2003 年 10 月 7 日 星期二 【晴】

今日係學校狂映相
上上下堂都拎部相機出黎映~
真係唔識死 !
跟住放學就補PA~


補到5點都仲未放人 !
黃燕華,劉+欣,陳耀康,蔡港生同譚文傑佢地4點半已經係學校門口等緊我放學喇…
我地話左今日一齊去食車仔麵同傑傑慶祝生日架嘛~!!!
我以為miss poon教埋第3個point就走得架啦~
點知佢仲一路講講講!! 講到5點 !
平時又話咩 : " 我覺得留你地咁耐你地都吸收唔到架啦~所以我都唔會留到你地4點幾5點架~~~ '"
跟住有人同佢講已經5點叫佢放人
點知佢話佢冇話過5點鐘放我地囉~!!!
我聽完之後真係想打爆佢個頭囉~~~ >_<
佢係我心目中既好感度又下降2格喇~~~~
補補下課我仲時不時見到flora飄過………
但係佢今日唔駛補課架喎~!!
你方唔係佢地成班人等到唔耐煩所以派佢上黎睇下我走得未咩~~
soly呀……
講到5點幾, 佢終於方人喇~!!!
跟住就即刻衝落去搵佢地~
落到去見到佢地坐晒係門口等我
wow~~~好感動呀~~~等左我咁耐~~~~
但係我一去到門口咪俾人怒啤囉……
佢地仲話好驚學校報警拉佢地喎~!!
哈哈! 唔會~~~~~卦......
跟住我地就出發去食車仔麵喇~~

去到我地幾個買左麵就坐低食喇~~
食食下唔知講開d咩
我就諗住用z杯珍珠奶茶淋佢啦~!!
點知甩手倒左落自己個書包度呀……樣衰……
又俾人笑到面笑啦~!!
跟住我吹臺上面d奶茶過z個邊
點知滴落黎又滴到自己隻鞋!!
我唔係真係咁黑仔呀......?~~
佢地仲成日話我食得慢
睇我幾時先食完喎….~~
好慢咩!! 我卦住講野之嘛!!

之後就話去映貼紙相~
哈哈!~我覺得好得意囉~~
6個人著5套唔同sch既校服咁行街街~
一定要映低佢啦~!!
但係我地係茵怡個街市門口已經映左好耐相喇~~
今日仲問amy借左部數碼相機添~!
今朝我已經係sch搵人映相喇~!! 哈哈~
我地映左好耐…終於都行去新都喇~~~
映完之後我就叫康仔去部機出面等拎相
但係其實拎相個度係部機入面囉~
哈哈!! 白痴仔~~
佢真係行左出去呀~~!!
返入黎個陣仲問我係邊個位拎相~
點知見到我已經拎住左張貼紙相
仲奸笑住咁望住佢笑添~!
我就黎俾佢打獲金架喇~~~~~
映住我地仲用數碼相機係部貼紙相機入面映相添~!! 白痴架~~
但係真係可以當係貼紙相架囉~~哈哈!~
好彩個老細唔知姐~!


映完康仔同譚文傑就走先~
淨返我地幾個坐左係美食廣場度又映相
之後就去左寶林還返部相機俾amy~~
YeAh!!
食左個迷幻藍士多啤梨咋既珍寶裝軟雪糕~ ㊣

>>January 18, 2004 at 8:40:44 AM GMT+8

2003 年 10 月 6 日 星期一 【晴】

今朝一早去買左2條芝士鹽條同1個大麥包返sch諗住當lunch~
點知第1堂都未上我就清晒d包喇~!!
噢! 咁我lunch食乜??!
雖然到lunch都唔餓~
不過我地C4好耐都冇一齊出去食飯喇
所以就齊齊去左食韓燒~
去到仲撞到花花, 阿梁同華華添~!!
食野之前我仲有祈禱添呀~!!
好似好耐冇祈禱咁添………

放學歡歡陪我去睇下有眼鏡拎未~
原本話聽日先有得拎架~!
點知今日竟然有~~~~好開心囉~!!!
帶左上去…歡歡話幾好睇喎!~好睇過舊個副~~
既然係咁............我就捉左佢去同我映貼紙相喇!!! 哈哈!~
我地映低左d怪樣囉…
有新眼鏡.......點都要玩一玩野嘛~~~
<*~拎眼鏡後即映!~*>

返到home玩左陣電腦就出門口~
今日我地Pk FoR 4出山啦嘛~!!
一齊約左去圖書館個自修室~
Pk FoR 4終於重出江湖喇~!!! ^0^
我地又係好似以前咁大講大笑
真係成條街都俾我地整嘈晒~!!
佢地仲話我帶左粗框好睇左添~!! 又斯文左~~~
跟住阿豆話我帶左粗框個樣大個左
咁我就問佢即係幾大倒啦~~
佢就答 : " 十六、七歲倒啦~~ "
下?! 唔係呀嘛......
我事實係16,7歲喎!!!~ 你咩意思~?!~
即係話我之前唔似啦下嘛~~~
跟住包包就話我唔出聲其實似14歲
但係一出聲就得返10歲喎~~
係咪咁講野先!!
周妍仲話我講野同埋行為都好低b
完全唔似16,7歲喎...........
死喇死喇… 我係時候要靠我呢副新眼鏡挽救我既形象喇~!!!

