2003 年 9 月 29 日 星期一 【晴】

今日起身做下功課, 倣到有飯食上左去健度食飯, 食左呢個既雞肉魚蛋炒麵, d魚蛋多到呢....真係難以形容...趙到咀都咩埋...

Louis 今日返左黎lu, 仲帶左部 PS2黎.

半夜同 Becky 佢地上網打左兩場Warcraft 3corridors, 第一次輸, 第二場險勝, 真係好難忘. 隻Lich 用分身飛左出 game, 從未試過咁搞笑haha. 打完用埋 Kali 當 chat room, 約埋聽日國慶食飯 -_-!!

>>October 1, 2003 at 8:44:07 AM GMT+8

2003 年 9 月 28 日 星期日 【晴】

今後上左健度食飯, 我同 Paul 買左芥蘭+ 雞胸-.- 冇雞肶賣...仲有d 牛肉好似生左 cancer 咁..唔敢買..再加上.... Paul 成夜晚 7點幾先起身, 晚矣晚矣. 其實我唔係好識煮野^^"cC 洗切還可以, 睇住要 健煮又幫唔到手, 真係冇奈, 可恨 !!

半夜, 我的好友 "喨" send 左個測英文名既心理測驗 (都唔算測驗既), 都ok準啦, [轉貼]過來分享下..
例如我叫Derek:
D)你很難相信別人，信任兩個字對你來說，有點重。
E)你是一個勇敢面對挑戰的人。
R)Social方面係你強項，所以人緣亦算不俗。
E)你是一個勇敢面對挑戰的人。
K)勇於嘗試新事物新環境新挑戰。

A)當正思考的時候，你會變得非常沉默。
B)遇上新相識的朋友你永遠都額外謹慎。
C)你有一棵野性的心，別害羞將它表露出來。
D)你很難相信別人，信任兩個字對你來說，有點重。
E)你是一個勇敢面對挑戰的人。
F)你身邊的人都滿喜歡你，一定不乏追求者。
G)你觀人於微，經常看破別人的心，知道他們的想法。
H)你判斷力不足，對事情敵分析能力似乎有需要改善。
I)你的脾氣頗大，EQ指數比較低，有時會控制不住情緒。
J)妒忌心重，佔有慾亦然。
K)勇於嘗試新事物新環境新挑戰。
L)愛情對你來說太複雜了，你想要的只是簡簡單單的愛。
M)成功對你來說不是一件困難的事。做事經常事半功倍。
N)你是熱愛工作的大忙人，卻永遠渴望有個能放鬆的假期 。
O)你的思想屬於開明的一類，對不同的意見你也會重視思考。
P)為人有點自私，重點經常是自己，對於其他人的需要， 你則很少照顧到。
Q)為人圓滑，社交手腕不俗。
R)Social方面係你強項，所以人緣亦算不俗。
S)思想比較古老，不太肯嘗試新東西。
T)你對人處事的態度有問題，所以唔知咩事得罪人。
U)你很渴望全世的道得德都能達到平衡。
V)你平時說話很多，不過所謂禍從口出，所以都有一些討 厭你的人。
W)你的私隱對你非常重要，你亦頗享受一個人的時候。
X)你永遠不願別人告訴你應該做些甚麼。
Y)麻煩友一名，跳跳紮紮經常得罪人。
Z)你喜歡跟別人辯論，爭拗。而且好勝心強。


>>September 29, 2003 at 3:11:54 PM GMT+8

2003 年 9 月 27 日 星期六 【晴】

夜晚 7點幾同 Paul 出左去食晚飯~~仲打左兩舖機tim.

大家估下健健今日幾點起身~?? 係....10點 45分左右, 不過係夜晚 ^^hehe, 佢成晚唔訓, 到成下晝四點幾先訓....

健健一起身就打機....同313 佢地打左一場3v4 既 Warcraft 3corridors, 當然我地係3個果邊啦kekeke...然後再7個人掉亂晒,打多場, 今次輸了 T.T 呢一場打得好辛苦啊..又係比人 4打3..

希望 Ricky 可以快d download 完向左走, 向右走啦 !! 好想睇埋個結局..

打完機好鬼肚餓..出左去食宵夜~~ 果時已經就黎 3點lu, 遲早變肥仔, 嘿嘿!!
食完又去打街機, 揸下車...部機食左 Paul 錢, Paul 冇得玩 @_@""
返到屋企, Paul 同 健仲打 CS 到天光, 佢地唔攰架咩-.-?

>>September 28, 2003 at 8:32:05 PM GMT+8

2003 年 9 月 26 日 星期五 【微冷】

今日又係三點幾先起身 hehe.. 早餐, 午餐都冇食就同 Paul 落左樓下打乒乓波, 真係好耐冇打過乒乓波lu, 好懷念以前同Kin, Paul, Vivian 一齊打乒乓波既時候~~打到好開心架, 太耐冇打, 打左一個鐘就累...跟住上左 Paul 度..等 Kin 起身煮飯, 佢 4點幾都起唔到身返教會-.-, 到成 7點半左右先起身....

