2003 年 12 月 31 日 星期三 【晴】

1月1日~~~
或者本來係應該係個新開始...

不過今朝一早起身去開會...
呢排天氣唔係咁好呀, 好多人病左... 各位莊員早日康復...
訓多d, 飲多d水啦~~

開會勁開到12點幾~~同異形,Sara同學行街街, 食飯
勁睇Sanrio d野~~仲睇埋冷tim...睇黎我呢個堂堂大男人真係要學織頸巾啦~~不過我好有心機學既!
哈~~睇我啦, 我一定會除左cheese cake之外, 學埋呢樣野!

勁行女人野...但係其實慣左無咩所謂...同家姐都係咁
佢地話我唔似男校喎...原來真咖??嘻~~ 太似女仔...

不過我既今年目標係...細心男孩...加少少蒼桑feel...
搞好莊務, 讀好d書... 暑假可以搵到份多experience既part time...
最緊要... To be a good social worker...
至於感情...隨緣啦!

夜晚同莊員莊聚好開心呀, 有成十個人...
敏華你好野...哼! 勁屈Kelvin,
又有大K的才女事件... 白骨Mei...
一個個可愛的莊員, 你地都係好低B~~哈~~我認真咁讚你地咖~~
同你地真係好好玩, 期待每年2月14日莊聚~~

P.S:今日買左套TOUCH漫畫的其中兩期睇~~
決定買晒成套啦, 勁好睇... 尤其: "南南比不上的好女孩?幾乎是不存在的.....相反我比不上的男孩, 則有山那麼多"...
南南同達也的路...很長很難走

>>January 1, 2004 at 6:09:14 PM GMT+8

2003 年 12 月 30 日 星期二 【晴】

北京之旅~~火車的句錄

還有差不多14個鐘返到香港, 很悶很悶~ 沒什麼好幹

如果說, 喜歡一個人就是思念...或者我喜歡的不是你(你會知的),反而是家人...
一日一張postcard紀錄著每一日所行的路...

旅途上想起很多人同事,一班我想去愛的人...感覺原來可以去付出是一種幸福

即使身邊有著同房, 旅行也有點孤獨, 因為和很多建立的網絡失去聯絡...說著有點自憐...
但孤獨是種美的感覺...因為平常很少遇見感受...

總的來說, 這是個快樂的旅程...回憶很美...

>>January 2, 2004 at 11:39:21 AM GMT+8

2003 年 12 月 30 日 星期二 【晴】

北京之旅

12月20日
時間回到了2003年的12月20日...
當日的天氣...還算得上是睛...
下午的四點鐘開始從香港出發,在火車上不斷收到一堆堆的sms...
不斷咁同人傾電話...個心好似好難離開,同時對北京有d期望...或者十日,在不同的國土生活,可以幫我去搵左自己...
一個人去找尋自己的旅程就係咁開始左...

呆坐...火車...一個人很難面對自己...
找來了幾張聖誕卡寫給幾個好重要的人...
或許是他們我的大學生活才是如此開心,或許是他們我會感覺到自己的存在...多謝呢幾個收到聖誕卡的人...
聖誕係一個說多謝的日子...

12月21日
晚上的6:00...我同同房肥豬到達左北京西站
一切就係呢一分鐘開始,我地收到小麟同手然的電話
搭車同找到自己北京的家(頭四日)...算是有個地方落腳,
然後就去食飯啦,第一餐的北京烤鴨好難忘,一來勁貴,二來有小麟同手然兩個,佢地兩個的出現至少令我覺得有少少在遠在他方的需要有的身份...
一份勁正的水煮魚~~不能忘懷...

12月22日
第一日真真正正咁去行去睇各樣的景點,
係同小麟同手然一齊去,導遊手然同肥豬爭一長短,兩人不相上下~~
故宮的一役,大家都好累,故宮的宮廷格調十分豪華,各東西手工精美,不斷的視覺衝擊...直至我們習慣了...開始覺得美不再美...想停下來,做皇帝的很有苦處,除了權力,女人...原來...他甚麼都沒有

到北海公園,看大白塔...
行了那些寺廟再一步一步登上白塔, 白塔很美, 雖然我們不能上去,但白塔寺一遊倒是值得的...
在北海的湖畔慢行,感受到旅行的暢快, 一步一步的行...說著笑說著閒話...
四個香港來的男仔, 很快樂地在北京踱步, 是個美麗的畫面... 或許這是就是我們的青春
踏上冰的感覺...在冰上玩耍...快樂!

