2003 年 11 月 6 日 星期四 【晴】

今朝7:45a.m倒起身
跟住就約埋歡歡一齊去邱邱屋企喇~
我地去到就幫手整炸魚蛋
d魚蛋俾我炸窿左囉… =.=" 對唔住~~~~~~~~
個陣已經8:50分喇~!!
執埋d野即刻趕返學校!!
大佬~~9點就遲到喇~!!!
我地一行5個人跑去東港城搭的士
點知去到有成6個人等緊呀!!
仲1架的士都冇添~!! 乃野啦~~~
等左好多已經9:05喇, 仲未有的士~!
所以我地就走左去對面巴士總站等的士~
好彩有個司機岩岩上車呀~!!
張志明先生~~多謝你!!
佢仲同我地講笑添呀~!! 哈哈~~
幾經辛苦…9:15終於返到學校~!!
好彩上到班房廢潘仲未黎~~
我地都冇遲到喎!!~哈哈哈~~

跟住出發喇~~
我同係架車度映隔離貨車d哥哥(定唔知叔叔)呀!!~
我地同佢地yeah佢地都yeah返我地喎!!~哈哈!!~
跟住我仲同wing wing唱"咕嚕咕嚕魔法陣"首歌
唱完成架車d人都拍手掌呀~!!
哈哈哈~~多謝多謝!!
跟住我地係咁白痴
坐左成個幾中車先到呀…
真係勁想嘔囉~!!

去到我地好快就搵左撻地方打等!!
個度有棵大樹架~!!
咁我地就卦晒d野上去啦~~
點知卦野個陣有d野入左阿萍隻眼喎~!!
死…樹皮呀…我地同佢搞左好耐佢都話好痛囉~~
一段時間經過…萍萍話冇事喇~~
咁我地就正式開餐喇~!!
今日既食物都算豐富既~~
有菠蘿腸,壽司,沙律,炸魚蛋,炸燒賣,涼粉,仲有薯片~~~實在太好喇~!!
我諗住去換短衫短褲個陣勁多人叫我地食野囉~~真係好開心~!!
真係唔知揀邊組成先好呀~~(笑)多謝晒!!~

食完野喇~~咁我地就好去啦~
阿青佢地竟然去問d鬼仔where are u come from~
之後我諗住去海邊搵阿青啦
仲一路跑一路大嗌 "阿青~~~~~"
點知一渣沙飛左入我個口!
頂~~~班鬼仔呀~~~仲要係度偷笑~~算!!~
咁我就去搵阿青啦~~
去到海邊無啦啦俾阿青,阿慧,阿公周秀芬4個圍攻我呀~!!
潑到我成身都係水~!
歡歡見勢色唔對就即刻折返, 得返我1個俾人蝦~~~ 嗚…
橫掂都濕晒咯, 梗係還擊啦我~!!
玩完一輪…我先醒起…
咦咦咦??! 我冇底衫褲換架喎~!! 乃晒野啦~~~
跟住仲大嗌 : " 有冇人有多件底衫?有冇人有多條底褲呀~?? "
當然答案係冇~
跟住我就去廁所抹乾個身, 換返d面衫褲
再用個乾手機吹返乾個頭就出黎出返去喇~~
點知原來好多人搵緊我囉…
話3B要映相喎~~Girls又要映~~真係忙~~哈哈!~

映相喇!!~Girls佢地話一齊拖住手跳起咁映喎~!!
哈哈~~好正呀個feel~~
我地3B個d都玩得好開心囉~!!
成班玩開個d一齊映
曾忠斯諾佢地扮女人呀~~
阿斌個d就扮矮仔!
映完成班人個d相之後
曾忠竟然話未同過我映相要同我映喎~!!
真係好開心~!!
估唔到佢都會主動搵我映相架囉~!!
跟住又同阿斌映呀!!~ 哈!

映完之後就到集體遊戲喇~~
我地首先玩N人N+1足~8個人一齊行真係好難囉!!
成員有我,歡歡,萍萍,邱邱,wing wing,翠兒,漁民同阿law~
我地萍萍撻左2次落地下呀~!! 甘到Y~
但係可以行到咁多步真係覺得好興奮架!!
唔知點解其他班都跟埋我地一齊玩呢個game囉~~ 哈哈!~
不過可惜我地班最後都冇玩到…
轉左玩拗腰既game~~
即係擺條蠅係上面, 跟住拗腰行過去個d呢~
我費事樣衰所以碌左過去呀!~
估唔到呂廁可以落到咁低都仲過到囉!! 真係腰力驚人呀~!!
大家都玩得好開心~!!
跟住玩扑傻瓜~
我地用卷廁紙黎扑人
點知扑扑下傻瓜變左掟傻瓜囉~~ 真係好搞笑~!!
最後個鋪梁璟珩輸左, 我地成班5B真係好齊心囉~!!
大家不約而同咁一齊向佢掟沙!!哈哈!!~
我真係覺得我地5B好團結呀~!!
玩完就係時候走喇
跟住發生左樣野...我都幾開心架囉~!! =^.^=
之後我地就變左最遲走個個喇~~~

