過佢o個位時又會望……
抽屜入面o的芝士味食物又無人幫我清……
好多o野都習慣晒……

o係公司食完飯後落街去食燒賣~
我最近就係大愛燒賣嘛~~~~~~~~~~~~~
同羅拉小姐一齊落樓~佢約o左Elaine去紅山食飯~

羅拉小姐又忽然爬入我o個位度睇有咩新o既Catalogue (因為我拎到Catalogue o既話，全部都會拎返公司擺~)
佢見到我o係Citysuper!拎o既Cooking Receipt啦~~~~~~~
今次我係拎o左「Death by Chocolate」(特濃朱古力蛋糕)~
佢就拎o左一張走~都算叫應承會整俾我o卦~!?
但佢就諗極都唔明點解要用上「酸忌廉」……
而之後，佢仲睇埋Godiva o個新Catalogue o來睇……睇完之後仲要抽走入面多o左出o來o既一張走!!!!
作死丫~~~~我只係拎得一份o乍!!!!
而且繼續佢尋日o既晒命：原來o個條阿Jack手鍊係o係日本o既扭蛋機抽返o來!!!仲可以做書籤……
繼而仲有幾個日本森林家族扭蛋，又係想完之後令人忍唔住問點解香港唔會有o既扭蛋……
不過最衰係佢話「我o的扭蛋有人抽俾我」!!!!即刻好想拖佢去打!!!~><~

無聊時出去雙姐度Hea~
見到塊返工時間板已經無o左傑仔o個名……問雙姐時佢就話費事傷心所以就擦o左……
之後佢話連傳寄UA o的Fax時都會好慣常咁打埋傑仔o個名，所以又o係我面前Delete埋傑仔o個E-mail Address……
但對於我o來講，我做唔出呢o的o野……
如果連呢o的少少o既相關回憶都Delete o既話，咁就覺得呢個人真係完完全全咁離開o左……
類似係咁啦~

下午無聊時羅拉小姐竟得記得我係２４號入職o架!!!!!!
係呀，踏入呢間公司第３個年頭喇……)゜0゜(
於是都係話要去邊度食飯慶祝啦~
上年就Lunch時去o左Pizza Hut~
今年就因為羅拉小姐仲未打到邊爐，所以都係決定去打邊爐~
但Jack哥繼續貧窮，諗諗會有邊度好去o架啦~
「小肥羊」就係由上年嗌要去到宜家都未去到o既~Seems羅拉小姐會揀去小肥羊啦~
雖然佢都真係會有好多選擇……
講到星期一我打邊爐打到嘔，羅拉小姐同Batta聽完都好驚奇，但佢o地會覺得我係因為食得太多牛o既問題……
以前都唔會o架嘛……我覺得係因為飲得多加平時唔夠訓……(ーー;)

SU07 o既N307批大貨喇~~~~~~~~~~~~~~~~~~~~~~~做o左兩次PP就批~
鳴嘩~
感覺好似o個仔終於出世咁……
SU07係我Involve得最多o既一季，由頭辦開始一腳踢~
之前HOL’06同SP’07自己都仲係十o下十o下咁，都仲要羅拉小姐教~
但今次好多o野都要自己o來~
唔……
或者明白o岩o岩入職前Jack哥同我講o既o野o卦~!?
不過係咪應該要等走埋貨先至叫完全鬆一口氣呢?
咁就要捱到４月o架喇喎……

同羅拉小姐一齊走~
而我就落旺角，搵雜誌~
o係信和就買o左第５同６期o既「砂時計」，第８期就本編完結耶!!!!仲要８號先出o既~~~
上去童年夢，仲未見到有「betsucomi」賣……但就有$94 o既「電擊萌王」，呵呵~~~最平喇~
咁就星期五先買啦~
行過買物王時，見到有トロ天使同クロ悪魔耶!!!!「どこでもいっしょFun Collection ＳＬＨＱ天使と悪魔ニャぬいぐるみ」~
但係一望之下……トロ又俾人打腫塊面喇!!!!(//>＿<;///)(見下圖，好明顯……)
究竟幾時先會將o的公仔做返好o的o架~!?
反而因為クロ包埋面，所以唔太覺佢走樣囉……
但人家係鐘意トロ多o的o架嘛……

o係宇宙船見到本亮ちゃん做封面o既「おしゃれヘアカタログ」，俾我見識到佢o既威力：
本雜誌７８０Yen，但飛機價賣到＄１４８!!!!!
變態o架!!!!!
之後就順便交埋o的電話費同上網費~
行完一輪，去到新世紀時，入o左Body Shop~買o左枝芒果味o既沖涼液~~~~~~~
衰多人試o左枝Dry oil mist……但抹唔到耶……好”囉”咁要搵姐姐求救~
感覺都唔太Greasy……但我已經俾o左錢喇……又唔好意思再入去買喎……又猶豫o左好耐好唔好行落旺角o個間買……不過最後都係返屋企要緊~星期五先啦~

>>January 23, 2007 at 5:02:07 AM GMT+8

2007 年 1 月 8 日 星期一 【颳風】

羅拉小姐忽然爬入我o個位度對我「晒命」
佢手上戴o左一條好靚o既阿Jack手鍊：黑色絲絨帶上面吊住一個銀色o既全身Jack
望住之後忍唔住問佢「你專登走入o來同我晒命呀?」

Lunch時同阿煩去o左佢好Buy o既紅山食飯……
先將尋日嘔吐o既經歷o係佢準備食飯時講，嘩哈哈~~~我轉做呢o的o野o架啦~XDDD
而且我係咪宜家先認識佢真面目???
點解佢突然之間________ o左咁多…?係越o來越……
話說同佢講開o的女人殺手~
多曬太陽可以減低50%患卵巢癌o既機會……(因為每日要攝取一千國際單位o既Vitamin D)
然後呢個人就話：咁你曬太陽都唔會曬到o個度o架啦??咪要去o個o的露天沙灘囉……
係呀……咁即係其實我o地點都會中招囉咁o既話……(汗)

Haagen-Dazs有姐姐打電話o來，話寄俾我o既Star Club信彈返轉頭……
於是就Check地址啦~
o岩喎……係除o左路名”Ming”串o左做”Wing”o者，但唔影響o架喎……
不過之後為安全計都係去返Shop度拎~
咁我Godiva o個o的Newsletter又係咪同一命運呢???
我駛唔駛專登去Shop度拎???
因為至少我１０月無收到任何Godiva寄o來o既優惠信喎!!!!
之後輪到收到屋企電話，係阿細打o來專登同我講尋日打邊爐時o係同學度學返o來o既說話『
(因為佢尋日唔記得９同１０係咩)
結果，係９個妖怪追住你；１０個棺材等梗你
由頭開始呢，就會係：
１加１、２加２、３加３、４加４、５加皮、６死你、７個肥婆扎死你、８枝槍口指住你、９個妖怪追住你；１０個棺材等梗你

