2007 年 2 月 15 日 星期四 【晴】

Ken哥竟然因為前一晚俾Annie同Elke隊酒隊到俾人KO，今日返唔到工……
聽完之後只有汗…汗……同汗…………
我應該話係佢酒量差定係o個兩位女士太強呢??
諗諗o下，如果當時Tiffany講o既o野係準……
我另一半係位好受歡迎o既男生o既話，我應該會發癲……
咁多女仔圍住、咁多女仔投懷送抱，我仲唔發癲??
不過佢又話o個男仔會俾我到安全感我喎……
希望會啦……

>>March 18, 2007 at 6:56:46 AM GMT+8

2007 年 2 月 10 日 星期六 【晴】

【問卷】性格48問

01. 現在地上有一塊錢，撿不撿？
先看看銀碼~面額大的話一定會看清楚附近有沒有人看著才撿

02. 承上，如果那是台幣一千塊的鈔票呢？
一千台幣…即大約二百五十元吧~!?
當然會撿!!!

03. 情理法之於你的順序？
法理情，剛好相反的

04. 欣賞自信還是內斂？
很難選擇……
應該是自信吧? (只要不是「自信爆燈」便可)

05. 遇見不合理的事如何處理？
想插手，但都要看場合

06. 常被敷衍『能者多勞』？
沒人跟我說過……
反正我本身就是會做得比平常多的人

07. 被嫌棄過『不解風情』？
好像沒有…

08. 曾被說過很難理解或很好理解？
情緒心情方面是「很好理解」(全寫到臉上)，只是如果被問到原因的話，則會是「很難理解」

09. 常被別人形容成什麼個性？
孤獨、情緒化、難相處 (特別是深交後會有這感覺)、好色變態
都是比較負面的…汗

10. 網路上跟實際中的個性有差異嗎？
只是相熟抑或不相熟的分別

11. 認為自己的實際個性是？
愛依賴、心理不平衡

12. 習於傾聽或分享？
傾聽的相較之下多

13. 很重面子跟儀態？
算是的~

14. 吃軟不吃硬或相反？
吃軟不吃硬的，但只有軟的話，我又不會理會
只有硬的話，情況會更糟，40%軟25%硬35%耐性會比較好

15. 激將法對你有效嗎？
對我沒用，反而會更加失控

16. 會令你當眾發飆或翻臉的事？
說中我討厭或介懷的事?
某人的態度

17. 發生爭論時通常錯在自己還是對方？
對方!!(笑)

18. 看完一場很爛的表演或電影會到處哀號？
應該不會的……
幸好，暫時也未遇到這情況

19. 發現友人喜歡自己討厭的事物（或相反），會忍不住想抬槓？
不會，偶爾少少埋怨一下

20. 屬於等電話或打電話的一方？
等電話吧~!?
有特別急要分享的才會打電話
基本上我是不喜歡「電話」這東西

21. 說了『我再打電話給你』或『再連絡』就一定會這麼做？
我會
(才不像某君那樣!!每次說完也未會打電話來，那就不要說哦!<怒>)

22. 嘗試為『深度』與『淺薄』下定義。
就是「深」與「淺」的分別…(汗)

23. 承上，自己有包含這些定義當中的特質嗎？
我「淺」嗎?
應該是的~
反正「深度」與我絕對扯不上關係~

24. 對於擇偶的個性底限？
忠誠、不花心、能夠理解容忍我

25. 你覺得什麼是家人？
住在同一屋簷下，血脈相連的

26. 對什麼事物會有『只有這個絕對不能退讓！』的堅持？
做事的方式!?
自己喜歡的事
執著的人/ 物/事

27. 會令你輕視的事物？
愛吹水、囂張、扁低女性、對自己寬鬆他人嚴苛、自己可做但其他人不能做、破壞規則的人

28. 認為自己的耐性有多少？
負分吧，在公在私最沒耐性的都是我

29. 無論是自己或身邊的人、最吃不消的個性？
無視別人的態度吧?
身邊的人則不太清楚……

30. 需要他人認同才活得下去？
不怎麼需要，我自己高興就好
反正我人都沒甚麼機會會得到別人的認同

31. 特別希望在哪方面獲得稱讚？
沒特別希望，現在的話可能是在工作上吧~!?
我自己也不清楚

32. 最厭惡自己的哪些缺點？
負面情緒

33. 最想保留自己的哪些特質？
沒甚麼想保留

34. 想要別人怎麼看你？
他們喜歡怎看便怎看，
不喜歡的便不要靠過來，我就是這麼隨性的(爆)
既然不喜歡我的性格，又走來跟我搭膊頭稱朋友，卻又再背後說三道四，這些人也頗違背自己良心! (在公在私是誰都好! 知道我是說你的，請自我儉省)

35. 目前有短期或長期的人生目標嗎？
短期目標：２年!!(大爆)

36. 承上，請簡單說明。
就只是要在這公司多留２年而已~
當是繼續汲取知識也好、報答羅拉小姐也好、習慣性依賴也好~

37. 期望生活在什麼樣的世界？
完美、沒煩惱的地界
(至少請有以下特別的規定：
會有一個方向的街道上再畫分左右兩邊，如果步速不超過一定限制的只可走在『慢線』)

38. 會從厭惡的人事作為中自我反省？
會
同時也害怕自己會同樣不自覺地跟他們一樣討厭的事

39. 有從敬仰的人身上學到些什麼嗎？
應該有吧~!?
(其實是連『敬仰的人』也沒有)

40. 對你來說，怎麼樣才是『特別的人』？
吸引、有學識、心胸廣闊

41. 想成為這個『特別的人』嗎？
不想，我就是我

42. 當事情不照自己預期進行時會……？
發脾氣
就算重新來過也要跟自己的意思去做 (Kate小姐已經見識過XDD)

43. 會對未做或做過的事情後悔很久？
頂多後悔１５分鐘 (最近好像是因為沒有沒從某人手上取走整盒朱古力而後悔)

44. 並非剽竊或盜用，當發現他人與自己的創意重複時會……？
「咦~!?那麼巧啊~!?」

45. 什麼情況下最能感到充實？
自我渲洩完睡著的時候 (很空泛吧~!?但這情況下真的很快就可以再睡著)
在太陽下的時候
痛極後的快感
跟別人擁抱
亂忙過後

46. 心情低落時需要的支援？（笑）
Jin寶貝的歌聲、抱抱

47. 做完問卷的心得感想？
自己還是比較負面，接受得到的才好跟我深交；
否則，對你對我，還是做吃喝玩樂的朋友比較好 (別說我沒先說明!)

