2003 年 8 月 26 日 星期二 【晴】

過左o'camp幾日,感覺好似仲未平伏咁~~

有好多野想講比好多人聽...
Karin,我唔會唔記得你咖!
仲有Elaine,我會陪你走呢三年的路~~
仲有您,唔知您會唔會知係寫緊您,總之好掛住您啦...
Tracy女,多謝你o既留言...我成日唔知自己做得好唔好,但係多謝你!
仲有西貢朋友,你地係一班好Good的friend,我成日唔得閒同你地玩,sorry噢!
VR朋友仔,好耐無見啦,你地點呀?
宿友仔,就黎又見啦,不過小Ken Ken就唔係度lu~~得閒call我!
中學同學們,對唔住呀,呢個無咩時間陪你地!子恆你地呀,同阿春你地都係!

今日去左輔聚,完全估唔到咁快就有個咁激的輔聚...
唱K直落...唱K好唔掂~~仲未出得番聲...跟住成班人去左打機好開心...
我覺得我地一班輔導員已經唔係Briefing個班啦...我地已經完全係一個family la~~
好正好正...每到一個地方都覺得好好玩好好笑~~
去到華梅屋企玩,玩UNO,吹水睇電視同第一印象...好開心...
深情夜話呢個環節好正,大家講番自己o'camp的感受,Tiffany雖然無黎,但係我o係電話講既野句句都係真咖!
麒麟真係好好的大組,有一大班好善良同單身的輔導員^^
跟住通左一晚就番屋企lu~~仲要飲埋茶! 勁呀,好捱得呀!!

>>August 28, 2003 at 4:57:30 AM GMT+8

2003 年 8 月 25 日 星期一 【晴】

Day 4@24/8
如果時間真係會暫停...

Day4,無咩訓過食左個早餐~~執好晒d野準備閃人啦~~
去到UC Gym就開始想喊想喊咁,時間過得好快呀~~我唔想咁呀~~

跟住寫飛機既字既時候我已經唔對住仔女啦,係度偷泣左幾下~~
囡囡一出去講野我就唔得啦,好想喊~~佢地叫我唔好喊反而喊得激左, 哈~~死未!
我係個好少喊的人黎咖,自己好唔開心都唔會喊~~只係o個日真係好開心好感動, 所以...
我知道大家會再見的...

影埋相仔就去左Franklin食野,好有family feel...好開心呀我!!!!!
多謝你... Tiffany...
仲有輔導員們... 大組長集集...
馬兒, Bryan, Alvin, Leon, Tracy, Kathy, Cathy, Heidi... 愛死你地~~

2003 O'camp, 聯合最強...
輔導員基基@幸運麟

>>August 26, 2003 at 9:25:06 AM GMT+8

2003 年 8 月 25 日 星期一 【晴】

Day 2@22/8
Day2既早上,天空下著雨...
我就有d驚行雨程,驚悶親d仔女,好彩的係遊踪無取消~~跟住就開始勁行勁搭車的一日啦!!我地係校內checkpt先o既,由MMW玩到胡LIB,仲有賤橋...明德壁!
你地好叻呀,完全唔知咩事咁過晒CHECKPT...Bryan的接波波技術,你地明德壁的無聲合作,睇到我呆左~~另外一班宿友仔,見到你地好開心噢~~

出中大啦,好緊張...首先係尖咀,阿Ling細k的checkpt,有唱馬路歌同搵外籍人仕,好快搞掂晒~~仲有時間幫人地影相~~
不過搵酒店就用左好耐lu~~好彩大家無咩抱怨,都好開心呀...食KFC...
去到旺角就影貼紙相同派傳單(有少少選民登記feel),你地M記團記性好好,好勁~~!!!
去到沙田係唯一做唔到的CHECKPT,不過都好開心...
返到中大見到Cathy出唔到閘好驚lor...好擔心...不過有驚無險!!!

