Showhappy.net - Members diary

日記

日記主簡介

<< 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 >>

2003 年 12 月 31 日星期三【乍雨乍晴】

HaPpY NeW YeAr!!! ^o^
新一年喇!! 肯定今年會好開心快樂啦!! 因為今朝一起身就發現個電話無事喇!! ^^ 果然係新一年新開始~ yEAh!! 新既一年希望大家都開開心心, 幸福快樂, 唔洗飲苦茶!! 一齊除舊迎新!! Y, 差d唔記得仲有最重要既身體健康同埋學業猛進!! um..做野既就升職加薪啦!!!

個電話冇事都係好彩我琴晚夠醒! 識得放佢係heater上面烘乾佢喳!! 哈哈~ 可以繼續同阿欣用情侶電話! 我諗全bradford得我地兩個用喳!! ^o^V 個電話回魂之後就睇返d msg!! 終於知道個d正方形sssss解咩啦!! 希望你地寫既全部都會實現啦!! 大家都要繼續俾心機做幸福人!! ^^

hea左幾日, 今日終於都重拾課本喇!! 不過都唔係咁專心..成日都好想去訓覺!! @.@ 我0個十個乖已經跌到去四個半喇!!! 仲有兩個禮拜, 不過仲有兩科掂都未掂過!! 希望遲d殺到埋身既時候可以開turbo啦!! 雖然明知唔夠時間.. 不過壓力其實仲未搵到...

今日全日都好high, 唔知點解! 除左睇到梅豔芳同馬德鐘既新聞之外!! 傳完馬德鐘同陳慧山之後又到胡定欣!! 仲話人地專登同個仔去買聖誕禮物係為左挽回形象!!!! 有冇攪錯?!!? #$%&^!*#!!!!! (我講寫0個個!!)

一月一號, 即係已經寫左四個月日記喇!!! 第一次咁成功喳!! 之前個幾次都好似係週記定月記!! 有訓導真係唔同d!!!

frost bite個位仲係隱隱作痛!! >.<" 希望聽日會好d啦!!!

Vannie, 睇到你個msg都估到d野, 再睇埋你個diary就更加證明我了解你啦!! 最緊要你開心, 你想點我都會撐你! 總之, 唔準你唔開心! 知--未??
車車, 睇你係咁數, 你數到打機打波我都已經覺得好出奇架喇!! 我係度諗:肥仔得閒,生生都唔會啦!! 只多咪肥貓! 果然你又係好頹廢咁過既~~ 哈哈~ 仲衰過我!! 仲有呀, 你係夜晚九點定朝早九點訓呀?! 你唔係訓足全日咁side呀?!!?

>>January 2, 2004 at 3:41:19 AM GMT+8

2003 年 12 月 30 日星期二【乍雨乍晴】

就係呢舊雪達左係我條頸唔肯走攪到我有frost bite喇!!!!!!!!!!

P.S. 張相有時會show唔到架! 係既話click呢度--> <<睇相>> 然後去買六合彩啦!

>>January 1, 2004 at 7:18:01 AM GMT+8

2003 年 12 月 30 日星期二【乍雨乍晴】

2003年~

一月 - 第一個係英國既考試!! 第一次係英國睇落雪!

二月 - 第一次負幾度踢人字拖落街!

三月 - 妹妹黎英國

四月 - 又一個月復活假!!同妹妹去Leeds, Manchester, Birmingham, London, Warwick, Greenwich, Cambridge, Canary Wharf, Nottinghill Gate, Harrow, Wakefield, Hull

五月 - 考試

六月 - 第一次去York, Liverpool(終於去Liverpool喇!!係去完n次Manchester之後!!) 等左成年終於返香港~~~~~ 第一次落機冇人接,仲要接人! 第一次用機場既電話同爸爸傾一個鐘電話!

七月 - 玩玩玩

八月 - 玩玩玩

九月 - 返英國...........!!

十月 - 最多clubbing既一個月!

十一月 - birthday!!同上年一樣..差

十二月 - 第一次過一個溫書既聖誕!! 第一次遲交卡數,俾銀行收利息!!!

