2003 年 12 月 18 日 星期四 【晴】

今朝一早約左暴暴係樓下等一齊去許佩屋企~
我已經遲架啦 暴暴仲遲 !
大大話話遲左5個字~ 趕唔切啦…
7:45仲要返到sch彩排~
所以我地就直接返學校lu~~
返到去學校仲未開門 真係好耐未試過咁早返學校喇~~
升左中5以黎我都差唔多日日要跑返學… 再唔係就搭的士~ 真係~
返到去等左陣見到許佩佢地喇~~~ 好開心!!
熊貓一黨黎喇~~~ 大家尋晚都冇訓…
跟住一開門我地就盡快行入去~
仲了左去隔離直接入操場 避左d prefect睇體溫添~!
但係我有帶張體溫紙喎… 避黎做乜?

跟住我地就上返班房練舞~
練左陣wing wing就幫我去廁所jel頭~
jel左陣又俾人吹去練舞lu~~
我幫wing wing jel左少少wing wing就叫我過去先 佢自己jel啦~
咁我過到去 又俾許佩捉住左去夾個直髮機
即係一夾落去d頭髮就直晒個d呢~~
嘩!! 好犀利呀~!! 一夾落去真係直左~~~ 好得意呀~~~
我地6個跳breaking既女仔都夾左囉~~ 大家齊齊做直髮一族~ 哈哈!
夾完… 我地就聽漁民講左1次個ending係點 但係都未跳過喎~~
就咁我地就落左hall ready喇~~ 真係兒戲~
<*~拎齊晒d野落hall跳breaking~*>

落到hall我地就擺低d野係台下面個間房~
點知個陣阿青佢地就話死妹DaNcE個餅錄音帶聽唔到喎~!!!
唔係呀...?~~ 我唔走得架喇喎… 就表演~
跟住佢地就上左去用機聽
咪喇~我都係上一上去先~!
點知上緊去個陣佢地落黎話聽到聲喎~~ 玩野咩… 跟住又落返hall~~
點知落到去阿青又同我講話餅帶斷左…
斷左!? 點斷呀!? 點解會斷架!? 咁都斷得??!
死啦…要搵過餅帶…搵唔到就大煲粥喇!
咁我就即刻仆去搵miss鄭啦~ 我相信佢會幫我既~!
呵呵~~真係俾我搵到喎~~

咁好啦 之後就跳第1隻舞喇~~
今次女仔個part跳得好好呀~!!!
到我同漁民個part 我個側手翻… 好彩冇仆係度~~ 哈哈!
大家都岩拍子呀今次!!
我仲聽到好多人嗌我同漁民 大家支持呀~!!!
仲有個360truning~
雖然踢得核突左~~ 但係踢到都算係咁啦~~
最衰係掃佢個腳我坐左落地下…不過都好掂架喇~!! ^0^
ending仲搞笑…我地成班女仔行出黎無啦啦數123又彈返開指住班男仔~
個個都話好低b呀~~~ 哈哈!

跟住我地就返返落去間房仔~
成班死妹DaNcE已經係入面等緊我地喇~!!!
咁我地就即刻化妝換衫啦~~
我都唔敢化得咁勁! 搽少少胭脂已經覺得好紅喇~~
但係佢地又話睇唔出我有化到喎…唉…咁我真係驚架嘛~~
淨係叫佢地幫我遮個黑眼圈咋…
阿廖仲用佢d粉底幫我化添~!! 好感動呀~~~
跟住紮紮下辮有人開門~~ 叫我地即刻出去表演喎~~
下!?!? 我連褲都未換喎~!!! 仲著緊頭先跳舞個條格仔褲~~
條裙我又整長左 都未得閒剪返短佢!!!
仲有餅帶呀... 都仲未dup完~~ 出去!??
冇計啦....用返原本個隻碟算啦~
不過用碟就要跳未cut短個個版本囉~~

