2003 年 8 月 28 日 星期四 【晴】

今朝Oral practise又要返sch喇~
我同萍萍竟然同個個咩劉東昆同埋謝仲斌一組discussion!!~
下....唔係呀......?~~
不過佢地講野都幾好笑既~~~哈哈!!
我地4個一齊discuss埋d無聊白痴野~
就係咁笑足成個鍾.................(汗")

跟住同girls食完飛碟就去體育館,
有d唔知點咁添~!
好似見工咁呀~~哈哈!!
我終於知道佢地邊個打邊個喇~~
不過究竟邊個先至係嬋嬋個哥哥呢?
我真係唔知bor~~~
可能呢度都冇個係添~! 嘩哈哈哈!!
佢地幾個都幾好人Y~~^^
出左體育館我就擰轉同佢地講bye bye啦~
點知原來同路喎!~
咁就真係樣衰爆~~~~喇~!

跟住我同邱邱就去左剪頭髮~
洗頭個陣我用隻腳搞邱邱隻腳,
跟住2個就係度踩黎踩去~
點知邱邱俾人話叫佢唔好亂咁郁喎~!!!
哈哈哈~ 點解冇人鬧我既~??
我好快就剪完lu~
真係短左wor~~
邱邱話都幾令架~!!~ (梗係啦!個髮型師佢介紹架嘛...)
佢都剪得好好,
個頭同我差唔多囉~
不過佢個頭電過所以捲捲地@@

跟住返跆拳狂練back kick,
好.....悶.......呀................~~
我就貪玩試下踢reverse kick,
我即刻成個人仆左係度~!!
哈哈!~ 俾人笑死呀~~~
好彩我都唔算仆得太樣衰.....~~哈哈哈~~

我唔想再練reverse kick,
所以就去左幫羅志鴻練1步對策!~
佢好叻仔呀!
算學得幾快~
話晒佢都係個細路,
我教佢個陣就配埋音等佢出拳個陣係咁椅嗌 : " 哎呀! "
等佢覺得得意d好玩d嘛~哈哈~

跟住我就同阿廖&邱邱去左新都其中1個角落度跳Do it! Now
冇耐竟然撞到肥興佢地呀~~
跟住我地3個就過左去第2度練喇~
點知跟住又咁死好彩撞到跆拳d師兄弟喎!~
乃野.......咁咁岩撞到正........
俾人見到我跳舞添~!! >0<

再夜d我地就去左體育館睇人跳舞~
阿強好搞笑~~
佢行過黎講講下野無啦啦擰轉面話拉一拉褲鏈先~~
哈哈!!~ 我都跟埋一份睇睇自己有冇拉~~
肥joe都跟埋我一齊睇~
哈哈!!~ 佢條眉好搞笑呀~!! (笑)
跟住肥興就出黎表演~
嘩.........超勁呀!!~
跳得真係好正!
跟住佢指下佢條眉,
我都唔知發生咩事!
望真d先知原來佢條眉都識捲下捲下咁架~~
條利又得,手指又得,肚又得,手又得,好似成身都識郁咁~!! 好勁~~
但係我地後尾都冇跳到呀~~
唔知呀...多人卦...好似唔知點咁....
算啦~ 應成佢地下次跳返啦~!!

返到屋企玩左陣ICQ無啦啦hang機~
restart左之後開唔到ICQ呀~!!
唔係呀嘛......?~~
剷左再裝都唔得喎!~
唔好咁啦...................即係迫我訓覺姐~~~

>>September 1, 2003 at 7:38:26 PM GMT+8

2003 年 8 月 27 日 星期三 【晴】

今朝接到阿萍個電話
佢一開始就話歡歡上緊黎搵我喇!!~
下!? 咩事呀.....
我諗都諗未發生緊咩事門鍾就 " 拎拎拎拎................ " 響到嘔~~
原來佢打左N次俾我我都聽唔到呀~!
但係點解我又聽到萍萍個電話呢?
係1個迷.............

