2010 年 1 月 4 日 星期一 【陰】

尋晚又做左樣勁野
我決定2月去日本
買左機票喇已經
好緊張呀！
我真係一個不折不扣既淆底獸
好驚會破產
12月已經洗左好大舊錢
1月taichi佢地又黎
又會去澳門
2月睇concert
去埋日本真係隨時1q清袋
我決定下星期開始玩自閉！
平時要狂帶飯
放工即刻返屋企
weekend唔出街
除左咁我都諗唔到點先可以慳錢喇
我都唔明點解我做左幾個月野
都可以無咩錢淨咁既
明明我就無買衫
又唔洗買化粧護膚品
除左買左部相機
基本上無咩買野喎真係
d錢去哂搭車食飯俾家用
快d加人工啦快d出bonus啦
希望新年會有利是啦~

真係忍唔住要讚一讚自己
搞掂左佢地黎個hotel喇！
以超值價入住五星級renaissance harbour view hotel~
又好平咁買左機鐵飛
又準備左八達通同電話sim card
照顧週到

澳門個trip都plan得7788喇
好期待呀！
搞哂呢壇野我可以集中火力搞我自己個日本～
嘻嘻～

>>January 5, 2010 at 6:59:18 AM GMT+8

2010 年 1 月 3 日 星期日 【晴】

好耐無見過太陽~
今朝好好天
真好~

星期6 at the end都係無去到做gym
呢個禮拜就到期... 1次都未做過
盧詠恩同細佬行街
我就提早同vimmy meet up
好充實的星期六
放工行左陣tst
再去cwb meet vimmy
老遠見到sally
高人真係易認
marriott份工的確唔易做
雖然收入好高
但d時間實在太衰
一同vimmy走埋一齊就會好uk lifestyle
就係好hea
我地去食野
行一陣街又食
無lala講起塔羅牌
佢話佢同同事問過話好準
於是好即興地去左廟街
個檔野真係超勁
好多人排隊
淋住雨都等喎
仲要有好多bookings
超犀利
我諗左好耐都唔知問咩好
我見暫時樣樣都ok
如果講得我唔好我會唔開心
所以最後無問到
佢問左3個問題
一開頭幾隻已經覺得好準
好神奇
佢聽完之後有少少upset
所以我地去左唱k relax下
9萬年無唱過k
勁多歌都唔識
走個陣落勁大雨
淋死左
12點幾先返屋企

本來諗住星期日做gym
又係唔成事
搞taichi & friends個trip搞死左我
又要plan香港
又要plan澳門
9萬幾樣野要整
酒店車飛船飛行程
雖然我係幾鍾意做呢d野
但係一次過搞咁多野
真係就嘔血

好唔願做野呀!!!
仲有3個鐘...
自從placement妹妹黎左之後
次次如果唔早d出去排隊叮飯
都要等成廿分鐘先輪到我叮
餓到爆左囉~

holiday mood仍然持續...
仲有3個禮拜就可以放假喇~
好期待啊~~~

>>January 4, 2010 at 6:59:20 AM GMT+8

2010 年 1 月 1 日 星期五 【陰】

新年快樂！

星期六都要返工
我諗我未試過星期六冇moan about work架囉
好驚呢度d麻甩人呀
俾人話我無幽默感
我真係聽唔明佢地d冷笑話囉
一講淫野側邊d人離遠聽到都響度笑
好噁心呀~

除夕夜binno night~
放工返屋企換衫
再去第一城同史山買餸打邊爐
買左好多野食
我仲成功地講價添呀!!
買丸丸個老闆娘送多左幾粒燒賣俾我地呀~
仲有菜檔減左一蚊
話我精打細算呀~ yes!
等埋so ping &盧詠恩就可以開始打邊爐喇
好開心呀~~~
雖然得5個唔係好多人
但睇住電視打邊爐
真係好有屋企feel
食完仲有得玩rumi
等埋狗糧上黎仲有monopoly deal card玩
我又贏喇~ 呵呵