48.指定
隨便拿去寫吧~
我也只是在網上找到的~

３月真係咁吸引???
繼二宮套「硫黄島からの手紙」之後、竟然連翔少套「ハチミツとクローバー」都決定係３月上!!!!
「嵐」風吹到??
喂，係o既話，唔爭在上埋松潤套「僕は妹に恋をする」啦~
不過…如果「ハチミツ」係３月８號上o既話，一定笑爆咀XDD

o係「Wikipedia」睇翔少o既資料時，見到「参加ユニット」一項包括「翼翔組」，
八卦之下就Click入去睇~
—ジャニーズJr. 解散したグループ
一路睇，J家果然真係得閒鐘意就出一個Group，轉個頭又已經係另一個名……
單係大ちゃん，KYO TO KYO o個時就已經係多Group成員……
真係想問：究竟當時佢o地知唔知自己係咩Group???

３月……
くぅちゃん o既世界……
新Single、新Album、Live Tour DVD……
Single「BUT/愛証」，後者係日本テレビ系 2夜連続 ドラマスペシャル『愛の流刑地』主題歌~
我期待~~~~~~~

>>February 17, 2007 at 3:20:13 PM GMT+8

2007 年 2 月 9 日 星期五 【晴】

睇o左平井堅首「哀歌(エレジー)」MV~
好愛!!!大愛!!!
半裸o既平井堅正、唄到七情上面o既平井堅正、MV正、歌o既Melody正、歌詞更正!!!
最鐘意就係呢類意景o既歌~~~~~~~~~~~~~~~『一種絕望的毀棄充滿在歌詞和MV之中』

2007年，平井堅睽違半年多的全新作品－哀歌elegy！繼平井堅為電影【在世界中心呼喊愛情】量身訂作主題曲－輕閉雙眼後，這次平井堅再度接下新的挑戰，為最新電影【愛的流刑地】再度量身訂作主題曲－哀歌！【愛的流刑地】是小說『失樂園』作者－渡邊淳一的另一作品改編後搬至大螢幕，由演技派巨星豐川悅司領銜主演，寺島忍、長谷川京子、仲村徹等等日本首屈一指的大明星皆參與演出，預計2007年1月13日在全日本公開上！平井堅在接到此次合作邀約後，先研究讀了原著小說及電影腳本後，再首次嚐試以女性角度的觀點寫下歌詞，並配上旋律，完成了2007年的最新作品！時而低吟時而激情的旋律，配上纖細敏銳的歌詞，平井堅成功地開啟嶄新的情歌新境地！擅長詮釋成人戀愛世界觀的平井堅，這次要以【哀歌】再次打動都會男女的寂寞芳心！

しがみついた背中に　そっと爪を立てて
私を刻み込んだ　もっと　夢の中へ

在緊緊糾纏的背上 指尖顫立
將我深深刻畫 畫入夢境裡


ひらひら　舞い散る　花びらがひとり
ゆらゆら　彷徨い　逝き場を無くした

輕輕飄飄　花瓣　片片散落飛舞
搖搖晃晃　徬徨　失去了方向


その手で　その手で　私を　汚して
何度も　何度も　私を壊して
汗ばむ淋しさを　重ねわせ
眩しくて見えない　闇に落ちてく
いつか滅び逝く　このカラダならば
蝕まれたい　あなたの愛で

用你的手　你的手　弄髒我
一次　又　一次　弄壞我
讓我們汗水淋漓的孤寂　合而為一
太過眩目使我看不清　我掉入萬丈深淵
如果有天　我的身軀將灰飛煙滅
就用你的愛　將我侵蝕


この病に名前が　あれば楽になれる
はみ出すことが怖い　どうか　群れの中へ
ひらひら　舞い敗る　花びらがひとつ
ゆらゆら　彷徨い　あなたを見つけた

如果這心病能有個名字　我會更輕鬆
害怕將這一切說出口　請讓我隱身人群中
輕輕飄飄　花瓣　片片散落飛舞
搖搖晃晃　徬徨　我遇見了你


この手で　この手で　あなたを　汚して
何度も　何度も　あなたに溺れて
背中合わせの　不安と悦び
波打ちながら　私を突き剌す
いつか消えて逝くこの想いならば
今引き裂いて　あなたの愛で

用我的手　我的手　弄髒你
再次　再次　讓我為你溺死
在背上交疊的　是不安和愉悅
像是海浪般　不斷地刺向我
如果有天　這份愛意將消逝無蹤
但願現在　就用你的愛將我撕裂


その手で　その手で　私を　汚して
何度も　何度も　私を壊して
汗ばむ淋しさを　重ね合わせ
眩しくて見えない　闇に落ちてく
いつか滅び逝く　このカラダならば
蝕まれたい　あなたの愛で
私を　汚して　その手で　その手で

用你的手　你的手　弄髒我
再次　再次　弄壞我
讓我們汗水淋漓的孤寂　合而為一
太過眩目使我看不清　我掉入萬丈深淵
如果有天　我的身軀將灰飛煙滅
就用你的愛　侵蝕我
用你的手　用你的手　弄髒我

香港會上「愛の流刑地」o既話，我都會即刻去睇!!又或者有小說我都會買~
既然係渡辺淳一o既作品，都應該會上啦~以前「失楽園」都有上……
日本就例牌ドラマ化啦~春檔上。岸谷五朗飾演村尾菊治、高岡早紀飾演入江冬香……
咁我會想睇電影版多o的~豊川悦司同寺島しのぶ喎!!!

