Showhappy.net - Members diary

日記

日記主簡介

<< 126 127 >>

2003 年 9 月 7 日星期日【酷熱】

今日起身之後就去左city上堂, 兩點半堂, 應該就早d去好d既, 我兩點三去到, 已經見到有一位同學仔準備好哂聽書咁既款, 上一堂佢又係咁, 於是我就問佢你地幾點鐘上堂架?? 佢話兩點半, 跟住我就問佢, 你今朝有堂呀?? 佢話唔係, 星期一得呢一科. 終於我都忍唔住問佢咁你咁早返黎做咩..? 佢話預早d喎.. 已經讀到year 3喇, 仲每一次返學都會預早半粒鐘返..抵你入到U既!! 呢位同學既態度好positive, 好值得我地學習! 同個d遲到不如唔好返, 去到門口都走返返屋企再訓過既真係冇得比! 今日我用學生身份去聽書, 真係好舒服~ 係香港讀書實在太幸福喇~ d同學仔話住city個hall大約係$4800住17個weeks, 即係$280一個week到, 我就即刻話超抵啦, 但係佢地就好不滿咁話人地poly個hall貴少少有plasma電視架!! 唔係掛..我個hall$600一個week.. 17個weeks要$8500連黑白電視都冇喎..!!!

上完堂之後去左旺角睇鞋, 由於阿基少話新款靚d既關係, 我就決定左買新款喇, 無理由問完唔聽架麻..雖然我成日都係咁,得個問字.. hee.. 不過今次諗住聽一次, 因為我已經唔想再問Mabel or 阿生既意見, 佢地永遠都特登揀最醜怪既款叫我買...好冇品既朋友仔....所以我都係唔好再同佢地一齊出街買野好d喇!

睇完鞋之後就再join埋阿俊食飯, 我地食大魚豐作, 諗唔諗到旺角既大魚豐作係邊呢?? ..燈..燈..燈...炖...就係新世紀5樓一個類似美食廣場既地方喇~ 同沙田個間差勁遠! 呢間野好邪呀~ 買野食個陣無啦啦我既左手隔離多左d野!! 你估下多左d咩?? ...係......係多左張一百蚊紙呀!!! 我應該俾左張一百蚊紙個收銀先岩架..我係右手俾佢架..但係係佢找錢俾我既同時, 又有張一百蚊紙係我既左手隔離喎..真係無啦啦架..之前都冇既..如果我冇俾到錢個收銀小姐, 咁佢又點會識找幾多錢俾我呢?!?? 我同阿基係度諗會唔會係之前d傻佬豬頭炳呢?? 諗諗下之前買個個係阿俊黎架喎..雖然聽落十成十會係佢..不過佢都岩數..本來諗住繼續估落去架, 不過俾阿基嚇一嚇..死人頭叫我check下係咩銀行黎既..我就唔想再估落去喇...本來諗住去食TCBY用左佢架..不過我地諗爆頭都諗唔到旺角邊度有TCBY....於是阿基少就去問個食蕉啦.... 唔知係咪個食蕉坐得太偏僻既關係, 平時冇咩人經過, 佢居然問TCBY係咩黎既.. 我話食雪糕架囉.. 佢就問返我係咪最低個層金龍船對面個間.. 其實個間係Hagen Daz.. 我地見佢唔識就話唔該哂,跟住走人啦, 唔知係咪真係太僻, 冇咩人問野既關係, 佢俾左d好詳盡既資料我地, 又話個間好貴, 又話士多啤梨味點點點.. 咁好既服務態度梗係係屋企背劉德華廣告啦~~