>>January 1, 2004 at 4:53:05 AM GMT+8

2003 年 12 月 30 日星期二【乍雨乍晴】

琴晚同Shabs係McMillian hea到半夜兩點先返屋企訓, 今日起身已經兩點喇! 本來都仲未想起身住架! 不過見到門口有個白色信封喎, 咪即刻彈起身囉!! 一睇原來有包裹收呀!! (收掛號既話, 佢地會親手sip卡係門度話有掛號收, 唔係放信箱架!) 於是就即刻刷牙洗臉飛去reception拎喇!! 又係HongKongPost既米奇老鼠袋, hehe已經有好多個喇~ ^^ 我估頸巾黎架! 不過原來係冷帽喎!! 估錯左! 不過都好近呀~ Thankyou!! 除夕禮物+聖誕卡!! ^^ 一路拆一路行返hall, 等lift既時候就順便check埋信箱啦! 收到阿森既2 in 1卡呀!! 生日+聖誕!!! 遲左成個月既生日+遲左成個禮拜既聖誕!! 唔該大家記住英國係遲八個鐘! 唔係遲八日!!! 你又真係遲到好過冇到喎!! 仲要揀張寫住"明日復明日, 明日何其多, 但怎可忘記一年只有一次的..."好心你遲左成個月就唔好揀呢張啦!! 你係咪身痕?! 不過都好過你妹妹架喇!! 佢係第一個開始催我去check信箱架!! 佢個張聖誕卡都唔知飛左去邊!! 你遲左少少之麻~ 好好架喇! Hehe Thankyou呀!!

今年第一個同我講新年快樂既係串燒呀! 估唔到我都係第一個同佢講!! 之後就係寶寶喇! 到五點鐘先收到Vannie既電話啦!! 聽到就梗係要鬧啦!! 遲成個鐘先打黎! 不過d人話Jam哂線喎! 而且d人一打黎就連續講左n句我好掛住你呀!! 所以就俾人tum點左..算數喇!! 不過而家諗諗下, 上年寶寶可以打黎同我一齊count down到架喎!!!!! 你唔好話我知得蘭桂坊冇Jam線, 正係Jam哂你尖沙咀呀!! 我睇到你回波子頭既歌~ 你地d對話好正喎! 哈哈~ 不過過埋今日就要除舊近新喇!!! 我又唔夠膽係你個diary到R框{, 費事佢以為我串佢啦~ 我link左你個dairy喇!! 我諗d人睇完之後就以後都唔會話我訓得多架喇!! 更加唔會再話我蠢or大頭蝦架啦!! 佢地以後都只會話我出於污泥而不染架喳!! 哈哈~ 肯定B仔仲會話我斯文tim呀!!!

同Vannie收左線之後, 就到咩咩喇!! 呢d人..都唔知返香港做咩架!!!!! 你知唔知Shabs聽完之後講咩呀?? IDIOT! 我真係冇野好講!! 你呢d人太BBC喇!! 你下年唔洗返去啦! 我諗你係Bradford都應該會過得幾開心架喇!!

唔知肥仔同車車今日點過呢?? 肥仔呢排都好勤力做野呀! 我諗都應該儲左唔少架喇!! 你地都儲定錢做人情啦~ 我地應該就黎可以結婚架喇!!!

而家呢度先九點!! 仲有三個鐘先04年呀!! 即係仲有三個鐘俾我回顧下今年做過d咩!! 不過我已經聽到d人開始放煙花喇! 唔會放三個鐘掛?! 已經聞到好大火藥味喇喎!! 不過d人五點鐘打黎個陣都可以話同我一齊count down啦!! 早成七個鐘開始count down! 掂!! Shabs話今晚出town, 不過我有d懷疑個度會唔會有人囉!! 而且琴晚出街個陣凍到傻!!! 今日我feel到仲凍過琴日!!! 仲要又大風又大雨呀!! 會界面架!! -.-"

我發現真係有開口中呢樣野架!! 琴日已經俾Stefan打黎鬧左喇.. hehe 今日又有呀!! 我都話成日都好邪架啦!! 係IVE個陣仲邪呀! 尢其是考試呀!! 講咩都中!!!!!!!!!!!!