一起身就問我 : 你幾多 IQ? 真係唔知佢問乜=.="" 原來係 Paul send 左個 website 比佢測IQ....http://www.iqtest.dk/用左廿分鐘做晒佢, 得果 126 分, 健用左40分鐘做得130分kekeke....

今晚又食雞^^ , 食完上 Battle.net 打左一場 Warcraft, 阿Paul 用orc, 一直都唔出兵, 直升...守死偶-.- 不過最後都贏左, 到健同 Paul team 左一場, 又贏~~ 打完飛的去 Crown 睇戲 : Bad Boys 2 好多飛車+開鎗鏡頭, 每個鏡頭都轉得勁快, 睇到眼到花埋, 可能係我諗野慢, 跟唔到啦....睇完都成 1點幾lu, 估唔到套片成兩個鐘咁長. 跟住行返屋企, 經過麥記食左個餐做宵夜...然後又打warcraft-.-悶死

>>September 27, 2003 at 8:18:57 PM GMT+8

2003 年 9 月 25 日 星期四 【乍寒還暖】

到凌晨, 諗住叫 313佢地過黎打機架, 點知叫左佢地過黎飲酒.

過到黎, 無啦啦又走左去打 CS, 話...輸左飲-.- 跟住變成 5v1, 我地 5個對 Paul 一個 ( Paul <== CS 高高手 ) 強姦左 Paul 飲左 5杯, 其實我地有幾杯要飲, 不過避左 kekeke..比 Paul 1 殺 5-.- 真難忘..不過 d 酒溝可樂飲, 都冇咩酒味 o者....玩完 CS 玩鋤大d, 313 一到佢地飲酒就會溝勁多既可樂-.- 搞到 d可樂飲得勁快, 最後枝 Vodka 仲有成大半淨, 但係果枝 2L 既可樂已經飲晒lu, 即係玩完....

然後我好似記得係 Kenny 提意打 Warcraft 3 corridors, 玩咯~o~ 佢地 Kenny, Ricky, Wilson, Becky 大戰 Paul, Kin +我 ~~ 依然係照贏...未輸過^^ hahaha. 跟住到 Kin 提意玩RPG-.- 玩到天光.....

Ricky download左大半既向左走,向右走 ^o^ 玩完 RPG o係度睇, 個內容不錯啊, 金城武幾型仔, 不過佢回顧過去果個少年就好似唔多ok 喎..睇完散水-.- 佢就黎download完啦, 好想睇晒唷.

又訓到中午 3點幾先起身, 呵呵^^ , 同Paul 去左 China Town 買餸, 因為昨晚 Kin 煮左飯, 今晚到我地煮-.- Paul 整左咖哩雞, 我負責批皮, 切野 haha. 味道不錯唷, 又係一路打Warcraft 一路食^^ 跟住都唔知做咩, 好鬼悶. Kin 提意去睇戲. 結果飛的去左 Crown 睇...套片叫: Pirates Of The Caribbean: The Curse Of The Black Pearl . 好悶的, 都唔係咁好睇. 又搭的士出左 China Town 打街機, Paul 係咁比人挑機, 不過係咁贏 hehe, 然後輸左一場, 到我打, 又贏多左佢兩場, 果個人就走左lu ^^hehe, 打完返去訓~~

>>September 27, 2003 at 4:38:24 PM GMT+8

2003 年 9 月 24 日 星期三 【乍寒還暖】

日日都係晏晝3點幾先起身 Yeah Yeah!! 同 Paul 食完晏 ( 下午茶掛) 佢去鬼左 Rmit 個 library 溫 Maths!? 我都返去溫下 Physics , 做下 Past paper 咁咯.

夜晚同埋 Kin + Becky, Paul 去左 Safeway 買野, 一出門口就開始落大雨啦 >.< Paul 少罕有地買左超少野 ^^ccc. 我超超超記得上次買左成 $136 蚊 !o! 最後搞到我要同卡比 $$ ,仲有借左 $50 比健健...( 大耳隆-.-) 臨走果時, 佢地走去買左枝 Vodka.........

返到去, 阿健煮飯食, 一碟西蘭花炒雞雞, 仲有怪味香腸炒蛋, 一路食飯一路打 Warcraft, 正!!

到凌晨...........有d野喎......

>>September 27, 2003 at 6:15:55 AM GMT+8

2003 年 9 月 23 日 星期二 【晴】

朝早3點幾成4條友開左隻vcd 黎睇, 無啦啦睇 X-men 2. 睇到成5點幾, 睇完仲繼續打機-.- 癲鬼左...真係打到天光, 然後健健提意去食早餐.....到7 點幾去左麥記食早餐. 然後諗住去 Victoria Market 買生果& 魚生啦, 行到去先記得.......今日係星期三, 個 Market唔鬼開門架喎....好無耐咁返左屋企訓教...........都成晚冇訓架啦, 都唔知點解仲鬼死咁精神.........同Paul + Kin 約定邊個最早起身打比對方, 叫人起身...