返到sch一開始就做份卷
好彩全部m.c黎姐!!~
我左抄d右抄d~
搞~~~~~~~~~掂!!
跟住老媽子無啦啦打電話黎
我見冇miss係度咪同佢講我補緊課囉~~
佢又聽極都聽唔到
淨係識係度問:"咩煮緊送呀???"
大佬!!~ 補緊課呀~!!
我大大聲嗌左3次佢都聽唔到~
成班都已經係度笑喇..........~~
你係咪玩我姐~~ 姐姐仔~~

哈哈!~
今日同個小學同學傾左勁耐呀~!!!
仲屈到佢請食飯~~
但係我都俾人屈左請睇戲...................一x一"
計落我蝕抵d喎~~~哈哈!~

夜晚黃+榮打黎叫我落樓下試下佢整個d自創糖水~
唔~~~~~~好味!! ^0^
係d綠豆硬左少少姐~~
佢同我講話佢同gf散左,係個女仔講分手喎.....~~
唉...唔好咁啦~~
頂多我幫你追Flora喇!!~哈哈~
跟住陪佢等埋人我就功成身退喇~~~ @0@

今日嬋嬋同我講話有人想搵我教跳Jazz呀~!!
嬋嬋係佢面前話我跳Jazz好,
所以就叫我幫佢手喇~~
話有錢收架喎.....~~
好開心呀!!
竟然有人叫我幫人教跳舞~~
有冇錢都冇所謂啦~!!
但係我真係唔知自己識唔識得教人囉.........
又覺得自己冇乜料......
不過身為2年DaNcE cLuB既主席
我要同自己講 : " 我一定得架~!! " (講住先啦)

今日見到黃燕華個網上日記提到我呀.....
超好開心囉!!~
佢同劉+欣都話好中意我~~~
我睇聽到真係好開心!!^0^
哈哈!!~ 我而家真係好中意黃燕華同劉+欣囉!!!!!!!!!!!!
不過...我而家3點幾都未訓呀~!!
聽朝仲要補課添........唉~~灰晒~~


>>September 1, 2003 at 7:42:06 PM GMT+8

2003 年 8 月 26 日 星期二 【晴】

尋晚通左頂....
今朝11點幾先返到屋企!
我肚餓就煲水諗住煮野食
跟住就攤左係地下度hup一陣啦~
點知醒返個陣見到成間屋勁大煙...白朦朦咁....
死...喇.....!
個煲著埋火添呀~!!
我即刻熄左個爐
裝少少水淋落個煲度~
嘩~~~~~~好得人驚呀~~~~~~~!!!
d火"hom hom聲"係個窿度噴出黎`!!!
好彩之後都冇事咋....
不過真係勁臭囉!!
個煲就燒窿晒.......
我都唔想搞佢喇,
出返廳玩電腦算數!!~
如果我起唔到身既話,
我諗我真係一早變左燒豬喇......!!
真係多謝天父~~~~~~~~@@
媽咪竟然冇話我~冇話我~~
祈多次禱先!~

夜晚同阿廖,邱邱,萍萍,花花同埋曾忠佢地去尖沙咀睇個粒所謂既火星~
去到太空館淨係見到部電視機映住粒星星,
都唔知係咩黎架~
睇左2眼我地就去食野喇~~
好似特登出去食野咁......................-_-||

>>September 1, 2003 at 6:51:19 PM GMT+8

2003 年 8 月 25 日 星期一 【晴】

今日約左盧老師同埋班小6同學一齊BBQ呀~!!!
好開心!好興奮!!
約左係厚德百佳等呀~
去到見到羅洛欣,劉+欣,黃燕華,鄭浩文,陳耀康,蔡嘉,蔡港生......(篇幅有限,不能盡錄)
我同劉+欣就狂係度玩係度笑,
跟住仲同佢同黃燕華+埋黃家榮落左街市買丸丸添~!!

上到去就見林祥龍同姚曉廉個d都黎左啦~~
然後4:30p.m就去OK等齊其他人!~
去到有埋張毅,郭淑媛,鍾仁斌,林浩賢,周立強等人......
跟住就出發去淺水灣喇~~~

落到車我就向住個海大嗌 " 呀~~~~~~ "
真係好無聊..............一x一||
咁岩我地撞到Gloria佢地都去BBQ,
我咪負責去借炭精同食佢地d棉花糖囉~哈哈!!~
我竟然食左人地半包棉花糖......
仲撻左人地2舊炭添~!
相信我已經俾人咒罵緊........~~
跟住吳凱鳴&程雅琳&陳嘉傑都到埋~
我係吳凱鳴面前遞起隻腳扮姣婆話 : " 司機~~~ "
佢竟然問黃燕華我係咪陳+麗呀~!!
乜我以前真係咁斯文架咩~??!~
佢地個個都話我唔同左呀...~~~
癲左囉~~哈哈!~