去番湯hall玩小小編輯,Kathy你好投入的聲線雖然嬴唔到,但係我地都覺得你好掂~~
用手斬人就好低B,不過都好玩呀~~Kathy你好奸險,最後Bryan同Kathy都嬴,我地好勁呀!!!
跟住就係大組競技,要等比較耐,所以成日自己玩game...原來我手腳唔係好協調lor^^...哈~~
再夜少少跳舞都好好玩,好得意~~你地好投入呀!

跟住再夜d我地又吹水啦~咩都有,仲有第一印象...好好玩!!
依舊咸濕,但竟然唔係最靚仔,馬兒同Leon呀~~搶左我呢個位!! 哈~~又估家中排名,比人估中tim...唔通我真係咁既??哈~~好開心的第二日!! 集的吹水都好正, 好呀!!


Day 3@23/8
Day3一早我地有少少時間可以頹...但係我地最後都只係將湯hall變做露宿者之家咁訓左幾個字,繼續做野~~原來鐵人基基真係好勁咖...
選花草由馬兒Tracy上左去,我好緊張lor...自己仔女,所以無聲都勁叫! 你地好叻呀~~
四院會師我地企好後,不過都ok有氣氛~~

由第三日的朝早,就開始驚無左你地,無左一班輔導員同大組長...時間可唔可以停係度唔走呀?

我會好累都陪你地行藝墟,因為我好想見住你地,一秒鐘都唔想離開你地...你地係我的驕傲...我成個暑假都係為左呢幾日,唔頹得咖~~
跟住去到煲底練舞,我知你地好累,我都係...不過你地仲咁投入,多謝晒!!
跟住晚會整體都幾好,出唔到聲都勁叫係因為你地,組仔組女你地好野!!!! 不過你地唔見左野我真係好驚lor,好彩虛驚一場~~仲有唱眼前一亮好想喊~~
食宵都好好玩,你地自己會猜枚,又玩敬酒片人...幾好呀~~
不過都要對唔住Alvin,希望無悶親您啦~~

返到中大好唔舒服,訓左幾個字,原本想咩都唔理咖...不過我心裡面覺得我係組爸, 一定唔可以咁...我好陪埋你地幾個鐘...好...我就頂埋去啦鐵人又叉番電,同Duncan,何B同阿諾吹水...互相扶持...
最後一晚,講下鬼故,玩下MC killer, Hand killer...好正~~講鬼故我好叻咖!! 見你地咁開心,好安慰~~
咁就完左我地既最後一晚~~

>>August 26, 2003 at 9:12:20 AM GMT+8

2003 年 8 月 25 日 星期一 【晴】

寫番o'camp先啦~~真係好老土好老土,多謝呢句野都唔知講真幾多次...襯個種o'camp的感覺仲未離開,係時候對呢個o'camp作出一個最深情的懷緬lu~~
連埋Day 0在內,五日四夜...真係唔會忘記...有一部份仔仔女女係睇到,有d就唔係啦,但係都比你地睇下啦!!

Day 0@20/8
Day 0係prepare正營的日子...11點零起左身,原因係我地想打機...
約左肥豬同何B係寶星等,打左幾舖機就去食飯... 唔知點解唔記得左食乜lu~~
食飽就去買物資啦, 去買竹啦, 蚊怕水呀咁~~ 我諗起左上年Sunfill有支水的噴霧好有用,就買左番黎啦(我對自己呢下細心好開心)! 仲有"免小金牌"傘一把(好好笑!)
跟住就亡左命番中大開始好激的一日...

一切都好幸運...我都唔敢相信...
一世人的運氣都用得七七八八咖啦...竟然返到學休先落雨...

跟住大家做旗o既就做,吹水o既吹水...
仲有pack sponsor, 上旗咁~~肥豬話佢有少少驚同期待...
當然我同佢一樣啦, 仔仔女女會係點咖呢?我到底會唔會係好組爸呢?
做晒d野已經好晏啦,我地男仔仲開左個MGC1000既白痴魔術course,我呢種有備而黎o既人出左兩個貨,後尾真係好有用!阿輝呢個大魔術手真係好勁!!!!