羅拉小姐著o左新褸~
係手袖位剪埋可以俾手指穿過o既位~
佢就猛咁話好得意……
我就話「我幫你剪幾多個洞都得啦!!」
落o左尖沙咀，行LCX~
一路行過去時，Evisu已經就閂門，而附近o既一個舖位竟然圍起Moussy o既木板耶!!!!!!
又多一間分店喇~~~~~~~~~~~~~~~~~~~~~~~~~~~~~~~(花瓣)
但係……尖沙咀又有無必要o係咁近o既地方連開兩間呢? (另一間o係美麗華商場)
入o左去Levi’s睇牛仔褲，最近咪有一系列係搵Amanda S.同Ana R.賣廣告o既~!?
俾我見到耶!!!!!!而且o的牛仔褲上面o個Tag有佢o地兩個個樣耶~~~~~~~~~~
我要買!!我要買!!!我要買!!!!
我唔買Square Cut住喇!!!!!!!!!!!(爆)
但因為我首選想買o既係無＄３０００都出唔到門口o既牛仔褲，所以我決定遲o的先買~
入埋D-mop Denim shop，睇唔o岩佢o的Moussy牛仔褲，所以就轉戰美麗華o既Moussy Shop~
都係去返Shop睇牛仔褲好o的~
睇中兩款，就問姐姐會唔會有28腰o既，但因為結果都係無Stock，而姐姐又叫我試o下27腰
咪試o下囉~佢再拎多條係Baggy款 o既……
我唔鐘意貼脾o者……唔代表要Baggy o既……而且我又唔夠高去Carry……
出o來o既結果先得人驚!!!
其中一款我竟然著得落!!!!之前去試都唔o岩o架~~~~~~我係咪應該開心呢??
著o左出去照鏡，姐姐幫我摺好o個褲腳，睇落都ok，所以就買o左喇~
係大腿仲爭２”，先Match到佢原本膝蓋爛開o既位……
但羅拉，唔好意思，呢條都係咁低腰XDD

買完就行去利時~
再去買耳環~(笑)
之後就搭火車返屋企lu~~~~~~~~

12星座2007新運勢 愛情有運 置業安居 山羊座
愛情幸運物﹕鑽石
幸運數字﹕8
事業幸運物﹕手表
幸運顏色﹕黑色

整體運勢﹕好運持續
這是不錯的一年，山羊座很多事順着去年的運勢而行，不好的地方稍有改進，其中以愛情運方面，有明顯的進展，關係融洽。

愛情運﹕計畫結婚
已有目標的單身人士，如果今年加把勁的話，就可成家立室，因為你對家有一份熱切的期望，最有緣份的是金牛座和處女座，金牛座是很有安全感的人，而且在財務上的觀點，跟你很相近，大家都是保守的人，而且性格慳儉，雙方不會因為金錢問題而出現相反的意見，至於細心的處女座，是不錯的情人，能令你有心靈的滿足，加上對方做事謹慎，可以為你打點及照顧一切。

今年的財運與愛情運相關，你要用心理財，搞好財政基礎的話，對於愛情運就有幫助，所以計畫結婚的話，必須留意經濟狀況。至於已婚人士，家庭開支是充裕的，但不可以過度消費，卡數及定期供款項目，要小心處理。

事業運﹕安守本分
如果你留在原來的工作崗位，不打算搵工跳槽的話，今年的事業運程，就會變得簡單而直接，毋須多費心思，只要把現職做得好，交足功課便能順勢發展，但有意自行創業，或者另謀高就的話，你要小心人事關係，你要重新適應，由於你的性格比較低調，而且不擅長人際關係，你會遇到一些不易解決的問題，因此，以不變為原則，是今年的最佳方案。

至於財運方面，你要有系統的理財，不要追求高風險回報，所有冒險都不值得，而且投機炒賣，不是你的專長，切勿因為一時貪念，而成為大輸家，7月、8月連續兩個月都是財運的倒退期，有可能出現很大筆開支，不過，如果你有計畫結婚、置業的話，這就是一個好時機。

健康運﹕最佳狀態
今年沒有大病或受傷的凶星，大致上是平安和快樂，你要注意作息時間，不要因為小事而勞心，工作上保持彈性和協調，太過好勝的話，只會為自己帶來壓力。愛情運的良好發展，對身體健康最有裨益，而今年對山羊座女士而言，是生BB的好時間，因為你的整體運程很平衡，加上有愛情力量的影響，身體狀態十分好，不過，你要注意懷孕時的心情，不要兼顧太多工作，專心為下一代而努力。

牙齒健康要注意，多喝綠茶有益，咖啡、奶茶等糖分飲料，最好減少，為了美容和護膚，你要吸收奶類及大豆營養。年輕女士小心腰圍暴脹，甜品、朱古力多吃無益，6月是瘦身計畫的好日子，這一個月的狀態適合大量運動，而你的意志十分強，可以有效進行節食。


1月9日 充滿野心
1月9日出生的人是﹝火星‧隱士﹞代表人物： 尼克森 個性猛烈，有絕不屈服的性格，企圖心強烈；把全部的精神放在事業發展上， 具有高度的工作狂熱。優點是聰明、機警、執著；做事有計畫，講究方法和效率。 缺點是對自已絲毫不放鬆，固執而缺乏彈性。
1月9日出生的人很強硬、很難對付。他們對自己，或是對家人，都有著高度的野心。他們希望能爬到人生的最高點，當最好的人，而為了達到這個目標，他們可以投入所有的精力，年復一年，堅持到最後。他們的意志力絕不容低估，他們會對別人施壓，讓別人屈辱服並順從他們的意志。更厲害的是能夠看準時機，絕不錯失任何一個能讓他們爬得更高的機會。
然而，有時仍難免失算，因而付出極高的代價。種種損失、失敗和挫折，成了他們生活中的點綴品。幸運的是，他們不但有很好的復原能力，也有強烈的毅力追求目標，因此即使失敗了，依然可以再站起來。想擊垮他們，或逼迫他們投降，是件極端困難的事。
同時，他們也非常重視個人的動機、責任和自由。因此，他們有時會缺乏社會關懷及想造福更多人的目標，也無法瞭解或欣賞為群體著想的思考方式。所以，這天出生的人應學習認真對待別人，而不是將別人當成達到目標的工具，才會走得更長更遠。培養仁慈、瞭解、接受等人性，不但有助於他們的個人成長，也能幫助他們達到最後的成功。
正因為對奮鬥與挑戰情有獨鍾，他們很少會讓自己因為一些小成就而停下來，享受快樂和滿足。工作狂的傾向使他們百分之百地全心投入工作，卻也導致在一天結束後，仍然很難放鬆自己。因此能夠找到一個夥伴、朋友或家人，幫助他們放鬆自己，對他們來講是很重要的，因為他們也非常需要笑聲和歡樂的時光。
面對別人的反對時，他們個性中較沒同情心的一面便會冒出來，開始像個戰鬥家，竭盡所能地使用任何可以取得的武器，打敗競爭對手，也全心期待對方相同的反擊。然而，事情往往不是只有黑與白，他們應該認清現在的敵人可能是自己未來的幫手和朋友，如此才使自己的智慧增長，加強他們的社會地位。