日大阪戲院 為「愛的流刑地」設女性廳 20070115

　 日本暢銷小說家渡邊淳一繼「失樂園」之後，又推出新作「愛的流刑地」，並拍成電影，由於片中有大膽的男女性愛鏡頭，因此大阪電影院十三日首映時，特別設立女性觀賞廳，以免除有男性在周遭的尷尬氣氛，此舉創下日本國片上映的首例。

「愛的流刑地」這部電影改編自渡邊淳一的暢銷小說，小說出書之前，曾在日本經濟新聞報上連載，引起極大迴響。由於電影描寫許多大膽的性愛鏡頭，因此該片在十三日上映時，片商東寶接受觀眾的要求，在大阪難波一地的戲院新闢女性專用觀賞廳，以免需在意男性觀眾的存在。

這部電影由人稱鬼才的鶴橋康夫導演，男主角是豐川悅司、女主角是寺島忍，描述一名作家與家庭主婦的出軌戀情，探討日本男女情愛觀。片頭一開始就是男女主角做愛時男方將女方掐死的鏡頭，之後就是法院的審判的過程。

如同「失樂園」一詞當年成了流行詞一樣，「愛的流刑地」也被簡稱為「愛流刑」，已成流行語。渡邊淳一表示，失樂園的結局是兩人自殺，但這次境界更高，旨在表現達終極的情愛，愛到最高境界時，男方被女方欽點為「殺手」情人。當然，一般大眾對於渡邊文學持正反兩面的評價。

除了專設女性電影觀賞館的創舉之外，這部電影非常難得請到創作型歌手平井堅作詞、作曲、主唱，曲名為「哀歌」。平井堅在接受雜誌「Pia」採訪時說，這是他首度以帶有頹廢感的風格寫情歌，戀愛有「表」的一面讓人淨化、昇華，但也有「裏」的一面，這次他要表達的是戀愛帶來的絕望，以絕望為名的快感。

日本電視台也預計在今春推出「愛流刑」連續劇，男主角由岸谷五郎擔當，女主角是高岡早紀。去年傳出高岡與竹內結子的老公中村獅童有染，導致竹內憤而要求離婚。

2007 年 2 月 8 日 星期四 【酷熱】

同Apple提到今期o既「anan」~~~~
佢竟然話核突喎!!!
我連想睇Jin寶貝o個Pat都無機會啦!!!!你有得睇，又一臉厭惡o既樣子喎……咩意思???
不過可能到時睇唔到Pat、反而見到前面條毛呢~(大爆)
講講o下，佢先發現我鐘意o既，都係唄得之人~~~~~~~~~(´0ﾉ｀)ｵﾎﾎﾎ
Jin寶貝啦、亮ちゃん，另外仲有大ちゃん、うっちー、小Pi~~~~~~(亀ちゃん呢??)

Down o左Leah Dizon首Debut Single「Softly」
好好聽!!!!!愛死リアちゃん~~~~~~~~~~~~~~~~~~~~~~~~~~＼(^^＼)
CD封面好靚~~~~~好外國人o既感覺~~~~
但可能燈光問題，攪到o個樣又有o的假咁……特別係o個鼻……
估唔到……連亮ちゃん都鐘意Leah Dizon……
不過……其實，都估到佢會鐘意o架喎……天蠍嘛……
唔係咩??
連彩姐姐都鐘意o勒……

>>February 11, 2007 at 8:47:47 AM GMT+8

2007 年 2 月 3 日 星期六 【晴】

一見到是影音檔的按「播放」，無論是mpeg抑或wmv全部逐個逐個看……
回顧了很多Jin寶貝和小亮~
然後，忽然就想到：為何我會這麼喜歡那個叫赤西仁的傢伙……
喜歡到因為他到了美國以後，完全對KAT-TUN甚至整個J家提不起興趣……
(所以最近我不怎麼買三劍俠、Myojo等等，反而買多了Fashion & food Magazine)
但J家不是只有赤西仁一個哦!!
『只要愛上，無論是人或事，都會沉迷，然後日夜掛牽，專心一致的，腦海裡就只有那愛上的影像。』

絕對不是沒有他就不能生存下去，
只是，
他是其中一個令我努力的因素
不期然有種「我要為他努力!」的想法
理性與感情，我絕對是感情，
所以，有時對他的「痴情/堅持/執著/發瘋」，其他人可能不會明瞭
但是嘛……
只要我覺得開心就可以了~
否則，為何知道他要到美國時，會哭了起來?