22日的夜晚, 各小麟同阿然分手...行了很久才坐下來...
喝了杯酒...香港見!

12月23日
另一個起點...只有我和肥豬的二人旅行~~

8點起身動身到頤和園, 頤和園是慈禧太后的住處,
大得可憐以及不斷的上上落落, 頤和園固然很美, 尤其那長廊的畫已令我和肥豬樂上半天, 也許太后比皇帝更快樂~~
頤和園的確很美很大, 少一些皇宮的莊嚴, 多了一些玩樂的味道...

接著我們就去了圓明園, 圓明園由於多年前八國聯軍之役所殘,
早已經破壞不堪了, 但遺址中的西方建築感依然猶在!
近代歷史中的中國, 所受的一切在眼前親眼感受, 如何是好?

在圓明園中渡過了日落...又一天...
日子很快...真的很快...
唔記得食過d咩, 夜晚的感覺...總之很漫長~~

12月24日
無咩既平安夜~~也許北京街頭本來就沒有這種聖誕的氣氛...

當日我們一早起身, 坐上游一路公車
開始到長城一行~~
11點半左右,我們踏上了往長城之癲的路一
一路上風十分大,很危險...長城一步一艱辛
一步一步的, 我和肥豬堅信我地伯宿301的實力!
用盡全力的我地終於到達長城的頂端!! 這是一段同血淚寫下的歷史, 很震撼!

接著車到了明十三棱, 明十三棱是明朝皇帝的墓園
我地參觀的是其中兩個, 值得思考的是人既然死, 為什麼還要用這麼多心血去建立墓園
像活人的宮殿一樣的墓園, 精緻得令人作嘔~~

到回市中心...食左餐飯...
Actually,我對食野唔係好講究,所以好多食既野都唔記得!
晚上回程途中, 見到教堂的燈火...平安夜的彌撒...
一個我多年的心願... 希望真的有一個平安夜~~
我會守著自己的諾言...到教堂去參觀平安夜的彌撒

12月25日
聖誕節的一日...比平時更早起身

因為我地去睇升旗, 好凍好凍~~係北京之旅最凍的一次
手凍到好疼...到升旗的一刻, 好感動...
全世界好似淨係為左呢一刻停左, 這是一個中國人的驕傲

食左餐好頹的早餐, 哈~~跟住繼續行天安門廣場的一切...
睇博物館, 城樓... 仲有毛澤東紀念館
唉~~見到毛主席的屍體... 苦笑, 人都死左, 點解...??
一段近代黑暗的歷史...

跟住就開始我地旅行的另一段日子...
因為我地轉地方住啦, 原本我地係住長椿街的飛鷹咖~~
轉去勁南的鳳龍...交通煩左好多, 不過都好, 平左20蚊!

>>January 2, 2004 at 10:01:14 AM GMT+8

2003 年 12 月 29 日 星期一 【晴】

北京之旅2

12月25日
轉完住所, 我地就出發去天壇...
一個好難唔記得既地方...
哈~~祁志傑...係奇連士文殿...唔係...係祁年殿...
藍色的殿頂, 加埋計算精密的柱數! 嘩~~
最緊要係...一個好似楊千嬅的日本女仔, 好靚呀~~嘩~~真係一千個靚! 因為似千fa...哈~~

仲有回音壁, 勁好玩!! 仲比個外國人捉左影相~~滴汗...Merry chirstmas lor!
哈,我特登成日戴聖誕帽咖, 好好玩!

夜晚就去左睇京劇, 好好睇呀, 雖然好貴...
但係真係好值得, 唔睇京劇點似去過北京喎!
孫悟空好正, 怒打翻斗... 好多野睇! d茶好好飲呀!

咁...就完左聖誕節...嗚~~
如果係香港就可以怒慶祝啦! 哈~~不過算係咁咖啦,過得幾開心!

12月26日
想參觀魯迅故居, 最後去左白塔寺, 但係如果真係將星鬥士crossover觀音...
哈,都幾好玩! 小白塔都好靚!

