2003 年 9 月 27 日 星期六 【晴】

今日爆無聊 !
一早起左身on左陣9
又睇下人地d日記
睇睇下又走左番去訓.....
我發覺自己越黎越似一隻豬喇~!!! >_<

晏晝倒第2次起身...
跟住又開電腦無聊下....
寫左成日日記隻手都就黎bike喇 ! !
但係尋日個篇仲未打完.............一x一"

＊P.S.今日個日記人地幫我作架!~ XP
但係又作得幾鬼岩駛岩用喎~!!! (不過有d俾我cut左!)
咁又慳返1日功夫~~ ^0^
真係唔該晒~!!

>>September 28, 2003 at 2:01:39 PM GMT+8

2003 年 9 月 26 日 星期五 【晴】

今日又同邱邱一齊去跳舞lu~
一連串跳左十幾隻舞, 好勀囉…
唔覺唔覺原來我有份跳咁多隻舞架喎~~~

返左home一陣我就出左去同劉+欣同埋黃燕華去個自修室~
去到劉+欣就落黎接我~
咦? 一黎黎左2部lift喎~~
劉+欣話不如1人1部~
我諗都冇諗就話好 !
仲即刻衝左過隔離個部lift度諗住同佢鬥快上去添~!!!
我入到去又有個阿叔入lift~
呢個時候.......乃野 ! !
我即刻衝返出去大嗌 : " 喂!!!!!!!!!!!!!!!自修室係幾樓呀?????? "
點知劉+欣部lift已經閂左門喇…
我就諗住跑返入頭先部lift啦~~
點知個阿叔竟然同我閂門?!!
唔係呀?~~~咁即係迫我搭貨lift架姐~~~
無奈我又禁錯制 !
要自己行樓梯上去…真係瘀爆呀~!! >_<
去到自修室竟然見到黎雪螢喎~!!!
港澳5姊姊爭程雅琳1個就齊人喇~!!~
我地就梗係聚下舊玩下~傾下計咁啦!~
玩得癲得滯劉+欣支筆俾我掟左入垃圾桶~~
咁我就即刻跑左出去避風頭
點知返到入去見到黃燕華拎住我個水樽係度搖~
咦? 咪住!! 點解個水樽有聲既?!?~
我即刻行埋去拎返個水樽黎睇啦~~~
OH ! ! MY GOD ! !
我d筆俾佢地塞左入去呀~!!!
仲有舊擦膠添~!
入面仲有水架喎……
我就即刻拎返d筆出黎
但係我又唔鬼記得入面有水喎!
一倒! 大煲!! 我倒濕左張臺呀….......
黃燕華就話 : "你係咪白痴架~~~去廁所拎啦~~~" 哈哈哈!~
跟住佢就陪我去廁所拎筆
但係舊擦膠就k住左! 拎唔到出黎~!
喂~~~~~~我仲要飲水架bor~~~~~~~
我入到自修室研究左好耐
終於俾我諗到用鎖匙夾佢出黎!!~
仲同劉+欣講如果我拎到出黎就要請我食雪糕 !
好野 ! ! 我係指定時間入面拯救左舊擦膠 ! !
跟住我地就走左落去食雪糕喇~~~
真係多得佢地塞d筆入我個水樽
如果唔係我地就唔會無啦啦落去買雪糕食喇~~ 呵呵!!~

之後劉+欣話唔記得拎野俾人~
咁我就陪佢上去佢屋企拎野啦~~
一上到去劉+欣就話要去廁所
咁我見臺面有本相簿咪拎黎睇下囉~~
點知就俾我見到劉+欣係大陸映個d宮女相喇~!!
我一見到就係度大笑!!~
劉+欣出到黎我就同佢好清閒咁談心~
[咦? 邊度映架?] [大陸呀] [係?! 幾錢映1次呀~?] [5蚊之嘛] [好平喎!!] [係呀~]
我地講講下先無啦啦醒起 : 咦?! 我地唔係上黎拎野架咩!??
我真係完全冇左件事喎~~
個陣淨返5分鐘咋!咪即刻仆落去囉~~
落到去劉+欣仲要踩到香口膠添~! 哈哈哈~~@@