跟住就燒野食啦~
我就負責幫人斟野飲~
搞左一大輪先有得燒野食!~
蔡港生就問我有冇叉,
個陣個袋淨返3隻叉,
我拎左1隻,
跟住拎俾佢啦~~
點知轉身個陣唔小心連淨返個2隻都俾我飛埋落地下~!
呀~~~俾人話我豬呀~~~~~
冇耐盧老師絮到,
佢認得我呀~~
仲記得我話過整條頸巾俾佢添~!!
唉....織左5年都未織好俾佢....好唔應該添!!

之後我地就落左沙灘玩True or Dare!
嘩~~ 劉+欣開心到爆啦~
鄭浩文話最鍾意既女仔係佢喎~
之後劉+欣輸左仲要俾人罰拖住鄭浩文沙灘一個圈添~!
開心死佢啦~~~
不過如果見到佢地2個係度一齊我會好開心架~!!!

跟住蔡港生輸左~
佢揀dare呀~~
咁我咪叫佢拖住是但1個人走去同另一堆唔識既人度指住佢講 : " 佢係我女友呀~ " 咁囉~~
跟住全班人就叫佢揀黃燕華喇~~哈哈!
拿~~唔關我事架~
係佢地擺你上臺架咋............(to:Flora)

跟住到我乃野呀.......~~
個樽一轉中我張毅就好似想起我底咁問定問題~
係呢個時間我就話 : " 我揀dare~~喎!!~ "
哈哈~~佢冇聲出喇即刻~~笑死~~
而我揀dare既後果就係要揹黃+榮喇!!~
OK啦~都係140磅之嘛~~ No PrObLeM!
冇耐又轉中我,
要我答升左中學之後有幾多人個追過我~!!
駛唔駛咁旺呀.......~~~

跟住張毅無啦啦問我佢個樣老唔老實,平唔平穩~
我話 : " 老呀~~ "
跟住吳凱嗚就話 : " 話你又老又實呀!~ "
哈哈!!~ 笑死我~啦!!~
跟住我就中左招喇~!
我揀左dare~
劉+欣叫我過去同張毅擁抱一下喎~~
下...? 唔係呀..?~~
我仲係清白之身喎~~~
俾條生路黎行下啦~~
咁劉+欣就話要我拖住蔡港生對手同佢講 " 我愛你 " 喇~
哦~~~咁我咪講多好多次好模糊既 " 我#$%愛+_&"你 "囉~~
頂~~~張毅同吳凱嗚又拎住晒d相機映相, OH!!唔係呀.....?~~
我會俾人笑死架!!~
跟住唔知邊Q個就話 : " 要講埋蔡港生, 我愛你架喎~~ "
下!? 唔係呀化....~~
冇計啦......頂硬上都要架喇~~
到11點幾我地就搭車走喇~

上到車我先發現唔見左個銀包呀~~
咦.........好彩我拎晒d錢出黎俾住d野食錢先姐~!
但係入面都有張8達窿+圖書證+提款卡+3張唔同樣既學生相架!!!!
其實最死係個銀包....
凱珊同邱邱送架!!! >_________<

返到厚德就得返我,Flora,劉+欣同黃+榮~~
我地4個就坐左係官小附近個個噴水池隔離撻空地度傾計~~
講左好多好多野呀!!!~
我地係度討論劉+欣而家應唔應該同Simon表白
我就覺得講左好d喇!
就算佢唔中意自己都冇野架~ 咪明戀囉~~
起碼第時自己唔會後悔Y嘛~~

跟住Flora又話其實佢真係好中意我,
覺得我好單純~好細個~~
總之就好中意同我做fd啦~!!!
聽到佢咁講我真係好感動架~!!!
5年喇喎.............大家仲可以保持聯絡~
其實我都好中意佢同劉+欣架!!! ^0^

