2002 年 4 月 28 日 星期日 【晴】

估唔到……會有o的咁樣o既父母……知道o的o野係人o地o既都照拎o來飲……十萬個無奈啦……

阿媽又唔同我講Umiko打過電話o來!!!!!想點呀????

>>October 24, 2002 at 10:43:32 AM GMT+8

2002 年 4 月 27 日 星期六 【晴】

睇o左「Hunter x Hunter」~~~同漫畫o既一模一樣呀~~~~而且仲一次過做3集!!!不過我係一邊聽電視一邊做功課，宜家爭剪報未做o乍~~~~
之後就上網……至於上咩網!?嘻嘻……Himitsu~同埋同Umiko傾電囉~~~都傾到差唔多4點先收線~~講真……真係唔想佢去o架…………
敷完o個個咁o既Mask，真係唔知自己o的皮膚有咩唔同~!?

8.15起身睇「Japanese Hour」，都無歌o岩聽o既~~~~~~去完廁所返o來就訓唔返，唯有做埋o個剪報去啦~~~順便睇o下同執o下o的報紙……做o左一篇，另外一篇無心機做……剪o左就算……
今日入o的咳同傷風都嚴重o左……算啦~~~~由得佢嚴重落去啦……
十年都無去飲茶~今日竟然會去……無所謂啦~阿爸搵位~~~不過等o左佢成個鐘都未打電話上o來叫我o地落去……好彩我上梗網，都無咁悶……去o左一個有好多廣告o既網站，Download o左好多「廣告原唄」返o來~~~~連鐵達時o既都有……

飲完茶，就去大埔幫Umiko換o個Qoo~袋返o來……一個人行街……真係好悶……o個度真係o個「超級城」，變態o架!!!勁大囉!!!搵o左好耐，先搵到o個Yes! Station……o個度都有ELLE o既o野賣呀~~~好想要……打電話去問清楚Umiko要咩顏色o既袋……點知差唔多3點先食完o野……仲要去陪Rilly買鞋……ok la……我無o野講……之後一路好唔開心咁去搵返o個巴士站……途中經過吉之島，入面有Tomica o既車車買!!!不過就係無佢想要o個個橙汁車……

終於明白點解報紙會寫「非常規日子如星期六、日係自殺高危夜」啦……我宜家完全感受到……「平日工作事務纏身，且周圍都充滿人群，但放假則自已獨處，易覺得被遺忘。」早知就留o係屋啦……真係好唔開心……Send埋Message……都無回音……唉……
仲諗住聽日整蛋沙津……不過….唔開心加無心機……唔整!!!!

又擰蛋，今次擰o左3個!!又係一樣o既……不過另12架唔同o既~~~其中一架係類似佢想要o既車o來o架!!!!
返到屋……開住電腦訓o左一陣……佢都仲未打電話o來……最後要自己打去…..仲未買完鞋……想點呀?????????買o左2個鐘都未買完!!!!!!!!!!!!!!!!!點解一定要陪佢去買喎!!!我夠想妳陪我一齊去行街囉!!!!究竟妳有無收到 / 睇到o的Message o架??????點解妳唔會打電話o來問o下我點喎?????宜家係咪我做咩妳都唔會理呀????妳唔係話妳會擔心我o架咩??????

用界刀界咭紙……點知大力得滯，成把Cutter飛起o左，界o左落隻腳度……o岩o岩先o拍完……一界落o來，即刻出血……算啦~~~都無感覺喇……呢個痛……又點夠心入面o既痛呀……??
估唔到宜家日記o個度有得Delete……咁就得啦~~~下次就唔驚會Send o左2個日記上去啦~~~
佢……到6.20仲未打電話o來……3個鐘頭都未買到對鞋……廢人o來o架?????唔係諗好o左買咩鞋先o架咩?????去埋呢間喎……都唔知佢買唔買到啦……鞋鋪o的鞋款都差唔多o架啦!!!!唔荒又去o左睇飾物咩??????又唔打個電話o來……………………妳話我專制、自私都好啦!!!我今次真係好嬲!!!!!!夜晚仲要唔知妳幾時先打電話o來……又要我呆等妳電話…………

原來……佢o地真係去o左o的飾物店……勁開心啦~~~~~~~算啦……呢o的o野……我都唔鐘意同佢o地一齊入o既……咪等佢同其他人一齊去囉!!!!
要打返之前o的日記……
無奈…….牙肉繼續腫痛中………一磨親就痛!!!!傾電話……兩個人都各自各做梗自己o既o野……佢icq，我就打日記……終於感覺到佢之前話過o既「傾電話完全唔似情侶」……

>>April 28, 2002 at 3:58:38 PM GMT+8

2002 年 4 月 26 日 星期五 【晴】

又去擰蛋，應該同Umiko o既一模一樣，不過隔離o個對夫婦o既女人好煩「呀~呢o的真係男女老幼都o岩玩，唔知呢o個哥哥抽到o的咩呢??」

點解會係「哥哥」??