我地係自修室個門口妖讓左陣先入去
因為我地塞死晒個門口
搞到人地冇得入囉先迫住入囉~~
入面好得人驚呀……
個個都啤住晒我地咁~
因為我地未入去之前已經係度笑
笑到入自修室都仲係度笑囉~~~
搵到位之後我就同周妍坐
都做唔到野既!!
全程係度傾計係度玩~~
我又借左林敏部好易通黎查字典
點知一開機就有句野彈出黎 : " 中國人的好易通! "
哈哈哈!!~雖然諗唔到有咩咁好笑
但係我同周妍一望到都笑到笑牙唔見眼~~
跟住我地就出左去傾計
大聲講大聲笑咁~
搞到入面溫緊書既包包聽到我地把聲都要出黎問我地玩緊d咩~~
點知出到黎咪又係傾埋一份!~
之後許佩,阿so,林侯,阿ming又出埋黎…
哈哈!!~有8個8婆呀~~
成班好似d師奶咁係度傾計, 真係笑死囉~~
之後我同周妍同阿豆去左廁所
點知去完又成班入左廁所笑喇~~低能~~

之後返返入去我始終都係做唔到功課~
到到9點倒我同周妍同埋阿豆就出左去傾計~
而包包.......就仲係入面努力緊唔肯走~
算…我地出到去去左上看台個條樓梯度~
哈哈!~我地坐低左係度玩個d無聊玩人招數~
我仲無啦啦諗起條扶手好似可以坐上去跟住搧落黎
咁咪練習1次囉~~
咦?? 得喎!!~
跟住玩得愈黎愈過癮
阿豆都同我一齊sir樓梯!!~
最衰周妍著裙啦~~~
9點半…係時間催包包走喇!!
我地去映貼紙相~~~
Pk FoR 4好耐都冇試過4個一齊映貼紙相喇~!!我都幾中意~~~
跟住就返歸喇~~~~
今日又係冇乜點做過野囉…
P.A都係做得2個點咋~~唉.................

>>January 18, 2004 at 8:41:03 AM GMT+8

2003 年 10 月 5 日 星期日 【炎熱】

今日好黑仔呀…
拎左架單車落28樓
其中1部lift竟然停係16樓唔郁?!
另1部就係27樓….岩岩落左去.......
唔係卦~~~ 又有排等 ! !
等左一陣歡歡就出門口
出到黎見到佢......
我地+埋2架單車喎… 得1部lift… 點入?!
等左好耐部lift都仲未落到地下! 頂~
其中有部lift困緊個陣歡歡就話 : "好彩遲出門口姐~! "
我都係咁話~
跟住部壞lift無啦啦又上返黎28樓
入面成班人走晒出黎
仲霸左我地原本等緊個部lift添~!
歡歡又話 : "鬼唔望連個部都困埋!! "
哈哈哈~~ 但係歡媽媽2次都係歡歡咒罵緊個部lift入面架喎~~ 笑死~
不過…我地點算?? 部單車呢??
渣兜啦~~ 就遲到喇~~~~
唯有擺架單車係歡歡屋企然後齊齊行樓梯落15樓搭lift !
點知落到15樓2部lift都落晒去.........
算!! 唔爭在行埋個15層~!
估唔到今朝一起身就咁唔好彩行左29層樓梯!!
之後又要好折墮咁飛的士返學…… -_-" My MoNeY......

上math堂個陣無啦啦聽到中央廣播話要恭喜1C同5B~
下?! 咩事~?!
原來係話呢2班9月份冇人因為欠交功課多過3次而受到警告呀~~~
^0^ 開心爆啦~!!
仲即刻全班拍晒手掌~
估唔到有我係度都咁成功!! 哈哈哈~~
我雖然成日唔做功課姐
但係我又好多時都抄得切架喎~~~
係有時真係唔想做先欠……
大家記住唔好篤我背脊呀~!!
如果唔係就齊齊乃野喇.......~~~(汗")

放學TT補課要test~
我睇都未睇過呀~!!
好彩miss ho出左trip唔係度……
正!! 仲唔作反咩~!!
拎埋本書出黎抄添呀~!!
miss ho出勁多題, 白痴架.......
d答案根本就係要我地成本書抄返晒落去~~
好彩我好醒目冇溫到書姐~!!
不過我抄都抄到最遲個個走囉……真失敗………

今日Pk FoR 4出唔成去呀~~
擺烏龍添~!!
唔得!! 聽日一定要去呀!! >_<
夜晚邱邱無啦啦打黎
同佢傾左好耐電話囉~~
一路講一路笑, 好多野講喎~~~
跟住歡歡又join埋~
傾左好耐先收線囉..........哈哈!

跟住去左將軍澳中心交收~
歡歡買左包咖啡
我就話幫佢拆開支飲管啦~
跟住佢望住我
好似覺得我想食左佢支飲管咁~
既然佢咁想咯......咁我咪成全佢囉~~
我頭尾都lam左一lam~ 哈哈!~ 都幾核突~
佢真係想打爆我個頭囉~~
仲追左我成條馬路!
好彩佢著拖鞋~~~~ CoMe On~
點知佢仲核突!
自己lam返, 仲話咁樣就會飲返自己d口水喎.........................(汗")
之後佢就遞左俾我飲~
Ok~ No PrObLeM~
我飲個陣佢又望住我.......今次又想我點?
哈哈! 佢話驚我飲完一啖跟住噴佢喎~~
傻啦~~ 我淨係諗住飲完learth返落去咋~~~ 哈哈哈!
不過我都有人性既.......始終都冇咁做~
跟住就笑笑笑笑笑到返屋企喇~