Day 0就咁過左去,好正同好期待!


Day 1@21/8
Day1啦,好驚好驚呀~~靚靚Tiffany要去晒相,我要自己一個接仔仔女女呀...
當食緊晏的時候真係好驚,仲係度諗緊Welcome beat...當然後來無用到啦!繼續驚...
組仔組女一個一個咁黎,我個陣好忙好驚,唔係好記得邊個黎先,淨係識分d衫同物資比佢地!好明顯好拗咖我,不過都要扮型咁~~跟住叫佢仔仔女女吹下水,自介下,跟住問左個好odd的問題"你地點解會玩大O",跟住佢地話我悶喎,睇黎我都唔係好適合"正經路線"咖啦!

好辛苦好難咁記晒佢地d名同個樣就開始左呢個o'camp la...不過睇見佢地好開心...尤其勁可愛的Yim Kar Wai...早已經對佢有好深的印象,真人係好正好可愛~~其他仔仔女女我都唔偏心,咩都問下咁,務求唔好咁悶~~
跟住仲有呢個心臟病的遊戲,好有用好正!
到開幕禮時就大家勁叫"阿集"呢個名,簡直正呀!係跳舞時我同Tiffany好留心睇水魚,好好笑,流晒眼水^^仲有族長好搞野!
何舍監對我的笑容亦都比左好大鼓勵我,好多謝佢!

第一日的大組時間玩心臟病,join組玩的時候聰明的仔女就發現左人地既spy,好佩服你地!
仲有到喉唔到肺的練舞,好驚悶親d freshmen,但係佢地都好enjoy~~我地既松鼠與樹都好好玩,好可愛得意!
最出乎意料係搶集遊戲~~癲咖!! 你做咩搵自己黎玩喎~~不過玩得好開心...Good ar...!

食埋個晚飯,夜話Joyce同May都好正,一d都唔似我個年咁粗俗...講野又有point,如果當年我都係你個組可能都好開心咖,anyway,多謝您地!
夜晚我地又ice breaking過,玩下UNO同表演magic...都話係magic ga la...唔係black magic黎咖,好奇乎奇技咖^^
仲有講情史,我呢個純情小鴨鴨又要講我的三段情,您,您同埋您...唉~~感慨!
Tiffany唔講咁多啦,佢d野我都知得七七八八,估唔到幾個仔仔囡囡都係少男少女心聲代言人,你地既分享令我男校的學生有好多唔同的感覺!三點零你地就散啦,跟住我先去沖涼同同肥豬傾計...肥豬你真係好好lor...係個好爸爸!

>>August 26, 2003 at 8:25:33 AM GMT+8

2003 年 8 月 25 日 星期一 【晴】

算是真的巧合...o係入o'camp前的一晚,我的日記剛剛寫滿了,如果唔係今日應該唔會申請呢個diary...寫日記呢個習慣係中六的10月開始咖,因為當時覺得中六是一個新的開始,所以想記底每一日發生o既野,就開始左寫日記...然後中六中七就好快樂咁渡過左,同中學同學一齊經歷左中學最後最開心的一段...

跟住就入到大學,入大學我覺得對普遍的人黎講都唔係好開心好開心的事.因為真係好多野要面對要適應,尤其人際關係方面...我自己真係好難接受好多"hi-bye" friends呢樣野,所以我識人都ok保守,識完人都盡量會關心下...咁樣雖然令自己識人唔係好多好多,但係至少識親都唔會"hi-bye" la...另一個大學面對的問題就係點同中學同學同朋友keep contact,呢個真係要用好多時間,有時好累好累都要特登同朋友去happy,雖然真係happy,但都係好累咖~~不過都真係值得啦!

而家開呢個日記最主要的原因係想比大家睇下我呢排的近況,尤其遲d可能會ok忙,未必同大家keep到close contact,咁大家而家就快快將呢個diary加入我的最愛啦^^

>>August 26, 2003 at 5:04:47 AM GMT+8