>>June 21, 2002 at 5:03:59 PM GMT+8

2002 年 4 月 25 日 星期四 【晴】

零食物語又無o個隻乳酪糖喇!!!!煩!!!

>>November 10, 2002 at 5:15:56 AM GMT+8

2002 年 4 月 24 日 星期三 【晴】

夜晚同囉人chat~~~

>>October 24, 2002 at 10:47:09 AM GMT+8

2002 年 4 月 21 日 星期日 【晴】

今日跑20laps用o左11’27’’慢o左好多呀......

夜晚終於Download o左icq2002a喇~~~~可以同佢用一模一樣o既o野~~~~~


>>June 21, 2002 at 5:00:29 PM GMT+8

2002 年 4 月 20 日 星期六 【晴】

寫好o左之前Lavender Send俾我o既E-mail，填得好開心~~~~~~所以都Up埋上o來~~~~~~^^

『將整封E-mail複製，貼在一封你要寄出的新郵件上。

將所有的答案改成你自己的，然後寄給你認識的人，

包括將這封信寄給你的人。這個理論要說的是，你將了解你的朋友許多不為人知的種種

別忘了把郵件也寄回你的 寄件人

你永遠不知道你會從中學到些什麼


一份關於我的問卷調查

1. 現在時間: 19.25 ~ 21.4.2001<日本時間>
2.在網路上的化名: Kimi
3. 綽號：Kimi、Emily、青姐……
4. 上一次生日蛋糕上蠟燭的數目（或數字）:6/7~~仲要係東海堂o架!!!好開~~^^呢個係的呢一生之中第一個屬於自己o既蛋糕
5. 你通常吹熄這些蠟燭的日期:上年生日
6. 寵物: 細孖囉!!!成日俾我玩~~
7. 身高: ≦167cm
8. 眼珠顏色: 我o地係中國人，梗係黑眼睛啦!!
9. 頭髮顏色: 啡色~~暑假就會係上年o個個淺啡色!!!
10.耳洞: 1個<右邊o個個已經俾我Ignore o左>
11.刺青: 仲未有……遲o的啦!!
12.你有多喜歡你目前的工作? 十萬個唔願意~~除非可以讀間好似石垣o個間返學時間勁自由o架啦~~~
13.出生地: 仲係英國植民地時代o既香港
14.家鄉: 南海大歷
15.目前居住地: 和合石……對面o既牽晴間~~<我間房真係可以望到o架!!>
16.喝過雞尾酒嗎？都無人整俾我飲……
17.有拍拖嗎?いいよ
18.去過非洲嗎？唔恨去!
19.喝醉過嗎？唔好意思……仲未有咁o既紀錄~~^^
20.曾經被人HURT過嗎? 成日o架啦!!!由深至淺、由無奈至玩玩o下o既都試過……
21.曾經愛一個人愛很深，深到讓你落淚?? 有……已經仲走去自殺添……唉~~
22.曾經出過車禍?都未有車牌
23.曾經因傷入過醫院嗎:去過睇跌打同私家醫生囉~
24.（汽車）喜歡兩門式的還是四門式的:Land Rover o個o的……最好就係電單車o個o的啦!!!
25.喜歡雪碧還是七喜: 兩隸都ok~~都唔知有咩分別……I mean o的味……就好似Cola同Pepsi一樣……
26.喜歡咖啡還是咖啡冰淇淋: 兩樣都食!
27.喜歡麥當勞還是KFC: 差唔多啦~~~
28.喜歡的地方: 有傢私展出e.g. Ikea、示範單位、海灘、Café、Polo店、縱橫遊、山頂、日本、佢想去o既地方、Ocean Park、有好多向日葵o既地方etc……
29.喜歡的襪子顏色: 白色/藍色
30.最喜歡的數字: 6、1016、1126
31.喜歡地毯還是櫸木地板: 地板<要防水o個同兩塊之間無咁大條空隙o既!!>
32.喜歡被吻的部位: 咀<邊個錫都無所謂~~只要我唔憎就得，不過非戀人就只係可以「蜻蜓點水」>同頸……<最好有埋「咖哩雞」啦~~~哈哈~~~~~~~>
33.最喜歡的電影: A Fighter’s blues、魔女の宅急便
35.最懷念的假期: 有Good Memories o個o的都係
36.喜歡的食物: Blueberry、黑椒牛仔骨<阿媽整o既~~>、Cova同Godiva、三文魚加Toro、蛋沙津、佢整o既~~~~~富豪雪糕、格仔餅<多糖>、阿偉整o既會意粉、老細沖o既奶茶<由細飲大o架!!>蜜瓜奶etc……我生日……識做啦~~~~
37.喜歡禮拜幾: Friday<無驚無險又一Day>
38.喜歡的味道:好味就得……唔好太甜或太鹹
39.喜歡的電視影集: Beautiful Life、青木さん家の奧さん、真夜中の嵐
40.喜歡的航空公司: ANA
41.喜歡的餐廳: 日式、自助餐、有位勁似反町歷史o既Waiter o既花園餐廳<又係由細食到大o架!!>
42.喜歡的花: 大波絲菊<不過香港無……>、向日葵同Sakura(i)<笑>
43.最不喜歡的話題: 唔知~~睇心情啦~~~
45.喜歡看的運動: 跑步、睇人打機<都係一種運動啦~~>
46.喜歡冰淇淋的種類: Haagen Dazs
47.喜歡的動物: 狗、海豚、貓、松鼠
48.《芝麻街》裡喜歡的角色: 好憎芝麻街!!!好恐怖……o的公仔
49.最喜歡的電視台:TVB/日本電視台
50.喜歡的速食店: Oliver’s Super Sandwich<旺角新世紀>、Delifrance
51.上次上醫院是什麼時候?阿媽生我o個時
52.最喜歡的飲料: 水、阿媽整o既受歡迎豆漿同庶水
53.臥室的地毯是什麼顏色? 屋企唔擺地毯o架!!
54.你從小到大的最難忘的是什麼? 小4囉……勁難忘啦!!!!仲有幼稚園o個時~~^^同埋佢……
55.你覺得碟仙怎麼樣？Antia話同我玩o架!!!!
56.你覺得自己十年後會在哪裡?做梗o野o卦~~
57.在這封e-mail前上一封是誰寄的? Lavender~~~好耐無回信俾妳喇……等多陣啦~~><~~
58.她是哪裹的人? Hopers囉!!!
59.曾經犯法被逮捕過嗎? o個個唔係我……不過我知佢係冤枉……一坐就坐o左3年……呢3年……我就無o左佢………
60.哪一家店會讓你想把信用卡刷到爆? 漫畫店+雜誌店、Polo/burberry專櫃
61.無聊的時候你大多都做些什麼? 唄歌……次次都俾人打……再唔係寫o下故仔咁囉
62.你住得距離最遠的一個朋友是誰？Jenny 同Polo哥哥 o卦……兩個都係住o係青衣
63.最令你煩惱的事: M come!!同埋有時自己o的情緒、黑天鵝白天鵝
64.全世界最好的事: 自由自在、隨水飄流、有人俾我”暖”、可以成日講無所謂，但做出o來o既o野又合晒我心意!!
65.通常幾點上床睡覺: 12mid~1.00a.m.<第二朝就會想死……>特別係過o左o個兩個禮拜!!!4.00a.m.先訓……
66.你猜誰會最先回這封信? 唔知~~~無所謂啦!!
67.你寄這封郵件的對象中誰最不可能回覆? 唔知喎!!由得佢o地啦~~~
68.現在幾點了: 20.04<日本時間>因為一邊聽Morning娘。一邊打……』

