2008 年 8 月 30 日 星期六 【晴】

又成個幾月冇打日記啦...
其實唔係冇野寫...係太懶~~~
今個月係我既生日月~~~又大一歲啦~~~都幾充實
而且仲因為有2個颱風而有2日假放~~~多謝北冕同埋鸚鵡~~~
講返生日點過先啦~~~
18/8同左輝食和民同埋睇戲<地心探險記>
24/8同左Dennis,Irene,Natalie去左深圳一日遊~~~
去左食鼎泰豐同小肥羊,仲行左萬象城同去書城買日文書...
雖然去個時有d波折...要喺上水火車站等左2個幾鐘...
但係overall都玩得幾開心...因為未上過去...都幾新鮮~~~
之後25/8就同左Cindy,Katy,Sara食峰壽司...等既時間仲多過食既時間...
而且又冇咁好食..同埋佢offer枱既手法真係有問題,等左成個鐘左右佢嗌no.
以為入得去...點知佢話我地係第幾張枱...即係要我地繼續等...
算~~~訂左食呢間就唔想轉,食完之後再去麻布茶房食甜品~~~
27/8又同左Glory食金滿庭...29/8同左Wing食富田同松記

>>August 31, 2008 at 7:30:07 AM GMT+8

2008 年 7 月 19 日 星期六 【晴】

嘩～～～原來成個幾月冇寫日記．．．
其實都唔係冇野寫．．．係懶．．．
加上冇咩心情．．．
聽日就要去ＨＰＣＣ啦．．．真係唔捨得ＡＤＣ同ＵＣ既一切．．．
人同事同物．．．呢一切都變成習慣．．．好多人都由同事變成朋友．．．
唔想同埋好驚去面對ｄ新野．．．由其係得自己一個．．．
好似要返一份新工．．．由零開始．．．ｄ感覺怪怪．．．
不過好彩今次仲有一個人一齊被調過去．．．仲有個ｍａｎａｇｅｒ係識既好人．．．
希望我冇識錯人啦～～～

噚日入左柏麗灣同ＣＡＳ既人一齊ＢＢＱ．．．個度好靚呀．．．
但係真係好熱．．．成身汗．．．
依ｄ天氣真係唔應該玩呢ｄ野～～～
之後夜晚就去左銅鑼灣松屋食飯．．．係公司既人同我地搞ｆｅｌｌｗｅｌｌ．．．
今日食既野都係燒，煎，炸既野．．．真係好好熱氣

>>July 20, 2008 at 12:14:13 PM GMT+8

2008 年 6 月 1 日 星期日 【乍寒還暖】

今日入咗大埔搵阿維．．．
一嚟好耐冇見佢．．．二嚟係去同佢隻金毛玩～～～
佢喺大埔市中心等我．．．一齊食完嘢再搭車入去．．．
真係好鄉村．．．我自己一定唔識去．．．
佢叫做金仔呀，一歲但係已經好大隻．．．好壯！！！
一見到都有ｄ嚇親．．．不過佢好乖好純．．．
係為食ｄ啦．．．有嘢食先肯做動作．．．
佢識瞓低．．．俾手手同埋瞓喺度轉圈．．．即係滾～～～
唔．．．我都有幫佢梳毛．．．佢甩咗好多毛．．．
而且佢仲有少少蚤．．．雖然我好驚．．．但係我都幫佢捉咗３隻．．．
ｄ蚤真係好衰．．．咬到佢紅左一點，有ｄ出血咁．．．
希望佢唔好再有啦．．．不過因為佢成日去草叢．．．所以好難冇．．．
唔．．．忽然有ｄ毛毛雨．．．但係我地都帶佢出去行咗個圈俾佢尿尿．．．
返到去之後玩多陣佢就瞓覺唔理我．．．
於是就同阿維阿嬤傾吓計．．．雖然有老人痴呆．．．
但係佢好得意．．．問咗我姓咩，住邊，喺唔喺個度食飯等等．．．
有時講客家，有時講廣東話．．．
如果我阿爺仲喺度．．．都應該差唔多．．．我幾鍾意佢～～～
玩到５ｐｍ左右就返屋企啦．．．
佢送我去搭車個時阿金仔都有跟埋出嚟．．．
我仲拖住佢行咗陣．．．一路都想拖住ｄ大狗行．．．同埋俾佢拖住行．．．
今日終於都試咗啦．．．佢好大力．．．拉都唔郁．．．
好開心呀～～～今日都過得幾特別同得意．．．