<*~今日睇左創世記第二章同第三章~~~^0^~*>

>>October 8, 2003 at 4:52:37 PM GMT+8

2003 年 10 月 4 日 星期六 【晴】

今日10點幾起左身就開始玩電腦~~
一路傾下ICQ一路寫下日記咁~~~
仲諗住做功課添~!!
始終都係冇……
淨係寫尋日篇日記都寫到夜晚呀~!
今日z仲提我星期3食車仔麵個日我要去拎副新既粗框眼鏡~
到時就可以笑我喎~
呀~~~~~~~唔係卦.......~~~~~~~~
條死仔康又話要打爆我副眼鏡 !
食屎啦~~ 佢睇下我打唔打爆佢個頭~~~~

夜晚就同Pk FoR 4傾電話~
好開心呀~!!
仍然可以同以前一樣無無聊聊咁又笑一餐~
聽日仲約埋一齊添~!
做咩? 咁八做乜姐 !
好期待Pk FoR 4重出江湖既一刻呀~!!! ^0^

今日我真係好乖咁睇聖經呀......
睇左創世記第一章~
好既開始黎架~!!
我決定以後每日都睇1~2章呀~!!
你地會支持我架呵???

>>October 5, 2003 at 7:18:21 PM GMT+8

2003 年 10 月 3 日 星期五 【晴】

今朝出去跳舞呀~~
去到就同shirely & maiko佢地傾計~~
我地又係度睇makio同寶d貼紙相, 好多囉 ! !
跟住仲跳cookies既一擊即中添呀~!! ^0^ 都幾正~~~
不枉我今朝早左起身練呀下~
跳完我就同maiko去左旺角, 好開心呀~!
去到唔夠3分鐘就k.o左件衫~ 哈哈~
跟住好快咁就返左tko喇~

2:00約左Ivy返港澳
去到見到牧師同師母喎~
咁耐都冇返……好似唔係咁好意思添~!
估唔到佢地仲記得我囉~~~好開心!!!
跟住我地就上左1樓個個小禮堂
冇耐就開始團契喇~~~
原來Ivy係副團長黎架喎~!! 勁呀!
boxing係團長~
兩公婆玩晒啦~~下嘛~

開始喇 ! !
Ivy同何健炘坐我隔離囉~~
何健炘原來認得我架~!!
但係我驚認錯人囉.......
佢仲同我講野喎~~
問我以前d頭髮唔係好長架咩~~
跟住同佢講左幾句野就唱詩歌喇~
噢 ! 我唔識唱bor~~ 哈哈!~
唱完就到Ivy講野
介紹左我一輪之後就叫我企係身俾大家認識下先~
咁我咪企起身點頭囉~~
點知Ivy竟然叫大家唱首歡迎歌歡迎我喎~!! >0<
下…?! 唔駛咁大件事呀…?~~
嘩!~跟住全部人都企晒起身! 咩事?!~
原來同我握手喎~!!!
個種 "大廈林立" 既感覺好宏偉囉..........個個都好高~~哈哈!~
我好似頓時識左好多新朋友咁 ! ! (事實係)
真係覺得好得意囉~!!!

跟住就分組玩game喇~~
我係第1組, 同ivy分開左添~!
我地一開始就玩計數遊戲
第1條係問全本聖經入面夾埋有幾多章~
嘩 ! ! 我同底褲同埋CCC負責計新約 (希望冇記錯佢地個名啦)
boxing+阿威(其實佢叫周彬)+鴨仔+隊長(唔記得左個名)就計舊約~
^0^好好玩呀~!!~
雖然我已經F.5
但係唔知點解我平時淨係識用手指去計加減數~
計完就講個答案出黎啦~
我竟然快過隊長用筆計呀~!!~YeAh!!
估唔到我用手指計數仲勁過過個理科生~!
仲有人讚我添喎~~~
鬼咩! 平時返學又唔見我咁勁 ! !
跟住又要計如果將咁多章分4年黎睇
要點樣睇先睇得完~
我地計到應該5日睇4章呀~!!
之後又問如果2年內要睇晒呢?
唉....又要再計過, 再除過晒~
但係計左一輪之後……
係喎!! boxing話咪即係5日8章囉~!
低能~~ 點解7個人都諗唔到架~~~ 哈哈!
之後再問左一輪關於聖經既問題
牧師就話我地對聖經既了解已經多左好多~
仲話如果1日睇2章都唔係好多姐
叫我地返去整個表真係試下去睇下喎~~~
我聽完牧場咁講真係好想試下 ! !
好耐之前盧老師(小6既班主任)送過本好細既聖經俾我
我諗而家係時間要用喇~~
其實可能係主見我咁返冇返主日學
而家想我返去佢身邊呢~~
今次團契真係識左好多人!!
Ivy介紹過俾我聽架~
女仔就有鴨仔, 大頭, 同將軍啦~~
跟住就到longman sir, 邱仔, 底褲, 阿威, 阿炘, CCC, 李佳新, 豬仔, 隊長(真係唔記得個名), door lin……
其他唔係好記得喇~!!
跟住我就走先返一返屋企再join劉+欣佢地~~