等到差唔多12點
就拎左so ping個cake出黎
好好呀so ping
有個cake開心好多
又可以許願
好開心咁迎接2010~

食埋個cake就轉戰葉佩儀家
佢地打緊麻雀
我地就玩uno
2點就返屋企lu~
希望2010年keep住呢種開心mood啦~

返屋企同史山msn到4點先訓
過左一個好懶既1月1
屋企無人
可以好relax咁hea過
真爽~

夜晚都taichi msn又忟到喊
仲搞到我冇得睇叱咤後半part
激死我喇！
sandip同shohei都confirm左黎香港
因為酒店房既問題同佢嘈
佢成日都唔明我講咩
好忟！
點解可以咁笨蕉架啫？！

放工同lo做gym
希望搵到對波鞋出黎啦
中學之後都未著過波鞋喇~

林家欣除夕胃痛入醫院
超可憐～
希望新一年大家都身體健康
可以勁去旅行～
ｈａｐｐｙ　ｎｅｗ　ｙｅａｒ！

>>January 2, 2010 at 4:30:49 AM GMT+8

2009 年 12 月 30 日 星期三 【陰】

2009年的最後一天
今年我過得還蠻開心的，知足常樂，我會珍惜我有的東西。
1月
比利時激凍之旅，史上到過最寒冷地方，零下7度
2月
掙扎到底要不要回香港
3月
決定回香港，超不安
4月
第一次在英國租車玩，去了longleat & bath
5月
回香港...結束了近5年的英國生活，心情超複雜的
6月
月底去了東京&上海，開心~
7月
struggled with job hunting
8月
5年沒在香港過生日，今年的生日禮物 - job offer x 2
最後決定了做遊學
9月
hea住做
10月
不是很習慣香港的生活，雖然這裡是我長大的地方，但畢竟最黃金的那幾年都在英國，很多想法、生活方式都很受鬼人影響。在香港好像很沒自由，甚麼都很趕、壓力，甚麼都是"錢"...
11月
taichi來港轉機，半年加起來才見得4天，沒想到竟然還可以維持得很好，很開心的一晚。
12月
就這樣過了一年，真正的踏入社會，不是很適應，但尚算ok。
過了一個很開心的christmas，我相信下一年會過得更好~
很期待2010年的來臨，期待1月macau之旅，期待taichi&shohei來香港
希望1月的presentation ok，希望2月可以去日本滑雪，希望3月以後工作順利，希望身體健康，唔好再嘔...

　　每一遍都是新的體驗　一轉眼又跨了一年
　　昨天的每一天　都是為了要讓自己　到明天更勇敢一點

　　就在第一百零一遍　當我慢慢睜開眼 　喔　也許你就會出現
　　要在第一百零一遍　和你再爬高一點 　這世界最高的花園

　　神啊　再給我些時間

ｈａｐｐｙ　ｎｅｗ　ｙｅａｒ～

>>December 31, 2009 at 6:45:39 AM GMT+8

2009 年 12 月 29 日 星期二 【雨】

holiday mood
成個office都瀰漫住放假氣氛
係咁搞macau壇野
又諗下shohei同taichi黎香港個itinerary
又要plan下2月去唔去得成日本
又諗下去邊度count down
成個腦都係玩~

長期都勁夜訓
今朝7:50先起身
8:05出門口
仲要食埋早餐~
食同訓真係生命中好重要既野

晏晝meet新加坡人
明天又睇campsite

>>December 30, 2009 at 4:10:07 AM GMT+8

2009 年 12 月 28 日 星期一 【雨】

十萬個眼訓
真係好好好好好眼訓
救命呀！！！
點先可以醒神？！

ｋｅｅｐ住夜訓
今朝真係掙扎左好耐先起到身
超級眼訓！
返到ｏｆｆｉｃｅ都醒唔到
今晚一定要早d訓!