--
寫完上面日記之後就同Shabs hea左陣, 我地hea既時候仲係度數聖誕老人個八隻鹿叫咩名! 不過我地數黎數去都係數到七個名喳!! Dasher, Prancer, Comet, Cupid, Vixen, Blizen同Rudolph. 仲差個一個我地諗極都諗唔到!! 之後我地就係度睇出面越落越大既雨, 然後就sleet喇!! 到十點鐘左右, 就開始落雪喇!! 人地估佢一月先落架麻!! 差個兩個鐘都唔差在忍多一陣啦!!!! 等佢落到咁上下, 我地都出去玩喇!! Vannie, 大口仔今日正式出動啦~~~ ^o^V 出到去都唔係好凍, 除左d手指, 因為係咁用隻手整snowball. (我已經帶左手麥架喇!!) 我發現同佢地呢d有多年snowball fight經驗既人玩係極度非常蝕底既!!! 平均我整一個snowball, 佢地已經整左三個!!!! 基本上只係得我一個俾人attack!!! 所以我就打電話俾阿峰諗住叫埋佢同Teo佢地出黎啦!! 咁可以分散d麻!! 不過佢話佢地係Leeds囉!! 勁失望! 而我就唯有繼續被attack喇..!! 不過最尾我d手指ssss都係頂唔順, 所以都係決定返上樓warm一warm先!! 解左凍之後, 我地就諗住落返去Round 2啦!! 臨出門口既時候, 我就發現條頸好痛好痛!!! 於是Shabs就叫我除左件褸睇下啦, 不過都攪左成五分鐘!! 因為臨出去既時候, 佢迫我著左好多衫!! "Put twenty clothes on!" <--佢係咁order我既!! 我褸都著左三件!!! 其實除手套都除左兩分鐘, 因為手套都帶左兩對!! 終於除左d褸之後, 我就聽到佢爆笑啦!!!!!! 原來我仲有一個雪球達左係條頸到!!!!! Frost bite呀!! 唔怪得咁痛啦!!!!! 等佢笑完之後, (佢笑左十二分鐘), 我地就落樓喇!!! 落到去就見到Virginia, Michelle同William佢地喇!! Virginia好似好high好開心!! ^^ 我地就Join埋佢地去搵佢個friends去count down喇!!! 去到先知原來佢地係去搵Douglas!! 不過我要返上樓換卡先, 返到上去..我發現..個電話..壞左!!!! 我諗我梗係跌左d雪入褸袋整濕左個電話!!!! 就係我發現個電話壞左既時候, Vannie就打黎喇!! 不過我禁極咩制都聽唔到!! 除左個cut線制.. cut左之後就即刻同Shabs換電話喇!! 好彩Vannie都再打多次!! 當然, 一聽就俾人鬧啦!! 解釋完先冇事喳!! 而家諗諗下其實都唔洗解釋啦~ d人飲到成pat野咁!!! 我講咩佢都唔會記得架啦! d人之前仲好激咁數我聽佢呢排d激氣野, 都未數完, 就話訓就訓著左啦!!!!!! 要我勁大聲喂左佢n次先叫到佢起身收到線喳!!! 同Vannie傾完之後就收到嘉嘉個sms喇!! 不過佢打中文..係Shabs部機到我只係睇到好多好多正方形sssss!!!! 一路係房都聽到Virginia佢地係留下玩snowball fight! 好high啦佢地! 我仲成日聽到「邊個掟我?」!! hehe 好香港feel!! 第一次聽到樓下有咁多講廣東話既人係度玩!! ^^ 之後Shabs就出左去買Pizza, 佢返黎個陣話LivingStone門口訓左好多人喎!! 無錯!! 又係飲醉哂個d!! (Vannie, 如果你係咁我就殺左你!) 一個二個訓哂係地, 清醒少少既就訓係鋪頭, 因為鋪頭有暖氣! 我第一時間就問佢d女仔係咪好似平時落pub咁著啦, 佢話係! 低胸+短裙!! 大佬!! 落緊雪喎?!!! Shabs返黎既時候個Pizza已經係凍架喇, 個盒同個頭都濕哂! (呢度外賣Pizza係就咁用個盒裝住俾你架喳!!) 食完野又係0係度hea, 係度傾計.. 到而家四點半喇!! 我就打日記, 佢就睇住我打日記! ^^ 簡單d黎講, 即係話, 今日又係冇溫書既..!!

>>January 1, 2004 at 4:47:26 AM GMT+8

2003 年 12 月 29 日星期一【乍雨乍晴】

國王和皇后結婚之後, 生了很多小朋友, 雖然兄弟姊妹眾多, 不過他們之間並沒有什麼權位鬥爭, 相反他們很要好, 特別是對排行最小的小男孩. 每一個人都很愛護他. 小男孩自小就跟著哥哥姊姊們在花園遊玩. 他們每一天都過得很開心, 特別是小男孩, 每一天都在一班愛護他的人下長大. 大小問題, 哥哥姊姊們都會解決, 小男孩闖了禍, 他們會想辦法, 要受罰的亦不會是小男孩. 小男孩很開心, 每天都無憂無慮. 他習慣了身邊每一個人的好. 他習慣了身邊每一個人都愛護著他. 雖然哥哥姊姊們有時候還是會欺負他, 不過小男孩知道其實他們很痛錫自己, 那是他們的專利, 他們絕不會讓其他人欺負小男孩.

