2003 年 12 月 6 日 星期六 【晴】

今日訓到11點都唔捨得起身呀…
冇耐就返返上屋企彈Endless Rain~
講真…我好耐都未試過咁認真練琴喇…
平時頂多都係耐唔耐彈幾首歌, 彈一陣又唔彈咁~
而家彈彈下… 又好似幾中意練琴既感覺喎~~ 哈哈!~
彈到12點幾唔鬼記得左要去練詩添~!
好趕咁執野洗頭就去練詩喇~~

我地又遲到喇……
去到淨係唱低音咋我~!!
好多時都要唱低1個key~唉…
死梗啦~ 把聲冇喇~~
唱到就黎走個陣神賜左力量俾我, 我唱到高音呀!!
只要我唔用力輕輕咁唱就唱到喇~~ 真係感謝主~!!!

唱完之後我就趕出官塘喇~
睇人夾band睇左好耐~
跟住就去左食大快活喇~
我真係諗唔到食咩好囉… 我都唔中意食大快活既!
最後都揀左碗叉燒飯…
食飯個陣我就拎左個銀包俾佢地睇
點知我個銀包竟然俾2個禽獸施暴抄晒d野出黎睇囉...........=.=".........
算~~好彩入面冇乜野唔俾得人地睇姐~!

食完野我地就去左打機~
玩左太古機啦…拍野野機同埋好似批著仔咁個部機呀~!
超好玩囉!! 我好中意打機呀~~
佢地幾個打機都好勁!!
返去到個度學左陣野又聽人夾band喇~
我今日先知原來打鼓真係好難架… 仲會好累添~!

返到屋企又玩icq同寫日記…
搞搞下又搞到4點倒lu~~
算啦~! 係時候訓覺架喇~~~~

>>December 11, 2003 at 7:31:54 PM GMT+8

2003 年 12 月 5 日 星期五 【晴】

今朝唔駛跳舞呀~!!
所以可以訓到10點先起身~
跟住就係度彈Endless Rain, 真係好難呀..........
我彈左呢首歌1次用左成個中先彈完~!!!
第2次就彈左8個字……
淨係彈右手都用左4個字時間呀~!!!
有成5個#咁多…… Yoshiki真係好勁~!!

彈到1點幾就返團契喇~
返到去係度玩坐人game~
係一大班人圍圈咁企, 跟住坐係第2個人個濕頭歌度架~~
坐坐下萍萍話 : " 跌喇跌喇~ "
跟住我同佢同埋歡歡真係跌左落地下~!! >_<
呀……我pat pat好痛呀……
唔知邊個個濕頭哥仲頂左我條腰一下~!! OH~my gOd~
其他人都望住我地笑囉~~ 真係樣衰~~

跟住我地就分左4組玩大家橋住手
背對背坐低之後一齊企返起身架~!!
我同萍萍同歡歡又一組喇~!!
因為報數個陣我地專登隔3個人咁企囉~!!~ 哈哈~~
跟住玩玩下變左玩係人地背脊手拖手
跟住一齊向後訓,睇下跌唔跌~
玩玩下我地就group埋第1組圍大圈
點知得我同我隔離個男仔訓落去囉~~
呀~~個頭撞左落地下~~ 好～痛～呀～～～
點解又係我架............@~@

之後我地就玩吹羽毛喇~
成組人吹1條羽毛, 唔可以俾佢跌落地下喎~~
哈哈!! 好好玩呀~~ 頭先同我一齊跌個個男仔真係黎搞事~
邱仔吹左條羽毛上去
點知就俾佢一野吹返落黎喇~!! 哈哈!!~
跟住我地就要每組搵1個人出去同其他組比賽, 鬥吹條羽毛落人地地頭~~
到我出去個陣好多人同我打氣喎~~
真係好~~ 咁先至係隊友嘛~~~
點知我都係輸左........... -.+"