幸運數位和守護星
1月9日出生的人都受到數位9以及火星的影響。數位9對於其他數位有很大的影響力（任何一個數位加9之後，都會產生原來的數位，例如5+9=14，4+1=5；任何一個數位乘上9之後則都會產生9，例如9*5=45，4+5=9），而1月9日出生的人也具有相同的影響力。火星充滿力量、積極，展現出男性的能量，但是，對這天出生的人而言，火星的影響力因為與土星（魔羯座的主宰行星）的互動，而產生了面對目標認真，有潛在控制欲望的傾向。而這種土星的個性在1月9日出生的人身上更是明顯。

健康
1月9日出生的人經常因為壓力而產生頭痛、焦慮、肌肉緊張、抵抗力差、睡眠不安等現象。學習放鬆和容許自己追求樂趣是維持健康的重點。家庭、社交活動、固定的假期，都應該是生活裏很重要的一部分。令人振奮的大餐、豐富的點心，都能讓他們好好享受用餐的樂趣，並有益健康。輕度的運動，階段性的休息，偶爾睡個午覺，都能對健康產生神奇作用。除此之外，也必須特別注意，壓力可能會進而影響骨骼和牙齒，因此每天都必須確保自己補充合適的維他命和礦物質。

建議
觀察遊玩中的孩子，並向他們學習，別讓野心吞蝕了自己最好的那部分。保持開放的胸懷，接受建議，認真看待別人的意見。

塔羅牌
大秘儀塔羅牌的第９張是“隱士”，他提著一盞燈、拄著拐杖，代表冥想、孤立與寂靜，象徵智慧的結晶及絕對的紀律。隱士是嚴厲的導師，他運用良心使人走上正途。牌面正立時，代表有所堅持、有目標、深沈且專注；牌面倒立表示專斷、不易原諒他人、多疑以及氣餒。

靜思語：成熟並不表示必須放棄玩心。活著就是我們功課。
優點：直率、堅定、合邏輯。
缺點：情感幼稚、不持續、缺乏整合能力。

>>January 23, 2007 at 5:01:13 AM GMT+8

2007 年 1 月 7 日 星期日 【颳風】

出門口之前錄o左Jin寶貝o既「Pinky」同「Care」~
Jin寶貝與我常在~(甜笑)

見到Starbucks有新Promotion：Double Mocha Macchiato……
於是就叫o左……
點知……只係o係杯Mocha上面唧o左好多朱古力漿之嘛!!!!
呃人o既!!!~><~
返到公司，出奇地唔見傑仔返工……
正當我仲諗梗o既時候，Kate小姐叫o左我出去，話Ken哥有o野講……
咁咪出去囉~
只係行o左上樓梯幾步時，Ken哥問有無睇今日報紙話有人墮樓，我記得o係火車度八到人o地份頭條有講丫~話咩醉漢墮樓身亡嘛……
點知，Ken哥話o個個係傑仔……
聽到時，好想問佢係咪講笑……但佢話唔知邊份報紙Quote o左全名出o來……
見到Ken哥o個樣……我反而安慰佢……因為佢同傑仔最Friend……
返埋位時，Kate小姐同Jack講埋，然後佢o地就搵報紙睇……
Lunch時過o左OK，太陽同蘋果都頭條丫~
但事發版本就兩份都唔一樣，而且人名都係……一份o岩姓、另一份就o岩名唔o岩姓……

新一年只開始了８天，
便發生了第二件令人(我)不快的事……
我們親愛的傑仔墮樓身亡……
感覺十分不真實，當寫著「傑仔死o左」這SMS時，更加只像平時說笑的感覺
真的是我們所認為的傑仔嗎?
死神會是選了他嗎?
真的是離開了人世嗎?抑或只是送進了醫院?
古先生，你知道自己已經離開了我們嗎?
開了多枝Chivas、然後又溝了無數的酒，昏昏醉醉後返家便出事了……
知道他絕不會在期間服食任何藥物，因為我們清楚你的為人
也知道你不會是自殺，縱使你有多不喜歡現在這工作，但你還是很努力的在自己的崗位上工作
這真的是一宗意外……
而這意外就發生在我們身旁的人身上……

諷刺的是，你要的根付祈願電話繩，是白色的長壽，
本只是希望你這煙民可以活得長久
沒想到交給你一個月也不夠，便傳出這消息
知道後想哭，因為你是我其中一位在意的朋友
然後因為我的傷心一定比不上你的親朋好友，所以我忍著淚，聽Ken哥說畢這消息
聽說Winnie哭得面容扭曲；而Iris，我則看著她哭著跑進洗水間；至於Ken哥，整天都靜了下來
全公司也因為你而變得沉寂
沒有你的Pantry，同樣是靜得要緊；午飯是低著頭、默默地將飯菜送進口中，有時會想著你仍在這Pantry吃飯，可是，環顧四周，數來數去，也只有１２人……
有時也會想快快吃完，離開Pantry，因為繼續下來，只會更掛念你
不知道其他人是不是有著同樣的感覺?

喜歡釣魚、喜歡芝士、喜歡Evisu、喜歡Dark Blue、喜歡聽Red Hot Chili Peppers的音樂、也喜歡Luna Sea、煙不離手，喜歡的牌子是Lucky但平常抽的是「綠萬」或其他薄荷煙、每隔２小時便要外出「抖氣」、不喜歡忌廉味重的食物、時常嚷著要睡要睡、因為要當伴郎要囔著要減肥、UA的縫紉人、經過爬進我的座位找食物、咖啡要喝最濃最原味的……
……抱歉我所知道的就只有這麼多
但我就喜歡這麼的一個你
喜歡你笑著叫我「Kimi仔」
喜歡星期五我在廠時反而跟你談了很多長時間的電話，而且兩人還不想掛線
喜歡以前你在粉嶺等我時坐在馬路邊欄杆上抽煙的「滄桑」樣子，然後兩人不斷唾罵Burberry
還有很多很多已忘記日子但斷斷續續的記憶……

雙姐想起星期六你們仍有說有笑，便覺郁悶，還說當時欠了你五毫
對哦!
你也欠我呢~
嗯，將$10折現買的食物~
Dora還笑說我送綠帽給你—
我才不敢呢!!
那天最後一句你跟我說的話是你問我是否將Lucky放在你檯面的
當時我沒有回答，只是一直的笑著來回應
然後，你多謝我替你買了你想要的Lucky
我也要多謝你哦!
多謝你本是短周的星期六有回來上班，令我對你的回憶多加一點點
本是普通的一天，卻變成最深刻的一天
古先生，我還有說話要跟你說的，
很老土吧?
見不到面後才後悔沒有趁你仍在時跟你說……
或許會寫信並於拜祭你的時間交給你
也有想過能否請到靈媒詢問你的現況，屇時再跟你說…
我是不是看得太多電視?究竟有沒有這樣的東西?

