2003 年 11 月 26 日 星期三 【晴】

sch今年又出言之集喇……
今次竟然有flora首詩係入面!!
題目係.........."愛" 呀~! 哈哈~~
寫咩"我是蘋果,你是牛頓,所以你愛我~"
真係笑鬼死~~~
之後行過佢班房, 聽到佢地成班都大大聲讀緊呢篇野
哈哈~~佢一日成名啦~~
見到佢俾人笑到塊面紅晒~~
抵死啦, 邊個叫佢作埋d咁既野~哈哈!~
放學我仲同歡歡係度玩朗誦
以不同語言去演繹佢篇 "愛"
雖然好無聊.....
但係真係好好笑喎~!!

>>December 1, 2003 at 1:08:53 PM GMT+8

2003 年 11 月 25 日 星期二 【晴】

訓到12點幾呀...尋日真係好累....
跟住同歡同埋抄屎去食pizza hut
呵呵~~ 有人請喎~!!
好耐冇食過喇~
個夏威夷風味pizza真係好味 ! !
跟住就去左買結他線喇
返到home又換線~~
今次要拆埋後面塊野出黎先換到添~! 勁呀!

下午練左好耐stayaway既結他~
不過係練hyde唱個d音囉…
唔係真正既結他手彈個d~~ 實在太難喇!!
我已經跟到hyde唱個d喇~~ 好野~!!
跟住又search hide同x既網睇歌詞
好多都係得中文同羅馬拼音架咋…
我想要日文多d~~ 我想試下跟住黎唱呀~~~

night落歡home諗住一齊做下功課~
但係佢岩岩買左digital camera喎~!!
哈哈~~玩下先~~~
咁我地就一齊映左d低b相喇, 好搞笑~~
又扮超人又做埋d低能動作~
不過都係for自己睇架姐~~~
玩到好夜冇做hw乜滯呀…
淨係做左月記咋~~
聽日都係要返去抄架喇~~~

跟住返返上屋企玩icq又寫下日記
搞到4點3..........好多hw未做呀~
唉!! 唔理喇~ 聽日先算啦~~

>>December 1, 2003 at 1:26:46 PM GMT+8

2003 年 11 月 24 日 星期一 【晴】

今日我&歡歡2個都唔知醒
7點3先識起身呀~!!
遲左落去搭車…
好彩都趕到之後個班車~~
仲撞到阿萍添~!

今朝一起身把聲已經沙晒…
但係我去到仲幫綠社嗌+油努力個d呀~!!
我冇野做Y嘛… d比賽尋日比晒喇~
而且…為左綠社我真係唔mind犧牲我把聲囉~~講到好偉大咁添~!哈哈!~
最後1年喇…我點都要為綠社盡d力~~
嗌嗌下我地綠社又好似上年咁同藍社鬧嗌 : "綠社最強~~" "藍社無敵~~" 個d野~
真係超有氣氛呀~!!
我都玩得好開心
因為今次都係有肥man係度同我一齊玩~~
後尾黃紅社又跟住鬧嗌
點知俾miss紹話呀~~~
好彩我地已經即時停左
黃社同藍社仲俾人嗌停添~~哈哈!~
我同阿廖2個聽到之後就即刻坐低扮冇野~~呵呵~幾醒!!
冇俾人鬧喇~~

冇耐我又去左紅社度出賣綠社喇…
竟然幫紅社手fing旗…
不過之後我都有幫綠社fing旗架~!!!
我已經好落力咁fing啦~~
點知俾ivan叫我專心d添~!!
因為我捲晒旗呀…哈哈!~
不過好好玩~~我仲差d fing到副校添~!
係就大劑喇~~~綠社死梗!!

臨到last個陣撞到miss鄭
同佢傾左陣呀~~
覺得佢最好, 咁多個老師我仍然最中意係佢呀~!
因為我覺得佢真係好錫我…
我咪同佢講我地X'mas party跳舞個d野囉~~
佢仲叫我地跳好d舞, 又問我地表演d衫係點~~
哈哈!~真係好好人呀~~
我諗佢可能當我係女咁架喇…仲叫我努力讀書~~
同佢傾完我都好想留返係官中度添~!
我唔想miss鄭失望呀…
同埋再為DaNcE cLuB做返d野呀…..~!!!