尋晚同uk friends食飯
姿整怪 sally 阿珊, jason & 林家欣
韓燒~ 食完可以無臭到! 好勁
林家欣講左樣勁驚嚇既野我知
真係驚
好不可思議

今日真係狂同人傾計
msn, fb, email~
希望可以快d放工訓覺

>>December 29, 2009 at 6:43:10 AM GMT+8

2009 年 12 月 27 日 星期日 【乍雨乍晴】

long weekend之後
持續holiday mood~
超級多野想講！
呢個假期好開心～

24th x'mas eve
狸貓同sing黎左接放工
去左新商場i square
無料到
去左heritage 1881
d小朋友報佳音
好得意
約埋ship & wing dinner
聖誕大餐据扒
價值廿八蚊的扒~
上狸貓屋企同taichi msn
真開心~
坐的士去奧海城睇福爾摩斯~
好睇
但係12點場的確令人好眼訓
at the end 4點先訓
做工以來最夜訓的一次

25th
x'mas party @ ship's home
仲以為可以訓到好晏
點知12點就醒左
起身整野食
仲有好多時間hea
屋企無人好自由好爽
得閒到搞下個樣先出去
點知全世界都遲到
無人準時
上到阿薯到都係hea到人齊
我地今次好勁
bring our own food
當然懶煮野既男子會買野食啦~
唔少得阿薯表演狂食雞翼
食完就到大電視時間
普通話english動作題
超好笑
真係笑到無力
等埋阿sing就到重頭戲抽禮物時間~
萬眾期待楊芷穎抽中柴狗個份
點知真係中左！
成晚既高潮！！！
笑爆咀呀真係
心有靈犀～
羊要約左消防員要趕下場
我地再玩笠底褲遊戲同monopoly deal
好好玩~
散水之後返屋企
屋企無人真係好開心
唔願訓又磨到4點幾

26th
boxing day
本來分別約左2場
最後都無左影
好舒服地hea過左1日
我真係好鍾意一個人做宅女
真係要聽下梁靜茹"我和自己的約會"
白痴家姐返黎煮野食
就黎40歲人
連麵都唔識煮
豆腐又煮到受輻射咁
睇到都覺得林肇宇可憐

27th
long weekend的最後一天
afternoon tea with friends~
又遲到喇d人
約會同想像中一樣無聊~
無聊唔係問題
但我以為同中學朋友會係最close
somehow又唔係
我一直都會對某d人/某d野不滿
其實唔止我一個係咁
只係大家都慣左
或者覺得算數唔理
不了了之
我覺得做朋友唔係咁
點解樣樣野都要好避忌
點解要怕左而唔可以攤出黎講?
我真係唔識handle呢d咁麻煩既野

陪史珊等cathy
heahea下就順便一齊食
傾下計幾好~
返到屋企狂msn
sandip話佢都會1月黎
shohei又黎
1月變左一個好勁既friends gathering
好期待~
連續幾晚都夜訓
唔識tune返正常
2點幾先訓
今朝又勁凍
掙扎左勁耐先起到身
張詠怡黎食lunch
台灣牛肉麵
幾好食喎~
傾下計行下街
好好~
今晚uk friends gathering
十萬個想返英國行街囉
x'mas sale呀!!!
上年呢個時候我去左bristol shopping
好想返去買野呀！！

taichi最後都係買唔到件皮褸..
呢幾日日日都有msn
但係好似無講過野咁
聖誕節無得見都無乜特別感覺
因為我地逢大時大節都無一齊過
聖誕節情人節週年真係未試過一齊過喎
好彩我地2個都無咩所謂
taichi webcam個陣超犀利
佢竟然發現我隻眼大左！
化粧品真係超神奇呀
佢仲發現左我件tee好型添呀
好開心~
Shohei話我fashionable
哇哈哈哈~
俾日本人讚潮呀~
幾勁