趁人不多時走到你的座位，
已經找不到你掛著的「長壽」，是不是Dora已經替你放好你的物品?
但願不是被丟了吧!

古先生，祝你明天２３歲生日快樂
對於我這位無神論者，雖然不知道你現在哪裡，
但，
也希望你將來過得快樂

P.S.剛查了這個英文字：Stiff
多按了一下箭咀，除了解作硬的，還得出這個解釋：屍體、醉漢…
我又想哭了……


今日公司o既同事大部份都好準時咁走……而且都感覺係無乜心機做o野……包括我
上面篇o野都係我邊做o野邊打……
羅拉問我放工去邊，我就話返屋企食飯，佢聽到之後好出奇啦~
無辦法，要慶祝阿媽生日……
搭梗巴士時，阿爸打o來問我想去邊度食，咁既然尋晚話打邊爐o既，咁咪打囉~
去到酒樓，食o左好多碟肥牛~好Satisfy~~~~~~
期間阿爸問我今日公司多唔多o野做，又問我咁早走我上司有無話我
不過都無丫~反正今日o的人大部份都準時走~
而且講o左傑仔o既事之後，阿媽第一句係話「折墮」(雖然我明佢唔係o的咩負面意思)
同阿爸飲o左幾枝Blue Ice之後返屋企~
其實個人都開始覺得暈暈地，上網睇o左明報版o既新聞之後真係頂唔順，出廳攤o左o係度
想訓想訓又好天旋地轉o既情況下，真係想嘔，即衝入廁所大嘔……
不過嘛，嘔o左落洗手盆度……而且仲攪到淤塞，所以唯有撈返o的牛肉上o來丟落廁所……
然後再用滴露大洗兩者……
出o來時，阿爸已經叫阿媽沖o左杯蔘茶俾我，但因為太熱而且陣味我好唔得之下就擺o左o係度無飲度……
再攤攤o下、阿爸問我點o既時候，再嘔多一轉……
都唔知點解我會咁通……嘔應該o係口度嘔o架嘛…但呢幾次嘔，總會有o的o係個鼻出……
嘔完已經好”支力”，出廳睇睇o下「4400」後訓著o左……
Feel到阿媽拎o左件褸蓋o係我身上、之後仲拎埋我o個Cushion墊住我o個頭(因為我頭訓o左o係窗台)
訓到12點幾俾阿媽叫醒我去沖涼，訓完之後感覺好好多啦~
沖完涼就點都飲埋杯蔘茶，再飲豆漿之後就訓~
今集o既「Red Collection」追唔切耶~~~~~~~~~~~所以都唔知佢『Ｃ』有o的咩~
記得有Canadian、Coke……



疑踏窗爬牀滑腳 醉酒青年墮樓亡
(明報) 01月 08日 星期一 05:05AM
【明報專訊】屯門發生離奇墮樓事件。兆康苑一名青年昨日凌晨帶醉返回19樓家中後，被家人發現墮樓倒臥樓下平台，當場死亡。警方在場未發現遺書，家人亦指他生前從未透露死念。據死者家人向警方指出，死者睡在碌架牀上格，每次上牀時均習慣踩住旁邊的窗框借力，警方懷疑他是踏窗時跣腳，失足跌出窗外墮樓慘死。

窗口無窗花 成人可穿過

墮樓死亡的22歲青年古家杰（譯音），與52歲父親及49歲母親等家人，同住兆康苑兆偉閣19樓某室。現場所見，該單位房間及客廳的窗戶均面向墮樓現場，每扇窗闊3呎、高2呎，從下向外推開，足以供一名成年人穿過。據了解，昨出事時青年疑跌出的窗口並無裝上窗花，昨日記者亦發現古家為單位窗戶重新裝上窗花。

習慣上碌架牀踏窗框借力

現場消息指家杰的母親向警方透露，兒子睡房置有一張碌架牀，他平時睡在上格，而該牀擺放位置貼近窗邊，家杰平時習慣腳踏窗框借力攀上牀睡覺，而事發後，家杰牀邊的窗是打開的。

警方事後進入肇事單位調查，並未發現遺書，死者家人亦向警方聲稱，家杰生前從未透露有厭世念頭，亦未見有任何情緒困擾，根本沒有尋死的動機。

無留遺書 生前沒情緒困擾

現場警員調查後表示，懷疑家杰事發前曾經飲酒，返家爬上上格牀準備休息時，神志迷糊間踏在窗邊，結果跣腳跌出窗外釀成悲劇。警方將事件列作「有人從高處墮下」處理，由於沒有人目擊事件經過，墮樓原因仍待進一步調查，初步相信事件並無可疑。

家杰多名親友昨午先後到場拜祭，其中有人情緒激動，淚如雨下，一邊燃燒紙錢時，一邊致電其他親友泣訴家杰的死訊，而家杰的朋友均對其離奇墮樓感到疑惑。

古父向警方報稱，家杰於前晚10時離家外出，及至昨凌晨4時許，古母起牀時發現家門已從內鎖起，相信家杰已經返家，但卻不見他在屋內，其睡房牀邊的窗則打開，深感奇怪，探頭下望時發現家杰倒臥於房間對下3樓停車場平台，驚恐萬分，即通知丈夫報警。救護員趕至時，發現家杰已經死去，屍體稍後舁送殮房。

>>January 14, 2007 at 2:00:19 PM GMT+8

2007 年 1 月 6 日 星期六 【颳風】

刨埋本「忽周」~
睇今晚o既節目表時先發現World有「《戰火旗蹟》/《硫磺島戰書》製作特輯」，Main point係連日式二鍋芝麻都有呀嘛!!!!
於是就將呢個振奮o既消息SMS俾L~~~~~~~~
不過佢話部電視仲未有……唔知有無得睇……
TVB就播「海猿第一擊」……
對於我o來講都覺得好出奇……播完電影版後就２７號開始播TV版……

本o野入面仲有講3大婦女癌……
第一係、乳癌，之後子宮頸癌同卵巢癌……
點解一個子宮都可以變化出咁多癌出o來~!?
不過有關o個子宮頸癌，原來除o左我頗鐘意做o既柏氏抹片檢查外，仲可以打針預防囉~
３枝疫苗每枝約$1200，６個月內打３枝……
聽落都okay制得過……
而且又講到由男人傳染o既HPV病毒~所以連男人打都有用……
之前都睇過報導話外國推行男生打疫苗……但感覺香港男生唔會做呢o的o野……
但至少可以預防男性染上「椰菜花」嘛……
以前有講開o個「乳房超聲波造影」要夾住o個胸……好似俾人話我胸細難夾嗎?
但雜誌又話係壓平o個胸、痛不欲生o既??
不過算啦~
反正宜家有個叫「紅外線熱成像系統」~有無得做呢??$850之嘛~~~~~
雜誌話多吃奶製品發病率高27%……但奶製品係攝取鈣質最好o既途徑……
夠唔夠矛盾???
你寧願有骨質疏鬆定卵巢癌???

