2002 年 11 月 5 日 星期二 【晴】

一早就同Ariel嘈......我o地最近都係咁o架啦~~~~無奈又係我唔o岩......
去o左紅磡間Starbucks買Mocha同三文治，真係越o來越鐘意呢間Starbucks!!!
搭地鐵o既時候，俾o個o係石殎尾上車o既男人非禮!!!仲要摸我前面，咪即刻啤住佢囉!!!佢仲要o係度淫笑……仆佢o個街呀!!!

洪德健無Gel頭返學……LuLu就同Edison講「今日又係你靚仔返o的喇!!」笑死……不過佢上堂「滋」暗瘡，連Geog Miss都望住佢……佢「滋」完，問人有無膠布，o個個都話無……咁我咪借o左支黃藥水俾佢囉~點知佢o地又講埋o的核突o野……青蛙同歷蘇飲麥精，又因為之前燒餅講o既射精，而拉上o左關係……

宜家，佢o地已經當o左我係一個士多啦~~~開頭班o的人都淨係知我有兩把Cutter……一有咩事就問我借Cutter……連Edison話去界肥媽，都要問我借Cutter……又話問我借Cutter去拜見人o地阿爸阿媽……無奈死啦~~~~宜家連黃藥水、無比敵都有……真係做o左班o既士多啦……

Break o既時候，第一次o係班度發脾氣……仲要係拎高張凳o來掟，好彩佢o地走得快……無人中招……之後就忍唔住喊…………算啦……我都話我癲o左線囉……

之後上Maths，頂唔順，食三文治，洪德健同肥明又話要……咪分o左一半俾佢兩個分囉……不過，我都夠飽喇……當佢o地知道個三文治要$15o既時候，話要嘔返出o來俾我囉……
班主任越o來越唔掂……成日發我o地脾氣，仲成日話我o地後面嘈……頂佢o個肺呀!!

>>June 2, 2003 at 3:15:34 AM GMT+8

2002 年 11 月 4 日 星期一 【晴】

Break o既時候青蛙發脾氣……我o地成班怕o左佢，於是出晒走廊度避難……不過其實都係因為我o地玩佢先……攪到中文Miss收o左佢o個McDonald’s早餐……

我都唔係一早就出走廊，之後見坐o係青蛙隔離，壓力好大，於是就借話拎返杯水俾Miss而走o左出去……出到去，有女班長<因為要食o野>、阿Yen、LuLu、洪德健、燒餅、Edison、肥明、男班長Alex同歷蘇，同一、兩個其他班等梗去廁o既人。出到去，即刻閃o左去燒餅同肥明中間，整返好件衫就去Counter俾返隻杯Miss，不過當佢o地見到我閃o左入佢o地中間o既時候，係咁問我做乜……我咪話，坐o係入面好唔掂!!!

俾返杯水Miss，出到去，就同佢o地o係走廊度集會~~~不過我都唔知原本今朝有人入o來講唔准o係班房食o野!!之後都無咁嚴o架~~~又發咩癲呀??耐唔耐又叫Alex入去睇o下青蛙點~~不過佢都仲有嬲梗……洪德健同肥明都好唔留情咁話係佢小氣……而阿Yen就叫我o地每人夾返錢俾青蛙……不過佢o地以為一塊薯餅仲係$4、魚柳飽$8……我話薯餅應該係$4.9、魚柳飽應該係$10.2，佢o地聽到之後話我咁清楚o既~~我咪話，尋日先買完o來，點會唔記得呀??
講講o下……o係我對面o既洪德健突然拍我膊頭……話我靚喎……唉……又o來喇……阿Yen就o係旁邊話「你就好啦~~兩個男仔爭你一個」……唉……無鬼聊!!!又問我揀邊個……我兩個都唔會揀啦!!!係咪呀~!?