回程個陣我又狂食薯片
佢地個個都話我生蟲囉~低b~~
歡歡佢地又訓覺, 我咪同黃穎妍傾計囉~~~
其實佢都幾好Y~~~夠坦白呀~! 好 !

冇耐就返到學校lu~~
我地係綠臺清埋淨返個d食物呀~
淨返個d零食就放左入locker, 等遲d返學先拎黎食~~
跟住我地上左2樓個男廁映相呀~!! 哈哈!~
男廁我就入過喇~~ 係入面映相都係第1次!!
仲要係度扮去緊廁所咁映先正Y嘛~!!
好彩我地揀2樓咋
如果唔係揀1樓一定好危險, 一定有人會撞入黎囉~!!
到時我塊面擺邊?!
跟住我地就返屋企喇~~

夜晚我,歡歡,暴暴,阿joe都唔返跆拳囉~
我轉左係屋企on9~
on到點幾中我真係好眼訓呀~!!
所以就走左去訓覺喇…~~
今日係好開心既1日!!~
中5旅行我無悔呀~!!~
我返到屋企先醒起原來今次…可能係我係將官最後1次既旅行…
我會好好記住今次既回憶架!!!
<*~背住鏡頭個個is劉+浩~*>
<*~好1個Pk FoR 4~好!*>
<*~ 5B BeSt ! ~*>

>>January 18, 2004 at 8:32:06 AM GMT+8

2003 年 11 月 5 日 星期三 【晴】

聽日就旅行喇~!!
唔知係咪因為咁所以我同阿慧佢地個個都冇心機上堂呢~!
!而家同阿慧坐真係好開心呀~!!
佢好搞笑囉~~~成日陪我玩!!
仲自己幫埋我抄功課同掩護我添~!
真係照顧周到~~
我好中意有人照顧囉~~哈哈!!~

臨尾個2堂係中文堂
我無無聊聊咁係度用鉛筆畫指甲
阿慧已經話我痴線架喇~~
唔知點解頭個堂中文堂好易咁就過左~~
跟住翠兒又叫我不如用塗改液畫~
好呀!! 塗改液囉~~
跟住我油完層塗改液上去隻手指尾覺得好似好單調咁~
咁咪用晒d無印筆畫野上去囉~!!
咦??又畫得幾令架喎~~
佢地話真係好似出面個d花指甲咁呀~!笑死~~
阿慧已經笑到傻左喇~!!

畫完手指甲見冇畫做
咪拎張學生證出黎玩囉~!!
又係係上面搽塗改液, 跟住係上面畫野~~
今次…我既髮型係… Hide ! !
粉紅色個個長punk頭!!
跟住畫畫黑埋隻眼, 再搽埋紫色唇膏~
搞~~~掂!!~~~
我好想同萍萍分享呢張Hide學生證喎~~
咁咪傳過隔離個2行
叫佢地幫手傳上第1個位俾阿萍囉~! (我坐第6行第5個,萍萍坐第3行第1個)
點知傳上去個陣個個都望左望
個個望完都係度大笑~!!
唔係呀…?~~唔好咁誇張啦~~唔係等間實俾人鬧!!~
終於傳到上去阿萍度喇~~
佢都笑到痴左線~!!
下…我主要唔係想愛黎搞笑, 係想俾佢睇下似唔似架咋喎~~
點知傳返落黎個陣竟然傳埋過第7,第8行…… =.="
再傳返落黎!!
全班都係度大笑喇~~
個個都話俾黃太睇下!
唔係卦…俾佢睇完實會鄙視我架!!~唔好呀!!
黃太仲伸埋隻手出黎問歡歡拎
好彩歡歡冇俾到佢咋~!! 抵錫~~~
張證終於返到返黎…
阿慧又拎左去遞俾第1,2行既人睇~!!
好喇喎~~成班都知咁話啦~~
好彩黃太又冇鬧我姐…GoOd~~~
不過我真係覺得畫得好似!!
最衰張相我帶左眼鏡啦~~如果唔係仲似呀~!!!

