2003 年 8 月 18 日 星期一 【雨】

今日要補maths呀!
我+歡+暴+萍一大早就出左黎m記互抄功課~
4個入面做得最少既係我~
經過1小時既努力佢地個個都抄晒~
得返我係度極速狂抄~
好彩班好姊妹幫我手抄埋淨返個d姐! (感動中............)
我地準時9:00前走人~
歡同萍好迅速咁衝左紅燈過馬路~
但係我就遲左少少先踏隻腳出去~
暴暴即刻大嗌:"有警察呀!"
其實我一早見到有警車開緊過黎,
但係唔知點解都差隻腳落去~
咁我就即刻縮返隻腳吞返後啦~
跟住雙手放係前面對住架警車笑住咁狂鞠躬~
哈哈!我望到警車入面d警察係度笑呀~
仲要係我望佢地佢地望我咁笑~
真係瘀爆@0@

返到去miss胡已經係度~
坐低左我先發覺原來我拎錯左本5B返去,應該係用4B架........
我鬼知咩~~
跟住舉手同miss講囉我帶錯書囉~
佢問我點解會帶錯,
我就同佢講話大家都有個B字,所以拎錯左~~
跟住諗到啦~~我又俾人笑囉~~@0@連Miss都笑......
但係佢跟住就話:"陳+麗~你再咁大慒就唔得架~~你心散左好多應該收返架喇~~"
hoo....~~又燒落黎我呢疊~~
跟住咪走去後面罰企囉~~

我企左大半個中...好累呀.....~~
跟住阿law幫我向miss胡求情(真係好人!)
miss終於俾我返埋位喇~~
不過又同我講話咩大學呀~~咩中文大學咩呀~~要入港大呀~~個d!~
Oh~~~我升到大學先算啦~~~
以前就可能得既....而家??oh my god~~

跟住夜晚開始玩icq!~
同返個小學同學傾呀~!!
佢仲記得我係邊個,仲話我係佢小學情人添!!~哈哈!~
佢話由3年級我轉校過去個陣佢中意我中意到中1喎~
但係我6年級已經去左港澳讀啦~~
中意左5年....??!!~>>?!
好開心呀!!!~
咁我係咪應該要笑3聲呀?
哈 ! 哈 ! 哈 !

>>September 1, 2003 at 7:15:20 PM GMT+8

2003 年 8 月 17 日 星期日 【晴】

今日同阿萍出街~
梗係啦~~我決定左玩cosplay喇!!~
所以要出去買野~

第1站就係女人街!!~
我地去買假髮呀~~
萍萍買左個黃色短髮,佢要cos山治嘛~~
我就買左個白色長髮,扮game女呀~!!~哈哈!~
真係好得意~

跟住就去買布啦~
我決定試下自己整條背心裙喇!!~
如果整得成既我會著架~~~ (不過可能好驚嚇!)
仲有手套同配件個d我都要自己搞~!!! (Burning!)

跟住我地就去左新都映貼紙相!~
我地2個都帶住個假髮映,仲披埋d布上身咁映添呀~!!超過癮囉~~
映出黎好搞笑呀~!!哈哈!

夜d同xxx傾電話~~
原來佢今日同左ooo出街呀~!! >0<
佢地去左銅鑼灣睇氣~
跟住就去左赤柱度睇夜晚既海景,幾浪漫呀~!!
佢仲話個男仔拖佢隻手添呀~!
又挨落佢博頭度喎~!
佢仲著背心添架~~
又話個男仔請佢食野,請佢睇氣,佢唔好意思喎~~
唉!~咁又係既...總之拍拖都係好似好多野要諗咁啦啦~~
好彩我仲未駛諗呢d咁複雜既野姐!!
我就唔係幾想佢同個個男仔一齊喇!~
硬係覺得佢好似好花心咁囉......@@!!

死........喇!!
又傾到好夜添~!
唔敢訓啦我都~~~
聽朝又要補Maths呀.......~~
功課都未做完!!
唯有聽朝好d出去約埋歡歡同暴暴同萍萍一齊努力啦~~

>>December 29, 2003 at 5:42:55 PM GMT+8

2003 年 8 月 16 日 星期六 【晴】

今日跆拳比賽喇~!!!
我同歡歡同暴暴就約左7:30a.m係樓下等~
我6:45a.m自己起到身呀~!!! (竟然?!)
但係都好似唔係好夠訓咁...~~
我地去到地鐵站買左個朱古力蛋糕就搭地鐵去官塘喇~~~

