2007 年 2 月 17 日 星期六 【晴】

荒廢了的日記

>>February 18, 2007 at 2:00:06 PM GMT+8

2006 年 5 月 20 日 星期六 【晴】

荒廢了的日記

>>May 20, 2006 at 7:10:55 PM GMT+8

2006 年 5 月 5 日 星期五 【晴】

好多日要打返呀....~.~"星期日有時間就打啦~

>>May 6, 2006 at 8:45:18 AM GMT+8

2006 年 4 月 21 日 星期五 【晴】

好多日要打返呀....~.~"星期日有時間就打啦~

>>April 21, 2006 at 5:01:52 PM GMT+8

2006 年 3 月 28 日 星期二 【晴】

好多日要打返呀....~.~"星期日有時間就打啦~

>>March 28, 2006 at 4:20:10 PM GMT+8

2005 年 10 月 20 日 星期四 【晴】

好多日要打返呀....~.~"星期日有時間就打啦~

>>October 21, 2005 at 2:13:32 PM GMT+8

2005 年 10 月 7 日 星期五 【晴】

打字~?!又遲下先~.~"

>>October 8, 2005 at 9:12:51 AM GMT+8

2005 年 9 月 26 日 星期一 【晴】

9月23-30日係我公司開倉日,過左LEE幾日之後先打返日記=~=" (日日俾客鬧,無心機中)

>>September 27, 2005 at 3:15:00 PM GMT+8

2005 年 9 月 3 日 星期六 【陰】

咁ja係話,而家係房內既有:我,波波,亞昌,明月,亞文,志剛,亞銘同佢女友. 　　之後我地就話玩非洲話事啤,輸左俾人問一條問題,要講真話...初初都無咩野,個個都唔敢玩盡佢...第一個帶頭玩激既係亞銘.問左好多野...其中,問明月仔同亞文既野最多,終於都俾我地知道左佢地真係一齊...哈哈....明月仔塊面即刻好紅,一答完就用張被遮住自己....哈哈...真可愛~!!之後玩完明月仔佢地之後,到我同志剛係目標.....點知好衰唔衰,佢地個個明玩我地...一到我/志剛輸左就問d好難答既野....我就輸得少,係志剛輸得多....波波一黎就問佢"在場最有好感係邊個"...點知佢答係我喎....中晒佢地既圈套...之後又問佢鐘意個...之後又叫佢當場向我表白.....=0="..班死仔.....志剛係坐到好埋,之後同我講.....我望左佢一眼之後就擰轉頭派牌,點知到我輸,明月仔問我"志剛表白左咁你受唔受?".....班死野真係玩得咁盡=0=",我就好鈿聲講"唔會",點知波波話聽唔到,要大聲d....>~<"......終於都俾佢地問晒佢地想知既野....明月仔就話眼訓,咁我地就俾左間房佢同亞文,我地其他人就去左另一間房傾計....講到佢地隔離會唔會出事,我就話唔會...(如果有咁既可能性,我都一定唔會俾佢地一間房啦)...本生波波同我一張床家,佢訓覺,我就坐係房尾,而亞昌同志剛就係另一張床....講開亞昌同佢女友分左手....講講下佢喊喎=0="...咁我就行左去佢床邊,繼續聽佢講....佢一路講一路喊,咁我就叫佢地訓過d,我又訓埋一齊....原來亞昌同佢女友係初戀,一拍就7年,點知都係因為女方有第三者而分手....都難怪佢會喊...之後傾左好多野,我都有講自己既野,佢地都係同所有人一樣,同我講同一樣既野....有時有d野,我真係明既.....傾傾下計我就訓著左了.... 　　其實都唔係訓得好"霖",時時都會醒,可能因為熱啦....全身濕晒=~="好難先到7點幾...個個都開始起身....亞昌就入左廁所,本生我都仲係半醒,係度懶床中....之後發覺志剛越訓越埋....到最後,係訓係我背後時,真係頂唔順寧願起身好過....波波見我無啦啦起左身,都呆左....我就話去叫醒明月過返去...之後亞文開門...哈哈...見到明月仔又用張被遮住自己,真係好似咩完之後果d..... 　　之後我同明月仔就真係返過去.換左衫之後我問明月仔琴夜有無......明月仔話真係無,我都放心d~之後就去左食早餐...個早餐真係唔係人食家....>.<"之後我地就話去游水....我,明月,亞貞,亞姐,囡豬,波波都有落水玩,我地5個女對波波一個男...不過我都幾驚波波..佢太利害啦....我地鬥佢唔過....之後亞姐話整濕係池邊既亞文....哈哈....亞文中晒招呀...最尾都落埋水...哈哈......之後玩左一陣....我都玩夠了....就坐左係池邊....之後有人推我落去....我真係好驚家~!!之後波波仲捉住我,唔俾我返上岸...又係咁整d水花....果一刻真係喊左出黎,不過玩既,就無謂喊,所以喊左幾滴眼淚出黎之後就無再喊啦,其他人睇,都唔知情...終於波波都唔玩,我同明月就返去沖涼.執好d野就checkout房上到車,個個都訓死晒...之後我地就去食飯飯,LEE一餐都好正呀....個個都食到飽飽...之後去左一條鄉下村睇野...果度有得騎馬家...本生有都有d興趣,不過又驚喎,最終都無去到....但我有玩射箭,不過我2次都唔中呀/~\"之後就去左食乳鴿同豆腐花,d豆腐花好正呀....之後仲要係亞姐俾錢錢,我地唔駛...Yeah~!之後我地就去左睇4D短片...真係好似真家...仲有D野噴出黎....整到我成面水=~="不過都真係幾好睇.....又係唔駛俾錢錢....之後再上車去最後一站買杏仁餅....因為我知都係Sell野多,所以我唔落車,繼續係車度訓...而波波,亞貞都係...當佢地個個落晒車時,個導遊拍醒我叫我地都落去睇下...我死都唔落....之後繼續訓,佢都耐我唔何...之後就直接車我地去堔圳...lee一程真係有排訓....訓到我夠時,就落車....之後我地就話食埋飯先散會.....我,波波,亞文,明月4個去左沙田食飯...之後波波送我到車站搭車佢先走....返到屋企真係太累了,就即將沖涼上床訓覺....

