2003 年 10 月 4 日 星期六 【晴】

來來回回...來來回回...

今天在伯宿,一切都像不斷重覆,用左九個鐘完成一份自己唔識做的Assignment,我只係想自己做番下功課,證明自己可以做到...我無理自己做成點,只係知完成已經好成功...
Winamp的list裡面好少歌,歌曲不斷重覆...陪隨時間流走,一邊做一邊想...
時間過的很快,亦像是有意義...
但問題是什麼是有意義的東西,我怎去衡量,是個很特別的問題...
今日食過飯,做過功課,同人吹過水...返過工...
怎樣是有意義和活得好,你會怎界定...?

身邊好多人都對我好,我感受到...
我是個幸運兒...
開開心心又一天...

>>October 5, 2003 at 7:47:39 PM GMT+8

2003 年 10 月 3 日 星期五 【晴】

我是天秤座的人,星座書話天秤座人公平客觀,有正義感,愛美,和藹可親...
我的確十分天秤...
連缺點都好似,優柔寡斷,猶豫不決...嘻~~

相傳天秤係正義女神(處女座)手上的一雙秤,受相鄰星的金星(Venue)影響,因而較為浪漫愛美...天秤座是個很可愛的星座...原來每個星座也有自己的傳說...

今日會諗起星座因為今日發覺自己將近生日了,原來19歲還只得數天,好像從來沒珍惜過的一字頭快沒有了,生命的另一起點來了,告別幼稚和撒嬌...二十歲應該找什麼?我也不知道...
想每天快快樂樂的過,要靠的不會是我,會是你們~~我的一班朋友...
也許你們的快樂本來就是我的快樂...
我記得我想做社工的原因係我想身邊的人都開開心心,中三已經開始咁諗,可能當時有點幼稚,但係今天的我又改變過什麼?

生命中不斷有很多人出現,又離開...
有好多人會問,會唔會覺得好遺憾...我只係覺得如果每一刻都係真心咁對人好,咁佢係咪你身邊可能真係唔係咁緊要,最緊要係佢地開心...
呢番係我對一班我好耐無搵的朋友的說話...包括一班中同,仲文佢地一班義工朋友,西貢食宵團...西貢朋友...VR的朋友...
耐無見增加左對大家的思念...也許我生命根本沒有空間去裝多個女朋友咖啦~~

我不是畢加索,我不懂用幾何作畫...也不是凡谷,不去畫星月夜,也不會把耳朵切去給自己心愛的人...我不是米高安哲羅,不能精功地把人體畫出來...也不會是達芬奇般精功唯美~~
我想...我是我,我畫我愛的東西~~這就夠了~~

>>October 5, 2003 at 10:57:17 AM GMT+8

2003 年 10 月 2 日 星期四 【晴】

Tomorrow will be a brand new day...

一切都夠啦,有番d目標,我希望一切會更好...
我想讀書啦..同埋畫畫...
今個sem最大目標係畫畫要勁進步~~

放棄過許多,今日要拿番啦...
尋日睇見d女搞院慶咁勁,不禁覺得自己好頹,
夠喇~~
最後都無同Rinrin去街街,反而留宿hEA下...
諗完野個腦清醒左,i AM a SOCIAL WORKER...
我要做得好好!
多謝璣璣的吹水同你幅畫!

>>October 4, 2003 at 5:50:39 AM GMT+8

2003 年 10 月 1 日 星期三 【晴】

Elaine 10月3號生日~~
生日快樂...Happy birthday oh~~
無咩時間搵你,希望你大學生活開開心心啦!
你係個天秤的好朋友仔!

今日依舊係同尋日feeling好似,提不起勁~~
上34堂,曾傑成依然咩都講,即係咩都唔講...
去旺角買炭條同pastel,好有錢呀...仲有你地的波子棋...

我呢幾日開始懷疑自己係咪好的輔導員,好難講~~
我係咪為大家帶左好多煩惱呢?Um...
好多角色,好多個我,邊個先係真??

上fine art堂都好頹,點好?睇slide先有返精神~~
我要畫得好勁,勁過major!好多feel~~
Am I doing what I wanna do?

>>October 2, 2003 at 7:08:28 PM GMT+8

2003 年 9 月 30 日 星期二 【晴】

原來放假會令人流露出不期然的失落感...

