2002 年 3 月 10 日 星期日 【晴】

在火車上猶豫了很久，終於決定Absent 1天。起初內心還掙扎了一段時間，因為除了她的家之外，就想不到可以去哪裡渡過漫長的一天……而且，因為昨日的不開心，弄到希美不想去她的家暫留<其實是因為希美不想去「求」她吧!!>不過……始終在那裡，希美才會覺得開心、有被人關心的感覺，最後還是去了她的家……

原本今日要去見劉姑娘的，不過最後決定還是繼續Absent!!而且……跟她說了也沒有甚麼改善到的……廢的!!自己去找另一個好了~~~

夢見自己跟她一起回到天橋底，買了一盒50元48粒的章魚丸，不過希美不夠錢…只好將她送的一隻價值$8的介指作低價<可是希美是十分喜歡這隻介指的!!>。她見到希美當了介指也無動於衷，於是便不開心的走到一邊，有點想哭……之後她突然把介指塞到希美的口裡，還以為她不知道希美很重視這隻介指的……失而復得的感覺很好，哭了，醒了……醒來的時候還哭著的……

被她開解了，心情也舒活了點，發現原來有一位私人的社工是不錯的~~~~~<笑>
放心啦~我會盡量去改的!!!
可能因為最近差不多每天也在哭的關係，整個人不知怎的，呆呆滯滯的，第二次睡醒真的不知道自己想幹甚麼!!!雙眼也開始睜不開了………

在惠康裡進行大購物~~~~~很開心~~~^^買了期待以久的藍莓芝士餅和蜜瓜荳奶~~~<算起來也只是$1.8一包!!!>而且又夾了一些糖~~<雖然咳仍未康復……>原來Shopping真的可以令人忘記不開心的事~~~~上次就狂買阿翔的相……很有滿足感~~~<笑>
回到家裡…仍然是這樣………
不過，看了UTABAN之後便好了得多~~~~畢竟有Aya和Arashi嘛~~~「桃色片想い」萬歲~~~^^

>>March 12, 2002 at 12:17:47 PM GMT+8

2002 年 3 月 9 日 星期六 【晴】

傍晚去Umiko屋食韓國燒烤……等o左佢o地幾耐呀……第一次等人等o左40分鐘我仲會企o係度等!!!!不過……我亦都等到喊…………第一次打電話，佢話佢就走；第二次打電話，佢話佢宜家走；第三次打電話，佢話佢o岩o岩先上車<我已經上o左巴士喇>；第四次打電話，佢話佢就到……點解妳明知有人等梗妳，妳都唔可以早o的走???唔通男朋友等女朋友咁耐係應該o架咩???妳知我無耐性，但妳仲要我等咁耐……究竟妳有無當過我係妳男朋友???我以為妳同妳阿媽一齊買o野，點知落車o既就只有妳同妳家姐………咁究竟妳o地呢段時間去o左邊???而且落車o既時候，妳o地都好開心………有無諗過我???
妳、妳家姐同Akiko呢3個人一齊o既話，都一定會好”溜”氣……做咩都慢半拍……

「5分鐘……10分鐘……20分鐘……
還未看見妳的出現……
每當有一輛巴士駛過時，
便會期待妳會從車上下來……
已經錯過了五次機會……
不期望是不是會更好?
急得哭了起來……是妳不知道的……
究竟妳把我看成甚麼?
為甚麼每次妳都忘了自己說過的話??
我是不是已經不重要……?」

一路唔開心……朋友都無乜……宜家得返o既……就只有佢……但係佢都好似唔理我……我仲有咩呀??大野、阿翔呀???佢o地根本都唔可以當係一種依靠……Bonnie曾經同我講過，如果你唔開心o既話，仲會諗到o的會令你開心o既o野o既話，你已經係俾其他人幸福得多……
之後一路喊……喊到食o野時……

返到屋，先知阿媽打過電話去搵Umiko阿媽!!!!而且仲同佢講我o的o野!!!!!我沖梗涼o既時候，都聽到佢o地o既對話!!!!好賤!!!連佢都唔信自己o個女!!!