跟住我地就落籃球賽跳橡筋繩喇~
第1跳已經去到我條腰…
真係好驚會仆左係度~!!
其他組好多女仔都要d男仔抱過去…
唔得!! 我地要靠自己~!!
成功地~我地3個都跳到過去呀~!! ^0^

玩完一輪之後我地就去左買野食喇~~
拿拿林食完之後又要練詩
好彩… 仲唱到dd高音……
之前真係要唱低1個key架~!!
但係把聲仲係好沙囉~~~
練完之後我地就跳舞~
今日終於排晒2隻舞喇!!~ 好野!!
個ending度左好耐終於度到喇~!!!
最尾個part真係好搞笑~~ 我地擺明玩野架啦~
我地.....hehe........Christmas Party未知咩事囉~~~
到時一定好正~!! 好期待X' mas Party呀~!!!

夜晚同玩ICQ玩到2點幾就落左去歡歡屋企~~
暴暴已經到左喇~
我地咁岩3個都著睡衣喎~!!
哈哈~~暴暴上身藍色下身紅色好搞笑呀~~
歡歡就拎左佢阿媽件睡衣黎著~!!
既然咁橋咯...歡歡就話用佢部新既dc映相~
你地放心......d咁核突既相我係唔會公開架!! >0<
映左陣我真係好眼訓喇……
歡歡話自己1個訓上格床好驚喎~~
算啦算啦… 我陪下佢啦~!!
希望聽朝我起身唔係發現自己係地下啦~~

>>December 10, 2003 at 9:38:33 AM GMT+8

2003 年 12 月 4 日 星期四 【晴】

今日終於到左頒獎禮喇~!!
今年歡歡坐我隔離
好似真係咁多年都未試過.....
所以今年我全程都坐係台下睇真係幾特別~~
咁又試左樣新野喇!! 哈哈~
我同歡歡唔係傾計就訓教
不過到人地囉獎個陣我地就好落力咁拍手~!
拍都拍到手軟呀…
睇埋表演就岩岩去完場~
今年真係1個最唔冇乜感覺既獎牌禮~~
諗返起上年我真係勁緊張架~~
因為上年囉個個獎好特別...
而且 "風" 又要表演~!
個陣我真係超緊張架~!!!

跟住歡歡同暴暴就陪我去JUSCO搵老媽子幫佢眼睇d旅行箱喇~~
搵完佢我地就拿拿皮換衫食飯返跆拳~!
好耐都冇返喇… 今日勁好笑囉~~
師傅話遲d有表演, 所以就要我地一齊練表演個d野~~
最衰表演個日撞左日子啦~!!
我地咁岩都係Christmas Party呀~~
跟住我地就練d我覺得幾令既一步對策~
d招數好勁呀~!! 好似d阿sir捉賊個d~
我學完就搵黃震樑黎練下啦~
點知俾佢反鎖返!! 頂～～
之後師傅又教左招如果俾人地係後面捉住左
就蚊開佢隻手指公跟住跳起還擊啦~~ 仲叫我出黎做示範~
點知佢搵極都搵唔到我隻手指公呀~!! 哈哈!!~
師傅同我地都笑到扒左係度~!!!
阿福係旁邊就望住我地係度玩~
拿拿拿~~係師傅自己搵唔到咋~~
我係我蝦你女朋友仔呀~~~
今堂真係好好玩囉~~~

>>December 9, 2003 at 11:15:36 AM GMT+8

2003 年 12 月 3 日 星期三 【晴】

今日放學阿青陪我去小童
咁岩見到毛毛喎~!!
跟住就同佢傾左兩句喇~
我同佢講屋企得我1個
跟住佢就話我係毒女喇~~ 哈哈!! 低b架~~
我地係度狂笑
講講下就係度互相交流
仲握埋手祝我地交換情報合作愉快添~! 哈哈!!
我會定時去同佢交流一下架喇~~~

