2003 年 9 月 17 日 星期三 【晴】

今日係我小學同學劉+欣小姐生日~
約左夜晚出黎食飯呀~~~
我放學一補完math就即刻仆返屋企換衫喇~!!~
好忙.....好忙.....好趕......好趕......
點知…點知…點知急得滯唔記得左副眼鏡擺左去邊呀~!!
死啦死啦.......我屋企有幾大姐 ! !
搵唔到副眼鏡我唔敢出門口呀……
搞左唔知幾耐我終於搵到副眼鏡喇!!~
原來放左係部單車上面.......
但係我明明擺係臺面架喎~~~ 好似......@0@
就係因為咁搞到我遲大到…… 遲左15分鐘倒啦~~

我跑到去上左千年史等蔡港生同譚文傑~
黃燕華話要陪+欣買禮物俾Z玩交換禮物所以唔同我地一齊喎~~~
我係上面等左好耐都唔見佢地
原來佢2個係OK度等我呀~!!
死danny仔~~~ (可能佢地都鬧緊我danny......=.=")
我地一路揀禮物一路摺星星~
好勁呀 ! ! 我地企左係垃圾隔離好耐, 終於整好張卡喇!!~
仲買埋禮物添~!!
我地幾個勁白痴~
成日諗埋d度縮野~
又話淨係送蛋糕上面個粒藍莓俾+欣,
仲要係用譚文傑隻打完波既手拎住俾佢~
又話送筆蓋俾佢就算數~~ 哈哈!!~
但係我地咁開心都冇用....
因為已經遲大到喇 ! ! 又係15mins~

跟住我地就話去南豐間 " 五十嵐 " 度食飯~
途中撞到以前6年級教我地math個個伍老師呀~!!
我地好似d八婆咁(事實真係)煩左佢一陣映左張相就走lu~~
入到南豐Z話呢度有個地鐵站, 一落去就返到home架喇喎~~
我竟然信左! 仲跟佢去睇添 ! !
點知… 行到過去竟然係售樓處~!?! >_<
死野Y......仲俾佢笑左一大輪添呀~!!!

入到五十嵐我地坐左d圍圈坐既位~
好得意呀!!~ 仲要除鞋添~!!
我地圍圍坐, 食水果
＊個座位表如下
　　　　　　　　　　 劉+欣
　　　　　鄭浩文(Simon) 黃燕華(Flora)
　　　　陳耀康(康仔) 　　　　　 陳+麗(我)
　　　　　　譚文傑　　　　　蔡港生(Z)
　　　　　　　蔡+【出口】黃+榮

我一坐低就卦住玩, 又卦住講野
都冇第2個口食碗滑蛋雞飯~
冇耐Flora就係臺底爬左過對面同蔡+坐
佢地2個傾得勁開心~
淨係見住flora扯譚文傑件衫扯到變晒形就已經笑到我傻啦~~~
我地就係度爆笑~~
而劉+欣就開心爆啦~
坐鄭浩文隔離~
即刻飯都食多幾碗添呀~! (岩晒佢胃口)

之後仲死 !
flora坐返過黎我左邊
我就卦住同右邊既劉+欣講野
唔知係咪笑笑笑笑得勁得滯 " 挫 " 到插係滑蛋飯上面個對筷子
跟住d飯就好似槓桿原理咁飛晒落flora條裙度!!~ 哈哈!!~
但係我仲未知咩事喎~~~
就繼續同劉+欣玩~~
後尾全臺人見到flora跪左係度郁都唔郁, 再望望佢條裙個度d滑蛋飯.....
頓時全場爆笑呀~!!! XDXDXD
而佢就tup低個頭自己係度問 : " 我而家應該點做呀…..~~ " 哈哈哈 ! !
佢就黎喊架喇~~ 哈哈!!
跟住我地又係度狂玩d核突野
將舊豬扒咁既野浸落d辣椒茶度
1個傳1個咁由我地呢邊開始出發掟黎掟去 !
好彩我個杯水仲保持清白~~
但係鄭浩文碗飯同陳耀康杯水已經俾人污辱左喇~!!

