2006 年 7 月 10 日 星期一 【綿綿細雨】

今日我地屋企多o左個新成員呀, 佢就係臀臀啦, 佢係一隻兩個月大既史立莎BB呀!! 佢係o係2006年5月13日出世ga!!!!

由於佢唔適應新環境既關係, 佢而家o係度喊緊, 好可憐呀!!!

>>July 14, 2006 at 4:00:21 PM GMT+8

2006 年 6 月 28 日 星期三 【晴】

日本之旅 DAY 5 最後搏殺日

今日係last day, 因為下午6:30 機既關係, 我地仲有3,4 個鐘頭去作最後衝刺!! 將d行李放o左o係Thomas 房之後, 先去Danny's 食個靚早餐, 之後走去買手信, 返酒店時, 搵到o個間八爪魚丸既分店, d八爪魚丸真係好大粒, 有成8cm直徑, 我地兩個share 1 粒都已經好飽!!! 原來原宿o個間分店已經執o左, 所以搵唔到!!! 跟住買手信比您阿姨同埋connie 個 BB 女, 時間已經差唔多, 返酒店拎行李去機場!!!

去到機場, check in o左之後, 都成3點幾啦, 就走去搵野食, 食飽之後, 就四周圍行下, 無幾耐就上機啦!!!!!!

p.s. 最終都買唔到您媽咪要既手揪同您要既Melody 公仔!!!! >.<


回歸啦, 好"支力" 呀!!!!

>>July 13, 2006 at 9:47:53 AM GMT+8

2006 年 6 月 27 日 星期二 【晴】

日本之旅 DAY 4 大出血!!!!!

今日決定番"卓"我地酒店下面間冷烏冬, 之後去o左Gap 度買o左條皮帶同帽, 買完之後諗住去原宿, 但係o係池袋西武買o左d冰鮮大蟹腳, 所以要行番轉頭, 放低d蟹腳係酒店先!!!

o係酒店出番黎, 搭JR去原宿!! 原宿無咩特別, 好似女人街咁, 又搵唔到ar Po 介紹既大八爪魚丸, 無癮, 行o左一陣, 覺得無野好行, 又有d "支力", 所以去試下日本既麥記!!

食飽之後, 就拉搭JR去o左銀座啦!!! 去到銀座既目標係blue lable 同埋fancl. 點知蕩失路, 問人先知點行, 去到fancl, 都真係好大間. 5,6層樓高, 但係已經見唔番前兩日o個個package, 又無咩特別想買, 所以咩都無買!!

之後行o左去blue label, o係o個度就真係大出血啦!!! 我買o左個, 同埋買o左個比您媽咪, 但您媽咪既手信都係我地o係食野度慳番黎既, 都唔錯呀!!!

跟住好努力咁搵下有無Melody買,行到好"支力"都搵唔到, 所以就番酒店啦, 去到酒店附近有D肚餓啦, 搵o左間轉轉轉壽司食!! 之後番酒店沖涼, 就要開始pack 行李啦, 聽日就返香港啦!!!!

>>July 12, 2006 at 4:27:34 PM GMT+8

2006 年 6 月 26 日 星期一 【晴】

日本之旅 DAY 3 瘋狂掃貨日

今日一朝早早餐都唔食住就走o左去 Comme 買衫買裙, 因為happy price, 驚無貨!!!
之後去o左Danny's度食早餐, 好好味!!! 然後搭JR去上野!

一去到上野就比一間專買玩具既舖頭吸引住, 有成七八層樓高ga!! o係裡面您買o左d野比自己, 同埋買o左d 手信比人tim!! 之後去到一d好似花園街咁既舖頭, 您o係其中一間舖頭睇中o左對波鞋, 都諗住買ga la, 點知o係隔離舖頭見到對仲好d既, 所以o係第一間舖頭無買到!! 為o左唔好咁"監"介, 我地無即刻走去隔離買, 出去行個圈, 睇下其他野先!!! 之後去o左間叫London Sport 既運動舖, 我一去到已經買o左兩件波衫, 之後補倉買多3件!!! 哈哈!!!! 您都有唔執輸, 都有收穫, (諗住七十蚊度已經唔貴, 點知仲有半價tim, 抵!!!) 買完之後返番去買番對鞋. (隔離舖頭個對) 我都買o左對, 但您正d, 您個對係三葉adidas(日本版), 而我個對就唔係三葉啦!!!

由於趕住o係淺草坐班觀光船去台場, 所以買完鞋之後就o係上野係咁意睇下其他野就坐TOKYO METRO 去淺草啦!!!