我就是喜歡這位〝Pure〞的小孩
也就是喜歡這位長不大的小孩
『作為一個Kidult，最好的生活就是自由自在率性而行。』

Jin寶貝，
很多很多事情也想跟你的一樣
以前會是髮型、髮色，現在則是耳環、臍環、左手腕……
變態嗎?
不覺得。
Lost myself嗎?
不覺得。
後悔嗎?
不會。
絕對不會。
『為了別人而留長頭髮，也為了別人而剪頭髮，這就是女生最傻瓜但又最直接表達「重視」的方式。』

我重視你，
所以無論我腦裡本身不應該忘記的東西都忘了，還是只有你的仍舊資料完整
(啊…其實也不太肯定的說……)
你這眾人的特效藥
會讓人感到幸福快樂、也會讓人心境平靜
哭過、失落過、亂忙中，我也要找尋你的歌聲來平衡自己的心理

因為你，令我無時無刻感覺豐裕、滿足
因為你，令我也愛上Dolce & Gabbana
因為你，令我對Mickey___________
因為你，令我更加留意性感的腹部
因為你，令我決意要更加性感 <噓>
因為你，令我更加「睇心情做人」(簡稱任性、自我中心)
Jin寶貝，３月２２你會在日本嘛?
７月４呢?
當天如無意外會有Suprise給你呢~(笑)

『你不是最完美的，可是加上了情感喜惡，你就是100分了。』
ずっと待ってるから

再翻睇o的故仔~
出奇地竟然o係トッツー x Subaru o既BL中，仲有寫o左另一個輕輕帶過我同我哥「淫事」o既故仔耶!!!!!! (但同樣都係トッツーo既生日Special……)
因為次次開親o來睇，都只係見到o個BL……所以今次睇o既時候，我仲o係度諗：究竟係邊個寫埋o的咁o既故仔呀~!?(爆)
諗諗o下，既然上唔到網，於是就揀o左o個故仔o來打~
進度都唔錯丫~~~~~~~~~~~~~~~
只爭最後一段就可以收工!!!＼( ｀.∀´)／
不過因為我係用Word Pad o來打，所以數唔到字數……
阿煩隻Office我都唔知應該點裝!!!
然後嘛……
就非常「美好」咁諗之後應該完成埋咩故仔……
應該都係清埋o的BL先o架喇……

>>February 17, 2007 at 7:35:09 AM GMT+8

2007 年 1 月 19 日 星期五 【颳風】

星期六，都係例遲之日~
原本諗住今日做返晒o的Filing，點知都係猛出Mail……
Batta真係買o左トロ o既o野俾我耶~~~~~~~而且又係我無o既~
就係之前出o既貓頭散子包啦~~~~~~~~呵呵呵呵~多謝Batta~
但佢又俾人呃o左……唔係款款都有身o架~~~~~~~
所以我都請o左佢食尋日買o既蛋糕~佢都好似鐘意食呢間o的甜品~
但因為係我揀o既關係，所以大部份都係朱古力款式啦~
而佢就o係佢至愛o既Tiramisu同另一款賣相靚o既Chocolate Mousse掙扎……最後揀o左後者~
見阿煩去o左Showroom度辦，就入去騷擾o下佢~
佢忽然o係度問我係咪今日去食甜品Buffet~
當佢知道我o地要去Royal Garden之後又係o個o的樣o係度話「點解唔帶埋我去?」
咁反正你自己都去過啦~~~~~同埋係羅拉同Batta決定帶我去嘛……
之後佢就猛o係度數有咩甜品好味，完全Ignore o左佢……
不過其實唔太想同埋Elaine去……係星期五一齊Lunch時講開佢先知，而且唔係要就佢o既話，都會下禮拜去~

搭巴士時繼續睇埋今期「忽周」，又有講楊嘉明啦~
不過嘛……
見到呢班名人二代真係有o的令人大汗：
「他們平時去旅行並不是去郊區，而是要出國；放學後的聚會地點並不是麥當勞，而是Dragon-I及Volar等中環夜蒲勝地；即使暑假貪玩做暑期工，聘請他們的公司都是Hermes、摩根史丹利等跨國大公司，仲要係爭住請佢o地……」
終於睇清楚JC o個樣!!!有o的似Hasejun+Fukuda o既混合耶!!!
放工後出o左新城市~
回收蛋殼同抽阿Jack o既新扭蛋~
但抽o左兩款唔同再加兩款一樣，即每款x 2……
唔緊要~我可以拎返公司擺~~~~偏偏我想要同Zero o既聖誕樹就抽唔到……
然後就搭去巴士站附近買Orbis獎卷~傻o左咁明明想買３張，但拎o左$70出o來……(每張只係$10)
但因為無得找，所以只係買o左兩張~
好鐘意佢今次張獎卷，地鐵扶手電梯旁o的廣告都會見到有~「心願永不落空」
都係因為今朝拆o左佢o地寄o來o既信，入面有張Sample先令我決定要買3張~

叫外賣o來食~
再睇埋「寵物小精靈」，因為L要繼續做埋公司o的o野，我又死入房訓先~
一路訓到2230，原本諗住要睇「好歌來自呂方」，但都無睇到……
Hea到十一點幾先走~
好想卷住張納米被走……
睇埋本「忽周」就沖涼~３月Pearl播「Prison Break」Season II，期間就係播「Lockdown」~原來係一連六集……比起Season II，我會睇呢個多o的~
諗住撕雜誌時先發現原來本「新Monday」未睇完，於是就邊睇Olivia隻DVD邊刨雜誌~

>>February 11, 2007 at 2:20:18 PM GMT+8

2007 年 1 月 18 日 星期四 【微冷】

走埋Balance Showroom~
於是就由下午2點幾開始一路體力勞動到6點幾……
好彩Lunch時食o左好多肉~~~~~而且又Have a quick Snap~
期間o係我亂忙中o既時候，雙姐叫我出一出去，竟然只係叫我收件囉!!!!
聽完之後理都無理繼續做o野……
對於我o來講，o的件我真係急住要收o既話，我會出o來搵囉，但你都見到我忙到位都無返去坐o既時候，仲只係叫我收件……唔好玩啦!!!
同埋，我組仲有其他人o係度，可以搵其他人o來收o架o者，又唔係一定要收件人簽收先得……
一路執辦時，UA班人又o伙入面，我想攤開晒o的o野都唔得……
不過，入面o個位Part-time人May因為俾Iris叫住o左做o野，佢之後就話「我要趕返屋企睇『花師奶』o架!!!」
坐o係對面聽到o既我即刻停晒手……雖然我都覺得套卡通幾好笑，但係……
難道主婦們都咁得閒嗎??