打鐘，我o地仲未走，點知阿Tim哥出o來問「你o地o係做乜呀，集會呀??」洪德健話排隊去廁所喎，我們咪附和佢囉，阿Tim哥就話「廁所o係度排隊o架咩??排返好啦!!」我o地去排返好，不過之後班望任出o,左來，同Tim哥講o左幾句，Tim哥就趕我o地走……我o地返到班房，就話Tim哥係因為我o地阻住佢去「辦私人事」，所以先趕我o地走……

放學入o左Ariel屋，終於打爆o左BioHazard 2!!!!今次打o個Boss一次都無死過呀~~~~~幾勁呀!!!Ranking係C，用o左4個鐘50分零2秒!!!好Proud~~~不過之後佢無俾Leon o個裡關Data我囉!!!Load o來Load去都無……好嬲!!
一路等Ariel返o來……做o左佢唔鐘意o既o野……返到o來，兩個又嘈過……

>>June 2, 2003 at 3:12:44 AM GMT+8

2002 年 11 月 4 日 星期一 【晴】

以後唔好約我去灣仔睇Concert
以後唔好約我去海洋公園
以後唔好約我去人o地屋企
以後唔好約我一齊過中秋節
以後唔好應承o左我o既o野又做唔到
以後唔好再要我o係星期二o既時候等你等到三點幾四點
以後唔好再俾我知你同其他人去其他地方
以後唔好再俾我知道有其他人搵過你
以後唔好再要我就人o地
以後唔好再o係我唔開心o既時候講埋o的悔氣說話
以後唔好再o係我講梗o野o既同一時間同其他人講o野
以後唔好講過o既o野又唔記得或者唔算數
......我都係想你陪我多o的、關心我多o的、多o的讚o下我、多o的理o下我感受o者......講分手o既時候，你都好似唔緊張咁......你都唔會諗o下究竟點解我咁講?更加唔會認為自己做錯啦!?
....我隨時都可以死....再見

>>November 10, 2002 at 12:55:34 PM GMT+8

2002 年 11 月 3 日 星期日 【晴】

Edison終於染o左頭髮，超黑呀!!佢又剪o左同電o左o個頭，成o個乜太咁......笑死我o地同Miss，佢宜家有o左o個外號「肥明o既大舅母」、「麥太」、「菠羅頭」!!!!哈哈~~~~~LuLu仲用普通話話應該係「鳳梨頭」~~~~~~又話原本佢同洪德健叮噹馬頭，不過宜家係洪德健靚仔o的~~仲串佢話佢仍係全個Center最靚仔添!!!

今日調位，原本都幾好o架~至少燒餅坐o左最前面o個行，佢o地少o的o野講啦~~~
點知……唔知做乜，突然之間，班主任又將佢調o左去我前面o個行，仲要爭一個位!!!唉~~~~又沒完沒了……-_-ll佢o個死淫樣呀!!!最開心o既，應該係LuLu啦~~~~斜後面o既，係洪德健……今次真係唔駛上堂呀!!!

放o左學，就去買長袖恤衫，排o左幾耐隊呀!!!!買o左兩棵「藍天使」就去鑽石山Meet Ariel同Apple。見佢o地都好似無乜o野咁……咪無o野囉~~~同佢o地食o左o個新新口味之後，就上o左Apple屋……一路Hea......hea到5.45就走，點知佢仲未走囉!!!!仲要同我講話留到6點幾先走……無奈…………………

落到樓下先發覺無同佢拎鎖匙，佢話落o來俾我喎。見到佢同Apple拎晒o野落o來，以為佢都走啦~點知又話去荷里活行陣先走……咁咪唔理佢囉~o係九龍塘火車站度，先發覺無拎盆藍天使，打俾佢，佢話返Apple屋拎喎~但係我返到屋，佢竟然仲未走!!!!!!!!!!超嬲!!超無奈!!!想點呀???

