2003 年 10 月 17 日 星期五 【晴】

今朝一早又出左去同ShAdOw跳舞~
跳完就去左厚德OK join萍萍同歡歡返團契喇~~
今日團契玩d野勁好笑囉~!!!
一開始就玩人肉坦克車
叫我地分開2條隊訓係地下
跟住鬥快輪住1個個咁碌過人地碌到最尾~
哈哈!!~真係好搞笑呀~!
輪到我碌個陣我岩岩碌左幾個人咋
就已經覺得天旋地轉~
再碌多幾個就唔知點解覺得勁好笑
跟住就笑到碌唔到喇~~
坐左係唔知邊個上面係度笑……
笑到扒左係度..........
唔得喇!!~我真係笑到碌唔到喇~
我仲一路聽到有人嗌 : " 快d走啦~~走啦~~" 咁添~!!
哈哈哈!! 而家好辛苦你咩~~~
最後我都碌到過去
但係笑到我死左囉~~~
之後就玩捐chair底
又係要鬥快捐過去~~
今次有3行, 我捐1行個頭就已經撞左落張chair 4次喇~!!!
但係每行都係得4張chair…
跟住我見歡歡佢地冇得玩
我就陪佢地一齊唔玩喇~~

之後就玩寫信~
每人都用張紙寫低自己個地址
跟住擺晒全部人d地址係出面張臺度~
我地自己想寫信俾邊個就是但寫d野落張信紙度
跟住係出面搵返個個人個地址寫返落去
再貼埋stamp搞掂!!~ 寄得架喇~~
係真係寄出去架喎!! 好好玩囉~~~
我諗左好耐就諗住寫俾林亭筠啦~
咁就好細聲問許紫湄 : " 林亭筠個 '亭' 字點寫呀? "
跟住林亭筠望過黎
我咪問佢 : "你聽到呀…?"
佢話 : "我聽到呀~"
下!? 等我仲諗住俾個驚喜佢添~!! 而家咩都冇啦~~
仲要俾佢同許紫湄狂笑~!!!
跟住許紫湄又問我 : "乜你住尚德架??"
我就話 : "咦? 你又知既~??? "
跟住我附近個d人又係度狂笑喇~!!
原來我頭先寫地址個張紙大大張咁放左係臺面囉…........=.+||
唔係盲既都睇到啦!!
太~~差~~喇~~~咁我真係醒唔起Y嘛~!!

跟住就睇Ivy佢地做畫劇
叫左我出去做講故事個個囉~~~
問我覺得返團契點個d野~~
我話好開心囉!!~
d人好主動呀好好玩咁
同埋第1次黎個陣好驚, 唔敢入門口
仲要係咁捉住Ivy傾計囉~~~
跟住佢地就係度扮我~
好搞笑呀~!!
邊有咁誇張呀~~~
我又未至於驚到咁~~
跟住我又講埋唱歡迎歌歡迎我個陣我有d驚
有種大樹林立既感覺~~
哈哈!~佢地叫我早講, 咁就可以扮埋~~
咁我咪叫佢地做多次囉!~
點知佢地真係扮多次喎~~
今次仲好笑!!
張毅跪係度扮我呀~!!!~
搞到我好似真係好矮咁…(雖然係....T^T)
呀~~冇晒形象喇~~~~
算啦~!! 真係幾開心~~
但係其實我都唔知自己講過d乜~
不過有人話我都講得幾好架喇~~ 咁都安心d~~

跟住我就同左林亭筠去景林打排球~
等埋阿豆落黎就同阿豆個一齊去左 " 一品 " (火鍋酒家) lu~~
去到坐低左仲撞到Miss Ho!!
仲咁岩坐正我地隔離個張臺添~!!
但係其實我地入左酒樓囉…
應該係去隔離個間 " 運通 "架~ 哈哈!~
我地仲話諗住1個個咁行返出去添~! 低b~
跟住等左冇幾耐d人就1個個咁黎齊晒~分左2臺~
咁我就同阿豆,周妍,肥man,包包,阿雪,amy,wing wing,阿傑,阿漢,阿law,曾忠,c諾,阿斌同一圍~
叫完野食我就係度倒亂喇~~~
肥man話我想要咩就開聲, 等佢幫我拎喎~~
仲問我係咪想搞到大家冇飯食~~ 哈哈!~
玩下姐~~~
跟住打打下佢地話冇肥牛
咁我咪用手拿起塊肥牛掟落煲野度囉~~
點知個楊斯諾竟然話我係生番!?
太~差~喇~~唔要得~~哈哈!~
跟住阿豆問邊個係阿堅~~
跟住1個傳1個傳左1個round返黎既結果係 : 楊c諾........堅~
咁我地就好白痴咁開始左呢個1個傳1個既game~~
超搞笑囉…傳完1個圈返黎就要講返原本個句同埋傳晒之後傳返黎個句出黎~
我記得有句原本係 " 肥man同曾忠一早約左聽日出街 "
點知傳完返黎變左 " 肥man同曾忠, 尋晚上左劉森宇屋企, come埋張棉被, 一齊食o者哩 "
真係吹漲~~
跟住玩左一輪之後就走喇~~
我諗我地真係好嘈
miss ho臨走前仲話如果我地第時再去邊度食飯記得通知佢喎~~
即係等佢唔好去個度食囉~! 哈哈!~
我地仲好抵死咁大嗌 : " Miss Ho bye bye~~~ "
真係唔得我地死呀~!
唔知我地返到sch會唔會即刻多幾樣TT功課要我地做呢? 哈 !