食完飯之後就上左阿女麻到, 傾左一陣計, 俾人點下, 食下生果, 十一點半就閃喇, 因為有d人要好早訓架麻..!! 原本諗住搭巴士架, 不過諗諗下驚冇尾班車, 就去左搭亡命小巴, 排隊既時候, 前面個男仔問我唱兩個五毫子, 我心諗點解而家都仲唔用八達通架.. 唱完之後我就諗住繼續聽返我既md啦, 點知佢又問我一個好難答既問題..."我想問下你呢, 等車通常等得耐唔耐架?" 雖然聽落好似好正常, 不過我個陣真係嚇左一嚇.. 等車..我未試過覺得快架囉..話明要等.. 我話"下..應該好快有架喇!" 佢好似傻傻地咁..講完之後我都有驚過佢一陣會唔會捉住我話"又話好快既?!?!" 好彩講完之後已經到我地上車喇, 上到去得番最尾個兩排雙人位, 佢企係呢兩排既中間唔知點咁, 我就坐前d個一排啦, 跟住佢就坐左落黎喇. 好似識得咁, 佢問我要幾耐先返到馬鞍山, 我話四個字掛..佢仲話佢住馬鞍山咁耐都未搭過呢d小巴喎, 仲有問我幾點鐘有得搭, 不過佢講野好細聲, 而d亡命van既摩打又起勢咁嘈, 每一句都至少問左二點二次我先聽到.. 佢仲有話我好面善,問我係咪住錦風, 我就望住佢諗下我係邊到見過佢啦..不過都係諗唔到..連錦風係邊我都諗唔到.. 於是我就聽返我既md, 然後佢又問我野, 唔知點解我答完係呀係呀之後先至記得我都聽唔到佢問咩野....於是我答完係呀係呀, 之後一陣就話"你問咩呀?" 佢好惡然咁望住我定左兩秒再問多次, 唔知佢覺得我係傻既定係覺得我玩野呢..佢冇再問我野lu, 而我就打左俾VaNNie喇, 費時佢問野我聽唔到既話又以為我玩野... 落車個陣佢同我笑一笑, 我地仲講bye bye tim.. 好似平時我同Mabel返屋企咁.. 落左車之後先後悔唔記得問佢讀邊間小學..可能會係小學同學..我個樣都冇變過..認得都唔出奇..

今日本來諗住問Mr.串燒拎野架..不過因為琴日半個鐘就衰左三次係佢細佬手上..我有d陰影...都係等佢細佬唔記得先啦...太瘀喇... 唔知佢細佬好唔好記性呢...d野我聽日想借喎..........

P.S. 今日食飯食得好開心~~ 好似細細個個陣咁~ ^^
P.P.S. 收到二豬個好sweet,好滾動既msg既時候, 一路睇一路笑, 好似個傻婆咁..hee..
P.P.P.S. VaNNie, 我今日寫左咁多, 係咪可以當兩日, 聽日唔洗寫??

>>September 8, 2003 at 7:44:19 PM GMT+8

2003 年 9 月 6 日星期六【乍寒還暖】

今日又係好早起左身喇~~ 朝頭早去左返日文, 之後就出左中環返工, 然後再去新城市食晚飯. 雖然初頭被弟弟同吳小森放左飛機有d唔開心, 不過食飯個陣都好開心呀~ 有MaBeL啦, VaNNie啦, 楷楷啦, 家俊啦, 唔準威啦同埋好耐冇見既阿華. 如果LionDog都join埋就好喇.. 不過佢都係可遇不可求架喇..) 今晚我地去左連城新開個間元綠食, 之後就去左有士多啤梨啦, 蜜瓜啦, 西瓜啦...等等等等(其實可以叫雜果既)個間糖水鋪, 好似叫什麼健康工房... 不過因為要留肚同埋咁大間糖水鋪都冇西米既關係, 揀左好耐都唔知食咩好.. 最尾係中招俾楷楷點左我揀什麼蘆薈果凍.. 其實諗真d, 連楊枝甘露都話唔好食既..咁怪既口味真係唔係好應該相信佢..楷楷, 你食慣竹都係唔同d架喇..!! 今日大家都冇咩點變呀~ 一樣係咁圍攻我..玩針對..唉..人善被人欺.. 如果阿森係度就好喇..

今日好似都冇咩特別事..唔..都有既..其實由中環去新城市, 我係好明顯俾阿娘點左我去搭182既.. 我都好奇怪架喇.. 都有問過下弟弟架, 點知... 真係信自己好過囉! #$%?@!& 好彩楷楷問我係邊到，搭咩車喳..唔係今晚餐飯都唔洗食喇! 落左車之後諗住搭的士架..但係又唔知搭邊邊好.. 唯有行過去啦, 但係搵極都搵唔到條沙燕橋喎.. 於是再問阿娘啦..(無得揀,因為同佢講緊電話) 佢居然夠膽死話條橋係第一城隔離!!! 鑊鑊都係咁! 亂咁ｕｐ講到好似真既咁!!! 又唔話俾人知原來唔肯定架喎!!

係大圍買左十五蚊五十枝螢光棒以為好抵, 點知個個都話十蚊就有喇....... 等我仲揀左咁耐唔知買燈籠好定螢光棒好...燈籠十蚊喳..仲有米奇老鼠呀!!!!!!