去到官塘見到師傅佢地喇!!~
好彩都未齊人~~
Yoko仲未到~佢同余立聲都係住調景嶺,余立聲冇比賽都飛左的過黎呀~!!!哈哈@@~
反而比賽個個仲搭緊地鐵......~~笑死~~
早知約埋Yoko一齊去官塘啦~~

我地搭巴士去美林(in沙田)~
途中仲狂係度唱 " 足球小將 " 李克勤唱個首主題曲:
###我要改寫積分牌雙方的比數, 穿起波衫綁好波鞋認真的去做! (跟住唔識唱), 連阿叔都讚好###
哈哈!~余立聲真係成個阿伯咁~~好得意!@@

我地去到換完3之後就睇比賽~
我同Yoko同埋歡歡3個扒係欄度睇~
一路睇個心一路跳!!
我地好驚呀@@.......................
跟住3個就攬埋一齊啦~~個心真係定返d呀~!!
冇耐即刻到佢打喇!~
檢查完就即刻入左場, 我跑入去都攬佢唔切~~@@~唉....

嘩!~佢打喇!~
Yoko好似係咁俾人禁住黎打呁呀.......
我睇到真係好想喊!!~~~唔知Yoko頂唔頂到@@!~
呢個時間師傅就係旁邊嗌潘耀財(帶Yoko出賽既黑帶)幫Yoko掟白毛巾啦!~
我唯有狂幫Yoko祈禱!!~
我唔想睇到佢俾人打到咁呀.......
叮叮! 1:0 完場~~Yoko輸左~
不過唔緊要啦!!~已經好好架喇~~
佢一打完我就行埋去攬住佢~
唉...其實一來擔心佢! 二來Yoko打完第17場我就打第18場喇.....~~~

跟住到我打喇~~
我見到個對手,高我個半頭!
已經係度諗:"你唔係玩我呀.......??~~~"
好喇!!開始喇!紅!藍!我係紅甲~~打喇@@~
開頭個幾秒都ok既....~~之後佢上我頭呀@@!~中左~!
跟住打打下我已經冇力啦~一埋身就唔夠佢踢~
唔埋身又驚俾人話唔夠主動俾人警告~!!
我已經冇乜氣slow jump要企係度喇~真係想死...~~唉~~
中場休息!! 潘耀財遞水俾我飲我都要2隻手咁渣住個水樽黎飲呀~!!!
佢同我up左2句野又要出去打過~真係冇力呀.....
不過我覺得自己算係咁架喇...
話晒第1次~~
我都擋得幾好Y~好多野佢踢我我都擋到~~呢方面我就覺得自己好勁喇~~~
YeAh!!終於夠中lu~~打完~~
4:0 我當然係0分個個啦~~
不過我都已經好開心!!
擋得好Y嘛!!~
雖然輸左~但係我都好開心喎!!~
因為一路都有余立聲同潘耀權個d幫我地拎甲呀個d野~
而且仲有Yoko同歡歡同暴暴個d呢支持我!!
我真係好開心!!~
**ThAnKs:歡/暴/Yoko/Nicole/+穎/師傅/0+豪/余立聲/潘耀財/潘耀權/火龍/阿發/張專雯/萍萍/BLUE EYE

跟住我同Yoko除返晒d甲就返上去看台啦~~
阿發個d就係度潤我, 話我唔夠高個~又話我腳短~
超~~~跟住我咪話佢再講我就搵野掟佢!~
跟住佢仲係講喎~
咁我咪將手上個d護手護腳1個個咁掟落去囉~!
哈哈!!~ 我仲讓左個位俾Yoko掟d supporter落去添呀~!
睇佢仲敢唔敢亂講野Y拿~!!~
所以話.....得罪女仔冇好結果架......~~柯~呵~~呵~~~呵~~~~~

跟住到歡歡打喇!!~
我同Yoko狂叫"羅~歡~儀~""喪b~加油呀~""喪b~囉分呀~"咁~~
哈哈!!~歡歡打完喇!~
梗係嬴左啦~!!勁!!