返到屋企沖左個涼就飛單車去新都~
去到見到z啦, 佢話傑傑坐左係長chair度食包~
咁我就行去佢後面諗住嚇佢啦~~~
" 嘩!! " 佢真係嚇親囉~~
跟住佢後面個婆婆擰過去同佢講野
我以為個婆婆鬧佢話我地嚇親佢添~!
點知個婆婆好大聲咁同佢講 : " 你睇佢幾中意你~~~ "
哈哈哈!!~ 呢個婆婆真係好得意呀~!!
跟住康仔又黎埋~
再等埋劉+欣同華華就入場喇~~!!!
今日我地睇無間道II
成套戲其實我有d都唔係咁明佢講乜
淨係知道d人死下又1個, 死下又1個~
到到最後死淨幾個咁囉~~~
睇到黃秋生個好朋友俾人炸死左個幕我係最想喊架~!!!
佢真係好有義氣…同埋好為得朋友…
但係偏偏佢就要死..............
點解1個對朋友咁好既人要死得咁慘咁唔抵?!
我到完場個陣仲大嗌 : "下?! 套戲完左拿~?? 下!? 真架!? " 咁添~!!
唉..........不過我好欣賞套氣入面d對白囉……
e.g. " 我係1個好普通既女人, 只要個男人好, 我做咩都得 "
　　" 出得黎行.......預左要還架....... "
　　" 我想做個好人....... "
睇完套氣心情麻麻啦~
所以我都係中意睇笑片多d~

跟住我地就去買埋禮物俾傑傑
佢星期3生日嘛~~~
行行下見到邱邱, 阿廖, 花花同阿梁~
原來佢地都去睇無間道II, 點知買唔到飛......
YeAh ! ! ! 因為俾我地買左~~~
我原本諗住送條紅色底褲俾傑傑架~~ 哈哈!
跟住z又話送套黃色既波衫俾佢~!
仲唔玩死佢 ! !
但係因為華華.........我地就放棄買紅底褲既念頭
淨係買左條黑色既底褲~
買底褲個陣仲要諗佢著乜size~
嘩~~~我點知呀~~跟住就叫z試下佢岩唔岩
我諗佢地2個身材差唔多架姐~
點知佢真係拎出黎度呀白痴 ! !
個sales都好似有d唔好意思咁~~
哈哈!~ 佢話細碼都得喎…~~
下…? 如果縮水咁點呀??
咁傑傑咪會好辛苦.....???
都係買中碼啦~~
起碼買大左都有條面褲頂住條底褲Y嘛~~ 哈哈哈!!~
然後再買多件灰色既波衫~ 搭多個西餅蛋糕仔~
美心個職員勁好人喎!!~ 竟然送埋 "Happy Birthday" 個牌同一set蠟燭俾我地~
跟住我地買埋火機就去小金井搵佢地喇~~
去到門口就點蠟燭
跟住就拎入去小金井喇~~

入到去我地就唱左首生日歌
跟住就叫佢拎份禮物出黎睇下中唔中意喇~~
哈哈! 我地用件波衫包住條底褲
佢一 "樣" 件衫條底褲就即刻跌左出黎~! ^0^
咁佢仲執唔執好呢?
哈哈哈!!~ 唔執俾人見到仲樣衰啦~~~
跟住大家就一路講埋d白痴無聊野~
仲約左星期三放學一齊出黎食車仔添同傑傑慶祝生日添~!!
食完我地就叫人地幫我地映左幾張相
跟住我就拎單車走lu~~~

今日真係好開心囉~!!
發覺自己原來最中意係紫色, 橙色, 周埋彩虹色 !
而且成班人仲好似小學個陣咁咁白痴, 玩得都好開心~!
同埋今日又俾我接觸返神~
而家諗下..........我既生活其實真係唔太充實喇.......
有功課又唔多做 !
有堂上又唔留心 !
話唔定係神想我做返個好學生呢~~~
諗返起好似一切都係由神安排晒咁~
如果我唔係睇完band show就唔會想學電結他~
如果我唔係想學結他就唔會搵人教我~
如果我唔係搵人教我就唔會約Ivy~
如果我唔係約Ivy就唔會返唔切屋企拎結他~
如果我唔係返唔切屋企拎結他就唔會跟Ivy返團契~
兜兜轉轉就俾我再次親近主喇~!!
好似所有野都早有主宰咁…
而家我講野真係好似個基督徒呀~!
我真係好想keep住返團契呀…
試下啦~唔知得唔得架!~
我唔想應承左人地但係到頭來自己又做唔到囉~~
同埋我好想自己做1個好人.....我真係想做個好人........!!!
睇黎要train下喇~~~~嘩哈哈哈!!~XDXDXD

<*~ 康仔好似做背景咁 ! ~*>

<*~ LAsT pHoTo ToDaY ! ! ! ~*>

>>January 18, 2004 at 8:41:47 AM GMT+8

2003 年 10 月 2 日 星期四 【晴】

今朝好慘呀…
咩功課都未做過~~
留左5樣返sch做呀!!
好彩有阿青幫我做應用練習
如果唔係真係死得!!

lunch我就陪歡歡搵miss胡
我地企係接待處個度等佢返黎
跟住見到鄭子傑同黑豬喎~
問我地企係度做乜
我咪昆佢話我地罰企囉~~
估唔到佢地真係信呀~!!
仲係度問長問短~
之後down down都黎埋
我咪扮晒可憐咁叫佢地唔好話俾人知囉~
仲叫佢地快d上去添~!
佢地原本行左上樓梯架喇
點之又落返黎係我地隔離兜黎兜去喎 !
唔係諗住望住我地"罰企"呀.....?~~ danny仔呀~~ 哈哈!!
我同歡歡已經狂笑狂笑喇 ! !
但係陸續有其他miss返黎……
如果俾佢地見到真係以為我地俾人罰企咁點算呀?
中5架喇喎… 實咩image都冇晒啦~!!!
諗諗下我同歡歡都諗住走
點知黑豬竟然係後面偷襲我mit我塊面!~
仲係度講風涼話話好好mit……
梗係啦~多肉Y嘛~~
算!我地走~

放學就到打排球時間 ! ! 好野!!~
我d技術差唔多返晒黎喇~~~
不過好唔好彩……
有1球係阿廖bad波
一bad bad左落我隻腳度.....T0T......!!
跟住我就話 : "廖+麗~我會記住你架~"
點知我一講住塊面就感受到猛烈撞擊 !
原來個波已經打返返過黎~!!
我就係咁乃左野……-_-"
跟住唔知邊個又一野bad中左我pat pat喎!
岩岩好……3球……
隔離打緊個d人都話個個都係一中就會中3球
呢d係今日既命數黎架喇~
因為隔離打緊波個班人都有個係咁~~
我中得最金既係得3球~
不過有2球中塊面囉!!!
總之今日全身都唔知食左幾多個波餅啦~!