跟住我地成班就去左百佳
我,包包,fion同wing wing就諗住過圖書館個邊跳一跳舞
點知去到冇人囉~~
佢地係厚德個邊跳呀原來~~
咁我地咪行返過寶康join返3B班人囉~~
我地4個VS 24個咁迎面行, 好型呀~!
真係好似黑社會開片咁
咁多人既場面真係好虛磡囉~~~
我同wing wing仲扮晒大佬咁行過去添~!!
點知隔離個2夫婦好似以為我地真係開片咁
仲係埋一邊係度等睇野添~!!
我地一行28人
浩浩蕩蕩咁行左入寶康其中1個公園仔喇~
今日我地有 : 我,陳樂,阿豆,wing wing,周妍,阿雪,肥man,fion,amy,陳喜峰,傻仔文,鄭子傑,阿斌,ocean,郭忠昇,劉+浩,阿law,福仔,阿漢,呂廁,阿傑,繁星,發仔,曾忠,謝仲斌,蜘蛛,椰寶寶,c諾~

我地坐左陣冇耐就成班圍埋咁傾計喇~~
講左一陣, 就好似講心事咁遂個逐個講覺得佢份人係點咁個d野喇~~
講到我喇 ! !
c諾話好多人都話好中意同我傾計喎~~
特別係講正經野個陣, 我會好認真~~
我應該知好多野喎~~呵呵!~
跟住周妍就攬住我話 : " 我都好中意陳+麗架~!!! "
我真係好開心囉~~
跟住佢地就話其實覺得我真係好聰明
而且我都幾令咁話喎~~~
哈哈!!~聽到我好開心添~!!
但係其實我覺得自己而家既性格好似愈黎愈複雜咁…
以前睇星座書話我有雙重性格
我都唔知係定唔係~
但係如果而家同我講我有多重性格我都會信呀~!!
我真係好易就開心, 好易就唔開心…
我諗真正既我冇人會了解到架喇~~
因為我自己都唔清楚自己……
究竟真正既我係點樣架??
有冇人可以同我講???
其實我真係唔知自己想點…
淨係知自己唔想點…
咁即係點呀~!!
算啦…而家咁講都係冇用架啦~~
始終冇人會知……包括我自己........
<*~Pk FoR 4 ! 友誼永固~*>
<*~冇錯!! 一見到呢班人...就知我地係狗寶啦~!!~*>

我地傾到2點幾3點就走喇~~
頭先阿斌同周妍講左d野
周妍又喊喇…..~~所
以我想陪佢傾計
如果佢想喊既我都會陪佢一齊喊!!
因為我自己都有野唔開心~
但係係咩唔開心?
我又講唔出bor……
唔知呀~~總之我想陪下周妍啦~!
佢地又話咁夜唔好2個女仔周街走喎~~~
又叫劉+浩同郭忠昇送我返屋企~
但係我唔多想同男仔一齊返屋企囉…
肥man叫我唔好呈強…
我唔係囉~~
只不過我真係唔想有人送我返屋企~~
係唔慣囉.........
但係man man又話遲早都要習慣下~
唉~咁可能我中意自己1個人行d冇人既路啦…
我呢種貨色.......冇事既!~

>>January 18, 2004 at 8:36:15 AM GMT+8

2003 年 10 月 16 日 星期四 【晴】

今日一起身就發現自己訓左係梳化…
咦??我尋晚好似已經坐左係張chair度
等自己冇咁易訓著架喇喎~~~
但係點解今朝會去左梳化架???
噢!! 我仲覺得頭暈暈, 好似就黎累低咁~!
跟住就同歡歡行返學校喇~

放學就係小型馬拉松比賽~
啍! 個死8公社長陳x褲
你以為唔落我名做helper我就冇得做咩?
我本身諗住是是但但搵個位企下
順手幫下歡歡, 萍萍同邱邱手咋~~
佢地3個都係helper得我唔係~
如果我自己無啦啦企係度會好礙眼架嘛~
而且個個工作人員都有個名牌~
好容易穿煲架喎~~~
咁我就行過去拎工作證個度
以超快既速度順手笠左個工作證返黎~!!
不過d證唔係 "救護員" 就係 "看管財物"
好彩!! 俾我發現到個 "計時員"
!咁我就同萍萍一齊計時喇~~
而歡歡同邱邱就出左去做數圈~~

我同萍萍勁白痴 ! !
成日係度講埋d無聊野~
搞到隔離個miss成日係度笑我地~~
跟住miss lau叫左校長埋黎坐低
咁我地就梗係即刻起身俾佢坐啦~~
佢又好人屎到話唔駛
仲叫我地自己坐~~
跟住我就講左句 : " 咁先得架~ "
跟住就行埋張chair度用隻手撥兩撥
好似d店小二幫d大爺掃走chair上面d塵咁~~
點知萍萍仲勁 !
我掃完之後佢竟然向住張chair呵一呵氣
然後用件冷衫袖抹兩抹
之後先叫校長坐~~
哈哈!~ 校長同d miss見到我地咁就一路睇一路笑呀~~!!
我諗我地爭在未吐啖口水落張chair度狂卒狂卒咋!~
咁就似晒街邊幫人擦鞋個d人喇~~哈哈!
終於~校長都係屈服係我地既淫威之下…坐左落去…..~~ =.=v