因為要等埋Shipping o個o的Document，又要Scan埋過去俾Henry，攪到7點幾先走~
不過攪到張檯勁亂又o係度大叫……
順便就俾羅拉發現我條新牛仔褲都係咁低腰……猛咁o係度話「你咁樣唔得o架喎……真係唔得o架喎……夏天你點算呀~!?」
o係出面貼梗o的Document時咁o岩Tim哥行過，佢o係度數我有幾多箱o野啦~
然後就問我係咪已經清晒FA07 o的大辦~
今日我都Pack o左１０箱加１袋~
Jack哥話佢聽日會返工啦~我同Kate聽完之後幾開心~~~~~~
OT期間Batta打電話o來問我鐘意トロ多o的定クロ……我實揀トロ o架~~~~~
然後佢又問咁我鐘意佢掰大眼定笑到瞇晒眼~我答佢掰大眼時佢好出奇啦~
但相比之下我的確係鐘意佢掰大眼多o的o架喎……
Jack哥俾阿太叫o左入房……都估到應該係因為阿Jane啦……結果真係~
佢仲話阿太又叫佢做o野，但佢原本做梗o個樣要趕住俾Tim哥，我梗係話做o左Tim哥o個o的先啦!!
o的招聘雜誌都教唔好做「打尖插入o來」o既o野~兼且Tim哥份o野本身係做開，梗係做埋先~
反正o個個只係阿太，我唔會將佢擺o係1st Priority~
而當羅拉知道Jack哥入o左阿太房後仲即刻走，因為佢知道阿太搵佢係因為搵唔到羅拉而羅拉又唔想聽到Jack哥出o來後同佢呻……

好鐘意「砂時計」o個結局呀~~~~~~~~~~~
大悟叫小杏「給我幸福吧。」(≧ω≦)ノ
然後……明明本編已經完結，都仲有多兩本，仲要入面全部都係番外篇……
不過我都會繼續買~~~~
出到去尖沙咀，行過Simply Bread時入o左去睇 (我一路都想行o下)，但佢o的甜品吸引o左……
而且又有買3送1，揀完好彩姐姐可以幫我雪住，只要收舖2130前去拎返就得~呢個服務So GOOD~
去到「一壽司」，出面o的服務員知道我o的朋友已經入o左去o既時候竟然係對住Walkie Talkie講「一位入o來搵朋友」……
叫o左好多壽司，食o左雜誌話瀕臨絕種o既「藍鰭吞拿魚」(就係因為成日俾人捉o來做壽司刺身)
又有A5級和牛，第一次食生牛肉~
同埋有トロ啦~~~~~~~~~~(笑)
可以抱住トロ o來食壽司真開心~~~~~可惜你無得食~;P
不過見到隔離檯有兩位細路就覺得無奈……同Christmas Eve時一樣，點解宜家o的細路可以咁細個就去Dan Ryan's、食壽司?????????
我細個都無咁幸福……唉~~~~~~~~~~~~~~~~~~~~~~~~~~~

拎返盒甜品，再叫多最後一Round就埋單~
果然叫L再去提款無錯~
多謝老細啦~~~~~~~~~~~~~~~
原本諗住去「Choco Cat」，但因為見到對面街有間「Dog Cafe」，於是就上去睇o下有咩狗註場~
不過最後都係入o左去啦~
有隻猛吠o既牧羊、一隻約瑟爹利同芝娃娃~
好努力咁想”聊”隻牧羊，但佢太~『神經質』喇~
連L拎部手機出o來想影佢相都猛吠~
反而之後o來o左一班之前有上過o來o既就唔吠囉~
好彩嘛~
到走o既時候已經行到近門口時，見Eva姐姐同隻牧羊一隻，於是就彎低身試o下摸唔摸到佢~
竟然今次唔走唔吠仲俾我猛咁摸耶~~~~~~~~~~~~~~~~~~~~~~~~~~~
好想直情抱住佢啦~~~~~~~~~~~~~~~~~~~~~~~~~~~~~
不過可能佢唔鐘意人o地讚佢乖，o係我滿足後講o左句「唔~真係乖仔喇」o既時候，佢就走開……
但我真係好滿足耶~~~~~~~~~~~~~~~~呵呵呵呵~
同L行去紅磡火車站，一路行，就見到睇完何韻詩Con o既人~
抱歉，我就係未睇過港星o係紅館開o既演唄會~~~~所以係唔知原來有o的賣即場演唄會相o既人~
今日都俾我見識到~仲要有埋CD Rom版……點解可以咁快手o架呢??
原來o岩o岩o係Café見到o既o個班人入面o既係B~
宜家o的B o既質素真係高o左好多~~~~有o岩o岩o個位，同Carmen啦~~~~單係呢兩個都已經夠殺~
好彩無論係L要搭o既巴士定火車都唔算多人~
沖埋涼，３點幾先訓，但願聽日起身唔會遲到啦~

>>January 23, 2007 at 1:25:34 PM GMT+8

2007 年 1 月 13 日 星期六 【颳風】

仁のダンスが大好き♡
仁の演技が好き♡
仁の声が好き♡
仁のセンスが大好き♡
仁のスタイルが大好き♡

還沒忘了你 這麼多天沒見
可是我總想起你的聲音在我耳邊
今天心情好嗎 是否不愉快
要一切都看得開 世界沒有太壞
雖然不在你身邊 我的心有一條線
戀著你 牽著你
好想你 想到願意相信
我就閉上了眼睛 你在這裡
別忘記 我們的約定
一直都在我心裡 不管你在哪裡
不要忘了我有多麼愛你