但係今日我又有d唔係咁開心喎!
就係因為成日見住個姣婆一路打波一路發姣, 好黑人憎呀~!!~
做setter又成日唔set波俾我喎!~
淨係卦住set俾d男仔~
又唔見我做setter個陣唔set俾佢!~
算~ 咁我做fighter囉~~ 一樣bad到 !
之後阿斌就話同我換位
咁我就過左曾忠,c諾,阿傑,程麟,man man個邊set波俾佢地bad
終於脫離左姣婆area喇~~
我望到隔離有個人又中波餅, 哈哈哈!!
佢都知我留意緊佢幾時中第3球呀~!!~
見到佢中左波真係笑到我痴線~!
佢自己都係度笑緊~~
但係我一聽到個姣婆出聲
唔知點解即刻笑唔出!!
你知啦…平時我笑開真係好難收聲架嘛~~
但係我個次真係可以即刻冇晒笑容囉~~~
跟住miss lau又唔俾我地入場打喎…
搞錯呀~我地都係校隊黎架!!~
你信班B Grade不如信我地啦~
好似成日覺得我地阻住佢咁……好過份囉~~~
又算~~我地繼續係場邊打波~

之後好好玩呀~!!!
我地成班人打2個波~
2個波飛黎飛去咁打真係好刺激呀~!!!
玩到5點幾6點, 黃太黎掃場喎~~
咁我地就去左洗手啦~~
點知洗洗下變左玩水呀~!!!
我俾阿傑整到濕左半邊身囉…
好彩我都唔輸蝕, 佢濕晒~!!! 哈哈哈!~
點知又俾黃太見到呀........
程麟仲俾佢話左幾句~
死啦死啦........
以後我會唔會堂堂中文堂都俾佢嗌起身答問題架???!!
唔…好…呀…
跟住我地就出左學校門口映相!~
^0^好正喎~!~好耐冇同過女排一齊映相喇~!!
今次仲有埋班男排添~!GoOd~~
入面仲有學生王子楊斯諾同曾慶忠添呀~!!~
一定有好多低FORM妹妹仔好羨慕我地喇~~~哈哈哈!!


>>January 18, 2004 at 8:42:10 AM GMT+8

2003 年 10 月 1 日 星期三 【晴】

今日調位喇!!~
上個星期5 miss幫我地抽位坐
miss抽中左我坐第1個位呀~!!!
頂~~~ 打死我都唔制啦~~
所以就同翠兒自己調
我變左坐第4個~~~
秀芬話想同我坐喎
叫我調去第5個位 !
我恨都恨唔到啦~!! 即調 ! !
上堂做功課都方便d Y嘛~~
跟住miss問 : "而家呢個位有冇人睇唔到呀~"
頂~~~~個死人余文竟然唔識死咁擰過黎問 : "陳+麗你睇唔睇到呀~~"
低~~能~~架~~~我個位調過架 ! !
你係咪想我俾miss省呀~!!
點知miss真係講 : "咦...? 嘉麗~ 點解你又係坐最後既....??"
大獲喇 ! ! ! 穿煲喇 ! ! !
miss就問最初版本個sitting plan係邊?
OH ! 周妍演技好好咁話唔知邊個拎左
仲話佢乜都唔知添~!哈哈~
好彩小黑豬都話唔見左張sitting plan~
唔知佢係真唔見定假唔見呢?
係假既佢就真係識做喇~~~
點知漁民又好死唔死走去指後面塊board釘住個張sitting plan
個張sitting plan係歡歡前日整board個陣釘上去架~!
都叫佢拆左佢架啦~~~
靠害呀下嘛漁民~
全班差唔多有1半人都調左位架!!!
但係原來個張都已經係 "修訂版"
d位全部都已經改過晒~~~
淨得返我同Molly個位未改囉……
鬼叫我今朝先黎調位咩~!
被迫調返去前面.....
好彩佢唔知我原本係坐第1個位咋!!!
阿雪同歡歡都好唔好彩……被迫調返位~

放學math test完之後miss胡話佢改左半疊A簿喎~
仲發現今朝有人抄功課添!!~
死~~~~~喇~~~~~~~!
我個心寒左一寒囉……
因為我都有抄......
不過係抄阿青囉~
跟住佢就讀名話要抄功課個4個人要留低!!
死啦~~佢地幾個都有份~!
淨返個個會唔會係我.......??
點知今次竟然冇我份!!
可能佢仲未改到我個本啦.....
我又唔知走唔走好喎!!
走就梗係唔會啦~
我會等埋歡歡!
不過唔走又好似唔知點咁
因為我都有抄.........
咁冇理由而家自己認架嘛~~
唔通走去同miss講 : "我都有抄呀…… " 咁呀?!
但係如果之後俾佢改埋個半疊簿
發覺原來我都有抄喎~~
再諗返我今日好cheap咁唔自首
到時我可能會俾人吊起黎鬧架喎~~~
唉......是但啦~~
我點都唔會走架喇~~
點知佢之後真係燒埋黎我個疊
問我有冇抄功課呀~~~
仲話要睇真d我本簿
睇下我抄邊個喎~~~
我當然唔否認我冇抄功課啦~~~
跟住就話 : " 好…好…… " 咁~
哈哈!~佢都估到我係d咩人架喇~~~
望就望佢捉我唔到啦~~~XDXDXD

