2003 年 9 月 7 日 星期日 【晴】

頂~~~ 今日P.E堂真係想死囉 ! ~
我而家一食野個肚就痛!咩事呀… 好辛苦呀~~
呢幾日都唔係食得好多野~! !
今個lunch我都係食白粥咋……
食左少少都想嘔囉~~
跟住P.E堂又要做體能喎~!!!
我都冇乜點食野~
邊有力做姐……
所以, 我決定左帶領我個組既人齊齊偷雞!!~
10組動作我地起碼有2組冇做 ;
數個陣就單數咁數上去咁滯, 做少好多架~!!!
跑樓梯又跑到1樓轉角就停係度傾計喎~! 哈哈~~~
雖然好他調, 但係都好累架~~~

>>September 10, 2003 at 4:42:27 PM GMT+8

2003 年 9 月 6 日 星期六 【晴】

今日好無聊呀……
成日都係上網….ICQ….睇電視……
冇喇~~~~~~~~~
不過好夠訓囉真係!!~
6點幾食完野就訓左係梳化喇!!~
咩功課都未做……… PK喇 …………

>>September 10, 2003 at 4:33:31 PM GMT+8

2003 年 9 月 5 日 星期五 【雷雨】

今日一起身已經11點喇....
最終都係冇同SHADOW一齊練舞.......soly~~
好返好多~~ 多謝關心 ! !
不過仲好頭痛~
唔係幾食得落野咁.....
一食野個肚就覺得痛喇~~
我係咪真係就黎死呀~???

跟住我就成日都攤左係度睇電視~
睇到 " 向生命致敬 " 我好驚呀~! ! !
入面個頌頌又係無啦啦有1日個頭勁痛, 跟住又嘔~ 仲食唔落野添~!
中晒呀 ! ! ! 死啦.... 我會唔會腦有瘤呀?!?!?
我阿媽同我一齊睇,
弊傢伙 ! ! ! 佢會唔會亂諗野架~???

>>September 7, 2003 at 3:58:36 PM GMT+8

2003 年 9 月 4 日 星期四 【乍寒還暖】

今朝差唔多8:00a.m先起身呀~!!
我好趕咁食左個好豐富既早餐!~
有1個apple, 2塊包, 2包餅,
跟住就衝左落樓同歡歡飛的返sch喇~!! (因為我地2個都未做功課...)
我地順手去買埋今日既lunch, 點知我係的士度食埋個吞拿魚包同2件三文治呀~!
諗落食左咁多野我都覺得好驚.....

返到sch我真係好想嘔,
加上我又揹住個勁重既書包,
(入面有2本maths書,2本中文書,hard disc,一疊碟,波鞋,波衫,筆袋,有水水樽....愈數愈得人驚...),
真係好辛苦....
我一路飽到lunch
但係都本住 " 唔好side野 " 既精神食埋淨返個個包~

ECON堂先死!
個miss ma講咁耐書我都冇留心聽過,
無啦啦佢話已經講緊第2課,
我即刻係度諗 : " 第1課教過d咩??? "
唉.... 好不容易先捱到放學~

放學喇!!!
肥man同阿豆黎搵我去打排球呀~!! 好耐都未試過喇....
今日都可能係我最後1次係sch打排球...........諗返起.............
F1....傻下傻下咁入左校隊,
仲會著住校隊衫周街行黎行去
F2....要同班姐姐打排球, d位俾人揀晒咁我咪打快攻囉....冇問題喎~
我仲朝朝神咁早返學校 1 VS 7 咁同班白痴婆練波, 個陣我就係個自由人喇~ 咩位都會打!
個陣真係好開心...... 到佢地比賽個陣我緊張佢地仲緊張過自己個team
F3....咩都唔知咁做左排球隊隊長, 又同返個7個傻婆一齊作戰~ 好開心呀!!
個年我做fighter, 剎到1球靚波我已經好開心架喇!! 可惜最後1場我唔記得帶學界證.... 對唔住!!
但係你地都冇怪我, 我好感動~!!
F4....呢年又好符碌咁做左副隊, 都算係個setter, 係好頹既1年~ 我都冇乜點打過波,
淨係去過幾時排球學會教新仔打波, 回想當年自己都係個咁既新仔,有種似曾相識既感覺....
覺得自己最有成功感既係社排, 今年係我最博命打排球既1次, 全身瘀左9撻,
場場比賽都仆晒地, 今次社排我地冠軍呀~!! 我好滿意自己既表現,因為我真係可以剎到波!!!
F5....我都唔敢諗喇...下年我都唔知仲可唔可以係官中度打波lu~ 得返今日...我會盡情享受呢1日架!