佢又講話佢同佢個班d fd關係唔好,
同佢玩開個2個女仔對佢好衰,
我都覺得佢好慘架....
所以我諗我會同Flora繼續做好好好好好既朋友囉~!
起碼我諗我係sch會搵下佢等佢冇咁悶Y~~~
之後我地仲交換埋地址諗住通返信添~!!
YEAH!!~ 我仲決意幫Flora減肥添~!! 哈哈~
仲有黃+榮呀~~
咁耐冇見同佢都好多野講!!~
我地呢4個入面得佢1個拍過拖咋~~
仲要有成4次~!!
不過都要同Flora一齊減肥呀~!!!
記住注意自己身體啦~~~~~~~~~~~~~~~~

跟住黃+榮又係度講話ooo賴屎既事我地知~~
話ooo個日急急腳咁跑去廁所~
冇耐見ooo返課室拎返個書包,
跟住攬住個袋好樣衰咁講話 : "我早退呀… "
跟住就bill走左喇!~
+榮話佢擺明身有屎啦~
哈哈!!~~笑到我傻呀~!!!

講講下我地就去左飲早茶喇~~
唔~~~食左腸粉啦~粥啦~同唔知乜鬼水蒸包~~
最搞笑就係沖茶個陣~!!
+榮放左好多菊花落去,搞到塞住晒~~
咁我地之後咪要夾返d出黎倒左佢囉!~
但係又唔可以俾個度d職員見到喎!!
跟住又唔知點換左d龍井落去~
總之就搞笑啦~!!
全場仲要係得我地4個o靚妹仔黎飲早茶咋~~!@@
我地一路飲又一路傾計,
我好中意呢幾個朋友囉!!~
我同+欣同埋flora感情都好左好多添呀~!!!

飲完我地就走左喇....
送完劉+欣返home之後我同flora同埋+榮3個就去左公園玩搖搖板~
咁就送flora返home喇~~
一路上都有計傾,
真係覺得佢好好人囉~~
佢仲話如果我地3個冇人要既佢要喎......~~真係偉大~!!
跟住大家就bye bye lu~~@@!~
真係唔想咁就過左咁開心既1日~!
講真~~今次玩完都唔知幾時先再有得一切約埋出黎玩喇....@@


>>September 1, 2003 at 7:49:45 PM GMT+8

2003 年 8 月 24 日 星期日 【陰】

今日3:15p.m先起身呀我!!~
都唔知點解可以訓咁耐架~!!
可能累卦.........
又或者可能我就黎死lu!~哈哈~

夜晚xxx又同我講佢約左yyy去街街喇~~
仲同我講話原來俾人攬既感覺真係好正~好舒服~~
咁即係佢地攬左啦~!!~
仲係好實個隻添~!!~
我都好鄧佢高興架~~
因為佢話佢好開心囉!~
真係恭喜晒佢呀~~~
搞到我都有d想拍拖添~! 哈哈~~
不過咪又係得個想字囉....
我係唔會 " 人有我有 " 架!! >_<
都係做老姑婆算數把啦~!

>>August 31, 2003 at 5:42:33 PM GMT+8

2003 年 8 月 23 日 星期六 【晴】

今日到暴暴比賽喇~!!
佢7:00a.m已經打俾我叫我起身,
仲叫我唔好再訓返添~
點知我又唔聽話......
訓到7:45先起身!
仲要係佢同歡歡分開打俾我叫醒我添架~!!

我同歡歡去到沙田搵到暴暴喇~~
仲未開始打第1場~
咁我地就陪佢拉筋喇~
拉完之後我就拎左部數碼相機黎玩~
冇耐仲拎埋部電子記事簿玩game添~!哈哈!~
玩玩下見到師傅做裁判,
我地幾個就大嗌 : " 羅志英 "
仲要嗌埋 : " 係凌+豪叫我地嗌架~ " 笑死!

跟住暴暴去左下面準備喇~
我就行去最前個排叫佢加油~
我攬左攬暴暴就走左喇~!!
到佢打個陣我就負責渣機錄低佢~
5:3 完場----------拎到3分-----------好好啦!!
到走個陣竟然發現唔見左對護手~
乃野!! 諗諗下好似係我拎架喎...
不過我諗極都諗唔起係邊唔見囉....~~
點解!!~點解我咩都唔記得!>?~>?!
跟住同師傅講,
佢就話要賠$200~
Oh!~My God~囉我命咩!!~
不過師傅都仲識同我地講笑~
我話 : " 師傅~ "
跟住佢話 : " 乜唔係羅志英咩? "
哈哈~師傅咁靚女又好人唔會嬲我地既~~~係咪?^.^

之後我同歡歡同暴暴+埋李嘉龍同+wing一齊搭的士去左新城市廣場~~
去左食m記呀~!!~好野~~
我地都1人食左個餐,
仲加埋朱古力新地添呀~!!
好開心添~!!!