跟住我地就行去商場食野~
我一坐低就狂同余立聲玩!~
阿發個d又成日疾我~
我咪拎起臺面d刀刀叉叉指住佢咁係度話:"咩話!!講多次!!?夠膽講多次!>~?"
跟住師傅就話邊個再嘈就邊個俾錢請食飯~
但係我地仲係度玩喎!!~
師傅就話俾張單我地啦~~
跟住就全臺靜晒~
呢個寧靜既環境保持左2秒咁多啦!~算多架喇~~

YeAh~~我碟米粉黎喇~
但係我又卦住同nicole講笑笑到唔得閒食粉喎!!~
係咁玩玩左好耐, 師傅就話我食得最慢叫我快d食~
火龍就話我勁似個d卦住玩唔食飯個d細路喎~!~
哈哈@@係咩!??~
之後我就食檸水入面d檸檬~
佢地個個都叫我唔好食咁多呀~~話驚胃酸過多喎......
點知行返去個陣個胃真係有d唔舒服呀.....@~@

跟住我,歡,暴,nicole就搭的士去左新城市廣場個度~
我地行左陣商場見到間A-1麵包店~
嘩~~d包好好味呀!!~真係勁中意食包囉~~@@
我諗到喇!!~
我第時要做1個會自創花款既麵包師傅~!!!
跟住見到有馬戲團既小丑~~
嘩!!~好想睇呀~~好得意@@
不過最衰我唔夠高....跳極都淨係睇到個小丑頂帽咋!~

好累好累好累好累!!!!..............
搭車返屋企終於有得坐喇~!!
好野~~我自己坐2個座位~
伸直隻腳黎坐真係好超舒服呀~~~^0^
仲一路食無印do者哩添~!
好開心@@~~@@~~@@@

>>September 1, 2003 at 7:22:23 PM GMT+8

2003 年 8 月 15 日 星期五 【陰】

今日我同邱邱同埋萍萍去左歡歡home度
諗住懶下勤力咁做math功課~
點知我搵cosplay動漫人物個d圖遲左成個中先落去!
萍萍就陪我係咁搵...係咁搵~
功課?!~掂過個簿面既~~~
1小時經過.....終於揀左cos個game既人物喇!!
正!!~淺紫少女....今次仲唔扮到c文?!
哈哈哈哈!!~XDXDXD

聽日跆拳比賽喇...緊張...
有d驚會俾人打到口腫面腫咁添~!
希望聽日打完之後你地仲會認得我啦..........................(汗")
陳+麗!!加油呀~!!
天父會保守你!支持你架!!~

>>September 1, 2003 at 7:23:32 PM GMT+8

2003 年 8 月 14 日 星期四 【陰】

今日無啦啦狂食法國麵包
Oh!~No~~又K.O左2條!!(係長個隻)
扒街喇~~~
實俾阿媽話我又食晒佢d錢....!! @~@ 哈哈!~

今日夜晚返跆拳
見到xxx同佢xxx一齊xx
睇到我xxx呀!!~(誇張左)
歡歡仲叫我唔好x添~!哈哈!~

呵呵!~~
今次我做360度turning竟然俾師傅讚呀~!!!YeAh!!~
真係十年難一見!
連個back kick都做得幾好~
簡直千年難得一見啦~!!!
最後師傅講星期日打free fight個d賽例
我開始驚喇......
算喇!~到時見勢色唔妥我都係走先喇~哈哈!

嘩!!~
今日聽人講話12:00之後有變種既電腦病毒呀~!
好驚驚...@0@
迫住關機添~!!
而家點幾鍾又開返喇......
唉......都唔知有冇乃到野!!
隨緣把啦~~

>>September 1, 2003 at 7:24:10 PM GMT+8

2003 年 8 月 13 日 星期三 【晴】

今日一起身就食尋日mum買個d長法包~~~
唔~~~好好味!!^^

今日係玩電腦日
我全日都坐係度玩電腦~
就咁又一day~~~(借問聲我有邊日唔係咁???唔知!)

＊P.S.今日多左個花名,叫大細Cc呀~!!!

>>August 28, 2003 at 7:47:07 PM GMT+8

2003 年 8 月 12 日 星期二 【雨】

嘩~~~今日11:20a.m先起身呀~!!
尋日肥man仲講話10:30a.m去寶體打波添~!!!
我連早餐都冇食就出左去喇!!~
可以點呀? 飛單車囉!~

去到見到d唔識既人
佢地又落左場比緊賽~
我仲以為自己真係咁樣衰去錯地方添~!!
好彩冇事......
咁我咪同黃納熹同埋楊立坤猜波囉~~
跟住臨尾打左場比賽先走~
仲輸左添!! 哈哈~~
不過d球技都返晒咁滯~~
咁耐冇打........我要笑3聱啦~!!~
哈! 哈! 哈!

跟住落雨喎!!
好彩我去拎單車個陣已經停左雨姐!~
跟住返到屋企繼續聽Stephy首"他不准我哭"
真係超中意呢首歌囉~~~
好感動! 好好聽! ^0^

>>September 1, 2003 at 7:27:35 PM GMT+8

2003 年 8 月 11 日 星期一 【陰】

尋晚同歡歡同埋萍萍玩到勁夜~
又傾左一大輪計先訓~
搞到今朝大家都對個鬧鍾冇咩反應,
差唔多2:00p.m先起身呀~!!