我地坐個個位又算係全場既中心部分
但係我地又玩得好癲好嘈喎~~
周圍d人成日都望住我地… ~.~
但係冇計啦~~ 開心Y嘛!!~
跟住我地玩左好耐又食左好耐啦~~
9點幾倒先走呀~~

跟住我地就行左去官小附近個噴水池個度映相~
行過去個陣Z話佢個班有個人超騎呢~
成日中意用手抹鼻涕
之後就用手卒兩卒咁就當冇野喎.........(汗")
有時仲fing d鼻涕落地下搵隻鞋卒添~!!~ @~@
嘩哈哈哈!!~ 笑到我傻呀~~
跟住康仔佢地又行埋黎一齊講d核突野~
真係好好笑呀~!! 哈哈哈!!~
而flora同simon就行得勁快, 好似撇甩晒我地咁囉~~
我地都未過馬路姐, 佢地已經行到去OK喇~~
咁我地咪試下行第2條路睇下佢地發唔發覺囉 !
點知佢地真係發覺唔到呀~~~ 哈哈!~
Flora.....你死喇.....劉+欣實打爆你個頭呀~!~~

跟住我地就到左噴水池~
個度有好多人呀~
個度有個叔叔識吹個d咩 " sexyphone " 個d野~
咁我地咪問下佢識唔識吹生日歌囉~~
Wow~~ 佢識呀!!~
劉+欣聽到之後勁開心囉!!~
跟住我地就開始映相喇~~
點知咁死好彩俾我地撞到曾忠喎 ! !
咁就梗係捉住佢幫我地映相啦~!!!
映埋最後1張大合照就散band lu~~
不過 ! 原來康仔有份同我作文題目差唔多既文呀~!!
YeS!! 梗係問佢拎埋先走啦~~
YEAH ! 又唔駛自己作文~~~

今日竟然有人送我返尚德喎!!~
點知行到尚德變左我送佢去地鐵站….一x一||
咁究竟係佢送我Y~ 定係我送佢呀???
不過今日真係好開心~!!
本身諗住上次BBQ完之後會係會考完先見面~
估唔到.....今次已經係第3次約出黎玩喇~!! 哈哈~
我返到home涼都冇沖就訓低左喇……



>>April 2, 2005 at 9:05:04 AM GMT+8

2003 年 9 月 16 日 星期二 【晴】

今朝我同歡歡好早就落左樓下等喇~!!
跟住同歡一齊行返學……
真係好他調囉~~
一路上又淨係卦住玩,卦住笑~~
行過張沛松見人地sch企晒係操場度集會~
我地又唔知囉景定贈慶咁係出面扮鬼臉
仲自言自語咁話 : " 咦? 你地返學拿~? 我地未喎~~~ "
哈哈哈 ! ! 望真d先見到原來入面有好多人都望住我地
我地咪dup低頭閃走囉…...=_="

跟住我地就去左 " 名將 " 度買包包~
一路行一路食, 真係好寫意~~
好似唔記得左今日要返學呢個事實~~
行到馬路個陣我望望隻錶
咦? 8:25a.m喇喎~~~
再諗諗, 尋日同阿梁對過錶…… 我好似快2分鐘咋喎~~
但係我地個陣仲係新都~
咁我就問歡歡 : " 你估我地會唔會遲到Y拿? "
佢話 : " 痴線!梗係唔會啦~~ "
跟住再望望我隻錶…
2個都恍然大悟! 跑啦!!!
跑跑下…好勀呀…唔跑喇…
再望下隻錶, 真係唔跑唔得喇~~~
仲有人撥佢隻手示意我地跑快d添~! 哈哈!!~
跑到落隧道我地又停左~~
" 啦啦啦啦啦～～～～～～～ "
咦..?>!?! 打......鐘??!!>~? 唔好呀~~~~
我地2個即刻尖叫 ! !
叫完仲有d回音~
仲唔拔足狂奔咩!!~
係呢個時候….又有個男仔笑緊我地喇… ~.~
又樣衰多次 ! !
我地係咁跑.......係咁跑.......
要上樓梯喇!!~
我真係冇氣喎.......
但係我仲一路跑一路大嗌 : " 我~冇~氣~喇~~ " 死低b Y!