返到自修室我好似完全冇做過野咁~~
幾個中淨係做左3題數 !
但係平時用2分鐘就可以K.O到架喇喎….....-_-||
咁我仲去自修室做乜?!
我既作用係阻住佢地溫書囉~~~
次次我一去到就即刻個個卦住玩.......~~~
soly呀下~~@0@

夜晚就同flora,劉+欣,陳耀康,蔡+,譚文傑去游水~
我急急腳咁行到去先知原來仲有15分鐘先開場
咁就諗住呢埋嚇佢地啦~
點知我 "嘩" 一聲跳出去就嚇到flora大叫喎 ! !
仲要成條街都聽到咁滯 !
真係好想扮唔識佢........

我地落到水好白痴咁玩左陣水就開始玩噴水喇~!!
即係含一啖水然後噴落人地度 ! !
我地幾個係度狂噴狂噴!
噴左冇耐就提議3 VS 3咁玩撻人落水,
最快俾人撻晒落水個組就輸!!
撻到隔離組既人落水自己個組就可以有1個人返生!!~
呢d規矩我諗架~~ 係咪好犀利呢!!~
跟住我地就展開左本世紀最殘酷既摔角賽喇!!!
第1場竟然係我同劉+欣同埋陳耀康一組~
死梗啦…最強而有力既黃燕華已經做左對頭人!
換返黎既只係1個 "山"仔~ 我都撻到佢啦~~ 哈哈哈!!
不過唔緊要 ! ! 我地改左個名叫 " Strong 3 "
中文名係 " 三壯士 " ! ! 夠殺未 ! !
但係一開波我同劉+欣已經俾黃燕華K.O.左!!
死淨強健康1個~~
皆因佢全程都用1招必殺技, 就係 "走" !
所以佢咪係最後先俾人K.O個個囉~~
你估佢真係咁strong咩!~
之後個鋪仲死!
唔知點解蔡+會咁健壯!
我撻極佢都撻唔到!
仲俾佢推左落水十九幾次添~!
之後劉+欣埋黎幫拖~
點知佢竟然輕而易舉咁撻左我地落水!!
不過佢都會好有風度咁問我地有冇事架喎~~~
跟住到譚文傑, 佢… 竟然帶埋副眼鏡出黎!!~ 哈哈哈~
抵死啦~~唔見左副眼鏡喇~~ (其實係有人收埋)
佢係咁望住我話係我收埋架喎~
個陣我真係好驚架…..
因為我身有屎囉 ! !
冇錯~真係我收埋既…..~~ 但係係黃燕華叫架喎~~
我係咁兜圈想搵機會放低副眼鏡
但係佢地成班人都係後跟住晒呀…..~~點擺~~
最後……事件終於被人識破左 ! !
跟住譚文傑就開始怒啤我同黃燕華啦~~
仲話要同蔡+夾份撻我地落水!! XO
唔係卦…死人都走啦!!
估唔到潛水康就幫佢地手捉我, 追左我成個圈 ! !
咁我為求自保就迫住用返招 "含水噴口水" 啦~!
跟住就再次掀起噴人熱潮喇~!!!
譚文傑條死仔想噴我
點知自己又成日笑搞到飲返晒d水喎~! (但係其中可能尿既成份居多!)
跟住我又禁住佢個鼻, d水又噴出黎喇~!!
陳耀康先搞笑~好白痴咁同我鬧噴!~
點知俾我禁住左佢個口!!
搞到自己飲返晒~~~
佢又有樣學樣咁學掩住我個口!~
我幾大都唔飲呀!!~
噴晒落佢隻手度!!~ 嘩哈哈哈!!
不過後尾佢醒目左喇, 唔含水~~
因為佢一含水劉+欣就會向佢塊面落手! 係度亂咁mit架喇~~
所以佢轉行做d白痴野引我笑
搞到我噴返晒d水出黎 ! !
仲飲返晒d水添~! >~<
而蔡+用既招數就係潑水!~
潑到你冇機會噴佢~!!
咁就用腳kick佢啦~!!
YeAh!!~ 我kick到佢一次呀~!!!
估唔到.......我居然可以打敗個壯士!! (但係之前我已經俾佢整跌左數百萬次喇)