去到淺草, 就走o左去雷門到睇下, 無咩特別, 就係得個好鬼死大既燈籠lor!!! 之後o係o個度行o左一陣, 買o左波子氣水, 一塊新鮮既旺旺仙貝(大塊咸味既), 同一串串燒草餅(好彈口,得兩兄弟), 由於o係o個度無咩好行, 就走o左去幫阿旦買犬印袋, 好快就搵到, 完成任務後.就走去搭觀光船到台場, 上船前有d肚餓, 每人買o左個麵包食!!!

o係船度睇風景又係另一番味道, 都ok 呀!!!途中經過傳說中既彩虹橋, 傳說即係傳說, 同現實係有d出入,大約一個鐘就去到台場, 見到一個仿製既自由神像, 之間去o左一個商場入面搵野食, 最終搵o左一間今次旅程最唔好食既一餐, >.< .........又於食唔飽既關係, o係呢間商場行o左一陣之後, 走o左去food court(真係激死, 之前搵黎搵去都搵唔到野食, 而家先搵到個food court)到食o左碟八爪魚丸同一杯雪糕!!

之後去o左另一間商場買blue lable, 呢個商場個天花好靚ga, 仲有一個好正既噴水池, good!!!
o係blue lable 您好似揀唔o岩, 但係o係我說服下, 終於揀到一個, 更係啦, 專程黎買ga ma, 點可空手而回ga!!!! o岩唔o岩先?

買完之後都入夜啦, 台場個夜景好靚, 但係由於lunch 既經歷, 我地決定出返去先食dinner!! 最終我地返到池袋食Sabu Sabu, d牛肉好好食, 最神奇係您話要食飯, 簡直係奇聞!!

之後就返o左hotal 睇波啦!!!!

>>July 12, 2006 at 5:46:06 AM GMT+8

2006 年 6 月 25 日 星期日 【晴】

日本之旅 DAY 2

原本諗住8點正起身, 但係好眼訓, 終於9:30先出門口!! 到o左街口間餐廳 LOTTERIA 食早餐, 質
素一般.

之後出發去Hello Kitty Land!!
路線:
JR: 池袋(我地住o係池袋) -> 新宿
京王線: 新宿 -> 京王多摩xxxx(日文,唔識打) 京王線有分特急, 準特急, 急行,快速 同各停!! 分別係停站既多少! 去程唔識, 搭o左快速(都唔算慢), 回程要搭特急呀, 快好多ga!!!!

去到有少少雨, 但係您都係要淋住雨影相!! 好彩, 入到去係全室內既, 都好d, 入到去睇到就黎有show 睇, 以為有Melody, 點知得kitty, 失望!!!! 之後行下d shop, 最終搵唔到我地要搵既野, 又失望!!! o係度係咁意都要買d野, 都叫做有收穫!! 晏d, 再睇多一個show, 終於有Melody 同 Kuromi, 個show 都幾得意呀!!! 睇完都好晏, o係裡面搵唔到有咩好食, 出o左去搵野食, 誤打誤撞又搵到d好野食, 個名好以叫"牛丼", 係d生既免治牛肉飯, 開頭見到都唔知食唔食佢好, 但試o左之後, 真係停唔到口, 真係好好味, d牛肉好鮮味, 又甜甜地, 好好食!!!!! (但係食飽都真係有少少驚會肚痛, 唔係怕唔衛生, 係驚自己食唔慣!!) 食飽再入過去, 睇埋最大既show, 係大集合, 即係全部sanrio 既卡通人物出晒黎表演!! 最終主角都係hello kitty!!!

行完晒之後, 我地搭京王線去新宿, o係新宿都係行下d商場, 由於琴日已經行過新宿,所以無幾耐就去o左涉谷, 我地去o左Gap度買o左好多野, 都係我收穫多d, yeah!!!! Dinner 就o係涉谷搵o左間轉轉轉壽司食, 好味呀, 雖然三文魚無香港 d 咁正, 但係可能係因為即時o係我地面前握壽司既關係, 味道係好d, 感覺新鮮d咁!!!

今日都係無咩收穫咁返酒店!!! 聽日要努力呀!!!

>>July 10, 2006 at 5:16:28 PM GMT+8

2006 年 6 月 24 日 星期六 【晴】

日本之旅 DAY 1

今日5點就要起身, 因為要趕8點半機, 一定要搭到第一班A10,
我地唔洗7點就到o左機場, 嘩!! 好多人check in 呀!!!
到我地check in 先知"閉"!, 第一次搭西北,唔知要上網劃位, 無計, 去程要分開坐!!!
之後我地去食早餐(大力水手), 買埋雜誌同calling card 之後, 無幾耐就要上機啦!!!