之後我地就落左籃球場睇比賽~
今日有間國際學校黎我地sch鬥波喎~~
仲以為國際學校好多令仔添 ! !
點知我地學校個d仲正!!!
仲有呀...除左個教練係西人之外
請問其他仲有邊個係~?!
想搵個菲律賓既都冇呀~!!
我地落去個陣仲係6:16落後緊
點知我地一坐低咋, 即刻狂追分喇!!~
仲追到d分離行離辣~
最後仲俾我地嬴左 !
真係估唔到囉!!~
原來我地學校咁好架!!!
嘩哈哈哈哈!!~ (沾沾自喜中...)


>>October 5, 2003 at 7:19:09 AM GMT+8

2003 年 9 月 30 日 星期二 【晴】

今朝9點幾自己起左身
一路係度搞個日記d相~~
我畫到d相好令呀!!
仲識key人地個頭落d相度添~!
我搞左好多個鍾架喇..............
不過真係好有滿足感囉!!~
因為我終於寫晒呢2日既日記喇!!!

冇耐Z打黎話譚文傑話一齊去食野喎~~
好呀!!~冇所謂~~
搵埋flour同劉+欣就約左厚德OK等喇~~
我咩都未搞喎 ! !
咪即刻洗頭沖涼飛單車過厚德~~
我諗我都遲左少少
但係d人仲未到喎~~
等等下蔡+ , Z , 譚文傑3個竟然無啦啦行埋黎嚇我喎~!!
跟住康仔仲兜另1邊用個波黎嚇我~~哈哈!~
我唔係好驚咋喎~~
等齊人我地就繼續係度玩個籃球~
哈哈~~俾管理員鬧喎~~~
我就梗係扮晒野指住劉+欣話 : " 我唔知邊個呀~~ " 咁啦~~~

跟住我地就行去新都話食美食廣場~
一路行一路玩
我諗起康康個日記話華華游水個日一路禁住佢個博頭落水嗌陳耀康
一路係度問唔知佢係邊個喎~~~ 哈哈哈!!~
我係景林去新都個個公園度簡直笑到mout晒係度呀!!~
講野都講唔到~~
個死人矮仔康仲成日引我笑!!
笑笑下仲見到上次夾band我覺得似右典個個電結他手添呀~!!! YEAH!!
跟住華華仲話康康原來笑個陣有走粒架喎!~
仲追住佢迫佢笑添~! 哈哈哈!~
係~ 冇錯 ! 我都有份迫佢笑~~~ XDXDXD

我地冇耐就到左新都
我同華行得勁快囉~~
行行下擰轉頭......
咦!? d人呢~?! 唔見晒既...........
跟住我就話不如去嗌咪搵返佢地囉~~
點知華又撐我話好喎!!
好 ! 一於咁話!!~
我地度左陣應該點講
然後就搵左個管理員伯伯幫手喇~~
我地好白痴咁行到過去同佢講 : " 唔該～我地唔見左d細佬妹呀… 可唔可以幫我地嗌咪搵佢地呀… "
咁個管理員伯伯就問我地佢地幾多歲啦~~~
死喇!! 幾多歲好呢?
唔通話我地玩野架咋~~
佢地個個都16歲咁咩!!~ 唔得架嘛~~
跟住我同華就你眼望我眼
諗左諗……話 : " 佢地得10歲架咋~~ "
伯伯話 : " 10歲都幾大架喇喎……你寫低佢地個名先啦~ "
咁我就寫啦~~
寫左陳耀康, 蔡嘉, 蔡港生~
我唔敢寫埋譚文傑呀… 個個都唔同姓……
跟住個伯伯真係話 : " 點解你d細佬妹唔同姓既.....? "
哈哈哈!!~ 我唔識答呀~!!
跟住華華就好快咁答左 : " 佢地係我地d表弟黎架…… " ..................(汗")
我覺得我地講得好假囉…
仲時不時係度偷笑!!~ 幾驚穿煲呀~!
咁我地咪用勁誠懇既眼神望住個伯伯囉~~~
點知個伯伯又信喎 !
仲叫人幫我地嗌咪添~!!!
嘩哈哈哈!!~ 你睇我地幾好戲~~~
我忍笑忍得勁辛苦呀……
我見到華華忍笑個樣真係好想笑囉!!~
個伯伯一路講我就扮晒野擰去後面搵d細佬妹~
但係其實咪係擰轉面偷笑 ! ! !
個陣我手提仲響緊添~!
z打黎呀~~~ 我打死都唔接啦!~ 一接咪穿煲~!!? 唔制~~~
好彩新都夠嘈~~ 個伯伯聽唔到電話響~~~
跟住伯伯就幫我地講左話會開咪叫我地d表弟係詢問處度等我地喇~
我地唔該完佢之後就閃人啦 !
我地一擰轉面就狂笑狂笑
一行到出去商場中間就見到慒仔康佢地係2樓望住我地
我仲唔即刻爆笑咩~!!!
隨即就聽到 "陳耀康小朋友, 蔡嘉小朋友, 蔡港生小朋友請到詢問處, 你地既家係人係詢問處等緊你地~"
嘩哈哈哈!~ 我仲唔笑爆肚咩!!~
仲笑到mout晒係度~~
如果唔係華華拉我起身我連行都行唔到呀~!!
其實可以話係佢拖住我黎行.......
跟住我地就笑住咁上2樓搵佢地~
一上到去佢地好無奈囉…
好似啤住晒咁~ 哈哈哈!~
原來頭先佢地都有諗過嗌我地個名架~
不過傻仔康話咁樣好唔人道喎.....~~~
點知一講完呢句就聽到自己個名喇!!~ 哈哈哈!!!