食完野我地就去左打機!~
原來彈鋼琴個部機都幾難玩架~~~
等我仲以為好似平時彈琴咁添~!!
跟住玩賽車,
又衰埋! 我又包尾~
之後就同左歡歡同埋暴暴一齊過左隔離冒險樂園玩喇!!~
我地全程去玩掟波波~
好野!!~我地拎68分呀~~
仲高過個high score~
正!! 我地仲笑得好開心添!~
+wing佢地過到黎仲同我地講話跟住我地d笑聲黎搵我地架喎~~哈哈!~

玩完我地就搭九鐵地旺角啦~~
而暴暴就返屋企!~
去到新世紀廣場我地就買野飲坐低傾計~
李+龍話我同歡歡真係聾架~~
我地叫野食個d no.都聽唔到
仲卦住係度傾計~~
反而李+龍聽到喎!~
下....................................???
不過都係既~~
今日佢講新城市我都聽左做屈臣氐啦~~~@@

跟住我地就去練跆拳~
我地玩跟動作呀~!
即係第1行最前個個人做d乜,
第1排d人就要跟住佢做乜!!~
哈哈!!~ 好好玩呀~!!
又要跑圈又碌地,
連前滾翻都出埋添~!!
玩完跟動作之後就圍圈跳,
個個坐晒落地下攤開雙腳,
跟住第1個起身左右左右咁跳過人地對腳,
跳過左3對腳之後第2個就起身跟住跳~
到我跳個陣歡歡竟然郁佢隻腳喎!!
我即刻仆左落人地度呀~!!
擺明扇我啦~~下嘛~~哈!

最後係打free fight~
+wing同李嘉龍打完就到我同李嘉龍打喇~~
好! 係時間用矛等招喇~~
我呢招cheap野依然成功~
我又係好自豪咁舉起左V字手勢喇~~
跟住到班男仔打~
佢地成日係度玩~
又仆黎仆去喎~!!~
仲做埋晒d核突動作添~!
好似黃飛鴻大戰xxx咁轉圈~ 笑死!
呢個時候我同歡歡就玩扮bite手~
跟住問李嘉龍個老婆我地似唔似冇左隻手,
跟住就趁機會摸下佢個肚~
我好輕力咁摸左1秒,
嘩~~好得意呀~!!~
軟林林咁.............!!~

我今日終於知道原來自己真係中意d運動勁既人架!!~
哈哈!!~

>>September 1, 2003 at 7:52:50 PM GMT+8

2003 年 8 月 22 日 星期五 【雨】

今朝一早就同邱邱出左去練舞~!
本身諗住返去補課架~~
點知搞耐左........算喇!!~唔補囉~~
好彩今次miss話返唔返都得姐~!!
<*~ShAdOw成員~*>

之後經過圖書館,無啦啦想去借書睇~
(我竟然會睇書?! 奇怪~)
咁就入左去心理學個頭搵書睇~
唔知做咩無啦啦想睇書呢!?
跟住借左2本書就返home喇~~
一路行返home就一路睇,
好犀利呀!!~
希望我可以睇晒佢地2本啦~~@@~

Tyrone send返以前F.3既白痴片段我睇~笑死~
有自拍既鬼故,
有我地個人上年錄俾黃潤娣校長既影片,
有咩桂花+cookies成員招募!!~
仲有我地3B個陣個d爭鏡頭片~~
笑死啦總之~!!!

夜晚同歡傾到3:00a.m~
佢唔開心呀..........
我都做唔到d乜~
係呢度唯有祝福佢啦~~
佢係我好朋友!!
無論佢做咩我都會企係佢個邊架~!!!