>>March 16, 2003 at 5:48:12 AM GMT+8

2002 年 4 月 20 日 星期六 【晴】

10.00起o左身，好舒服~~~雖然訓得唔算多~~~~睇埋本「Angel/Dust」，好正呀~~~~~真係好鐘七瀨葵老師o既畫~~~~好靚^^
今朝隔水蒸返o個叉燒飽，順便煲埋水，之後入返房上網……之後，竟然o個叉燒飽煨o左!!!!又再次煲乾水喇~~~而且仲有舊叉燒「bid」o左出o來!!!!o個飽好脆~~~~~張底紙都係~~~~不過黏底……

今日……唔知點解，突然覺得我o地兩個之間o既關係已經變o左……唔係變好，而係變壞……可能係大家都開始對對方有要求，達到唔到，就會失望，開始對對方心淡……又或者可能係將對方拉得太緊……
妳傾電話，都唔會再好似以前咁傾得咁開心；我傾電話，就越o來越無奈……妳有無發覺妳最近唔開心多o左，喊多o左……我都想妳唔好喊，但無奈偏偏多數係因為我…………
傾電話，聽到對方把聲死死o下，係絕對唔好受<包括有病在內!>有咁多Dead Air，都唔會開心得去邊……我自問係一個唔識煲電話粥o既人……有時越要我講o野，我偏偏就諗唔到有咩可以講……尋晚可以傾到差唔多5個鐘……都覺得有o的無奈……
我終於明白點解o的人會話「因了解而結合，因了解而分開」……妳話我唔體諒妳，咁妳又有無體諒o下我??平時傾電話，都傾到好夜……早o的收線，又唔知妳之後會做乜；夜o的收線，我又俾阿媽鬧、第二朝又眼訓……為o左妳，我已經俾阿媽鬧o左好多次……雖然俾佢鬧我已經當係耳邊風，但係的確佢開始越睇我越唔順眼……

o的唔開心o既o野，我o係日記到打出o來，都係因為如果我當面同妳講，妳一定會更加無奈……兼且我一向都唔擅長當面咁話人……所以我先o係呢度打出o來……就好似妳話我聽完妳o的唔開心o既o野一樣，會不屑、會無奈一樣……