不要忘了吃飯 不管有多忙
不要忘了開車時候一定要往前看
其實我真的很快樂
有你一直守侯
一直走到了以後都挽著你的手
雖然不在你身邊 但我在你心裡面
我願意 等著你
好想你 想到不能呼吸
想到沒什麼力氣 沒有關系
你別忘記 我們的約定
我一直在這裡 別忘了我有多麼愛你
其實徐若瑄o的歌係幾好聽o架~(≧w≦)ｳﾋ

都係刨埋「忽周」啦~ (逢星期日o既指定動作!?)
其中講到楊受成o既姪女楊嘉明Caremn係TB~
我覺得佢好得喎!!!而且佢女朋友都得喎~
點解我會覺得佢得?某程度上係佢感覺同梁韻然有o的似……特別係著起恤衫時~(甜笑)
上網八o下會唔會搵到佢o地兩個o既Blog，既然o的記者搵到無理由無，點知搵極都唔見有……
放棄~
睇o來除o左紅紋之外，我都要買o下黑瑪瑙……
可以平衡情緒、紓緩壓力……
本「me!」入面有介紹Capoeira啦~~~~~~~~~
今次呢個應該會好o的呀嘛~!?流動教室……沙田、太子或者尖沙咀運動埸都有堂上~
逢星期二至五1900-2000
$120/堂、$650/月(8堂)、$1500/月(不限次數)，咁我揀，實揀$650 o個個o架~
既然星座小星子話今年係進修年，咁我不用進修呢個啦~
動或靜，我實揀動o架!!!返工已經"支力"，放工仲要學法文???唔好啦……
不過其實都o係度掙扎究竟應該學Capoeira、肚皮舞定Pole-Dancing好~~~~~~~(｡･ω･)ﾉ

的起心肝去打返呢個禮拜o既日記~
但都打o左我成日……
仲要打唔足７日o既日記……
而且打得日記o來又做唔到其他o野……
唔通真係要我一個禮拜只能做一樣~!?
唔得o架喎……
咁咪即係要我一日要清兩個禮拜o既日記????

邊打邊上o下網Down歌~
但次就Down埋好多舊o既英文歌~
即係咩「All out of Love」、「Big Big World」、「Barbie Girl」、「Right here Waiting」等等……
聽聽o下就不其然咁諗起Standford Hillview~
因為以前做o野時，間餐廳成日都係播住呢o的舊情歌~
而且嘛~終於都Down到傳聞中隻「三加一等於一」喇~
好彩我o個位隔離有條鐵柱俾我一路聽一路握住XDDD

晚飯出街食，聽到之後我第一個反應係「又出街食??」
於是就留o左o係屋企~
阿爸同阿媽就分別入o來問我出唔出街食……
出奇地無迫我出街~
但就好快咁食完返o來囉……
阿媽就話拎o左o的豬扒返o來，叫我肚餓可以拎o來食；又問駛唔駛煮公仔麵俾我
唔肚餓之下就咩都無食~
於是嘛，我全日就只係食o左以下o既o野：
Lunch時的腿蛋治、熱奶茶、４杯水、１碗庶水
果然o係一個唔駛消耗體力o既情況下係可以食咁少o野~如果平日都係咁就好喇~

「Nip/tuck」Season IV!!!
預先知道o左新一輯Matt竟然會同Kimber一齊!!!!
一定要睇!!!!
今晚US首播「24」Season VI……Pearl快o的快o的播!!!!
今日係咪o個o的叫「頭七」o既日子??

仁へ
借用某人Blog內一句：
I know I've told you many times & I still want to tell you again.
jet et amour.♥

>>January 23, 2007 at 12:52:46 PM GMT+8

2007 年 1 月 12 日 星期五 【微冷】

因為尋日俾L話我平時入到去都三點幾四點，
所以，今日都迫住較鬧鐘1130起身!!!
但最後都攪到成點先出門口~
(期間上o左陣網啦~KAT-TUN開Spring Con囉……我即刻無言……)
o係火車開o左本Pole Dancing書o來睇~
o的英文都好簡單，睇得明~(笑)
入面仲有介紹５種類型o既Peekaboo Girl~
除o左衣著、化妝、舞蹈，就連應該用咩BGM都有介紹埋~
都算新丫~連娜姐o既「Hung Up」都有~
不過究竟”Bootylicious”係Beyonce定Destiny’s Child o既歌???本書就話係DC o既，但上幾個禮拜o既「The Red Collection」就話係Beyonce……
感覺我會係以下呢３類啦~
Party Girl Purple、GO-GO Girl Green同埋Bad Girl Black

出到新城市，第一時間就係去Haagen-Dazs拎張Star Club會員咭~~~~~~~呵呵呵~
周圍行o左陣後就行去買Dango啦~
o係行去銀だこ途中，突然俾人拍我手臂，我擰轉頭時，有個年約三十幾歲o既女人好認真加有o的緊張同我講「你後面走光喇」
我聽到o既時候，「o下!?」o左，幾秒後先認應佢：「得o架喇」
佢聽完之後就繼續行，我o係後面望住佢……
只有無言……
我當時條牛仔褲又無露Gap…最多都只係露o左上面少少肉o者……
你話我係後面裙腳”sip”住o係條Under度就話o者 (相信咁都出唔到街或者洗手間囉)……