今日好茫然,好唔知想點,好唔知做乜...
唔知自己想點,咩都唔想做...

今朝六點幾從伯com shift番房訓,第一次間房有女仔訓,有少少驚,不過已經天光啦!
醒來十一點幾...見到Michelle,Milly,Cathy好努力咁去完成佢地做緊的野...
我...又要點?
過左宿慶,咩都無lu~~好輕好輕...
好似想飛又飛唔到咁,感到一種茫然若失的感覺...
一直都覺得自己係好玩得好做得的人,一旦失去左支點,好似好不能承受...

成日唔知做過咩,拍片做茄喱菲?
番房訓?做左一張poster?Print notes?陪Cathy囡食飯?
好似咩都唔係,有冇人講到比我聽咩叫真實?以為最真實的生活不再真實...
好唔知開心唔開心...甚至連感覺都係假,我仲可以信咩?

好亂好亂...唔係累,係唔知做咩...
我知我要溫書,要溫finance...要做功課,要溫筆試...
但係...呢一切唔再重要,我仲可以點?

>>October 1, 2003 at 3:05:18 PM GMT+8

2003 年 9 月 29 日 星期一 【晴】

星期一無咩特別~~
傾莊only,見到好多Freshmen,勁玩勁搞笑~~
原來我搞氣氛ok得咖,勁玩Freshmen...講真Freshmen係唔講野ga la...
係要搞氣氛咖!寫書法四點幾先訓~~

星期二...又上十堂...
仲加埋校服日,第一堂無著校服,唔係好得喎~~
上STOT 著返,勁玩勁玩...
又上書法又Fine arts,好勁~~
夜晚同Cathy女同人地組女玩~~
勁開心!

>>October 1, 2003 at 2:51:16 PM GMT+8

2003 年 9 月 27 日 星期六 【晴】

宿慶後感:

我記得我上莊的時候,落實要搞宿慶的時候...
根本無諗過宿慶係一樣咁偉大的function,加埋o'night連續搞左一個月function,
我相信都無咩人會咁做...

宿慶的PIC有阿然,阿麟,李君夏,阿Ling,我同Esther,
五個PIC,要完成所有宿慶的安排,好吃力...
中間自己仲要搞Drama,返工,大O同做號外,所以由暑假開始已經體力不支...
強要在別人面前裝作"我很好"真的很辛苦,很累很累...

由於自己太多野做,d野要通頂先完成到...
由於自己會渣攤,所以d野趕唔到deadline...
由於自己會搞好多野,會間中忽略左宿生會...
由於自己會比較,所以間或會鬧情緒...
呢一d都係我要同大家講對唔住的地方,阿麟話我會比好多籍口自己,
對住佢我唔敢否認,亦唔會否認...
但係自從暑假學左咩叫投入感,我唔會再係咁...
我要我三年後讀year 4的時候,都會好似阿麟一樣咁有勁咁有heart...
阿麟係我的目標...

仲要多謝一大堆人:
Karin啦,成日都唔得閒同你玩你仲咁關心我,多謝你...
Tiffany,多謝你同日陪我傾計,如果唔係你我會唔知點算咖,多謝!
組仔女們,成日比到成功感我,令我會努力咁搞落去...多謝!
肥豬,無你呢個中同同房加莊員輔導員,我都唔知點頂~~多謝!
多謝一班輔導員,多謝你地的支持同體諒!
Freshmen們,無你地參與,宿慶根本就唔會搞得咁好,多謝!
多謝健康球成員,你地令我覺得做層代好有意思~
多謝阿麟,你的付出令人無話可說,你真係好勁好得,多謝你教到的咁多野!
多謝阿然,同上莊時的阿然好似第二個人咁,好做得野好威好堅好激好澎湃~~好多謝你做左我地的P...
多謝李君夏,你做野好得好有交帶,同你搞音響掂左,多謝你!
多謝阿Ling,你做得好好咖啦,多謝晒你同我一齊搞號外同去買野!
多謝Esther,無咩係同你一齊做,但係你的糖水同涼茶比到好多support我!多謝~~
多謝宿伯卿弟,你地係最掂的宿生會,縱然成日會好無聊同白痴,但係入到呢個宿生會係我的一個幸運~~
多謝所有係宿慶上面support過我的人!