>>September 19, 2005 at 12:25:24 PM GMT+8

2005 年 9 月 2 日 星期五 【陰】

今日係返大陸玩既第一日,我一早就要起身啦(仲早過平時返工=~=")起身刷牙洗完面之後就執埋d野就出門口,去OK買個包包就上車,全程都發呆中.企左好耐先去到粉嶺火車站,一落車就見到亞昌、亞貞同Jovie...佢地話我載左好多野喎.....都唔係好多ja~.~"之後等左一陣,亞姐一行人就到左啦...我地做細既就係到傾計...當時見到志光好似想插埋黎傾,但又好似唔好意思咁...哈哈....之後點齊人數就再上車去羅湖了... 　　係車上個死人波波又係咁攪鬼我\"/之後我見佢又著果件毛布衫,我就捉住佢黎玩....一落車就拉住佢個袋一路行,佢本生去擺脫我家,不過又點會咁易丫....哈哈~~之後去到過關...好驚呀....要過咁多關既(不過關關都好似好兒戲咁~.~")之後一出就係深圳,真係好似同香港無咩野分別咁....之後我地一行人就行去搭車啦....亞姐嚴重講明要我跟實baenny唔好走開....當我係小朋友=~="之後上到車,我坐波波後面,明月就係隔黎.....我開車就聽個導遊講埋晒好多費話,我地都少理,一路自己玩...我同波波玩明月,點解唔坐亞文隔黎,明月又成日差開話題bor....之後波波又黎搣我塊面,又打我隻手喎,我咪用手甲抓佢囉...哈哈...又見血了....sorry波波=~="波波蝦我,都無人幫我既....無人性家..個個當睇戲...哼~之後個導遊又跳出黎叫我地搵人唱歌=0="第一個係福爸....(唱d唔知咩野歌)...第二個係Apple....(無言~.~")...第三個係亞昌....(哈哈,勁攪笑)...第四個係志光...(個個靜晒...波波又串鬼我~.~")...第五係我同明月仔....哈哈,揀左好耐都唔知唱咩野好...(果本歌詞都唔知係幾多年前既大陸出品=~=")之後我同明月仔唱左幾句就算....之後我地拎左個咪將波波個ipop耳塞放上去,用黎播歌...=.=v播播下,d人都開始訓著了,我就望出窗,影d有feel既景,諗住將來用黎做素材...又照下佢地訓覺既樣... 　　無幾耐就落車了,到左一個果園,一落車個個都想去廁所...不過個廁所都真係幾落後下..>~<"本生諗住去男廁算,不過男廁仲衰....咁只好去女廁啦...個個去完就正式入果園啦....入到去個導遊就帶我地去石榴園,話可以直接拎黎食....不過個個都好硬家,又大個,我都唔敢拎黎食...行返出去時,見波波咬緊一個,咁我咪拎黎咬囉,都幾甜,不過真係好硬=~="之後又咬左亞銘果個...哈哈..亞銘果個"淋"好多呀...不過可能係我自己唔鐘意食既關係,我咬完就算...之後就去左一個房仔坐,有個女人係度sell貨,悶到想訓...之後就行左出去買野,有試飲家...我地個個都拎左一杯黎飲...好飲呀...點知佢話係自己+左糖...=~="之後得亞姐買左4枝果汁,之後我地又上返車了. 　　上到車,坐左一陣我地就去到一個市區食飯....個環境都幾靚家.野食方面都唔差...