>>June 2, 2008 at 4:57:19 PM GMT+8

2008 年 5 月 30 日 星期五 【陰】

今日係５月既最後一日．．．放緊ａｎｎｕａｌ．．．
差唔多２個禮拜．．．但係唔會去旅行．．．ｓｉｄｅ晒～～～
今日同咗Ｗｉｎｇ入沙田．．．我陪佢食飯，佢陪我睇唊．．．
因為知道一田ＹＡＴＡ大減價．．．想買個唊遲ｄ去旅行．．．
約咗７ｐｍ．．．唉．．．今日佢又遲到啦．．．
叫咗佢唔好遲都仲遲．．．真係想佢改一改呢個壞習慣
算啦．．．今日大家都係陪對方．．．所以算數啦～～～
一去到就去食嘢先．．．因為驚多人．．．
本身睇咗ｏｐｅｎｒｉｃｅ先去．．．想食甘味烏冬．．．點知記錯咗個地址．．．
搵咗陣先搵到．．．點知７：３０ｐｍ去到都已經好多人．．．超多人．．．差唔多差百幾個
於是就行陣先再去等．．．都差唔多等左一個鐘
佢既手打烏冬唔係真係手打．．．而且好一般．．．一ｄ都比唔上萬豚屋．．．
不過ｄ嘢食都幾好食，又幾特別．．．而且都上得快．．．
食完就再去行一田．．．都有好多嘢睇同減價．．．但係就冇咩嘢係特別想買．．．
好開心有佢夠我入沙田，雖然我未肯定買唔買
睇咗２次都汶決定唔到．．．所以最後都係冇買到．．．
因為都要成＄５００－７００．．．而且又唔知買２０寸好定２６，２９寸．．．
行到１０：３０ｐｍ收鋪先走．．．個時都已經１０：４０ｐｍ都仲好多人．．．
唔．．．其實沙田都幾好行．．．如果夏天好熱個時．．．行一新城市一日都行到唔ｓｉｄｅ．．
而且又一路都有泠氣，又多嘢食揀～～～ｒｅａｌｌｙ　ｇｏｏｄ！！！

>>June 1, 2008 at 7:02:28 AM GMT+8

2008 年 5 月 3 日 星期六 【晴】

呢排好有感覺．．．冇咗好耐既感覺．．．
唔知係好定壞．．．因為又係一ｄ冇可能既嘢．．．
雖然明知冇可能．．．但係太耐冇試過．．．
不知不覺又．．．希望唔會太傷啦．．．

＜你＞ － 林依晨
詞曲:藍又時
演唱:林依晨

風輕輕 我聽見你聲音 你對著我叮嚀 要注意自己的心情
雨輕輕 我聽見你聲音 你拿著傘靠近 為我遮著風擋著雨
一點點想哭泣一點點想著你 你的愛很珍惜 我總依賴著你的記憶

你就像風在說話 順著我方向
你就像海中的波浪 堆著我成長
我明白你的回答 溫柔的對話
愛情其實沒有辦法 不被感動吧 我不說謊

雨輕輕 我聽見你聲音 你拿著傘靠近 為我遮著風擋著雨
一點點想哭泣一點點想著你 你的愛很珍惜 我總依賴著你的記憶

你就像風在說話 順著我方向
你就像海中的波浪 堆著我成長
我明白你的回答 溫柔的對話
愛情其實沒有辦法 不被感動吧 我不說謊

你就像風在說話 順著我方向
你就像海中的波浪 堆著我成長
你的回答 溫柔的對話
愛情其實沒有辦法 不被感動吧 我不說謊

＜Prisoner Of Love＞ - 宇多田ヒカル

作詩：Utada Hikaru 作曲：Utada Hikaru

平気な顔で嘘をついて
笑って　嫌気がさして
楽ばかりしようとしていた

ないものねだりブルース
皆安らぎを求めている
満ち足りてるのに奪い合う
愛の影を追っている

退屈な毎日が急に輝きだした
あなたが現れたあの日から
孤独でも辛くても平気だと思えた
I'm just a prisoner of love
Just a prisoner of love

病める時も健やかなる時も
嵐の日も晴れの日も共に歩もう

I'm gonna tell you the truth
人知れず辛い道を選ぶ
私を応援してくれる
あなただけを友と呼ぶ

強がりや欲張りが無意味になりました
あなたに愛されたあの日から
自由でもヨユウでも一人じゃ虚しいわ
I'm just a prisoner of love
Just a prisoner of love