好喇~~到頒獎既時候喇~~
4x400我地拎季軍喎……
咁多年黎我第1次上呢個臺囉獎架咋~!!好開心添~!
仲有映到相添架~~真係唔想落返黎!!
今次sport day幾好Y~~
我好似咩都試齊晒咁~
又同萍拖住手過終點啦~
又入8強啦~
又比比下賽走左人啦~
又上臺囉獎啦~
夠架喇…就算我真係升唔到我都試夠架喇~~

最後落去列隊啦~
我同廖負責拎綠社社章個支旗, 支旗勁食風呀~!
差d連我地2個都吹走埋~哈哈!!~
我就自己係度諗我地俾風吹走左個情況所以係咁笑
仲俾miss lau話添~!
!點知後尾我地社拎左個個 "團體合作獎" 喎~~
我地就係運動場嗌 : "邊個社最強呀?"
看台既社員同啦啦隊就嗌 : "綠社!"
跟住我地再嗌 : "邊個社最勁呀?"
佢地又答 : "綠社!"
wow~~好開心喎~!!!
我地付出既努力真係冇白費到 ! !
之後我地仲出左去頒獎台度拎獎添~!!
今次又係我第1次臨尾出去囉獎架, 又係好開心喇~!!
仲映埋相, 呢樣野都試埋!! 正啦~~
last行左運動場1個圈
我要好好享受一下喇~~
今次可能係最後一次用呢間sch既名義參加既sport day…
有d唔捨得咁啦~~
但係又講唔出有咩感受既~~…

sport day完左之後我地就去食車仔面
跟住就同左阿萍出太子買相喇~~
但係間野原來執左囉……=.=……白行一趟添~!
唔緊要啦…都唔算太辛苦既…係好累囉…
呢2日我真係就死架喇~!!!
跟住陪阿萍行多陣信和我就go home喇~~
但係仲走去玩電腦喎!!
但係都算好早就訓左lu~~因為真係太累...!

>>November 30, 2003 at 5:55:03 PM GMT+8

2003 年 11 月 23 日 星期日 【晴】

今日係sport days既第1日呀~!!
我落到樓下先知原來唔記得著波鞋出黎
好彩…我即刻上返屋企換鞋
如果唔係等陣就要著住返學鞋跑喇~ 哈哈!~
我同歡歡一齊等lift個陣見到oscar係部lift入面
部lift滿晒囉…
歡歡即刻大嗌 : " 劉展揚你同我出黎! "
哈哈~~佢梗係唔會出黎俾我地入啦~~貪過癮咩~~~
跟住我地就落去搶792M去西貢運動場lu~~
係部車度見到好多人囉
9成9都係我地將官d學生~!! 好型呀~~哈哈!~

去到綠社冇晒位lu~~
迫住我背社去紅社度搵位~
冇耐聽到話邱邱搭個架的士爆玻璃呀~!!
我都幾擔心佢囉…
不過好彩佢之後都冇事…
原來個細口好細好細姐~~
跟住點名個陣何副校講野, 無啦啦講到楊利偉~
佢唔知點解講左楊偉利囉!!~
全部人都係度笑…真係好好笑架~!!

跟住我就換衫去推鉛球喇~~
萍萍又同我講話女子甲組400米得決賽, 所以今日唔駛跑~~
點知我係推鉛球個面同肥man,肥陳,歡歡玩緊個陣竟然聽到 "而家即將進行既係女子甲組400米既賽事"
下!?!?~唔係呀化~~又話聽日先跑既?!?
肥man佢地就叫我拿拿臨試擲左1次之後去召集處度報到啦~~
跑到過去我就搵埋萍萍同澤蘭去召集處
原來個個都唔知要比賽囉~~
個司儀仲要講錯野…真係俾佢玩死!