又再一次……講過o既o野唔算數……話就話6點幾走……點知7點幾，都未走……又呃我……唔通陪Apple真係好過陪我咩??如果係o既話，咪出聲囉~~~~

>>November 10, 2002 at 10:44:42 AM GMT+8

2002 年 11 月 2 日 星期六 【晴】

今日承繼o左尋日o的唔開心……基本上，我都係無乜o野o既~~~起身嘔同頭暈囉~~之後......就開始爆喊......喊死去算啦!!!
不過好唔明：點解我唔舒服都要俾阿媽鬧……
之後……真真正正咁驗證到：原來o係屋同o係佢面前都係唔喊得……因為我一喊……除o左尋日之外，佢o地一見我喊o的語氣都係咁差……
Ariel打o來，好啦~~~同Aoyi同Apple出Joey度呀嘛~~~~
係邊個唔俾我一個人出Joey度o架??係邊個話要等埋佢先出得o架??我唔覺得去拎CD俾藉口囉~~
呢個只不過係我今日唔開心o既開端……
同佢講我唔舒服，以為佢會話「不如我o來陪你啦~」就算係講o下都好呀……結果，一句都無……聽到Aoyi把聲，諗返起尋日o的o野，結果，又俾人話我唔o岩……
今日真係好有動力去界手......去跳樓、插心臟……我知我真係會做得出!!!不過……無啦~佢都唔會知o架啦……都唔駛佢o來救我……淨係得Tiffany好緊張咁同我講話帶我去睇醫生……好可惜，我無錢出去……佢仲要話佢幫我俾錢睇醫生……就當我有情緒病啦......!!

之後……兩個人o的語氣開始差……預o左啦……最後，我決定同佢講「分開一陣」……因為……我真係積o左好多唔開心……但係同親佢講，佢o的語氣都一定唔會係好o既……所以我先放棄同佢講……呢個問題……應該唔會出o係我身上o卦……!?結果……就係o的聆聽者一路俾o既意見都認為我成日都唔開心o既話……呢個係最好o既辦法……至少啦~~Aoyi唔鐘意我同Ariel一呀嘛~~咁分o左，佢咪無o野囉~~佢咪可以同Ariel出街囉~~~~而Ariel……咪少o左一個成日令到佢唔開心o既人o係佢身邊囉……佢又唔駛做咩之前都要問過我喇……夠自由未呀??
雖則……我自己都好放唔底……不過佢o地話既然分唔分我都係唔開心o既話，點解唔分呢??而且……佢o地話，從佢o既說話中……可見佢都係一個好要面o既人……唉……我都只係想要一個女朋友o者……唔串……聽聽話話……賢妻良母就得o架喇……
再者……我係想女朋友24小時陪住我呀……咁有問題咩???你o地都識講「我係咁o架喇~~」咁即係「江山易改，本性難移」啦~~咁我都可以係咁o架o者??但係得o來o既咪又係一o的悔氣說話囉………………………………………………………

之後……咪又無o野咁囉……不過，我咪又唔可以成日唔開心囉……上年又係呢個時間唔開心，今年又係……唔通要我年年都係要o係10尾至11中呢段時間唔開心到瘋o左咁呀??

P.S.聽到Tiffany講o既o野……就等於上年聽完Bonnie講o既o野咁……好唔開心………基本上，佢o地o個意思都差唔多~不過……去到Ariel屋企，就會陪佢訓……都無時間去溫書……雖則我都知宜家係時候要開始溫書……但我就係想佢陪我一齊溫呀嘛……………………

>>November 3, 2002 at 11:34:48 AM GMT+8

2002 年 11 月 1 日 星期五 【晴】

今日係其他人去睇V6 Con o既日子……好可惜，就算最後多o個一張飛，都唔輪到我去睇……
無啦~~~原本都無o野o既，不過聽到Aoyi知道係我去之後o既反應…….好~咪算囉~~咁想Apple去呀嘛~咪俾佢去囉!!!
不過之後，我發現自己讓張飛俾Apple去o既決定係錯o既……
其實我無必要就Aoyi o架!!佢咁唔鐘意我呀嘛……點解我仲要就佢o者??
一句多謝都無……兩個都係咁…….仲要我睇佢o地面色、受佢o地氣……開心啦~~~有得去睇Con~~~我呢??咪周圍蕩囉……不過出到街見到o個個都係一對對o既……咪爆唔開心囉……
仲要係Aoyi先過份!!!好似我應該要讓張飛俾Apple去咁……一句乜都無……我唔係一定要就佢o個喎!!!佢唔開心咪由得佢囉!!!佢之前o係俾Ariel o個封E-mail點話我呀??墊板o個件事就o個個都話我唔駛講得咁過份，咁佢呢!?佢又係無諗過自己呀!!
唔好以為全世界都要就你啦!!!你唔係呀蘇哥呀!!!普通人o來o架o乍!!傷殘o既都話可以就呀~
你唔係呀!!!唔好以為樣樣o野都係理所當然呀!!!
仲有……有得去Con……Ariel o的語氣就即刻變晒咁……我打電話去好似煩住煩住佢咁……同下午o既時候o的態度完全唔同……佢根本唔會諗o下我一個人o係條街度會點……開心啦~~~
連續兩個禮拜都可以同Aoyi同Apple一齊開心……我呢??結果自己咪又係咁自私……仲有咩資格去話我自私呀???