跟住到男子甲組跑喇~~
今次輪到何副校嗌開始~個d野~~
哈哈~~佢勁搞笑呀~~~
佢話 : " 1……去!去啦~ " 咁呀!!~
即時笑到我扒左係度~!!!
因為我望到好多人都窒左窒先起跑囉~~~
有d仲唔知發生咩事添~!!
跟住我就係度大笑Miss Ho喇~~
點知Miss Lau聽到喎~~~
跟住拉左Miss Ho過黎話 : " Miss Ho~佢笑你喎!~你認住佢啦~~ " 咁~~
哈哈哈!!~唔係呀嘛…?~~
點知Miss Ho自己笑得仲開心過我
仲搭住我博頭係咁搖係咁搖~~
跟住話 : " 好彩我冇教你咋~~如果唔係就實扣你分~~哈哈哈~!! "
而阿萍就係旁邊話 : " 佢叫陳+麗呀~!! 5B(1)號!!~ 扣佢分啦~! 扣佢分啦~! " 咁~~哈哈哈!!~
<*~2個好pro既計時員~*>

跟住走個陣我地扮姣婆拉企曾忠唔俾佢走
仲話佢跑第5好勁喎~~~個d ! !
仲錄低埋添~!!!
跟住我同歡歡同邱邱就去左新都間眼鏡睛選睇眼鏡~
入到去竟然撞到周妍佢地~~
哈哈!~我地係入面傾下計講下笑咁~
已經俾人叫我地唔好咁嘈喇~~~
之後好彩我地走得快
因為個條友已經想行出黎趕我地走喇~~~哈哈哈!!
咁我同歡歡之後又走去周圍買野食
又再 " 為食到尚德 " 喇~!!~ 哈哈哈~~

跟住邱邱,阿廖,許佩,阿so佢地話一齊去食野
然後一齊去小童~~
點知行到新都條天橋個度竟然撞到師傅??!
大~~~~~~煲~~~~~~~粥~~~~~~~!!!!
我今日唔諗住返跆拳喎……
跟住佢話 : " 又遲到啦~~~~~~ "
我唔知講咩好囉…
淨係係時ee鵝鵝~
之後佢又話 : " 今日黎左好多白帶呀~你幫手教啦!~ "
下…點算好呢~~
我…唔敢講佢知我唔返跆拳喎~~~
跟住佢就走先, 我就去小童喇~~

去到都做唔到野既~!
佢地個個都好努力咁嗚緊書喎~!
咁我冇野做就過左去跆拳個邊玩~~
我一入到去就已經有個護手飛緊埋黎喇!!!
原來係余立聲, 劉監賢同黃振樑個班死仔掟過黎架囉~~~
咁我就梗係會還擊啦~
跟住就狂係度互掟!!!
前面就人地有人地打free fight
我地班低b仔就係後面掟野囉~~~
不過真係好搞笑!! 好好玩~~
雖然我個頭俾佢地整亂晒……… 一x一|||
俾人糟塌左一輪之後我就返返過小童lu~~~

之後見到邱邱既心上人喇喂~~
我諗諗下唔忿氣
真係好想追返細ken佢地睇下佢地返屋企條路線係點~
咁我就本住做偵探既精神追左好耐…
終於見到佢地喇!!~
真係行去地鐵站囉~~
但係入到去睇唔到佢地係咪真係搭地鐵喎…
下次唔可以咁失策架喇 ! !
跟住等埋歡歡我地幾個就一齊去左明遠食糖水~
我嗌左個雜果花奶涼粉囉~~
都幾好味!~
跟住就返屋企喇~~~

>>January 18, 2004 at 8:36:45 AM GMT+8

2003 年 10 月 15 日 星期三 【晴】

今朝我地係學校無啦啦咁係度映相~
哈哈~~唔知咩事呢??
<*~我地無事搵野做架咋!!~*>

今日夜晚又去左圖書館出面跳舞喇~~
見到婷婷俾d教會人士纏繞住
我好醒目咁過去嗌佢跳舞囉!!~
咁就打救左佢喇~~哈哈!~
不過我都唔應該咁做既.....
我都要俾多d人認識一下神~!
咁好啦 ! ! 下次就等我同婷婷講道啦~~哈哈!~
YeAh!!今日排左一半呀隻舞~!!!
有左張排位紙真係好~~
排排下仲有好多警察行埋黎~
仲以為佢地想話我地阻街添~!
好彩唔係~~
唔通佢都想過黎睇跳舞…..??!~
哈哈哈!! 好!!