>>January 18, 2004 at 8:55:08 AM GMT+8

2003 年 8 月 21 日 星期四 【陰】

跟住我都冇訓到呀....
快快手手拆左個hardisk出黎俾呂廁就飛車到左新都m記lu~~

去到m記竟然見到馬馮傑!
我已經避開佢既視線擰開左自己塊面架喇~~
點知冇耐曾慶忠,楊c諾同梁耀漢都都黎埋~
Oh!!~估唔到佢地都係黎抄功課喎~!!~
仲要咁抵死行埋黎我地隔離度做~
好彩....我最後都抄得晒~~~

跟住返到sch真係好眼訓!!
dup低頭訓得耐都好辛苦架.....
咁咪攤係張chair pan度訓囉!~
點知真係訓著左呀~!!!
Miss胡大嗌 : " 陳+麗你同我企起身! "
我竟然聽唔到....要阿萍撞我我先識醒~!
佢嗌呢句野第2次~嘩~~全班望晒過黎呀!!~
不過好彩miss淨係叫我企係度3分鐘等我清醒下姐~!!
今次真係執到!!~
佢竟然冇鬧我......?~?!~

今日xxx約左xxx去銅鑼灣!!~
而我, 放左學就出去應約做電燈膽
出到去終於見到xxx喇~~
我地行到去戲院門口就買左"魔盜王"既飛,
$65呀~~算啦算啦~
當陪佢囉~~~

入到戲院好搞笑!
xxx買左2杯可樂1桶爆谷~
咁究竟佢淨係預佢同xxx2個人飲唔理我Y~
定係預佢同xxx飲1支, 我自己1支呢??
真係好想知///////~~
跟住佢地2個行先,我行係後面~
佢地俾左飛工作人員睇我都唔知拎唔拎好,最尾都係拎左...~~~
跟住就有人帶我地行啦~
我拎住桶爆谷好無奈囉~~
帶我坐個個工作人員仲問我:"你地一齊架?"
我話 : "係呀.........一一|| "
跟住我覺得個工作人員好想笑,好似一睇就知我黎做電燈膽咁~~
但係因為我唔係好夠訓......
所以中途訓...著....左......<~n!~@m?!

夜晚又係返跆拳返時候喇~~
今日既特別節目就係玩玩具槍喇~哈哈!!
之後就練套拳,嘩~~太極一～八型都要操!~好驚呀~~~~
落堂個陣我同歡歡仲無啦啦俾師傅罰左做10下拳上壓添~~!(因為我地坐得唔好姐.........)

>>September 1, 2003 at 7:09:39 PM GMT+8

2003 年 8 月 20 日 星期三 【晴】

今朝起身冇耐媽咪就買完野返黎~
買左好多零食呀~!! 好野!!~

跟住陪左xxx去公園傾計~
佢同我講佢既愛情煩惱呀~~
其實我都唔知可以點做, 未俾d唔係咁專業既意見佢囉~~
所以最後結果係：" 佢地出街 , 我去做電燈膽!! "

跟住玩電腦玩到好夜~
2點倒包包叫我打俾佢,
教佢ftp既野~咁咪打囉~~
點知教教下變左傾電話~
我又聽多左d野喇!!~
傾下傾下......
又到5點幾喇呀~@!!!
嘩~~~癲架~~~~~


>>August 31, 2003 at 9:17:34 AM GMT+8

2003 年 8 月 19 日 星期二 【晴】

今朝陪左暴暴同歡歡又去左新都m記度抄功課~~
我唔駛改正, 所以唔駛抄呀!!~
可能唔夠訓啦...我訓著左!
仲要訓得幾舒服~
就黎流口水架喇~~ 哈哈~~
返到sch又係中下中下咁~
聽左d數=冇聽!!

放左學就去左歡歡home睇"六樓后座"
勁好睇呀~!!!
佢地做d無聊野真係勁似我地囉!!~
不過我係一定唔會咁衰女輸左唔食屎架!!~
但係都唔係咁想食囉..............@~@

跟住玩icq~
xxx無啦啦問我接唔接受xxx好~
我覺得如果真係中意既就受啦~
跟住! 跟住!! 佢同我講佢已經受左喇~!!!
嘩~~~~xxx拍拖喇!!~
好似有d唔知點咁~~唔係唔開心囉!!~
總之佢開心,我會登佢高興!
佢唔開心,我會陪佢喊~~
個陣我問佢究竟佢開唔開心,佢話偏唔開心架~~
我覺得xxx真係好辛苦!!
不過............要諗開心野既就一定會諗到囉~!!~
努力呀~!!!
我會支持你架~~@@@

>>December 29, 2003 at 5:45:23 PM GMT+8