2004 年 2 月 1 日 星期日 【晴】

唔知點講喎~~總之...
嘻~~開心lor!

今日原本上成七堂咖, 不過開會走左一堂~~
比異形仔勁鬧, 人地走一堂無咩用的堂都鬧! 哼~~
食飯變左常會, 其實幾好, 不過好想聽日飲茶咖我!woo~~完左交職就好lu~~

一日見到bb幾次, 其實都幾難得~~做咩係門口都大叫就走喎, 你係咪傻咖?

夜晚又發生d騎呢野~~同Fumina同一班莊員食飯, 講勁多白痴野~~咩Dragon ball, Gohan~~
走的時候撞到Queenie(囡囡的同學)wo...咁就無理到莊員同Queenie傾計~~一萬個odd...><
同番異形仔講, 佢又話我白痴啦(仲話生人勿近)~~唉~~我識econ同geog咖~~勁叻叻!

怒織頸巾~~勁開心...好專心咁做傻事! 諗傻野~~

小麟麟生日黎左我度訓~~開心死我lu~~

>>February 2, 2004 at 8:59:27 PM GMT+8

2004 年 1 月 31 日 星期六 【晴】

嘻~~傻咖!

今日勁開心wo...做左好多野...
買左滿記的甜品比人食~~應承左咁耐終於做左啦...

開左個大系的會, 傾左好多野,好搞笑~~

跟住做晒個投票袋, send晒email...
等緊聽日...投票日一同開會!

P.S:估唔到衰衰人的我之外bb你都係喎~~呵~~

>>February 1, 2004 at 8:29:20 PM GMT+8

2004 年 1 月 31 日 星期六 【晴】

原來...逃避的感覺係咁好...

訓左一晚, 咩都唔做~~
好多野壓住左我, 但係我都選擇左訓多陣...
唔想再講累呢個字, 我相信...身邊比我更累的人多的是,
是我受不了吧~~

做很多事都沒有動力的日子過去了...
2004年2月1日下午1時10分, 拋棄了過去, 今天又是個新開始!
呼~~努力!

"抓著胸口狂叫,胸口總不治地流著血...跌了下來..."
"另一個生命出現, 沒帶著絲絲的負擔走, 不久又中了槍...再跑一會...倒下來"

>>February 1, 2004 at 5:16:14 AM GMT+8

2004 年 1 月 29 日 星期四 【晴】

逸事~~

今日的幾件事...或者等於左一日的生活
上堂...落堂...

跟住...11:30...準時月會...完左同Heidi女行沙田...
行左好耐,講左好多野,浪費人地好多時間...
包括自己...^^

跟住好好的Rinrin同我去salon做highlight...好似姐姐咁呀Rinrin...
好好呀,勁好!個頭型爆~~好驚返屋企...

夜d同雞蛋佢地打機幾開心...Rainbow Six又返黎啦!

>>January 30, 2004 at 6:16:29 PM GMT+8

2004 年 1 月 29 日 星期四 【晴】

"只要為我好,多委屈你都做...
當增加你苦惱, 你卻更加醉倒..."

突然閃起呢堆歌詞...
......呢排~~好唔知點...我知道有d野唔同左...

唔識點去對人好...因為沒有一個人很特別~~
對個個人都好, 其實咪個個都唔好?

>>January 30, 2004 at 1:38:21 PM GMT+8

2004 年 1 月 28 日 星期三 【晴】

理論上...完左...但係又繼續...

今日係宿伯卿弟落左莊後的話劇上演, 好開心有呢班莊員陪過我走year1的路...
今日好似諗清楚左d野, 或者留戀無咩意思...就當今次係最後一次, 感覺有點酸...但亦覺好...

開年飯食得幾開心, 唔知點解(可能羨慕佢地有得搞function), 總是會帶點雞蛋裡挑骨頭的感覺~~
不過真的很好很好, 很多人參與...宿舍好似真係家一樣~~

今日找到上個sem一張關於夢想的紙仔:
1)希望同老婆仔環遊世界
2)唔駛返工但係幫到人,身邊所有朋友都開心
3)隨時可以畫畫同影相

......生命本來就是這樣......
夢想跟目標都可以是簡單到極!

P.S:...唔要對人咁好...><

>>January 29, 2004 at 8:52:00 PM GMT+8

2004 年 1 月 28 日 星期三 【晴】

~~雷雨~~

係一套宿伯卿弟的話劇(正式d係鬧劇)
尋晚用一晚出左一張勁多人buy的poster...自己都幾鍾意!
今日用左好耐排戲,agm過左...落左莊lu~~

今日上堂Tutorial唔見左花花~~病左呀花花~~
快d好番呀...^^
上tuto的氣氛幾好,有時講Professionalization真係無咩講...
講埋role of SWers...有時唔明, 到底咩role同我地係咪真係咁related...同埋有好多好blur的東西係咪可以界定?Broker/Advocator/Educator/Enabler/Mediator/Control Agent...每樣野都有overlap的地方,有冇必要去分得好清楚邊樣野係咩role?
最重要可能係有目標去知道自己想做咩role...而唔係vice versa去諗...

上中日韓電影...唔想講地廢...呢個sem最無心機上的course...
唔係course唔好,係professor好寸好無聊,咩都唔識咁...
不過,電影真係一種好吸引的藝術!

到九十堂的油畫,好耐無較過顏色,Saturation係好難的一個topic...
Hue+Value+Saturation=all colors!

去左沙田配con,聽日...趕唔趕得切攞呢?