日子一天一天的過去, 小男孩到了要上學的年齡, 皇后為小男孩請來了家庭教師, 家庭教師還帶來了一個小女孩與小男孩做同學. 可惜小女孩常常都和小男孩鬥嘴, 什麼事都與小男孩過不去, 他們永遠都是一個東, 一個西, 小男孩開始很討厭這個女孩, 但是她卻很得皇后歡心, 皇后堅決不肯替小男孩轉換家庭教師. 小女孩有時候還會和皇后一同作弄小男孩. 小男孩很想叫哥哥姊姊們把小女孩趕走, 可是他們都不願意, 不是說「讓一讓人家女孩子麻!」就是說「你不理睬她不就肯了嗎?」小男孩很無奈, 心想還有很多年學要上呀, 怎麼辦呢? 可是慢慢他發現他的擔心是多如的, 因為小女孩變了, 變得對他很好, 甚至變了是小男孩欺負小女孩, 小男孩並沒有去想為什麼小女孩會突然變得這麼好, 因為小男孩以為每一個人都應該對別人好, 就好像他的哥哥姊姊對他一樣.

又過了很多年, 小男孩的哥哥姊姊都長大了, 他們告訴小男孩這個世界上有很多種人, 並不是每個人都會愛護自己, 有很多人都只會想到自己, 他們誰都不愛, 他們不愛自己的家人, 不愛朋友, 不願意去關心別人, 也不願意去愛人, 他們告訴小男孩這種人是最可憐亦是最危險的, 因為他們會用謊話去掩飾自己, 他們不知道自己做什麼, 不知道自己為什麼而活. 小男孩很害怕, 因為他記得母后說過「呢個世界並無永遠既大話, 每一個大話都會有穿既一日, 講大話會有代價, 講既時候你可能唔覺, 不過慢慢你就會發現自己因為講大話而唔見左好多好重要既野, 有得第一個大話, 就會有第二第三第四個, 你只會講越來越多既大話去掩飾第一個, 永遠都唔會停, 最尾你只會發現呢個大話, 其實只係呃左你自己一個」

小男孩聽了之後就決定不要說謊話, 因為他很害怕他失去的會是身邊很重要的人. 小男孩依舊每天和小女孩上學嬉戲, 他習慣了小女孩照顧自己, 習慣了欺負小女孩, 他從來都沒有想過小女孩會離開他, 他真的沒有想過. 直到有一天小女孩告訴他, 她要走了.. 小女孩問小男孩希不希望自己留低陪伴他, 小男孩很開心, 不過他並沒有表示什麼, 只說了一句:「別傻了」之後就給家庭教師打斷了話. 第二天, 小女孩並沒有出現, 小男孩以為她躲懶不上課, 可是第三天, 第四天, 小男孩終於明白了... 真的明白了...

小男孩很傷心, 不過他知道自己應該為小女孩設想, 他想不到要女孩留低的原因, 即使有他亦沒有資格說, 小女孩只是義務陪伴自己, 受僱的是那家庭教師.. 小女孩說要走的時候答應過小男孩會常常回來看他, 可是小男孩知道那是不同的了, 他們不會好像從前一樣...

小男孩很不開心, 一直走, 走得很遠很遠, 最後走進了森林裡, 他發現自己迷路了, 很幸運地他遇到很多友善的小動物, 牠們發現小男孩並不習慣一個人生活之後都很樂意照顧他, 小男孩很感激牠們, 亦都覺得自己很幸運, 不過小男孩仍因為小女孩的事而難過..