跟住我就拎左張會員form坐左係小童度填
毛毛又行過黎嘈住我寫野~
我咪順手俾張學生相佢問佢貼呢張相落張form度得唔得囉~
點知佢驚訝到講唔出野呀....真係冇野好講啦~~
冇耐shadow有2個人又過左黎講野
成班人真係愈講愈好笑囉~~
之後我地就去交form喇~
去到個度同個叫rita既人傾計~
佢見到我張學生相又係度狂笑, 仲好開心叫我俾左貼上去添~!!
好好笑咩....咁我身上係得個d學生相Y嘛.....=.="
跟住就到同phyon同埋阿珊傾計, 又係度笑笑笑~~
佢地仲話搵我地做義工添!!
我地一路傾一路搞到成個小童都嘈晒~~
傾傾下仲唔記得左約左flora佢地6點半添~!
但係而家已經6:10喇........一x一||

咁我就拿拿皮去厚德間寬洋城啦~
之後就即刻飛返屋企換衫~!
好彩同左佢地講改7點半姐~~
去到見到佢地就去左南豐食~
但係我無啦啦又想食OK既肉醬意粉喎 !
所以就過返去厚德商場買喇~

食食下見到呆康個樣好鬼勀
嗌左碟抄飯扒左2啖就唔食~
原來佢今日sport day囉......勀到嘔.......
佢返到屋企食左飯都仲出黎陪我慶祝生日呀~!!
真係好感動囉.....呆康......嗚嗚.........T^T
我覺得要佢地陪我真係有d對佢地唔住呀~~
其實佢地記得我生日我已經好開心架喇....
而且我生日都過左2日啦~
我話唔駛佢地出黎佢地都話出~~
我真係開心到爆~~~架~!!!
呢班小學同學真係唔話得@@
佢地仲送左生日禮物俾我添~!
好彩唔係m巾姐......嚇得我.......
<*~仲有個劉+欣架......將會出場~~登登登登@@~*>
<*~笑~*>

食完野我地就開始周圍去映相喇~
我地狂映d聖誕樹~
南豐啦…M記啦…東港城…JUSCO啦…
咁多度既聖誕樹都俾我地映低晒~
跟住仲走左上東港城個企鵝台度捉住d企鵝映相~~
映完之後我地仲大膽到叫個管理員幫我地渣機映添~!
其實佢肯俾個臺我地玩已經執到架喇……
<*~今次既組合係咪應該叫信義會6人邦呀?~*>
<*~其實即係小學5劍俠+傑傑! ~*>
<*~企鵝先生 :「咪郁 ! 打劫 !」~*>
<*~3小花出場喇~!!! 好想嘔.......(汗") ~*>
<*~真係吹漲呀~~你睇企鵝小姐漲左喇~!~*>
<*~冇錯! 我地真係以為掂住個豎琴就真係識彈~*>
<*~我地已經當左係自己屋企喇...=.=||~*>
<*~攝影 : by管理員叔叔~*>

之後我地就去左萬寧好快手咁撻左人地擺係出面個d大bear bear落黎映相~~
真係好驚會俾人鬧囉~~
快快脆映完就急急腳走人!! 真係好好玩呀~~
我地又去左間得意野度映相, 又去冒險樂園度映~
我差d想偷偷地了入個波波池架喇!
點知後尾發現原來有2部閉路電視… 仲連燈都熄埋添~!
好彩頭先冇一時衝動姐...... (汗")
跟住我同flora同埋劉+欣3個又白白痴痴咁訓左係商場個地下映相~
我明明望過冇人先訓架嘛
點知岩岩訓左落地冇耐就有個阿姨行過!!~
佢仲要若無其事咁行過~
一睇就知佢見慣大場面啦~~~哈哈!!
呀~~~好樣衰呀……個一刻即刻全部人靜晒
過多2秒我地就即刻彈返起身爆笑喇~!!!
跟住我地又係電梯度映
上上落落個2條電梯都唔知有幾多次lu~!!
不過真係好好玩好搞笑囉…
有次仲差d起唔切身成班人訓左係度添~!!
<*~諗落我地真係幾快手...哈哈哈!~*>
<*~d人可能以為我地係自由行落黎架~*>