o係Yahoo!搵「一個人的牙刷」時出現o左一個Link係「一個人同時屙出兩條屎的方法」
我諗唔明點解係「穿丁字褲」呀!!!!
有無人明???
「一個人的牙刷」……感動死啦……
連小內版o既我都喊呀……
Jin寶貝，你幾時返o來~!?
仲順便聽返好多Jin寶貝o既Solo……
上o左個JPOP Forum~都ok~~至少可以Down到唔少日文歌~
八卦o下又上o左Coolman o個Forum，有個女仔自己唄「想你的時候」啦~把聲都ok o架~

你現在的愛
是給誰?
的確我現在
承認我有很多不對的地方
那一天的我
不知為何 有一點怪怪的
只是「我愛你」這句話
想不到 Uh
連夢中
也夢不到你
牙刷就像平常一樣
兩支並列在鏡前
Ah 等待 我在等待
相信你 等著你
的確
我不是那麼長袖善舞的人
現在的我
也無法說出厲害的笑話
「我愛你」這句話
那一天說不出口 Ah
希望能將我的愛
傳達給你 直到未來「我愛你」
牙刷只剩我的
為何會一直傷害你
你現在的愛
是給誰?
Wow...Wow...Ye...Wow...Ye....Wow...Baby...
牙刷就像平常一樣
兩支並列在鏡前
Ah 等待 我在等待
相信你 等著你
牙刷只剩我的
為何會一直傷害你
你現在的愛
是給誰?

趁未做二鍋芝麻時睇o左陣「海猿」……
感覺好似「特殊救難隊」囉……不過算啦~反正係同一作者……
而且趁阿爸未出廳睇電視時，我開o左「Signal」隻碟，睇Making囉~
我的確係宜家先開呀~~~~~
見到Jin寶貝真係拎住煙，見到鏡頭影到佢時就笑住扮無o野咁擺埋枝煙~

呵呵~到正場喇~~~~~
後半先開始介紹日式~
一路睇，有渡邊謙先生o既訪問，而且…二宮o既鏡頭總共有５個呀!!!!
係５個呀～～～中村獅童都只係得１個o乍!!!!(大爆)
不過佢o係入面來來去去都係o個o的樣囉……
睇完之後就報告~
打到去人家阿奶時，佢覺得佢o個仔o既鏡頭仲多過渡邊謙XDDD
沖完涼，咁o岩播「百年怪物語」，好彩我睇到o個Part未算恐怖……

>>January 14, 2007 at 1:21:39 PM GMT+8

2007 年 1 月 5 日 星期五 【颳風】

辛辛苦苦拎到落o來o既辦，見到白板寫Apple同傑仔短周之後令我忍唔住大罵!!!
但因為雙姐話傑仔返o左o來o既就咁算啦~
而Apple咁o岩都o係呢個時候返o左o來，佢竟然連自己駛唔駛返都唔知……(汗)
Roland仲話我嘈到連佢都聽到……
但無理由Elaine淨係調佢唔調Roland o架~!?
將傑仔託我拎落o來o既帽交返俾佢，Dora見到之後竟然係話「你送綠帽俾佢戴呀~!?」
「唔係啦~我交俾佢o者~」
我都係鐘意Dora多過Judy……

阿煩問我佢o的辦o係度，我答佢o係羅拉度，
呢個人聽完之後係好埋怨咁話「o下……o的辦我趕住寄o架!!!」
咪玩啦……如果羅拉小姐唔返o來o既話佢都唔會主動幫我拎o的辦啦!!!!
呢件事我一定會揚開去!!!
羅拉同阿Tim遲o左返o來~
10點幾先開始浦頭~除o左o的辦之外好彩o的煙佢都記得拎返o來~
然後羅拉開完會之後真係即走~(其實都因為阿Tim o係度挑釁問佢點解仲唔走)
仲o係走之前俾我打o左佢Pat一下~但o個我隻手都好痛……

同Ken哥同Kate小姐出樓梯時講開尋日Jack哥去o左深圳飲酒
Kate就o係度講發生o係深圳o既販賣器官加劏肚o既事件……
好恐怖……
仲要係o的受害人睇住班人劏開自己o個肚拎走o的器官囉……
其中一單就係一班女仔原本一齊行梗o既，但只係其中一個打電話所以退後o左一步咁就俾人捉o左!!!!
另一個就係一個阿媽同o個女~o個女話要去廁所，咁阿媽就o係廁所門外等
但因為等o左好耐都唔見o個女出o來，所以就入廁所睇，不過入面竟然一個人都無
o個阿媽就去o左報公安，o個公安問佢有無見到有o的咩人o係廁所入面出o來，阿媽就話見到o個阿婆拖住袋o野出o來，公安就應佢：咁你等住收屍都得喇~
點知最後真係搵返o個女條屍囉……
真係好恐怖!!!!!聽聞宜家連男仔都劏丫嘛……
我就講o左尋日入境o個電子板o既事，佢o地聽到都一臉Unbelievable的樣子……

唔知係咪因為連續兩日拎辦o既問題，膊頭痛得要死……要貼「殺龍巴斯」……
而且左手臂都瘀o左一攤……
終於等到放工，好頂唔順咁攤o左一陣至繼續做埋o的o野……
將包Lucky擺埋o係傑仔張檯，唔理佢走o左未啦~
然後我２點幾就走人~

訓訓o下覺時Kate小姐打電話o來，原來係３人會議……
好耐無做過呢o的o野喇!!!!
以前返學時都叫仲有機會，但宜家簡直少之又少……
都係同佢o個位o係Roxy度做o既朋友講o下Staff Sale o既o野~
但因為最近都無錢，所以應該唔會去買喇~
收o左線之後發現大家阿奶Send o左訂A團碟o既SMS o來……
回完之後先發現點解o個Mail Box唔爆o既??
之後一睇……
竟然全部Message無晒囉!!!!
唔知咩事無晒!!!!
尋日返落o來香港時都發現來電紀錄o個Phone List無晒o的電話!!!但當時唔為意……
點知今日就先發現Message無晒……
結果嘛……多次爆喊……
新一年，你都唔駛要我咁樣迎接新一年開始呀嘛~!?
０４年至宜家o既Message全部無晒……
我一路唔捨得Delete o既Message宜家就同我一次過無晒……
生日時o既恭喜Message、KristyKeiko基基o係我唔開心時o既安慰Message、羅拉o既中文+鼓勵無聊Message、阿斌o既極度簡短Message(但至少令我記得當日發生咩事)……

