2006 年 2 月 1 日 星期三 【晴】

擁抱每一刻花火...@年初五

竟然係好好睇...正!!!

呢套野的感覺好真, 完全唔做作咁去描寫年輕人...
年輕人的輕狂, 放任都在電影中流露左...
Mia的放任以"我喜歡"作口頭禪看得到, 而吳浩康的暴躁亦同樣說出年輕人的話~~
多角度去寫年輕人的戀愛, 以當時暑假檔期的電影來說是不落俗套!

故事的結構好鬆散下, 好似講緊幾個story, 但中間又有d linkage...有點點後現代色彩!
或者人與人間的關係是這樣才是令人覺得特別~~
利用天台, cafe同旺角街頭作為bridge好能夠去找住共鳴...
唯以無間道作借鏡有點令人覺得老土~~
結局中以吳卓羲最weird...其他好ok...

而當中很明顯導演對年輕人的心態捉得很緊, 以旺角街頭一段年輕人對戀愛的獨白最到point...
在一個好多人的地方, 會感覺到好寂寞...
有d人的愛情好偉大, 會想愛的人得到快樂... (對照著故事中很多的年輕男女越愛越說不出口, 越是拒絕)

postmodern在人與人的距離, 怕被拒絕而先拒絕人的保護性...
而吳日言與手機交談, 年輕人與mp3戀愛都是戀物的情意結, 與"重慶森林"中的梁朝偉相約~~ 既然人與人的距離遠了, 倒不如與物件談戀愛~~
另外, 亦強調人的感性及破壞, 如吳浩康與女朋友鬧交~~
整套電影充滿年輕人對自己世界的認同... 尤如現實中的年輕人活於自己的世界...

很喜歡這電影, 跟香港新浪潮有著很多的共通點...
正!!!
雖然故事有d位好刻意, 不過好帶到hope比觀眾, 年輕人笑過喊過後也會懂得愛!

>>February 2, 2006 at 12:36:28 PM GMT+8

2006 年 1 月 29 日 星期日 【晴】

好多好多日無寫日記~~

一月就咁過左... placement淨番一個月多dd ja...
各位同學仔過埋佢一起grad la...^^
影多d靚靚相!!!

呢幾日雖然新年都唔係好開心...

廿七仲番緊placement, 夜晚諮詢~~
廿八好開心咁同女朋友仔、Sara、Simpson去維園~~
廿九就好晏起身, 再去維園幫手~~
年初一啦咁就好快, 過左好怪的一天, 有點開心又有點唔開心...

好多野唔識去處理, 好想幫但已經盡力了>o<
我知道我的性格唔會咁易放棄... ADD OIL!!!

>>January 30, 2006 at 12:22:34 PM GMT+8

2006 年 1 月 1 日 星期日 【晴】

夜晚...
在夜晚...喝上了一罐咖啡...
慢慢的感受寧靜~~

因為找上了久久沒看過的日記, 一口氣看了很久很久...
兩個人的相遇真是很偶然~~由當初的大肥雞到今日的張納基...都幾好笑下!
又看上了觀瑪的網頁, 或許幾年後我這個班會主席真的在報紙尋人...
找找失散的中同...
Loud德話觀瑪學生好獨立, 我都有d咁認為, 應該話我地中學都餓得太耐, 急不及待要搵食啦^^
睇番唔同老師個樣, 好似黎左d新miss~~點解我讀o個陣無咖>中學好多loud野, 好怪的事... 充斥著不同種類的人, 不過我o個一年應該係最叻的一年... 勁多人讀postgrad同first hon畢業, 大家同一間學校. 點解我頹咁多既??
又睇下social worker個樣... oh><原來是家福會的... 咁我好難做wo...

好一個一月二日...最大新聞只是千嬅拎左兩個獎~~同埋醫神狂掃獎...
在電台聽到:「我真係好鍾意唱歌咖」...呢句說話我o係阿烽diary睇過, 睇黎呢兩個人有異曲同工之妙~~
不過TVB連醫神個名都無...救命...人地都有唱過「不死傳說」咖~~
同埋我知千嬅TVB一定拿到... 因為同無記太熟...
每年睇頒獎都好有娛樂性... 唔怪得叫娛樂圈啦! 個好閃的backdrop好靚... 不過唔夠前幾年個wonderland靚... 是2002年的wonderland...