好啦~!!! 開始喇~~~
我地已經調左去抽獎之後… 所以去到台度仲有時間玩左陣~~
跟住開幕喇~!!!
我聽到林怡佢地好大聲咁係度嗌我個名呀~!!
仲嗌左好耐… 多謝你地~!!!
點知一開始聽唔到音樂…頂~~全部慢晒~~仲要得我自己1個做先~!!
好彩之後大家都夾得返~~ 呼~~
一路跳我就一路聽到台下d人係度嗌 氣氛都好好呀~!!
我之前幾驚會冷場… 好彩~~
我見到台下有勁多部dc囉~~ 嚇左一嚇!
估唔到漁民佢地係台下都嗌我地個名~~ 開心死呀真係!
我地好順利咁跳完Do it! Now~~~
到Love Revolution喇~!!! 都算跳得唔錯~~
不過我同fion有度都跳錯左… 我自己就係度偷笑啦~~
仲見到Gloria佢地係台下望住我笑添~!!~ 哈哈~~
跳完之後我地就扮聖誕樹係度叮叮叮~~低b架~~~
但係我自己就覺得好搞笑好好玩囉~~~

表演完我地就落左台下睇band show~~
講真我唔係太中意呢隊band架咋~~
我地企係旁邊睇睇下我同萍萍就坐低左係中間d chair度~~
到佢地唱weekend個陣我地勁有feel囉~!!!
劉+唱weekend個句我地就幫手係台下唱多句高音d既weekend !
周圍d人都望下我地咁囉...咩喎...咁Christams Party Y嘛~~~
ocean仲擰過黎問我地係咪痴左線添~!! 哈哈!~ 你就痴~~~
完左個band show都散band喇~~
我地就執d野就上返班房lu~~

上到去d人一見到我地就係咁捉住我地映相~~
覺得自己好似明星咁添~!! 哈哈~~
最開心既就係聽到佢地個個都話我地好得意~~ 跳舞跳得好正!!~ 套衫好令~~~
聽呢d真係聽到開心死人~!!!
跟住tyrone佢地又係班房播返頭先跳舞d片
我地拎完野食就坐係老師臺度慢慢睇喇~~ 哈哈!~真係識嘆~~
食完之後又映左一輪相…
今次隔離班既死妹DaNcE成員都過埋黎一齊映~!!
齊人喇~~ 好正~~ 映完我地狗寶又落左樓下映相喇~~~
我地係籃球場映左幾張 跟住就一齊爬左上個籃球架映~~
我地爬得都幾高 仲差d落唔返黎添~!!
一路映好似一路俾隔離班band友啤住咁…
咩喎~~ 未見過人低b咩~~
映左好耐 都係時候走喇我地~~
<*~入到班房第1張相~大家企穩未?~*>
<*~佢分分鐘仲女仔過我~!! 貪令~*>
<*~邱邱帶左副眼鏡好鬼Q呀~*>
<*~容許我地以前為自己係令女一陣啦~*>
<*~+埋黃太既5B班相~!! 5B is the BeSt~!!! 2條頭巾都好襯佢地呀~!! ^0^ ~*>
<*~死妹DaNcE之聖誕樹---校長企左菲菲個位~*>
<*~其實MiSs WoNg趕緊我地走~*>

跟住我+萍萍+阿青+wing wing+翠兒幾個去左映貼紙相~
我地仲連衫都冇換添~! 就咁著左件外套係出面咋~~
映完見到桂花佢地 傾左陣我就同阿青去左小童拎旗袋~~
拎完阿青就陪我行返尚德
但係我真係好眼訓囉… 成晚冇訓喎~~
平時就算我通頂返到學校都有得訓返
但係今日我連恰眼訓都冇時間啦~!!!
跟住我陪阿青去左圖書館
去到我第1時間就坐低左 唔駛1秒我真係即刻訓著左呀~~
我都覺得自己好犀利 ! !
阿青叫醒我之後就話走喇 費事我真係係圖書館訓著左~~
跟住一路行我都同阿青講我可能已經訓著左…
佢就話擔心我會行行下係草叢度訓著 所以陪埋我返去先喎~~
點知我竟然答 : " 我諗住帶2條紫色褲 1條大條細返到去換~ "
下!!?? 我淨係聽到阿青不停係度笑 我都唔知佢笑乜~~跟住
佢同我講我答左d咁既野我又好似有少少印象……
我諗頭先我真係行行下訓著左囉~!!! 仲發緊夢添!!
如果唔係都唔會無啦啦答d冇呢頭既野啦~~~
真係估唔到… 原來我行路都訓得著囉~!!!