Oh もう少しだよ
Don't you give up
Oh 見捨てない　絶対に

残酷な現実が二人を引き裂けば
より一層強く惹かれ合う
いくらでもいくらでも頑張れる気がした
I'm just a prisoner of love
Just a prisoner of love

ありふれた日常が急に輝きだした
心を奪われたあの日から
孤独でも辛くても平気だと思えた
I'm just a prisoner of love
Just a prisoner of love

Stay with me, stay with me
My baby, say you love me
Stay with me, stay with me
一人にさせない

>>May 4, 2008 at 12:29:03 PM GMT+8

2008 年 3 月 22 日 星期六 【晴】

呢排放幾日假．．．５日呀～～～
但係冇咩錢，冇出街．．．
今日終於可以的起心肝整蛋糕．．．
但係屋企個新電飯煲，試到電飯煲焗蛋糕
整個粉漿要半個鐘．．．焗又半個鐘
呢個就係製成品啦！！！大成功～～～

>>May 4, 2008 at 11:59:11 AM GMT+8

2008 年 2 月 29 日 星期五 【晴】

今日終於都同Ｋａｔｈｙ去得成澳門喇．．．雖然有ｄ波沖折．．．
今朝明明７：１５ａｍ起咗身．．．但係因為自己衰，整嘢整慢咗．．．
所以遲咗出門口，遲咗去到．．．搞到差ｄ上唔到船．．．
其實佢一早去到．．．本身約咗８：５０ａｍ
因為係９：１５ａｍ船既加開船，要早１５分鐘到．．．
但係我９：０５ａｍ先去到．．．見到有個牌寫住停止入閘．．．嚇死！！！
好彩後面都有人係９：１５ａｍ船既．．．聽到有人叫佢去另一條入口．．．
原來都仲入到．．．仲坐到窗口位．．．原來都係９：３０ａｍ先開船．．．
我哋之後仲有好多人上船．．．坐一個鐘之後就到澳門．．．
一去到就覺得嗰度好大陸ｆｅｅｌ．．．
有好多酒店既人．．．好亂．．．拎咗地圖之後就去搵巴士搭．．．
我地第一個行程係路環．．．因為要食安德魯葡撻．．．
於是我地就住３號去新馬路轉車入去．．．一上車就覺得有ｄ似台灣嗰ｄ．．．
一樣係冇ａｎｎｏｕｃｅｍｅｎｔ話站名．．．所以都驚唔識落車，係咁睇巴士路線圖
有２個女仔應該都係香港人咁啱問正我哋．．．
好彩咁啱又有ｄ遊客係要去新馬路，佢地有問人．．．於是我哋順利落車再轉車坐咗２６Ａ去路環．．．
去到安德魯就知道澳門物價貴咗．．．因為ｄ撻都每個貴咗一蚊．．．要成＄７一個
但係一場去到．．．我哋每人買咗２個．．．坐喺佢對面坐低慢慢食．．．
我仲諗起之前＜宮＞就係喺呢度拍，講彩京去呢度買葡撻食．．．不過得３秒鏡頭．．．
仲有就係佢哋隔離條行．．．有間食葡國菜．．．我認得彩京同信君坐喺出面食嘢傾計．．．
諗起都好開心．．．好感動呀～～～
雖然間嘢咁偏僻．．．唔算好多人買．．．但係都ｋｅｅｐ住有唔同既游客．．．
食完葡撻就坐２５號去黑沙海灘．．．不過其實嗰度唔算好靚．．．反而側邊既一排屋就幾靚
睇咗陣，影咗陣相就起程去及氹仔．．．本身ｐｌａｎ咗去官也街先．．．２ｐｍ就去大利來排豬扒包
但係點知坐咗２５，上車睇完路線圖就傻咗．．．以為三盞燈好近．．．因為係多３個站左右
點知坐坐吓就去咗澳氹大橋．．．唉～～～
一時大意搞到要去咗三盞燈食完椰汁雞麵同金菇再去紅街市買龍鬚糖．．．
咁樣整整吓都２：３０ｐｍ．．．坐返３３去氹仔都３：１５ｐｍ．．．
最先都驚因為咁而ｍｉｓｓ咗大利來豬扒包．．．
點知原來間嘢最近休息８日．．．冇開．．．所以其實都冇咩所謂．．．
最後食咗新利來既豬扒包．．．好一般．．．
再食返天娜既木糠布丁同榴槤雪糕．．．好後悔我食咗榴槤雪糕因為唔係咁好食．．．
但係我試咗少少Ｋａｔｈｙ既木糠布丁就覺得好好食
之後我地就食埋榮達既魚翅鯪魚球，一般好食但係好熱氣．．．而且又貴．．．加咗價貴咗＄４蚊．．．要成＄２３／５粒
食完又坐返１１號返新馬路．．．去行吓大三巴影相．．．
同埋ｐｌａｎ咗食禮記生果撈．．．點知間嘢又執咗．．．變咗另一間嘢但係都有得食．．．
於是都試吓喇．．．點知都係後悔食咗．．．因為仲差過許留山
之後就去食添發既沙鍋翅．．．都真係好多人食．．．又足料．．．
食完就去鉅記買手信喇．．．買咗＄３００左右喇．．．ｄ嘢都幾貴呀．．．
雖然個時７：３０ｐｍ左右，但係我哋行得太累．．．想買完手信就去碼頭睇吓有冇得搭早一班船返香港．．．
好彩真係可以早一班船．．．坐９ｐｍ既船．．．等船個時周圍都係韓國人．．．好得意．．．
但係坐船個時就唔好彩啦．．．因為有個唔正常既男人坐我隔離，一開始就係咁搵年風螻ｃｕｍ住個頭．．．又ｃｕｍ又除．．．整咗十次以上
點知過咗半個鐘之後佢就開始撩鼻．．．仲要彈．．．好彩唔係我個面
ｏｈ　ｍｙ　ｇｏｄ！！！勁想轉位．．．我已經係咁坐過Ｋａｔｈｙ度．．．
就係咁，我就驚咗半個鐘．．．真係想快ｄ落船．．．返屋企．．．
勁黑仔呀撞到ｄ咁既變態佬．．．ａｎｙｗａｙ，我安全返到屋企．．．
講返今次呢個澳門行．．．我地都算好彩．．．
都冇咩搭錯車ｏｒ落錯車，因為都有ｋｅｅｐ住問人．．．
不過好奇怪．．．就算我哋問既係澳門人．．．佢哋都好似唔識ｄ名勝，地名同街名既．．．
所以我哋都ｋｅｅｐ住睇地圖同路線，有時都會問吓人．．．
呢次既行程都幾好，幾得意呀～～～