去埋無咩特別既恭王府, 不過以北京黎講, 園林建築真係好難得!
湖心的亭都幾ok 既~~
我比較鍾意呢d野多過宮廷建築

跟住就去胡同游啦, 好開心呀...哈~~唔駛自己行又有野聽!
好正, 隨住新的北京建立, 一切以前的野都漸漸比人忘記......
漸漸...漸漸... 我好鍾意70年代同80年代的香港......
但是有幾多人知道當時人的一切? 老胡同的歷史更是數百年...有沒有人為他們記上了歷史的一部份?

去完starbucks飲咖啡(真係好奢侈), 好鍾意個間starbucks...勁有feel...
然後就去西單啦, 一個好Mong Kok的地方, 買左d野比自己! 勁開心!
26日咁又過左......仲有兩日ja...時間過得好快

12月27日
沉默...當第一步步入抗日戰爭紀念館開始
一幕幕的歷史在跟前出現, 很恐怖...人的生命在戰爭中幾乎一文不值...
又或者...可以是無價...抗日戰爭的人民們, 你們是英雄!!!你們的精神永垂不朽!

去到盧溝橋...反而只是行一行及買手信...
沒那種激動...

去睇大觀園~~好暈呀o個個機動遊戲!
又是園林的建築, 由於沒看過紅樓夢, 有少少晒左呢個景點~~

夜晚再去西單, 又飲starbuck, 不過呢間好唔得喎~~太多人
係西單行左好耐, 除左MK, 原來佢都好銅鑼灣喎~~哈, 同廣州靚女學生買左條頸鍊比自己...
估唔到我d頹廢的國語都可以吹下水喎!

12月28日
最後一日啦, 聽日就要開始返香港...

去行動物園, 好多奇怪的動物, 勁好睇...
白眉長臂猿勁好笑, 睇左我地成半個鐘~~哈, 好似小朋友咁!
不過動物仔好慘, 個個比人困住... 雖然我地都係, 但係起碼我地個籠夠大啦!
自由好緊要咖...

跟住就去左漫畫展~~哈~~
我地睇報紙先知ja, 作為漫畫愛好者, 我無理由唔去啦~~
勁好睇勁好睇呀, 中國的漫畫家好勁, 不過有時太日本又無左個feel,
所以有幾幅好特別(用水墨,同埋另一個好cutie feel)就變左好impressive! 好多原稿睇...
呢d先叫漫畫展ga ma...! 跟住快睇軍事博物館就閃啦!

夜晚去左天安門睇一睇夜景, 再去王府井掃手信!
咁樣...好似...一切都就黎完咁...
好掛住香港, 好掛住家人, 仔女(同老婆), 王子, Rinrin, 莊員, 璣璣, 中同... 西貢朋友...
好似disconnect晒d野好耐咁...

12月29日
去火車站途中撞車, 好彩無咩事~~
撞到咀咀, 流左d血...

上火車...睇晒一本"生活在他方"...
北京之旅就此...。

>>January 2, 2004 at 5:27:44 PM GMT+8

2003 年 12 月 29 日 星期一 【晴】

返到宿除左睇到臨走無執野既亂~~
仲有係好想喊~~

唔知點講,一睇到BB你寫個幾句野就好想喊啦...
咩灰姑娘的玻璃鞋喎...
你唔可以係佢地咖,你係好重要咖...
嗚~~勁想喊呀~~
感動X1000000... ^@_@^ 喊腫左啦!
嗚~~

>>December 30, 2003 at 8:55:30 AM GMT+8

2003 年 12 月 29 日 星期一 【晴】

各位~~我返黎啦!!
好多野想講想寫,不過都係今晚先啦!

想睇下我呢個旅行的一切,唔好錯過呀!