我地笑左陣橙橙就到左!~
估唔到咁都俾我地撞到Ivy同陳國盛拍拖拖喎~~
我地打擾左佢一輪之後佢就出左黎搵我地~
wow~~~ 我當然唔會放棄呢個咁好既機會啦 ! !
即刻叫佢教我結他!!!~
Ivy咁好人… 梗係肯啦~~~
YeAh ! ! 得米 ! ! 愛死你呀Ivy~~~~~~~~~*3*
傾左陣我地就去食野
我提議去欣怡食車仔麵
佢地就話好啦~
咁我同華華就拖住手好興奮咁咁跑過去
仲諗住去裕記買平野食添~!! 哈哈哈!!~
點知差唔多跑到去個陣先醒起 : 我地個銀包呢???
係z度呀! ! ! ! !
望返轉頭… 佢地幾個白痴仔竟然過馬路......??!!
咁我地咪要跑返轉頭囉……=.+||

食完面之後我地就過返都映貼紙相!!~
去個陣Yan俾人批左個鼻1野!~
Oh~No~~流鼻血喎~~~佢仲喊左出黎添~!!~
之後佢就話成身最扁係個鼻
唔可以再扁咁話喎...........
咁我就話 : "乜你全身最扁唔係個胸咩?"
哈哈哈!~ 佢唔喊喇~~~ 仲笑左出黎添~!! YeAh!!~

跟住去左睇電結他
嘩…全部都千千聲!!~ 點得架~~
我仲要草錢買數碼相機架喎~~~
之後我地就去映貼紙相~ 好迫呀……
8個人喎!!~ 真係唔迫死都焗死 ! !
但係映出黎又幾好睇喎~~ 算係咁啦~~~
今日又多左2個鄉下佬 !
1個係死仔康~ 1個係譚文傑!~
佢地2個都俾左第1次我地呀~!!! (映貼紙相姐)
佢地2個好似前世未見過貼紙相機咁!~
一映完就大嗌 : "我又要畫~我又要畫~"
哈哈哈!!~ 請問你地邊樹鄉下??
佢地畫緊野個陣z就企左係塊背景布後面
咁我就梗係趁機會打佢一身啦~!!
跟住扮無辜咩都唔知……
咦? 駛得喎!!~
跟住就將呢招用係康康身上!~
一野笠住佢個頭
跟住3個人圍毆佢!~
我都唔係太暴力姐~~~
都係拍左佢個頭幾野之嘛~~~
點知佢個豆腐腦竟然咁都話痛?!?!
映完大家都功成身退............
一隻二隻歸家去~~ (太押韻喇 !)

但係我仲有野未做喎!!~
就係配眼鏡喇~~
而家淨係橙橙,Yan同華華陪我去配~~
我揀左副深藍淺藍既粗框呀~~
佢地話好睇囉~~ 我就覺得好似怪怪地…
其實我係想揀d紅橙色or紫色架~~~
算啦算啦 ! !
要笑你地就笑飽佢啦~!!
頂多咪俾你地笑一年半載~~
我都唔係俾人笑得少啦~!!~ 算~~~
不過大家記得提我星期3去拎眼鏡喎!! ^0^

返到home又繼續on9~~
我唔想作生活隨筆呀............
竟然同包包交換功課做!!
我幫佢做e-class~~~
YEAH!! 唔駛作文~~~
但係我幫佢做做下做到1點幾就自己訓著左..........又係咁...........

>>October 5, 2003 at 7:32:54 AM GMT+8

2003 年 9 月 29 日 星期一 【酷熱】

今日lunch好開心呀~!!!
我地狗寶又一齊出去搗亂喇~~@@~
唔知係咪因為我地Pk FoR 4呢排講多左d心底話
所以大家都好重視狗寶!!~
今日….我地約出黎一齊食lunch呀 ! ! ! 好開心囉~~
我地去左韓燒, 一坐低就好似港姐排排坐咁映左張相喇~!!
唔制~~~~我冇笑~~~~~死都要映多張呀~!!
所以食完野我地就趕返sch映相 ! !
好白痴囉~ 竟然企係sch門口度映~~
好似d大陸遊客落黎香港參觀香港d中學咁…....=.+||
之後打左鐘我地都仲叫人幫我地係4樓樓梯映添呀~!! 哈哈哈!!~@@
今次d相…我覺得好溫馨~~
我地真係好似一家人咁喇!!!