今日教完人接下手就打比賽,
落雨呀.... 點我都唔會唔打架喇!!
我會尊重今日打排球既日子!
今日我連開6球都得分, 好開心!! 好興奮!!
排球隊既新丁, 你地要加油呀~!!
第時我地走左.... 官中就靠你地架喇~!!! 努力 !!

死喇... 我又覺得暈喇.... 有d頭痛咁囉... 仲好想嘔~~
但係又要趕返home拎道袍幫羅俊鴻考試喎 !
返到home拿拿林食左碗炒飯就出門口喇~~~
OK ! 升帶考試正式開始 !
羅俊鴻考試喇 ~!!
個o靚仔表現都唔錯 ! !
點知之後師傅叫我同佢打free fight喎~!!
得啦... 我會就住佢架喎~~
話唔定係佢打嬴我添~!!
佢考完我同Yoko佢地就繼續係隔離玩,
係度笑笑笑笑笑....
冇耐就俾人趕返去後面睇人考試喇~~

跟住去左食飯,
返到屋企好難頂呀....
頭又痛, 肚又痛, 又想嘔, 又暈暈地~~
沖涼個陣覺得好凍好凍.... 好似去北極咁~
好難先捱完個3分鐘....
跟住即刻仆左落床!
媽咪幫我come左3張被都覺得好凍呀.... 咩事呢~~
個頭又痛到就黎爆咁!! 好肚痛呀......
媽咪係咁叫我食藥,
我又唔知點解死都唔肯食!!
但係我真係好辛苦呀....
搞左一輪之後佢耐唔耐就黎問我食唔食藥....
最後我都屈服左.....
我成晚都碌黎碌去, 又凍又辛苦, 好想死呀~!!!
聽朝仲要跳舞添架.............(汗")


>>September 7, 2003 at 3:57:33 PM GMT+8

2003 年 9 月 3 日 星期三 【雷雨】

今日終於有我最驚既hist堂喇.....!!
驚既原因.... 係因為佢派返d論述題俾我地呀~!!!
鬼咩~~ 我都冇交..... 梗驚啦~~
我同歡歡你眼望我眼,
都係唔出聲算數!~
好彩.... 冇事.... miss lai真係唔記得左~!!

不得不提既就係eng堂啦~!!
全班個個都悶到發瘟!
我同wing wing已經傾左成堂計,
跟住唔知點解就開始左個手提電話大戰喇~!!
首先我打左俾周妍同何+,
佢地一睇個電話個樣好似好驚咁~
哈哈!~ 俾你都驚啦~~ 上緊堂架喎~
跟住就到歡歡打俾我,
我好醒目咁冇接到~
我係唔會俾佢side我分鐘既奸計得請架~! 呵呵!~
我係後面望上去個情景勁搞笑!~ (係咪懷疑緊點解我都坐到第5個位??)
莫莫就dup低頭講書, 書蟲dup低頭聽書, 淨返個班人就個個都拎住手提係度玩~
真係好搞笑囉~~~

lunch我食左2個朱古力包,
已經覺得有少少想嘔…
放學又買左5個朱古力蛋糕食,
食完返到home真係勁想嘔,
滯到連夜晚個餐都冇食到~!
唔知點解覺得有少少暈暈地同頭痛,
所以10點幾就訓左lu~~
真係好耐都未試過12點之前訓.....
有d開心添~!
不過我d功課郁都未郁過.....


