2004 年 5 月 6 日 星期四 【晴】

勁唔想寫日記呀~~零特別呀~~救命><

一早去九龍塘開會...開到四點幾
...行左陣就返屋企...好眼訓~~

訓到九點...再開始做日常的跑步+畫畫~~
wo...就到而家...
你話呢d生活幾咁頹...

幸好的是心織莊員們都好得意
幸好的是有人陪我icq
幸好的是去左報義工
幸好的是Kathy的留言
幸好是打電話仲聽到暖暖的聲音
幸好是琬婷話我好傾

咁樣都唔錯掛~~

>>May 7, 2004 at 7:49:27 PM GMT+8

2004 年 5 月 5 日 星期三 【晴】

嘩~~好好好好好眼訓...

尋日兩點幾一出門,今朝九點幾先返屋企...
total已經玩左19個鐘..

食一個tea...然後開三個鐘頭會...再去左睇戲...

救命...

或者很應該欣賞...羅志良導演的威力...
一套關於人的電影,拍出驚嚇的效果,當中的技巧不是很花巧...
基本的電影語言覆蓋了風格,在聲音與實而不華的映象下,
電影感依舊強烈...活像異度空間的神經質...

對比異度空間,救命同樣地每一個角色也有很多歷史和秘密,
神經質的感覺都被表現出來...看來這會是羅志良導演愛用的題材
而無可置疑的是李心潔及林嘉欣的演技已經是出神入化,
只可以問一句:"誰會是影后"...林嘉欣的眼淚固然感動,李心潔的殺人表情都十分看好...
...所以,救命都幾好睇...

睇完套戲就去左食野...再去沙田同馬兒Kathy囡囡慶生日~~
多謝你地咁欣賞我地整的禮物^^
Um...一玩又五個鐘~~
怒唱...好多好好玩的歌...尤其必殺技^^

飲埋早茶=.=~~勁勁勁~~
yeahyeah~~

幸運麟~~哈~~都差唔多到一年的尾聲啦~~
唔知今年又係咩呢?

幸運麟的仔女,我永遠都會係你地爸爸黎咖~~如果你地唔嫌棄我的話^^

>>May 6, 2004 at 6:17:55 PM GMT+8

2004 年 5 月 4 日 星期二 【晴】

今日...是五月四日吧...

快樂不快樂...或許是整定...又或者...
唔知呢~~帶著昨天...走到今日...
夢醒或是繼續睡下去...?

Tracy囡好可愛咁用d無聊野tum左我一下(真係好得的"始終都是"...講真係好work wo...
好有興趣做的東西...
始終覺得香港好多得意野~~美都茶餐廳...
同埋重慶森林的快餐店......好多地方...想去~~

Sara同學你既一聲掛住我...好appreciate...真咖~~!!

第四日的跑步...唔係唔開心...
只係想每日運動同埋有半小時的逃離感...
由細到大,有幾多所謂習慣會keep到...我要學點去固執...

每晚的路上...一雙雙情侶...一大班人...特別的感覺...
跑到無人的街,沒有街燈...

原來成熟左好多...比起以前識左照顧人...
更細心左...對人好左...

"Oh,I love you...I always do..."
好sweeeeeeeeeeeeeeet...^^

你小姐,我唔係夜鬼,係人黎咖~~
我仲記得五月四日...二點幾...我打過比你wo^^...
唔駛double check...

>>May 4, 2004 at 7:26:21 PM GMT+8

2004 年 5 月 2 日 星期日 【晴】

五月三日...或是五月四日
用感覺...
記低每一分秒,每一句說話...
不再是無聊的語句,不是浪漫...

再一次深深感受的痛,是empathy嗎?體驗中不是只有你...還有他的痛...
為什麼以自己的幸福作為一個交換...
不是你的錯~~為什麼總要自己扛著...不是...不是...
以為自己的痛可以令他開心?~
當人人都覺得不再是什麼時,仍然要內疚下去?

......也許我沒有資格說什麼話吧...

很想離開...卻受不了...
本來沒有我是很好,有了已經只是多一個無謂的考慮而矣...
受重視?感覺點兒也不好...因為本來我沒有這種的需要...
要的...像是你付不起吧~~
想待傷口撫平之後...離開...

我知痛...比你知得更多...是嗎?

......我不想再說一句謊了......要做好人可以嗎...如果要對任何人不好...我寧願永遠自己一個...
這是決定嗎?又不知可以維持多久...

>>May 4, 2004 at 7:34:49 AM GMT+8

2004 年 5 月 1 日 星期六 【晴】

好正的香港一日遊~~^^
太太太開心
...

