2008 年 1 月 11 日 星期五 【晴】

Wow，終於痛完可以打日記（懶就懶啦）

返左去睇下下莊mock camp。老實講，悶到嘔。連做正上莊既都撻到無倫，成個氣氛有一片死寂。如果係搞campaign就唔該搞harshｄ啦，如果唔想harsh咁不如教番三日lecture: how to run civil engineering society。而家根本兩頭唔到岸，結果坐左幾個鐘就走左。另一個原因係我唔想睇蕃茄爆人……我唔太鍾意睇人爆人，爆到我都死好多細胞。

當然都希望下下莊比番ｄ活力啦。

返到屋企睇勁歌，曾志偉爛gag無限。Twins拎亞太？SHE贏九條街……

沖涼時發現兩個傷口都滲血+濃滲到流出黎，用止血粉封左兩日都仲標血。拆膠布痛到死，成個傷口濕笠笠不停流濃。聽日都係唔好行街坐足一日算啦。

>>January 12, 2008 at 5:10:04 PM GMT+8

2008 年 1 月 10 日 星期四 【晴】

單車樂。大圍 > 大美督 > 大圍……
實際上係大圍 > 大美督 > 科學園，因為係科學園炒大鑊。

兩點鐘半先齊人，踢毽放飛機。一路踩，4點鐘到左大美督，大家一坐低左就懶得上條壩。海上夕陽、輕舟四擺，畫面靚到爆炸。坐左成個鐘先回程。

回程時都正正常常，不過未試過咁天黑黑既情況下踩，以往都係十點踩四點幾還車。到科學園一條直路又無乜單車，我就dup低頭專心踩，間唔中望一望前notice下ｄ欄路既鐵板。我踩得ok快，專心之間突然一聲尖叫（隔離ｄ靚妹：呀－－炒車呀！）架車同我扭埋一團，眼鏡飛出黎，急停左卡住係架車同塊鐵板度郁唔到（好彩無跌落車），跟住先知自己炒左車撞落塊鐵板度。第一時門郁下四肢，膝頭好痛不過都郁到，應該無傷到骨掛……十幾秒後威豪到，幫我推走架單車去路邊、架車個前look撞到歪哂轉唔到，食蕉。

叫左邪神返轉頭，威豪同我係科學園搵的士站送架車返大圍（好彩係科學園炒，好似上次龜仔果次咁就大鑊）。入到科學園有返ｄ光，清清楚楚睇到自己兩腳既四五個傷口同血痕，其中三個不停標血，右腳個傷口深到見白色，真真正正既皮開肉綻。係的士度諗返轉頭，應該係我望前時副眼鏡滑落加上天黑，所以我完全睇唔到前面有塊板，就咁直刺刺咁砍落去。

還車後即刻買止血粉同膠布入麥記廁所搞，個傷口真係核突到無人有，又磨到成條褲都係血蹟。大脾同手都有ｄ血印，應該係隔住衣服括出黎。

好彩仲行得，一行人去左新城市食飯。之後同踢毽上中大去威豪同邪神間hall參觀，邪神果間真係正到爆！環境寧靜，木地板木衣櫃木書檯，common room成個廳咁仲有露台！到11點幾先走，夜晚既中大真係好靚，HKU真係好shit。返到觀塘24麥記食多餐先返家。搣膠布係惡夢，沖涼又係惡夢，換止血粉貼膠布都搞左我成個鐘。

唔知點解呢個學年內兩腳有咁多血光之災（上次毅行行到跛跛地），亦都係第一次踩W頭車而炒車。行路又要行慢好幾日啦。

>>January 13, 2008 at 6:08:37 AM GMT+8

2008 年 1 月 9 日 星期三 【晴】

返聖言。一返去郭師傅又例牌捉住我講踢毽同Leo，佢仲好似想串Leo英文唔好仲想讀LLB……心暗笑中。走上去library，竟然得一個prefect！哦原來考緊試 -.- 兩包薯片自己同miss li食左。

無乜新碟可借，吹左兩個幾鐘水就走人。下次返去可能已經搵到工做緊野囉。

>>January 13, 2008 at 6:02:04 AM GMT+8

2008 年 1 月 8 日 星期二 【晴】

去左果間傳聞中既MK1商場。原來……即係電腦商場。去死啦。

之後去海運睇衫，無野睇中。行到累就走lu，悠悠閒閒又一日。夜晚又煲娛樂百分百！

>>January 13, 2008 at 5:57:43 AM GMT+8

2008 年 1 月 7 日 星期一 【晴】

昂坪之旅。前兩日都想去昂坪又搭下360，但都訓到點幾兩點而放棄。今日好ｄ訓到12:30，即刻起身刷牙食野搭巴士去東涌。

去到纜車站先發覺架纜車真係幾大，一架吊車載到17人！感覺幾特別，唔搖唔震上下通風，吊程仲成半個鐘長。上到去發覺同印象中既昂坪大廂逕庭（我上次去應該係三四年級既事，睇番相我仲未戴con……）個市集無乜特別，最搞笑係有euro同starbucks =_=

