2002 年 11 月 29 日 星期五 【晴】

肚餓住咁入去……以為會一齊食o野……點知佢已經有o野食……無啦……又眼訓喎、又”支力”、又肚餓喎……仲慘過o係非洲o的細路……訓住等佢沖涼，佢沖完涼之後竟然係叫醒我囉!!!!之後就一路以一個撐唔大對眼o既樣去望住佢……連o個時都係……其實已經好”支力”……不過都係要o既……

仍然都為o左「下旬」點解而拗……都話o左「下旬」係解一個月o既後半部份……你自己原先都知係咁解……但係點解你聽o左你班o的人o既錯誤解釋之後就信佢o地o者!?如果「下旬」真係解下年o既話，咁大把o野都解唔通啦!!!!人o地講o既你就信、自己同我講o野就唔信……係解下年o既話，咁Biohazard 0點解又會早o左成年出呀~!?唔止呢樣，仲有好多o野都要等成年先出啦!!!!如果鋅係解下年，咁全香港o的人o既用字都錯晒啦!!!駛唔駛講「11月下旬」呀??直接登「明年11月」都得啦!!!!仲要幫你班o的人解釋……表示時間o既字都擺錯位啦!有乜理由會係月份行先過年份o架!!??仲拗咩呀???解返俾你班o的人聽啦!!!!誤導人o地……唔好扮「know-it-all」啦!!!!越講就越嬲呀……寧願信人o地都唔信我……做你o的同學真係仲好過做你男朋友呀……

點幾，終於有得落街食o野……不過我又係o個o的想食o野但又唔想洗錢……去o左還完漫畫就行去OK，見到佢部抽咭機，好耐都係抽過咭啦，咪抽$1囉……點知係空機o來o架囉……去OK睇佢o的叮叮……但睇落又好似唔飽咁喎……最後都係去o左食車仔麵……仲有矮瓜!!!!好飽~~~~~~Total都係嗌o左$36.5o野之嘛~~~食完o野……拖住手行去OK時……唔知點解……終於有返o個種拍拖o既感覺……就算平時出街o既時候……呢種感覺都唔強烈……不過今日終於都俾我感覺返……
買o左洪德健勁Recommend o既Maxibon，好彩OK做梗特價o者~~只係$6.5~~~而Ariel就買o左Kinder新出o既朱古力……我係由有脆皮包住o個度食起，感覺有o的似食梗脆皮樂~~~Ariel都咁覺得~~~好好味!!!!!而佢o個個朱古力都係咁好~~~~~味!!!!之後去o左扭蛋，今次扭o左o個「銀海鐵道999」o既~~~~~係999o既車頭呀~~~~攪到我想抽晒全套添……
Maxibon另外o個邊都叫過得去o既……不過就當然無脆皮o個邊咁好味啦~~~~搭升降機o個時，仲同Ariel話o來o個「雪糕之吻」~~~~~哈哈~~~佢當然唔肯啦!!!!連同之前o既「可樂之吻」同「芬達之吻」都一一俾佢拒絕……

上返屋，摷返o個個好詳細攻略連地圖o既Biohazard網，不過都搵o左好耐……邊玩返之前第27次Save o既地方……我依然都係推完第二舊電池就俾o個隻o野逼o左埋死角出唔返o來同俾佢o的毒液整死o左……而Ariel就o係Biohazard o個官方網Down o左o的片段返o來，又係唔同o既!?
搵到o個個網，就玩o左三個幾鐘有詳細攻略連地圖o既Biohazard 3!!!!已經玩到去時鐘塔喇!!!!o的文件已經拎到去第二頁!!!一切都好順利~~~~~Jill o既日記……你等我呀!!!!<你唔好再話我唔識睇日文喇o下!!今次過埋關，下次就試o下去唔去到o個服裝店幫Jill換衫先~~~不過好似有Time Limit同Ranking o既限制……>但我已經好唔想好唔想再見到o個追蹤者!!!!好討厭!!!八、九粒冷凍彈或散彈都唔死……!!!打打o下……已經想嘔喇……因為o個追蹤者o既關係……

俾Ariel睇我中o左獎o個頁，不過佢竟然唔知我o個名o係邊，搵o左都頗耐啦……搵到之後又同我講可能係同名同姓o者……你妒忌我有Poster呀~!?<笑>
又俾埋今朝執報紙時搵到o既o野：科學館又有新展覽啦!!!今次係講埋o的核核突突o既o野……屎同屁!!!!哈哈~~~~~o岩我啦~~~~當佢睇完份報紙o既時候，第一句係講：「叫埋Apple去囉!!!」都話o架啦……做佢同學/朋友真係仲好過做你男朋友……又一好例子……諗都諗o的朋友先……而且都已經唔係第一次咁樣啦……
Ariel宜家先同我講：下個禮拜有一日要放學考普通話聆聽……星期二同星期四……二分一機會……不過星期四……去唔去都一樣啦……佢自己本身都唔記得星期四係咩日子……咁慶祝o來做咩o者!?普普通通咁早返屋企咪算囉!!!!!連阿Yen都覺得我記得呢一日好勁……但係佢!?咪又無乜反應咁囉……我都唔明……點解會有女仔唔記得呢一日……可能問佢Speed幾時Debut同解散，諗都唔駛諗就答到我呀!!!不過問佢呢一日o既o野……都答錯……之前已經試過啦……我應該俾o的咩反應佢!?係咪都應該唔計較呢o的日子……齊齊唔記得就算!?但係我唔想呀嘛!!!咁開心o既日子……可能o係佢o來講……呢日係同平日一樣咁普通……

上返上個禮拜o個堂「非中文中學英文部」同上埋今堂，不過有人就掛住睇佢借返o來o個本「愛似百匯」囉…….上個禮拜，茜嘉姐姐播Christina隻「DIRRTY」囉~~~好彩有錄到o者~~依3然都係咁鐘意佢o地o個句「Ladies Move!! Gentlemen Move!!」~~~~但係都係無o左Redman Rap o個段o既版本……而今o個禮拜，佢都有播Justin隻歌同Eminem隻「Lose Yourself」，不過聽聽o下o既時候，突然空白o左1秒……另外都仲有一道係咁……原來呢o的就叫「Clean Version」啦……唄唄o下「Mother」之後就無o左一個字……之後又繼續唄返……o個個無o左o既字……咪就係「Fucker」囉……另外o個個就唔知喇……
有人做o左「ETV人」啦~~~~~哈哈!!!講句「好痛呀!!」又似朗誦咁、又要好大力咁o係個「痛」字度眨眼~~~~~笑死我啦~~~~有人想嬲都忍唔住要笑~~~~~~~~~~~~~~~~不過佢講得都有o的似o個個「益力多『菌』」~~~~~~

但係一諗到聽日見唔到……就開始唔開心……算啦……每個禮拜六都係咁o架啦我……同佢講，佢又係o個句好理所當然o既說話：「聽日不嬲都係唔見o架啦!!」我自己都知聽日唔見o架啦!!!!我只係唔想佢講得咁理所當然o者……………咁都唔得呀!?佢之前講o個句o野，已經刻骨銘心啦!!!!!!!!仲唔識做咩~!?

走o既時候……已經一路無奈……
講開頸巾……我都係比較鐘意長o的o架o者……衫褲都係啦……大o的、長o的、寬o的o既我都鐘意o架!!!睇到Pinky同Haze o個條……就覺得自己o個條就真係好短……而且新o個條……因為俾班o的人話短話短……攪到我都唔係好敢o係班度戴o個條頸巾……不過佢都已經織o左啦……算啦……咪出街先戴囉……
上到火車……就更加啦……一個唔開心……真係乜都夠啦……十個!?肯定之後見唔到我啦!!佢肯定無睇過我o個Info最後o個句啦……咁又係……佢都唔係成日Update我Info o既……都淨係見到我o個Nickname唔同先會去睇o架啦…………
算啦……我都覺得……自從佢讀o左毅進之後……成個人都唔同晒啦……可能係因為識o左佢宜家呢班同學o既關係……以前佢未讀，邊會咁o架!?
我就係要佢陪我我先溫o架嘛……佢之前都應承o左我話可以o架!!!做咩宜家先叫我唔好咁玩喎!!!!我聽完有幾想喊呀!?
沖完涼……就等佢同佢表姐傾完電話……我又等到訓著o左啦……我睇完「法證如山」佢都未打電話o來，咪打俾佢睇o下佢點囉……點知佢竟然係話「我傾完自然會打俾你o架啦!!」聽完之後已經唔想出聲啦……佢以前都未試過用呢o的咁o既語氣同我講o野!!!係咪心情唔好就可以講o的咁o既o野!?如果係o既話，等我心情唔好都咁講o下先!!!!!佢自己心情唔好都無諗過我o架啦!!!咁仲有咩資格去話我呀!? 鄭大班都係俾忽周咁話o架o乍：『話人之前應要做好自己先，否則呢頭話人自己又其身不正就好難服眾。』

P.S.今日斷斷續續俾Ariel攪掂o的暗瘡……返到屋……已經有o的爛面o既感覺……特別係自己沖涼時再清返o的佢整唔清o既暗瘡時……仲痛過俾佢整背脊o的暗瘡o既時候!!!><真係好痛!!!!!!
P.S.S.唔知今晚有無「賭神」做呢~!?不過我都已經訓o左啦……
終於都完o左o個11月喇……聽日就係12月~~~~~~又要交學費喇!!!!!!