有一天, 小男孩散步的時候認識了一個女孩, 小動物知道後都很擔心, 因為他們知道這個女孩的事, 知道女孩和男孩說的並不準確, 小男孩亦都知道, 他清楚知道女孩的性格, 他知道女孩跟小動物說了與事實相反的事, 而且說了很多謊話, 不過小男孩很愚蠢, 他真的很愚蠢, 他認為跟哪個女孩一起也沒有所謂, 反正他也不會再找到好像之前的小女孩一樣任自己<欺負>的人了. 小男孩每天都跟女孩渡過, 身邊的小動物都很擔心, 牠們害怕女孩會傷害小男孩, 哥哥姊姊們找到了小男孩之後都曾勸告他, 小男孩自己都知道, 他每天都很不開心, 他不知道自己在做什麼, 不知道自己想要什麼, 他只希望能好像以前一樣幸福快樂, 他希望能找到一個和小女孩相似的人, 他希望女孩可以好一點, 不過女孩常常都說謊, 常常都做一些不應該做的事, 說一些不應該說的話, 而每次這些事都只會令小男孩更加掛念之前的小女孩, 他好想女孩做一個快樂善良的人, 因為小男孩從哥哥姊姊和小動物那裡學懂了要去關心去愛自己身邊的人, 才會得到幸福快樂. 小男孩以為女孩有一天會醒悟, 可惜只有一次又一次的失望, 小男孩更發現與女孩相處得越久, 越了解她, 自己就越害怕, 小男孩知道他是幫不到這個女孩的了, 最後一次與女孩說話的時候, 他更害怕得顫抖, 手不停的震, 很驚慌, 因為小男孩發現女孩的品德遠遠超過他所想像.. 與女孩相處並不只謊話那麼簡單..

雖然女孩對小男孩並不好, 小男孩並沒有責怪她, 因為他知道是自己一開始就做錯了, 除了自己沒有人可以給責怪, 不過小男孩亦慶幸自己有機會上了一課, 學懂了很多, 而全靠小動物和哥哥姊姊們的提醒, 這個教訓並不深, 而且小男孩學懂了要更加珍惜身邊的人, 亦明白了這個世界上真的有很多種人. 而且經過了這件事後, 小男孩被從前更開心, 因為他知道了在他附近的都是愛他的人, 雖然小女孩不在身邊, 不過他相信要是小女孩想見自己的話, 就一定會回來, 而且這個世界上壞的人雖然很多, 不過好的也不少. 要找一個和小女孩相似,甚至更好的應該也不太難, 而且小男孩還有哥哥姊姊們的愛護, 畢竟小男孩最幸福快樂就是和他們一起的時候了!

>>December 30, 2003 at 5:49:44 PM GMT+8

2003 年 12 月 29 日星期一【乍雨乍晴】

Dee Dee生日快樂!!! \(^o^)/

終於連弱智人都廿一歲喇!!!! 我地咁多個都係成年人lu~~ 另一個十年既新開始啦!! 人地話呢十年係有最大&最多轉變架!! 希望我地係越轉越好啦!! 我記得dee dee話佢29號會過大海呀! 今日30號先返喎.. 不過我電話冇哂credit..我諗我一陣出去top up左先訓應該趕得切txt佢掛?? 唔知佢有冇買手信俾姐姐呢?? 不過佢話買俾我個份聖誕禮物我都仲未收到!! 怕且d人又係老點我架喇!!! %*!#$@$%& 又大一歲喇!! 距離三十歲仲有九年喳!! 你記唔記得你同廖能俾人批左命架? 哈哈~ 無錯! 個個人係阿森!! 廿一喇~ 希望你醒少少啦!! 仲有聽教聽話啦~ 聽哂嘉慧話~

