Showhappy.net - Members diary

日記

日記主簡介

<< 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 >>

2008 年 2 月 2 日星期六【乍雨乍晴】

火牛其實已經買了, 四百元正。(當然不是在那間零服務態度買的~)
不過近期太懶(冷)啦, 日記仔都打不了。
(我這些沒有血氣的人, 手指腳指老早已凍僵喇)
暖水袋已經成為身體既一部份,
地毯都買了, 家中的暖爐亦已插了拖版, 電線長度足夠令我去邊, 佢去邊。
誰說外國回來的不怕凍?!!
我在那邊五年都沒有這麼冷過...
外出的話還好, 不太覺得冷, 但在家的話...這兒冷很多。
中央暖氣不在話下, 香港家鋪的階磚才最要命...
厚厚襪+厚厚毛毛鞋都敵不過...

不過...天氣冷冷加上早上五,六時的雀仔叫聲, (當然唔係咁早起, 係未訓)
令人有點懷念在英國的日子。

近期哄動全城既相, 一睇已經唔信係移花。
再睇埋英皇既反應, 就如同宣佈d相係堅既!
阿Gill小姐巧慘, 慘在阿Sa小姐被記者問信唔信d相係真既時候,
佢竟然連一句例牌老土既「唔信!」都唔肯講。
不過又難怪, 我覺得全件事最無辜好似係佢。
不停被人要佢回應d唔關佢事既野,
仲要過時過節登台唱歌拍廣告代言人等等搵錢機會都冇哂。
如果阿Gill小姐退出的話, 會唔會有Sun Twins呢??

re: Vannie, 但CU應該過千喎!
對雙失黎講, 呢個興趣好似有d貴...

>>February 3, 2008 at 1:20:24 PM GMT+8

2008 年 1 月 27 日星期日【乍雨乍晴】

這幾天都沒有寫日記,
自家的PC用不到啦...火牛燒壞了,
但又不太習慣用媽媽的電腦。
前幾天跟麥生到旺電打算配一個,
全商場就只有一間店有售, 盛惠$580!
五百八十大洋買隻牛?? ((猶豫不決))
跟店主說諗諗先, 打算到別的地方看看再決定。
最重要是店主的服務態度我覺得有點問題。
(service這方面我一向都很介意的...)
就像前幾天跟媽媽買傢私,
店內展示的是張三座位有腳踏梳化,
打算問問sell屎小姐不要腳踏&兩座位的話幾多大洋?
那位sell屎姐姐(其實是太太, 40+)竟然望一望我倆,
「你預佢都唔平架~」
「............」
「唔要腳踏我估都係平得幾百蚊架喳~」 (你估?!!!)
「............」
「都唔平架~ 冇腳踏兩座位都要幾千蚊架~」
「你而家去唔到check價架?!!!」(我覺得當時冇講粗口真係好乖)
不停好似睇屎你唔會買得起, 不停話都唔平架, 都幾千蚊架...!
鬼唔知冇腳踏唔會平好多咩?!! 咁都要俾個實價我架!!
同阿媽講買都搵第2個sell屎, 唔會搵佢落單!
不過因為嬲嬲地大聲左D, 佢聽到後就稍微轉下態度, but its too late。
第二日返去落單, 都係同第2個sell屎買。(最後還是選了三座位有腳踏的。) =.="
anyway真係好mind service呢樣野, 自問是有禮貌客人, 要我beg你咁, 唔洗錢我都唔會要!

點解香港都會咁凍既??

re: Vannie, 無記錯應該係TST上,
但我黎緊有interview, 過埋先睇下星期日洗唔洗返...
佢開班前一日都可以補名的。(唔full的話)
除左工聯會知唔知仲有邊度有得讀呀??

re: LionDog, 我肯定你放半年假之後就唔會再咁講!!
工聯會係咁架麻, 邊有可能俾小小錢有個professor黎教..不過唔知邊度仲有得讀呀..
btw, 唔洗睇Wii價喇!! 我好乖呀~ 麥生話送俾我(連LCD TV tim呀)我都唔要呀~~~ 勁乖~
唔知點解每玩一次就越覺得Wii唔好玩, 擁有慾就會少左....now近乎零喇...