>>December 2, 2002 at 2:14:22 PM GMT+8

2002 年 11 月 28 日 星期四 【晴】

呢個禮拜，燒餅都真係做完早市先返o來，日日都九點幾先返……遲到遲足一個禮拜!!!佢都幾好生意喎!!!
同歷蘇講我尋日o係佢o個Shared File Down o左o的Biohazard o既Movie，同佢講好正，佢都笑住咁話「梗係啦!!」
中史Miss已經幫我o地貼晒今年HKCEE o的題目……戊戌變法大機會囉~~~~我掂!!!哈哈~~~~不過都唔明點解洪德健唔想Miss講住……聖誕節前先講喎……係咪都要講o架啦!!!連Miss自己都驚會唔記得o左呀!!!
以為Miss唔俾o係班房食o野，點知見到Katy o係度食o野，佢都唔話，我o地先咁光明正大咁食o野囉!!!!!枉我仲因為佢o係句「同學~~~收埋o的o野食啦!!」而將o個兩個蛋撻放o左o係地下，仲因此而令到其中一個蛋撻爛o左!!!!無奈……
講開o的客家話，Miss講o左中電阿婆o個個廣告，我仲講晒出o來添……班人即8問o個個係咪我……
上堂時好眼訓，於是好自然咁訓著o左…..基本上我o地上親中史堂都一定有過半數人訓著……我竟唔係成日訓o個個，特別係宜家教梗清朝……不過訓唔夠半個鐘，已經俾坐o係隔離o既肥明拍o左三、四次檯而震醒……而且叫過佢唔好拍檯，但之後都仲要拍……醒o左之後超炆，佢仲可以好無o野咁同我講早晨、叫我醒o的囉!!!!仆佢個街!!!你自己訓梗時人o地拍檯你就嘈；人o地訓梗時你又係咁o係度拍檯……同LuLu一模一樣!!!!!

中文堂，Miss打沉o左我同青蛙想入IVE o既計劃……第二個Break o既時候問清楚佢，佢同我同阿Yen話真係點諗都諗唔到佢o既收生基準係咩……話抽籤都唔知係咪……又話唔係成績好o既就入到……咁我應該點做……!?
終於都寫o左幾句「一人三句」……不過都係因為好眼訓……最尾都仲係繼續訓……不過青蛙都係會拍檯之人……至少佢唔拍得比肥明多……又無咁大力……
今日都係由頭扒o係張檯度扒到放學……不過第二個Break o既時候又同阿羊傾計，佢對手搭o左o係我個膊頭度，就俾班男仔o係度玩……又無奈……玩到返班房都無玩完……仲改叫我做「M未到」……似咩??少少o者……
同Edison互串，阿Yen叫我唔好電佢，佢就話「係囉!!想打斜咁電到過三關咩!?電埋細婷……」我就話「邊度有三關呀??」「計埋你咪係囉!!」「ok la……我關我事囉……電都唔電你啦!!!嫌你個頭仲未電夠呀!?」班o的人聽完之後都o係度笑……又話係繼「照鏡啦你!!」之後第二句精警o既句子~~~~~~~
Edison一笑置之，而佢o地就話我串o左囉……咁係呀嘛~!對呢o的人駛乜留口呀~!?

就o來落Maths堂，無收中Lit o既都已經執好晒o的o野準備走，而洪德健就同我講「拜能」，之前已經話過佢唔好加個「能」字o係後面，就咁「Bye」唔得咩??有時仲要明知我唔鐘意聽，都仲要對住我講……不過睇o來呢句已經成為後面班人o既專用詞，仲要唔止解「Bye bye」，仲有o的叫人去死、叫人走o既意思……<睇佢o地講o既情況都好似係咁>之後已經好無奈啦……就好串咁回佢「拜能啦你!!」佢竟然好開心咁話「咁至係o架嘛!!」
中文Miss仲未到，阿Yen就問我o地一個禮拜/月用幾多錢……聽到佢真係成個禮拜出o既雜誌都會買晒<連Teens同Yes!都會買，不過就係無買一本便利>就好驚訝……我話我最近都係買多o左Game書，Edison就問我屋企有咩Game，我話「無o架喎!!我都係去o個Friend屋企玩……」佢就好出奇咁話「咁都會買o既……」我都淨係因為有Biohazard先買o者……之後佢就o係度自言自語：咩想買新o個部機，我問係咪Gamecube，佢話係，又話屋企部PS2買o左返o來都無玩過就掟埋o左一邊……聽到之後勁想叫佢借o來囉!!!!

行過OK，見到佢Display出o來o既o個個聖誕樹……都幾靚咁……好想要!!!!!我都話我有位擺o架囉!!!係無錢之嘛!!!有人會換俾我就好喇……
入到去，因為搭87D，所以o係出面落，睇住本Game書入面介紹o的較三級o既模型等過馬路o既時候，突然有人o係我右邊嗌「同學!!」我嚇o左一嚇，向右邊望，原來係中史Miss囉!!!佢問我係咪住呢頭，我話唔係，只係去o個Friend屋企。佢「哦~~」o左一聲之後，我又問佢係咪住呢頭，佢就話佢係住錦泰o個邊，之後講「Bye bye」走o左……嘩……o個時真係俾佢嚇死o架!!!!佢仲要Zoom到勁近咁……不過都真係好多人住呢頭……我班都已經有成五個人住大埔o個頭……
叫o左Ariel落o來食o野……真係好飽……不過我竟然會食o野……都唔知點解……但係我當時真係好急…………急死!!
之後又借o左漫畫，咪就係槙陽子本「愛在天空藍藍時」囉~~~但我比較想借佢o的VCD o來借多o的……CUBE呀~~~~~><

返到佢屋，睇o左今期Wink Up，Hasejun真係要去7-11啦!!!<我o地今日研究o架~~~>o個頭勁7!!!FIVE o個個Interview都唔差~~~~不過我想要返以前牧野o個頭!!!!!而且……都唔知石垣想點……人人都只係得一件衫……佢就可以去換多件衫出o來影……
再睇埋本漫畫，就訓……不過訓唔得耐……俾蚊咬o左兩啖之餘<仲要咬完之後成身都好似好「行」>，又有人打電話o來搵Ariel囉……聽到佢講「Stop wind」，不過就唔知係咪停風打o來……今次死忍唔發癲……之後都無訓到啦……玩o下咁囉~~~~~

終於「順手牽羊」到~~~~~~~~~~~~~~~~~~~~~~~~~~~~~~~~~~~~~~~~好順利!!!今朝因為猶豫，所以唔得，不過返屋o既時候得喇!!!!好成功!!!!
食完飯，就睇Game Watch!。睇睇o下就見到佢終於公報o左Biohazard 0 Poster o既得獎名單，我竟然中o左呀!!!!!!超爆開心!!!!!今日我左眼都眺o左兩次o架喇~~~~~~~又一次中o左我o既「左吉右凶」~~~~~~~~第一時間同阿媽我中o左獎，我阿媽又以為係錢o個o的……之後打電話同Ariel講……點知佢聽完之後係話「你打o來就o係為o左講呢o的o野o乍……?」「係呀!!」「你知唔知我訓梗o架……」聽完之後……輪到我無奈啦……結果到o左12.30a.m…….佢都仲未起身……

原本今日係去SPCA o個自助餐……不過因為Ariel話同o的唔識o既人一齊食，感覺唔多好……所以最後都係無去……仲要係由我今日打電話去同Mabel講囉!!!!!講完之後，佢叫我放學打俾佢同我傾o下計囉……無奈……但到最後都無打到……算啦!!

P.S.今日我同阿Yen都好”支力”……不過佢可以沉睡好多堂都唔會俾人嘈醒……但係我就……唉~~~~~~~

>>December 1, 2002 at 7:48:24 AM GMT+8

2002 年 11 月 27 日 星期三 【晴】

泓景臺 ~ Great View ~

Hold Me Up
Hold Me Tight
Helping Me Open The Night
Lift Me Up To Touch The Sky See Me Fly
*I Proud To Fly Apart
Show You The Nice Of Night
Till The End Of The Time
You Hold Me To The Sky*

*Repeat

呢首就係我同「超重個個」一齊完成o既歌!!不過我點都覺得Show You o個度好似唔係「Nice」of night......