終於到左sch門口!
度門閂左呀..........
我地係咁推都推唔郁~
仲見到Miss Lai添~!
我以為佢想話我地點解遲到啦~~~
點知佢同我地講係推隔離個度門…… 一x一"
咁死好彩今到我地個班主任當值添~~~ 乃野 !
仲唔俾佢省獲金?!
我地岩岩好遲左30秒呀......點算好呢~~~
跟住miss lai竟然話當我地2個打鐘個陣入黎呀…^0^~~~ 真係好!!~
miss poon又肯唔計我地遲到!!~
仲叫我地快d返上去添~!!!
嘩~~~~我好感動呀~~~~
唔得 ! ! 我以後要自己做P.A ! ! ! (Brunging!!)
我仲要留心上世史堂報答miss lai ! ! ! (Burn! Burn!)

>>September 21, 2003 at 6:55:27 PM GMT+8

2003 年 9 月 15 日 星期一 【晴】

今日落到樓下先知落雨呀~~~
又遲落樓喎~!
好彩飛的返學姐~! (真係折墮)
點知個司機竟然行錯路!
我同歡歡就講笑話等司機掟彎個陣跳車走人
行返正路不特只
連的士錢都慳返添~!
估唔到個司機又陪我地癲埋一份
話我地2個個人跌左出車冇咩所謂~
最緊要就係個銀包同d錢冇跌出去喎~~
哈哈哈!! 個司機真係好抵死~~

放學個陣同歡歡一齊行返屋企~
咩話!>!~?! 行行下你竟然同我落雨?!?
算… 橫掂我地2個都淋濕晒咯!
雨中散步都幾浪漫Y~~~ (但係都要睇下同邊個一一”)
但係不出數分鐘之後………
佢同我落狗屎呀~!!!
諗住搵撻地方避一避啦~
但係我就淨係卦住講 : " 早知今朝帶傘啦~"
歡歡就話 : " 今朝都冇落雨~ "
我話 : " 有呀~! 不過落到樓下先知之嘛~ "
歡話 : " 係喎呵? "
我話 : " 不如而家搭的士返屋企啦~ " (但係我地已經行到圖書館個度)
歡歡話 : " 都好喎~~~ "
我 : " 發你既夢啦~~ 多錢得滯呀?! "
我地就係講完呢一段對話先發現前面原來有個女人同2個女仔~
一望個女人…… 佢笑緊我地呀~~~~
點解我地會咁樣衰架.............
跟住d雨愈落愈大
唔知點解個2個女仔可以擔住把傘慢慢咁漫步
而我地2個就要樣樣衰衰咁淋雨……(淚)
都係自己抵死唔帶傘!
我地2個唔想再係呢個強烈對比之下遭人嘲笑
所以就即刻跑去條天橋下面避雨~
點知一入到去, 靜晒……
你竟然同我停......雨.........?!?>@@
咁我頭先跑咁快做乜呀?!
今次到2個男仔迎面而黎喇……
佢地放低左把傘, 簡直係一塊 " Pan pas " (夠乾爽)
而我地都係" Pan pas "
不過係另1種功能---------吸水力強…… 一x一||
呢個對比仲強烈過頭先個個呀~~!!!
早知一早就去避雨啦~~~~
返到屋企樓下見到2個細路女1個成身著粉藍色既野,1個著粉紅色既野~
哈哈!~好得意呀~!~
等我同歡歡都試下先!!

夜晚去左翠林學跆拳呀~! 哈哈~~
咁岩我同歡歡2個都成身藍色 ! !
不過我深藍, 佢淺藍囉~~~
我爭隻錶同個袋唔係藍色咋~~
佢就爭對鞋!
上到翠林… 個感覺好熟…
好似諗返起以前個個星期都黎呢度學跳舞咁.................

今次好似少左好多人咁呀~
不過個跟動作都好好玩~!!
最唔想既就係做reverse kick......
真係好核突!! (汗")
哈哈! 有班白帶c弟傻傻地架~
成日叫我hip pop師姐喎~~
不過聽落又幾好聽喎~~~

放跆拳之前李+隆又講跆拳既道理
叫我地練好d~
我聽完又burning喇!!~
唔得 ! ! 我一定要學好跆拳~! 將佢發揚光大~~(發到既話...)
跟住換衫個陣同李+隆個家姐傾計呀~~
我覺得佢好好人囉!!~
又教我地咩詠春係跆拳既黑星 ! !
又話咩見到我地覺得自己好老喎…
唔係Y~~佢同我地傾得埋喎~~
跟住出到去見到........原來班白帶c弟有幾個食煙架wor~~~
OH! 我真係冇諗過呢樣野~
估唔到呀下~~~
跟住我地就搭296M返屋企lu~~
ThE eNd