夜晚返到home坐左係電腦前訓著左………
頂!! 仲諗住溫埋hist同做埋PA添架!!!~
咩都做唔到喇~!!!
死啦.........我HIST已經走左5份功課喇............
呢份第6份~~
佢又唔追我喎 ! !
我仲驚囉...............@0@

>>January 18, 2004 at 8:38:07 AM GMT+8

2003 年 10 月 14 日 星期二 【微冷】

頂頂頂~~
今朝一聽到歡歡個電話即刻彈起身
但係已經差唔多8點喇…
望一望個手提
原來阿堅真係有打過黎囉~~
我仲應該接左添架~~!
但係點解我一d印象都冇既….?!
聽唔到電話響喎~~....................
之後我仲要洗埋頭先返學!!
唉….又要飛的!!
今日仲遲過尋日~~
8:19a.m.先上到車~
好彩今日趕得切姐……!!
不過又冇左廿雞lu~~

之後落hall早會~
歡歡話佢今朝7:30打過俾我囉~
又話我有接到佢電話
仲嗲左兩句添~!
但係我真係冇聽過有電話響喎~~~
跟住就死都同佢拗~
拗左一陣佢都幾大聲咁話 : " 有! 一定有~ "
我都好大聲咁話 : "冇! 肯定冇~"
點知望一望周圍.........
幾十幾眼望住我地囉~!!
連吳sir, miss ponn個d都望住我地笑~~
miss poon仲過黎問咩事添~!
咦…?係喎~~我地已經落左hall架喇喎~~
但係我頭先真係唔記得左係hall係唔應該做d咁既野囉~~
特別係當d同學同老師都到齊晒既時候………=.=|||

跟住就到lunch~
又係食杯麵呀……
大佬!!~我食左好多餐喇~!!
1個杯麵又唔飽喎~! 咁叫我食乜姐~~
即係迫我買其他野食姐~~~~
學校個小食部幾時先開返呀…
我唔想成日食埋d咁既野囉……
跟住我地又成班死妹DaNcE係班房跳舞喇~~
好多人喎!!~好野~!!+油呀~!各位~~

夜晚出去泳池個看台個度跳舞
一路跳一路俾d救生員睇show咁睇~
哈哈!~都好既…要習慣下俾人望~~
但係我地仲跳到一pat野咁呀~
我畫左個排位又print唔到出黎!!
跟住看台要閂門所以就落左體育館對出個頭跳
自修室d人行出黎又係度望囉……
睇黎我地真係揚左d~~~哈哈!~
叫埋佢地參加Christmas Party啦好冇~!?

>>October 20, 2003 at 12:02:32 PM GMT+8

2003 年 10 月 13 日 星期一 【颳風】

嘩!! 今朝差唔多8點先起身呀~!!!
死喇死喇…書都未執!
搞掂晒d野8:16a.m先上左的士呀~~~
點知個的士大佬又唔爭氣!!
行~~錯~~路~~?!
呀~~~我個底仲未花架~~
唔好要我遲到啦~~~
好彩…返到學校附近仲有人~~
咁我就拎紙$100紙出黎俾錢啦~~
點知個c機竟然話冇得找!?
下??! 咁點算呀~?? 唔好玩啦~~~
佢問對面個的士c機又話冇得找喎!~
都唔知係真定假架…
咁我就問個c機 : "咁點呀~?"
佢就話 : "係囉~點呀~??"
我話 : "唔知呀…點算呢~~"
佢就話 : "死啦…我都唔知點算喎…"
下…唔係同我鬥唔知呀…?!~
佢叫我入學校問人借住錢先喎~~
咁我冇理由俾張100蚊紙佢姐~~~
算啦算啦~!!
見到余淑慧就即刻落車仆去問佢有冇散紙啦~!
冇........................
再跑前d見到芝芝, 劉華同鍾仁斌
唔係呀…?~又冇?!
淨係得張100蚊…咁我都有…
至弊個c機冇Y嘛!!
跟住差唔多跑到學校門口
見到c諾, 阿law同戴偉岳
咁我就即刻大嗌 : "阿law~~~c諾~~~~"
點知原來個個唔係c諾係阿漢囉~~~~
好彩嗌得住傑地咋!!
阿漢同阿law一人借左$20俾我~~
真係唔該晒囉!! 好彩~~
跟住即刻跑返去俾錢啦~~
芝芝同我講話就黎打中, 叫我跑快d喎~~
掂!! 但係我一俾完錢學校就打鐘喇~!!!
大檸樂~~~~~~~~又要跑返學校!!
個2個prefect想記我遲到喎~~
唔好啦~~~我頭先返過黎學校架~~
冇散紙俾的士錢咋~!!
咁就俾我tum掂左d prefect喇~~好彩……
而家d prefect真係好人!!不過最重要都係好彩冇miss係度…………(汗”)
呢個故事教訓我地 :
＊以後搭的士
　最緊要有帶散紙~!!!

上到班房冇耐就要落hall喇~~
今日係學生會就職儀式Y嘛!!~
哈哈~~好搞笑~~
佢地講完政綱個d野之後就到菲菲發問~
菲菲(上屆學生會主席)d問題超尖銳囉!!~ 又好笑喎!
話咩新個個學生會話每個月都幫d同學慶祝生日
但係菲菲佢個生日已經過左
下年佢都唔會返黎架喇喎~~
咁係咪即係唔駛理佢呀?
哈哈哈!!~good呀菲菲~~串爆佢啦~!!
我都唔多中意今年個學生會!!
一於拉大隊撐菲菲~~
呢個學生會真係俾人疾到口啞啞囉…
答d問題都唔到point既~!!
最後仲要+多句 "希望答到你既問題~"
係希望囉........可惜答唔到~~~真係好廢……
個學生會好似俾人禁住黎打咁~~
而且又冇d新意喎!!~
唉…俾著係菲菲個年既學生會一定可以串返人地轉頭囉~~