夜晚就去左邱邱屋企整野食~
唔~~~~一開始整菠蘿腸仔!!~
我同邱邱都唔識用把罐頭刀囉~~
鬼咩!! 我平時連罐頭都唔多掂啦!!~ 點會識用罐頭刀呀~~~
跟住我又切涼粉
哈哈!! 好得意呀!! 一粒粒咁~我最中意d一粒粒既野架喇~!!!
然後又卷壽司…散到嘔呀~!! 哈哈~~
d材料又唔夠, 事關d腸仔愛黎整埋菠蘿腸呀~~~
咁咪求求其其煎d滑蛋同拎d丸丸切粒咁pat埋落去囉!!~ 核核突突咁…
之後整飯團先核突呀!
~我都唔知自己整左舊咩出黎~~
包極都包唔實!! 算!!
我搵紫菜鋪住佢就算喇~!
理得佢散唔散Y~~自己食之嘛~~
今日都搞左幾好野
放學又買左好多零食!!~
正啦!! 好期待聽日呀~!!!

整到11點幾我地就返屋企喇~~
我地狂講埋d白痴野~
講到返尚德個陣又有2個青協既人走埋黎派卡片~~
又問我地Form幾, 仲話要自己估下~~
點知佢話我地F.4喎~!
下??!! 我地2個就俾左個 "下?!" 既反應佢~
點知另1個仲話 : " F.3呀? "
頂~~~你唔係呀化~~F.2好唔好~~~
我地額頭頓時多左幾條直間…直間…囉…
點知講講下先知原來其中1個女仔係我地之前見過架~!!
但係我同歡歡都唔記得囉…
要佢講我地先有返d印象!~
跟住我同個女仔(有d似TB)玩左個轉手既魔術
佢地又同我地玩咩菱形腳伸直可以維持企幾耐
咁我地就返屋企喇~~~
<*~我愛的Heath!~*>

>>January 18, 2004 at 8:32:25 AM GMT+8

2003 年 11 月 4 日 星期二 【晴】

今日上上下ENG堂Mr. Mok無啦啦行埋黎我呢頭~
咁我就好醒目咁即刻收埋d功課扮睇書啦!!
點知佢無啦啦嗌我個名喎~~ 乃…野…
唔係咁都睇到我聽緊歌呀…..?~~
我條線都收得幾密架喎~~~
點知原來佢話我有3份COMP都未交囉~~~
跟住仲問我 : " Do u want me to tell your class teacher? "
我嘰嘰鵝鵝咁話好…
唔唔通話唔好咩!!~
點知阿law好醒目咁插把咀埋黎問可唔可以去廁所~~
好野呀!!~ 阿law打救左我~!! 好多謝佢呀~~
跟住mok mok就叫我去完旅行交俾佢喇…..~~ 唔該晒!!
估唔到…今次衰左囉~~~算~~~

呀!!!~~~~~~~
尋日同歡歡係地鐵站個頭低b!!
我係度扮可愛轉黎轉去既事已經通左天喇~!!
點解會咁架........
去A班問華華借野個陣竟然俾人笑~!!
仲俾人蚊住左唔俾我走添~!!
唔好啦~~~大佬~~你放過我把啦~~~
我以前都唔敢咁低b喇~~~ (你估我會唔會?低b!)

夜晚去左邱邱屋企睇Hide隻DVD~~GOOD呀!!!
我同萍萍時不時都無啦啦企係度跳
好似真係係度睇緊concert咁~
仲開埋大食會添呀~!!!
等邱邱個細佬出左去還功課俾人個陣我地仲熄埋燈添~!!
個feel好正呀~!! 真係好中意hide囉…
佢真係低b架~!! 好Q~~
雖然佢食煙…同埋人都死左…
但係佢都會長存係我心中架~!!
Hide~ 我佩服你結他玩得咁勁!! 我好欣賞你~!!
跟住睇到10點倒就返屋企lu~~~

>>November 6, 2003 at 5:25:09 PM GMT+8

2003 年 11 月 3 日 星期一 【晴】

今日lunch好開心呀~!!!
同萍萍同埋歡歡一齊出去食
我唔要留係學校食杯麵呀~!!!
原本我地諗住去茵怡食車仔麵架~
但係因為太遠…
所以就去左食飛碟!!
正!! 我地3個都係食男學生餐呀~!! 好好味~~~