>>June 2, 2003 at 3:49:37 AM GMT+8

2002 年 11 月 27 日 星期三 【晴】

繼續唔拎o個File返學，今次o個書包就真係輕o左好多......

中文Miss見到Ariel新織俾我o個條頸巾，佢都話織得好~~~~~不過班友仔就話短o左o的……咁又唔係好覺喎……佢話隻色都幾好~~~攪到佢想用呢隻冷o來織冷衫!!!問係咪我織，我話唔係，佢就話咁咪唔知係用幾多號針……就我無記錯就應該係10號針啦~~~
Test中Lit，唔知點解，溫文學史o個陣硬係覺得佢會出「建安文學」興盛o既原因，情形就好似上年Final o個時，都強烈咁Feel到佢會出戊戌變法時一樣……於是就睇多幾眼，結果就真係出o左!!!不過都因為係今日先溫……o的o野唔係記得好清楚……將道家思想，變o左做黃老思想!!!我都知唔係黃老思想……不過就係唔記得……而且，我記唔晒o的Points，唯有將所有o野都炒埋一碟……都應該有o的分o既……
測完仲有好多時間，Miss就我o地抖o下，傾傾o下，就傾到時裝之類……當佢o地聽到Ceci o既衫o既時候……都大讚佢富有!!!而且Miss仲教o左我o地ANNA SUI o既正確讀法……真係好難記……我首先話Shiseido o既M巾又平又好用~~~~Miss同LuLu都同意!!!不過就無奈o左Edison……之後都有教o左陣書~~~Haze都係Break之前o個幾o個字先返o來，佢條頸巾勁靚啦~~~~~~全低針、又粗又長、隻色都好靚!!!又好暖，佢自己織o架o乍!!!都只係用o左3舊冷……又話好快織完……我話俾錢佢叫佢幫我織條，佢又真係肯o架喎……真係好鬼現實……不過我無錢喎……而且都有兩條頸巾啦~~~~雖然佢o個隻都真係好靚……
食左o個幸福傷風素，好o左好多啦~~~~~^^

之後o既5堂英文堂……就係用o來做一個Listening……不過我o地後面都係o係度玩……而Haze o係度勾件冷衫俾隻小紅狐，佢勾得勁快囉!!!!好快就勾好o左，開心死Suki~~~~之後我o地就玩Suki隻小紅狐……俾Edison、肥明同洪德健拎o來當棒球咁打……笑死我o地……又將佢放o左o係o個中央冷氣度……Miss勁耐都無發現!!!!不過我o地都玩o左好耐……又笑o左好耐……都無做過o個Listening……
洪德健就話我件衫好似Econ阿Sir o個件，不過……好明顯就係唔同款&唔同色啦!!!
青蛙錄o左隻「Great View」落mp3度，佢今日帶o左返o來，我就同佢講話我抄起o左o的歌詞，就係佢睇，佢就同我講佢錄o左，仲係我聽囉~~~~勁開心~~~聽完之後問Alex有無聽過，搵佢幫手填埋o的唔識o既都好啦~~~點知佢係咪聽過o架囉!!!佢聽到之後就話好聽~~~仲邊聽邊唄!!!佢都好快上手o者~~我同青蛙聽到之後都忍唔住笑~~~~~而且佢都幫我填好晒~~~~但係有一個我都仲係覺得有o的怪怪地……連洪德健都爭住聽~~~~Edison佢以為o的歌詞係我自己寫，就拎o左我本o野o來睇……佢仲同我講佢有作曲同作詞囉……真係估唔到……問佢係咪關於失戀o既，佢就話「無得又點會有失」，不過都聽o左佢講好多……但係我多數都聽唔到佢講咩……淨係知佢覺得作曲易過作詞、同o的歌詞係問頭諗到幾句咪一路咁填埋落去囉……叫佢拎返o來聽o下……我又聽唔到佢答咩……淨係知話咩o係屋企，點拎返o來……
我同洪德健同LuLu都話OK o個個聖誕樹投影機好靚，我o地都話想去換。佢o地o既問題係無位擺，但我o個問題係無錢買囉.......夾夾埋埋都要成二百幾蚊囉......而且到12月11先換o既話，又驚會無晒喎......唉~~~~~
就放學o既時候，青蛙又繼續打算一齊青排球，基本上o個地點都講好去旺角打，不過都係爭o的人o者~~~~~問洪德健佢o地打唔打，因為唔夠10個人唔抵<肥明話>佢就話打籃球，問燒餅佢就話去踢波……結果我o地諗o左好多o野：排球、籃球、手球、踩單車、壁球、溜冰……不過之後都係無決定好……反面係諗o左好多Cross-over o既o野出o來，我o地都講得好開心~~~~估唔到……有好多人唔識踩單車……而洪德健就唔識溜冰……唉~~~~

放學我o地成班等升降機，見8樓好似無人搭，我o地都諗住一定係我o地霸晒成架!!!真係，於是我o地一窩蜂咁湧入去，好似係我o地後面個班。點知Alex都入埋o來，架o野就「Bee——」佢就俾我o地趕o左出升降機，之後我o地o係部升降機度爆笑!!!!!落到去，等Alex落o來，我o地就o係度笑佢，佢一啊行落樓梯，兩隻手都豎起中指，不過我o地都仲o係度笑!!!叫o係度叫佢「超重o個個」!!!笑死~~~~不過佢就話應該係肥明出，我o地就話係佢最遲入，咁就梗係佢出o架啦!!!!其實……係肥明不斷o係部升降度跳……先趕o左Alex出去!!!
之後，揀o左同阿Yen佢o地行前去食o野o既時候，見到Alex、青蛙、歷蘇同Suki o係度等過馬路，我就o係後面大聲咁嗌「超重o個個」!!!Alex又應o架喎……
行o左陣，無聊擰轉頭睇o下……見到LuLu同燒餅行梗過o來，於是我就跑返轉頭，而LuLu都向住我跑o來，我一手打o左落佢o個頭度!!!好彩佢都擋到~~~~~~不過燒餅已經去得不知所蹤……之後我o地四個就一齊行……
LuLu要去Park Lane o個度等Juno~~~佢又o係度發癲……狂用兩個字o既詞語o來鬧我……不過之後又用o左三個字o既o來鬧我……我都無理佢…...等佢走o左之後，先同阿Yen講o野……都就o來一個禮拜啦……都仲未好返……o岩o岩o野都無講啦……
去o左Pizza Hut食o野，食o左$95!!!無得儲收據喇!!!!我都嘈o左好耐……做咩要俾9折咭喎!?爭$5之嘛!!!!不過之後去到Toilet，先見到o個個人係張收據上面寫o左「$100」!!咁係咪即係可以當$100呀~!?我仲o係度話要返去問o個個叫阿Kim o既人係咪咁解~~~不過當然都係無咁做到啦!!另外o個張就由o個女同學帶俾我，因為佢都已經有3張~~~~而且今年張Pizza Card都幾靚~~~睇清楚……原來要12月2號先有得換……
我都發覺我同阿Yen係好傾過同LuLu……不過佢o地o的性格都唔同……最估唔到係LuLu會蒲D，而阿Yen唔會囉!!!睇o個樣，似係兩個都會去蒲!!!
一路食，都講梗阿Yen同LuLu之間o的o野……希望佢o地快o的無o野啦~~~Ariel打電話o來，問我做梗乜，我話同梗阿Yen佢o地食梗o野。收o左線之後，阿Yen就即刻問我係邊個，佢識唔識，我話你唔識佢，我過佢知你住我對面囉!!!
另外……原來呢班o的人都係好假……表面上o個個都撐LuLu，原來佢o地都係咁……唉~~~~仲要好笑到，阿Yen講親o的o野，我都好似好清楚咁……幫佢表達到……又好似全部都經歷過咁……
一路行返去學校，竟然見到以前o係我屋樓下做看更o既女人，佢宜家走o左去做推銷員囉!!!仲叫我得閒叫o的Friend上去做o下Facial囉……又問我拎手機……我先唔會俾佢啦!!!!咪呃佢話我跌o左張咭囉~~~~~不過佢都真係瘦o左好多……而阿Yen佢o地就一路行先……