原本話今日出糧架..不過影又冇, 電話又冇... 如果聽日唔出既話, 下一堂唔返~

Mr.串燒, 你估個Tiramisu幾時先會成功呢?? 快d啦~~ 冇時間喇....!

>>September 7, 2003 at 4:47:57 PM GMT+8

2003 年 9 月 5 日星期五【雨】

妳既返工唔同我既返工麻!! 我返工要七點起身之後搭一個鐘車, 然後九點企到七點呀, 之後又搭一個鐘車..琴晚九點半先食飯呀, 食完都十一點喇, 再沖埋涼..勁晏..有十個支力呀!! 原本諗住沖完涼打番俾阿華都唔小心訓左喇..hee.. 我諗諗下都係以後我返工既日子可以免疫唔洗寫喇~ 咁就公平d~~

話時話, 你自己睇下隔離留言個度你打左幾多次八婆! 都唔知邊個先係八婆!!! 咁快知道係邊個留msg俾我!! 梗係Mabel講架啦唔洗問!! 你兩個呀越黎越似呀! 自從我走左之後無人睇住你地, 你地冇左個榜樣之後就又八又懶啦!! 成日都唔知醒又好晏先肯起身!!

今日係last一個星期六喇, 好enjoy訓得晏一晏咁, 一家人渾渾噩噩係屋企唔知做咩. 哈哈好正~ 不過仲有十日就返荒島喇..呢個week都約左好多人食飯..但係幾時先可以上到肥仔屋企呢..?! 都約左成個week有多喇..個個唔係拍拖就返工...好難約呀.. 仲有楷楷..我返黎個日見過佢一次喳.. 仲有羨敏,阿華同LionDog都仲未出現過... (>.<) 雖然今次個暑假都算係廿年以來最多野做, 算係最有意義, 不過諗落其實我見你地都唔係見左好多次.. 點解會咁架..我連K都係唱左三次喳..究竟我呢個summer做左d咩呢?? 仲有個半月灣同海洋公園又去左邊呢..?!

>>September 6, 2003 at 7:05:04 AM GMT+8

2003 年 9 月 3 日星期三【暴雨】

八婆..居然一早就上網Check我有冇寫diary..!! 我原本諗住今日寫番之後改左個日子架. hee.. 不過我琴晚真係好想寫架!! 但係返到屋企已經一點喇! 超支力! 咁人地要返工架麻! 唔似得你一個禮拜先番得個三日學! 琴日陪完媽媽食早餐之後就出左去返工喇!! 放左工又陪爸爸睇鋪,行到九點鐘先食飯呀! 做左三陪啦! 之前已經企左一日..不過灣仔個間稻香真係好鬼正! 完全係平靚正! 好彩識人喳, 如果唔係等位都等到傻..我地十一點幾走都仲有人等緊位! ..痴架! 不過講開又講, 我叫唔到妳起身最衰個個都唔係我, 係阿亮! 我叫左佢七點鐘叫我起身, 不過佢冇叫到, 所以你搵佢負責任啦~~原本諗住打俾你架,不過要用電話個陣先發現原來我冇帶電話...基本上呢,琴日冇寫係唔計既! 因為我成點先返到屋企,呢個係Technical Problem! 所以唔算!!

今日一開ICQ就收到一個有十個稀客既稀客留MSG俾我呀! 你地估下係邊個?? 仲稀過LionDog架! 女仔黎架~估下啦~估下啦~

真係超滾動!! 二豬佢仲肯自己提出同我一齊去買鞋呀! 經驗所知通常買鞋既話朋友仔都只會同我行一次架喳! 我都唔知點解我買衫買得咁易..鞋會咁難買架...

基於琴日太支力, 今朝冇人叫我起身, 而我又係岩岩醒就上網既關係, 所以今日都仲未有事要寫低佢..不過..今日都算寫左架!!

>>September 4, 2003 at 7:37:39 AM GMT+8

2003 年 9 月 1 日星期一【寒冷】

今日一早就起身出去返工!今日真係一早架!七點鐘就起左身~因為我知道今日會打風麻,咁即係會落雨啦,而我番左黎咁耐我把靚靚米奇遮都未用過,所以就好早起身出左去番工喇~不過點知今朝早一滴雨都冇既...