返到學校無啦啦同阿慧玩痴膠紙~
好似係我痴佢先架……哈哈!!~
我一野貼左d膠紙落隻手既背面(係有好多毛毛個度)
跟住好快咁mit甩張膠紙 !
哈哈哈!!~
佢拎住張膠紙係度問 : " 上面個d係咪我d毛黎架?? "
唔係呀~~唔係你既唔通我架咩!!~真係笑死我~~
跟住我又拎左支漿糊筆俾佢
自己就拎住支潤唇膏話大家一齊搽~
哈哈!~佢竟然好醒目咁話幫我搽呀~!!
跟住我地就係度玩玩玩玩玩喇~~
估唔到佢都會同我玩得咁癲囉……哈哈!!~

放學行過戲院
歡歡話估唔到《豪情》係3級片喎~~
我咪話陪佢去睇囉!!
跟係就開始講d白痴野~
佢話睇我個樣都唔似18歲啦~點入~
我就話我28歲都黎緊!
而歡歡就38歲~
仲鬧佢死老餅~~
跟住佢話如果佢係老餅咁我係咩呀~~
我就開始係度扮可愛啦~~
一路張開條校裙一路跳
仲一路唱住歌咁轉圈添~!! 懶優雅~~
正係我好開心咁扮緊可愛既時候竟然聽到後面有人嗌~
一望!! oh~no~~ 何少宏同oscar…??!~ 樣衰爆啦~!!
我仲岩岩同歡歡講完話 : " 如果俾熟人見到就樣衰爆囉… "
點知真係!!~
希望佢地睇唔到我白痴啦…..~~

返到屋企又係玩電腦啦~!!
dl左好多X既野~
跟住又練左陣結他同試下織頸巾啦~~
點知真係唔識織喎!!~
算啦~~慢慢黎~~~
跟住又執左陣d file~~
又繼續玩電腦喇~!!!
好似都幾無聊咁添~!! 哈哈~~
我仲有睇X既LIVE架~~!!

>>November 6, 2003 at 5:12:26 PM GMT+8

2003 年 11 月 2 日 星期日 【晴】

今日好黑仔囉........
7:50a.m先起身~
執埋書包就諗住飛單車返學校啦~~
所以8:05先出門口~
點知出到去先知原來部車爆左軩~!!
忽k~~~唔好玩啦~~~我會遲到架!!
點知周圍搵位泊又冇位喎~!
冇理由拎返上屋企架嘛~~
咪唯有是但擺住係1個角落度囉!!~
淨係鎖住自己部車咋…
都冇鎖落d欄杆度~
唔理喇!!~又要飛的返學喇……

放學個陣Fion問我去唔去醫院探斯諾
原來佢盲腸炎入左醫院割盲腸呀~~
好~咁咪去囉!~橫掂我都未去過以將軍澳醫院~~
之後佢地又話斯諾出左院
所以大家又話上佢屋企探佢喎~~
咁我地就約左係景林等啦~!
今次就有歡歡,我,包包,阿豆,周妍,阿雪,Fion同Amy~
我地買左一袋橙俾佢呀~!!
每人都係上面寫d野咁送俾佢
我寫左 "亞細" "早日康復!" 個d野~
仲畫左個核突令女公仔添呀~!! 哈哈~

上到斯諾屋企見到佢都幾健壯
應該冇咩大礙既, 係唔笑得囉 !
如果唔係個肚就會痛~
但係我地上到去都係講笑多架咋喎!!~
阿漢同阿law都係度
我地好似黎探飛飛多過似探斯諾~哈哈!!~
我地仲叫菲菲做阿姨
叫菲菲媽咪做菲姐添~!! 笑死~~

菲菲又係度講埋d真人真事既笑話~
話咩有個阿婆紮住個計去搭地鐵
點知俾度門夾住左個計
以為下個站開返度門冇事啦~
點知係對面車門開
所以佢就係咁夾左幾個站喇~~~

跟住又話有個好高既男仔著住打籃球個d波衫搭地鐵
咁佢就係扶上面個d扶手既~
有個女係就岩岩好去到佢隔拉底咁高
咁架車無啦啦剎車喎~!!
跟住就聽到個男仔係度大嗌~~
再望一望個女仔隻手
原來渣住一執毛……
哈哈哈!!~ 真係笑死我喇~!!~