蕩完之後，收到Ariel o既電話，話睇完Con，Kore話去癲o下喎~好~~咁咪去囉……
結果過到去灣仔碼頭，o個個好似當我「生滋貓」咁…….雞飛狗走……咁就唔好話去癲啦!!!不過估唔到……連Kore同阿Mil都係咁o者……識清晒o的人o既真面目啦~~~
究竟有無諗過我會點諗o架?????????????????????
之後仲衰……好似我錯咁……Ariel黑晒口面……最好笑就係佢仲要同我講「諗諗o下……我都唔知你下午o個時喊o來做乜……」ok la…………….我無o野講……今日發生o既o野……我一定會記得!!!

夜晚沖完涼之後，打俾Ariel，問佢有無同Aoyi講過今日發生o左o的咁o既o野……佢話佢知喎……知咁又點呀??咪又係覺得好理所當然囉!!!我唔開心、因為佢o的咁o既反應而攪到我喊，佢都覺得好理所當然啦!!!一o的悔意都無o架喎!!!第一次見o的人咁能厚面皮……
Apple??咪又好似無o野咁囉……不過，短時間之內……我都唔見到佢o地……特別係Aoyi……
反正我o地都唔係成日見……最多都係同Ariel傾梗電話o既時間會o係後面聽到佢把聲o者~

今日改o左日記……算係呢個日記o既濃縮版：
Kimi——水魚一條
人約黃昏後，水魚又蒲頭—o個條水魚咪就係我囉.....
無人會可憐水魚、無人會同情水魚、更加無人會多謝水魚.....
因為o的人認為水魚係應該俾人「昆」.....
o個o的人係咩人?咪就係o個o的自以為是、認為水魚做o既一切都係理所當然、全世界都要就晒佢o既人囉~~~心照啦!!
一句多謝都無.....我都唔知點解自己要就佢呀!!
點解無人會問o下我點.....?
個個當我生滋貓咁，一見我o來就走晒.....我係咪咁乞人憎呀?
不過都係多得佢o地.....我先發現：原來o個個都係戴住面具o來識我......

其實原本係有一句「o個個都係咁……」不過因為Ariel幫佢解釋o左o既關係，所以咪刪o左去囉~~~我又一次做o左水魚……

之後知道係誤會o既話......可以點o者!?都已經唔開心o左啦!!
既然呢個日記係For Public o既話，咁o岩啦~~~俾o的人知道我點諗都好o架!!

>>November 3, 2002 at 11:24:23 AM GMT+8

2002 年 10 月 28 日 星期一 【晴】

為甚麼要騙我?
為甚麼要騙我?
為甚麼要騙我?
為甚麼要騙我?
為甚麼要騙我?
為甚麼要騙我?
為甚麼要騙我?
為甚麼要騙我?
為甚麼要騙我?
為甚麼要騙我?
為甚麼要騙我?
為甚麼要騙我?
為甚麼要騙我?
為甚麼要騙我?
為甚麼要騙我?
為甚麼要騙我?
為甚麼要騙我?
為甚麼要騙我?
為甚麼要騙我?
為甚麼要騙我?
為甚麼要騙我?
為甚麼要騙我?
由星期六開始至現在……我仍舊有一絲的失望……不開心……
倒不如讓我死掉好了……至少…我不會知道你在說謊……也不會知道你在騙我……

一位男孩偷看其女友跟別人的icq history...發現跟她聊天的都是男孩...而且還交換了電話號碼、在自己睡著的時候跟其他男孩傾電話...又瞞著自己跟其他男孩約會...更騙他說自己去洗澡，但仍跟其他男孩聊天...
問她，她又一一否認...