跟住我地又走左出馬路中心映相
我地一等到綠燈就衝出去~!!
未行到出去咋, 個綠色人仔已經係度閃喇~!
!我地等左好多個紅綠燈先映到張算係成功既相…
都可以算係搵命博架~!!
好彩今日唔係正日~
如果唔係可能生日變死忌lu~~ 哈哈!!
<*~呢幅就係亡命之作!!~*>
<*~好高技術架~!! 下次唔知到邊個生日呢~??? ~*>

走個陣Z打俾我
原來佢扮左份禮物係我個禮物袋度呀~!!!
我仲以為佢唔送添~!
哈哈~~多謝晒喎~!!!
有你地陪我過左呢個12月4號既生日都好開心~!

>>January 18, 2004 at 8:21:45 AM GMT+8

2003 年 12 月 2 日 星期二 【晴】

今日PE堂我唔衝喇~!
慢慢跑仲係度同周妍傾計添呀~!
跑到返去都唔係點索氣
平時一定辛苦到扒低架嘛~~

跟住就考攬球喇
一考完我地成班就係度玩解手
一定要交叉隻手同唔可以捉住隔離黎個隻手喎~~
跟住解解解… 我同周妍同埋wing wing竟然3個人自己解左個圈出黎~!!
下?! 乜可以架咩~~
我即刻笑到扒左係度~!!
真係好搞笑囉~~
我地玩完一鋪又一鋪
個個都走左去換衫個陣我地仲唔肯走囉~~

食完lunch返黎rehearsal個頒獎禮
我地狂係度傾計係度玩~~
仲係度玩變埋d白痴魔術~
不過到人地囉獎個陣我都好落力咁拍手
因為俾我囉獎我都想人地拍手啦~~
我都會專重返d得獎既同學既~~~
之後就等睇跳舞喇~!
今年換左文靖同巢敏儀做主角
好似冇我地上年隻 "風" 咁好睇喎~!! 好自豪添~!
跟住到choir唱歌~
好好聽.......聽到我想喊添~!
首歌真係好感動~~
叫Take These Wing呀~~

>>December 7, 2003 at 7:53:49 PM GMT+8

2003 年 12 月 1 日 星期一 【晴】

尋晚咁夜訓搞到我好唔想起身搞到咩都執唔切~!
所以要飛的返學校~~
點知今日check校服, d人企晒係學校門口排隊排到隧道口!
早知我跑返黎算啦~~~

返到學校勁多人同我講HaPpY bIrThdAy呀~!!
黑板又大大隻字寫左祝我同阿law生日快樂喎~!
真係奇怪… 點解咁多人知我生日既~???
跟住阿慧就送左條蒜蓉長法包俾我~
哈哈! 低能架~~ 生日送包~~ 不過其實我都好想要~~
萍萍就送左個彩虹掟圈圈既玩具
邱邱送條頸巾
阿青就送左紮花俾我~~ 再+多套拖鞋同毛巾
秀芬就送左包水泡餅
阿廖同許佩都專登過黎同我講生日快樂呀~!!
許佩都送左盒朱古力曲奇俾我~!! 好開心喎~~~
但係點解咁多人送野食俾我架~~
邊有人送野食架~~
佢地話知道我為食喎

小息周妍就送左張卡俾我, 入面簽左好多個人個名架~~
我仲以為佢咁勁幫我搵到咁多人既簽名添~!!
跟住佢同漁民就推左我出走廊叫我數上面有幾多個簽名~
估唔到數數下阿斌竟然搬左份大禮物出黎喎~!!!
原來佢地成班人夾份送個amp俾我, 張卡上面d人個個都有份夾架~~
我真係冇諗過會有咁多人送禮物俾我~
其實之前收到個1張卡我已經好開心架喇~!!
跟住就開心到係咁錫周妍....amy....個d
之後仲過埋d班多謝阿忠, 阿漢佢地~ (其實係俾阿斌同周妍周漁民佢地拉過去...)
佢地仲叫我拎住個amp繞場一圈添~! 低能架~~唔制~!
去到佢地班房佢地就出左黎, 好多人望住呀…
好難為情架嘛~! 哈哈~~
咁多人為我慶祝, 真係好開心呀!!!