做埋o的功課，真係做晒!!!!除o左要用Printer o個個同埋o的Maths之外……Marvelous!!!落街食飯，只係6蚊10粒o既魚蛋……買o左另一款o既10蚊包~~~好開~~~~今次o既有「尋找滿月」o既紙巾送!!!另一款有Mini Mori o既o野送，不過知道佢唔鐘意，都係我要o既，所以就無買……

今日成日都留o左o係房度~~~
下午都收到Ariel o既電話，不過都無乜o野~~~
突然之間覺得無聊，就用o左o個個「Dead Sea Black Mud」o來敷面，但係今次好似「la」面o左o的……可能係今次先至係好正確咁用o卦~~~~用完之後塊面好似滑o左~~~~差唔多到5.00就落會所跑步，跑到差o的盪失路添!!!宜家先知，原來會所係咁鬼死大o既……

夜晚o個餐就去買外賣返屋，o係「日式鰻魚炒飯」同「沙爹雞扒飯」之間選擇……諗o左好耐，終於揀o左「沙爹雞扒飯」~~~因為可以買埋o的墨魚丸~~~~~呵呵~~~^^今餐好飽呀~~~~~
唉……家姐一o係Ariel屋……就唔駛指意佢會早打電話o來……次次都無一定一路打瞌睡一路等佢電話……唉……我夠喇……
之後佢打電話o來……雖然拎返o個墊板……但係佢又俾o左藍色o個塊板俾家姐……佢根本都唔明!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!好嬲、好唔開心呀!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!我講完o的o野佢根本就唔明……我都唔想咁自私!!!!!!!!!!!!!!!!!!!!!好唔開心、好唔開心、好唔開心、好唔開心、好唔開心、好唔開心、好唔開心、好唔開心、好唔開心、好唔開心……我唔明………點解要俾o個塊墊板俾家姐…………佢根本當我之前講過o既o野無到!!!!!!!!!塊o野原本係我o架!!!!!!另外o個兩塊係Joey俾我同佢o架!!!!咁關佢咩事o者??????????點解咁自把自為????????????

>>April 21, 2002 at 3:14:41 PM GMT+8

2002 年 4 月 16 日 星期二 【晴】

竟然......同學會話我o的頭髮香...好似人地o個o的漫畫情節......

第一次聽「約束之季節」聽到喊.............
我好想見你.......
「只是答應了一件事 就是從此以後不再分開
只是為了一個人繼續前進 不會再次讓你 聽到悲哀的歌曲」

究竟......有無人會咁樣同我講......
發夢都好呀.....至少仲有呢個記憶......
終於發覺自己係一個好無用o既人...係自己傻得滯...抑或係自視過高...?
唔想去諗......點解拍拖會仲辛苦過暗戀人...?

全部o既事......都係我自已o既錯......去到邊...都會整到人唔開心......

好辛苦.....我淨係想俾人去愛o乍......

竟然……被人叫高價了!!!$16囉……無奈……原來是昨天的事……

今晚Doz就走……拎o左佢電話，不過都係無打到……

>>June 21, 2002 at 4:56:44 PM GMT+8

2002 年 4 月 15 日 星期一 【晴】

上第十堂時換衫~~~~~~好多人都話「嘩!!你幾時換衫o架??」
之後就同Umiko去旺角，行埋花墟，見到o個間「靚花緣」介紹過o既花店~~~~~好正~~^^
買o左包向日葵種子~~~~~~另外……Umiko想買又唔想買o既風信子……最後都係無買到……

途中見到有對男女，女o既突然之間衝過馬路，男o既為o左追佢，都衝o左出去，仲差o的俾架的士撞倒!!!!!!好彩無事o乍!!!!

去o左五十嵐食o野~~~~~叫o左2個定食加一碟三文魚……點知o個定食好飽……而且我o地又見到隔離o個2個女人食二人套餐，好好味~~~~~~下次要拉埋Akiko佢o地一齊去食先得!!!!

之後就慢行去搭車返屋~~~~~~~~~~~~o係地鐵度見到o個男仔講「你走唔出我o既手指隙!!」我就諗「點解唔可以講：你飛唔出我o既腳指隙呢??」Umiko聽到之後笑死啦!!!我自己都忍唔住笑o左!!!!!!

>>April 28, 2002 at 4:26:24 PM GMT+8