講講下都7點幾喇~~
大家都係時候返屋企食飯喇~!
好啦 ! 咁我地走喇喇~~ 保重呀 ! !
跟住我就同歡歡2個去左厚德OK食飯喇~~
我地專登去個度食個d叮叮野囉~~
我就食叮肉醬意粉!! 正到爆~~~好開心呀~!!~
食完就返屋企喇~~
又玩電腦同埋寫返咁多日既日記
又搞到5點幾lu~~~
仍然係咩功課都未郁過………(汗")

>>November 4, 2003 at 10:02:21 AM GMT+8

2003 年 11 月 1 日 星期六 【晴】

今次係我第1次同d fd一齊返大陸呀~!!
估唔到第1次俾左萍萍…哈哈~!!
我地一路搭地鐵一路點下咁多個人d衫個d野~
再做返d統計~
點知去到調景嶺站個陣阿萍突然清一清醒問轉車未
我地先即刻衝返出去!!~
去到九龍塘個陣又係
我地聽到 "嘟嘟嘟嘟嘟" 個d聲先飛奔出地鐵~!!
一路上我地都懶係pro咁點下野, 度下野~
去到東門都差唔多1點喇~
所以我地就去食左野先~!
個度d野食真係好平囉!!~
嗌左1碟三絲炒米+多碟咖哩雞飯都係$22咋~!!!
好抵食~~而且又有冷氣嘆
仲有個地方俾我地執返好d圖樣添~!!
食完我地就去搵個間鋪頭喇~!!

頂~~佢早唔裝修遲唔裝修
搞到我地搵左一大輪先搵到間鋪 !
原來間鋪就係我地頭先上黎個條樓梯既前面
我地竟然轉左右~!! 玩野咩~~
跟住我地就拎晒d圖樣出黎逐張逐張講應該點整~
嘩…++埋埋差唔多要整20套野咁滯~!!
齋講個d圖樣同開單已經搞到6點幾喇~!!
又要講用邊種布同幾多布先岩~
跟住我地就以極速成搜羅d布啦~!!
搵左好耐…又要格價…又要講價…
我地臨返大陸之前真係要惡補下 " 如何在中國大陸講價" 呀~!!
我地買完一批拎唔到就返去擺低返d布, 跟住再去過~!
係咁係個度兜左好多個圈…
d人都認得我地喇~!!
個度好多鋪都收7點幾8點
我地搞到8點幾終於買晒d布喇應該 !
但係d鋪頭都閂晒咁滯囉…
跟住有個阿叔仲同我地講 : "又係你地2個呀??咁夜都仲未走既~"
哎呀~~~呢度d人都認得我地喇!!~
會唔會俾人掟入bad list架!!~
算啦算啦~唔好理喇~~~

返到去個姨姨仲同緊個HK黎既cosplay界人物傾整衫d野
所以我地就爭取時候跑左過對面馬路買野喇~!!
係真係跑到索晒氣囉 ! !
YeAh!!~我終於買到喇~!!
我好開心架喇~!!

我地買掂晒d布就係時候返去分布喇~!!
又要將d布慢慢分返開一套套衫, 又要分返顏色……
搞搞下已經10點幾喇~~
個姨姨問我地食左野食
我個陣先諗起~
咦??我地真係好似未食夜晚個餐喎……
我都唔記得左添~!!
但係我唔係好餓咋喎…奇怪喇~
可能我地有野做, 所以唔覺自己肚餓啦~~

我地搞埋d手尾終於走得喇!!~
唔駛再係個度吸塵!!
我真係覺得自己個肺入面好似多左d野囉……
咁我地就幫個姨姨收埋鋪, 鎖埋閘先一齊走~
點知個姨姨又唔記得拎手提出黎喎~!
又要入返去~~~
最後仲有3部手提一齊著光先睇到條鎖匙係邊囉~~
因為我地已經係最遲走個個喇~!!
周圍都已經熄晒燈…黑媽媽咁~~

出到去我地要同個姨姨say goodbye喇~
點知一講bye bye姐!
佢就即刻咬柴喇~!!!
OH ! NO～ 佢仲要拎住2大袋我地既布同單喎~!!
咁我地就送埋佢上門先走喇~~
個陣已經差唔多11點lu~~
咁我地行過見到街口個d小食咁平咪買黎食囉!
我地買左1盒章魚小丸子同2個沙雞包都係8蚊咋~!! 算抵啦~~
我地見到樣野飲叫 "藍色天使"
唔知係咩咪指住張poster問個樣係咩黎架囉~~
點知個職員答我地 : "…藍色天使囉~"
咁我都識睇字~~佢真係風趣喇~~
跟住我地就上路返香港喇@@