不過打電話俾L時佢先o岩o岩去到馬鞍山……
聽完之後O咀……
咪繼續周圍打發時間囉~係一期中央有o個o的樓盤介紹，今次o個樓盤叫「葡萄園The Vineyard」……
開頭我仲以為只係介紹外國o的葡萄園o者……點知行到埋去先知原來係樓盤……o係元朗牛潭尾 (唔知o係邊)
點解宜家o的樓盤o個名都咁靚、咁唔似樓盤o架呢?
如果我真係住到o個o的樓o既話，我一定只會講英文唔講中文!!!
「都會駅 (調景嶺)」、「御皇庭 (上水)」、「都會天峰 (葵涌)」、「嵐岸 (馬鞍山)」、「影岸．紅 (東涌)」、「曼克頓山 (荔枝角)」、「一號銀海 (奧運站)」、「比華利山別墅 (大埔三門仔)」、到宜家o既「葡萄園」……
幻想：
A「無呀~我宜家搬o左去『葡萄園』度住之嘛~o個度又大又靚、實用面積又高喎，最好係有個大花園嘛~」
B「你搬o左去法國咩?仲住o係葡萄園咁High?」
A「唔係呀~我住o係大埔之嘛~」
B「o下!?」<--係我聽到實係咁o既反應……

o係高級化妝店o個邊見到有Shiseido Maquillage o既Promotion Counter~~~~~~~~~~~~~~~~~
真係有新o既廣告耶~~~~~~~~~~
同樣都係４位出動晒~~~~~~~~~~~
但仲未見到有新o既Catalogue拎~只係拎o左佢郵資o既o個o的Postcard~
一反轉後面睇，話可以憑咭換取唇膏試用裝……
但我無換到……
反而o係Counter度行o左好多次……(×_×;）
亦因為咁，重新燃起o左我對エビちゃん o既愛~~~~~~~~~~~~~
o係買物王見到佢做封面o個本12月号「CanCam」幾想買丫~~~~~~~~~~~~~~~~
入o左去ZARA~
見到有件唔錯o既長袖衫~於是就試o左~
但因為只係Just Fit o既關係，所以都係無買……
不過入面o的哥哥o既服務態度真係好到呢……唔想再入去!!!!!
好失望!!!!!
你係唔滿意o係呢度係摺衫多過Sell客o既，咁唔該你轉工囉……
係著得靚、Smart呀，但態度唔得……


去o左商務睇書打發時間，見到本「我的16歲援交手記」開o左有得睇，
於是就睇埋上次未睇完o個章~
其實……佢話自己身體最高值25萬，都只係因為o個男人有特別要求加o下加o下所以先咁貴之嘛……又唔係一開就已經係呢個價……
所以呢本我可以唔駛買~宜家係爭「250天倫敦應召日記」同「100下 - 17歲少女的愛慾日記」值唔值得買~
L終於都做完佢要做o既o野，話搭梗巴士返屋，我第一個諗法係：你要食だこ，我又要行去買，唔早o的打俾我???
而且o係度怨我平時入去晏，今日咪又係差唔多時間?
到我搭巴士時打俾佢，佢竟然已經返o左屋……之前自己o係度Plan時又話o係樓下等……
不過因為我要食雞脾薯條，所以佢迫住都要落街XDDD
今次叫o左好多o野啦~
珍寶腸火腿奄列 (其實原本無叫呢個，係俾隔離檯吸引到先叫)、雞脾薯條同叉瀨~
期間同L講o左行去だこ時發生o既事，佢聽完爆笑完就話「佢一定好少出旺角」……
睇o左o個「寵物小精靈」後就先入去訓~

唔~
今日都有啦~~~~
同埋呀，難道係因為０７年所以開始有變??
有Orgasm耶!!!!!!@^∀)
果然真係有兩種唔同o既orgasm~我兩種都試過lu~~~~~
而且又有好多好多o既_______喎~可以再多o的就好~(甜笑)

原本諗住2300起身落街食完糖水就走，
但聽聞L叫極我，我應極佢「嗯，我起身o架喇」都仲係訓o左o係張床度~XDDD
攪o左好耐先捨得起身……
宵夜都係去食糖水~~~~~~~~~~
西米露萬歲~~~~~~~~~~~~~~~~~~~~~~
L都終於有得食紫米露，而且仲叫o左o個撈麵，竟然就係我之前o係7-11愛上食o個o的!!
不過隔離檯有一大班人好嘈好嘈，而其中一位女員工就好氣勢咁猛叫老闆叫佢o地細聲o的……
叫o野逐次逐次o來嗌，阻鬼住晒!!!
上次食就見到一對男女唔知因咩事，o個女o既就衝出馬路訓o係地，賴死唔走，到警察哥哥o來先正常返……
難道呢到夜晚呢度就會變成咁???
o係OK買o左今期「忽周」，俾L Preview 一o下入面o既「飲食男女」，因為係講迴轉壽司~~
等o左陣巴士，都唔見有車，而且又近尾班火車……所以今晚同樣要飛的，但今次係紅的，見到司機出到路口轉左，我驚唔知佢會唔會o係度兜路……
(偏偏當時我只係得返六十幾蚊o係身)
經沙田醫院o個邊去到迴轉位大轉圈，再上橋之後就已經係去到近火車站o個位天橋，
仲要只係同平時搭綠的差唔多價錢!!!
原本諗住叫L幫我再等陣巴士睇o下仲會唔會有車o來 (因為平時搭巴士，都總係覺得仲有一班)，好彩佢都有幫我等o下，但無車……

沖完涼同o左今日o係Body Shop買o既Mango Dry Oil Mist……
點解今次用完都仲係咁油o既~!?
不過好彩我無噴落隻腳度o者~~~~~
睇埋大結局o既「七武士」~但因為一時時有睇，同埋多o左星期日播，所以嘛……
我想佢重播囉~

>>January 23, 2007 at 6:20:21 AM GMT+8

2007 年 1 月 11 日 星期四 【微冷】

Lunch時周圍行去搵o野食~
咁o岩行去到葵涌中心時，見到羅拉、Batta同Elaine等梗人執檯，於是俾佢o地叫埋我一齊食~
係食上海o野喎……
原來「抄手」係雲吞……
我就嗌o左抄手+腸仔+豬扒~~~~
好多好多雲吞啦!!!!係可以食到你飽o個隻!!!!!
期間咩都講o下，不過都係圍繞甜品自助餐同我o既偏食問題o來講……

Kate小姐突然企o係身問係咪我扣埋佢件衫o的鈕……
當佢此話一出時，我都企埋起身同佢講「我今日無做過!!」
最衰o既係Ken哥都即刻裝o下自己件褸有無俾我扣埋o的鈕!!!!!
而羅拉小姐就爆笑晒啦……
不過諗諗o下，佢o個件白色外套都好似係我之前幫佢拉埋拉鍊o既……
但宜家先發現~!?