>>April 1, 2002 at 2:57:13 PM GMT+8

2002 年 3 月 6 日 星期三 【晴】

5號o個日有人走第十堂，我都想走呀!!!!不過Rainbow話下次先到我喎……而且o個日都開始咳喇……算啦~~~~我甘願……

今日Geog Test River，因為聽日就係Umiko o既生日，無心機溫……所以……算啦~~~已經有o個籍口俾自己喇~~~~~但份卷o的Long Question真係好易~~~~兼且佢o地又拎o左o的Tips返o來，係MC今次難o左o的……

Bonnie俾o左o的意見我，教我點整Umiko張生日咭~~~~整出o來o個效果都唔錯~~~~~不過……砌唔晒「Ariel Happy Birthday」呢幾個字……如果我早o的開始食Smartians o既話都或者得……淨係砌到Ariel呢個字……其他o既，都俾晒Jasper喇~~~~

>>April 1, 2002 at 5:40:27 PM GMT+8

2002 年 3 月 5 日 星期二 【晴】

打俾劉姑娘之前，發夢竟然見到Sally~~~~~~~^^唔知點解，佢o係o個夢入面勁型啦~~~~~

買了「Age」，見到入面有Bo Bo的訪問，原來她的精通語言是廣東話同英文……即刻俾人鬧……而且仲要玩「一人分飾兩角」……好無聊!!!!
記者:Bo Bo呀，請問妳精通o既語言係咩呀?
Bo Bo:um……廣東話同英文!
記者:妖!!妳講梗o野呀???

聽完之後，笑o左好耐……當時仲要係食梗肉醬意粉……差o的噴埋出o來!!!!!上到火車，仲o係度笑梗……
之後問Akiko，連佢都係答「廣東話」!!即刻激死佢……哈哈~~~~
叫佢去KFC先~我同Akiko就去Toys ”R” US買Do re me枝魔法棒俾佢，猶豫o左好耐買邊枝……揀o左枝o個花花可以轉o既俾佢~~自己就另外買多個森林家族食物俾佢~~見佢話無呀嘛~~~~
Akiko要走先~~~佢就拿著o個膠袋去補習~~~而我就去返KFC會佢~~~佢無聊度o係度畫公仔!!!仲要係「薄荷關係」o個o的火柴腳!!!
自己都記錯o左o個叮噹發控燈換領日期，早o左一日o來換……
食完o野，就去交返個Super Sandwiches o既會員Form，Yeah~~~兩個連續數碼~~~~^^
去埋M & S買個Mint o既Shower Gel俾佢就走喇~~~

>>March 26, 2002 at 2:54:57 PM GMT+8

2002 年 3 月 5 日 星期二 【晴】

一早就跟阿媽吵究竟99度算不算發燒……她就當然說不是啦，然而希美則決定Absent 1天，而且也可以逃過Maths quiz了~~~呵呵~~~~

在樓下的麵包店買了些麵包，以及一個好味的蛋沙律三文治。不過……原來希美真的不懂得喂蛋沙律的……無奈……

之後就打電話給劉姑娘就Absent了，但她仍然要在電話裡同希美傾計……

去到一個網站，網主已經停止了更新，網站仍然是維持在慶祝大野生日的時候，他把大野所有的笑容製成動畫…一路看，就覺得他笑得很可愛~~~^///^特別是當他露出那兩隻尖尖的犬齒的時候~~~

>>March 17, 2002 at 6:59:16 AM GMT+8

2002 年 3 月 4 日 星期一 【晴】

「唔好將妳放o係第一位」、「唔好咁記住妳o既事」??如果我唔將妳放o係第一位，咁妳話我應該放邊個o係第一位呀??我鐘意o個個係妳，而唔係其他人，點解唔可以將妳放o係第一位喎??我覺得值得咪得囉!!!
而且……如果妳認為我問妳生日o個日點過係一個好煩o既問題o既話，妳咪出聲講囉!!做咩次次都要炆喎……
咁諗住問清楚妳想點過之嘛…Akiko將Organize呢個重任交o左俾我，我只不過係驚我會做得唔好…令妳過生日過得唔開心之嘛……

>>March 5, 2002 at 3:30:08 PM GMT+8

2002 年 3 月 4 日 星期一 【晴】

搭火車時，又亂想一通……昨晚的事……真的覺得自己不能做一個好的男朋友……女朋友被人欺負，都可以沒有甚麼反應、又保護不到妳、反而要妳擔心；心胸又狹窄；又容易妒忌同呷醋、又小器……