>>March 2, 2008 at 8:17:59 AM GMT+8

2008 年 2 月 9 日 星期六 【乍雨乍晴】

年三十晚有得放早．．．返９：００ａｍ放１２：４５ｐｍ
約咗喺英國旅行完既Ａｄａ同我食飯行街．．．
我地都大個囡喇．．．之後行街都有睇ｄ化妝品．．．
我地都有收穫．．．我買咗七百幾蚊ｅｔｔｕｓａｉ既嘢．．．同埋一條牛仔褲．．．
勁多人呀．．．行完就即刻返屋企喇．．．

新年都冇出過街．．．年初一到年初二都係留喺屋企．．．
係第一日打咗成日麻雀．．．自己屋企玩吓．．．
我算係贏家，不過第二日就係夜晚食完飯先打．．．我就輸返啦．．．
係噚日年初三先同咗Ｃｈｌｏｅ同Ｃａｒｒｉｅ出旺角食飯．．．
唉～～～赤口呀．．．唔吵都唔得喇．．．不過都係玩吓既．．．
６：１５ｐｍ左右出到去．．．等食板前等咗成個鐘．．．
都算係慶祝既，大家都有嘢做，又加咗人工．．．
都幾好食既．．．好飽～～～
之後去吉之島＄１０店．．．鹵味都出咗嚟ｊｏｉｎ埋行咗陣．．．
本身諗住買少少嘢．．．點知咁就駛咗一百蚊．．．
之後就返屋企．．．但係又想買定麵粉整蛋糕．．．就去咗惠康買喇．．．
見到有蛋卷．．．又想買．．．＄８８／３盒好抵．．．
行行吓就成車嘢．．．最尾又要二百蚊．．．
又重ｗｏｒ．．．自己拎住３大袋行返屋企都好係嘢．．．