>>September 7, 2003 at 7:40:37 AM GMT+8

2003 年 9 月 2 日 星期二 【雨】

嘩~~尋晚訓左咩都未做
又訓到唔知幾點先起身~
我...我...我竟然奢侈到同歡歡2條友搭的士返sch呀~!!!
我地2個都冇帶體溫卡
咪自己整住張先囉~~
落左的士已經進入左老師既活躍範圍,
好多老師都行個條路返sch~~
歡歡"lay"左係郵箱後寫體溫卡, 我就負責睇水~
!咦? 有老師殺到黎喇!!
快d! 快d!
佢搞掂喇~~到我寫~~
死死死....d miss就到喇....快手d!!
我真係唔想寫個70字檢討書囉…..
又要用腦………@x@………
終於! 我係d miss同我得返3步距離之際我K.O左喇!!~
好彩.......真係覺得自己勁似職業大盜要分秒必爭去偷野咁呀~! 哈哈!~

lunch我地就去左食韓燒~
我地可能食唔切飯呀...
但係都一於好少理!
仍然一路食一路講野一路笑....~~
唔制呀!!
我死都唔坐對面!!~
歡歡~~讓個位俾你啦~~
都係邱邱好*3*

臨走個陣唔知講開d乜野真係好好笑架~!!
一時興奮得滯個頭就"boom"一聲"hum"左落後面條欄杆個d野度~!
好....樣....衰....呀.........隔離仲有班同校既男仔~
咁岩佢地又起左身諗住走人
望就望佢地見唔到啦....~~如果唔係就實俾人笑到面黃~!!!

放學我同邱邱就上左阿廖屋企跳舞~
到去阿廖真係狂練狂練,
好似好有鬥心咁bor!!~
我同邱邱都有份一齊跳架~~~
我地用Do it! Now既動作自己排左隻舞~
因為呢首歌原本係我同邱邱o係SHADOW跳開架~~
而家....要俾多個位阿廖跳囉~~
唔~都唔錯架喇!!~
跳完大家就坐係度講笑,好白痴囉......~~~~佢地~~~~
冇耐佢阿哥返黎
入完廁所就入左廚房....~~
點知遲遲佢都唔出黎喎....
咩事呢?? 唔通暈左!?!?
咁我就問阿廖點解佢哥哥入左廚房咁耐都冇出過黎啦....
點知....原來個間係房黎架~!!! >0<
搞錯呀....點解間房會係大門隔離架...~~
我屋企都唔係咁既!!明
明係廚房黎家嘛~~~
咁我第1次去佢home......原諒我啦.....一.一"


>>September 3, 2003 at 5:22:29 PM GMT+8

2003 年 9 月 1 日 星期一 【寒冷】

今朝訓到8:00a.m先起身
要飛車返學呀~!!!
係好驚會遲到~
泊完單車之後我仲要跑返去添呀~!!
好汗............好彩我都冇遲到呀!!~ ^0^

返到sch上左2堂
好....悶......呀........
我恰眼訓hup到出晒面囉~~~
落去hall聽野之後miss話有特別事宣佈
就係...... " 而家因為打風既緣故, 各位同學等間就可以執書包返屋企 "
嘩!!! 我同萍萍2個即刻大大聲咁yeah左出黎!~ 開心爆呀~!
我地仲勁夾咁一齊give me give添~!!
俾周圍d人望住添......一一"
不過我悶左1日終於有得返屋企.....真係好開心囉!!~