跟住佢地竟然玩反人 ! !
係反轉d人黎撻~~
OH ! ! 我驚驚bor!!~
見到黃燕華俾譚文傑反左咁多獲都知咩事啦~~~
唔制!! 我要走!!
點知之後真係輪到我呀~~~
蔡+竟然想反我~!!
譚文傑又捉住我隻腳~
駛唔駛2個人呀..........~"~
救命呀黃燕華!! >0<
跟住黃燕華就黎救我!!
佢抱住左我呀~~~咁我都安心d!!
但係譚文傑仲唔肯放手喎!!~ 咁點呢??
迫佢放囉~~因為夠中收場啦嘛~~~
我就係咁俾人抬起左唔知幾耐喇…… 一x一"
我之後先知原來我地玩緊個陣有人經過跟住話 : " 好恐怖呀… " 咁喎 ! 哈哈~~
陳耀康身上都多左好多傷痕呀~!!
好明顯係佢 "自己整親" 架啦~~ 哈哈哈!!
<*~真係唔小心喇~*>

吹頭個陣見到flora好似有d唔開心咁坐左係度之後我地話去食野佢又話唔去想返屋企喎~!!
我真係好擔心佢呀~~!!!!
又唔知佢咩事喎!!
你唔好嚇我呀……
你唔去食野咁我都食唔落啦....!
不過好彩~ 之後都冇事!~
跟住我地等埋zen黎就一齊去寶島食野~
哈哈!~點知我地最後都係去左 "名將小食坊" 度食立雜野!~
好野!! 有得食腸粉~!!! 俾多d甜醬Y唔該~!

之後我就去左寶康同許佩傾計
嗯~~好耐冇同佢chat喇~~好開心添~!!
不過我真係好眼訓囉.........
一路chat一路中下中下咁~!
真係有d唔夠皮添~!!
下次約早d啦~~
我行返屋企個陣真係想死呀~!!
返到home就開電腦, 點知攤係梳化度又訓著左……
今日真係做左好多野....累到死左!

>>January 18, 2004 at 8:49:49 AM GMT+8

2003 年 9 月 25 日 星期四 【晴】

今日中文堂我同wing wing勁無聊係度玩 "搵錯處"
我地係我本中文書d畫度畫多左10撻錯處
跟住俾2本書俾人對照叫佢搵有邊度唔同~~
哈哈! 有d地方畫得真係好真架~!
最估唔到就係真係有人玩
搞到我地好似真係搞緊攤位遊戲咁添~!

放學同歡歡,萍萍同埋邱邱去南豐映d搞鬼學生相~~
個個都擺晒甫士咁~ 哈哈!
跟住我地就去左東港城買朱古力喇~
我地行到去厚德商場同東港城連住個條天橋個陣
無啦啦係度玩猜包剪鎚 !
仲要係細個玩個隻, 猜嬴一鋪就行前1格個d~~~
我就同阿萍就跟住地下個d線係度玩啦~~
呀~~~我連輸7鋪呀~!!!
點知後尾俾我過埋佢添呀~!! YeAh!!
玩玩下有對情侶行過
我仲聽聽到個女仔話 : " 好好玩呀? " 咁呀……
我地一定係俾人鄙視緊啦~~
仲著住校服架喎~~ 唉……
跟住歡歡同邱邱就過黎觀戰~
歡歡一行埋黎咋~~ 我就輸到7彩喇~~~
明明過左阿萍頭好多架嘛!
點知我又做返輸家~~@@
算!! 我下次一定要再陰濕d
唔會再俾阿萍有諗出包定剪定鎚既機會架~!!

夜晚返跆拳我同歡歡竟然卦住on9
搞到足足遲左1個中先到呀~~哈哈!~
我地驚俾師傅話, 所以係出面望望下
見到師傅行左去前面就即刻飛快咁跑入廁所!!
其他人見到都好似諗緊 : 咁都得呀?