然旁人也知：這是女的錯...雖然男孩偷看女孩跟別人的對話是不對的...然而...為甚麼女孩要騙他?她不會想想他的心情嗎??他已經猶豫自己是有否盡男朋友的責任...偏偏在這個時候又發現自己的女朋友騙他...他已經瘋了...

不捨得跟她分開—因為他仍然愛她—你說怎麼辦?

>>March 16, 2003 at 5:29:34 AM GMT+8

2002 年 10 月 28 日 星期一 【晴】

今日才知道......原來自己有好多東西是不知道的!!!!!
都幾好呀~~~~~

不過算啦......他可以做的......我一定不可以做......
枉我還相信他真的去看電視........
誰料他仍跟別人icq.......但跟我說「我睇tv呀~」
原來怎樣都是不公平的!!!!!!!

這個星期......也不要打擾我了......我已經受夠..........
你喜歡跟我說就說吧!!!越發掘得深......只會更加不開心......

究竟這段......他明不明白的??

是否:
沒有為妳而哭過鬧過,就等如我從未愛過妳?
沒有為妳而介意甚麼,就等如我從不在乎妳?
沒有為妳而不知所措,就等如我從未看重妳?
沒有為妳而改變習慣,就等如我從不遷就妳?
沒有為妳而整夜未眠,就等如我從未掛念妳?
沒有為妳而忍痛羲性,就等如我從不討好妳?
不是!
我會討好妳!
我會掛念妳!
我會遷就妳!
我會看重妳!
我會在乎妳!
我會愛妳!!!!

不過......他是否仍然好像以往般愛我......我開始不知道了.......

開心的事......都不值得我去寫了......因為它們會烙在我的記憶裡.......
不開心的事......只有這樣寫出來......自己才會舒服些......
也不要打擾囉人了...她自己也有東西煩......
可是...只有她......才會真真正正的明白我所想的........亦只有她......才會了解我......
不愧是我的9年朋友!!!
謝謝你肯聽我的煩惱......
謝謝你的支持......
謝謝.......

真的不敢想像你走了之後我會怎樣.......

>>October 29, 2002 at 7:18:09 AM GMT+8

2002 年 10 月 25 日 星期五 【晴】

Fion姐!!生日快樂~~~~~~~~~~~~~~~~^^妳幾時先On呀雖然有妳電話，不過就係好驚打俾妳......:p

佢又再一次破壞我o個Plan喇……佢竟然同梗Apple傾電話……我仲諗住做完之後，兩個人攬住溫馨一陣……因為o係一年之前，o個日又係要去海洋公園，就係我同佢第一次咀……不過睇o來，佢對於呢o的咁濕碎o既o野……都唔會記得o架啦~!?點知一入到去，見到佢同Apple好開心咁傾梗電話……ok la……收o左線之後，唔過20分鐘，又再一次打俾佢……如果係咁o既話，之前駛唔駛咁急打俾佢呀???平時做完你就識叫我唔好走住，攬多陣完……即係其實都佢係鐘意點就點o架啦~~~都好自私o者!!!

之後就一直唔開心落去……如果要咁早走o既話，不如唔好叫我o來啦!!!平時星期六我早走你就識唔開心……咁我呢??

>>November 3, 2002 at 11:27:08 AM GMT+8

2002 年 9 月 29 日 星期日 【晴】

我自私，因為我想佔有你；我妒忌，因為我不容許你跟別人時比我更開心。。。
不過，你有沒有真正的想過為甚麼我會這樣想...?是誰令我出街時會「黑面」?我那些也叫「發脾氣」嗎?那麼，我有沒有試過像你那樣發脾氣??我敢肯定：沒有!!我也有沒有試過用你對我的態度去對待你??沒比你多!!
正如囉人所講，我需要的只是一個會認同我想法的人、聽完也不會發脾氣、或語氣變得差的人......而我也不想每次不開心、喊，也是對著她。可是我覺得這樣對她很不公平…...不過，想找一個這樣的人，我不找她，可以找誰......??

>>March 16, 2003 at 6:12:05 AM GMT+8