跟住我地去左食車仔麵~
飽到想嘔.....
唉~~ 有d人啦~~
個男朋友仔黎搵佢喎.....
我同萍萍就咁俾人撇低左係茵怡喇........~~
我同萍萍行去新都邊行邊講無聊野
仲係度做埋d白痴動作自我陶醉添~! 哈哈~~
行行下見到桂花佢地...
唔知係咪聽到我同萍萍把笑聲所以擰過黎呢??
佢地話10秒前見到Miss胡,
仲係向我同萍萍既方向前進,
所以成班人即刻四散!!~
有d衝左入千色店....
有d上左電梯....
有d行左過隔離.....笑死!!~
咁死喇 !! .........
咁Miss頭先見唔見到究竟見唔見到我地架.......?? HOW COME!~ (呆///)

好彩我地都唔蠢,
知道Miss胡走左我地就去仙跡岩買左杯野飲坐左係美食廣場度抄Maths~~
我地幾勤力呀~!!
1點幾開始抄抄抄.....抄到4點幾!~
等埋歡歡一齊去映完學生相再續~~
抄到7點幾呀~!
抄死人咩!!
我地一路抄就一路講野,
仲笑到勁大聲添~!
眼見food court今日靜英英咁.....
d清潔阿嬸係我地身邊兜完再兜~
唔知佢地係咪覺得我地好勤力呢??
梗係啦!!~ 因為今日唔抄聽日要交嘛~!!! (幾押韻喎)
你話我會唔會咁蠢等聽日先抄Y~~~

我地終於大勁告成喇!!!
去優之良品買完野食就同歡歡一齊返home~
弊傢伙!!
我今朝有踩單車呀~!! >0< 乃野....
我去拎返部單車之後就同歡歡漫步風雨中喇.......~~
估唔到要同佢.........-_-|| (笑)
個陣9號風球!
真係唔得佢死!!!
有傘 = 冇傘 !! OH NO!~
不過我同歡歡都仲係慢慢行~~
橫掂都濕左啦...唔爭在!!

返到home我已經變左隻落湯雞~
但係仲卦住玩電腦喎!!~
玩左陣媽子就吹我沖涼啦~~~
沖完之後又繼續玩icq~
我11點幾off左又訓著左呀!!!
係咪好犀利呢~~~
都唔知有幾多世都試過咁早訓喇~!!!


>>September 3, 2003 at 5:15:51 PM GMT+8

2003 年 8 月 31 日 星期日 【晴】

今日開學喇!!!
好彩唔駛交功課姐~!
如果唔係我實扒係度!!
我同歡歡2個踩單車返學~
一路行就一路笑,
咁岩撞到劉偉業同劉倫
有個miss話有量體溫既呢邊,冇量體溫既就排隊~
我地4個都冇呀......~~
哈哈!~ 樣衰爆 !

返到去班房我見到陳林怡望住我喎~~
咩事呢?
我明喇~~~ 我剪左頭髮呀!!~
佢地個個都話我大個左又成熟左喎....~~ 哈哈!~
我好開心添~!!
漁民同翠兒仲話見到我個頭有條金色頭髮呀~!
都唔少架喎~!!~~ 哈哈!!
我睇唔到呀........~~~
點解架呢?
唔通我係混血兒............???! (發緊夢!)
好開心呀~!!^0^

今日終於都見返Miss Poon喇!!~
佢生左個8磅重既BB呀~!!
好開心又多個細佬添~! 哈哈~
到落hall個陣我無啦啦企左去後面呀!!
全部都係男仔.....遮座晒.....
我邊夠高睇銀幕d字姐!~
我同萍萍跳極都睇唔到添~!!
仲係咁俾d男仔笑...............
好囉~~咁我地唯有自己係度玩囉~~
咁多年最唔正經呢次啦,
下年都唔知仲有冇機會企係hall喇.....
中6俾人踢走嘛....~~