一月一日...
睇左情義我心知...
真係幾好睇, 鍾意睇呢d ... 好一個鐵漢柔情
一睇個班底知道係商業底, 不過拍出味道來, 杜文澤演技不慍不火...由對黎明不認識到相擁的一剎...
「我話過...我會攬你ga ma...」
「係咪先?」
黎明傻得黎又幾討好, 好明顯係落過苦功...
比起一些吹噓著特技效果, 一億製作的電影, 明顯這套電影更有味道...拾回點點小品電影應有的戲味, 講情講得細膩動人, 卻不落至同性戀的感覺... 這些不正正是討好的技巧嗎?
當然啦, 計算一定包括要令觀眾喊出黎的劇情啦~~
用兩個男演員擔正都可以做到咁, 我覺得除左香港電影會咁, 都好難搵到其他地方係咁啦... 講友情講到好似會結婚咁, 係由英雄本色時代已經遺傳的特點...
香港的男人會在男人上講義氣, 其實係同性間的安慰同支持... 正正因為東方男人在異性心目中存有的崇高地位, 男人好難對女人示弱, 如同影片中的杜汶澤~~ 父妻間的失語, 以男男之間的義氣作補償, 大量其實一直都講緊呢個課題.
由吳宇森到杜琪峰到而家劉偉強一脈相乘... 其實係一種意識形態~~

唔講電影啦~~
總之多謝每一位朋友啦!!新年快樂啦~~

>>January 3, 2006 at 9:47:30 AM GMT+8

2005 年 12 月 28 日 星期三 【晴】

26...幸運麟組聚...
驚訝地Tiffany瘦左好多呀, 好多仔仔囡囡都黎~~
計算一下, 我地都無組聚多好多次就畢業啦...
由第一年到你地第三年, 好幸運地可以睇晒你地成個大學的過程, 好得意呀呢個過程~~當中自己都有改變... 不過始終year 1是最特別最多事發生的, 喜歡看別人的year 1~~

27...UCSWK莊聚
係一班好gap的人聚埋一齊不斷講gap野的聚會...
因為太熟啦所有人都, 講咩都好即興即時... 每樣野都自然咁發生~~
打邊爐的永澤同學好好味~~
好多好怪的東西, 阿婷的魚面... Michelle的不著衫宣言都好怪~~

28-29...Kawaii Camp
第一次同一班參與過同一個ocamp的人再去camp...
好開心Kawaii做左第一次, 可能因為同花花都係social work...
加上仔囡都係social work, warmup得好快好快, 個group去得好快好快,
竟然可以短短幾個月行得咁埋...太誇張啦~~
見到每個仔仔囡囡經歷緊year 1的階段, 好多的role clarification... 令自己又諗番year 1的時候好唔鍾意bba...又偏偏要讀...一本diary看上去滿載著應否轉social work的疑問~~
又見到仔仔囡囡的戀愛問題... 嘩... 我不嬲都多呢d...
諗起好多好多...或許都總需要經歷才找到最好的一個~~
找銀鑛瀑布同銀鑛洞... 食大排檔...
食左好多餐, 好好味同埋好飽呀~~太多好笑野, 同埋太多好沉重的位~~
只能說最不開心我們彼此仍有大家!

>>December 29, 2005 at 6:13:21 PM GMT+8

2005 年 12 月 25 日 星期日 【晴】

~新的彭浩翔電影: Isabella~~

12月23日...
時: 11點至5點~~
終於看了King Kong, 不明白bio-harzard + 侏羅紀為什麼會在電影中出現~~
不過據說是33年的作品的後遺...
King Kong的原身據說是beauty and the beast... 不過在2005的King Kong的課題卻比戀愛多上很多~~
每次看西片, 總覺得西方人對愛情的體驗不夠深, 在同期看的"如果愛"同埋"無極", 對愛情的描寫無疑深刻很多, 但King Kong中King Kong對女主角的愛很subtle...而且很單純~~而女主角明顯在愛情上是顯得不夠立體, 著墨亦不夠多... 而男主角(是鋼琴戰曲的男主角)就演得幾好... 一種柔弱而對女性會有保護的性格很型... 而另一男主角導演又好good 下, 好帶出人性的醜惡的theme... 講出人類世界的功利而及對環境的傷害。
Peter Jackson在魔介後所顯的功架明顯讓人將之與史匹堡作對比, 而當中很高興的是Peter Jackson的故事都是有message的~~^^

12月24日
好開心好開心的聖誕節...
參加了文文的結婚party, 認識了幾個做了一定年資的社工~~
當中很多很得意的地方, 又有杜文澤比我地笑左一晚~~
然後去到金紫荊... 過了一個很有很有氣氛的聖誕...
這個聖誕是紅色的...~~

Thank you~~ all of you~~
Thanks for your blessings and all the cares you gave~~

>>December 25, 2005 at 8:38:45 PM GMT+8

2005 年 12 月 22 日 星期四 【晴】

想寫...卻寫不下的日記...

今天睡了一整天, 原來我有這麼累...
真不知道~~

21號...開開心心拍個拖~~^^
22號...hEA+APM
23號...King Kong+拎獎
24號...文文結婚
25號...暫時無咩節目...BBQ @ nite
26號...幸福麟3周年組聚
27號...UCSWK莊聚
28-29號...Kawaii的camp
30號-4/1...做功課...