>>January 28, 2008 at 4:01:31 PM GMT+8

2008 年 1 月 21 日星期一【炎熱】

因本小姐跟麥生對旺角的感覺都不太好, 但又很想去買冷...
籌備已久的旺角之旅今日終於立定決心成團。
先到花園街買冷...成功。(雖然算不上心頭好...)
事成後繼續閒逛, 竟然有一鞋檔標明鞋碼最大43!
開心大發現, 買了一對靴~ ^^/
其實我都唔肯定好唔好睇的, 塊鏡睇唔清, 最後聽麥生說話 → 買啦~
其實問佢十樣, 十樣佢都會話買的...特別是在此人不太習慣行的"街",
如果在shopping malls內的鋪頭問, 他會多看兩分鐘才會作出決定→ 買啦! (雖然結果都是一樣)

繼續閒逛, 然後又買了一個袋! (當然又是「買唔買好?」「買啦~」的對話下促使的...)

到第三檔, 賣皮帶的, 沒有標價,
選了一條很普通很普通的問價錢, 與麥生被望了兩眼然後說$59!
WHAT?! 你當我遊客呀...?! 花園街$59我買條褲連皮帶啦!
連麥生都立即拉我走說被抬高價了...
(連麥生都feel到, 可想而知檔主的行為完全當我是條水魚...)
事後在別間看到一模一樣的標價$39...

花園街後到了潮流特區, n年沒來過, 很多鋪頭還是一模一樣的呢。
想起跟寶寶中學的日子, 那些有10蚊會用9蚊買無謂野的日子。XDD
跟麥生算是選好情侶表了, 不過還沒買,
買了就短期內都不想轉, 還是再三想清楚比較好。

接著潮流特區後的景點是女人街。
今天明白為什麼遊客多數都喜歡女人街比花園街多一點。
女人街真的比花園街有特色得多, 貨品亦都較合西人口味。
「嘩~ 你睇下呢d貨, 真係佢地d鬼會好鐘意架!! 咁識入貨既??」
「阿豬...人地做左幾十年鬼佬生意架喇...」
係喎...我自己都只係過左去五年都知佢地鐘意咩啦...XDD

尾站到新世紀, 為的是貼紙相。^^
今次的是超大頭超高清, 不過很喜歡很喜歡。
有機會再拍低才再upload吧! (不過那麼麻煩,機會應該不大囉~ XDD)

是日旺角之旅完滿結束。
天氣清涼, 沒有敏感, 未放學未放工全日人不多, 還買到了42號的靴!
其實旺角都有可愛的一面, 只是好像比較難遇到。

哪位朋友仔有Adobe Professional啊??
我的是reader, PhD份form改不了...
(不要叫我去官網dl trial...要填form做memeber很麻煩...><)

re: Vannie, 你讀咩科關咩樹...我讀個科都冇關係啦...
你係會返足先好...一堂三粒鐘架, 你咪線我...

re: Rebecca, 出到牌先算啦, 你個屆放多左成倍人出黎攪到CU人冇得撈,
你去買返我今次份卷做下你就feel到佢今次一定唔會咁易放人出牌...
你個度請唔請sa呀~ btw, 前幾日先同麥生講起想搵你&嘉嘉食飯...
原來唔經唔覺已經有年半冇見過佢啦!! 我仲未係香港見過佢呀!!

>>January 22, 2008 at 7:16:38 PM GMT+8

2008 年 1 月 20 日星期日【炎熱】

在家休養。
灘在床上想想想。
肚痛可以食藥, 咁支力呢??
如果我可以發明一隻藥可以食完唔支力就好喇!
或者我既PhD應該潮住呢個方向....

雞翼人, 失約了一月份之飯局...sorry!!
都唔知點解咁邪....上次12月的又係咁...
上次沙田面青都可以仆出黎...今次TST真係唔得喇...
我真係好想好想好想好想十萬個想join的...好想食北京填鴨..=[
還會再去麻??

re: Vannie......下..? ..你講堅定流..?