你地ICQ個八字係咪相沖呀?! 永遠都唔會同一時間online既?! 一個接一個.. 我on到晏晝五點鐘先去訓呀!! 如是者又係一路訓個電話就一路叫.. 我真係唔明.. 呢幾日我每日既訓覺時間都冇一日相同.. 日日去訓覺既時間都係d怪時間, 但係就永遠都係會撞岩有咁多電話.. 我唔去訓佢就真係冇架喎!!! 可能太多電話既關係, 發夢夢到好多人呀!! 你地好似個個都有出現過! 人人有份!! 不過都唔係好記得你地係度做咩!! 訓到十二點幾俾嘉嘉打黎嘈醒左!! .\_/. 又係嘉嘉!! 起左身之後上網, 就見到梅豔芳單野..即刻好唔開心..又一個.. 之後就收到生生個msg講呢單野喇!! 呢排成日都撞到佢online, 可能因為我d時間已經跟足哂香港啦!!!! 我地都因為單新聞唔開心,唯有講下其他野,諗住拉開話題!! 不過唔知點解越拉越近既!! 首先我地係到諗仲有邊個仲係度..我地數到Alan Tam同阿Lam之後就數唔出喇!! 唯有勉勉強強咁連黃霑同區睡強都數埋!! 之後我地就係到數個名有木字既女藝人, 我地一諗就諗到林嘉欣, 跟住再加多個林心如就又數唔到喇.. 我諗數唔到都係好事黎既!! 因為生生話到二月四號03年先算係完呀!! 即係仲有兩個月.. 傾傾下, 生生就問我有冇相喇, 咁我先至醒係我n年前應承左阿車同阿Law俾d相佢地睇都唔記得左!!! 仲有阿欣佢地! 咩咩生日d相都仲未俾佢地睇!! 咁我咪順便upload哂d相上網囉!! 不過等到我�!! 由四點九up到今朝八點一先攪掂!!! 六十幾張相要成三個半鐘!!!! 28.8K咁!!! 你地真係要睇真d呀! 有血有汗架真係!! 不過呢, 上年放相個四個網我都唔記左password呀.. 所以呢, 我開左個新架!! 你地估下我係邊到開? 估中就俾你睇啦~

我終於都知道點解呢排我唔想温書喇!!
時間就是金錢 (Time = Money)
知識就是力量 (Knowledge = Power)
Physic書話 (Power = Work/Time)
咁即係話 (Knowledge = Work/Money)
亦即係 (Money = Work/Knowledge)
當Knowledge=0 時 Money=∞(無限大)
咁讀書有乜用?

P.S. 點解首生日歌好似聖誕歌咁既..!!?!?

>>December 30, 2003 at 9:18:20 AM GMT+8

2003 年 12 月 28 日星期日【炎熱】

幸福快樂是...

101. 有三個女兩個仔(嘉嘉)
102. 睇緊一本鍾意的書(Janice)
103. Bradford好似York咁靚London咁多野行(Kia)
104. 同朋友仔想當年講將來(Kia)
105. 幫到有需要既人(為秋)
106. 舊女友找到比自己好的(嘉嘉)
107. 畢業後咩背囊一個人去旅行(為秋)
108. Report錯好多都拎A+ 攪到咩咩眼紅 Stefan話有冇攪錯(Kia)
109. 考晒試做晒功課(車車)
110. 有人了解自己關心自己(為秋)
111. 聽到鐘意既歌(Stefan)
112. 同Kia ICQ(Davis)
113. 同朋友仔出街玩得好happy(Stefan) (Davis)
114. 同好朋友食飯(嘉嘉)
115. 唔洗趕project(書欣)
116. 一齊拎first honor(Kia)
117. 打drums(Janice)
118. 朋友仔開心(為秋)
119. 幫到人(嘉嘉)
120. 天氣冷的日子不需要離開我張帔 – 不用上課(Kia)

>>December 29, 2003 at 4:44:33 PM GMT+8

2003 年 12 月 28 日星期日【晴】

今日呢好開心呀~ d好少浦頭既朋友仔一次過出哂黎喎~~~ 仲係傾左好耐個隻~~ 有LionDog啦~ 阿華啦~ 仲有串燒啦~ Brian啦~ 同埋好耐冇見既表弟呀!! 阿表弟仲記得我叫佢做表弟tim~ hehe 希望唔係因為懷恨於心所以記咁耐啦!! 你真係好似我表弟麻~ 佢仲send左張近照俾我睇~ 不過我覺得佢都冇咩點變~ 都係咁似~ hehe 都係唔好再講喇.. 我怕佢會嬲呢~

話說今日都係無溫書架喎~ hehe 真係好悶呀!!!!!! 都唔知做咩好!! 之前唔係溫書就係訓覺... 悶到死.. 又見聖誕都過左幾日喇, 咁咪又同個diary換衫囉~ 攪左一大輪都仲係好悶就落去check信箱喇~ 有我既信呀~ 不過都唔係你地俾我既! 係利物浦寄黎既聖誕卡喳~

今日我仲發現間房原來係向東北架~ 唔係向東南呀~ 見到個草地白哂~ 不過都唔係雪黎既~ 係霜喳~ 負四度都仲唔落雪!! 好鬼死凍!! 我諗你地而家知點解我唔出街啦? 今日都仲係唔想溫書.. 希望聽日會好d啦..