行入ｄ到大佛梯前先係我N年前黎過既地方，乜ｄ廟同香火唔見哂？無理到，就咁走入山徑去心經簡林。呢個又係想去好耐，自上次電視出過之後就想去。行左15分鐘左右就到，人少少唔錯，不過果幾個死老ye大大聲吹水乜鬼意境都無哂，頂。跟住簡林個infinity符號行一圈，最高果碌木特登唔刻字，代表空既意思。其實如果大霧ｄ既話就真係好好意境，同係一個令人深思既地方。

之後走番落東涌，順便到Asia World Expo一遊。不過去到都六點幾天黑黑，個場館連燈都無乜點開，唯一得著係係機場睇日落 : )

搭巴士返歸。好滿足既一日！

>>January 8, 2008 at 3:08:55 PM GMT+8

2008 年 1 月 6 日 星期日 【晴】

琴晚睇睇下書睇魔戒（高清！）到四點幾。攤上床碌到六點都訓唔到。

去左九龍站既圓方。一入去，嘩…………IFC級數，去過一次應該可以唔駛再行。唯一驚喜係溜冰場，用八達通逐分鐘計，一分鐘先$0.2！

返到黎做左ｄ電腦改圖既無聊野，冷翠玉露 :P

偶而醒起莊子既逍遙遊於是入wiki睇，發覺莊子比起孔子同其他聖人，真係屈機多一百倍。道理通用於任何時代，比喻亦都無性善說咁低級，咩水向低流……

其實我懷疑ｄ古人既卜卜齋教學點呢ｄ神級既典藉？夾硬逼個靚仔背道可道非常道，我諗佢十年後都唔會明……唔好話我而家21歲人睇莊子，睇埋解釋我都明唔到一半。

>>January 7, 2008 at 5:52:36 PM GMT+8

2008 年 1 月 5 日 星期六 【晴】

諗住琴晚一點幾訓會過番d 正常生活。
但我都係下晝一點起身=_=

>>2008年01月06日 Sun 13:40:03 (GMT+8)
********************************************************************************

去左黃金，睇下ｄmon幾錢，順便幫Fion睇下價……真係平爆，$1500可以買到22" 16:9！心郁郁想換 :D 之後去旺角食下野就走lu。

繼續群。

>>January 6, 2008 at 2:41:50 PM GMT+8

2008 年 1 月 4 日 星期五 【晴】

又自閉係屋企。一野就爆左Hellgate，個last boss一跳埋黎我就死鬼左……之後就係返生＞丟炸彈＞死＞返生＞丟炸彈＞死＞返生＞丟炸彈＞死＞……死左十幾次後個boss唔知做乜trap係個死角度唔郁，結果就比我夾生camp死 :P

又爆左一隻game，夜晚開始睇群－上。

>>January 5, 2008 at 3:43:58 PM GMT+8

2008 年 1 月 3 日 星期四 【晴】

Civil 莊gathering !

仲以為無乜人，點知又咁多人。其實都唔係太多同新ex-co傾，最多都係問候下ｄ上莊……仲有著到好省鏡既Zan~竟然有人話我同下下莊個樣似@@

Terry返埋黎就五代同堂啦。

之後同莊友去銅鑼灣cafe食飯，問埋哂ｄ爛爆既IQ題。一點幾先返到屋企！

>>January 5, 2008 at 1:57:19 PM GMT+8

2008 年 1 月 2 日 星期三 【晴】

琴晚發夢，見到自己appmath小測，大炒。之後碰見徐sir，我問佢我考成點，然後佢就叫我同邪神同主席入佢間房，之後比份卷我地睇。兩份卷，第一份竟然99分@@第二份得80。我呆左，諗住六七十，跟住徐sir就話我唔知錯邊度，然後我就話我第二份某part成part唔識做臨尾先返轉頭，結果空哂云云……

睇黎我真係好掛住中學生活。

下晝唔食lunch，特登出街試足邊間鋪既咩小食最好食。成個旺角行足兩個圈，食左烤魷魚、臭豆腐、煎墨魚丸同牛雜，飽到震。又試左道地新既……唔記得咩茶，總知係限量，不過超苦。