哈哈!!~好開心呀~~
梁瑤今日send返以前何澤芸個d小學同學既icq俾我~~
我見到劉雅靖啦~~擴依敏啦~~仲有翁啟業添呀~!!
同佢地都傾得幾開心既~~
總之見得返佢地已經好好啦~!!! ^0^

聽朝要打排球呀~~
十世冇打過......
整定聽日我又出醜啦................!!(汗")

>>August 31, 2003 at 6:52:09 AM GMT+8

2003 年 8 月 10 日 星期日 【晴】

冇訓過呀~~
我連預習都未做就返學校補中文~
我仲係樓下抄歡歡本預習添~!!哈哈~

返到sch岩岩開始上堂個陣我同歡歡狂係度笑,
又自己講笑傾計,
仲笑得幾大聲添架!~
完全冇聽過黃太講書~
之後黃太教"請客"個課我地又係度扮d大人請飲茶跟住將d錢推黎推去個d情景~
真係笑爆!!
我今日冇心機聽書喎~~
仲同阿萍係度玩傳紙仔黎傾計添~!!哈哈!~

阿萍係紙仔度問我"你估幾時放lunch?"~
我就估12:30p.m,仲要寫埋係直覺!~
點知黃太過左陣真係話12:30放lunch喎~!!!
我即係好開心啦~!!
覺得真係俾我估中左喎!!~
然後就講左聲:"Yes!"
嘩~~估唔到個個都聽到,仲望晒過黎添~!
黃太都望住我笑....佢地又知係我講既....一一"...
我仲聽到有人話:"好似係陳+麗把聲呀~"
下......? 唔係呀....?~~ 咁都聽得出...?!

跟住我"吞"張chair去前面同阿萍傾計,
張chair當然就有d"爸立爸立"既聲~
阿萍又"吞"佢張chair黎後面喎! 又有聲啦~~
跟住前面d人全部望晒過黎我地度,左面d人又望晒過黎,後面d人又望住前面喎!
咁鬼唔知係右面既我地整d聲出黎架咩~~~
咁我咪扮晒野咁望去後面扮唔係自己整架囉!!~哈哈~~
不過我都聽到有人笑喎~~
下!>~?咁都有人笑../<~?
仲要同4D一齊補....死喇死喇....又出醜喇~

跟住黃太問卓子賢"請客"既問題~
佢答得好快又冇point!~好鬼搞笑~
跟住佢最尾個句話:"咁#!%^#*@*^$,最尾就2個都唔駛俾喇!(應該答緊點解d人要扮下野搶請食飯個d野)
跟住我聽到佢話2個都唔駛俾之後即刻問:"下!?~咁邊個俾呀!?"
4B同4D兩班人聽到之後都即刻笑!!~
我覺得好搞笑呀!!~
咁即係點???

總之我地又成日係度玩啦~~
我諗黃太都知我地狂笑狂傾計架喇!~
跟住我無啦啦跌左個水樽落地,d人又望晒過黎!!~
跟住阿萍就即刻話唔係佢啦~
仲拎起自己個水樽掟1次添,哈哈!!~白痴架~

跟住到龐詩雅答問題個陣勁搞笑~佢把聲又得意呢~~
阿萍就話:"你把聲好可愛呀~~~"
跟住我就話:"好可愛喎~~糊~~糊~~"
歡歡就話:"你真係好可愛喎~~~"
(以上行為都係係龐詩雅問緊問題個陣向住佢講)哈哈!!~
我頓時覺得我地好似d流氓咁係度撩女仔~!~
其實我真係覺得我地今日好似壞學生架!!~
又唔聽老師講野,又當老師冇到咁係度玩,又撩女仔,又訓覺,又傳紙仔,真係好似逃學威龍個d咁囉~~

頭先lunch個陣都好好笑~
我地食完lunch見Miss Lai返緊學校, 歡歡就即刻轉頭走~
冇錯!! 佢驚Miss Lai黎追我地功課!! (前幾日冇返sch補課so冇交到)
我都唔記得左呢件事添~!
如果唔係我實第1個走啦~~
跟住補完中文之後落黎又見到Liss Lai~OH!今次撞到正!!~
我即刻吞後左少少望住第2度~
之後仲同歡歡扮去廁所黎避佢添~!哈哈!~
加埋呢樣我地就更加似壞學生啦~~