睇完阿華既diary之後就有d後悔加左佢條link係度.. 八婆, 你唔好數番哂以前d野出黎先得架!! 仲有呀, exam考麻雀同啤牌個個唔係我黎架!! 係寳寳呀!! 諗諗下阿華寫日記都唔係咁好.. 佢成日咩都唔記得, 但係人地d瘀野就記得一清二楚!!! 今日chat個陣都俾佢提番唔少出黎笑!!! 我都算好記性架啦, 佢仲好過我! 不如我地一齊出賣佢地算啦! 橫掂佢地以前d瘀野我都搵番哂咯~ 哈哈~ 正係阿森同廖能個d都唔少!!

P.S. 阿聖誕老人, 點解你可以R悄鴞n似踩咁既..?! 不如你下次俾我睇完修改下先, 好唔好?
P.P.S. Mr.Children表弟, 你d口吻好似我呢度d阿sir!!
P.P.P.S. 華, 我怕我會辜負左你.. 我越黎越覺得我同你都估錯左..

>>December 29, 2003 at 4:42:53 PM GMT+8

2003 年 12 月 27 日星期六【炎熱】

幸福快樂是...

81. 一齊著校服去楊中上一日堂(Kia)
82. 不用回英國(Kia)
83. 可以照舊晚晚飲到阿媽靚湯(Kia)
84. 升職做manager(Aaron)
85. 返學撞到駕駛人士 – 被接載返學(Kia)
86. 同好朋友吹水吹天光(嘉嘉)
87. 有一個屬於自己既空間(為秋)
88. 睇band show(Janice)
89. 訓覺(Kia) (阿B)
90. 家人朋友平平安安(嘉嘉)
91. 日日見到朋友仔(嘉嘉)
92. 男友是一個心地善良的紳士(Kia)
93. 同死黨傾通宵(Janice)
94. 為愛付出(為秋)
95. 有模型玩漫畫書睇(嘉嘉)
96. 周圍撩交打攪到成地蘇州屎然後等朋友仔攪點佢~(Kia)
97. Kia返香港(車車) (肥仔)
98. 成績好(Davis)
99. 鍾意既男仔買山楂餅俾自己(Janice)
100. 見到人地E起棚牙好開心好自然好真咁笑 – 特別係朋友仔既(Kia)

>>December 29, 2003 at 3:43:23 AM GMT+8

2003 年 12 月 27 日星期六【晴】

八婆! 人問候,你問候, 你獲獲都係問人係咪死左! 不過我真係死左..訓死左..... 極度頹廢的一day, 由晏晝一點半, 訓訓訓訓訓訓. 訓到而家半夜三點起身..印象中好似聽過電話,發過夢, 不過全部唔記得哂..鬧鐘好似有響過掛~早知正係訓又冇溫書既話就跟埋嘉嘉佢地去阿欣到玩啦.. -.-" 佢地今晚去阿欣到唱K呀.. Point 74 我覺得係最難架囉! 等左九年都豪無進展.. 睇怕寫新年願望個陣,都要加埋落去喇..

好肚餓......而家既感覺就好似唔知邊年summer, 好似年年都係! 唔齊人既話, 就一個二個晏晝三,四點先起身然後online, 跟住我就正係識得嗌肚餓, 通常阿森都會一齊嗌既~ 不過我次次嗌親肚餓, 你地都正係識叫我等等等等等你地買黎, 真係當我第一年識你地! 個陣真係勁想住乙明/博康架! 咁就方便好多喇~ 亦都係呢一年開始人地揸玫瑰花,坐白馬既白馬王子...變左做揸揚州炒飯踩單車既外賣仔...

生生, 下次可唔可以唔好全日都正係行模型同錶鋪呀? 咁我會好悶架喎!! 仲有呀..我而家先醒起..我話你就黎生日之麻, 你做咩無啦啦同我講你睇中左好多野.?! 你睇中個d..呢度冇得賣架.. 不如今年開始輪到我草草埋埋送層樓俾你啦!!!

琴日又同阿華多一個bet喇, 佢已經咩都可以bet一餐架喇.. 仲要係bet將來..n年後既野.. 最近既都要兩年後.. 不如bet下我聽日幾點起身好過啦..仲有呀, 你好似又冇寫diary喎?! 不過你好似我初初咁,俾訓導捉左幾次之後, 你就真係會有左個習慣日日寫架喇~

好多野都係習慣黎架者~

>>December 29, 2003 at 3:40:20 AM GMT+8