>>September 28, 2003 at 8:40:57 AM GMT+8

2003 年 9 月 25 日 星期四 【晴】

宿慶...完左...失落...
對唔住阿麟,我未做到你既要求...
但係至少我對自己所付出的一d都唔會後侮...
可能我做的野真係唔係好多,但至少我覺得我係宿慶度係有位置咖!
完左呢個function...好似真係要落莊,有少少唔捨得...

9月25日的UNO比賽,我同大咀係PIC...
好驚無人玩,雖然暗地自己都會覺得呢種function係唔係好難搞,
但係都好驚無氣氛,幸而好好彩都唔係咁...
雖然唔係好多好多人,但係都見到有氣氛,幾開心...同大咀都覺得舒番口氣!
夜晚又要練舞同搞慈善show,做聽電話人...最後係六點訓~~

9月26日...伯人宴...
一直都覺得搞莊無咩必要走堂,直到伯人宴就破左例...
心裡面覺得伯人宴好重要,要做好佢,所以走堂都無咩所謂啦...
由兩點幾開始搞,整音響,試效果,rehersal...
到六點幾d盆菜到左,個規模同千人宴有得揮,
好緊張,同李君夏一齊驚...
到後尾見到好多人黎,一切都好急好趕...
到真正開始,個兩個幾鐘好短,幾順利,搞得好好...
如果話每個人一生都會做一件大事,我諗參與宿慶都應該係最大咖啦~~

多謝晒莊員們撐左呢兩個星期,終於宿慶都搞掂啦...
好多開心唔開心,一笑置之~~
我地宿伯卿弟+阿麟係最勁的宿生會~~

>>September 27, 2003 at 7:26:08 PM GMT+8

2003 年 9 月 24 日 星期三 【晴】

WEDNESDAY, 乒乓球比賽~~
A good day... good的係終於可以訓番兩個鐘~~
三日兩夜訓六個鐘,以為自己o'camp緊...終於可以抖番日...

上一二三四九十,present 2110幾好, 唔該晒小明Mooncake...
我係社工系識的人唔多,但係都好開心...好互助的一班人...
P.S:小明你煮的野得閒攞黎試下, 睇下會唔會肚痛啦~~

第三堂去左沙田,同阿Ling去IKEA買禮物同去買食物盆d野~~
第一次戶口得2百幾蚊,好正! 幾好的經驗,下次又要再去IKEA,幾好行!
同阿Ling買野好累,但係幾開心,仲去埋Tea tim...

上埋九十堂,返宿訓左兩個鐘又乒乓球比賽,不過今日參與only,唔係好辛苦~~
幾好玩...
再練舞,再開會,再briefing...最後兩曰~~

>>September 24, 2003 at 7:21:53 PM GMT+8

2003 年 9 月 22 日 星期一 【晴】

星期一同二的日記其實已經無分別, 因為我唔係好識分呢兩日, 兩日淨係訓左兩個零鐘~~好恐怖~~
我成日都覺得星期一的生活係幾得閒咖, 等到兩點零先上堂,不過事前要搞TUTO present d野,所以十二點零就同同學去左搞啦,小明同Mooncake做野都ok勤快,令我地有時間去社工小飯聚,呢個係第一次參加的聚會,幾開心咖~~
落堂搞Tuto的powerpoint,做晒就同阿Ling去買野,點知咩都無買到~~返到UC食飯,Millie同Cathy都屈蛇,我搞完糖水會就去陪佢地啦,做功課做到四點幾,差不多五點訓...

第二日,即係星期二我七點幾起身,陪囡囡食早餐,好累好累,仲要上十堂~~
好驚,上兩堂lecture都唔訓已經好勁,最後仲十堂都無訓...我唔知我仲係咪人...
Tiffany陪我玩SMS,勁開心~~多謝您!
今日Lunch 12:00-12:45,我自己煮面,加杯果子鹽雪碧... 果子鹽同雪碧呢個CROSSOVER好得意,幾好飲~~
寫書法都手震,想暈...但係畫畫都依然OK...
夜晚係伯宿歌唱比賽,搞得好好~~好有氣氛,好鍾意呀!各位莊員,我唔係大佬呀,我只係人地阿爸ja~~梗係要成熟d la~~

期待伯人宴~~最後的一戰~~
宿慶開始步入尾聲,我地的莊期亦然,我會繼續為伯宿做野...

>>September 23, 2003 at 6:40:41 PM GMT+8