係九鐵度我地又做返d統計啦~~
寫返晒每人套衫整左幾多錢個d野, 再計返個total~
到搭地鐵個陣冇位坐喇
我地咪去d車卡駁位既地下度坐低囉~!
點知有個男仔跟我地一齊坐喎~!! 哈哈!!~
而我地就仍然好似好pro咁寫返整齊d野喇~!!
真係幾有系統下架~~~
所以今日個個阿姨讚我地話我地2個人搞到咁多套衫好叻女
我聽到真係幾開心架~!!
原來自己都幾勁架bor~~ YEAH ! ! 多謝晒~~~
不過講真今日真係幾好玩囉!! 都好開心~!!
但係我發覺原來我唔記得同佢講我個手袖要咩色囉............ =.="
算啦算啦~!! 佢會同我搞架喇~!!
整錯左咪算囉, 冇咩所謂啦~~
我最驚都係整左出黎唔岩 "死妹DaNcE" 成員既心水咋…
唔令希望佢地唔好怪我地啦…
有d布我地真係搵唔到呀, 而且都唔夠時間…
希望佢地唔好mind啦~~

我12:30a.m終於返到屋企喇~!
好豬服呀~~~~
但係仲繼續開電腦玩喎!~
玩到3點幾先訓呀~!!
咩功課都未做…
唔知點解我仲可以咁老定呢?? 哈哈!!~


>>November 4, 2003 at 10:03:48 AM GMT+8

2003 年 10 月 31 日 星期五 【晴】

今朝有少少頭痛呀……
所以好遲先去shadow~~
去到我都係跳左1次Do it! Now咋~~
冇心情跳呀......又累又唔豬服.......

跟住我就同Yuki佢地一齊去旺角食沙嗲王~
之後就去左信和買野喇~
其實我真係想X-Japan既野架~!!
但係搵唔到囉……
我想買相多d !!~
所以我都買左2張北村悠既相呀~!! 好型~!! 哈哈!~ >0<
點知撞返mimi佢地喎…
唔知佢地會唔會以為我地講大話呃佢地話要走先呢??
但係我真係要趕返TKO架喎.....
算啦…我自己唔係呃佢地咪得囉~!

跟住我就趕返港澳跳舞喇~~~
我真係好累囉……跳左成日舞.......
點知去到原來大家都大碟跳Do it! Now喎~!!
OH ! 就咁side左d時間喇…
等到7點中倒就話返去食飯先
8點再燒過隻碟出黎去自修室個度跳~~
所以我地就去左JUSCO買野食喇~~
我兜左3次都見唔到阿堅囉…
唔通佢冇返工?!
搞錯呀~~ 一搵佢佢就唔返工~~~

食完之後就去跳舞喇!!~
今日跳得好好架喇都~!!
d走位清楚左好多~~~ 又齊人喎 ! !
仲吸引左好多觀眾添!!~
有2個男仔專登企埋黎睇添呀~!!
你睇我地幾勁!!~ 哈哈!~~
之後就傾埋畫埋d衫要點整
咁第2日我就同萍萍一齊去深圳既東門買布整衫喇!!~

>>November 3, 2003 at 6:01:02 PM GMT+8

2003 年 10 月 30 日 星期四 【晴】

尋晚彈結他彈到勁夜…
咩都未做過添~!!
又要趕返sch抄功課喇~~
今日我好叻喎!!~
用左2堂既時候就K.O左份HIST喇~!!
我今次係暑假以黎第1次交HIST功課咋!!~
希望以後我都可以交齊d功課啦~~~~

小息我地就一齊幫阿斌同阿漢慶祝生日~~
我地叫左佢地出黎
跟住拎左2個自製既蛋糕出黎送俾佢地呀~!!
當然我冇份整啦…如果唔係佢地都唔知有冇命過下年既生日呀~! 哈哈~~
跟住就唱生日歌
點知唱唱下唔知應該to阿斌定阿漢喎~~
跟住大家笑左一陣就learth過左個1句喇~!! 哈哈!~
咁已經引來好多人既注視啦~~~
望一望後面真係嚇死我!!
唔講仲以為呢度開演唱會添呀~!!
阿斌阿漢~~~ 生日快樂 ! ! !

lunch就同萍萍出左去食飯~
我地2個狂傾X-Japan囉!!~
YEAH ! ! 我搵到知音人喇~!!!
跟住仲撞到阿雪同Amy~~
我地4個人一齊食飯都係第1次!!~
好過癮囉~~~ 一齊係度鬧個死廢潘 ! !
死屎啦~!!! 叫我地自己拎$300出黎俾行政費用
駛屁咁早收咩!
係佢自己驚要咩鑊之嘛~~~
仲要叫我地自己問人借?!
大佬~用下你個腦啦~!!
邊個會埋$600返學呀~!!!
又唔見你幫我地出住先~~
我唔信堂堂1個老師冇帶幾百蚊出街呀~!!~
頂~~~我地真係愈講愈慶呀~!!