>>January 21, 2008 at 4:20:28 PM GMT+8

2008 年 1 月 18 日星期五【颳風】

跟麥生tea buffet@Excelsior。
吃了第1 round後已經沒有意欲再出去。
人多是其中一個因數, 另外是食物...am i 飲茶ing?!
結果打後每一round都是由麥生出手, 乖乖地坐定定食飽就算。^^"
如果唔信邪要試的話, 訂檯記住要坐望海景那邊, 至少有個view望下...
臨走到WC竟然撞到麥生之家人...是全家。
想起跟舒舒的經典版緣份遊戲...被跟蹤乎?

tea後跟麥生坐車到元朗。
是晚麥生之友人「新屋入伙」x2。
兩人都買了Yoho Town, 不同座。
被線一鑊.......竟然有三隻貓一條狗......
結果當然是敵不動我不動!
唯一慶幸是味道比我預計的淡, 甚至比別人養一隻的還要淡。
不過最好還是不要有下一次..

差不多十時就閃人啦, 到灣仔join剛剛飲宴完畢的爸爸媽媽回家。
爸爸說: 都係旅行結婚好喇!
冇意見。
因為他之前曾說過結婚一定要擺酒的......
三月又有阿豪表哥結婚啦~ 睇下到時佢又有咩見解先!

>>January 21, 2008 at 3:48:29 PM GMT+8

2008 年 1 月 17 日星期四【乍雨乍晴】

跟媽媽麥生亮少盈盈到科學園飲茶。
飯後一同到CU拿PhD的申請表。
沿途不停跟麥生概嘆說在這兒就算是final yr的學生都比我年輕...><
忍不住問了n次: 會有人以為我是這裡的學生嗎? 其實我同佢地差唔多0者 (repeat x n)
一路行都找不到Academic Building, 隨便找了兩個(我想是yr 1吧?)的男生問問,
被熱心的帶路, 更被問到是否為報Master而來。
呵呵~ 即刻心花露放徐四萬上身心諗: Master? 讀完啦~ 野都做左一年喇~
yoyoyo~~~ 仲呃到人可以扮fresh grad!! ^^/
然後再被問到是否報讀Maths的PhD..........啞左...
Mad屎我讀到中三都嫌多....

form終於都拎左, research field都揀好。(99%不用劏老鼠的!) ^^
其實之前爭扎過究竟應該在那裡讀PhD比較好...
考牌前曾經被Croucher Scholarship吸引過..
是個給香港永久居民 + first hon in master + apply DPhil in science的獎學金。
資格符合, 不過要到Oxford讀...
牛津是很吸引, 不過始終不能下定決心離開香港...
就當我短視吧....再離開香港4年真的做不到...而且很不想再繼續full time讀書四年...
(註: 跟麥生無關的, 此人是最想回英國讀PhD的一個!)

btw, 想解答一下麥生這個一日Kong U人, 終生Kong U人為什麼會報CU而不是母校的PhD呢??
(這個人誇張得連大學火車站都說不喜歡!!!!!)
原因是港大PhD今個月尾就截止了~
等英國的references寄回來是趕不及的啦~
(註: CU截止日期為二月廿九日)

原本打算報三月工聯會的心理畫分析班的。
(那些叫小朋友畫屋,樹,人, 然後再作分析那種)
不過被麥生勸說等下季先再報...
他說本小姐三月時會做什麼工還未知道, 到時可能要返shift時間會不合,
而且我學完之後一定會捉佢畫俾我睇..然後自己亂諗野..然後嬲左佢..(下刪八百字)
絕對是無言...我覺得呢個係佢想我順延既主因...
anyway, 我想問既係 → 今季有朋友仔有興趣想學嗎?? (那我就可以有籍口三月去學了! XD)
[3月2日開始, 6堂, 逢星期日, 1900-2200, $460]

>>January 18, 2008 at 5:42:54 PM GMT+8

2008 年 1 月 16 日星期三【乍雨乍晴】

今早心情仍然很壞。
幸有麥生送來姑姑力打氣。=]
相片是從官網copy來的, 懶得upload。^^"

是最愛的黑朱, 有80% & 90%。
喜歡黑朱的苦, 喜歡它味道雖然苦但又會令人覺得有點甜。
喜歡他最苦的時候都會有甜的味道。
在英國的時候麥生買的多數都是Godiva, (他是忠實fans),
但本小姐偏喜歡平民一點的Thorntons。(激得麥生半死!! XDD)
雖然香港沒有Thorntons, 只有Godiva,
但每次經過我都會忍不住說句"我都係覺得Thorntons好味D~~~"
然後麥生會激動還撃大讚Godiva有什麼什麼好的。 (早說了他是忠實粉絲)
今天吃的Royce, 我之前未聽過, 吃更是第一次。(竟然只有我未聽過...)
唔...又多一間比Godiva好味的了。^^"

是晚二姑媽&美絲伉儷來晚飯。
看到了千柔表妹的相片。
小朋友大得真真真快!
每見一次都變很多, 學懂了很多!
希望新一年我都可以學懂更多, EQ可以上升得更多...