400米開始喇~~
我跑第2線,萍萍第3線~
由於我地2個都冇諗住嬴, 所以連釘鞋都冇換~
一開始我地就起勢咁跑
跑到200米個陣我追平左萍萍就開始放慢黎跑
因為我地之前約好左臨尾要一齊跑, 仲要拖住手咁衝過終點~!
拖住黎跑原來辛苦好多架…
不過我都頂埋佢~!!
好多人為我地+油呀~!!
我聽到好多人都嗌 : " 嘩~~拖手呀~~跑埋佢啦~ " 咁個d野~
好開心呀~!!估唔到有咁多人為我地打氣架囉…
都估唔到會有咁多人留意到我地~~
但係我地竟然唔係包尾喎!!
我竟然跑第5,萍萍跑第6~~

跑完我返過去推鉛球啦~
今次返黎水準下降呀…可能跑完冇力…
不過都入到決賽喎~!!
仲拎左個第8返黎添~!! (即係決賽包尾啦)
跟住我就同肥man,包包,歡歡幾個白痴玩核突pose喇~
不停同跑緊既人+油
哈~我玩到次次都唔知輪到到自己擲
次次都要人叫我擲~
我就黎俾人鬧架喇~哈哈~

lunch之後去左擲鐵餅
頭2次都foul左~
之後miss lau行過黎話我同萍冇攝衫, 叫我地唔好擲喎~~
咁我地就真係好型咁走左唔擲
婷婷佢地叫我地都唔返去呀~!
梗係啦~ 我都想走好耐喇~
個度又咁曬
橫掂我都冇諗住拎獎架啦~~~

最後跑4x400m喇~!!
好驚呀…我跑第2棒要cut線呀~
頭先就話可以玩, 但係今次代表綠社, 唔可以佗衰家架~!!
第1棒余淑慧跑跑最後呀
我一接到棒就起勢咁追
都追左好多喇算~~
但係仲未過到藍社…好飲恨添~!!
今次超辛苦呀…
唔知點解今次好難受…可能之前累得滯啦~~~
但係我最後100m都盡晒力咁跑
隻腳都已經好似唔係自己既咁喇~~
一跑完我就跌左落地下
但係我之後都起身幫阿廖同張惠雯打氣~
因為呢d先係跑緊個個人既動力呀!!
所以我一定要支持佢地~!!
終於...我地綠社拎到第3呀~!!好野!!!
今次終於有牌拎喇~!!!

之後去左扮工作人員幫手計時
我同歡坐左係個計時台度好好玩呀~~
個個舉高晒手計時
我同歡連個計時器都冇 (梗係!我地黎運吉架之嘛!)
咁我就借左何+個工作證扮計時器
一齊舉高埋雙手~
哈哈!~冇人發現呀~~~
之後上左去個台最高個層級仔
好正呀~~!好似我最高咁囉~~

今日係運動場勁唔見野呀~!!
又唔見P.E.衫…又唔見銀包…仲有大把野唔見 !
真係嚇餐慒 !
件衫仲要唔係我架添~!
好彩最後差唔多樣樣都搵得返~!!
我發覺而家愈黎愈冇記性喇~~
唔通我有老人癡呆症?!
Oh~~~Don't do that~~~

返TKO個陣係車度訓得好豬服…
佢地落晒車之後我同歡歡仲攤埋係車尾度訓添~!
冇人望到就得啦........
返到home繼續玩電腦
但係10點倒就頂唔順訓著左喇~~
好眼訓好累好辛苦~!!
我點都要休息下架喇~~~

>>November 29, 2003 at 12:22:15 AM GMT+8

2003 年 11 月 22 日 星期六 【雷雨】

今日原本約左萍萍10點中架~~
點知唔知醒 ! 一起身已經10點半~
跟住即刻打俾萍萍啦~!
原來佢都訓緊…好彩…
跟住我地冇耐就去左厚德計返掂d數~
然後搵埋阿青, 3個人拖住個旅行箱go去東門拎返跳舞d衫衫喇~~~

去到見到阿青個阿哥
佢帶左我地去食KFC囉~~
不過我地係唔會要阿青哥哥請架!!
估唔到東門既KFC啦咁鬼平!!
$14就食到個墨西哥卷+汽水+朱古力新地~~
食完我地就出發布市場喇~~
去到先發覺原來我唔記得有單呀~!!!
大煲喇大煲喇~~好彩老板娘有留底姐!!
咁我地點齊晒咁多件衫就走人喇~~
估唔到已經6:00囉…
不過見仲有早, 我地就去左個度既超級市場行~~
個度d野真係好平囉~!!
我買左好多野都係十幾蚊咋~~~
我終於明白點解d師奶要北上消費喇~~~哈哈!