夜晚同楊菲菲傾ICQ~
佢話我好活潑好可愛,
仲話咁多個師弟師妹最中意我喎~~
哈哈!! 好開心呀~~
其實我都好中意菲菲~!!!
佢好Q架~!!! >0<
跟住就去左接阿萍去歡歡home~
去到阿萍就睇cosplay既網頁~
嘩.....~~d人cos得真係好令呀d!!
我覺得會好好玩喎~!!~
真係好想試下~哈哈!!
一於就下次啦~!!! (燃燒中)


>>September 1, 2003 at 7:54:31 PM GMT+8

2003 年 8 月 9 日 星期六 【晴】

我同歡歡約左7點係樓下等~
今日去石峽尾個度練跆拳Y嘛!!~
我地2條友竟然咁大膽遲到要d黑帶等~
簡直不想活呀~!!~哈哈!~

跟住我地就練套拳~~
死啦.......唔記得左太極7點耍喇!!
咁梁家麟個細佬就負責教返我啦~~
跟住就叫我地自己耍自己太極~
我邊記得太極7姐~~>_<
唯有樣衰衰咁跟住歡歡佢地做太極8囉~~瘀爆.......!!
之後?咪要梁家麟同歡歡陪我耍太極7,梁家麟教返我囉.......一一||

練完套拳個陣我同歡歡同埋Joe出左去~
跟住趁d工作人員唔覺眼個陣偷偷地入左個兒童遊樂場~
入面有波波池架!! 好開心!!
不過冇波波囉....~~ 好唔開心~~
我地仲玩爬上個軟林林既牆度添~!!
我上左去呀~~不過不過唔識得返落黎....................@~@||
好快我地就俾人發現左,趕返我地出去喇~~~

跟住我地就練d茅等野!~
話埋身個陣用個cut down kick 踢人地個頭先~
跟住用隻手嚇下對手,
再黎1個turning kick黎陰佢!!~

最後打free fight喇!!~
首先係顏嘉穎VS歡歡~
嘩!! 歡歡狼死得佢Y!! 狂起腳踢嘉穎~~
嗌暫停個陣我睇得出嘉穎唔想喊,但係d眼淚就bill緊出黎咁囉......~~
真係鄧佢可憐!!

之後就到我同Yoko打~
我地大家都feel到話大家唔會盡晒力咁打囉~~話晒都係fd~~
不過我地忍唔到笑呀~!!
狂俾李嘉龍警告我地!! ^0^ 哈哈~~

跟住Yoko就用頭先學左個d陰人野黎陰我!
點知陰我唔到喎~~ (其實係我睇唔到佢做緊咩姐~)
個動作仲好搞笑添~!
搞到我即刻跪左係度大笑!!~哈哈哈!!~XDXDXD
好多人見到我同Yoko係度笑都笑埋一份~~
之後臨完場個陣見就夠鐘,
so我又試下個招茅等野嚇Yoko, 跟住就用turning kick踢佢!~
咦~??駛~~得~~喎~~~我個動作已經好慢架喇~~都踢到!!
我踢完之後仲2隻手係度yeah添呀~!!~哈哈!~
估唔到我呢野咁屎都成功偷襲到~!!
跟住再黎多廿秒....
嘩!!"啪喇!"我同Yoko終於受傷喇~~
我仲痛到咁住左隻右腳添!
跟住仲要繼續同Yoko打~好痛呀..........
完場~~~我睇到自己右腳腳背真係腫左又瘀左~~

之後到男仔打啦~~好激烈!!
搞到個阿伯係門口轉左幾轉都唔敢入黎叫我地交場添!!
哈哈!~笑死~~

返屋企個陣歡歡件甲散開左~~
梁家麟就幫佢手綁返件甲~
個陣歡就企佢隔離!~
我件甲又俾我整鬆左條繩,
梁家麟個細佬就幫我整返好佢, 咁我又企左係佢隔離喇!~
我地4個2前2後咁行
真係好似2對情侶囉~~哈哈!!^^好搞笑~
睇到我真係笑左出黎~!!

買完野飲大家就一齊行,
跟住佢地就係度同我地玩~
我就笑住咁講:"好喇喎!!~撩交打呀...?~~黎啦~!"
跟住梁家麟細佬就講:"都好喎~~"
我就梗係話:"對唔住, 我都係講下笑姐~~~"
喂!~大佬~~1個黑帶1個紅黑喎!!~
我邊夠佢地抽?!~>打唔過....~~~ ^.^

今日係7月14呀.......~~Yoko1個女仔會危險嘛~
我同歡歡咪送埋Yoko返屋企先走囉~
哈!不過今日真係好開心~!!!

>>December 29, 2003 at 5:31:18 PM GMT+8