2004 年 10 月 17 日 星期日 【晴】

今日就已經睇晒呀~ 仲聽左隻黑人cd 好多次
所以今日放左工就去中環間圖書館打算借書同借cd
不過唔知係咪好多OL 睇佢既書呢? 好多書都無呀!
睇左好耐先想借一本, 點知排隊時發現唔記得帶圖書証
唉......................... 只好星期三先借啦~~~~~~~~~~~~~~

>>October 19, 2004 at 1:59:47 AM GMT+8

2004 年 10 月 16 日 星期六 【晴】

今日是休息日 - 好耐未同爸爸媽媽飲茶呀!
所以晨早起左身就同兩老飲tea
飲完亞爸去買馬仔, 而我就好似中學生咁陪亞媽買菜同肉
之後我就抽住d 野去左圖書館 (我最愛一個人既地方)
因為d 野好重, 所以行左陣借左一本書同兩隻cd 就走啦
返到屋企就睇下書, 同試下聽剛借既黑人音樂 (真係好正)
我以後都會繼續借外國音樂呀! (仲有一隻係日文快歌, 不過平平)
一路聽歌同睇張小嫻既小說, 真係一流呀!
其實我一向都無閱讀愛情小說既習慣, 不過就有睇開佢寫既專欄
所以今日就試下借來睇睇, 點知發現都幾好睇呀!
而我一向閱讀既能力都好快, 所以......................................

>>October 19, 2004 at 1:56:23 AM GMT+8

2004 年 10 月 12 日 星期二 【晴】

今日公司又開倉呀! 今次到Triumph, 女性最貼身既衣物呀!
初頭只想落去看看, 睇下有幾平~
點知就係咁, 就無左$500 呀~ 今個月真係大出血呀!
不過又真係好平呀! 買左4個bar 同2條underwear都係$300
最貴就係亞爸件衫$180 牌子係HOM 因為一齊開倉
都行左成個鐘先選到幾個平平凡凡既! 但又好岩既bar bar
之後坐船船返屋企食飯飯, 但點知中途有兩個亞叉問我借電話
其實都驚驚地呀! 不過我見有排隻船先到岸
我估個兩個亞叉唔會為左個電話跳海呀!
咁咪借比佢地用law~ 之後仲好有禮咁還比我!

>>October 13, 2004 at 2:30:14 PM GMT+8

2004 年 10 月 11 日 星期一 【晴】

很久之前約左去銅鑼灣洗牙 點知自己又唔記得左
又應允左 andy食飯飯, 所以只好星期五呀啦~
因為洗牙仔好好好耐之前先約到~
上到去都好多人呀! 因為我第一次洗
所以甜美牙醫話我有好多牙石呀!
跟住就用個電轉, 係咁轉我d 牙 (嘩.........好痛呀!)
轉到牙血都出呀! 真係少d忍耐力都一拳打去個牙醫度呀!
洗完佢話我有5隻牙仔要補, 如果唔係好易會蛀
但一隻就$150 所以5隻就成$600呀! (嘩.............搶錢呀!)
又話d牙有黃, 所以要比$150 漂牙仔
但當時唔夠錢比卡又好樣衰, 所以無做到呀!
之後一個人去左義順食燉蛋同多士就回家啦~

>>October 13, 2004 at 2:46:52 PM GMT+8

2004 年 10 月 9 日 星期六 【晴】

到左今日11:00 左右就成屋人起晒身
因為12:00 要交屋比人呀! 大家都一齊食早餐同收拾行裝
之後我地就call 的士出返梅窩既沙灘玩
途經小店時我同be妹 and Jenny都買左條短褲只須$25 (好平呀~~~)
仲有一對膠拖鞋都係$20 呀~ 真係平到笑呀!
到左沙灘我地就一齊影相 玩劉劉樂 打排球 放風箏同行左出海呀!
真係可以行到出海呀! 因為d 水真係好淺呀!
到左3:00 左右我地就一齊坐底食飯,
但cat仔就要走了 因為都係要返工呀!
最後5:00 左右大家在中環碼頭就各散東西了

返到家中疲倦到嘔呀! 但又唔想訓啊~
因為星期日夜晚好多電視睇呀~ 但對手就好痛呀!

>>October 13, 2004 at 3:38:48 PM GMT+8

2004 年 10 月 8 日 星期五 【晴】

期待已久的一天
今日係我地秘書們的大日子呀!
因為搞左成3年先搞到架camp, 終於去到啦~
今次參加既人數有8人 (差不多同上次bbq既人一樣)
我地既地點係貝澳, 我就選左一間對海灘既新屋呀!
第一批人係LokLok Maggie Cat Janus and Jenny
首先佢地放左工就入去買定bbq既食物同所需用品
第二批人係 自己一個
因初時打算放左學先去, 不過都無忍唔到呀! 小息走左
第三批人係亞Leung同 Gobe
亦因為be妹收成7:00 所以成10:00先入到來呀!