死命撒嬌o既情況之後嘛~
呵呵呵呵~~~~~~~~我無諗住係咁o架~
我真係只係想抱抱安慰~
Thanks~
聽聞我對眼仲喊到腫晒……
走之前去o左食糖水宵夜~~~~~~ (v^ｰﾟ)v
但某人想食o既紫米露已經賣晒~
我就梗係只要最普通o既椰汁西米露就ok啦~~~~
再叫o左o的車仔(食送)，食完之後，就飛的過火車站~

>>January 23, 2007 at 2:45:32 AM GMT+8

2007 年 1 月 4 日 星期四 【微冷】

Pack好今日要拎去俾Richard佢o地開Annual Dinner時著o既恤衫……２袋超重o既~
趕完一輪，臨出門口前打去問羅拉小姐究竟我要帶o的咩……
因為都係Henry上去睇辦之嘛，又唔係開會……兼且劉謙都會有資料o架啦~
但因為羅拉叫我帶o下o的Update資料，所以就咁Print晒o的辦單首頂就算~
最後攪到1145先出門口……
搭梗地鐵時，收到公司o既電話，竟然係傑仔打o來~
都係幫佢拎頂帽落o來~
趕上到Polo時，已經1230……好彩Richard仲o係度，將所有o野交晒俾佢之後就趕去火車站……
搭o左o係九龍酒店後面o既綠色小巴上火車站
去到，好彩未夠鐘……
打俾Henry，原來真係坐o係Richard隔離o個個!!!!
好耐無搭直通車~
原來我o地係坐上層，因為我行先o既關係，多數都會係坐入面o架啦~
但因為我唔鐘意坐入面，所以咪讓Henry坐囉~
我同佢兩個係咁讓，最後我講o左句「我唔坐得入面o架」，點知佢竟然係答我「我都係」
聽完之後唔識反應!!!!
咁咪唯有我坐入去囉……
但係佢竟然就走o左去對面位坐入面 (我o地係o個o的四人座)!!!!咁你又話你唔鐘意坐入面???
我就話係迫住坐o者……
之後有位外國女人o來到，所以佢先坐返我隔離~
等到開車之後，感覺好唔同~高Level咁望返落平時搭火車經過o既車站XDDD
對面位外國女人就係咁睇o的TV雜，其中一本封或係一套叫「Ugly Betty」o既US Comedy~
女角真係有o的醜……=_=”
我同Henry兩個都爆睡……o的人行過唔會以為我o地係北上o既情侶o架呵~!?
到東莞排入境時，見到有o個o的電子板講唔可以帶入境o既o野：其中一項竟然係精液!!!!
睇o左簡體同繁體都係精液!!!!
我心諗：有無病呀???你係唔俾男人入境嗎????(汗)

好彩司機哥哥真係拎住KTS o個牌等我o地~
但因為之前佢o既姿態同當時做梗o既動作有點不雅，所以扮睇唔到先……
去到廠，Moudi同阿Jack竟然未走!!!
而羅拉就o係溫生間房~同佢報到o左就等o的同事空出間房俾我o地~
期間俾劉謙捉住我問問題……
等到羅拉出返o來，就帶Henry過辦房開會睇大辦進度~
不過羅拉都好忙咁要打返香港搵Ellen問SP07走貨問題……
佢留Voice Message時竟然唔記得自己手機號碼，反而問返我轉頭!!!
好彩我記得o者……(汗)
唔知Henry見到時會唔會覺得到走大貨時有o的危險呢?(笑)
開完會，我就出去辦房拎要幫人交收o既o野……
抱歉我真係唔認得o的同事……俾小芬話我啦……
因為傑仔話會叫黃淅東將頂帽４點幾擺去Reception，但我去到時都仲未有……
佢就話會再同黃淅東講，仲問我有咩方法搵到我，或者當時我Skip o左幾個字o來聽o卦……
咪都只係叫佢o係Reception留言囉~
除o左阿煩o個幾件童裝、仲要Dick哥４件衫，專登走過尾整o個邊搵黃淅東，但人竟然唔o係度!!!!
返到Office o個邊，楊學勤同黃淅東已經等梗我，楊生仲俾o左包布等我交俾Helena囉……
收齊晒o野，就逐個打電話報(物品)平安；每件收手續費$10，Helena包布就一百XDDD

5點幾先送走Henry，就輪到同Jason講Denim問題……
仲係要等羅拉同阿秀夾返晒男裝o的貨期……
阿Jack就等埋我o地一齊走啦~
趕去搭由樟木頭開出o既火車，o係車度先知道可能Henry o個邊仲塞梗車，趕唔到七點班直通車，下一班要九點囉……
講開要離職o既問題，羅拉都係話落閘放狗，再唔係就打斷腳，吊住得返半條人命都唔俾走……
去到火車站，拿拿聲買車飛，好彩Jack哥今日收o左唔少人民幣先有錢買車飛……(因為佢幫廠o的同事買o左唔少o野，由牙膏至奶粉甚至跌打酒都有)
落到月台，個個卡位都好多人排隊，我就同羅拉講：可唔可以唔逼?
而佢都話佢同Jack哥會前後夾住我上車，聽完之後先安心少少……
因為人太多o既關係，所以就企o左o係車廂與車廂中間的位置
但偏偏左右兩邊分別係洗手間同Pantry……
而且又有服務員捧著o野行o來行去……又有男人o係我後面o既Pantry度直接吐痰及Sneeze落Pantry o個垃圾桶(!?因為我唔敢望，所以都只係估佢整落垃圾桶)
其間Jack哥去o左廁所，當佢出返o來時拎返幫我拎袋o野，
第一時間我問佢：你有無洗手?
就算佢答完「有」，我都係拎o左枝消毒藥水出o來，
羅拉問我點解要噴o個膠袋，我就話「因為o個廁所門柄都好污糟囉!!有o的人去完唔洗手就模落o個門柄度，咁就算你洗完手，到你掂到門柄後，隻手咪又係污糟?」
估唔到佢聽完之後都認同猛點頭!!!(大爆)因為Jack哥走之後就佢拎o架啦嘛!!不過佢都有o的係想激死Jack哥o既意思~~~
然後……因為架火車太恐怖o既關係，一路等去到深圳時，我內心已不斷吶喊、又猛同羅拉求救
結果，我真係o係落火車後立即大叫……
真係好恐怖嘛!!!!
不過期間都有再了解o下究竟Polo係點運作~
因為Moudi都有上去PRLS嘛!!而Moudi做o野間公司Alda Moda就係負責日本Polo o既公司，但佢o地又會上去PRLS同Richard開會 (Polo Jeans o既Team leader)……但明明Moudi係Ralph Lauren Blue Label o架嘛!!