放學同歡歡去揀禮物
預備今晚既萬聖節交換禮物活動 !
我就買左支可以射子彈既槍
歡歡就買左支水槍做禮物~
咁我地就拎埋d野返跆拳喇~~~
之後過左去小童搵邱邱佢地
我同歡歡拎住d槍玩 !
好搞笑呀~~我去到個度對住許佩開左一槍!
嚇到佢呆左~~笑死~~
跟住有個男仔又幫手捉住Ever
歡歡又對住佢開槍囉~~即刻濕晒…
就係咁…成個圖書館俾我地整嘈晒喇~!

之後我同歡歡就約左Z係寶林MTR等啦~
仲埋伏左攻擊佢 !
YES!! 成功~~
點知歡歡俾佢呃左支水槍走囉!!~
我乃野喇…俾佢射到好似岩岩沖完涼咁...!!~
搞錯呀~!!! 射我唔射歡歡!!~
大細超咁話啦下嘛~~~
跟住我地就返過去德澤樓個度join Flora佢地開萬聖節party!~
今日有我,歡歡,華華,+欣,Z,呆康同傑傑!!~
去到OK竟然撞曾忠,阿斌佢地喎~~哈哈!~
早知唔包個2支槍住
咁咪可以射埋佢地先囉!!~

去到我地就玩猜禮物啦~~
我地是但擺1份野係地下
跟住猜包剪鎚!輸左個個就拎地下個份禮物~~
我就拎左Z個份岩岩係OK買既筮婆糖糖棒囉~~
而我個支4粒裝子彈槍就槍左入劉+欣手中!!
我地幾個女仔每抽完一樣野就攬住咁轉圈
仲一路跳一路好大聲咁YeAh~~
點知有人掟雞蛋落黎囉!!~ 好恐怖……
係我地正想走之際
今次淋多盆水落黎添呀~!!
駛唔駛呀……走囉……

跟住我地就搬左去噴水池度玩~~
傑傑要陪女朋友仔話要走先喎~~
咁我地玩左陣就坐低開餐食薯片啦~~
咦?有個警察哥哥行埋黎話 : "頭先有人投訴樓下有人好嘈,係唔係你地呀?我希望唔係你地啦~"
跟住我地就話 : " 唔係~冇呀~~我地岩岩到之嘛~~~"
哈哈哈!!~ 唔知個咁精明既警察哥哥信唔信呢???
信唔信都好啦…拉我Y笨~~XP

跟住無啦啦有2個細路行過黎喎~~
仲開始攻擊我地, 向我地掟紙飛機同紙團~!!
好!! 我係時候還擊喇!!~
點知我俾佢地追返轉頭囉~!!!
就係咁…我就跑左厚德1個圈喇........ =.=||
好彩都冇跑輸俾班細路姐~!
兜返返黎之後就真係到我進攻喇!!~
我地係咁搵d紙團黎掟
追佢地都追到我索晒氣~~
我仲望到d路人望住我地笑…
唔知笑班細路…定係笑我呢……(汗")
掟完之後條街……真係令到嘔!!~
計計埋埋地下d廢紙起碼值2萬幾蚊呀~!!
超~~~~咪又係自己執返~~~~好彩有歡歡支援我姐!!~

玩完之後就到我地自己既槍之大戰!!~
我既武器就係支子彈槍!! 仲有歡歡做助手 !
而對手Z同呆康就夾份用支水槍!!
但係d海棉子彈又點夠水槍射程咁遠呢~~
所以我一直都處於下鋒.....
濕係好似游完水咁囉~~
唔緊要 ! ! 我支槍都好有用既~!!
點知射射下d子彈俾對手執晒囉…
咁我射咩???
到到搶返晒d子彈之後又再戰鬥~
點知我射左粒子彈落個噴水池度囉~!!
好彩冇水姐~!!
咁我就懶英勇咁諗住跳落去執返粒子彈啦~!
咁我就揀左個好似井咁既位置跳落去!
點知跳到一半個陣先望清楚
咦!?點解個度好似係木板黎既?!?~大煲粥喇!!~~~~
落地!~ "膨" 一聲 !
佢地話我係度慘叫喎......
即係 " 呀~~~~~~~ " 咁卦....
我唔記得喇~~~
我都唔敢郁啦~~
個2塊木板移開左少少
我見到入面係層好符既鐵絲網黎架囉~~~
下面有個窿.......好黑...好黑...黑到唔知佢會有幾深!!~
如果我跌左落去
我諗真係係咁先架喇~~~好險……好彩都冇事!!~
而家諗返起都覺得自己好勇囉~~
因為我個陣真係諗都冇諗就跳左落去喇!!~
但係1個勇字……就俾佢地班死野笑左好耐……
而家又有d後悔跳左落去添~!!!