食到六點就返歸了。

>>January 3, 2008 at 11:39:56 AM GMT+8

在靠岸前 一切耗盡 望向夕陽 仍相信   廣告 讀者留言 |  路人留言   | 路過 <br>渴望做你師妹 <b >>February 25, 2011 at 5:38:03 AM GMT+8 你好。我小學讀下午班。我點解識你 >>November 25, 2009 at 1:18:20 PM GMT+8 星.. <br> <br>我衰左 >>October 2, 2007 at 4:13:19 PM GMT+8 你冇事嘛..? <br>唔好咁煩 >>August 23, 2007 at 3:42:26 PM GMT+8 留下言先~ <br>做人上莊真係 >>January 15, 2007 at 5:49:14 PM GMT+8 搵到你個 showhappy < >>December 10, 2006 at 4:45:33 PM GMT+8 Hey, Mak Hui Sin >>November 27, 2006 at 12:13:47 PM GMT+8 哈哈！好大隻字... <br>多 >>September 24, 2006 at 4:31:58 PM GMT+8 apply三間咁多?! haha >>May 23, 2006 at 5:38:44 PM GMT+8 藍田>旺角>HKU>尖沙咀>佐敦 >>April 30, 2006 at 3:56:21 PM GMT+8 仲諗緊…… >>March 11, 2006 at 4:19:30 PM GMT+8 努力呀~ 博盡啦~ <br>祝你 >>December 11, 2005 at 6:44:39 PM GMT+8 唔知點解我可以嚮而家應該博盡溫書 >>December 10, 2005 at 6:54:16 PM GMT+8 Legal system 好似係 >>November 4, 2005 at 4:39:53 PM GMT+8 雖然你唔講"佢"係邊個~ 但係我 >>October 24, 2005 at 5:06:08 PM GMT+8 99/100 咁稱呼人..... >>August 1, 2005 at 3:53:59 PM GMT+8 無論你AL 成績是否如理想都好 >>July 10, 2005 at 2:00:48 PM GMT+8 hihi <br>我今日o係自修 >>March 31, 2005 at 2:28:13 PM GMT+8 physics paper 1 >>March 11, 2005 at 1:22:36 PM GMT+8 多謝你在我diary 留言 <b >>March 5, 2005 at 5:07:19 PM GMT+8 Past Paper...... >>November 21, 2004 at 4:04:15 PM GMT+8 no one is not un >>November 16, 2004 at 2:24:27 PM GMT+8 唔會既... <br>信心保證m >>November 9, 2004 at 12:54:32 PM GMT+8 你不如諗下點解你要做人 >>October 16, 2004 at 4:16:19 PM GMT+8 你....真係想像到佢把聲o既u >>July 26, 2004 at 1:38:40 PM GMT+8 李學禮o個餐記住叫埋我~ >>July 12, 2004 at 1:10:24 PM GMT+8 剛剛先o係我日記見到你個留言 < >>July 9, 2004 at 10:12:11 AM GMT+8 我黎左了～ <br>原來你話查字 >>June 27, 2004 at 3:39:03 AM GMT+8 係呀~~~我認懶~~~ <br> >>June 21, 2004 at 11:42:49 AM GMT+8 星:岩岩睇番自己好耐無掂過既日記 >>May 27, 2004 at 10:25:36 AM GMT+8 hihi 星爺 <br>其實中六 >>May 20, 2004 at 11:04:08 AM GMT+8 好耐冇黎 <br>不過你d di >>May 16, 2004 at 4:49:15 AM GMT+8 人就係咁化學 <br>話走就走~ >>April 4, 2004 at 7:14:14 AM GMT+8 我亦未曾想過在我身邊的朋友/同學 >>April 2, 2004 at 3:05:06 PM GMT+8 篇對話笑到我死 >>March 24, 2004 at 2:17:53 PM GMT+8 HAHA~~我黎左la <br> >>March 13, 2004 at 10:52:13 AM GMT+8 點解04張相係男坐女企o既 >>January 28, 2004 at 6:12:26 AM GMT+8 hoho~~~ <br>今日布勾 >>January 6, 2004 at 10:54:20 AM GMT+8 sorry wo <br>咁遲先 >>December 24, 2003 at 10:31:28 AM GMT+8 我唔鍾意睇narrative~ >>December 21, 2003 at 5:47:36 PM GMT+8 嗶~ >>November 23, 2003 at 1:36:20 PM GMT+8 三條A~~(我都想呀~~) <b >>November 2, 2003 at 12:55:35 PM GMT+8 阿許許都幾好野wor~ >>October 11, 2003 at 11:54:01 AM GMT+8 得閒一齊去玩o下、傾o下計 <b >>October 3, 2003 at 2:17:30 PM GMT+8 Hello~~~ <br>I c >>August 27, 2003 at 7:02:38 PM GMT+8 很好喎，給我知道你的童年了，哈哈 >>August 19, 2003 at 4:15:55 PM GMT+8 wa..正ar... <br>好 >>August 19, 2003 at 2:04:30 PM GMT+8 hihi~~ <br>good >>August 19, 2003 at 9:41:45 AM GMT+8 &#12399;&#12399; >>August 19, 2003 at 9:04:31 AM GMT+8 各位留言吧!! >>August 19, 2003 at 6:13:50 AM GMT+8

人氣: 76644

Design & Scripting by ShowHappy.Net