同Jack哥分開o左之後，我同羅拉就諗去邊度食飯~
期間o係o的免稅店周圍咁問有無Lucky賣~要去到最近香港入境o個間先有~
見佢$11.5一包，於是就買o左兩包~其中一包俾傑仔~
但因為出境唔夠２４小時係煙都唔俾買，所以有諗過同羅拉小姐一人一包當係自己食o既~
不過佢就幫我拎晒兩包~好彩過關時無事o者~
搭火車時見到羅拉Set佢男朋友o個名叫「龍王」……
之後我o地o既話題就圍繞佢男朋友~畢竟同我同月同日生日嘛~
羅拉仲問我覺得男朋友似做邊一行，我諗都無諗就答「自由人!Freelance~」
結果(以前)真係!!!佢外形太似喇~~~~~天秤都比較係自由人啦~~~~(但佢男朋友宜家唔係自由人)
講講o下，都發現我同佢男朋友唔太似，同羅拉反而有o的似~
可能真係好似Batta所講男女o既分別~~~
又或者係因為我個人唔天秤反而似處女同天蠍~
如果係o既話，我比較羨慕佢男朋友啦~以前有講過唔鐘意自己１０月１６號出世，寧願早一日或者遲一日……但龍王先生係正面過我囉……
．龍王先生諗o野會諗埋外圍周遭事物o既反應
．一靜落o來o既話會不自覺咁諗o野
．唔固執(反而係羅拉比龍王先生固執)
．龍王先生唔會主動去搵人，因為o的人會自動去搵龍王先生 (正如佢次次出現o係公司晚宴上，o的人都係自動咁搵上門)
單係第１同第４點已經夠我羨慕……
羅拉見到我係咁噴消毒藥水，而且又知道我係最近先咁，都問我發生咩事~
但係，我都係話壓力大囉~
佢又唔信之嘛~~~~~~~~~~~~~~~
一遇到壓力o既時候我就係會變成處女座……鬼叫火星o係處女咩……

最後決定去女人街o個間セレナーデ餐廳~
而且又因為我見到有鵝肝而雙眼發光時真係叫o左o個扒俾我~~~
講開尋日佢開心咁話Tim哥有新o野俾我同Jack哥玩……
原來係兩個新客……
我有幫Jack哥口話佢都多o野做o架，但羅拉數到出口佢有咩客……咁我幫唔到佢啦~
Kate o既Rhone Orchard宜家一開三……
我o既Polo Jeans更加唔駛講……一開五……仲要季搭季o來做……
至於Jack哥……日本單只係負責出o下辦、上o下物料、跟o下大貨、日文翻譯有Moudi做埋；Burberry宜家又唔係季季有單做；Kasper羅拉仲話想唔接，反正數量唔係多而且又係翻做同一個款走貨；Pringle都好似同一狀況……
所以就送o左Manual同另一個不知名新客俾佢~
今餐埋單三百幾蚊，但佢竟然唔記得叫Waiter俾返張單佢……
又要我提佢+截住o個Waiter……
多謝羅拉每次都陪我去我想去o既餐廳食飯，又多謝佢次次都請我食 (但佢又唔係會Camp返公司喎)
仲第一次飲o左杯Blue Margarita……
然後就過o左去Haagen-Dazs~因為羅拉申請Star Club~~~~~等佢o既時候，哥哥俾我試o左新出o既Fig雪糕，比想像中okay，食得過~
原本諗住散Band，不過羅拉知道我走信和後話一齊去睇漫畫~
因為當時都就十一點，都驚o的舖頭會Close晒~好彩仲有一間俾我o地入去睇埋……
我就買o左「幽靈旅行代理店」#2，羅拉俾漫畫店o既人Sell佢睇「Liar Game」，佢就真係一次過買晒已出o既兩期……
但估唔到明明$32 o既漫畫，間舖頭只係收我o地$29!!!!真係買過最平o既一次~~~

>>January 23, 2007 at 4:45:14 AM GMT+8

2006 年 12 月 30 日 星期六 【晴】

『昨天在醫院被割了皮包...女友罵我多此一舉』
第一個舉手，我係其中一個將「皮包」睇o左做「包皮」o既人!!!XDDD
但我唔覺無聊哦~
人o地都已經將呢個題目放o係笑話區啦!!

>>December 31, 2006 at 6:29:31 AM GMT+8

2006 年 12 月 27 日 星期三 【微冷】

12星座2007新運勢 無驚無險 心情輕鬆 巨蟹座
愛情幸運物﹕塑膠花
幸運數字﹕5
事業幸運物﹕手提電腦
幸運顏色﹕橙色

整體運勢﹕持續平穩
巨蟹座07年運勢得以持續，平穩而漸變，沒有太大驚喜，有些事情會重複。不過，你的自主性很強，如果積極爭取，也不是沒有可為。

愛情運﹕投入真諴
07年的愛情運可以用一個「平」字來形容﹕平穩加上平淡，你可以說是平平無奇，顧名思義，浪漫是欠奉的，因為有關愛情星象，近兩年來都是慢行，沒有突然而來的戀情，你不可能指望有如電視劇的峰迴路轉，那好處是甚麼﹖就是你可以掌握中長期的發展，對於有一定基礎的男士而言，07年最好考慮結束愛情長跑，建立一個正式的二人世界，當然，走到這一階段，物質和經濟考慮是首位，初戀的山盟海誓，暫時成為美麗的回憶，而不再是原動力。剛開始拍拖的巨蟹座，你要明白感情要一點一滴的累積起來，時間是最好的考驗，過程之中，你要投入真誠，以及關懷。第三季過後，愛情運的節奏比較快，但不會是急速的，你可以利用這段時間，主動做多一點，可收事半功倍之效。已婚人士家庭生活和諧，少有爭吵。

事業運﹕多勞多得
財運與事業配合，巨蟹座07年有不錯的表現，收入明顯增加，對於上班一族而言，日子是好過的，只要努力辦事，就會得到應有的獎勵，如果從事推銷工作，謹記一句話﹕多勞多得，凡事多走一步，絕不輕言放棄，就會有奇迹的出現﹗

如果你是老闆，主理一盤生意的話，07年最好集中火力在專長業務之上，正所謂不熟不做，貿然走到另一個領域，就要冒風險。由於07年以穩健為主，除非有十足把握，否則不宜擴充，保留實力方為上算。為了打好事業基礎，上班一族最好抽時間作個人增值，學習不同的技術，考取專業認證，對事業有很大幫助。個人投資以長}足陞D，不要選太多項目，建議以地產項目為主，投資優質物業，進可炒，退可租，回報穩健而合理。

健康運﹕肝胃敏感
巨蟹座的健康運來自家庭，小心照顧孩子，平時多作親子活動，必然會身心健康，換句話說，07年不宜太多無謂應酬，上班一族放工可以有「歡樂時光」，卻不可喝到半夜三更，因為肝臟和胃部敏感，太多刺激的話，很容易熬出病來。可以的話，早點回家，享受正常晚飯，早睡早起，不亦樂乎﹖何必把歡樂變成健康的壓力﹖

