2005 年 1 月 21 日 星期五 【晴】

最佳時間

唸書 -

>>January 22, 2005 at 4:11:42 AM GMT+8

2005 年 1 月 20 日 星期四 【晴】

今日聰聰如常要去練波波呀! 所以返左屋企食飯飯
不過等聰聰練完就要出去啦~ ^ ^

個mp3搵左好耐都搵唔到呀!唉．．．．
好灰呀！　>.<

>>January 21, 2005 at 1:23:34 PM GMT+8

2005 年 1 月 16 日 星期日 【晴】

今日老公去左釣魚魚呀!
所以我就去左婆婆家食飯飯同睇表弟仔
一路食表弟就一路要食埋一份
但佢識鬼食咩~ 得幾個月人仔
之後佢就發四四又係度爆臭臭
跟住我話唔生啦~ 咁麻煩!
點知老豆好大反應, 又話你唔生得咩!
我話唔啦~ 叫家姐生law!
之後老豆話你生大把人搶bb啦~
我心想你咁想要呀! 不過我同聰聰都會生一個
比d老人家玩下呀~! 之後我就話要抽公屋
亞媽話你拍定d先啦~ 點知亞婆話呢個幾好呀!
我話我都覺好好woo@ 之後亞媽就偷笑啦~
點知老豆仲搞笑, 話好呀! 等公屋都要等五年呀!
我話咪係law~ 抽定結婚差唔多啦~ 哈哈..................
在一片歡笑聲中食完~ ^ ^

>>January 17, 2005 at 2:39:27 PM GMT+8

2005 年 1 月 6 日 星期四 【晴】

玩左咁多日終於返香港呀!
但點之竟然要坐輪椅啊~
病死人咩~ >.<

>>January 17, 2005 at 1:40:45 PM GMT+8

2005 年 1 月 1 日 星期六 【晴】

今日要坐凌晨機去韓國
夜晚晚10:30要去到機場
之前7:00仲去左爺爺屋企食飯飯
所以帶埋d 行李去食飯飯呀! ^ ^
之後就出灣仔坐機場巴士 好準時去到機場
一到12:00 就準時入閘上飛機.............................

>>January 17, 2005 at 1:39:16 PM GMT+8

2004 年 12 月 25 日 星期六 【微冷】

今日有好多人來左我家玩呀! 有jenny maggie 蘿蔔 肥仔 聰聰 我 gobe and truman 一共8個人
原本初時都想應該會搞唔成架~ 因為MAGGIE 又病左, 而本身又無聰聰個兩個朋友
如果唔係就會散BAND呀! 咁尋日就約好3點鐘入來我家, 之後亦因為要睇GIE仔情況
所以今早就要等電話呀! 但晨早11:00第一個打電話來, 竟然係GOBE
問今日點樣, 我話要睇下GIE仔呀! (剛剛先訓左無耐)
咁我話你打比佢啦~ 佢又唔打WOO! (因我今早8:00先訓JA,真係好眼訓呀)
但咁早應該未起身, 所以GIE仔聽唔到電話! 就因為咁GOBE就一睡就睡到下午四點先起身
但TRUMAN已經由三點出到銅鑼灣呀! (又唔上來先WOO)
我同聰聰就睡到12:30落左街同蘿蔔+肥仔食飯
之後我就返屋企打掃, 因為JENNY話GIE仔會來呀! (好開心呀!)
到左四點大家都入左來打麻雀, 但亞GOBE仍然係.......
最後GOBE同TRUMAN 7:00入到來 (之前有此不開心事件)
一班人打完就上左東村食大排檔食飯 , 好好味每人都係$40JA~ ^^
之後就散BAND 送左佢地坐車我地四個鴨利之友又繼續打雀
打到依家1:15 就各自回家啦~
總括今日我同聰聰一共WIN左$150呀~ 哈哈......................

>>December 26, 2004 at 6:15:06 PM GMT+8

2004 年 12 月 24 日 星期五 【晴】

今早成5:00先返到屋企, 再加上又要洗頭沖涼+MIKI成晚好嘈
最後係成7:00先去訓呀! 所以訓到成1:00先起身呀!
食完午飯5:00就去左銅鑼灣行街街買$10元店係大丸
買左成$80 野呀! 買左掛飾, 溫暖包8個, 香薰, 波子水, 軟糖糖同咖哩兩盒
之後就去左亞貓地攤飲咖啡, 但上到去原來門口係SHOP
所以行左好耐呀! 最後睇中左一對耳環($78)同一隻錶($379)
但因為差不多$400 已經可以買到一隻名牌錶, 所以無買
不過就買左對耳環同買多左一隻比GOBE
到左8:00 就去睇功夫呀! 好彩早一星期前就訂左飛呀~
如果唔係實睇唔到呀~因為真係好爆同好好笑呀！
睇完就打算返屋企煮咖哩呀～但點知原來係咖哩膏，ＳＯ．．．．
只好上東村買野食上家樂HOME食呀~ 因為聰聰答應了波友仔開PARTY呀!
我仲準備左自己包既朱古力呀! 好彩佢地都好鐘意食呀!
一上到去成屋都係人呀! 有成11個人呀~
我地又打機又玩射龍門又玩話事啤
一玩就玩到成第二日早上8:00 先返到家呀~
超眼訓呀~~~~~~~~~~~~~~~~~~~~~~~~~~~~~~~~~~~