返到去冇耐我就收到電話喇..叫我今晚去佢屋企傾下下一堂既野喎..車..傾咩者..咪又係我一個人搵哂D資料俾你上堂用..跟住我話"下?打風喎!"..佢仲要話"係呀?打風呀?"..都唔知真唔知定假唔知..早幾日都講左啦..全香港都好難再搵到第二個唔知打緊風! 咁都仲未夠喎!! 仲要話"咁一陣睇下大唔大風,大唔大雨啦,唔大風唔大雨你就黎啦!" 即係話大風但係唔大雨or大雨但係唔大風都要去..究竟佢知唔知咩野叫做打風架?!?!?!!!!! 你係屋企等就緊係冇所謂啦!! 我橫風橫雨去搵你不特止,仲要拎埋D借返黎超大本既參考書..打風搭的士仲要Double架..都知佢份人係咁架喇,洗人唔洗本,都唔洗咁呀..?! 基於太煩兼且太無理,我係完全由頭到尾都冇諗過會去,而且就算我飛身撲去做好哂D野俾佢都冇用架啦..到時咪又係淨低俾我教..!

好! 嗔完之後就講番D開心野啦~~肥仔今日打電話俾我呀~~雖然應該係唔開心既,因為佢打黎係講遺言..不過佢打黎真係好驚奇啦! 佢又痾又嘔又發燒呀! 我原本以為佢打黎係想問我食咩藥好架..點知到收線都冇問過..我覺得佢係完全懷疑緊我既專業知識囉..佢話係霍亂喎..今日報紙都有賣呀!! 唔知肥仔個雪櫃係咪都係11度呢??

Vannie話如果個風掛到聽日就好喇喎.雖然我話我會祈禱佢聽日落波,不過其實我都想佢繼續既,不過妳講到話今晚要跳求風舞咁激咯,我都無謂阻你啦!! 哈哈, 我真係想見識下~~你今日跳左未呀?通常打完風都會好大雨..聽日返唔返工好呢???? 但係又要嗌醒個八婆Vannie起身喎..返唔返好呢??

睇黎Everlast對Boot都係買唔到架喇,唯有買番公雞啦..但係買舊版好定新版好呢??btw, 暈黎小姐,我嚴重警告妳,唔好再叫個對做雞鞋!! ...究竟買新版好定舊版好呢???

>>September 2, 2003 at 4:51:39 PM GMT+8

2003 年 8 月 31 日星期日【清涼】

今日係一號,所以就揀左今日開始寫喇.而且我都幾懷念九月一號呢個日子.同Vannie講話今日開始寫日記,佢話睇下我會寫到幾多日,維持到幾耐喎.. hee..我都唔知..不過我有信心我會持久過妳~~^^

今朝約左二豬係新城市食Lunch,食野之前我地行左好多間鞋鋪,因為我發現今日個look襯對啡色鞋有D唔對路..二豬第一次讚同我既睇法.(永遠都係咁,想佢贊同個陣又唔見咁聽話!!) 仲要話我對鞋好似Mickey Mouse..! 不過最尾都係買唔到鞋,就算睇中都冇我碼..好心灰..@@ 所以就放棄左,去左東東食野喇.其實去東東之前都去過好多間,不過都因為太貴,所以冇揀到.唔知點解而家D學生咁有$$既..?!?同二豬食飯既時候講番以前返學既攪笑野,真係好開心~~^^我都話左俾佢知我既新大計~就係返英國之後會開始on diet,下次返黎會比而家瘦廿磅!! 點知講完之後就俾佢識穿左..仲要話.."咁即係食埋呢個月先啦,下麻?!"

食完之後就好趕咁去左City...又俾人點..明明兩點半上堂, 約我兩點.. 但係自己就兩點半先到..等我仲咁趕..點完之後仲要整鬼我..教教下突然之間又話跟住落黎就到我Present..完全冇準備啦..過到骨之後諗住鬆一口氣..不過佢又話上完堂佢走先..個Tutorial我做...好...仲要搵埋下一堂要用既資料...

終於捱完四個鐘之後就打俾Vannie喇,我地行左一陣(真係好一陣)之後,我就買左支MJ蔗汁,因為我開唔到既關係,Vannie就好好人咁幫我喇...佢揀正又一城最多人既扶手電梯口幫我(係Total六條既扶手梯)...佢就緊係唔會令你失望啦...又做白痴野...我都唔係好清楚事發經過,只係知道佢又嗌左出黎,我望到既時候佢已經成手係喇...2003超狼狽look..
P.S. MJ蔗汁好甜!!

>>September 1, 2003 at 2:34:54 PM GMT+8