跟住就到我期待已久既郭忠昇出場喇~!!!
佢一行出去我地就歡呼, 又拍晒手咁~~
後面班5C都響應我地囉!!~
成班野勁嘈咁~~
而佢問個d問題亦都不負眾望~~
今年既學生會…仲唔乃晒野?! 哈哈!~
佢問完返黎我地仲嗌得大聲!!
好似今日個主角係佢咁囉~~
全靠我地製造氣氛咋~~~哈哈!
郭忠昇仲揮埋手添~!!
好有明星feel喎~~~(笑)
但係周妍話原來miss li一路都啤住我地架喎…
梗係啦~~學生會好似係佢搞架嘛!!~
咁俾人柴台…
咪喇~ 都係收歛下先~
費事俾人點相嘛~~ 哈哈!~

lunch我地班 " 死妹DaNcE " (我地隊名呀!) 就係5B班房練舞~~
跳Do it! Now囉~~~
係呀!! 就係而家播緊呢首呀~~ (我好似講左2次~)
而家排定Christmas表演差唔多架喇~!!
我地仲有首Love Revolution架嘛!!~
哈哈!! 我同邱邱同阿廖仲可能會join埋漁民,大獲,曾忠佢地跳多隻添~!!
諗落就開心喇~~~ 哈哈!!
臨打鐘個陣差唔多全班望住我地跳咁滯囉…
有d唔好意思添~!!

上完最尾個堂我就同周妍落左樓下買野食~
坐左係長chair度傾左陣傾先上去補課~~
點知上到去黃太已經黎左!!!
弊~~~~喇!!
我包蝦條仲未食完架喎…
仲有包薯片............
周妍就好醒目咁將我包薯片遞左俾許佩同阿so
但係我俾唔切喇喎!!~
開左門…乃野!!
唯有塞入年冷衫度啦~~~
咦?! 唔記得左隻手仲有d包裝紙既垃圾添~!!
死!! 左手要塞佢係冷衫後面~~~
右手就捧住肚個包蝦條~~
搞到冇手閂門添~!!
好彩我仲有手爭……哈哈!!
點知黃太話 : "平時見你咁消霜....而家多左舊野我梗睇到啦~~~" (<--竟然話我消霜! )
噢 ! ! 俾佢識穿左添~!!~ 好樣衰呀…哈哈~
又俾人笑喇我~~
好彩黃太冇鬧我姐~!

>>October 20, 2003 at 12:05:38 PM GMT+8

2003 年 10 月 12 日 星期日 【微冷】

嘩… 今朝真係勁眼訓囉~!! 好想死…
踩住單車都想訓覺~~
返學撞到歡歡, 泊完車之後就同佢一齊行返學~~
佢話我態度唔好喎……
下……我唔夠訓咋下嘛~~
好彩之後都冇乜野
又係有講有笑咁返學~~

返到sch勁想訓!!
狂俾miss問我點解咁眼訓囉…
又問我尋晚幾點訓!~
我話唔記得呀..............
點答姐!! 我都冇訓過!!!
唔通同佢講我搞無聊野所以成晚冇訓咩~!!
實俾佢剷上天花板啦~!!
總括黎講我成日都係hup緊眼訓囉~~~
今日有1堂ECON, 2堂ENG
臨尾仲有2堂COMM堂~
正!! 仲唔訓餐飽?! 夠晒啦~~~
真係最中意Day G
好似有5堂空堂咁既~!! ^0^
但係小息跳舞個陣我又好精神架喎!! 唔知點解呢~~~
可能因為有舞跳卦~~~~~~

聽日又要交hist既essay呀......
我同阿英傾傾下無啦啦講起功課
咁就順手叫佢幫我做埋條essay啦~
點知佢竟然肯喎!!!
又會咁好既........~~
我講下架咋喎~!!
佢話大家朋友冇計計喎~~
好 ! 好兄弟 !
唔該晒~~~~~~~~~~~~
但係我之後都訓著左…冇做到喇……


>>October 14, 2003 at 7:18:58 PM GMT+8

2003 年 10 月 11 日 星期六 【晴】

大煲粥喇!!
今朝一起身就聽到歡歡大嗌 : "陳+麗~ 起身啦~ 10點喇~~"
我訓都未訓醒喎~
但係第一時間彈左起身大嗌 : "下?!"
嘩~~真係成個人醒晒囉~~~
出到廳望下個中… 其實係10:45囉……
但係我 "下?!" 完之後都好冷靜咁去左廁所先
因為我真係好急.........
出到黎見到歡歡打緊俾師傅
Oh~~原來師傅同暴暴已經打過十九幾次電話俾我地喇~!!
真係噢~賣吉~!!
但係點解我地4隻耳都聽唔到既?!?!?
係1個謎……
跟住師傅話女仔應該半個中內開始比賽
叫我即刻趕去~!
事但啦~去就去啦~!!
跟住就即刻返上29樓洗頭換衫
歡歡仲未搞掂喎~~
算啦算啦! 我自己去先喇~
我頭都冇吹就衝左出門口喇~!!