Hist堂miss lai一入黎就話見我個幸福樣都知我生日喎~
哈哈!~ 係咩~~ 我淨係岩岩收到份禮物先笑得咁開心之嘛~~
頭先又收左個amp, 個位都差d擺唔落d野添呀~!!
Lunch就同狗寶去左明苑食, 去到仲見到阿law,漁民同曾忠3個被違棄的小羔羊
咁咪順手叫埋佢地過黎一齊食囉~~
一來當佢地陪埋我慶祝
二來咪當我地陪阿law慶祝囉~~~

食完lunch上黃太堂, 連佢都知我同阿law今日生日呀~!
派test個陣仲同我講話呢份生日禮物唔係咁好咁添~!
梗係啦… 我都冇溫書…
放學test埋hist就拎埋個一大袋禮物返屋企~
平時行路返去頂多咪半個中…
今日拎下停下咁....竟然用左我個幾中先返到屋企~!!! 唔係呀....?~~
行行下撞到老媽子
等埋佢一齊買左d蛋撻同陪佢去圭街市就返屋企喇~~
真係唔知有幾多年冇陪佢制街市lu~~
返到屋企到隻手廢左!
不過d蛋撻真係好好味囉~~~
<*~就係因為拎呢袋野所以整瘀左我隻手...~*>



夜晚就同歡歡,阿萍,邱邱,阿廖同許佩佢地食飯~
又收多份禮物喇~~
我地去左食飛碟呀~
成間飛碟屋得我地幾個, 好似包晒成個場咁~~ 好正呀~!!
係咁大大聲講野都唔怕俾人聽到
係得個老板聽到囉~ 哈哈~~
跟住咁岩撞到劉萃琪
所以就叫左佢幫我地映左d低b相~
哈哈!~ 真係好低b… 係度扮美少女戰士~
映完再去映貼紙相~!!
之後仲俾我見到家和呀!!!!!!!!!!! 好開心 !!!!!!!!!!!!
呢份真係可以話係1份好好既生日禮物呀~!!
3個月喇… 自從上次band show之後就一直冇見過佢~!
今日卦住傾計見到佢都認唔到, 淨係望左望咋…
點知阿廖就同我講話係家和~!! ^0^ 開心死~
<*~d燈光有情調wo~*>
<*~岩岩食完野~*>
<*~d甫士係咪似曾相識呢~*>
<*~奇怪既五gIrLs戰隊...為保衝飛碟屋作戰~*>

夜晚返到樓下就同歡歡打左陣千秋
都好耐冇打過lu~~~
今日都係我既生日呀~!!
好野~~生日有得打千秋~
跟住玩左陣ICQ就教教豬lu...........zZzZzZz.............

>>April 2, 2005 at 9:20:53 AM GMT+8

2003 年 11 月 30 日 星期日 【晴】

今日放學返到home練左少少Endless Rain
難到扒街呀~!!!
YeaH ! YeaH ! 夜晚好開心呀~!
有好多人同我講生日快樂~!!
周妍仲send左個msg俾我祝我生日快樂咁添~!
真係辛苦晒佢打咁多野喇~~
千後仲想落街打千秋添架~
歡歡話當同我落樓下打千秋慶祝住我17歲生日先喎~~~
不過後尾太眼訓喇…所以都冇落到去打~
點幾中溫左陣hist就訓喇~
梗係啦~!! 之前講過話點都要溫一溫架嘛~!
點知真係溫得個一陣.........=.="