由中大出發...拿住好多的東西...畫以及油彩,去到銅鑼灣...
見到Tracy囡囡感覺真好^^久違了的感覺...說著不同的話,話題...
一條羅素街...一間Coffee Corridor...一個cheese cake...一個pasta...一杯Corridor Monster...是一份情懷...是香港的感覺...活似一個遊客...

去Sogo行左一陣~~平時唔會好多機會去,所以感覺幾特別...^^

出發去尖沙咀啦,我們的星光大道...問地鐵姐姐星光大道在哪...不禁傻笑...
兩顆充滿夢的心...期待...
香港很美...沒哪裡比得上的迷人夜境,下一次會是山頂~~^^是嗎?
張國榮...一份感覺...呵~~
I love Hong Kong^^

黑天鵝

傳說中有一種天鵝是黑色的...
有人說...黑色的天鵝是天鵝十分美麗...亦有人說...十分醜陋...

黑天鵝是十分特別的動物...
它愛跟其他的白天鵝同伴玩耍,工作...

一個小孩子走進了天鵝湖裡,看到黑天鵝...
說了一句:"黑天鵝,可以帶我到天上面一下嗎?"
黑天鵝二話不說,就背著了小孩,飛上了天空...離開了天鵝湖,
黑天鵝和小孩子飛到不同的地方,說著不同的事...
小孩子很愉快結識到黑天鵝...
他覺得黑天鵝很美很美,美的不只是外表,而是那迷人的性格~~
外向...有衝勁而好動...^^把夢帶給了小孩子...
黑天鵝沿途上說著很多與同伴的相處的開心不開心...

夜了,在離開前,
小孩只說了句"加油...美麗的黑天鵝,你會找到你想去的地方的^^"
或許...有一天小孩會跟著黑天鵝...飛到另一個地方,有另一段奇遇...
想...飛到巴塞隆拿...看看高地的聖加教堂...
無論小孩...黑天鵝...這一刻...是想飛得更高更遠...

或許...這只是故事的開始...希望...故事會繼續下去...
只要抱著夢飛...總不會跌下來吧~~

>>May 4, 2004 at 7:15:34 AM GMT+8

2004 年 5 月 1 日 星期六 【晴】

放假的第二日,發覺原來...大學令我識左好多人...
無論係好好的朋友,好朋友都好多...

好頹咁成日係屋企...訓...同埋睇電視...
基本上呢個世界有種動物叫"蛀米大虫"...應該就係我^^
掛住好多人呀...可惡>.<

比較有建設性我活動係...傾電話...同埋每晚的跑步...
好鍾意好多汗好累的感覺...
越累好似越開心...
越跑越耐,一路聽住歌,看著海...對夜晚有一種偏愛...
燈光...

好掛住...比你鬧的感覺~~

今個夏天...是屬於我的^^

夏日真好...訓覺~~
...tmr...
期待中的星光大道...五一黃金周扮遊客之旅~~

找我...
曾經我在這一塊土地上面
親吻過一個女孩子
這一吻換來的
是一夥滴血的心

勁好聽~~Edmond...

>>May 2, 2004 at 6:04:14 PM GMT+8

2004 年 4 月 30 日 星期五 【晴】

失眠...
好難受~~......無原因......總之訓唔著啦~~

好多野想講...好想面對面一次過講晒

唔想再有煩的空間...
突然問番自己:"讀大學...得左d咩?"同埋"點解?"

兩年黎...做左的東西很多...我自問算是好學的一個大學生...
上莊...宿生會識左一班曾經同甘共苦的朋友仔~~
搞drama...令到自己對藝術的視野大左好多,同時識左好多唔同的人...
仲有好多好多...比很多人精彩豐富亦有意義...so...

可以話到比自己聽學到好多野...but...does it means anything...
突然唔想面對將來...
比唔到幸福自己,亦都比唔到人幸福...好得人驚...

個心好痛

想靜下,想訓...意識到仲有好多野未完成...
無論係學業上,莊務...仲有其他事...感情...很多的事...>.<
呢d叫負擔~~咩左兩年...又放唔低>.<

無野做的一剎竟然意識到好多好多野要做...救命>.<

>>April 30, 2004 at 10:14:23 PM GMT+8

2004 年 4 月 30 日 星期五 【晴】

吃喝玩樂的一日...

同Karin唱K呀~~第一次兩個人唱K ja...
Karin...我一直都無講過比你聽,你算係我而家覺得我生命中最具影響力的第四個女性啦~~
媽媽,同兩個姐姐之後就係你啦~~
你講好多野都會聽,都會反省...你叫我睇定dd...我會咖啦...我要做一個你心目中初初識的專一feel ma...記低左啦~~
唔好因為離別而喊,你要帶我去巴塞隆拿...Sagrada Faminia...
記得帶埋"小基b"公仔去影相~~postcard呀~~

如果有機會...帶你去日本啦^^

好朋友...分開都會記得...會掛念~~
唔好擔心...
好好照顧自己...你要學識點獨立呀!