>>January 28, 2004 at 8:52:47 PM GMT+8

2004 年 1 月 25 日 星期日 【晴】

長路漫漫是如何走過...回憶在樂極當中的我

年初四...星期日...
同一個好鍾意著黑色衫的女仔出街睇Peter Pan,一百個搞笑~~
明明唔係好熟的朋友約左出黎,大家同系左一個sem...仲要同年好難得...
咁就行下街睇下戲又一日,對呢個朋友認識多左~~其實係好開心的一件事!

跟住去輔聚,打邊爐勁開心...不過唔飽既~~

到年初五~~唔想返學的補課日!
勁累...唔想起身~~
不過見到異形B,花花,Sara等一班人又開心番晒!

夜晚去左莊聚...又一次莊聚...

後記:日記好貨不對辦, 所以我選擇再多段:
尋日睇到好多人的留言,諗得更加深左...無錯...好唔好係好講自信,
但係...如果全世界得自己覺得自己好,咁...仲係咪好?對~~連那種自信我自己都唔會有...
因為或者我心目中的好男仔太好啦~~我對自己的要求唔只咁...
不過我堅信:"I am not qualified~~"

今日好多謝Sara個揮春,勁好勁好呀你!
異形B個賢妻良母樣真係幾得呀~~勁叻勁叻,你係我見咁多女仔裡面家政最叻咖!
Jennifer...完美女孩~~係好叻好靜好女仔,多謝你幫到我咁多喎!
橙仔~~28歲結婚仲有好多年拖拍喎~~你得o既!

唔知點解,落左莊先勁去莊聚...
好好珍惜呢份付出過咁多的感情...每一張poster都係一個記憶
成長左的感覺一d都唔好受~~

Touch的結局...好okay wo...Um...要買番頭四期啦!

Karin...好少傾電話會喊...(好似真係第一次)...
Um...你Grad左我地都會好好好好好friend ga...一定...
我o係CU裡面最重要的人暫時三甲都應該會有你o既(哈~~你擺到我咁前)

"最愛縱使真的要等...靜靜坐著亦會走近..."
送比你同我的歌詞

>>January 26, 2004 at 8:02:00 PM GMT+8

2004 年 1 月 23 日 星期五 【晴】

好一個~~年初三

尋晚玩到咁夜, 今朝又要九點幾起身~~
似乎埋下我要返大陸怒訓的伏線...

每年的呢一日...都有一大堆的親朋戚友返到鄉下西鄉市(有SARS ga...)過年...
上年好似無返到,但係其實每年返一返...見到佢地個個都身體健康,尤其是婆婆~~總是有點安心...
今次有一些特別,就是婆婆唔太記得我個名...反而我家姐男朋友又記得喎=_=!!
睇黎我太耐無返屋企的後果之一...(因為每年婆婆都會住一星期我屋企咖)
熱熱鬧鬧之餘,很累~~所以在婆婆家的沙發上睡了兩小時,很好~~再吃晚飯...

我這個年紀在親朋戚友中總有點尷尬,因為這個年紀的子女很少陪爸媽回鄉了~~總找著自己的節目,所以想找個人玩也難...所以睡了一個下午很好!

回到香港...有一個na的同學仔好突然咁問我d感情野...仲話我係好男仔...
佢話我好人同埋有責任心...有少少疑惑, 到底...我算唔算一個好的男仔呢?
再問另一d人,其實好多人都話係~~但係...我覺得...又唔係...

還不夠好,因為我也會想放棄...還不夠好,因為我不是專一的人...還不夠好,因為很多東西還未如理想...很多東西...還不夠好...還有...我付出不夠
所以我選擇去相信...我不是好男仔...

>>January 24, 2004 at 8:39:33 PM GMT+8

2004 年 1 月 22 日 星期四 【晴】

年初二~~煙花滙演..

今日同班莊員出左去睇煙花,好靚好靚呀~~點解好似得我地白痴咁叫咖?
睇完去左一間叫總統餐廳的物體食野,無聊的一班莊員竟然話返宿喎~~
真係好搞野,不過我都返左去~~因為基本上我覺得我可能仲無聊過佢地~~

剛剛返到宿,收到王子的一張e-card...
或者只係好間中,不過收到你的任何一張ecard or email都覺得好開心...
或者好簡單既關係,做下朋友已經可以令我樂上半天了~

去睇煙花之前...o係旺角度行左一陣,記得上年同一個時間都好似出過旺角...
好特別,好多野睇,滿街的攤檔林羅滿目,很開心~~很得意~~唔知點解...諗起左一首歌:

再見二丁目

滿街腳步 突然靜了 滿天柏樹 突然沒有動搖
這一剎 我只需要 一罐熱茶吧
那味道 似是什麼 都不緊要

唱片店內 傳來異國民謠 那種快樂突然被我需要
不親切 至少不似 想你般奧妙
情和調 隨著懷緬 變得蕭條

** 原來過得很快樂(原來我非不快樂) 只我一人未發覺
如能忘掉渴望 歲月長 衣裳薄
無論於什麼角落 不假設你或會在旁
我也可暢遊異國 放心吃喝
(我也可暢遊異國 再找寄托)

轉街過巷 就如滑過浪潮 聽天說地仍然剩我心跳
關於你 冥想不了 可免都免掉
情和慾 留待下個化身燃燒
Repeat **x2

聽日要返大陸,而家成四點都未訓~~哈~~
我愛宿舍~~唔係好hEA!

>>January 23, 2004 at 7:50:57 PM GMT+8