就係咁玩到點幾中我地就歸家去喇~~~
好彩…今日都冇通頂…
但係我好鬼頭痛囉!!
唔知點解呢~~~
可能…唔夠訓卦!!~哈哈!~唔知呢~~~
但係我聽日仲要跳舞喎……
算啦~!! 唔好理喇~ 訓左先算!!~


>>November 4, 2003 at 1:27:43 PM GMT+8

2003 年 10 月 29 日 星期三 【晴】

今日又係我聽歌既時候喇!!~
冇錯~~ 又係X-Japan!!~ 我聽唔厭架喎~~
今日超勁啦~!!
聽住歌咁返學校, 一路上堂一路聽
聽到放學都冇人發覺到呀~!!~
如果唔係我講佢地都唔知囉~~哈哈!~
覺得自己好成功咁添~!!

今日阿萍唔記得帶o太就返左學校~
所以我地lunch又無無聊聊咁係度映左輯 "冇o太相"
仲白痴到拎左部相機入女廁映個廁所添~!!
哈哈!!~但係好好玩喎~~~


返到屋企第1件事就開電腦彈結他!!~ 好好玩呀~!!
我練Longing已經練左幾日架喇!!~
一彈就彈到2點幾先訓覺~!!
ICQ都冇乜點玩呀~~~
彈到隻手指超痛囉!!
但係都算練左好多架喇……
鼓掌~~~~~ 啪啪啪 ! !
不過而家隻手指輕輕掂一掂都好痛囉….......
唔緊要啦~!!
為左彈好d電結他, 為左X-Japan!!~
我要練好佢~!!! ＊必勝！＊

>>January 18, 2004 at 8:33:56 AM GMT+8

2003 年 10 月 28 日 星期二 【晴】

今日我帶左MD返學校呀~~~
Econ堂超正
一路上堂一路聽X-Japan d歌~!!
佢都唔知架啦~~
我又收得咁埋
佢邊度睇到Y~~~
我將條線兜過自己個身跟住係後面條領度伸返條線出黎
再兜返上隻耳仔既上面
真係好似特工咁囉~~哈!~
聽左2堂我好滿足架喇~~

跟住lunch同歡歡出去食飯~
萍萍同邱邱都唔出喎,咁咪得我地2個出囉~~
家買左個包再搭多個雙層芝士孖寶就返sch喇~~

之後P.E堂考攬球~
我地練左陣之後就要考喇~~
鬼叫我係1號咩………=.="
歡歡做我partner都不錯
冇跌過個攬球落地下~
因為如果跌左個波要扣5分Y嘛~~
跟住我就做阿萍partner
佢一開波就拋個波俾我!~
唔可以話拋, 係pat個波俾我!!~
嘩~~我點接呀…訓低都接唔到啦~!!
就係咁……個波跌左落地下~
點知佢竟然大大聲咁嗌 : " 我冇左5分喇~~~~ "
哈哈哈!!~即刻爆笑啦~!!
跟住我地冇理到miss俾唔俾就自己黎多次~
呀~~~我跑前左定係佢掟後左呢??
個波係我隻手度 "朗" 左 "朗" 又係跌左落地下~!
但係今次佢冇大嗌喇~~淨係係度笑~
而我一接唔到就已經即刻笑到坐左係地下, 起唔返身~~
好! ! miss話黎多次~
今次得喇!!~
之後我仲聽到後面有好多歡呼聲同掌聲囉!!~

補完課我就趕返屋企
因為約左人5:15學結他呀~!!
去個陣拎住個結他, 真係覺得自己好型呀~!!!~ ^0^
去到一開始佢都係教我彈court個d野~~
睇黎有排練喇我....
經此一役之後
我真係好想快d買電結他囉!!~
仲要買埋條結他帶~~
又要用多筆喇……

>>November 1, 2003 at 1:17:32 AM GMT+8