跟住我同歡歡就去左映貼紙相 !
嘩~好耐冇同歡歡2個人映貼紙相喇!!~
今次d相我都好中意囉~!!!
映完去食飛碟
食完之後我銀包岩岩好淨係$2咋 ! !
好彩仲夠錢俾姐~!
如果唔係就可能要留低洗碟喇~!!
之後就拎單車返home喇~~

>>October 5, 2003 at 7:46:26 AM GMT+8

2003 年 9 月 24 日 星期三 【晴】

今朝好遲先出門口 ! 好險呀…
要同歡歡一齊飛車返sch~~~
我地一入左sch個鐵閘咋就即刻 " 啦啦啦啦啦啦～～～～～ " 打鐘 !
我同歡歡2個都咁禁住個心口, 跟住好安心咁 : "啞～～～～～ "
然後露出一副 "好彩～～～"既笑容 ! !
好彩之前有跑2,3步姐~!!
不過原來俾個prefect笑緊囉我地~~~

Lunch個陣阿雪佢地無啦啦係度玩畫面~~~
我見到佢 "化妝"化到成隻牛咁真係笑到我扒係度~!!
之後math堂miss胡入到黎就話我地玩還玩, 唔應該畫人地塊面 (好彩我冇畫姐!^0^)~~
點知miss講講下就話 : " 下次唔好咁喇~~知唔知呀~陳+麗~~~ "
下....?!?>! 又關我事~?!~
我只不過係o係旁邊笑既人入面其中1個咋喎~~~
點解~~點解玩親呢d無聊野都會覺得係我做~??
唔通我咩都玩得一餐既形象已經深入民心….???!! Oh~~No~~

放學掃左$30幾蚊朱古力呀~!
跟住就同黃燕華同劉+欣去自修室諗住去扮下勤力啦~
老媽子問我返唔返home食飯
我咪同佢講我去自修室唔返去食囉!~
但係......佢竟然唔信我去自修室呀~!!!
仲問我去邊度wet添~! 傻啦~~ 我呃佢做乜姐~!

點知原來我係去自修室wet囉~~
我一入去就拆左d朱古力出黎食
有m&m啦......CHURCH啦........仲有2盒杏仁朱古力~
不過好唔好彩…
劉+欣同黃燕華竟然分薄晒佢...!!
我地仲將d朱古力擺晒上臺大無c樣咁係度食~
d人出出入入都望住晒
好似個個都係度諗緊 : 睇你地幾時俾人投訴 !

我做完份math之後就卦住同佢地講埋d無聊野, 仲係度狂笑 !
已經開始俾人眼超超喇~
冇耐我地就去左食車仔麵
我竟然白痴到同劉+欣鬥快跑去廁所, 仲要鬥快跑返出黎……=.+…
我輸左…因為我真係好急 ! 跑唔得快~
同埋我唔識路……=.=

之後劉+欣無啦啦整爛左車仔麵個碗
佢隻手就好似XX煲咸豬手個隻豬手咁係晒咖哩汁喇~!
我即刻笑到成個food court都聽到咁滯!!~
仲好似有少少回音添~!
呢一刻我feel到黃燕華真係好想坐過隔離臺扮唔識我地……
點知劉+欣竟然成隻豬手high埋黎我度喎!!~
死野Y~~~ 搞到我成手咖哩汁 !
第2次既鬥快去廁所比賽又展開喇!!!
今次我嬴~!! 嘩哈哈哈@@

冇耐我地就入返自修室~
咁我就繼續食埋淨低個d朱古力啦~!
我見劉+欣用件衫嬲住個頭
我咪多手搵舊擦膠掟佢囉~!
點知佢竟然將我舊擦膠放入佢個胸度扮假狗~!!
跟住仲放埋我盒朱古力入去!
啍 ! ! 好叻咩 ! ! !
我 放 水 樽 ! ! ! ! 死未 ! !
哈哈~~~佢甘拜下風啦~~~
今次黃燕華真係扮唔識我地 !
靜雞雞去去左隔離將臺度 "避風頭"
因為我地已經招來好多人既怒視喇……
好彩我背住晒其他人望唔到d人啤我姐~!
咁咪當我冇人啤囉~~ 哈哈哈!!