>>December 7, 2003 at 3:32:50 PM GMT+8

2003 年 11 月 29 日 星期六 【晴】

今朝同歡歡一齊係暴暴屋企訓到10點幾
仲諗住去一去賣糖個陣講低聲我地3搵左人代添~!!
我明明教左8點幾起身架嘛…
點知都係聽唔到鬧中響!
暴暴同阿星2隻野竟然唔嗌我地起身…
我算~~起左身之後就睇暴暴細個d相,好Q呀~~~~
佢阿爸以前真係幾令仔! 佢阿媽都夠正呀~~^0^

點幾中就趕返港澳練詩~
呀~~~今日我把聲仲差呀~!!
連高少少既音都唱唔到...!! 點算呀~~ 我唔想咁喎~~~
唱到2點半就趕返home洗頭沖涼
跟住拎埋結他去官塘喇~
去到冇野做咪打俾周妍同佢傾電話囉~~
唉...佢竟然連d咁重要既野都唔見!? 唉...係可憐....
講左12分幾中之後蜜金打黎問我係邊
原來佢地係D出口等緊我囉~!!!
都冇人同我講.........=.=||

之後就同阿大,蜜金,鼻屎佬,鼓手同阿大以前既女朋友去左睇band show~~
好正呀~!! 我最中意個隊叫 " 3 look "
佢地唱歌又好聽, 又令仔有型
仲可以交換位置黎夾band添~!!! 真係好正呀~~~
4點幾睇到6點幾, 終於睇完喇~~
我都冇乜點講野, 好似好怪同悶悶地咁囉……

跟住我地就去左大快活食野
之後就一齊講左陣野~
佢地個個都幾好人Y~
跟住就去band房聽人夾band~
好勁呀~!! 係band房聽人夾band真係好好feel囉~~~
個bass手彈彈下bass又會係度笑喎, 真係幾好人~~
但係之後因為有d悶呀~
所以我就係度玩個琴~
之後阿大就教我彈chord~~
哈哈!!~我覺得阿大都好好人~
仲好有心機咁教我添~!
學完又聽聽聽聽~
都試左彈幾隻歌既~~~哈哈! 好好玩~~~

過多陣都好夜喇....我地就返屋企
唔~~我要好好咁練下Endless Rain先得~!
唔知我得唔得呢?
咩功課都未做過...
但係我都冇理到繼續玩ICQ囉~
玩到4點3我真係頂唔順喇~!!
點都要訓返陣先~~~

>>December 7, 2003 at 2:35:53 PM GMT+8

2003 年 11 月 28 日 星期五 【晴】

今日神咁早就出左去佐敦同ShAdOw班朋友仔跳舞~
成2個禮拜冇跳喇~ 好卦住佢地添~!
去到我地跳返好耐冇跳既do it! now呀~~好開心~~
仲連續跳左Do it! Now, Love Revolution 21, Shabon,島,7AIR同SALT5添~!! 好正呀~~~
佢地又話我d前陰好長, 好似好潦倒咁
跟住就叫我孔乙細喇~~
miho聽到之後就話自己係櫃檯,叫我還返19個錢俾佢~
原本課文係寫 "孔乙己大概死了"
我聽到之後就即刻轉太話 : "孔乙己的確死了"
哈哈~~好搞笑呀~~

跳完之後我地就係出面d臺度坐低左
原來佢地買左個生日蛋糕俾我呀~!! 好開心添!
percy都有個~
不過好可惜percy今日冇黎...
所以個蛋糕都俾我地分埋呀~!!
我個蛋糕係好似班戟咁架… 幾特別Y~~
估唔到佢地會買蛋糕俾我囉……
好開心好開心呀~!!!
話晒都係第1次同shadow既成員慶祝我既生日Y嘛~!!


食完蛋糕之後我冇返團契放風爭呀…
因為我遲左返tko, 佢地今日又要早出發
我趕唔切去囉~~~
邱邱又要去整回鄉卡, 萍萍又話冇咩所謂, 歡歡又話趕唔切
所以冇去到喇~~
等到5點幾我同歡歡同萍萍就返港澳練詩
我把聲好沙呀…好彩仲唱到高音~!!
仲冇走音添~~~!!
真係感謝神呀~!!!