一個人唱k....感覺好怪~~
之後去左行街街~~wowo~~

再同澤仔睇左"江湖"...
係一套好賣弄技巧的電影,仲好明確有好重Film Noir(黑色電影)的感覺,
感情描寫幾特別...到底個種愛係基於性抑或是真正的傾慕?而女主角是因為報答抑或是什麼?......
Beauty versus Love...一個好好的反思空間...
雖然一早估到會咁發展...但對於佢角度的考究,editing的功力,美學的追求...毫無疑問此電影是十分具風格的...好有杜琪峰+王家衛feel...
不過一個shot...狂用zoom+dolly~~好唔開心wo~~好暈~~...
有d位無意義的懶有feel...好怪...

每個鏡頭運用其實唔係應該都係應該有meaning ga咩...
唔好呃我唔識電影wo...我好高grade ga^^
係唔係都做camera movement...呢個唔係mtv wo...
好高的視覺享受...但係有d做得好無謂...
同埋有個shot影住女仔背面+backgd music...cut得好突然...好怪

背後的意義?相信係江湖上面的重覆(不斷發生,一個江湖英雄死=另一個江湖英雄)...
...江湖...唔係你殺我咪我殺你lo...呢套戲以本質上未跳出呢個框框...所以唔係咩曾志偉話的時代江湖片...
係好值得睇的電影,好高藝術價值(以技巧上的說法)...
但以電影而言,仍然覺得要睇多幾套呢個導演的電影才作評論...始終作者論以作者為先...
好啦~~寫晒啦呢份film critic...

>>April 30, 2004 at 5:27:48 PM GMT+8

2004 年 4 月 27 日 星期二 【晴】

還我半點清白...戀愛運經已黑

多謝兩個叫我叫我學車加油的message...雖然返到黎先見到...
好彩無車親人,一d自己原本覺得唔難的東西原來都幾難^^
學車...要用一波...連手都要練~~
踩一半耍release handbrake...比油~~
嘩~~難到癲...好彩無車親人,要練到好勁先得~~
要internalized...

Theory用左兩個鐘就pass...呢個無廿個鐘都唔掂><

...考晒試~~做paper吧>.<'
(聽聽花花同大怪物說話吧)
大怪物,你考完試唔好成日補習啦~~陪下我玩先得ga ma...

木偶奇偶記

童話故事中的木偶,被木匠製做而有生命...
真實的木偶卻是獨立而不受保護...

一個靜靜的黃昏...呼的一聲...
木偶起床了,他一個人住在充滿柴木的房中...
一間被遺忘了的屋,他的生命...彷彿從沒有出現過,在一間鎖了的房中睡及醒,時間...
日與夜對他來說...有什麼意義?

再到一個下午,木偶聽到有人打開了房門,這一間數年沒人打開的房...
木偶興高采烈,跑出了柴房...跑跑跳跳~~

這時...開門的人發呆了,因為一隻用多支木材做出來的木偶...
能跑能跳,
開門人呆著,卻說了"很可愛"...把木偶帶回家了,木偶是不懂說話的...
"呀...呀..."代表想吃東西..."呀呀呀"已經是想睡覺...

不知是憐憫或是愛,開門人對木偶照顧有加,木偶是吃木的...每天開門人便把木給他...
木偶不能濕水,開門人便每天用布把他清潔...還教他說話...

每一日開門人都會與木偶一起到戲班,一起去表演...
不知多少個春秋...木偶以為找到了永遠的一個伴侶...直至...

又是一個清晨,開門人一出門口便沒有歸來...
愛是一剎那...但...永恆的...
開門人當日原來是到森林往市集時,被山賊打劫...
然後...死了~~

木偶傷心欲絕...不過...生命總得繼續...
縱使愛是一剎那...卻同樣...精彩及永恆...

"hold my hand, hold my hand,come and hold my hand"
...自此的一生,
木偶繼續一個人去戲班表演...
人會變...事會變...愛不會變...
不知再有多少人對他好,給他愛...
對他來說,每份愛都是不同...

都是永恆...都得珍惜...

哪管快樂是...一分鐘~~

>>April 28, 2004 at 7:09:49 PM GMT+8

2004 年 4 月 27 日 星期二 【晴】

Sara同學...加埋咁多位唱k之友~~勁勁開心呀~~
終於考晒啦...不過學花花講:"記得做paper呀~~"

一下子黎個社工大昏迷...就2點幾啦...好誇~~都值得~~

聽日第一次學車~~其實都應該早d起身wo...

其實今日班K友講既~~都並非無道理wo~~
少少實有既~~不過...
順其自然啦~~

>>April 27, 2004 at 7:04:51 PM GMT+8