之後d人1個個咁俾我地嚇走晒喇~~
淨係得返我地3小花(黃燕華改架)
我同劉+欣已經當左個度係遊樂場咁喇!!~
係度扮《大內密探零零發》個招 "天外飛仙"
仲係個度打關斗添~!
不過係周星馳做開個隻樣樣衰衰既前滾翻囉~~~
我地2個依然好放肆咁係度大笑大叫
而黃燕華就真係好似入左定咁坐埋一,二角溫書~
但係原來出面聽到我地講野架!!~
跟住我同劉+欣就不謀而合咁諗住走個陣行快兩步
跟住同d管理員投訴話入面d人好嘈, 搞到我地溫唔到書~~ (但係入面得返黃燕華1個架咋bor!)
點知出到去竟然冇人係度呀~~~
個計劃唔成功添~!! 哈哈哈~~
跟住我就踩單車返左屋企喇~~~


>>October 5, 2003 at 7:51:53 AM GMT+8

2003 年 9 月 23 日 星期二 【微冷】

今朝早會超搞笑~!!
菲菲佢地個班搞左個eng既話劇教eng~~
我一路睇已經一路大笑
跟住到charles佢地幾個人一排咁出黎唱首白痴歌
我真係笑到mout左係度呀~!!!
仲俾歡歡踢左一腳叫我起身添~!!~ 嘩哈哈哈!!~ XDXD

今日上math堂勁無聊
做到1題數係有分子分母既時候~
我同wing wing就諗起以前miss胡教我地既口缺 : " 第1部應該點做呀~~ "
就係.................... " 殺左個阿媽 ! ! " 哈哈哈~!!
我地2個即刻笑到見牙唔見眼!!~
好彩miss胡冇鬧……(爆)

放學係班房整board~
我,萍萍,歡歡,邱邱,wing wing整到個board好似幼稚園咁……-.-|||
d海洋生物勁k怪囉~~
大家有冇見過八爪魚會有隻手掌! d魚識柯屎!
仲識kiss然後會有第3條魚黎捉姦~!!
另一邊廂就有2個人做左粒海星既指揮棒.......
冇耐劉兆倫無啦啦行入黎唔知做乜
係度講下廢話, 大家一齊笑下咁~
跟住又係度唱 " (普) 甜蜜蜜~ 陳倩萍最低b~~ "
哈哈哈!!~ 好低b!~~
但係我地都笑左一輪喎~!
不過諗落都幾怪
5個女仔得佢1個男仔係度
咦? 有d野喎~~
唔知點解今日我地幾個都覺得劉倫成日跟住邱邱囉…可能佢…$%^&*(奸笑)

走個陣我地一行上樓梯wing wing就話 : " 乜而家d人興咁樣浪衫架? "
我地齊齊望上馬路隔離棵大樹………………
哈哈哈!!~ 係棵樹既2樓位置倒竟然卦住件衫…......!!
我地一行6人即刻笑到扒左係度~!!
借問聲佢點卦件衫上去?!!
件衫又唔似係吹上去架喎~~ 仲有埋衣架添~!
唔通咁樣浪衫係會易乾d既...........??>!!

>>September 24, 2003 at 7:00:01 PM GMT+8

2003 年 9 月 22 日 星期一 【微冷】

今日ENG堂我同佩儀擅自調位
wing wing叫架~~ OK~~ 冇問題~
莫莫竟然發覺唔到我地調左位....??!
我一坐低我同坤少就講埋d無聊野
佢仲教我1個粗口字既正寫添~!!
又教埋我呢個字倉頡點打
我睇佢差d想拎佢部快譯通出黎示範俾我睇點打架喇......-_-|||
跟住我就係佢本listening上面練字~
哈哈 ! 鬼叫佢教我呀 !
佢仲棟高本書遞俾人睇添~!
好彩我擋得快 ! ! 莫莫睇唔到~~~
我寫左好多個, 然後寫左個大大隻既粗口既本書既中間 !
哈哈!~ Mr. Mok而家想行埋黎喇喎~!!!
快d啦 ! 快d擦啦 ! !
擦唔切唔知我死定佢死喇~~~
好彩擦得切~~ 我地就繼續笑笑笑笑… 唔知笑乜 ! !
我坐左過黎好似整嘈呢邊咁添~!!