練完詩又跳舞喇~~
今日阿青拎左d衫返黎
佢地個個就走晒入廁所試~
試完都已經8點喇…班女仔真係~~
出到黎練好晒din,仲排左少少 lr21既排位添~!!
大家今日既表現好好呀~!!!

night就去左暴暴home玩
阿星由於俾歡歡打左陣
所以就一野打左落歡歡大脾
佢仲扒左係梳化度喊~
咁我咪去安慰下佢囉~~
點知佢竟然一野fing落我個鼻度!! 真係好心冇好報~!!
好彩我個鼻唔係假架姐~!!
歡歡一定勁痛啦~~所以佢就發晒癲咁狂打阿星!
好精彩既1場表演呀…見到阿星狂俾人打~~
冇耐我同歡歡都勁眼訓
就訓左係暴暴阿爸阿媽張床喇~!!!

>>January 18, 2004 at 8:28:49 AM GMT+8

2003 年 11 月 27 日 星期四 【晴】

今日調位喇~~我又抽中左最面個d位~
今次坐第7行第4個呀~!! 正!!
又係我抄功課既天地喇~!! 哈哈哈~~
但係廢潘又唔俾我地係PA堂抽位
咁就可以用我地個lunch時間黎抽架喇咩!?!?
次次都係等我約左人佢先黎遲放…
今日劉+欣唔駛返學約左我同Flora一齊去漢陽樓食lunch架嘛~!!
搞到我地要跑去……算~~

今日上堂既時間短左
因為之後要落hall聽個 "積極人生" 既talk~
我地成班都拎晒d HIST note同紙仔落去溫呀~!
鬼叫等間要test咩~~
仲要有論述題! 唔溫書真係要坐係度坐成個幾中架喇~~
我地落到去成班已經咪緊紙仔
後面班5C都係get到我地要test喇~~
點知一開talk個麥潤壽講野又好鬼好笑!!
搞到我都唔想溫書喇…
寧願聽佢講野笑下~~
不出5分鐘我地班真係冇人溫書喇~
跟住佢話俾2個中佢講好唔好
我地一聽到成刻拍晒手掌~啪啪啪啪!!~
7個中都俾你講呀~!!
我地求神拜佛都唔想佢咁早完…起碼都4點9先啦!!
miss lai講過話個talk講到4點半都要test呀~!!
之後佢講完, 岩岩好4:30
下…唔好啦…點知校長話有野要講喎~!
我地成班歡呼添啦~!!!
跟住校長就問我地俾唔俾2個中佢講~
俾!! 俾呀~!! 我同萍萍同埋wing wing仲大叫 : "好! 好呀~!!" 咁添呀~~~
但係估唔到佢只係講左5 mins囉……
最後到miss紹宣佈野
我地班又係度拍手~
唔知邊個仲對住我講話我地班都癲既…
宣佈都拍手掌! 哈哈~~
但係我地真係唔想test Y嘛~~~ 咁先夠齊心!!

返到上班房miss終於黎喇~!!
佢拎住疊卷…仲話一定要test~
下?! test埋就起碼6:15先走得架喇喎~!!
以我地5B班既性格就梗係死lur啦~~~
叫miss lai唔好test~
佢開頭唔肯架…但係…之後都屈服左~~
不過我覺得我地好似好衰咁囉…
但係我真係咩都未溫過喎~!!
最後終於決定左星期二test~
我諗我會溫書既~!!
我會迫自己溫囉…
如果唔係真係好對唔住miss lai~!

返到屋企我就狂開guitar pro練stayaway ken彈個part
好鬼難呀…超快…慢慢彈都好難跟呀~~~
真係好有難度囉~!!
不過都練到, 係彈得慢d姐~~
都好好玩, 我好中意彈結他呀~~
特別係電結他添~!
我一定要彈好佢~!!!

>>December 1, 2003 at 2:03:09 PM GMT+8