整天也受傷風同咳的煎熬……好辛苦……好累……

第一次……真正的感覺孤單……返到學校，都無人返…只有其他班的人……而Ellen佢o地…都唔係好熟……一個人o係其他人之中……特別顯得孤伶伶……好想喊…好想妳會好似以前咁一早就坐o左o係Playground度…可惜…呢個已經無可能發生…而Akiko佢o地…一時要考Mock、一時就放假、之後就真真正正咁要考HK……呢o的日子…點捱呀??只有Bonnie一個可以俾我依賴……最近Lunch Time佢都要去練歌，逼不得已要跟著Sandy佢o地…真係好悶…好唔開心……真係唔知自己可能點樣捱到去End Term……o係班裡面…我又唔係一個話真係好似Yvoone佢o地咁活躍o既人…同都只係同附近o既人傾o下計……究竟有無人會明我感受???呢o的o野，我唔會親口同人講，因為我知我自己一定會控制唔到情緒……其實…之前都已經喊過…不過得出o來o既結果係俾人話我發脾氣……我想自己快o的病，係因為我覺得，病o左o既話，就會有人自動走埋o來問候你、關心你，就好似Bonnie整親腳咁…我想要o既關心，係好簡單，只要唔好o係我面前發脾氣 / 無奈就得，就當我係一個細路都好，我唔會Mind……不過無啦…無人會咁樣「乙水」我……

在學校裡……我甚麼也沒有了………

其實今日在妳懷中睡著的時候真的很開心…覺得自己真的好像一個小朋友……

等家姐放工，就去拿Fuji Instant去影相~~~呵呵~~~這個是今天唯一一樣開心的事情……又`收到她的禮物~~~~~~~~以及一本10個月前的Duet……攪甚麼嘛…??

估唔到……竟然Hasejun係第一個同Umiko慶生的人……好嬲…好唔開心……點解自己可以咁無用…連佢鐘意食蜜瓜我都唔知，反而佢就知……佢差o的連「花之戀」都買埋呀!!!好嬲呀!!!同佢講，佢又唔當一回事……妳明唔明呀…我想做第一個同妳講「生日快樂」o既人、想做第一個買o野送俾妳o既人…不過，如果妳真係唔當咁樣係一回事o既話，妳就唔會明我究竟點諗，亦都唔會明我點解要嬲、要唔開心……

>>March 5, 2002 at 3:19:25 PM GMT+8

2002 年 3 月 2 日 星期六 【晴】

上年o既今日，就係第一次上家姐屋，同時都係第一次見到姐姐同妙子姨姨~~~~~第一個感覺係……覺得佢o地好癲!!!!

>>April 6, 2002 at 3:37:13 PM GMT+8

2002 年 3 月 2 日 星期六 【晴】

食o左筒Smartians當早餐~~~之後就出去新城市等Akiko同Umiko~~~~
佢o地o來之前就去o左買本TV Magazine，又買o左盒蜜瓜奶飲~~~~oiishi~~~

今日去做二宮，食o左Super Sandwich就行去瀝源社區會堂，Karen都未到~~~~
原來真係夾埋o左好多人o架!!!!好多都唔識……
Prepare好晒就開始~~~~班細路有o的都算聽話啦~~~~有一個都幾黏住Umiko o架~~~~為o左”乙水”佢，我仲要專登跑返去好運買Smartians俾佢，點知到到都未……想點呀????最後都係買o左包M&M’s同一筒俾自己o既藍莓糖~~~~~不過跑返去o個時先見到o個度樓上有間華潤!!!!太差喇!!!!早講啦!!!

有個細路竟然話我似男仔……唉~~~o係細路心目中，我都係一個男仔o來o架喇……
而且o個度有個二宮，女仔o係o既，竟然繞住我隻手!!!!!
好彩之後都有o的小食，有蛋糕仔呀!!!!呵呵~~~好開心~~~~^^不過要不斷咁幫o個兩人拎o野食……

做完晒所有o野，送埋Karen返社區中心，就輪到我o地行o下街~~~~~

>>April 1, 2002 at 5:11:05 PM GMT+8

2002 年 3 月 1 日 星期五 【晴】

去o左新城市，之前買o左2盒蜜瓜奶~~~~~好飲!!!!!而且仲有個蛋撻!!!!太完美喇~~~~~

買o左M&S o既藍莓Shower Gel~~~好開心~~~^^另外見到佢有的Lavender o既香水同Cream，但係o的味……放棄o左!!!!仲諗住買o來俾Clara o架嘛……

去到圖書館第一次用o個部自動借書機續借書……研究o左好耐，都係唔得……最後都係選擇放棄……連隔離o個個男人都唔得!!!!!哈哈~~~~~都話無人明o架啦~~~~~~但去排隊o個時，就見到有兩個女仔識用，仲有張單出o左o來!!!!!
原本Umiko都諗住借o的烹飪書，不過見咁多人排隊借書，所以都係放棄o左~~~

之後就o係出面o個個噴水池度herr，見到o個景咁好，就叫Umiko企埋去影相~~~點知o個人好細……
見到o個天咁靚，咪諗住影，最後都係由Umiko操刀~~~但點解要打斜部相機影呢??不過影得唔差~~~~^^

>>April 1, 2002 at 3:43:09 PM GMT+8