跟住我同坤少打算玩down down
諗住借佢本書係上面寫個粗口字 !
仲將選擇題ABCD既答案做粗口~
不過今堂eng堂…當然係用eng啦~~~
冇耐down down識穿左我地既奸計搶返本書走~
點知呢個時候莫莫就話我地玩喇…
跟住我就幫坤少查下快譯通咁喇~
查查下變左玩game
莫莫又行過黎喇~~
我當然好醒目咁come埋部機
坤少話平時佩儀都照玩架喎~~
咁我之後咪打返開部機囉~~
咦? 莫莫真係冇反應架喎!!!~~正!
就係咁我地就玩左成2堂……
莫莫話左我好無數次喇......

跟住我問佢平時上堂聽唔聽書~
坤少話平時佢地個邊好靜架喎……
個個都會聽下書上下堂
但係今日就冇喇……
down down仲要搶埋我個筆袋添~!
我就同佢講 : " down down…你信唔信我可以令到莫莫鬧你Y拿? "
跟住坤少就話 : " 頭先已經鬧左啦~~~ "
咦........? 又係喎呵 ! !
跟住我就問坤少 : " 你平時好少俾人鬧架呵~? "
佢話呢幾排都冇喎~~ 但係今日就俾人鬧到7彩~!!
下….?? 咁係咪即係多得我唔少呀….??? 哈哈!~
我都話我淨係識得搞搞震架啦~~~

尋晚留左個msg係周妍個日記板度~
今日佢同阿豆都有re返我呀~~~
睇到佢地段野真係好感動……
阿豆話pk for 4同狗寶係唔會變架喎~~
仲話希望唔知幾多年後......有同一班人.......去同一個地方.......做同一樣野.......
又或者可以既話就帶埋自己既另一半......去玩埋上次oecan park未玩既野喎…..~~
睇到呢度我真係好感動呀~~~
仲有周妍個段日記.......!!
我遲d會會留言架喇~!!

>>October 5, 2003 at 7:59:01 AM GMT+8

2003 年 9 月 21 日 星期日 【陰晴不定】

今日小息好白痴呀……
同歡歡一齊落covered playground斟水~
原本大家都雙安無事架~~~
跟住我好死唔死走去撩佢
擰開左少少水樽蓋係佢背脊係咁 "挫" 係咁 "挫"
d水就係個水樽度fing出黎 !
佢就梗係feel到背脊濕濕地啦~~
跟住就想 "挫" 返d水落我度 !
我見形勢不妙咪再扭開d個水樽蓋囉~!
歡歡又跟住我扭~
點知佢扭得開得滯個蓋竟然俾佢 "挫" 開左 !
d水一潑就兜頭兜面咁潑晒落黎~
我變左水人呀............. -_-||
隔離有班男仔係度傾傾下計都望住晒我地……
太樣衰喇~~~
好 ! 我返上4樓 ! !
返到課室個個都問我咩事…
咁我諗我都唔乾得去邊啦真係~~
仲要阿青幫我抹乾d水添~!
搞到成身濕晒, 個頭都濕埋
跟住就上math堂~
好............凍.............呀.....................

Lunch個陣去左food court食~
我同歡歡都買左碗麵再搭多罐可樂呀~
食食下阿萍同邱邱去左廁所
呢個時候…我見到花花隻眼紅晒呀…
下.......?? 咩事呀? 唔豬服呀?!?!?!!
唔係喎~~~ 好似喊呀……
食野個陣我都覺佢冇乜點出聲
所以先同歡歡係咁講埋d白痴野~~
跟住我咪大大聲係度唱 " 人生～於世上有幾個知己，多少友誼能～長～存～．．．．．． "
之後歡歡都有join埋我一齊唱 !
但係花花都係冇乜笑呀……
我又唔敢狂問佢發生咩事
咁咪繼續唱 " 情～與～義～～～值～千～金～～～ "
唉… 都係冇用~
我咁做淨係招來隔離臺既歧視咋.........一x一||
但係估唔到…… 佢愈喊愈勁 !
於是凱珊同阿梁就陪花花去左廁所~
我同歡歡就唯有等萍萍同邱邱返黎~~
佢地2個返到黎我就即刻K.O左碗麵 !
我真係好擔心花花呀……
我地幾個即刻跑去廁所搵佢地 !
希望佢地未走啦……
但係去到竟然冇人喎……
返到sch我行過5A班房都好似唔見花花
要邱邱指俾我睇我先發現原來花花返左黎~!!
噢……我唔知佢點呀…
都費事入去問佢有冇事啦~~ 盞搞喊佢~
咁咪拍一拍個窗扮個鬼臉俾佢睇囉~!
唉......佢都係笑唔出........
我就好無奈咁俾邱邱拉走左喇~!
花花 ! ! 唔好咁啦~~~ 我地個個都好擔心你架~~~