之後我地就搭車返HK同花花慶祝生日~
我地就冇出到銅鑼灣呀, 直接返左TKO等花花佢地~~
返到厚德之後我地就同阿青講bye bye~
跟住去左德澤樓附近個公園度諗住坐低抖下食下野~
點知個度有班細路係度掟石仔!!~
呀~~我唔想咁早就死於非命喎!
跟住兜左去另1邊啦~~
又有d飛仔係度嗌~
容乜易佢地嗌嗌下俾人掟雞蛋掟中我地架~!!
咪喇~~都係走先!!~
我今日先知原來厚德係咁危機架…
不過好彩…班細路玩左陣就走左~
我地終於可以攤抖下喇!!!
我地一路食頭先買返黎個d野一路周街試我地自己整個d衫~
哈哈!~當街換衫我都係第1次
好彩我係就咁笠落去架姐!!
如果唔係分分鐘嚇走晒厚德d街坊呀~!!!

之後我地等到girls佢地出現喇~!!
嚇完佢地之後我地就係度傾計
傾左陣班男仔就到左喇~~
其實都唔知佢地黎黎做乜…都係各有各咁傾計~
跟住我地就坐低左繼續傾, 班男仔就走先~~ 再見~~~
我地自己係度傾…傾到11點幾我唔係好頂得順喇~~
我根本就唔夠訓!!
好累呀…對腳行左成日累到死左!!
個膊頭又揹左好耐重野…好鬼痛呀~~~
聽日仲係sport day, 我仲參加左鬼死咁多野添架~~
要跑添呀…點死好??
所以我地12點倒就返屋企喇…
返到屋企即刻死左係度 !

>>November 26, 2003 at 7:41:09 PM GMT+8

2003 年 11 月 21 日 星期五 【晴】

今日遲起身...
急急腳咁趕左出上環交收
之後就係金鐘join埋阿萍一齊返將軍澳
再係厚德OK join歡歡一齊返團契~

今日又係合團, 唱左好耐詩呀~~
之後有個叫司徙既人出黎做見證, 佢做police架喎~~
話佢唔知咩撞車斷左條頸骨個d野
話好彩有神幫佢~~
佢講野都幾好笑囉
有個細路仲搞笑~!!
成日係度問問題同駁佢, 真係笑死我地~~
不過聽完之後真係好感受到神係實實在在咁存在囉~~~

之後大面出去講左個癌病兒童既野俾我地知
個個細路係佢鄰居, 病情開始惡化喎… 應該冇得救…
咁個細路尋日無啦啦話想玩大富翁
大面就即刻幫佢周圍搵
但係都搵唔到, 搵到都好貴買唔起…
跟住搞左一大輪終於俾人搵到個人可以買俾個細路…
大面終於可以同個細路一齊體會到神蹟喇~
我聽到呢度真係好感動呀~!!!
覺得大面好好人!!
呢d先叫做基督徒呀~!!
所以我都好落力咁幫個細路祈禱
希望佢可以平安無事保存到佢既性命啦~~~

聽完之後就要社Christmas報佳音練詩喇~
原本我唱唔到高音架, 要好勉強先唱到…
鬼叫自己成日大嗌咩~!!
而家可能講都唔信我以前係choir既高音部呀~~ 唉……
不過之後神俾勇氣我大大聲咁唱出黎
我唱得大聲左呀~~是但啦~~唔好理~
真係好感謝主!!!
冇俾我係咁多人面前走音呀~~哈哈!~