食完之後,我地就去睇下d魚魚....好攪笑家,見到有一條魔鬼魚...不斷係個魚虹內上上下下咁游,好明顯係個虹內係無氧氣管啦...見佢游得好辛苦下...XDDDD之後後面就有一個好大既玻璃既房,入面有好多鴨,鵝同其他水鳥....好鐘意D鴨呀...好可愛呀~!!第二間房就放左好多蛇...仲有一隻鱷魚...不過隻鱷魚都唔郁既,都唔知真定假.睇左一陣我地又上車了....去左一個收音機博物館...都無咩野好睇既...悶~!!之後走時,我地去左買雪糕食...好平呀...3隻咪都仲8蚊~8蚊咋~!!仲要係唔差既雪糕喎....之後我地就直接去今夜住既地方...去到先知我同明月一間房...正呀~!!我地2個入到房,見到間房都唔錯呀~!!可以話勁靚~之後我地就執好D野再去睇下其他人既房...原來我地間房係最大家....YEAH~!!!佢地d男仔就住隔黎果座樓,今夜就去佢地房玩... 　　之後我地就出去食夜飯....間野都好正家...個門口前面有一個花園仔...入面有一個好大既魚池,養左好多錦鯉家...當有人行埋去申隻手出黎,d魚就游晒上面意為有得食...哈哈....蠢魚....~!!之後就食飯...正呀...不過個個都已經無咩野胃口了....鬼咩...中午時已經食左乳鴒,而家又食...真係有d想死....不過今餐又係飽飽收場,之後就諗下場去邊....亞姐決定去會所按摩...都好...我未試過呀~!!去到...本生係去大場一齊家....點知明月懏地叫我出去...話5個人可以包一個房喎...咁我咪跟埋去囉....間房都好正呀~!!我,明月,亞貞,亞銘,佢女友一間房...d女仔一個個黎....哈哈....初初俾人摸隻腳好痕家,不過慢慢都慣左...明月先好笑...人地一掂佢,佢已經係度叫,有好幾多都好似想一腳申落個女仔度咁...XDD幫我按腳果個女仔,不繼同我傾計...不過我大多數都係唔明=~="果個女仔按我腳底時,都唔係太痛...我同佢講我唔痛...點知佢好大力....即刻大叫=0="之後佢又細力D...好似玩咁...按左一個鐘腳之後就轉房按身...哈哈...因為亞銘要咁腳皮所以得我地4個女仔去先...原來按身都好舒服家...正呀~~不過當果個女仔按到我pat pat時...好唔慣呀>~<"之後聽到明月同亞貞既大叫...哈哈....原來佢地都去到果個位...哈哈...好好笑呀,明月就成日人好似蝦虫咁,圈埋一舊...之後果個女仔按到大腿....駛唔駛摸到咁上呀>0<"....到腳時,真係好痛....(可能因為之前抽過筋既關係)不過一個鐘真係好快過呀...有d唔捨得tim....之後就上車返去住既地方....講明左大家快快沖好涼就去男仔度玩.... 　　到左房,明月就沖涼先,我就睇電視等佢....佢都好快呀...之後就到我沖,沖埋涼洗埋頭都半個鐘....之後就帶齊野去join亞貞同囡豬再去佢地男仔房,原來佢地已經開始左玩了.之後我地就玩左一陣鋤Dee,亞貞同囡豬佢地就返左房訓. 請睇下一日

>>September 19, 2005 at 10:40:40 AM GMT+8