返到屋企我又冇即刻訓覺喎~~
仲on左陣9 on到6點幾先訓~
我真係頂唔順喇~!!
一訓我就訓左15個中!!~
撻落床個下真係豬服到爆~~~呀~!!! 豬～服～晒～

>>April 2, 2005 at 9:26:25 AM GMT+8

2003 年 12 月 17 日 星期三 【晴】

今日放學Christmas Party full rehersal喇~!!
死妹DaNcE成員都黎齊晒…
跳左幾次之後已經可以走人喇~~
男仔個隻都好左好多 但係都仲係未練好囉~~~
連個ending都未諗 !
練左幾次之後我地就落左台睇人夾band~
呢隊band… 我地成班女仔都冇乜點睇佢地夾
淨係係台下扮拎住d樂器表演~
我就拎小提琴, wing wing古箏, 阿廖琵琶, 邱邱二胡, 阿so吹笛…
仲有許佩... 佩儀佢地一齊扮~~
我地咁多樣中西樂器係台下rock 真係好搞笑~~~

返到屋企玩左陣ICQ我就要去體育館跳舞lu~
今次大家都會換埋衫架~
所以我就上左暴暴屋企跟佢媽咪學整條裙~~
去到體育館漁民佢地已經到左~
仲係度練緊break dance添~!!
我地練左陣 我同漁民夾到喇~!! 好野~~~
仲爭個ending~~
是但啦~ 聽朝早d返學校K.O埋佢囉~
我地book左9-11 搞下搞下搞到10點幾先到女仔跳~
全部人都粉紅色好正呀~!!
點知去到部機播唔到帶…
算~ 我地自己啍!!~
我地一路跳一路登 好彩有菲菲幫手唱咋~~~
如果唔係我地個個實跳到扒係度都似~
跳左幾次之後我地就俾人趕走lu~~

返到屋企又卦住玩電腦~
都冇乜點整套衫 !
玩到3點倒我就開始整件衫~
一路整一路同許佩傾icq
因為邱邱同阿廖都係佢屋企整緊衫囉~~ 大家都未訓!!~
媽咪12點都訓左 到3點就起身幫我手整衫喇~
佢話專登訓定先等我返黎幫我手整喎… 真係感動~!!!

搞左好耐… 我套野都仲係未整好~~
到到5點幾個陣我開始急喇… 係心急~
因為約左佢地6點半上許佩屋企Y嘛~~
跟住我就好求其咁整晒d野 仲好快手添~!!
是但啦~~ 但係條裙d白紗真係唔夠用… 點算呢~~
是但啦~! 我都係是是但但咁剪~ 砌到落去就得啦~~~
好那西咁整完之後我就執埋晒d野出門口喇~~
嗄～～～好趕．．．．．．

>>December 23, 2003 at 9:58:12 PM GMT+8

2003 年 12 月 16 日 星期二 【晴】

今日大3元呀真係~!
1日有成3個test~
首先係中文test 點知黃太病左冇返喎!!~
喲呵~~~ 好彩冇溫到姐~~
點知第2堂CHIN個sexy馮黎代堂囉… 都係要test返…

lunch冇得練舞喇… 要test MATH~
今次份卷真係頂佢個肺~
難到阿媽都唔認得~!!
前面d M.C還可以 但係後面條長問題…
我都係望斜前面佩儀份卷架咋~!
靠我隔離個呂廁就死得啦~~
有聽書都錯得多過我~~
最後我都做唔晒~~ 哈哈!~ 係抄唔切呀~

到臨尾個2堂COMM test喇~
我地5B支持頭個堂test左佢 早死早著嘛~
5A人就贊成最尾個堂test~ 等佢地有時間溫書~
好明顯2班既學習態度果然唔同呀下~!
結果都係我地5B嬴左 鬼叫我地人多~~ 呵~~~一
開始test我就見到個個櫃桶都有份COMM note~
哈哈!~ 都預左架啦~~
周妍都俾左份我~
點知做做下卷阿sir走埋黎望我地櫃桶喎~~
你睇我唔到..佢真係睇唔到我地d note~~
不過佢諗死都知我地會出貓啦
如果唔係邊會係度裝裝裝呀~~
點知到臨落堂個陣陳樂仲俾方sir收埋份note~~
哈哈!~ 太差喇~~ 下次唔好喇~
係唔好再俾佢捉到~~ 哈哈!~
不過阿sir收左咪又係冇理~~
我相信陳樂仲有第2份note~~

放學Christmas Party既彩排~
我地女仔個part都冇咩人去
跳左次之後就走人lu~~
男仔個part就成pat野咁
d音樂都未夾好 仲唔夠音樂添~!!
總之就唔掂啦…
練左2次之後都係唔練啦~ 遲d再夾過~~
跟住就聽到楊家禧係度彈endless rain~
仲彈得衰過我~~
我都識啦~~ 我教佢啦不如~!
跟住萍萍仲大大聲咁嗌佢行開讓個位出黎~ 真係笑死!~

夜晚拎左d跳舞衫落去俾歡歡睇下d色點襯好~
我仲係未整過套衫囉... 真係乃晒野~
hehe~~今日又係好開心喎!!~
好耐都未試過喇~~~
呢個感覺又返黎~!