一出門口我就跑跑跑跑跑到去地鐵站~
點知一上車就見到李健樂同劉偉業!!
又會咁橋既!?
佢地又同我講左d野....
真係聽到我啤～一聲~~
傾左冇耐我就到左鑽石山要落車lu~~~

出到去好快就搵到C出口~
我一出閘就跑跑跑跑跑~~
見到冒險樂園喇 !
左面就係巴士總站~~
正!! 入面就有車搭喇~!!!
33號小巴…係邊呢??
我搵到之後就上車問個c機去唔去新蒲崗運動場~
掂! 岩左!
咁我就叫個c機差唔多到個陣叫一叫我啦~
佢話冇問題, 但係驚可能同其他人傾計個陣會唔記得左喎~~
跟住佢就開始同我傾計喇~~
個陣已經11:20
原本佢話等到11:25分先開車架…
.跟住我問佢可唔可以早少少開
我好趕時間囉……
點知 ! 點知 !
點知佢即刻開車呀~!!!
真係好人喇~~
仲一路開車一路同我傾計~~
之後我就合埋雙手祈禱啦~~
祈求天父保守我, 可以趕得切比賽…
祈完之後個c機問我係咪祈禱
仲問駛唔駛幫我祈囉~~
真係好好人呀~!!
原來佢都係基督徒黎架~~
以前仲係專幫助個d學壞左既人添 !
佢講野仲句句都有個英文字添架~!!
真係差d聽唔明佢講咩~~
好犀利囉…英文咁勁都要渣小巴!!
佢仲教其他乘客應該點行點落車添呀~!! 好好人……
基督徒果然唔同d呀下 ! !
我好叻女呀~~~
即刻抄得低佢d資料!諗住第時多謝返佢, 讚揚下佢Y嘛~~
-------何可立：KX5102-------
到站喇~!!
佢仲同我講落左車過班馬線就到架喇~!!
真係好好囉…好唔捨得佢…

我一落到車就即刻跑過馬路喇~!!
望真d……師傅已經企左係門口等緊我喇~!! 好感動囉…
估唔到我唔駛45分鐘已經黎到~!
原來呢度叫蒲崗寸室內運動場囉…
跟住我就直入更衣室換衫!
好野~~有師傅服侍我~~~ ^0^
師傅俾左張證我之後我就直接入左會場喇~~
好彩……佢仲俾我入場比賽……
見到暴暴喇~!
同佢傾左陣計就比賽~~
pk喇 ! ! ! ! ! 練都未練好 ! !
是但啦…操得麻麻地囉~~
操完2次之後我就同暴暴落去去最低個層d梳化度傾計!!
傾左都幾耐下
返到上去諗住換衫啦~~
點知上到去見到師傅佢地成班人等緊我地囉!!
之後就去左食飯喇~~
我地2個都清晒成碟飯囉~~~勁!
師傅仲問我係咪好肚餓添~! 哈哈!!~ 唔餓架~~~
食完野我地就約左歡歡係鑽石山冒險樂園等一齊行街街喇!!~

我同暴暴行路去去鑽石山呀!!~ 好快姐~~
去到見到歡歡~~
但係其實我地仲背住暴暴秘密地約左星星…..~~(奸笑)
等埋阿星黎我地就係荷里活廣場兜左轉~~
竟然幾個去睇電器囉……
其實主要係睇數碼相機~~
我地仲無聊到係度玩風筒扮槍添~! 哈哈~~
之後就去左百佳狂掃零食
仲同d細路一齊打大鼓添~!!
跟住就坐左係KFC傾計~
哈哈哈!!~笑爆咀喇!!
竟然拎個著蓉兜插多支叉黎扮咪!!
仲要係扮係Chris Wong考oral咁囉~~~
我地笑到KFC呢個寧靜既環境產生好多噪音呀~~哈哈!
之後就去左映貼紙相喇~~
好耐冇同暴暴一齊映相喇~!!!
仲有埋韓鎮聲個樣添~!!
映完都已經6點幾7點喇~~
係時候返歸!!
返到屋企……好…累…呀……

夜晚無啦啦唔知抽起邊條根!
好想整張Do it! Now既排位表~
冇錯~~就係而家我日記度播緊個首歌喇~~
Christmas Party諗住跳呢隻囉!~
我功課又唔做書又唔溫囉~!!
就係搞埋d咁既無聊野…
但係呢張野又唔趕架喎!!~
死啦…聽日仲要test TT同PA form test添架…~!!
但係我真係好俾心機咁去睇位同排位囉~~
仲畫得幾令添~! (個人認為)
就係咁…搞到7點幾喇…
我終於通左頂~!!! >0<

>>October 14, 2003 at 6:48:39 PM GMT+8

2003 年 10 月 10 日 星期五 【乍寒還暖】

今朝竟然訓過龍.......
冇去到同ShAdOw一齊跳舞添~!!
仲話同佢地一齊去唱k添架........
sorry呀~~~~ >_<
跟住個白痴Z竟然up我張相上icq喎~!! 低b~~
咪就係因為我唔肯send返食車仔麵個日d相俾佢囉~~
跟住我,Z,康仔3個就開始玩post人地d相係info度喇~!!
好彩康仔冇post我姐.........(汗")
俾人見到真係冇面見人呀~!!!