20/12-22/12之日記仔已經補了。
迪迪尼的相都upload了。
應該不久的將來就可以全部補回了吧?!

心情好了很多, thank you babe! xxx

re: LionDog, 我寧願有野做!!!
每日都send CV等email等interview一D都唔好受!
最討厭interview!! 最憎要去一個唔熟識既地方同一班陌生人介紹自己!
請我呢d人最好架喇, 一定會俾心機做好份工, 唔會跳槽唔會辭職。
好似政府工咁, 一做就做四十年先退休唔撈架喇。

>>January 17, 2008 at 5:49:08 PM GMT+8

2008 年 1 月 14 日星期一【乍雨乍晴】

呼~ 好凍~
唔慣係屋企都要著幾件衫, 結果凍到打冷震。
快d買返張地毯先!

btw, 有人今日帶左頸巾喎~
好呀! 如果你一年有多過一星期帶到頸巾既話我就織啦!

facebook已經被丟棄了...

>>January 15, 2008 at 4:22:34 PM GMT+8

2008 年 1 月 13 日星期日【颳風】

跟媽媽到佐敦與carol lunch@富田。
那碗魚生飯等於我五日所吃之飯量...
飯後麥生加入閒逛, 先逛TST, 然後再逛Elements。
在Starbucks小休, 竟然很快就睡著了...
幸好坐在角落隱蔽地方, 其他客人應該看不到,
不過醒來後麥生告知是有CCTV對到正的.....好樣衰...
wkdays逛街真的很好, 再加上是Elements這些本身人流已經不多的商場, 很舒服。
雖然感覺上elements內食肆比時裝店還要多, 但反而有收獲! good~
飯後再meet爸爸, 徐二小姐, 亮少, 威少到好時吃飯。
無錯~ 又係食好時~ 佢d海南雞飯深得人心麻~
不過冇帶相機冇影相...nvm la~ 應該好快就會再食的了!
去開尖東就去試下啦~ ^^b

在英國的時候買了一條頸巾給麥生, (因此人一直都想要溫暖牌頸巾乙條),
不過英國買不到合適的冷, 而且final yr根本都不會有時間為他織什麼
回香港後曾被追討過, 不過回來後英國買之頸巾麥生都冇帶過, 即唔凍啦~
今天跟媽媽買冷的時候, 又被重提了..

「織完你都帶唔到, side哂我d心機!」
「點會帶唔到啊??」
「買果條你返黎咁耐都冇帶過!」
「咁香港都冇凍過點帶喎...」
「冇..凍..過...?!!」

我諗要好似英國咁佢先會叫凍...Scotland咁佢先會叫寒...

>>January 15, 2008 at 4:14:47 PM GMT+8

2008 年 1 月 12 日星期六【微冷】

與麥大姊&麥生逛新港城。
原本是幫媽媽買是晚打邊邊之牛肉&丸sss的, (新港城街市d芝心丸好好味架~)
逛完街卻去了元綠吃tea, 今日之元綠還要超新鮮, 比預計吃多了n件...買料後再回家打邊邊。
始終堅持打邊邊都係要用一丁做ending, 邊爐湯底+公仔麵是無敵的!! ^^/
結果飽得連甜品都吃不下。=.=
飯後與爸爸媽媽亮少盈盈&麥生一行六人大戰大富翁。
太刺激要不停殊殊殊怕被隔離投訴會超樣衰..
都唔明點解裝隔音玻璃窗但又唔裝隔音大門......
咁有咩用....=.="

商場既聖誕花已經換左做菊花。
聖誕老人亦都變左做一盆大桔。
咁快又就黎新年喇!!
好彩未結婚, 對新年仍然有期待! XDD
喜歡跟一班親戚過年, 喜歡過年可以有好多BB玩! ^u^/
諗到已經好期待喇~ =]]]

>>January 15, 2008 at 3:36:58 PM GMT+8