送o左Ankie<係咪佢呢~!?唔係好記得清楚lu~~~~當時都唔係咁知佢>去上Commerce之後，就同阿Yen一齊去聯合~~~~一行一路傾……原來咁樣行去聯合都好快~~~~而且佢仲帶o左我去「水世界」度睇o個o的炸雪糕……不過我見唔到，反面見到隔離班o個兩個男仔，佢o地都好出奇咁望住我o地……其中一個……咪就係做Model o個個囉……咁都可以見到佢……唉~~~
去聯合o既時候，突然俾阿Yen問我info寫o既係邊個……咪話係男朋友囉……當然，有係佢狂問囉……基本上o的o野都係照實咁答，係將女轉做男o者……而且點識!?咪就話係做義工識囉……佢開頭以為係Friend搭Friend o個o的，我話唔係，係見到就識o個o的，佢就話唔通當街見到個，「Hi!」o左聲就一呀??無奈……
去到聯合，一齊上o左3樓睇o的冷，有隻款幾靚~~~~而且我o地都見到阿魚織o個隻色~~~~而且又見到一條係綠色，都好靚~~~~4針高4針低……對我o來講都應該好易掌握……不過一舊冷都要$38，仲要至少買3舊先夠……好彩阿Yen話如果我真係織o既話會幫我手~~~~~佢就不斷咁叫我織俾男朋友……又問我會唔會買聖誕禮物俾佢……
之後就去o左2樓，要麻煩佢陪我買衫，真係唔好意思啦~~~~~~~~~不過終於都買o左兩件似樣o既~~~~$100之嘛~~~都唔係好貴……而且又見到一件公雞o既冷衫，$88o乍!!!!阿Yen見到就話「你鐘意o既公雞喎!!!買啦~~~」<基本上，班o的人都知道我鐘公雞……因為o個袋同件風褸o既關係……>我都覺得唔差~~~~下次先買!!!又同佢一齊去睇水晶……好貴呀!!!!!佢手戴梗o個條原價都要四百幾蚊!!!!今日無去到Joey度拎書，只係入o左去，同佢講上次佢執錯書俾我o既事……不過原來佢o地Get錯我Meaning……以為我要換返本o岩o既……仲問我本書o係邊……

行完，都成4點幾，行過花園街，好多地方都有冷賣……不過最唔明點解賣冷要用gram o來計……30蚊200g，45蚊350g……都唔知佢點計……真係去度呀~!?而阿Yen就帶o左我上尋日佢去o左o既「好易織」睇冷，勁多人啦~~~~~不過o的冷都好靚、又多款式~~~~之後就一齊搭火車返屋，不過我之前做o左樣好低能o既o野：就係出閘入閘!!!同佢講我今朝只係買小童火車飛返學，佢都話我好勇，佢下次都要試o下……之後就o係廣場o個邊o個度入閘，點知出唔到閘!!!!而阿Yen就一早話等我出o左閘先……然後好無奈咁試o下去另一個出口出，點知又得喎!!!!諗住用同一個閘入，點知又唔得，呢個時候阿Yen已經入o左閘，我無奈咁同佢講話唔得，要去返之前個入口入……咁樣跑o左一次……都已經好辛……o個心口o個度好痛!!!!今朝行快o的都好痛!!!入o左閘，搭倒頭車，就開始傾佢同佢男朋友以及我同我「男朋友」o的o野……途中，我o地發現有道門開唔到，o的人仲走埋去等道門開……到大學站o既時候都仲係唔開……而且，o係紅磡時，有o個女人落車，點知佢突然o係度敲道門囉!!!!佢望住坐o係隔離o個男仔，o個男仔望住佢、我o地望住o個女人、o個男仔望住我o地、o個女人望住我o地……互相對望o左一陣，道門都開o左，我o地就即刻爆笑!!!o個女人以為對門壞o左唔開囉!!!不過架車都係o岩o岩先到站之嘛……又點知咁快開呀??我o地仲諗梗究竟係o個女人敲門定係o個男仔敲道門囉……

好多謝阿Yen今日陪我啦~~~~~原來有人陪o下同有o的o野做o下……真係唔會唔開心……今日Ariel去開會，我都無打過電話問佢o係邊……我都係等佢自己打電話o來……返到屋，都5點幾過o的，早o個妹一個字返o來，佢就好唔妥我霸o左部機~~~~~~

Send o左首「Great View」俾洪德健同Alex，不過洪德健條仆街係都要講粗口!!!!頂佢o個肺呀!!!!而且又o係歷蘇o個Shared File度Down o左5個Biohazard o既File返o來，超恐怖!!!不過我都睇到Gamecube o既Biohazard 1同Biohazard 0同4o既廣告&CG!!!!Biohazard 1o的畫勁靚啦~~~~不過好似恐怖o左……Chris俾人批走o左o個頭囉!!!!而Rebecca就係o野穿心死……我都睇到心跳加速!!!我都只係見到一個Jill……
食飯時，都係講得最多o野o既一次：講o個工人好懶囉……又同阿媽講見到o個看更，即刻係佢問同班o的人好熟咩……又問同幾多個傾得埋……又問係男仔定女仔……好煩!!!都唔想答佢……
又唔知聽日會點……我都無得揀o架啦~~~~成日話星期五會留返俾我……不過如果Apple o來o左或者去o左Apple度，都唔算o架啦……咪算囉……佢都唔覺有問題o架啦……一句話「咁Apple都可能想見多o的我o地啦~」……我已經無得駁佢啦……無奈…………

>>June 2, 2003 at 3:49:24 AM GMT+8

2002 年 11 月 26 日 星期二 【晴】

無拎o個File返學，但個書包都唔係輕o左好多……咁其實係因為乜咩到令到o個書包咁重o架呢……??
拎o左3份「都市日報」，因為入面又有天空之城啦~~~~其中一份就係俾佢o地睇o既，另外兩份諗o左好耐擺o係邊，Yammi就叫我索性擺o係檯度……o個闊度又o岩o岩好喎!!!幾好~~

青蛙帶o左本「Hobby Japan」返o來，佢o地都淨係睇高達，而且入面都有講o的模型，勁靚啦~~~~我都好鐘~~~~又有o的三級o既新世紀福音戰士o既模型，班友仔又狂睇o個頁，但俾我見到一個千影o既模型!!!!好靚o架!!!!!連中文Miss都o岩......不過佢係鐘意渣古......
連青蛙都好憎o的人整皺佢o的雜誌!!!我同佢就不斷咁講o的人會點睇書.......
同青蛙講Down o左o個1分18秒o既Great View，佢勁開心啦~~~~不過原來佢都有試過俾人呃……就係用Win MX時歌名與歌不相符……
無無聊聊就唄Great View，青蛙聽到就好驚訝咁同歷蘇講話我好似佢咁o係度唄歌……咩呀……我都淨係唄呢隻之嘛!!

Maths堂，o個個都開始肚餓……洪德健就o係度唄歌，我望一望佢，佢就o係度勁串咁話「望咩呀望??唔唄得歌o架?」<呢個佢之前都係串過我，我一句回贈佢：唔想人望咪lup o個紙袋囉!!佢就話我好串囉……?>不過今次我無理佢，繼續上堂。突然諗起o岩o岩肥明問我有無糖食，我就醒起自己今日帶o左包熊仔餅返o來，於是就拎出o來。再望一望洪德健，佢又好唔妥咁望住我「咩呀?」，我拎o左包熊仔餅上o來，佢開頭仲好似唔知咩事，不過肥明見到，話要食。我問佢：你唔食呀??佢即刻低晒頭，唔敢望住我囉!!!我就o係度串佢，死o係熊仔餅手上，佢都無聲出，仲即刻好謙虛咁話「唔該Emily」，算啦~~都係玩o下之嘛，咪請佢o地食囉~~~仲有一粒，都請埋俾佢食，佢又好謙虛咁話「多謝Emily」……第一次見o的人咁現實o架o乍!!!不過睇住佢o的反應o既變化就真係好好笑~~~~我都笑o左好耐!!!

Pinky發現o左條新o既頸巾，叫我俾佢睇。佢又同細婷一齊研究，問我係咪同一個人織，我話係，之後LuLu又一齊傾，佢都識用手織頸巾!!!!我o地都話真係織得好快~~~~
唔知做乜事洪德健突然o係度玩雙眼皮變單眼皮......不過佢又得喎......而Alex就o係度玩面頰!!!!拉面頰從而發出聲音......玩完一邊之後就玩晒兩邊，連洪德健都一齊玩埋!!!