>>September 22, 2003 at 4:19:26 PM GMT+8

2003 年 9 月 20 日 星期六 【晴】

今日2點幾先起身呀……
一路狂玩icq~~
好無聊又一day~!!
跟住到到3點flora佢地就係自修室努力
咁我就係努力下咁啦~~
我準時3點off9架!!~
之後一路玩icq玩到夜晚……
不過今日好開心!!
因為學識左係日記板貼圖~~~

>>September 21, 2003 at 4:15:34 PM GMT+8

2003 年 9 月 19 日 星期五 【晴】

今朝我訓到瘟瘟鄧鄧, 連舞都冇去跳~
ShAdOw既各位! 對唔住呀!! 我下次一定會到架喇~~~
本身約左劉+欣同flora去自修室都冇去到~~~
跟住就接到師傅個電話
叫我拎埋暴暴同歡歡既ID影印本俾佢喎~~
我記得架!! 頭個半分鐘囉~~…..…

跟住今日屋企個電話就響個不停~
媽咪返工返到悶悶地竟然打電話返黎搵我傾電話.....?!>
係唔係真係他調成咁呀….~~
算啦!! 當應酬下你!!
就係咁我地就傾左半個中喇…… 一_一"
到到夜晚顏+穎打黎問我幾時俾d 身分證影印本佢
係喎!! 我冇左件事!!! >0<
而家要咩飛喇~~~
好彩都仲有歡歡肯幫我做郵差姐!!
唉…鬼叫部單車死左咩……T^T
跟住我就食個d用水6一6就食得既飯啦~
我唔知點解咩都落晒落去~
焗好左d飯先覺得唔對路!
點解有咁多包調味料既.......???
再望真d ! 乃~~~~野~~~~
我落埋包 "乾燥劑" 落去呀~!! >0<
咁我仲食唔食好............?.........................

下午劉+欣佢地叫我去游水
其實我好想去架……
但係我驚我出去濕一濕,再吹一吹,然後攝一攝,
我會即刻雷低囉~~~
所以我冇去到呀….....
咁佢地就約我swim完之後去食糖水~
去!! 我打死都去!!~
乜你唔知唔豬服係要食糖水先會好架咩? 哈哈!!~
跟住佢地就話我 : "叫你去自修室又話唔豬服! 而家去你出黎玩你就即刻learth飯應~ 都唔知係咪架~!! "
咦~? 諗落又真係咁架喎…..哈哈哈!!~

我地約左10:30係泳池門口等~
我一去到劉+欣同黃燕華就即刻跑過黎攬住我喇~~
佢地2個食完車仔麵之後都肚痛呀…..哈哈!!~
諗落真係好彩冇同佢地一齊去自修室姐~!
flora話佢可能有左喎~~
我就問佢 : "咁邊個係bb個老豆呀? "
我問完之後佢就笑笑笑笑笑 ! !
姐姐仔........咩事呀你.......
原來我講左 " 咁邊個係爸爸個老豆呀~!!! "
我點知姐~~咁劉+欣同我講緊野Y嘛!!
最衰都係劉+欣啦~~~

跟住我地就行去 "洞蜜園" 食糖水~
今日就有我,flora,欣,zen,蔡+,康仔同譚文傑~
佢地班danny仔見到有個馬路既指示牌
竟然白白痴痴咁係度跳黎掂個塊板喎~!!
嘩~~~ 好多人都掂到呀~~ 勁 !
但係淨係陳耀康1個冇跳!!~
咪就係因為佢掂唔到之嘛~~ 哈哈哈!!
去到洞蜜園蔡+,康仔,譚文傑同zen幾個食完野就走先~
淨返我地3個女仔同黃+榮係度食~
唔～～～ ~.~ 個菠蘿花奶o者哩好好味呀～～～

我地食完之後就諗住返home~
(秘.............密...................)