真係人都癲...原來有4份RECORDING(3個group+1case)...一個INTAKE加一個evaluation report...
要清晒所有功課, 新年又新開始~~

>>December 23, 2005 at 4:26:57 PM GMT+8

2005 年 12 月 19 日 星期一 【晴】

今日是假期的第一天~~
噢~~...頹頹的過~~

不過有跟她在一起真好~~

收到仲文的invitation...哈哈~~
結婚呢我那個朋友... 感動...
今日開到一部可以上網的電腦... feel good!

前幾日烽生日...Um...
都幾開心, 難得可以同烽搭車傾下計...
真心的... 又大一年了~~ 生日快樂!
無疑烽是我一個挺特別的朋友, 有點近, 又有點遠~~
大家不多見面, 但見面當中總有些話題是共同擁有的, 一些UC的事, 宿舍的事... 年代的事... 同一個書院, 共同生活了四年... 是很特別的一件事...

仲有小吉的hand cream... 殺了我...
為這支hand cream... 我真的感動得想死!
Kitty妹妹... 你是好好的女孩子, 心地好善良呀, 好好地運用這些優點~~
Hand cream萬歲!

>>December 20, 2005 at 4:47:48 PM GMT+8

2005 年 12 月 8 日 星期四 【晴】

當生命遇上生命

做社會工作的人總愛一些浪漫的說話, 或許只是我吧~~
驚覺已經到第二次實習的中期, 那麼... 要出去做了...
社會工作是什麼??做什麼??

一切似是清晰了, 同樣地也是模糊了...
對...就是這樣我常常說著難明的話, 可能有天自己也聽不明白~~
做個案, 做小組... Mass的就是我們的工作... 清楚但不是我想的工作...
見到client同同學仔開心, 唔開心... 陪佢地走過一些日子, 或許當中他/她有很大改變, 或者沒有, 但我相信我同佢的確走過一段路。這就夠了, 看著他們的成長, 對生活的努力及堅持。

今日遇上不開心的事, 給組員欺騙... 對... 這樣令人很失望, 比她沒有參加更失望上很多~~
只想說, 這就是社工的成長... 用心相信了, 然後有可能狠狠的被騙~~ 當然我們也要明白, 也要體諒... 不過, 誰明白我們??

社會工作... 我們在找答案, 卻離答案越遠。

是我是社工, 不是我要做社工...
反思著社會工作, 不是一種做人的方法, 而是把自己應用於工作之中。
不是我要怎樣怎樣才是社工...
而是我是怎樣怎樣的社工...那又如何?

好...傻夠, 繼續努力!

>>December 8, 2005 at 7:14:44 PM GMT+8

2005 年 11 月 27 日 星期日 【晴】

旅遊人生
曲: Joseph Liu
詞: 韋小文
唱: Billy(B)、Kannie(K)、Joseph(J)、韋小婷 karin (婷)& 韋小文(文)

B: 高聲歌 一起同上路
共暢遊在他方 歡笑分享更多
K: 懷著信念 切莫怕困難絆我
踏過無數浪 覓人生路向
共創出生命方向

J: 遊異鄉 全憑地理知識
上高山 切記留意天氣
婷: 橫渡海 意志恆心重要
要親吻大自然 看鄉村新都市
J + 婷: 同踏遍山川古鎮伴我

K + J: 高聲歌 一起同上路
共暢遊在他方 歡笑分享更多
婷: 憑著青春 我熱切激情綻放
文: 踏遍文化地 遨遊天地裡
婷 + 文: 為理想找住方向

婷: 南極圈
文: 乘船沿路破冰
婷: 大峽谷
J: 地勢雄偉高壯
婷: 談歷史
K: 故宮明清事故
婷: 愛歐亞美藝術
K: 建築古蹟吸引
合: 遊歷去一起廣闊視野

K + J: 高聲歌 一起同上路
共暢遊在他方 歡笑分享更多
婷: 憑著青春 我熱切激情綻放
文: 踏遍文化地 遨遊天地裡
婷 + 文: 為理想找住方向

K + 婷: 高聲歌 一起同上路
共暢遊在他方 歡笑分享更多
合: 懷著信念 切莫怕困難絆我
踏過無數浪 覓人生路向
共你遨遊共暢

有點崩潰...聽到Karin的歌聲...
感覺Karin在生命中找到想走的路, 是點點的羨慕~~
唔知幾時先再有機會同你去玩呢^^

Um...Karin...太久沒見啦~~你歌聲依舊地甜美!

>>November 27, 2005 at 6:23:01 PM GMT+8

2005 年 11 月 27 日 星期日 【晴】

兩個星期四節組...
三份paper...
CRE..

還有CASE summary recording...
group summary
intake X 3... revise...><
Mid-e...
4份的session plan><

毫無頭緒...
不想做了...賭氣的想說...
死了好嗎?

>>November 27, 2005 at 6:16:36 PM GMT+8