好喇!~練完詩就練舞喇~~
今日改左din個ending呀~~GoOd~~
執晒成隻舞, 應該出得黎見人架喇~~~
練到9點幾就散band喇~~
同暴暴一齊返屋企個陣行過個欄杆
見到有個嬸嬸抱住個細路係條欄杆度
我地爬左過去之後仲見佢企係度唔郁喎~~
諗落好似有d唔妥, 咁我就行返過去問佢駛唔駛幫手啦~~
原來佢唔夠力抱個細路過去呀
我都懷疑緊佢想抱個細路過去架喇~~哈哈!~
咁我就懶勁咁伸出上帝之手(傻啦)去抱個細路過黎啦~~
哈哈!!~幫到人真係好開心呀~!!
基督徒……我地要努力呀~!!
一齊發揚神既道啦~!!

之後返到屋企又係玩電腦
玩到5點先識訓覺~~
死啦…聽朝仲要返大6添~!!
希望神會保守我啦……

>>November 26, 2003 at 6:43:29 PM GMT+8

2003 年 11 月 20 日 星期四 【晴】

今日係便服日呀~!!!
朝早起身就換左件綠色長袖搭多年白色短袖返學~~
白短袖+深色長袖就係我地班便服日既主題喇~!!!
落到樓下, 原來歡歡又係綠色長袖囉~~ 真係橋!!
返到去我地班個個女仔都紮晒噴水池頭, 好Q喎~~ 哈哈哈!!
仲帶埋頭帶添~! 型到爆啦~~~
點知後尾miss開咪話唔可以帶頭巾喎…… 搞錯呀~~

小息個陣就成班圍埋映相
映映下我同萍萍仲帶埋假髮玩添~!!
我係白色長髮, 而萍萍就黃色短髮~~
我地仲著埋cosplay個d高中生校服係度玩
出左走廊映相仲引來一大班人圍觀添~!!
我地個假髮look同日本高中生look好似幾搶鏡咁bor~~~
hist堂我地仲係度映緊相
難得miss lai又俾我地繼續玩落去喎~!!
梗係繼續映相啦~~~
miss lai都著左件斗蓬黎映相~~ 好好玩呀~!!~
係咁映相映左成堂
仲嘈到要閂實晒d門窗, 驚嘈到隔離班添~!!

<*~想當年我地係尚德6少虎架....最衰Osacr唔爭氣~!!>

Lunch個陣我同萍萍同埋歡歡出左去食飯~
3個人好悠閒咁去晒相
之後去完百佳食野仲去埋OK買雪糕食~
去到隧道上緊樓梯個陣我仲拎起個雪糕係度鬥令添~!!
點知我地3個一遞起手上面既雪糕黎睇就傳來一陣打中聲喇~~
我同萍萍仲冇乜反應喎~~
因為我地2個都冇諗過就黎2點, 所以先至慢慢行~~
得歡歡1個最有危險感
第1個話打中喇~!!!
跟住我地先醒覺, 起勢咁跑返學校~~
仲一路跑一路笑…
實在太樣衰喇~~~

放學我就去拎電結他~
好野!! 終於可以試下玩電結他喇~!!
真係唔該晒阿漢~~~~
所以我專登買左包m&m請佢食~~
夜少少就再去阿斌度拎個Amp
佢都好好人呀~!!!
又肯借野俾我仲幫我拎埋…
所以我都請佢食左粒糖!!
哈哈~~因為唔記得買朱古力呀~~
不過佢話佢唔食朱古力架~~哈哈!~
好彩冇買到~~~

>>January 18, 2004 at 8:30:24 AM GMT+8

2003 年 11 月 19 日 星期三 【暴雨】

今日老媽子大人生日呀~!!!
所以我上堂就係咁織…係咁織條頸巾~
但係織到放學我都仲未織完!!
本身仲諗住唔織晒唔返屋企!!
點知諗諗下原來自己唔識收針…
算~~送左俾佢之後叫佢幫我收囉~~哈哈!!~
咁我放學就去買左個懶係蛋糕咁既芒果班戟俾佢啦~!
返到屋企佢煮緊飯, 我就拎入廚房係佢對眼面前 "登登登登" ~~
仲講左句 "生日快樂~!!! "
跟住佢諗左一陣話 : " 今日我生日咩?? "
哎呀!!~佢唔記得左呀原來~~一早估到佢啦~~
佢仲話叫我提佢, 跟住買個蛋糕仔返黎屋企食添~!!
咁我就話我落去買啦, 佢又話唔駛~~
所以我地就留左係屋企嘆左餐好溫馨既飯同擦埋個班戟喇~~