>>December 28, 2009 at 9:09:00 AM GMT+8

2009 年 12 月 23 日 星期三 【晴】

SUPER Holiday mood!!
happy x'mas eve~

好開心~ 好興奮
成朝都嘴角上揚
過多6個鐘
我就可以放假喇～
好開心呀！
對上一次響香港過聖誕
已經係2006年既事
好耐呀~~~

今朝ipod shuffle play個d歌
全部都岩心水
第一天, 好想放假, 離開地球表面...
朝早真係要聽返d輕快既歌黎調劑身心

十萬個想返去英國囉
個個msn都寫white christmas
之前咁多年都未試過
偏偏我走左之後就有
cardiff又開左john lewis
學校又搬campus
樣樣都冇我份
超級咁想返去shopping!
尋晚好努力咁抑制自己
睇中好多野
最後都係無買到
但日本人就響topman買左件超型皮褸
我勁鍾意個件野囉
孖褸皮褸
真係好型架!

我一月個leave application approve左喇~
yes! 期待放假~
如果2月可以去日本滑雪就好喇
呢幾日d yen跌左
好想入定..

呵呵~ 好開心
同事入哂去開會
無人理
狂send e card俾遠方好友
希望今個聖誕大家都開開心心啦~

爸媽25-27去旅行
ｙｅｓ！
我可以重獲自由了～

>>December 24, 2009 at 4:03:17 AM GMT+8

2009 年 12 月 22 日 星期二 【微冷】

尋日無lala出email話dept lunch
去左北京樓食
老細無黎
變左大家既攻擊對象
佢地狂響度"小"
好好笑
jay話約左人無黎
佢地又話佢去meet"仔"
唔出席活動既後果就係狂俾人拎黎講
佢地話我做左幾個月
所以仲係honey moon
未俾佢小住
但個個都叫我小心d
呢度除左多佬之後
d佬仲要一係肥一係就甩頭髮/白頭髮
好恐怖..
都係d女仔正常d

食完飯返黎就開會
開完會都差唔多放工
做多一陣就撇s
早放工真好~
可以去行街
買左張貼紙~ haha
返到屋企仲可以訓"晏覺"
好好~

唔聽呢度d人講普通話都唔知
原來我d國語講得真係好好~
雖然已經好耐無講
但我估應該好過佢地掛?

topshop, all saints同river island都開始減價喇
死啦！好想買！！
好想返英國呀~
人地走左先黎white x'mas
eeeee好衰架真係

今日公司xmas lunch~
無乜好野食...
個個食完即刻返位做野
未到1點幾就俾老細捉入房傾野
蝕左
多左野做
未至於好多野做
但老細覺得我應該好x多野做
點解會有咁既問題出現呢?

city又send野黎
佢地d人係咪無腦架
點會咁做野既

突然覺得頭痛
我想返屋企訓覺

>>December 23, 2009 at 7:26:56 AM GMT+8

2009 年 12 月 21 日 星期一 【颳風】

冬至~

尋日老細4點幾就走左
我都5點9就放工
又去左行街
呢個月d錢倒水咁洗
去睇campsite d錢又未claim返
又一次過俾左3個人既澳門錢
仲睇中醫, 買禮物, 係咁出街食..
12月真係好得人驚

尋晚食左霸王山莊
好多人等位
我地10人坐大枱
自成一角
d野食都幾好
但係老豆例牌又狂um
"呢d野我響屋企都整到啦"
但係從來未見過佢整
我都好想見識下佢會點整片皮鴨

日本人終於收到我張聖誕咭喇
好叻呀我今次
忍到口無講
但係佢話佢家姐見到用漢字寫
狂問佢係咩人..
佢家姐真係好麻煩呀
show左霸王山莊d相俾佢睇
佢話好想食
仲話好想買埋阿媽黎
haha~

晏晝又有meeting
今日有得early release
放4點
希望5點前可以走人

>>December 22, 2009 at 2:58:09 AM GMT+8