跟住等埋歡歡補完GEOG返屋企就一齊返團契~
但係我地遲左大半個中囉!!~
有d唔敢入添~!
係門口企左陣又裝左陣終於決定入去喇!!!
好彩入到去都係查經姐~~
今日張毅帶呀~!
佢好似好熟手咁囉...........勁!
跟住就狂查聖經, 講信心個類既野~
我又好似接近返神咁喇bor~~~
好想再睇聖經 !
好想時時都祈禱呀 !
完左團契之後林婷君過黎同我傾計
傾左都幾耐下~~~
仲約左下個week完左團契一齊打排球添~!! 正呀!! ^0^

跟住我就同歡歡去左厚德周圍買野食~~~
去左街市食魚蛋
跟住仲去左OK食左個迷幻士多啤梨旋筒添~!!
之後就到主菜叮叮肉醬意粉喇~~~~~~~~正!!
+埋麥精豆奶~~ 仲正!!
真係飽到想嘔囉~~~
但係唔知點解一路食真係好開心架喎~!!!
頭先揀揀下野食竟然撞到康仔同蔡+喎~!!
佢地好似打完波黎呀~~
我仲聽到佢地係後面講 : "下?! 呢個唔係陳+麗呀...?~~ 真係陳+麗?! "
嘩....大佬....係都唔駛講到咁大聲啦下嘛......
周街響我全朵~
鬼唔知我叫陳+麗咩~~~
原來佢地而家去買禮物送俾傑傑囉~~~
橫掂都過左咯
不如等下年先送啦~~~嘩哈哈哈!

今晚跳舞呀~!!! 正!!
去德澤樓樓下個度練Do it! Now囉~~
成班女仔係度跳跳跳, 練練練~
有好多人望住晒囉……
有d阿嬸仲行去我地前面跟住我地跳添~!!
我真係好驚佢地會行埋黎叫我教埋佢地囉~~~ 唔好喇卦……
我又成日回碟喎!
無啦啦聽到部機疾左幾疾呀~!
部機又播唔到錄音帶
真係好驚隻碟會花囉…命根黎架~!!!
是但啦~~點都要繼續架喇~~
跳左2個幾3個中………累到死左……

返到屋企玩多陣電腦又唔知做下d咩咁~~
4點幾先落歡歡屋企呀~!!
落到去又做埋d無聊野……
係張床度一路碌一路唱 : "金絲雀~金絲雀~"
我真係好耐冇試過咁豬服咁攤係張床度訓喇......
好多時都係玩得耐電腦見累就攤係梳化諗住攤抖下~
點知次次都係咁樣訓著左……
之後我地就係度發癲喇~!!
玩玩玩玩到5點幾先訓~~
死啦~~~~我朝早仲要比賽添架……
我好似仲未練過d套拳喎~!!
而且仲好似約左暴暴7:15a.m樓下等添~!!
唔知我起唔起到身呢……................................(大汗")


>>October 13, 2003 at 3:46:31 PM GMT+8

2003 年 10 月 9 日 星期四 【乍寒還暖】

今日我冇帶到校隊衫呀……
但係放學要打波喎~~
打完波仲要映相~
今日可能真係最後1次架喇~!!!
唔得!! 我決定lunch飛單車返屋企拎波衫~!!
點知係我飛車飛得幾開心之際……
唔係呀化!! 你竟然落雨?!
仲愈落愈大..........
我今日都冇做過d咩禁住良心既野姐...........=.+"
跟住我就愈踩愈快 !
等間一扇軩我就pk喇~!!
之後返到home攤抖左陣就踩單車返返學校喇~
原來仲有時間淨架喎!!

返到學校我就同man man同埋阿豆打左陣排球啦~~ 好開心!!
個度好似我地幾個最勁咁囉~~
哈哈! 好耐都未試過喇~!!!
跟住就等等等..........
終於等到放學打排球喇~!!!
落到去換埋衫我地就幫手開網啦~
嗯! 今日咩都要親力親為呀!! 最後1次啦嘛~~
排球…你要等我呀…
冇耐miss就俾左個場我地自己打比賽~
官中男排VS官中女排!!
我地女排係唔會輸架~!! !>0<
一路打波我地就好似以前咁一路笑~~
但係又唔知笑乜!!
個陳佩珊囉~~
中波餅中得超有型 !
囉獎啦你~~~~~
最尾等埋阿豆落黎
大家一齊嗌 : " 官中女排Ball ! Best ! Ball ! Best ! Ball ! Best Best Ball ! "
我真係勁有mood打排球囉~!!
就算幾累都好…我都會去執波~~
打完波之後man man就拎左部相機出黎一齊映相啦~~
好正!!! 大家真係玩得好埋囉!!
我好中意係排球隊呀~!!
我地又係球場映 (主要映埋波網)
跟住又去hall隔離條樓梯映~
因為我地曾經係個度換過衫Y嘛~~哈哈!~
其實係就咁笠條裙上去姐~~
入到廁所繼續映我地件校隊衫~~~正!