放學我同歡歡去南豐拎相~
我順手買左包m&m食啦
跟住倒左4粒落歡歡隻手~
一望! 咦? 有3粒啡色架喎!!~
我就大嗌 : " 3粒?! "
梗係打死都搶返啦~!!
今次歡歡竟然冇反應…
平時佢一定會食左我d啡色架嘛 ! !
之後佢先醒起唔記得搶我d啡色~
跟住我地過馬路
我再倒多一炸俾佢~
又有粒啡色喇!!~
頂~~我斬一斬眼就已經唔見左粒啡色, 係邊呢?
我望下歡歡個口, 食緊野喎……
但係d朱古力除左啡色個粒其他都原封不動~!~ 死野Y!!
咁岩有架車開緊埋黎我就大嗌 : " 岩喇~車佢啦~車死佢啦~ "
跟住歡歡就白白痴痴咁同個司機yeah~
哈哈!!~ 點知俾人話 : " 行開啦~阻住晒~ " 咁呀!!~笑死我!!~
我諗唔會話埋我卦……~~~
跟住我地就笑笑笑笑,笑到南豐~
歡歡話 : " 估唔到1粒m&m就可以黎間我地既感情~ "
我就話 : " 如果個粒係麥提莎, 分分鐘我同你會絕交添呀~~ "
我地就係咁係條街度大笑
點知撞到林怡同婷婷……
好樣衰呀…又係人地面前出醜添~!

其實我真係好希望狗寶…
係4年之後真係可以一齊去Amy屋企睇波 !
仲可以係某年某月某日一齊再去過ocean park....
玩返一d上次我地唔敢玩既野!!
同埋…求神拜佛Amy同唔好搬屋啦~~~

<*~呢度就係學校詢問處個度喇~*>
<*~打鐘後既4樓--攝影師 : 謝仲斌~*>

我亦都好想Pk FoR 4終有1日可以帶埋自己成家人(如果有人要既話)去阿豆屋企打麻雀~~~
總之我地要相信大家啦~!!!
無論再過幾多年……我地都要保持聯絡~
就算死左都好啦!!
都要草齊其餘個8個一齊去拜山~~
哈哈哈!!~ 我係咪諗太多呀…??
<*~01年4月2日Fp FoR 4成立紀念日~*>

除左Pk FoR 4同狗寶, 我地C4都要一路fd落去呀~!!!
你唔記得喇咩?
我地約埋一齊買間姑婆屋住架嘛~~
不過你地個個都咁正…...
話唔定到時要我自己1個人住添呀~!! (淚)
你地記得返黎探我呀……

而家輪到港澳9男女喇~(呢個名真係有d核突…)
同埋小學5人組呀~!
我地既然升左中學5年都可以keep到而家咁fd真係好開心~!!@@~
如果以後都一直係咁我就死而無憾喇~~~
我地仲要一齊映貼紙相添~!
原來到而家除左z仲有人未映過架~~~~~!!~
<*~鄭浩文係key架咋...~*>
而家到nEw GirLs……
覺唔覺而家好似咁冇團結咁呢~
雖然係咁……但係一齊玩都好開心!!~
我都好想我地可以好似以前咁耐唔耐出黎玩埋d無聊野
有人生日又出黎食下飯咁~~
會既會既, 我地點都係好朋友嘛~~

仲有好多….好多…朋友我想講架......
e.g.尚德6少虎啦~
無啦啦俾人起左個咁既名…真係多得鍾太唔少!
佢個死8婆 ! 啍~~
但係我地住得咁近已經係好好架喇!!~
大家一定會好好珍惜架!!

>>January 18, 2004 at 8:49:25 AM GMT+8

2003 年 9 月 28 日 星期日 【炎熱】

今日P.E堂好勁呀我!!~
中圈竟然跑第3~~ 真係好犀利囉!!~
不過跑完之後就見暈暈地囉.........@~@
跟住就上魷魚灣玩攬球喇~!!
今日唔知係咪我地組得罪左miss lau
佢成日針對我地, 又夾硬屈我地喎~
搞到我地要跑圈.........衰人黎架~~
跟住又俾隔離組屈跑圈~
搞錯呀…算~~~
我同man man個2組一於慢慢行
仲一路行一路舉高手抗議!!
哈哈!~ 好威bor~~
最終我地都有跑....跑左半個圈囉~
不過一路跑都一路嗌口號抗議 : "反對第5組~!! " 哈哈哈!!~
我同man man返去個陣仲扮beautiful bird添~!

跟住就比賽, 我開波 !
我一掟掟左個波出去
但係肥man就一路係度嗌 : " 喂～做咩呀你地～我都未嗌開始 ! ! "
但係我地開左波喇喎……....~~
咁佢唯有好無奈咁睇住我地玩啦~~
點知阿雪竟然拋左個波俾周妍個組…??!
周妍仲好醒目咁交左個波俾阿豆添~
咁佢就一路衝去龍門我就一路追啦~~~
最後…都係俾佢入左…..
但係原來個個係我個邊既龍門黎架!!~哈哈哈~!!~
早知我就叫佢跑快d啦~~哈哈!

放學我同歡歡同萍萍一齊去左南豐~
買左本好靚既Hello Kitty相簿呀~!!
我一定會好好珍惜呢本相簿入面既相架~!! >0<
之後我地就上左萍萍屋企~
我地係佢度睇左好多佢以前細個既相~
仲勁同佢個妹玩添~!
我地玩打pat pat玩到成層樓都嘈晒囉.........
佢個妹真係好得意呀!!~肥o都o都咁~~
總之就好Q啦~~~~
玩玩下就玩到8點幾喇 ! !
好似阻住人咁添~!!
都係時候返屋企喇~~~

今日終於拎左個結他返屋企喇~!!
仲未識彈囉............
之後仲要一路播歌一路扮識彈結他添~!!
都好型bor~~~~~~@@
夾band的人最型 ! ! ^0^

>>October 5, 2003 at 7:33:13 AM GMT+8