中午時我地就玩左自己帶備既家菲棋 Jenga 同UNO
到夜晚就開始燒野食, 到中途be妹先入到來
午夜時間我地又玩玩具 - 大富翁同劉劉樂呀!
經過完身體既活動就到戲玉 - TRUE OR DARE
之後好多人都去左訓覺, 覺我同be妹傾計計
而兩位男士就接住沖涼涼, 最後我都頂唔順要去訓呀!
咁be妹同cat 仔就到六點陪埋亞leung call 的士 (因為佢要返9:00呀!)
之後就真係成屋人都訓晒啦~

>>October 13, 2004 at 3:42:46 PM GMT+8

2004 年 10 月 4 日 星期一 【微冷】

今曰原本都係打算放左工乖乖返屋企食飯！不過樂樂話想去玩具反斗城做資料收集～
咁Gobe又話想買"劉劉樂"去camp同Birthday Party時一齊玩，都好呀！呢個都幾好玩架～
咁我地就約左係化妝品個層等，之後我就第一時間拉左佢陪我睇多次件POLO衫
再試多次件黃色同白色，最後我都忍唔住要買呀！不過成$530呀～～
不過可能因為上次試時係著便服，所以特別覺得好睇！
其實件衫真係唔平呀！但比Karen講完就好想買呀！
佢話：你試完之後掛住咁多日，就證明左你好鐘意件衫啦～　買啦！
所以又大出血啊～～　（天啊！最衰亞桂啦！）
之後我地就行均晒成間玩具反斗城，最後都買左"劉劉樂"仲有買左ｄ假食物玩具比Miki玩
樂樂都有好認真咁同ｄ玩具影相返去交差！
之後我地就一齊行LCX，不過就咩都無買同去食KFC回家

>>October 6, 2004 at 2:31:06 AM GMT+8

2004 年 10 月 2 日 星期六 【陰】

今日又到銘恆仔仔生日～祝你年年有今日　歲歲有今朝

今日約左亞桂去尖沙咀行街街同送生日禮物
但因為尋日渡假屋落左訂要星期一前交埋尾數
所以今日又去左旺角，之後先去尖沙咀
我地行左好多地方，最後我帶佢去左Another試衫
發覺原來大碼件衫好長，所以就順便換SIze
換完個死仔又話好似籃色好睇～
又試來試去！搞到我到發臭四唔理佢自己行
最後比張單佢自己搞來搞去，都係要返啡色（真係想打佢呀！）
之後佢話帶我去POLO睇佢想買個件衫
仲叫我試下ｄ女裝話好正，咁唔駛錢咪試下LAW~
點知試完就衰左．．．．．．．．．．．．．

欲知後事如何，請看下回分解

>>October 6, 2004 at 2:28:57 AM GMT+8

2004 年 10 月 1 日 星期五 【微冷】

今日係亞桂既生日呀！在此祝佢生日快樂　財源滾滾來（我度）
所以放左工之後就搵左Jenny陪我選禮物
我地行左一陣就去左Anothers買左件衫
之後我地就去左許留山坐底飲野傾下計
到左2:45就同仁傑係MTR等一齊上學去
放左學之後我地就一齊去左睇渡假屋
發覺現時有好多都係新裝修，所以我就要左面對海既三樓
但因為仁傑趕時間返屋企食飯我又帶唔夠錢
所以大家就各自歸家了，之後我因為有朋友生日就又再出左旺角
首先約左Ryan係信和等再上去租屋，之後細豪同Turman都來了
我地就一齊去左石磨坊食糖水，到左唱ｋ既貓頭鷹時間
就去開房唱住先，之後高妹同亞力就雙雙咁進場
我地由夜晚11:30唱到凌晨5:00點，大家唱到瞌晒眼訓
但高妹同亞力就由頭帶到尾，真係歌神同歌后呀！
最後疲倦地回家．．．．．．．．．．．．

>>October 6, 2004 at 2:20:56 AM GMT+8

2004 年 9 月 30 日 星期四 【晴】

今日係一年一度國慶大日子！
點解係大日子呢？因為有煙花睇LAW~
亦是後悔的一天，因為係咁重要既日子～
竟然無相機用啊，因為老闆借左返大陸～
一時想唔到就咁，就係可惜可惜
唯有下年拍返比家姐睇啦～
今早係家中做做家務玩下電腦就同家人食飯飯
咁餐有好多海鮮食，因為慶祝父母和好（暫時）
之後就去左去同仁傑睇靚靚既煙花！
在迫於無奈情況下，只好用手提電話影左３張相啊！
之後就去左灣仔食飯飯呀！

>>October 6, 2004 at 2:05:27 AM GMT+8