放學就去左食韓燒~
見到好多人呀~!!
咁岩見到Charles剷左光頭~
下.....?? 真係好好笑喎!!~
唔知佢受左d咩刺激呢? 哈哈~

今晚完成晒個日記喇!!~
可以推出俾大家享用~
不過都係寫d無聊野............
你睇左呀?
真係幾無聊wor~~~~你~~~~

>>September 24, 2003 at 7:13:12 PM GMT+8

2003 年 8 月 30 日 星期六 【晴】

呀~~~~~~~
尋晚我竟然玩玩下電腦訓著左~?!
件衫...整唔切架喇~
算啦! 唔cos喇!~
下次先囉~~~ @0@

夜晚約左阿廖&邱邱睇band show~
個度有個社工俾左部機阿廖幫佢映相,
我有幫手映架!!
覺得自己好似好專業咁添~!!
我好中意個隊 " Jam's Factory " ~!!
個結他手勁似右典囉~~
邱邱就中意個鼓手,
話佢成日甩棍個樣好得意喎囉~ 哈哈!!
後尾個鼓手表演完出返黎坐係我地左手邊~
邱邱正啦.....^^
有個近鏡俾佢望喇!!
最正都係最後個隊 " Hightway "
個個都係導師黎架!!
我最中意都係個鼓手囉~~~
超~~~~~型 !!
成個手都金金地白白地咁架~
打鼓打得超型!
佢個頭fing得好勁架~!!
d頭髮又長長地咁fing得都好有bit添~!!
偶～～～～像～～～～～呀～～～～～
我愈聽愈開心,
真係好中意聽人夾band囉~!!!

返到home我真係勁想學電結他同打鼓呀~!!
不過我驚如果學打鼓我會冇力囉.....
可能首歌打到一半我已經嗌cut喇~ 哈哈!
我已經即刻問zen呀...c諾呀...阿斌呀...Ivy呀個d學結他既野~
諗住買結他學左先再買電結他囉~~
我今次真係好有熱誠學架~
真係好想試下自己同人夾band囉!!!
蔡港生話我可能係岩岩睇完band show所以熱血緊~
可能卦.............
但係我前年已經想學架喇喎!~
我諗我真係認真架囉~!!! (BuRnInG! BuRnInG!!)
阿斌就幫我睇左d結他啦,
仲話可以陪我去買添~!
zen就話佢有好多fd夾band,
可以叫佢個fd教我彈結他喎!~
嘩~~佢地真係好好人呀~!!!
( 超~~~感動--------------T^T )
跟住我又玩玩下電腦訓著左囉.....@~@

>>September 1, 2003 at 7:32:16 PM GMT+8

2003 年 8 月 29 日 星期五 【晴】

今朝又去左去佐敦跳舞~
終於齊人跳晒首Do it! Now喇!!~ 好開心囉 !!
跳完我就同邱邱去小童群益會度睇d小朋友表演嘛~~~
仲排緊個Opening呀~~
好彩都係爭少少姐~!

夜晚阿廖同邱邱話幫我手整一齊cosplay件衫喎~~
好感動呀~~~~~~~~~~~~~~~~T^T
小女子願意以身相許~~~
冇人要呀?
咁慳返囉.........~~~
我地係個台度剪布呀,哈哈!~
見到d小朋友學國術, 好Q囉!!~
毛毛好得意呀~!!
肥o都o都咁......
同佢講野好好笑~~
我係咁話佢中意阿廖,
佢話佢有gf喎~~
係真唔係呀~~~下~~~
9點倒萍萍黎左,
仲幫我整左好野添~!
抵錫~~~~ ^3^
跟住大家一齊食飯,
我地拎住個飯盒食左幾啖,
毛毛問我地係咪想聽下隊band喎!!~
佢地聽日出show,
等佢地習慣下嘛~~~
好! 好呀! !
好正!!~ 我真係好中意聽人夾Band呀~~
原來呢隊band又係叫ShAdOw
我同邱係出面跳舞個團名都係叫ShAdOw呀!! 哈哈!~
唔知我地2個ShAdOw夾埋會係點架呢呵?
( 天音 : 白痴 ! )

>>September 1, 2003 at 7:32:51 PM GMT+8