有心纖體和保健的朋友，07年進行順利，不過，任何事都要有耐心，沒有三日速成的可能，習慣每天運動十五分鐘，已經是不錯的健身計畫，要實行十分容易，晚飯之後步行一下，上班時，多行樓梯就可以了。如果你要參加健身班，最好明年3月開始，夏季可作水上活動，半年之內，定會成功減磅。以上的平穩節奏最適合你，太劇烈、太急進的計畫，反而沒有幫助。

仁へ
你有看到嗎???
『對於有一定基礎的男士而言，07年最好考慮結束愛情長跑，建立一個正式的二人世界』
屇時基本功夫一定要齊全喲：花、介指、跪地!!!!當然還有令我點頭答應的說話啦~~~
我應該也會答應的~~;p
嘩哈哈哈哈~~~~~~~~~~~~~~~~~~~~

>>December 31, 2006 at 6:47:35 AM GMT+8

2006 年 12 月 25 日 星期一 【颳風】

都係12noon就自動起身~
訓醒之後真係熱……好彩~尋晚除o左衫訓~~~~~~~~~~~

繼續net-surfing o既生活~
不過俾我預見到出年１月o既生活狀況……
玩o野咩…兩個駛唔駛連續兩個禮拜出碟呀???
你o地又唔係競爭對手(雖然一個係NANA、一個係REINA o者…)
OLIVIA出ミニアルバム (但價錢一o的都唔ミニ，反而我仲要諗究竟要CD好定CD+DVD，一個送mini book，一個送poster)、土屋アンナ就出1st LIVE DVD同single「黒い涙 / ANNA TSUCHIYA inspi' NANA（BLACK STONES）」……
汗……
好彩Angela Aki無碟出……但都真係已經夠晒大汗……

各位見到以下新聞標題第一時間會諗起o的咩：
【新聞】龜梨慶功混牛郎店 傻等赤西仁
曖昧到爆~~~~~~~~~~(笑倒)
女朋友默默在等待自己的另一半回來耶~~~~~~~~~~~~(再爆)
「KAT-TUN成員龜梨和也與綾瀨遙主演日劇《唯一的戀情》收視成績不如預期，劇組人員還是開心舉行殺青慶功宴，由於事前傳出赴美遊學的赤西仁可能也會出席，許多傳媒聞風趕往現場堵人，結果最後不見蹤影，媒體大呼白忙一場。
《唯》劇劇組人員當天先安排大家到新宿K歌，再轉往附近牛郎店續攤，由於該店老闆與赤西仁交情匪淺，因此傳出龜梨私下也找他一起慶功。不過他後來並未現身，讓前往採訪媒體撲了個空。」

2007 年 12 星座運勢
天秤座
去年得到財富上的滿足，今年將會繼續，相比起2005年和2006年對天秤座來說將會更聚財，實在可喜可賀。進入2007年，發財而立品，當你不需要為經濟問題而擔憂時，也是趁機去進修增值自己的良機了，可以選一些你有興趣的科目再修讀，學習及教導他人會為你帶來快樂及滿足感，動力和人生樂趣盡在其中！經濟上的支持，對你來說不只是物質上的滿足，而且還可以買到自由及時間！

２００７年星座戀愛運
天秤座　（９月２３日－１０月２３日）
天秤座人０７年有些偏桃花，即係霧水情綠較多，但不能開花結果果種。０７年亦未到最佳談婚論嫁之年，由夏天開始直至年終，感情生活很易因不同原因出現變數，情緒亦會變得不安。而且９月３日前更較易因第三者的影響，令現有關係產生變化，宜盡量冷靜行事，保持理性地去解決問題，切記反應過急只會讓事情惡化。

↘出生月份的幸運顏色 ↖
★十月幸運色淺藍色
日照短，大自然蛻變期。你幽默圓滑，浪漫愛幻想加上豐富的創作力，使你成為美麗的代言人，有藝術家典範。粉紅和藍紫色餐具可釋放壓抑情感。
至夾出生月份 : 2、4月

仁へ
嗯~順道送你一個星座測驗：
星座接吻的天份
巨蟹座
紅唇外觀: 唇圓而潤澤, 感覺溫暖
接吻天份: ***
巨蟹座的人母性氾濫愛心濃, 若他們喜歡對方, 將會毫無保留的吻下去!
但接吻天份不高.

哈哈~~~接吻天份無論是天秤抑或天蠍都比你高耶~~~~~~
終於有項東西做得比你好了~~~^^v

再Group返「我的最愛」入面o既Web~
邊Group邊Hang機……頂!!!
見到Falcoon先生o既Official Site Update o左，我鐘意呢個姐姐耶~~~~~~~~
然後，就好無聊咁跟住佢咁畫姐姐隻眼同o個咀~
有幾次都okay o架~
可能下次我o既簽名上面會多o左o個微微嘟起而又好性感o既咀唇~(笑)

睇到有人Post o左一段男生o既苦惱出o來~
我會睇o既原因，係因為男生o既苦惱係因為Jin寶貝--> 女朋友過份迷戀Jin寶貝，攪到男朋友好失望、好心寒……(因為都已經一o左６年)
寧願約唔識o既網友去日本睇Con都唔搵佢、J飯o的男朋友與偶像之間o既問題又係全部Jin寶貝大熱勝出、肉麻說話同都未同過男朋友講但又用晒o係Jin寶貝身上……
咁對o個男o既的確係好大打擊……
呀……如果我另一半真係咁有心機睇晒我之前o的日記o既話，又會有咩反應呢??

唔知點解最近Showhappy o個Forum都去唔到……
有o的字碼都會想搵究竟點整出o來o架嘛!!!

Preview o左今期「ViVi」
我有無眼花呀????
リナちゃん竟然剪o左齊瀏海!?!?!?!?!?
好唔襯o架!!!!唔好啦~~~~~~~~~~~~~~~~~~~~~~~~~~~~~~~~(||゜Д゜)

太多o野都太重覆記唔到o既關係，宜家要打日記，都要靠睇返o的收據先知道自己放工去o左邊度~
(但唔代表我次次都有買o野!!!講明先~)
因為之前試過一個禮拜出o左銅鑼灣３日啦~(就係因為本「BUKKA」o既關係)、３日落o左尖沙咀、３日過o左中環o個邊~
就正正係上個禮拜、再上個禮拜同再上上個禮拜我放工後去o既地方~
羅拉聽到之後都同L講埋一樣o既說話……
再唔係就o係工作時間問我放工返唔返屋企……
不過嘛……
就係因為宜家返工返到咁，先唔想即刻返屋企；返到去，又無自己o既娛樂……
(唔係對落o個件訓o左就開得電腦唔耐)
咁不如我周圍閒逛Relax o下自己仲好啦~
嗯，都係咁啦~
睇完上述之後唔好o係度話我!!我只係想有人會明我點解會咁做!!

>>December 26, 2006 at 3:31:05 PM GMT+8