今日Miss又o係度吹水，咁o岩佢話逢星期五都會好辛苦，因為上足四班，而且講埋o的o野又差唔多，自己就好似一部錄音機咁不斷重播，之後就有人問o係邊按制，又問條電線應該插o係邊，Miss就用隻手擺o左個V字咁o既放o左o係鼻前面，我o地都已經笑喇，我講o個句：唔係唔可以用兩腳插蘇o架咩??應該用三腳插蘇o架嘛!!<總之就係類似o既說話啦~>全班聽完之後都o係度大笑，連Miss都係!!!LuLu就話我串Miss囉……又話Miss俾Emily窒……我咪話：咁係呀嘛……機電工程處係咁講o架嘛……而Miss就話無話個度係插蘇……肥明就問o係邊度漏電……洪德健就話係嘔電……無聊!!不過都真係好好笑~~~
Miss又話以前有o個男同學，好高大，仲大隻過洪德健，成日坐o係佢隔離，又食廁紙!!仲拎住張廁紙發晒姣咁……仲得閒時唄o下「帝女花」，又會攬住o個書包o既上堂，我o地都發現見青蛙好似!!!於是同Miss講，不過青蛙唄o既係「迎春花」……而且……LuLu佢o地就發現青蛙好似李廣田……無奈死青蛙!!!
Miss都同我o地講：原來肥媽宜家鐘意洪德健多o的!!!我o地叫洪德健好趁宜家去界佢!!!!肥媽鐘意佢o既原因係因為當肥媽話佢時，佢會即刻執返好自己；但當話Edison o既時候，佢就只會嘴「妙妙」咁……唔咁鐘意佢喎~~~
而且，今日肥媽都返o左o來~~~~~~~又唔敲門就衝入o來!!!

同肥明佢o地講尋日包「百得阿姨」通粉入面有昆蟲，佢o地第一個反應係：好貴o架喎!!!係咩??我買個時特價喎……
放學o既時候，成班人都去o左等升降機，不過又俾8樓o的人用晒兩部……唯有去行樓梯啦~~~阿Yen同Katy話我好壯，唔駛著褸……我話「都唔凍……」佢o地又話我入面都應該無著衫……我話「係呀……得Bra Top之嘛……」阿Yen話「你都好勁o者，著Bra Top~」我話「我不嬲都唔戴Bra o架啦!!戴Bra好辛苦o架嘛!!睇住o的Friendo個個都話辛苦o既……」阿Yen就話「你仲講咁大聲!?」我心諗「有咩問題o者~!?」
同班主任&中文Miss一齊搭81C，佢o地都一齊o係車公廟o個站落......究竟佢o地住邊o架......??中文Miss就話佢住o係瀝源......但又會o係呢度落o既......??之前o個次見到佢又係o係呢個站落......
聽日Ariel佢又要去開會囉……又無得見啦……究竟要開到幾時o架!?唔好同我講下個禮拜四都要開呀o下~!?
而且星期五Apple放早……不過Ariel就無講埋落去……話聽日先諗喎……

食o左Ariel煮o既麵，好好味~~~~好似好耐都無食過咁......仲要係原味o既出前一丁喎!!!!!!
今日森美佢o地講環保o既o野，之後竟然播「DIRRTY」囉!!!話係應景喎……森美仲要o係度唄囉……不過我聽o左咁多次都聽唔清Christina唄乜……原來成日企o係微波爐前煮o野都可以煮熟o左條尾龍骨囉!!!!超驚!!!又話電腦同電視會發放出一o的有毒物質，又可以致命喎!!!高危點咪就係網吧同電視陳列室之嘛~~~~連影印都係!!!o個肝會脹大o架!!!Leo開頭問佢o地，影印機會噴咩呀??小儀就答「噴墨!!」激死森美同Leo……

o係屋不斷咁聽「Great View」，又做返以前Mrs. Raj成日俾我o地o個o的：抄歌詞!!!我就係咁聽，將o的歌詞寫返出o來，都聽到好多……只係爭幾個字o者~~~~而且都Send埋o個1分18秒版俾青蛙同歷蘇~~~~
今晚都係12.30a.m.先訓……又俾阿媽嘈……

>>June 2, 2003 at 3:45:02 AM GMT+8

2002 年 11 月 25 日 星期一 【晴】

尋日插針o個度瘀o左囉……比尋晚沖涼時見到o既大o左少少……隻手已經可以伸直啦~~~
今日一早又去o左Park’n Super Store Shopping，無啦~~~因為今日Ariel話自己煮o野食喎~~~~難得佢肯落廚，我又有口福喇~~~~~哈哈~~~^^早o左半個鐘落街，因為o個度大得滯，都唔知佢o的o野擺o係邊……有乜理由o的芝士粉會係擺o係紅酒o個度o架!?唔係應該擺o係Seasoning o個度o架咩??搵o左咁耐原來係無貨o架囉!!!結果……只係買o左直通粉同o個湯，其他o既……都係去太子o個間買啦……去俾錢，點知排前兩個o既外國女人，買$44o野，就碌咭囉!!!!!!!豪都唔係咁呀嘛!?後面仲有好多人排梗隊o架!!!最後都係05分先落到地鐵月台……
就o來遲到，點知一出閘就見到青蛙同洪德健o係東海堂出面，咪過去Meet佢o地囉~原來Suki同Alex去o左買飽食，於是一齊返學。Alex仲問我o地有無遲到，我睇一睇錶，已經打o左鐘啦!!!洪德健就第一個飛奔上去，問佢做咩，佢話兩日無遲到，唔可以衰囉……唔會啦……有成班人，肥媽唔會記Record o架……

份「都市日報」有一頁係天空之城o既廣告囉!!同我想要o既地鐵廣告Poster一樣囉!!不過傳晒俾咁多人睇……已經皺o左少少啦……聽日應該都仲有o架呵~!?
帶o左Ariel織o既o個條頸巾返學，Pinky同細婷都話好靚~~~~不過係有o的冷收唔到，突o左出o來……不過條頸巾開始有o的污糟，唯有叫Ariel幫我洗啦~~~我又唔知可以點洗喎……
唔知做咩，同班人講Ariel以前束胸返學o的o野<當然無講名啦!!>，佢o地勁好奇啦!!!不過當佢o地知道佢好材好o既時候就狂問我佢靚唔靚、叫咩名、又問我拎電話，我就o係度扮晒唔記得，淨係話佢宜家讀梗毅進，洪德健同燒餅一個就話識人o係佢o個間Centre、一個就話好近……不過我都係話乜都唔記得~~~連icq都Delete埋……班死咸濕仔呀!!!之後同Ariel講……佢都唔知好笑定好嬲囉……
今日……唔知做咩……成班人係咁叫「艾美麗」……有咩事都「艾美麗」……之後仲衰到開始改晒：叫「愛美麗」……仲有……「愛美神」同Edison加落去o既「飛彈」……青蛙仲要做埋「愛美神飛彈」o既動作出o來……已經無奈啦……明知我最唔鐘意o的人叫「愛美麗」o既，都係咁叫……頂!!!

放學搭地鐵，見到洪德健同肥明，另外後面又有LuLu同Sabrina，五個咪一齊去搭地鐵囉~~一路去搭地鐵時，我o地已經好嘈啦……因為洪德健又o係度嗌我「愛美麗」，就一拳打o左落佢o個肚度!!!好彩佢自己都擋到o的o者~而LuLu就一直叫我唔好忍佢，又一路話自己o係開學時已經好憎佢，係咁講晒o的三字詞o來鬧佢—咩二世祖、白痴仔……又一拳打佢背脊，勁大聲!!變態o架!!!落到地鐵，見到燒餅同佢條女，燒餅又用埋o的咸咸濕濕o既眼神望住我o地……洪德健第一個話係望住我……又話佢出去搵第二個女人，應該要打佢……仲遠距離同燒餅唔知講o的咩……之後就一把打o左落佢左邊面度……雖然唔係好大力，不過都應該幾痛……好耐都無打過男仔啦~~~~佢都好驚訝咁望住我……不過佢都無o野~~LuLu就o係度打佢o個胸……又係好大聲……o係地鐵度，最大聲o既莫過於LuLu把聲……連隔離o個女人都成日望住我o地……洪德健又話自己唔打交……所以我o地打佢係唔會還手……又話自己返屋溫書，即刻俾肥明踢爆返到屋都唔會溫書，訓覺就會~~而且LuLu同洪德健都發現o左肥明隻手好滑，仲不斷咁摸~~~之後用我、LuLu同洪德健就轉車，等車o既時候，LuLu又一把打落洪德健塊面度，又係左邊面!!我即刻同LuLu講：應該打右邊呀嘛!!我o岩o岩先打完左邊……佢就話：呀!!係喎……我o係太子落，同佢o地講Bye，洪德健係都要加個「能」字o係Bye後面……好不屑咁望住佢……
講開，我o地都無理過Sabrina……對唔住呀~~~><~~~

o係太子o個間百佳買埋o個芝士粉同芝士腸，就返佢屋。入到去，都差唔多12.30p.m.，佢阿爺又o係屋，不過我去到，佢都要出門口。等佢走o左之後，放好o的o野，諗住開電腦睇住攻略玩Biohazard 3，點知……又Hang機……唯有再由最後Save o個度玩o下啦~~去o左上次翻玩時無去到o既地方，拎返好多o野……都係靠記憶玩，不過無聊揀同搓住Helicopter o既Nicola對戰……結果中o左好多次飛彈……而佢亦都逃之夭夭……無奈……去到推電池o個度，已經行得好鬼慢，隻o野都出o左o來，掛住推電池，都無打到隻o野，推到第二舊，隻o野跳o左過o來，俾佢逼o左去死角……就死o左喇……
之後就幫手煮熟o的粉先……不過入面竟然有成6、7隻活生生o既昆蟲o係度行梗!!!仲要我已經倒o左o的落沸水度……好彩o的水已經煲好，o的o野都死晒，浮上水面，就咁用碗整上o來就得……唯有倒晒落去灼死佢o地啦……不過真係好驚……之後睇返，原來o個袋後面有條細裂痕!!!之前揀o個包就因為見到一條好大條o既裂痕而再揀過第二包，點知呢包都有……有無攪錯!?