羅拉小姐同我講尋日請假時o既o野~
唉~
都話佢『弱雞』o架啦!!!
不過醫生係叫佢要做Body Check……仲要係Check o下肝、腎先驚嘛!!!
真係有咩暗病點算???
Kate叫o左我出去陪佢，講返尋日同Winnie o既對話，
聽完之後O咀……
難道你返工唔為錢嗎????我覺得過o左試用期再Refill一次人工都唔係好過份o者?
聽完Kate問自己究竟過o左試用期未就第一句話「你都係想加人工o者?」
好反感!!!!
仲可以話如果過o左試用期無任何通知就代表可以繼續留低，反而一叫親你o既話就代表唔得囉……
呢o的咩規矩o來o架???
然後自己講唔掂就搵Annie……
最後攪完一輪，都係咩都無……但Kate就話唔會再理~
尋日Keith知道之後都幫Kate小姐，原來連佢當時轉Team後都無人同佢講過o左試用期未……
仲有阿Jack，竟然叫Kate走去同Tim哥講要求加人工喎……
咪玩啦，唔係個個都好似你咁咁厚面皮o架囉……
兼且人人都咁o既話，到時點算???

因為o的Mill好開心咁呢一、兩日先掟返晒o的大辦布Invoice過o來……
攪到Salesman o的錢要全部計過晒……
而呢個重任都係落o左o係我身上……
不過你叫我計數都真係……有計數機都係咁講啦……
計o左好耐、諗o左好耐，都係要搵羅拉求救……
我，就係連呢o的咁簡單o既數都唔識計o既人啦!!!!
原來係大辦布錢除(yy乘件數)……羅拉小姐仲問我駛唔駛將佢寫o左Formula張紙俾我~
我先唔要!!!!
計完一輪，計到收工，Send晒俾羅拉叫佢聽日睇一睇先出，
點知佢話唔會睇，就咁就出……
唔好啦~
期間Fiona竟然返o左o來執o野!!!
但感覺佢似俾人炒o個隻啦……Ken哥仲等Fiona走o左之後即刻問Batta咩事

放工時發現Kenちゃん又戴o左Phoebe副眼鏡喇!!!!!!!!!!!
もえ度爆燈~~~~~~~~~~~~~~~~~~~~~~~~~~~~~~~~~~~(笑翻)
然後嘛~
就決定要影佢相!!!!!!
我就係鐘意o的男仔戴眼鏡o既樣子耶~~~~~~~~~(當然係平時唔戴眼鏡而偶然戴o個o的啦)
俾羅拉問我「你咁都影到副眼鏡o架咩?」
但我部手機就係影到丫~~~~呵呵~~~~
而且嘛~唔知幾時開始，轉叫Ken哥做「Kenちゃん」，最好係佢又真係會應我喎~
「なに~!?」佢識o架!!!! (仰天長笑)
同阿煩一齊落旺角，就係要同佢疾走旺角XDDD
不過佢要o係葵芳會佢同學，於是就好無聊咁諗o左好多扮唔識o既計仔~
點知呢個人真係扮唔識我，仲要由前一個門口入!!!!
等下一班車時我已經耐唔耐望住佢o架啦~唔知佢同學發唔發現到呢?
見到Nokia新手機廣告，感覺都好似OK咁~
於是就同L講當時發生中o既事，佢仲話要SMS阿煩啦~~~(大爆)

出到旺角呢個人先認返我!!!!佢同學明明就o係太子落車都唔認我喎!!!幾衰~
先同佢去o左「童年夢」諗住買「電擊萌王」，點知竟然無晒!!!!!!!!!
唯有過信和會L~
聽到我打去L手機時o既鈴聲，竟然係「アオゾラペダル」……我仲以為會係KT添……
等埋人家阿奶o來到就行陣信和~我要o係地面o個間度先買到「電擊萌王」……
期間仲發現今期係松潤啦~好多雜誌都有訪問或上封面……
不過其中一本竟然係「松本潤 x YUI」……
L同阿煩就o係度研究究竟係邊個YUI……我覺得係唄歌o個個o者~
另外仲俾我發現今期「SWEET」係梨花小姐做封面，而且仲送Moussyマウジーキラキラパスポートケース~~~~~~
梨花小姐剪o左齊陰好可愛啦~~~~~~~~~
另外仲有今期「non-no」……梨花小姐新連載開始……死得……
然後就行去朗豪坊~
L同人家阿奶先上去神魚，我同阿煩因為要提款，所以就捉o左佢行樓梯!!!!(爆)
食完後行o左陣~佢o地就上人家阿奶屋企拎Poster我就去Body Shop回收埋o的樽~

今晚Weekend Blockbuster播「愛登士家庭」~好想睇~
唯有等佢星期六晚o個Late Late Show重播~~~~(最近佢都會播返無幾耐之前o係Weekend Blockbuster播過o既戲)

>>January 23, 2007 at 1:20:16 PM GMT+8