跟住歡歡send左佢小學同學唱既 "回到過去" 俾我聽~
哈哈!!~笑到我爆肚呀~!!
假音變走音, 真係頂佢唔順!!
我阿媽一聽到竟然係廚房走出黎問係咪我把聲…嚇得我…
跟住我問佢聽完有咩感想~
佢話以為個個人傻架喎~!!
我阿媽都咁講, 估都估到係咩level啦~~~
跟住我同歡歡周圍send俾人
個個聽到都係度笑~~
唉.....點解佢唱到咁都敢send俾人聽架………(汗")

>>November 22, 2003 at 8:29:09 PM GMT+8

2003 年 11 月 18 日 星期二 【晴】

今日淨係上一堂P.E堂咋~!! 好野~~~
因為miss要帶隊
所以跑完圈就俾我地自由活動, 練下sport days個d野~
肥man就叫我一齊練鐵餅~
我地一路練一路嗌 : " 楊利偉賜我力量~~~ "
嗌完真係掟得遠左喎!!~
有太空人支持果然可以擲得高d~!!
練練下萍萍又走左過黎
跟住我又同佢展開一場惡鬥喇~!!
我係咁用d膠圈掟佢, 佢反應實在太慢喇~~~
2次都俾我掟中左! 哈哈哈!!~
我地玩左好耐, 將d膠圈掟黎掟去, 實在太好玩喇~!!
就係咁玩左我地成堂~~

跟住P.A補課超搞笑~
廢潘又話俾時間我地傾便服日d野喎~~
傾傾下又講左班徵
成班都話以R&P Company黎做主題囉~~
門面意思就係Pesponsible & Pleasurable
內裡既意思其實係Rubbish & Poon呀~!!
個logo仲要有個recycle標誌
岩晒用黎形容廢潘啦~!!
跟住廢潘話要擦黑板, 仲話個R&P在心中喎~~
哈哈哈!!~我地不嬲都 "在心中" 架啦~~
全班都知, 係得佢1個唔知針嘛!~
個陣真係全班掩住半邊咀係度笑囉…
我又再1次體會到我地班係幾咁團結架喇~!

>>November 22, 2003 at 8:26:30 PM GMT+8

2003 年 11 月 17 日 星期一 【暴雨】

今日我又起勢咁抄功課
真係超驚抄唔晒囉~~
大佬, miss胡寶寶呀~~
好彩抄得晒姐~!!
跟住仲拎左好多堂出黎織頸巾添~!!
好叻呀~~已經織左好長喇(我覺得姐~~)都算ok令~~哈哈!!

放學同歡歡一齊返屋企~
行過張沛松隔離個間小學見到門口有張大banner
係講個d咩待人禮儀個d野~
跟住我地就企左係人地門口玩扮朗誦喇~!
歡歡讀1句, 我就跟住個句野黎做動作~
我記得幾句架~~
咩見到老師說聲好,又唔知咩say hello,仲有咩愛環境,香港好,唔知咩咩做得到~!!
哈哈哈~~真係好搞笑呀~~
我地玩左一輪之後望下旁邊
原來有一大班人行緊過黎囉~~
太樣衰喇.......算 ! 我地走 !

夜晚又去左跑步
去左寶康個度跑左2個圈囉~
哈哈!~跑左陣就唔想跑喇~~
跟住慢慢行返屋企~
返到去練左陣chord啦~~
仲有練下d手指既指法
難難地啦~~不過我都仲好中意結他!!~
但係…我d手指真係起左枕呀…………T^T……嗚嗚...........

>>November 22, 2003 at 8:23:10 PM GMT+8