等Ariel返o來整埋o個湯，勁好味啦~~~~~又拎o左o的返屋~~~
原來今年都有頸巾收呀~~~~今次係藍色同白色o既~~~粗冷，好靚呀~~~~~~多謝!!!^3^而且Ariel仲教o左我用手織頸巾……都好似好易咁……
食飽就去o左玩Biohazard 2，o的畫面勁靚啦~~~~不過好慢......結果俾衰屍o的嘔吐物整死......另外同時Ariel都教o左我用手織頸巾，都好似好易咁~~~~~之後聽o左陣森美小儀。就訓著o左……訓到o個頭都濕晒囉……而且又係好急咁叫醒我……我又炆啦……

終於搵到Great View o既mp3，仲要係1分18秒兼無o左o個把男人聲o既喇~~~~超開心~~~不過都係不斷Repeat返「I proud to fly apart……you hold me to the sky」……唔緊要啦~~~~好聽就得!!另外又Down o左幾首Michael Jackson o既歌，但就無佢最新o個首歌……

夜晚就食返Ariel整o既o野，不過因為阿媽去o左探阿婆，遲o左好多返，只係o係樓下新開o既廳餐買o左魚香茄子……食o左好少魚香茄子啦……不過又幾好味~~~$16之嘛!!!差唔多8點幾先有得食……
唔知阿媽做乜，係咁叫我去訓……
訓之前，都同Ariel傾o左陣電話，佢訓醒晒啦~~~~訓o左咁耐……不過講到日記……又無奈啦……雖然日日都係做住差唔多一樣o既o野，但係我同你一齊係開心o既咪得囉!!!

最後，Ohno：生日快樂~~~~22歲了吧~!?

>>November 27, 2002 at 4:27:07 PM GMT+8

2002 年 11 月 24 日 星期日 【晴】

一落街……真係有o的凍……都仲係得件恤衫著……o係火車睇，先知原來得14度!!!有咩可能呀???
o係7-11見到新一期「新假期」，佢又講北海道囉……<只限佢送o個本Guide Book o乍!!!無奈……>唔通到我用$10去買本o野咩??我都只係為o左本Guide Book之嘛……都有諗過偷o既……遲o的先算啦~~~
換o左今期o既Qoo，拎住4枝Qoo返學，仲要咁都可以早o左成o個字返到去……阿Yen問我Qoo係咪做梗特價囉……我話用半價<$4>賣俾佢，佢又真係肯喎!!!不過輪到我唔肯~~~飲o左枝桃味Qoo，都唔差~~~最衰係青蛙一路話枝o野似洗腳水!!!!!

Econ堂好開心，四堂，我、肥明、洪德健、Alex、青蛙、Suki、Pinky同隔離班o既森美就笑足咁多堂~~~~~
起初都無乜o野，成班人都聽書，不過之後就開始無聊……我借o左青蛙部未o係電視賣過廣告o既新Nokia電話o來玩Game，有波子機玩o架!!玩得勁開!!後面班人又訓晒……Alex仲訓到有鼻鼾!!於是我同青蛙就借o左Suki部GD電話o來錄佢音—由我打去Suki部電話度再放埋去Alex度，結果聽返只係得阿Sir把聲……然後佢o地都醒晒。同返Alex講，佢又死都話自己無訓，只係鼻塞……你信唔信!?青蛙又成日扮返o的鼻鼾聲出o來，好似o架!!!Suki放o左部快譯通o係檯面，青蛙先記起呢部o野有錄音功能，於是就叫Alex都整過o的鼻鼾聲出o來，佢當然唔肯啦!!!於是就由青蛙負責錄，我第一個拎返o來播，雖然唔係好大聲，不過前面都應該聽到，我o地一聲到，都o係度爆笑!!!我仲要重播多一次，今次都係笑死o左~~~~~~~
笑完之後就當然要用快譯通o來學日文啦~~~~

唔知做咩……佢o地話去吉野家食Lunch，不過Alex話佢扭親腳，唔行得遠。Suki問係邊個同點解會整到，原來係佢同森美玩Free Fighting時俾佢整親!!森美仲要話自己o個子宮塊皮都反o左出o來!!!仲流o左o的血o係Alex隻腳度!!我o地聽到之後就狂問佢：你有子宮o架咩??係咪M Come呀你??佢開頭都好似唔知我o地問乜，不過講講o下，佢都終於知道。原來係腳指公損o左……咁都好o的……我o地仲教佢：子宮係無皮o架!!得子宮膜o架o乍!!!
然後……就開始講埋o的咸濕o野……而且又笑森美有M到~~~~不過佢係無兩個圓形o既女人o來o者~~~~

青蛙搵到泓景臺o個首廣告歌喇~~~~~叫「Great View」……係咪專登為o左o個
廣告而作o架……??返屋之後就即刻用Win MX搵<因為青蛙都係用Win MX打「泓景臺」三個字落去>，不過多數o既都係廣告版本……無所謂啦~~~~好聽!!!又Down o左o的天空之城o既歌~~~
係咁諗住訓，不過都係訓唔著……因為尋晚的確係早o左好多訓……

中文堂……班男仔又o係度同Miss投訴Tim哥辦私人o野時整得唔乾淨，又再次有屎o係o個廁所度，仲要話好似係好大舊……之後……Miss就講「從屎看能否Keep Fit」……開頭佢好文雅咁講「大便」，洪德健話仲核突，叫佢講返「屎」仲好，Miss講o左，班女仔又話唔襯Miss講，叫講「K」，今次Miss講唔到，最後都係用「o個o的o野」o來代替「屎」~
Haze仲要一聽到Miss講屎o既時候即刻打電話俾o個Friend同佢講囉!!!Miss講咩，佢真係一字不漏咁講!!!
而且又講到肥明因為肥媽打去佢屋而俾佢阿媽鬧……講o來講去，原來都係因為佢阿媽扣佢零用錢囉……一早講呢個Point出o來咪得囉!!!!今日難得o既係：肥媽無返!!!世界和平~~~~~

放學去o左旺角新開o既捐血站捐血，終於都捐到喇~~~~而且o個個Center o的人都知道我係上次捐唔到，所以今次再o來試o下……原來係真係應該等1個月先再去捐……我仲o係度乍唔知……好彩今次夠，o的姐姐企晒o係旁邊睇，仲話多到有突……o個度仲先進到係用o個次佢用o來片我o的血o既膠片，再放o係部機o來測o架囉~~~~讀數都出埋o來。今次捐得好快，10分鐘都唔駛~~~~捐o左4枝半益力多捐完之後，仲有o個姐姐走埋o來同我講：終於如願以償啦~~~終於捐到血……攪到我都唔知點應佢好……再者，我有紅十字會o既貼紙呀~~~~~都換埋o個章喇~~~~~~
o係o個個Center隔離就係o個間「慌心醫院」……應該都好恐怖o下……
之後去o左信和幫阿媽格Twins隻Con VCD價，度度都係賣$87，真係唔知道點解佢係都唔可以買多過$80……順便買埋本Non-no俾Ariel，另外又有本Animate雜誌o既卷末特集係Sister Princess囉……無奈……之前o個一期我都無買到呀……地庫o既V-Max隔離開o左間新o既精品店!!!專賣日本Animate o既精品，好靚~~~有Chobits、Sister Princess、風之谷、天空之城、我的愛神等等而且佢o個度仲有好多款唔同o既飛行石!!!有一粒係透明綠色o架!!!Ariel都應該會好鐘……o個度都有新o既「電擊G’s Magazine」賣，不過要$68……又有Sister Princess o既Trading Card同扣針賣……o係o個度好多o野都想買~~~~~><