>>September 21, 2003 at 7:00:12 PM GMT+8

2003 年 9 月 14 日 星期日 【暴雨】

今朝好遲先起身呀……
所以叫歡歡自己1個返學校先~
咁我就自己急急腳咁行返去啦~
點知行行下落雨呀.....點算!!~
好彩去到新都個度見到阿雞
佢又冇帶傘喎~~
好野~~有人陪我淋雨~~~
點知有個校工之類咁既人傘佢返學校喎~~
OH ! ! 唔好啦~~~
得我自己1個淋雨好樣衰架…
我又唔想跑喎~! 仲樣衰~~
見到成條路個個都有遮人, 又有人俾人遮
咁我呢~~~(T^T) 唔制呀.........
跟住我就自己同自己玩, 係度扮喊喇…… 低b~~~
好彩之後見到wing wing ! !
佢打救左我呀~~~ (因為佢有傘)
終於有人同我一雙一對咁擔傘喇.......(感動中)
點解 ! 點解冇男仔肯遮我 ?!
(天音 : 俾我都唔遮你啦! )

夜晚歡歡話要上黎借電腦幫miss poon整張form~
搞到點幾中倒佢就話好眼訓
又唔識整到張form打橫喎~
咁我就幫佢整啦
佢就走左去梳化訓~
但係其實我自己都唔識整 !
搞搞下就已經3點幾喇.......
終於搞得掂 ! !
我冇叫醒歡歡就訓鬼左喇~~~
OH! NO! 聽日仲要test 世史同中文添架~!!
算啦~~ 攬住一齊死囉~~~

>>September 20, 2003 at 6:45:09 AM GMT+8

2003 年 9 月 13 日 星期六 【晴】

今日我下晝先起身~
梗係啦~~~ 呢十幾日都唔夠訓……
呀~~~本中文補充練習郁都未郁過呀~~~ 點算?!~
聽人講有排抄添架~~~ 好驚 ! 好驚 !
我下午開始諗住做功課架喇~
點知諗到到凌晨都未做~~~
死啦… 天父保佑.....天父保佑.....

黃燕華今日仲同我講左d野~
下? 咁唔憎就係有好感架啦~~
唔係架咩???
我對你地個個都好有好感架喎~~
問我跟住會點?
我連發生緊咩事都未知啦….....我點知姐~~~~~~
唔好理啦~!
佢又冇真係同我講~~~

哈哈!!~ 今日許佩教左我點整令個日記板呀~!!
我諗係用html碼個d野啦~
原本用左張橙黃色既背景架
跟住就睇中左張花花地既!!~
wow~~ 我真係整到個日記好花呀…~~~
不過我幾中意囉~~
仲換過晒d字既顏色添~!
嘩........ 我搞左幾個中呀…
3點幾先開始做補充練習 ! !
抄呀抄… 抄呀抄…
抄到5點幾都係抄左27頁咋!!~
死啦........仲要抄到160幾頁添架~!
算喇 ! ! 攤左係梳化一陣
然後真係訓著左……… 一x一||

>>September 20, 2003 at 6:37:48 AM GMT+8

2003 年 9 月 12 日 星期五 【晴】

今日神咁就又出左去石峽尾跳舞lu~~~
好開心呀 ! !
因為我識去~~
都係全靠跆拳既家隆爸爸咋~~~哈哈!!
今日淨係錄左shabon咋~~
我好似個癲婆咁囉...............一x一||
其實個個都似.........(汗")
之前錄左Do it! Now又delete左喎~!
好衰架!!!>_<

跟住我同邱邱就出左出旺角交收~~
買左隻好令既髮夾呀~!! 哈哈!~
不過我d髮夾買黎都唔係帶既~!
得個睇字.......有d side錢咁添~!
跟住就返屋企繼續玩電腦喇~~~


>>January 18, 2004 at 8:52:05 AM GMT+8

2003 年 9 月 11 日 星期四 【晴】

今日下晝2點幾先起身
跟住就好無聊咁玩ICQ~
黃+榮問我去唔去睇《向左走‧向右走》喎~~
好呀好呀~!!! 肥Man佢話好好睇嘛~~ 搞到我都好想睇 ! !
咁岩尋日黃燕華同劉+欣都話想去睇
咁咪順手叫埋佢地去囉~~
咁岩蔡港生又爭我餐飯
咪問埋佢睇唔睇囉~~
不過我都爭佢場戲.............T^T
最後我地就約左6:15係TKO戲院等喇!!~