唔洗4個鐘,就到o左成田機場, (呢4個鐘好悶呀!!! >.<) 入境都係用o左好多時間!! (但係個海關以為我地掉轉o左個passport lor, 攪笑!! "This is your????" 個海關超攪笑!!)
一出到去就見到買火車ticket 個counter, 仲唔洗點等tim, good!!! o係火車(京成本線特急)度, 見到沿途既風景, 好得意, 好有日本卡通feel. (因為近郊區, d 屋好似大雄住o個d咁!!) 終於5點左右已經到o左酒店, 放底d行李就走出去行街啦!! 梗係啦,唔好晒時間 ma!!

由於好肚餓既關係,(個飛機餐好難食!!! :D~) 一去到個shopping mall 就搵野食, 誤打誤撞搵到一間好好食既麵擋, d冷烏冬好好食!!(我地唔識講日文ga, 好彩您識抄日文, 叻!!!) 食飽之後就繼續行街街!!

先o係hotal 附近行熟d地方先, 都無咩特別, 但有d野感覺真係好新鮮!! d舖頭好似好細 (好似Sa Sa 咁), 但有成4層高,仲要無lift tim!!! 夜晚搭JR山手線落o左新宿, 睇住本書四圍行, 今日無咩收穫, 晚飯o係松屋食, 好似吉野家, 但係要o係自動售賣機到落order, 都幾特別, d 牛肉飯同吉野家個d一樣咁 "so" , 味道都算ok 啦!! 之後去o左100yen 店度買o左d零食就返酒店啦, 都行到11點幾, 好"支力" 今晚仲要睇埋場波先訓, 聽日再努力行街街!!

>>July 4, 2006 at 4:57:19 PM GMT+8

2006 年 6 月 23 日 星期五 【晴】

聽日出發啦!!!! 東京我地黎啦!!!

>>July 12, 2006 at 5:57:13 AM GMT+8

2006 年 6 月 1 日 星期四 【乍寒還暖】

近黎您有d唔開心, 都真係有d擔心, 點都好, 我撐您!!!

>>June 2, 2006 at 6:10:27 PM GMT+8

2006 年 5 月 25 日 星期四 【晴】

考試成績出o左啦, 都ok 呀, pass 就得啦!!!

yeah!! 畢到業啦!!!!

>>June 2, 2006 at 6:08:06 PM GMT+8

2006 年 5 月 23 日 星期二 【陰】

笑話黎ga, 但都幾有意思:


豬的愛情

從前有兩隻小豬，整天過著無憂無慮的生活，他們互相相愛著。每天主人送來吃的時候，公豬總是先讓母豬吃,等她吃飽了再上去吃母豬吃剩下的東西，每天晚上公豬總是給母豬放哨，他生怕主人乘他們熟睡時把母豬拉出去宰了。


日子一天天的過去，母豬日漸長胖，而公豬則一天天瘦下去。有一天，公豬突然聽見主人在跟屠夫商量，要把長勢見長的母豬殺了給賣掉，公豬傷心至極。於是從那天開始公豬性情大變，每當主人送吃來時公豬總搶上去把東西吃的一乾二淨，每天吃後便躺下大睡，並且告訴母豬現在換做她來放哨，如果他發現她沒放哨的話就再也不理她。


漸漸的日子一天天過去，母豬覺得公豬越來越不在乎她，母豬失望了，而公豬還是若無其事的過著安樂日子．很快一個月過去了，主人帶著屠夫來到豬圈，他發現一個月前肥肥壯壯的母豬瘦的沒剩下多少肉，而公豬則長的油光發亮．這時的公豬拼命的奔跑，想引起主人的注意，表明他是頭健康的豬。

終於，屠夫把公豬拖出豬圈的那一刻，公豬朝著母豬笑著說：『以後別吃這麼多！』母豬傷心欲絕，拼命的沖出去，但圈門被主人關上了，擱著柵欄，母豬看著閃著淚光的公豬。

那晚，母豬望著主人一家開心的吃著豬肉，母豬傷心的躺倒在以前公豬每天睡的地方，突然她發現牆上有行字：


『如果愛無法用言語來表達，我願意用生命來證明』！

母豬看到這行字肝腸寸斷，人類聽到這個淒美的愛情故事也無不為之動容，女孩們為了紀念這段愛情，同時也表示沒忘記公豬臨前的遺囑『以後別吃這麼多』，開始


流行減肥……

>>May 24, 2006 at 6:06:53 AM GMT+8