結果係Paul 打黎先...估唔到呢~_~" 今日同 Paul 去買衫, 買到大出血咁, 2件衫, 1條褲 + 1對鞋= $510 大元正......買完著晒成套新衫去 Room 313 Show off....唔知做咩. 下晝打左一陣 Diablo 2, 就出左去食晚飯啦 ( 不過食果時都已經係成 9點幾 ) 仲諗住今日去 Safe way 買番d 糧食返黎, 但係又話Paul 今日大出血, 用得太多錢, 聽日先去啦..

>>September 24, 2003 at 2:59:36 PM GMT+8

2003 年 9 月 22 日 星期一 【乍寒還暖】


等到好似成 3點幾到, 先有得出去食晏...去左永隆食飯, Paul 叫左佢例牌既 " 雞球炒麵 " , 唔記得 健健叫左d 咩, 我好似叫左 京都牛肉飯, 都唔知點解個飯會辣既-.- 勉強食晒算lu...

跟住去左剪頭髮, 大家都話去下d 新地方試下會唔會剪得好d 啦, 又唔知邊條仆街提意去蘇豪 lo, 佢地兩個又o係度引誘我去 High light d頭髮....嘩嘩嘩.....!!!!!! 呢間野真係好差咯, 我同 Paul 都剪左個柒頭出黎, 仲收左成35蚊, 真係唔抵呀!!!!!!! Kin 個頭剪得不錯唷.... 剪完真係勁唔開心咯, 陪左 Becky 去食麥記, 然後去左機舖發泄-.- 用左一蚊, 差一關打爆機 LoL , 輸左走人.....

夜晚 Becky 既家姐去左健健度煮飯食, 我同 Paul 費事阻住佢地啦, 去左買飯盒食 T_T

>>September 23, 2003 at 1:12:14 PM GMT+8

2003 年 9 月 21 日 星期日 【綿綿細雨】

今朝一點幾到, Ada ( Ringo 女朋友) 打黎搵Paul , 話Ringo o係街度醉左, 訓左o係條街度......跟住我+Paul +Kin + Becky 跟刻出去搵佢lo, 去到見到佢d friend 圍住左Ringo, 見到佢好辛苦咁坐左o係街度, 不停咁話好辛苦.....好想嘔之類....仲用自己隻手想扣喉, 還不時拔足狂奔...跑得都幾快下...我地當然即刻追上去捉住佢, 費事佢衝出馬路啦, 不過都係通街走咁樣.. 佢d friend 叫我地返去先, 佢地會帶到Ringo 返Paul 度..結果返到去等左成個鐘, 佢地先帶到RIngo 番樓下. 落到去見到Perri, 佢強行扶左Ringo 番上黎..Perri 真係好人, 佢係咁講野 " 安撫 " Ringo, 令到佢好似定左好多.....冇幾耐就訓左啦...

到下晝四點幾佢起身, 佢話好似咩都唔記得晒咁, 然後就去左睇醫生lu..

夜晚同佢地去左Steckhouse 食牛扒 食左三十幾蚊, 不過都幾好食, 份量又多wor, 食到超超超飽...食左一舊叫Eye rib on the bone 既野, 都唔知d野咩黎既, 是但叫啦...

>>September 22, 2003 at 12:21:07 PM GMT+8

2003 年 9 月 20 日 星期六 【晴】

朝早唔記得做過d咩=.=""

昨晚等Kin打完麻雀已經成11點幾lu, 之前仲諗住有得同313 澳門隊開戰tim. 佢一行過黎就話嬴左成百幾蚊, 顛左.... 跟住大家都話好鬼悶就出左街行下lo, 出到黎又話有d 肚餓.... 就去左新潮樓食d野啦...叫左兩個炒麵, 我同Kin, Becky, Paul 大家都share 左dd 黎食....會合埋Ringo+ Ada, 就落左去機舖打機lo, 5個人一齊揸車, 超好玩, 兩次都好似係Paul第一, 我唔記得我係第二定第三, Becky 真係唔好彩...第二舖唔小心揀錯左棍波, 完全唔識玩...

玩完之後, 佢地乜都玩....又打網球, 打SNK vs Capcon....彈琴, 打鼓....玩到顛晒, 好似唔駛錢咁-.- 都唔知點, 竟然玩到成三點幾, 係朝早三點幾....跟住都係返番屋企啦, 我返房訓lu, 佢地竟然仲繼續玩Diablo 到天光-.-鐵人咩...早d抖下啦...

今日訓到成一點先起身, 梳洗完之後搵埋Paul, 等埋Kin去食晏,食完果時都已經成四點幾lu, 陪左Paul去n2c睇CS比賽, Kin 同Becky 隨後又黎到, 雖然話陪Paul..不過都係自己走左去睇漫畫,都睇到6點45分先走啊..埋單果時, d 職員都唔知點計既, 計左我成$24.XX..仲話我login左成390分鐘....邊有咁多呀T.T 好彩我同Paul 一齊login 既, 所以可以計番d時間, 都係$8.4 ja ma........

>>September 21, 2003 at 9:45:01 AM GMT+8