我地去到戲院之後就一齊去左食飯~~
梗係揀間貴架啦~~ 哈哈!~
不過最後都係去左KFC……
我地一齊食左個4~5人桶餐再搭多2個蒲撻
俾完錢都已經7:30喇~~ 我地睇7:40!!~
死 ! ! 快 ! !
但係我地仲唔識死咁慢慢食……
抵死啦~~ 遲左入場喇~!!!
仲整唔見左張飛添~!! 好彩都入得…

套戲好好睇呀~!!!
入面有段情節話梁詠琪好大慒
佢媽咪話如果佢個頭可以擺得低佢可能會整唔見自己個頭喎~
跟住金城武同佢講佢唔記得拎袋
佢話金城武玩佢, 佢都冇帶袋出黎
但係原來個袋真係漏低左!!~

一睇完戲之後我就淨係卦住搞部電話
因為之後我要上翠林去阿梁home join佢地打邊爐
所以左郁右郁睇下邊度收到~
跟住劉+欣佢地就話去映貼補相
為免等間冇錢找數要係貼紙相鋪抹地我就抄下個袋睇下有幾多錢淨啦~
點知我搵唔到個錢袋喎 ! ! !
跟住就即刻大嗌 ! !
點知佢地同我講我有帶袋出黎架……… ! ! !
我地5個即刻飛奔返戲院搵袋!
冇喎……
跟住個職員問我個袋係咩色~
死……喇……!
我今日帶左邊個袋出黎???
我真係唔記得喎~~~
跟住就同佢講 : " 我唔知呀…… "
好彩佢肯拎個袋出黎咋 ! !
之後佢問我個袋前面扣住個個公係咩樣
我答得出佢先俾返我咋~~~
好彩我仲記得係咩公仔……一x一||
跟住劉+欣摸住我個頭同我話 : " 如果你個頭放得低既你千其唔好唔見左佢呀~!!!"
跟住就去左映貼紙相喇~~
哈哈!~ 原來有人未映過架~~
我地4個拎左佢既第1次添~!! 哈哈哈!!~ 映得好令呀~~~^0^

跟住我就搭小巴上翠林
搞到3點幾先返到 home !
第2朝仲要8:00a.m去到石峽尾跳舞添架~~
我連d舞都未練熟添~!
想有得訓都幾難lu~~~

>>September 14, 2003 at 1:32:41 PM GMT+8

2003 年 9 月 10 日 星期三 【晴】

今日聽左個關於人既7種良好習慣既講座,
個講者一講到咩 " 坐廁係要黎坐既 " 個句我即刻大笑左出黎~!!
搞到前後5行周圍既人都望住晒我……
咁係Y嘛~~ 坐廁唔係愛黎坐唔通愛黎食咩~!??!!

lunch個陣勁搞笑
我地無啦啦講起今日講座個條友話 " 坐廁係要黎坐既 " 個句
跟住歡歡就話邱邱個陣跌左部手提落廁所都係因為佢企~
跟住就引導我諗起唔知邊個同我講話佢以前細個個陣著住d連身工人褲
去廁所個陣要解左博頭個2粒鈕先去到
但係佢又唔記得左肚前面個個袋度有個銀包
所以一除左粒鈕個銀包就跌左落個廁所度~ 哈哈哈!!~
呢個時侯歡歡就係我旁邊好似有野想講咁
但係我冇理啦~~
仲講多句 : " 真係覺得佢好抵死呀~~ 哈哈哈!!~ "
我好後悔講左呢句, 因為……………
歡歡話 : " 個個我黎架~!!! "
隨即就推左我落地下係咁踢係咁踢~ 哈哈哈!!~
我笑到起唔到身呀……
撞左落個叔叔隻腳度都笑到講唔到對唔住~~~
而邱邱佢地就企係前面笑到見牙唔見眼~~
可能佢地都覺得我好抵死囉~~~ 嘩哈哈哈!!~ 因為我都覺~~~

夜晚我就同歡歡一齊裝飾我地部單車
痴晒d螢光棒落個車碌度, 真係好令呀~!!!
跟住我地就飛單車去新都~
YEAH ! ! 有人話我地部單車好靚呀~!! 好開心添~!
我去完新都搵Girls冇耐就去左寶康公園join班小學同學~
我去到個陣班男仔就打緊籃球
咁我地就自己映下相, 又同佢地映下相咁囉~~~
跟住就去左草地玩UNO喇~ 都幾開心架~!!!