今日打打下波見到miss鄭~
我就行埋去問佢我地F.1個陣跳個首 "哈哈宇宙"
同F.2跳個首 "A.RA.SHI"
同埋F.3個首 "Paradox" 可唔可以dup返俾我啦~
跟住就順手問埋頒獎禮跳個首 "風" 餅帶係唔係佢度…
佢話叫我俾餅空帶佢幫我dup喎~~
跟住就叫我俾心機讀書…要升返原校~
原來佢而家都有留意我d野架!!
佢仲知我平均分得52分囉……我好感動……
我發覺自己真係好唔捨得佢~
起碼我係官中頭3年都日日對住佢!
佢又對我好好!!
又教我跳舞…
又推薦我做好學生…
又俾我做DaNcE cLuB主席…
好多活動都肯俾我搞…
好似好睇得起我咁…
我真係好開心好開心遇到佢架~!!!
佢真係會關心我架囉…
而且我都感受到其實佢都好鍚我~~
如果我而家唔爭氣讀好d書好似好對佢唔住咁..........
我係佢面前完全咩都唔驚架!!~
講8婆呀~~食屎呀~~呢d字都唔覺得係d咩事~~
因為真係覺得好親切喇!!
我頓時有個心真係好想升返原校添~!!
唉…如果我升得返
我一定會好好咁幫miss鄭搞到DaNcE cLuB架~!!!

跟住返到屋企就返跆拳~
但係就同邱邱同埋萍萍去左小童先囉~~
因為…hehe…唔知講唔講得呢??
去到同佢地係度傾計
之後見埋阿廖撞埋許佩同阿so~~
再chat多陣.....傾到8點先過對面學跆拳呀~~哈哈!~

今日返跆拳就練套拳~
原來後日就比賽喎!!!
我今日先知囉~~~
跟住凌+豪就教我同暴暴套拳~
練完之後我就玩人
哈哈!!~俾人識穿左添~!
李+龍同火龍都唔上當呀~!!
火龍仲話 : " 你當我白痴仔呀?! "
點知佢呢頭講完呢頭阿發就中招囉!!
哈哈哈!!~白痴仔呀~~~

學完跆拳我好快換完衫就過去小童搵佢地~
傾左一陣大家就齊齊拎野出去圖書閣出面坐係d圓臺仔度傾~~
傾傾下......咦咦咦?!?!
目標蒲頭囉~~ wow~~
佢地出左去我地咪跟住出囉~~
哈哈!~我真係好想查下佢地行邊條路走架!!~
話晒我d理想都有個係做偵探架嘛~~
＊＊1st:魔術師---2nd:偵探---3rd:心理專家＊＊
好多人聽完之後都話覺得好怪囉…..~~ ^.^
哈哈!~係咩~~但係我真係中意架喎~~~

>>January 18, 2004 at 8:39:55 AM GMT+8

2003 年 10 月 8 日 星期三 【晴】

今朝差d遲到~!
所以一迫好單車就跑…
好彩跑跑下仲見到有人.........
點知返到學校我仲早過歡歡囉~!!!

今日eng堂我坐左上第2個位坐周妍隔離~
我2堂都同周妍傾計囉~!!
狂俾mr. Mok鬧~
事但啦~~又唔係俾佢鬧得少~~
跟住聽聽下listening無啦啦聽到d音樂2重奏咁~
原來隔離班都做緊listening囉~~
呢d係咪叫jam線呀?哈哈!~
不過d音樂真係幾好聽喎~~~~

跟住又P.E.堂喇~
又見到有姣婆發姣........
我都知身為基督徒係唔應該咁話人既~
但係我真係覺得佢好姣Y嘛~!!
跟住又出去圍住學校跑~
我跑到好辛苦呀!!
雖然今次跑第2而且冇俾人追到~
但係真係好暈…好腳軟…
好彩之後有得抖可以long隻腳上張臺度姐~! 好嘆~~~
之後就係籃球場度玩攬球喇~!!
玩完真係好累......好累......
跟住又返上4樓補maths喇~~

上到4樓王澤蘭叫我幫佢手參加邀請卡設計比賽喎~
傻啦~~~ 我係幫都幫自己社啦~~
咁我就大大聲咁講 : "我生係綠社人! 死係綠社鬼! 又點會幫藍社做野呢 ?! "
咁岩我個陣行到5A房門口
我一望入去.......
咦?! 點解咁齊人既~?!
仲要個個望住晒我…
唔係已經補緊課呀…?~~
原來佢地事實上係測緊驗添.......=.=||
事態不妙喇 !
我決定即刻dup低頭行快兩步腳閃人!!
呀~~~~~佢地成班即刻大笑呀~~~~~~
有咩咁好笑姐!
未見過人講野大聲呀?!啍~~~~

之後flora同返我講話個陣佢地班真係做做下卷係度爆笑!
仲話阿斌話既然我咁愛社
社際馬拉松就一定要搵我好跑喎~~
痴線啦~! 我個社長搵我我都唔去呀~!
我寧願做helper囉......
點知王準蘭同我講話陳文褲唔俾我做helper喎~~
仲話 : "我唔諗住俾佢做helper喎! 我要佢跑~ "
而家你話跑就呃呀?
我係唔中意跑呀~~
如果佢連helper都唔俾我做
我幫第2個社跑都唔會幫佢跑囉~~
咩呀?! 咩呀?!
BlOw Me Y~~~~~~啍!!
邊個叫你搞到我d fd咁唔開心!!!

>>October 11, 2003 at 7:45:45 PM GMT+8