去到Ariel屋……停風又打電話o來啦……又係叫我冷靜……終於連埋尋日無喊出o來o既眼淚一次過喊晒出o來……不過佢都好似無乜反應咁……

可能因為捐完之後追o左3次車<真係唔多覺係劇烈運動喎!!>，返屋o既時候o係火車頭暈、想嘔同面青口唇白……好辛苦……好辛苦咁捱o左5分鐘，o係大埔墟落車，搵人求救……一落車諗住行前搵站長，點知行o左幾步路，睇o既o野已經變晒做黑白色……而且仲好矇……猶豫o左一陣，都係坐陣睇o下點先……小睡o左1分鐘都唔夠，感覺好返o的，於是就繼續搭返車返屋……
返到屋就俾人話……唉~~~~~~~~

P.S.聽日係Ohno生日……都無乜點……

>>November 27, 2002 at 12:08:03 PM GMT+8

2002 年 11 月 23 日 星期六 【晴】

睇完佢o既日記同佢家姐o既日記……
我都覺得自己幾勁，可以令到佢家姐用大篇幅o來鬧我……仲激過佢奶奶同阿Mil……最無奈o既……都係以下三樣囉……其他o既……佢鐘意點諗就點諗啦……免得沒完沒了……

「家家有本難諗的經」，你根本唔會清楚詳細知道人o地屋企發生o的咩事……你唔關心、唔想知咪算囉……駛唔駛咁講o野呀???雖然我屋企無你講得咁嚴重，不過以前同宜家比，o個重大轉變我真係接受唔到囉……你唔係o係呢個屋企長大，你感受唔到咪算囉……
而且……我都已經講明係表達方法唔同囉!!!你有無睇清楚o架???我覺得我o的Friend講得好係咪都唔得呀??你o的Friend唔會咁樣安慰你咪算囉……駛唔駛我下次將佢o地點安慰我Copy & Paste同錄音俾你聽o下呀??
從中仲學到原來拍拖係無聊o架囉……第一次俾人咁鬧……以為會咁樣鬧o既只有阿爸阿媽……原來其他人都可以咁鬧……無拖友咪算囉，又駛唔駛咁鬧呀??之後第一樣o野諗到o既就係：分手……

佢今日都已經提議過啦……可能我o地分o左真係會好o的……你家姐又開心、你又可以開心返……其他人又唔駛因為我o地一o左而要「就」我呢個又煩又固執o既人……而且我o地o岩o岩一o既時候……都曾經煩過一段時間啦……或者我唔咁鐘意佢......咁就唔會管得佢咁犀利......唔知呀......

P.S.我無就過你??你唔信又好、唔接受、唔領情都好：唔係佢叫我就你!!!係我自己話就你o架……你自己唔知咪算囉……我都唔駛你知呀……你知o左咁又點??
P.P.S.唔知你仲記唔記得：爭你o的錢我死之前都會還清晒俾你。另外，我真係無試過o係佢同你傾梗電話o既時候出過聲喎!!!唔好意思!!

>>November 24, 2002 at 12:16:25 PM GMT+8

2002 年 11 月 23 日 星期六 【晴】

一早……就同佢嘈……原因??又係我自己問題o者……尋晚佢同我講：唔會去食早餐、唔駛早起……點知佢今朝10點幾就打o來同佢講佢搭梗車……原來係約o左Apple食早餐……問佢幾時約，因為尋晚都好夜問佢……佢竟然話係今朝……都已經算啦……而且……佢仲要同我講停風約o左佢去買o野囉!!!呢個先係我最無奈o既事……問佢幾時約，又係今朝囉……都幾準時呀……今朝先約囉……仲要已經應承o左人o地囉……咁係咪只要我今朝約o左你o既話，你都會陪我呀??個個都係今朝先約你囉……仲要……佢o地又去打羽毛球囉……佢一句都無同我講過囉!!!!!我夠想打羽毛球囉!!!上次佢話唔叫我係因為見我打o個時又唔郁，以為我唔鐘意打……我o個時都已經講o左話我鐘意打，只不過係o個時M Come先唔想郁之嘛!!!睇o來……佢都係唔記得o左o架啦……佢以前係咁善忘o架咩???真係唔知喎…………同埋……佢自己講o既「星期日都係唔好見啦……」

之後……就兩個o係度鬥發脾氣……算啦……我講o既o野佢都唔會點理o架啦……佢只要覺得無o野/小事o既話，我就唔可以有o野o架啦……尋日捐血係咁、今日都係咁、以前都係咁……呢o的……係我o係咁耐以o來佢同停風o既事之中學返o來o既……無人話過佢o地有路喎!!!係佢自己聲大夾惡講o既……又燒埋我同Pizza o個疊……原來佢都有懷疑過我o地……我都係宜家先知……唔係馬後炮，我真係無諗過佢o地有路喎……我驚係驚佢會鐘佢之嘛……之不過……我諗無論俾任何一個男仔知道自己女朋友係同o個男仔去街，都會發癲o架啦~!?班有咁多女仔，佢係都要叫你陪佢去買o野o既……我最唔明係呢點囉……問買咩又唔講……而且佢又唔會點理o架喎……嘈親時一味話只係兄妹o來之嘛……玩o下之嘛……又話咩「我講到嘔喇，我都話我同佢無o野o架囉!!」真正o個個霆鋒以前夠同傳媒講自己同柏芝係兄妹o來啦……到最後咪又一o左……就係因為有太多呢o的咁o既事例，我先驚之嘛!!!!讀中史都係學汲取古人o既教訓之嘛……咪就係咁之嘛!!!!我唔係唔信你喎……之不過……男人就係情長但唔專一o既生物o來o架啦!!!!我唔知佢遲o的會點……兼且佢最近都好鐘意因為幫住佢而鬧我……我都唔知自己o係佢心目中係咩……我都想可以唔亂諗呀!!!不過諗返佢o地以前o的icq history……傾都傾得開心過同我傾……如果係咁o既話……不如拎我o來同佢比啦……人比人，比死我仲好啦!!!咁樣……或者我會開心o的……你同佢傾計o既時候，都唔會有咁多o野要煩……問佢鐘意我o的咩……佢就話係感覺……即係我無乜o野「優點」係值得佢鐘意o架啦……<反正我一直都唔覺得自己有咩優點>佢鐘意二宮、阿翔都可能有原因……但偏偏我就無原因……只係因為感覺……算啦……佢覺得呢個係原因就得o架啦……

一句掟埋o來叫我冷靜就收o左線……我仲可以點冷靜呀???o係廁所喊o左好耐……聽日都唔想返學……反正我o的EQ都應該好低……都唔知可唔可以控制到自己o既情緒……上上o下堂突然爆喊就唔係咁好啦……
以前同過LuLu佢o地講：我以前因為陪佢所以唔返學o左好多日，佢o地聽完話好感動……唔知當時……佢會唔會都有o的感動o既感覺呢……??如果我唔開心……真係好想知佢會唔會唔返學o來陪我……<呢個唔關事，不過係打打o下日記時出返o來>
到最後……佢只係講o左句「你鐘意都可以o來打<羽毛球>o架!!」之後就無問我去唔去打羽毛球喇……
佢以前o係日記打過：Emily需唔需要我都無所謂……宜家，輪到我想問返佢……「仲需唔需要我呢……??」
佢每次話親我o既o野……我都一定會記得……唔係我小氣，之不過係因為太刻骨銘心……今次……佢話我諗o野唔好咁細個……ok la……當我諗o野成熟時，佢又知唔知呀????我唔係無諗o野成熟過……係佢根本唔知……而又唔滿意我o既做法……當我同Tiffany講o既時候，佢都話我諗o野終於成熟o左……我當時好開心呀……不過讚我o個個又唔係佢……而且，佢又唔開心、唔滿意……係咪我次次諗親成熟o野o既時候，佢都一定會唔開心o架呢??唔好話我無諗o野成熟過!!!以前我成日要早走，都係諗到我o地將來o乍!!!不過你就一定會唔開心、唔滿意……如果我唔扮o下乖……我驚遲o的我阿媽唔俾我見你添呀!!!先苦後甜唔係好o的咩??做人要遠視o架!!!但係當時你就無諗到呢一點……淨係唔開心……我係咪無奈呀……??同Tiffany講，佢都話同Lily又試過因為呢o的o野而嘈過……佢o既觀點當然同我一樣啦……不過Lily就係無諗到呢一點之嘛……

諗住搵Tiffany……散o下心…..順便拜訪o下Auntie……不過最後都係無咁做到.…..講起Tiffany……我真係好唔明尋日Ariel叫我同Tiffany講o既o野係咩意思……因為識o左9年就要我同佢講……我又唔知頭唔知路……叫佢自己講……佢又唔肯……淨係話自己o既身份唔適合講，問清楚o的，佢只係話因為自己識Lily o既同時又識Candy Suen……都唔知關Candy Suen咩事……不過，就算知o左o既話，我都唔會同佢講，至少……等佢走得開心o的仲好啦……佢要去加拿大已經唔開心啦……仲要佢走得唔開心o既話……我真係唔想見到……女仔就係專一但唔情長o既生物o來o架啦……可能去到加拿大……佢搵到一個比Lily能夠俾到更多幸福佢o既人呢~~我o地都唔可以排除呢個可能性o架……

之後打電話俾佢，都係一句起兩句止……佢話停風唔出得o來o既時候，問我滿唔滿意囉……咩意思呀???最近佢都好鐘意咁問我…………

記得Juno o個info寫住：「~~對妳太過認真，會否讓妳覺得太多管束~~」以前，我邊有咁煩呀??都係最近之嘛……基本上……我同佢、以及Juno同LuLu，都有o的差唔多o既性質……俾我係Juno o既話，我都會因為呢o的o野都發脾氣……而佢同LuLu都係一唔覺有問題o既……就係無問題o既人……而且又會話對方唔好因為呢o的對佢o地o來講無問題o既o野而發脾氣……佢o地都唔覺有問題……而且之後……無論發生咩事，都係由我同Juno去”乙水”返對方……係咪其實每對戀人都差唔多o架o者~!?