玩左陣咁岩周妍佢地又黎左寶康
我就過左去同佢地玩喇~~~
OH~NO!! 我部單車出左事呀~~
咁岩Girls個邊散左band
我就叫歡歡同阿萍過黎幫拖啦~
原來歡歡部車後面個架都爛鬼左~!
哈哈!!~ 又會一齊爛車都有既~~
不過佢地黎到之後我地都冇乜點理部車
成班人淨係係度傾計玩蠟燭
傾左陣就玩個個 " 中意d咩, 唔中意d咩 " 既遊戲~
即係講中意一樣野同唔中意一樣野既例子
跟住等人估呢d野既共通點~
好好玩呀~!! 我地就咁玩到差唔多3點先走……(汗")

跟住我同歡歡就返左尚德join暴暴同阿星佢地~
我地係公園打左陣千秋就同佢地係個亨仔入面chat~
OH ! 阿星竟然敢用月餅黎掟我地....?!?!
佢梗係唔知我地係暴暴前面都有影響力頂喇!!
跟住我地就展開月餅大戰
仲用d螢光棒係咁fit阿星~!
哈哈!~ 打到佢好似斑馬咁呀~!
打到勀我同歡歡就開始眼訓
所以就訓左係條sir滑梯度
唔夠5秒我地已經訓著左......訓著左.......
我地醒個陣就連黃惠盈都走埋,
得返阿星同暴暴2個係度e泣~ (講得難聽d姐~~~)
咁好啦……我地都識做唔做電燈膽喇~~
返到home我連涼都冇沖就攤左係梳化~
好野!! 終於有覺好訓喇~~~


>>January 18, 2004 at 8:53:55 AM GMT+8

2003 年 9 月 9 日 星期二 【晴】

今日又有ECON堂喇~!!!
簡直好似多左堂ENG咁俾我地自己做自己野~
ENG堂個陣莫莫坐低講書
成個班房都好平靜,
相信莫莫一定以為我地好留心聽書~
不過…… 事實並非如此 !
當佢一企起身,
我頓時聽到成個班房都傳出一陣好齊既”S～”一聲~
唔…… 就係由臺面收d紙落櫃桶既聲音 !
咁唔駛我講大家都知我地個個都做緊功課啦!~
我而家先發現原來我地5B班最齊心既係上堂做功課 ! ! !

ENG堂之前最白痴~
個隻咁既陳倩萍無啦啦用螢光筆畫我~
哈哈!!~ 我還擊喇……
我好快手就係筆袋拎左黃、綠、藍、橙、粉紅5支螢光筆出黎示威
跟住就同萍萍展開左一場驚天動地既螢光筆大戰~!!
佢得支綠色…….
奈得我咩何 ? !
比賽結果----------->> 陳倩萍7彩斑斕 VS 陳+麗綠色怪人

>>September 10, 2003 at 5:09:47 PM GMT+8

2003 年 9 月 8 日 星期一 【晴】

今朝抄唔晒PA功課呀……
諗住Miss Poon唔會check就費事咁趕啦~~~
點知miss上堂個陣話要check功課喎~!!! 乃野 ! !
個陣坤少份疊功課傳緊過黎,
周妍份功課又傳緊落黎俾我,
阿青份功課又傳緊俾歡歡~
死啦~~ 都唔知頂唔頂到當架~~~
大家都知我d字同周妍個d似到爆架啦!
但係…… 我最終都冇用到佢個份功課呀…~~
歡歡都冇用到坤少個份~
跟住miss問我點解冇做啦,
我咪答佢有d唔記得左,
有d唔識做囉~!
跟住佢問我唔識d咩,
喔! 我啞左.......
鬼識答咩~!!!
我連睇都冇睇過條題目~~~~
點解 ! ! 點解我頭先唔用周妍個份功~~~~~~課~~~~~~~~@0@>!>??

>>September 10, 2003 at 4:52:54 PM GMT+8