>>December 26, 2004 at 6:14:02 PM GMT+8

2004 年 12 月 23 日 星期四 【晴】

今天是平安夜~~~~~~~~ 今早已經好有放假心情唔想做野
因為好期待下午既X'MAS PARTY呀!
原本由1:00開始呀~ 因為好多野搞所以成2:00 我入到去PARTY RM
因為個死肥仔唔放工都唔叫人做野呀!
仲耍話你唔係要入去開PARTY咩?
我話 係呀~ 但要做左你D野先呀~
佢話 係咪就聖誕所以D人精靈左呢~
我心想頂你呀~ 幫你做野就算啦~ 仲耍問人WOO

下午個時先同佢地謂, 唔知邊個會抽到BUSY姐份禮物
點知呢個LUCKY MAN係我, 竟然係一本相簿呀~
一睇就知一定唔夠$30啦~好CHEAP呀! 唉................
我個份就比KAREN抽到呀!哈哈...佢都知係咩啦~
因為尋日先一齊去買~ ^^

散左BAND之後就返左屋企整野同換衫
之後就同聰聰一齊出北角食自助餐呀!
係亞GLI GLI女朋友之前BOOK定呀!由6:00 - 8:00
之後我地就坐叮叮去灣仔海旁睇燈飾同影相呀!
我地由灣仔行到中環, 原本想坐船去TST
但實在太多人呀€ 所以放棄了
大家就直接上去GLI GLI 女朋友家打麻雀呀~
咁就由11:00 打到去4:00 先返屋企訓呀~
好眼訓呀~~~~~~~~~~~~~~~~~~~~~~~

>>December 26, 2004 at 6:25:12 PM GMT+8

2004 年 12 月 11 日 星期六 【晴】

今早聰聰訓醒就同佢麻麻返左教會呀!
咁我訓醒就出左香港仔同佢地family飲茶茶呀!
我地原定左今日會去行山
所以我地飲完茶就去左水塘
之後我就返左屋企訓豬豬同做家務
聰聰就去左釣魚魚呀~
到左7:00左右佢地剛剛釣完魚
咁我就打電話訂pizza 之後上左百隹買零食
去到聰聰家就開大餐呀! >.<

>>December 14, 2004 at 3:14:36 PM GMT+8

2004 年 12 月 10 日 星期五 【炎熱】

今日係一年一度既生力wild day out
一星期前gobe問我有無興趣睇band show
其實之前yahoo都有賣廣告呀! 所以都有d興趣
同埋諗住聰聰今日會有比賽, so就應承左要一張$220
但今早成12:00 gobe都仲未打電話來, 我開始有d擔心
打佢手提又留言, 所以我迫於無耐打比某人取佢屋企電話
好彩一打佢就聽電話, 幾驚佢仲訓緊呀!
之後約左1:45係油麻地坐直接巴士,
咁我放左工就同jenny去海防道食飯
我都估條友會遲到呀! 所以成2:00先去坐mtr
但去到佢都仲要我等, 因為塞車woo!
其實我都好興架, 不過佢到佢個死樣就算啦~
到左2:30 我地就坐直巴去場地
一去到, 嘩................好多人呀! 原本我地係綠色區架~
因為gobe個朋友個朋友係vip , 所以可以企到前5行呀!
超近呀! 仲影左好多相同近距離見到好多名星
例如 at 17, 伍伯, 五月天, 徐若媗, 宣宣, 張震獄...................仲有好多勁band呀!
但好多都係由台灣過來表現
我地由下午2:30企到晚上9:00 , 原本都想早走架~
但因為實在太正呀! 所以差不多睇到完場~
成個show又有煙花, 表現嘉賓又正~
但係現場安排散人好唔點law~
我地就排隊等車, 但好多人就衝出欄杆搶先
激死人呀~~~~~~~~~~~~~~所以總分得75呀~
**************************************************************
返到屋企餵完miki就出左香港仔同聰聰班朋友一齊飲夜茶呀! ^ ^

>>December 14, 2004 at 3:04:29 PM GMT+8