今日都無打過Ohno o個故仔……連個一人三句都無寫幾個禮拜……我一話寫唔切佢o個故仔，佢就即刻無奈俾我睇……咁我係諗唔到點寫呀嘛......
終於都有機會聽晒自己Down返o來o既歌喇……
每個禮拜日都係咁……你估我又會好開心o架咩??比較好o的o野咪就係上個禮拜日囉……至少，你都開心o的啦……我開唔開心已經唔重要啦……要對你好呀嘛……咁你開心……咪已經達到我要對你好o既承諾囉……
另外，麻煩唔好再同我講話我o的諗o野方法有問題/唔想我咁樣諗o的o野……越聽……我只會覺得自己好似精神有問題……連諗o野方法都有問題o的咁……
都話佢最近係串o左o架啦……我話親佢o的o野，到最後只係俾佢拎返o來話/串我……尋日雜誌o個件事已經係一個好好o既例子o來o架啦~~~呢句……o係遲o的我o地嘈o既時候，又一定會俾佢拎返o來串我……又好似做到我唔可以話佢咁……連我講我想講o既o野都俾佢串返……唔係未試過啦……o係日記講o個o的o野，最後都俾佢拎返o來串我……佢以前會咁做o架咩???真係唔覺喎…………

P.S.發生o左咁多o野，我都知自己乞人憎o左o架喇……攪到o個個都唔開心囉、仲俾Aoyi用大篇幅o來鬧我……攪到上個禮拜六佢o地無得去唄K囉……攪到佢無得開開心心咁同班同學玩囉、出街囉、連做Project都要早走囉……<見到佢同o的打o來o既同學傾得咁開心，原本同我「冷戰」梗……都可以即刻轉晒聲……就可知佢o地係幾咁好啦，連問打電話o來o個個係邊個，都可以問得咁開心，就知啦……>仲有好多好多…………

呢篇日記......刪減o左好多令人睇完會覺得反感o既字眼......都係因為自己唔開心先咁鬧得咁過份o者......

>>November 24, 2002 at 10:29:41 AM GMT+8

2002 年 11 月 22 日 星期五 【晴】

今朝先睇返星期四拎o個o的雜誌......Joey拎錯書俾我囉......無奈......佢拎o左11月Myojo同12月Popolo俾我囉......我應該係拎晒兩本o既11月號o架嘛......算啦......下個禮拜去買返......而且......o個日佢都拎漏o左本The Television俾我......找返$60俾我......

買o左今期忽周，睇到佢點睇我本雜誌o既時候......又係咁喇......點解唔可以用o的好o的o既方法去睇人o地o的雜誌??o個o的係人o地o既o野......係咪連揭側邊都咁辛苦o者!?點解一定要o係下面揭!?!?諗返起上次叫你係邊邊揭，你就即刻黑面......係咪連我保護自己o的o野都有問題呀??咩叫「費事你話我整皺你o的o野啦~」我有講錯咩??呢o的o野我都已經講o左好耐啦.....不過你都仲係咁......只不過係換o個方法去揭書之嘛......好難咩??

聽Ariel講.....佢話佢班o個個乜都聽o既同學話Gloomy Sunday已經無原唄版，得返o的翻唄版本o既......不過當時係有翻版出o左o架!!!仲傳到去英國添呀!!!估唔到當時已經有翻版......

一路行去捐血站，o係偉華商場見到好多o既小攤檔，有一檔係賣冷o既，o的冷針勁平啦~~~一對鼓棍都只係$25!!!佢問我係咪想要佢織條頸巾俾我，我當然係想o架!!!!不過我都係想佢唔問我，但又織o左條頸巾俾我~~~~~咁樣係最好o既~~~~~聽到佢咁問我，都有o的開心o既~~~

終於等o左半年，又可以去捐血，佢啪我手指時，都出o左好多血……一支管都吸唔晒，仲要用o個透明膠片吸走o的血……之後點知佢話我血色素達唔到佢11.5o個標準，只有11.3!!!唔可以去捐血!!超唔開心&無奈……仲要話可能係因為唔夠訓、胃口差或者o岩o岩M完……睇o來……都會係因為第一個原因……算啦~~~~佢未訓……我都唔想訓住……我唔係o係度怨任何人!!!只不過……我真係因為呢個原因要唔咁早訓~~

等o左佢o地成個鐘……o係呢段時間……我真係好想喊!!!等o左咁耐……以為有得去捐血，點知佢又唔俾我捐……心情就好似由天堂跌落地獄咁……如果只係得佢o地兩個可以捐o既話，我一定唔會揀今日去捐血!!!!原本好好地……三個人一齊去捐o架嘛!!點知我又要遲o的先可以捐……佢仲叫我過多個月先o來捐囉!!咪即係12月23號???痴鳩線o架!!我先唔會等咁耐呀!!!睇o下過多一、兩日再去啪手指睇o下夠唔夠血色素先!!!反正今日都有個男人係咁……

一路都好唔開心……佢o地唔會明白我o既期待係有幾高……我唔開心……竟然仲話「小事o來o者~」同好惡咁講「你咩事呀??」你覺得小事，但係o係人o地心目中唔一定係小事o來o架!!!聽完呢兩個之後……更加唔想出聲……佢o既事後解釋係話我”乙水”極都係咁，炆喎……ok la……又係咁……已經唔係第一次o架啦……同佢講完，都仲係會發生o既……都唔知自己咁煩仲拎o來嘈做乜!!!

而且......佢o地仲好開心咁將捐血時o的o野講完又講......咩血管縮o左呀......o的血管好靚呀......全部我都已經聽o左兩次或以上......無奈......仲要同我講：身體唔舒服o的o野好難講o架嘛......不過我最近夜訓都有我o既原因o架!!!!我知道自己成幾個禮拜都夜訓呀!!!!講o來講去即係其實係我自己唔俾自己去捐血之嘛......唔開心o來都無用......

真正開心o既……就係睇o左Biohazard 0 o既Trailer囉~~好多Game鋪都係賣三百幾四百……不過o個初回版係要訂先有!!!!無奈……而且……好想要o左張Poster!!!~><~
o係龍城見好多Toro、Jiji同龍貓o既玩具，全部都好得意~~~全部都好想要~~~~^^特別係其中一個Jiji坐o左o係掃把上面o既鎖匙扣，好得意~~~~~~
再者，又搵唔到Biohazard 3 o既攻略……又無去到買物王!!!同佢講，佢就咁應o左我「係呀……」咁又無喇……又再一次無奈……

夜晚睇Michael Jackson o既特輯......播o左好多歌~~~~不過佢o的樣真係越o來越恐怖......-_-ll仲講返以前真係有跟住佢跳「Beat It」同「Thriller」o既事~~~~~佢o地都話我跳o既話一定會笑死~~~~睇完我都好想跳返......以前細個睇o既時候，係好想一路睇，一路o係地下做七字馬......唔知點解!!!到宜家......我都無咁做到......

夜晚......一路睇「法證如山」係咁睇落去......一路等佢覆完Apple封E-mail......一等......就等o左成o個鐘......而且由我之前打俾佢，佢都已經回梗......咁即係實際上，佢回一封信係回左成個鐘以上!!!!直至睇梗「睹神2」，佢先回完......途中，我已經o係電腦檯前小睡o左好多次......訓到之後都唔眼訓......<因為已經過o左12.00-1.00a.m.呢段催眠時間>
原來「賭神2」有梁家輝份o架!!!!好鐘意佢變聲講o野o架o者~~~~~~^0^

P.S. Body Shop出o左新o既月光花o既香水~~o個樽好靚~~連佢都話唔差~~~~~不過就無留意幾多錢……講開……鐘意月光花都應該有三年喇…...由佢o岩o岩出o既時候開始……

>>November 24, 2002 at 10:19:40 AM GMT+8