>>December 30, 2003 at 5:40:49 AM GMT+8

2003 年 12 月 19 日 星期五 【晴】

自由行

作曲:雷頌德 主唱:楊千嬅 填詞:黃偉文

當我在蒙馬特 看見滿街的馬戲
無端卻自覺 太自由 再也變不出驚喜
避了你至少 幾千百公里
原來為了讓你不願再度被提起
遇不到他 怎夠狠 放得開你
願我那尾站在馬德里

＊傷心像旅行 盼會遇上安份
在地球盡處 共我擁吻
最怕世上游遍 發覺沒有此人
冰島也沒有 避世的小鎮
(親手破滅最後那 天真) ＊

一生在旅行 買票預了雙份
站站停下就後也空等
畢竟也自由過 算有幸 有不幸
當作四出消遣散心 預備66歲初吻
＃(今天決定回去 痛快地坐一陣
最愛縱使真的要等 靜靜坐著亦會走近)＃

巴格達莫斯科 法國我一早去過
如果放病假 會復原 假已放得這麼多
大概也夠鍾想想到底我 沿途扮夠任性需要坐定下來麼
負傷出走 荒野中露宿的我 下個聖誕夜又要怎過
Repeat ＊

要是我抱著那 漂泊的心
路途上任誰亦覺得合襯
難道我走上露台賞燈 未察覺原來樓下有人
Repeat ＊　＃





P.S:"一生在旅行 買票預了雙份
站站停下最後也空等 "呢句好有FEEL~~我好鍾意!
我都係咁諗~~
睇黎慢慢等好d...
"最愛縱使真的要等 靜靜坐著亦會走近"

>>December 19, 2003 at 10:23:02 PM GMT+8

2003 年 12 月 19 日 星期五 【晴】

嘩~~嘩~~嘩~~
終於黎啦,北京~~

係臨出發前的一日,終於有少少出國的感覺,係咪太遲鈍呢? >.哈~~今日組聚勁開心,我相信個個都會咁諗,有呢班組仔女係我的幸福!
仲有小老B衫出左,個款勁靚,好BUY~~

交埋Final project,睇埋"魔介III"啦,我可以開開心心走lu~~

Karin的message...Um...感動爆...你都玩得開心d la~~我會掛住你咖~~上年同一個時候...我地係一齊咖去旅行,唔會忘記上海之旅!
仲有璣璣,唔知點解好似好咁相信同你唔見十零日tim...哼~~比你得戚左!
Tiffany,哼~~大壞蛋BB~~唔信你講野呀,人地對你咁好仲話人衰!
組仔女,我去十零日ja...唔好掛住我!
阿爸阿媽屋企人,我下個sem一定會番多d屋企咖,放心!
UCSWK莊員們,對唔住呀,無咩時間陪你地玩,12月31號我地相約,單車聚!

>>December 19, 2003 at 9:57:26 PM GMT+8

2003 年 12 月 18 日 星期四 【晴】

早~~
上午六時~~由fine art department返到宿~~

完成左一張所謂final project...其實都唔差既...
不過同學d idea仲勁~真係好野!
好累好累,第一次畫咁多sex and volence既野,個感覺幾開心~~變態咁!

朝早5點零六分~~收到璣璣一個message...
開心...感動...想哭...(有d誇)
點解係要話有唔同喎...其實我對住佢同對住你都一樣態度ja ma...
哈~~唔好傻啦!仲無啦啦頂我tim wor...唉~~

早d抖把啦~~傻瓜!

>>December 18, 2003 at 9:57:50 PM GMT+8

2003 年 12 月 17 日 星期三 【晴】

唔寫出黎唔開心的一日~~

Um...食左半個tea就閃左,Karin對唔住~~
因為佢對我真係幾重要
跟住同王子去左交功課,真係一年都見唔到佢兩三次...
今次應該係我同你至今的最長的一次約會啦!
行下行下到左沙田,我買埋冷帽~~北京...我好快就黎咖啦~~
"好多謝你呀~~多謝你呀~多謝xinfinity~你都話大家係friend la~做friend既唔洗對我咁好架~咁我會唔好意思架~~
再多謝你先^^多謝你呀"呢句野係咪解我同你只可以係朋友?我唔明...
有d期待,呢排人人都love actually呀~~想睇tim
因為我真係鍾意你咖!
搵下資料,開左個大social work莊既會~~幾開心呀!
哈~~同Tracy同Mel做PIC...但係又無其他既PIC...
哈~~其他莊員無機會合作tim,加油呀!
如果你見到既話,唔該留下言啦~~無論對於我黎講好定唔好的結果...
我都會接受~~你只要係答一句:"我睇到啦,嘻~~"咁就得咖啦...結果...我自己會問你
哈~~咁樣算唔算一個故事的完結呢?

>>December 17, 2003 at 7:35:49 PM GMT+8