返到home我諗住唔訓架~~
媽咪竟然冇俾我d開門嘈醒!
我仲開埋電腦玩添~!!
我見佢有少少動靜就即刻熄左個moon跑去梳化扮訓覺!~
真係駛得喎~~~ 佢信我訓著左呀 ! !
仲推我叫我返房訓添~~~
跟住我玩左陣電腦就 "啪" 左支螢光棒係度寫信
寫寫下就真係訓著左喇………

>>October 2, 2003 at 3:34:47 PM GMT+8

2003 年 9 月 18 日 星期四 【酷熱】

尋日太累喇…
今朝歡歡打左2次黎都係媽咪接
佢2個嗌極我都唔醒~~
最後……又要飛的返sch喇~!!
今日個c機好恐怖… X.x
話唔定佢就係尋晚係五十嵐食野既其中1個食客…………認得我尋晚嘈住佢食飯…………

返到sch我地竟然抄得晒3條P.A!!! (天音 : 之前又話自己做P.A.......~~)
第3堂係maths, 歡歡仲未做補充練習題呀~!!
鬼咩~~ 佢尋日唔記得帶野俾人罰做數Y嘛~!!!
佢又唔識計喎~!
我同邱邱咪P.A堂幫佢做囉~~
我真係好努力咁做架 ! !
已經盡我所能寫齊晒d式俾佢等佢可以全抄~
我真係好驚佢抄唔切囉~~~
你知啦…… miss胡咩都做得出架嘛 ! !
俾佢知道歡歡冇做溶左佢都有之啦~!!
我做完一,兩題數就遞本書俾歡歡抄住先
夾夾埋埋有成3,4本書傳黎傳去~~ 真係好搞笑囉~~~
跟住阿law仲同歡歡講話佢有d咁既朋友
唔知係幫左佢定害左佢喎~~
咁又係既......呢d野應該自己做架嘛~~
早知就由得佢去死! 岩唔岩?
不過我尋日篇ENG COMP都係歡歡幫我作架......
我連應用練習都做唔切@@

點知呢個時候miss行過黎喎~!!
OH~NO~ 佢寫係黑板個條P.A我抄得少少咋........
咪扮晒野繼續抄囉~!
佢問我點解抄得咁慢呀…
又問我有冇做功課…
好彩今朝有抄到姐 ! ! =.=v
跟住佢叫我背d item俾佢聽啦~~
好彩…抄左咁多份P.A唔多唔少都記得d既 ! ! hu....(呼氣)
不過好彩冇俾佢見到我做math咋!~
如果唔係我就實死梗.....
分分鐘可能步胡家威後塵
朝朝俾佢check完功課先上得堂呀~!!

小息黃燕華就過黎搵我傾計~~
佢同我講左好多野呀.......
我有d開心但係又有d驚囉~~
其實我都唔係好清楚發生咩事既.....~~
佢仲清楚過我啦~~~
如果係真既我真係會唔知點做架bor!!~
拿~~唔好呀!!~我會唔知俾咩反應佢架~~
同埋flora又講到件事勁複雜咁....
好多野都係佢同欣覺我唔覺既~!
咁即係點呀......你地幫我諗埋佢啦~
唔知呀…同佢傾左成個小息都唔捨得走呀~
真係好中意同佢傾計囉~~~
不過尋日問康仔借左篇作文,今日都係作唔起……@@

夜晚我就連跆拳都冇返
因為歡歡同暴暴都唔返嘛~~~
我自己又勀喎 !
跟住同劉+欣同flora傾左3,4個中電話 ! !
而家諗返都唔知傾過d咩~~
淨係記得係度笑笑笑笑笑囉~~
傾傾下就開始頭痛喇 !
傾完仲想嘔添~!
唔通個電話有輻射…??!~

>>September 22, 2003 at 10:32:33 AM GMT+8