今日約咗阿輝去荃灣睇＜Ｌ之終章＞早場．．．睇１１：０５ａｍ．．．
本身諗住早ｄ出去拎飛，因為網上訂咗．．．
點知最後都係１１：００ａｍ先去到
坐低冇耐就見到Ｃｉｎｄｙ同佢ｂｆ行入嚟．．．
仲要咁啱坐我前一行，實在太啱喇．．．就忍唔住拍咗佢個頭嗌佢．．．
原來佢成家嚟睇．．．買咗成行．．．
之後睇完食飯個時就去咗霸王山莊食飯．．．
點知就嚟食完個時又見到Ｃｉｎｄｙ佢地行過．．．
又嗌咗佢一聲．．．今日我地實在太有緣喇！！！～～～
食完之後又行咗陣Ｃｉｔｙｗａｌｋ既ｆｒａｎｃｆｒａｎｃ．．．
之後問返先知原來Ｃｉｎｄｙ都有行．．．不過今次就撞唔到．．．
最後就返屋企ｐａｃｋ嘢．．．
哈哈～～～有情人節小包預咗俾ｄ　ｆｄｓ．．．
希望可以俾到大家啦～～～
新年快樂！！！

>>February 10, 2008 at 11:25:57 AM GMT+8

2008 年 1 月 23 日 星期三 【乍雨乍晴】

因為嚟緊會連放４日假．．．本身諗住同個周事ｆｄ去澳門玩一日
船飛都買咗．．．借晒書睇ｐｌａｎ咗有邊度想去．．．
點知．．．１９號個朝９ａｍ左右去到中港城同個ｆｄ講緊電話搵電梯上去個時．．．
竟然差錯腳．．．跌咗落樓梯，撞到個頭後面
我仲起得返身自己行到．．．不過就好暈．．．
行行吓先摸到起咗好大個瘤．．．嚇死．．．
跟住我都唔係好記得．．．其實個半個幾鐘發生過ｄ咩都好矇胡．．．
隱約記得我問咗個ｆｄ３次同樣既問題．．．俾佢話．．．
之後問返先知原來我係問佢“我件衫有冇污糟到？”
坐低咗成半個鐘先冇咩暈．．．之後就去睇醫生．．．
點知１０：４０ａｍ想睇個醫生又要１１：００ａｍ先返
睇佢個時佢又同我講故．．．唔知講邊個明星係撞親頭死咗．．．不過佢係撞車．．．
之後佢就話要照Ｘ光同電腦素描先知有冇事．．．其間都嘔過．．．
所以我又即刻飛的去廣華睇急証．．．
好多人．．．不過好彩好快到我．．．
同我洗咗傷口，打咗破傷風針，照咗Ｘ光之後．．．就叫我留院觀察一日同埋做電腦素描
咁我就住咗一晚腦外科喇．．．其餘既全部都係阿婆．．．
真係好悶．．．又驚個腦唔知有冇事．．．瞓又瞓得唔好．．．
而且又冇啖好食．．．因為冇同媽咪講，剩係同阿哥細佬講咗．．．就話當我去咗澳門過夜．．．
第二朝出咗報告冇事．．．於是我就即刻出院喇．．．
返到屋企沖涼個時先見到原來個ｐａｔｐａｔ撞瘀咗一大撻．．．有成個拳頭咁大．．．
而且打完針隻手又好痛．．．瞓個時要就住個頭同埋隻手．．．呢幾晚都瞓唔好．．．
最慘係呢幾日本身自己係放假既．．．但係就白白咁過晒．．．ｓｉｄｅ晒．．．
不過都好彩冇咩大礙．．．
今日都有返工．．．都係仲有ｄ頭痛．．．希望以後都唔好再有ｄ咁黑仔既嘢發生

>>January 24, 2008 at 4:23:39 PM GMT+8

2007 年 12 月 7 日 星期五 【颳風】

呢排心情好差呀．．．
好黑仔．．．好似咩都唔對路．．．
＞＞＞ｍｐ３個ｈｅａｄｐｈｏｎｅ俾我用到壞咗．．．要成二百幾蚊
＞＞＞等咗好耐想換ｓｍａｒｔｏｎｅ既飛，又換唔到．．．
＞＞＞想ｑｕｉｔ份工．．．但係又好矛盾．．．好掙扎．．．有好多嘢要考慮同擔心
＞＞＞唔知係咪因為ｍ到，好易忟，搞到同咗ｆｄ有啲唔啱
覺得ｄ人好煩．．．唔想對住ｄ人．．．
平時會打俾ｄ朋友傾．．．而家都少咗
呢２日放假都應該會喺屋企玩自閉．．．

>>December 8, 2007 at 4:53:04 PM GMT+8