>>December 23, 2003 at 9:17:21 PM GMT+8

2003 年 12 月 15 日 星期一 【晴】

今日返到學校都冇心機聽書~
坐係班房都成日諗住個樣野~
我諗到個度已經好開心喇~!!!
所以成日都上唔到堂…

今日映畢業相呀~!!!
今年唔知點解… 好似個個都懶令左咁~
跳左陣舞一入廁所就見到成班女仔係度梳頭補妝… 真係好墟堪囉~~
落到hall我映班相個陣都係逃唔開厄運…
始終都係要坐第1排~~
不過我映級相個陣企第2排囉!!~ 呵呵~~
因為我要企上臺........=_=

跟住返到班房Mr. Mok問有冇人可以係考oral個日做helper~
問到佩儀個陣佩儀話佢話日要去醫院探阿姨所以唔得囉~~
跟住我問佢 : " 真架? "
佢話假架.....~~ 車~~~
跟住mok mok就係咁問人啦~~
其他人個個都話要去補習~
救命~~考oral個日星期一黎架喎~~
仲要有朝早~~ 邊有習補呀~~
但係個個都係度吹~
mok mok都話 : " I know u are telling lie~ "
但係個個都係咁講喎…
唔講就要做helper架喇~~ 俾我都唔想啦~
點知輪下輪下數返上黎1號喇~!!
mok mok叫我做helper 我冇理由話自己要補習架嘛~~
我講佢都唔信啦~!!
咪話要跳舞囉~~
好彩… 我都過左骨~~~
總之我就覺得好搞笑啦~!!
全班都係咁… 哈哈!~

放學同歡歡講左好多野~
好開心呀!! 好耐冇同過佢講咁多自己既野~
成日都係聽佢講佢同佢男朋友~~
但係今日講左咁多真係好開心囉!!~
難得佢又肯聽我講~~
YeAh!!~ 返到屋企好開心呀~~
因為好開心囉~! 哈哈~

>>December 23, 2003 at 7:46:09 PM GMT+8

2003 年 12 月 14 日 星期日 【晴】

尋晚玩到好夜先返屋企
返到去仲玩ICQ玩到咩功課都未做添~!
不過有幾樣我寧願欠交都唔做囉… 真係衰格~~
今日我又開始唔中意廢潘喇~
佢黑人憎既本質又返返黎喇~~

今日小息我已經食左2個包~
但係lunch我都仲出去買左幾個包食喎~! 想死~~
不過真係好好味囉!!~
買完包就返返班房跳breaking~
好正呀!!~ 同漁民一齊跳個part開始夾到d喇~~
女仔solo個part真係幾型下~ hehe~~

跟住返到屋企又玩電腦啦~~
YeAh!!~YeAh!!~ 好開心呀~!!~
咁樣幾好y~~~幾好玩呀~!
唔知係咪真架呢~?
係就好LU~~~~
真係開心死我 ^0^

>>December 23, 2003 at 4:10:35 AM GMT+8

2003 年 12 月 13 日 星期六 【晴】

朝早一起身就同歡歡趕去小童聽talk喇~
鬼叫冇人嗌我起身咩@@
我地遲左半個中先到囉...... =.="
去到撞到毛毛… 好野!!~
點都叫佢幫手問下我地點啦~~
點知同佢傾傾下… 有班人走出黎喎~!!
下… 個talk唔係講完喇下嘛… 真係散左band呀~
我地真係好準時 一去到人地就放~
跟住毛毛叫我地問個阿sir點算 我又唔敢問喎~!
搞左好耐好在有毛毛幫我地問…
但係都要等下個月再聽過囉~~
跟住落到樓下見到有人賣福袋~
是但啦~我同歡歡一人買左個~~~
入面有幾粒棉花糖架~~ 好得意!~

跟住我同歡歡就去左新都行左陣~
再問返黃沛聰拎返個結他~
佢真係好人喇~
頭先我費事咁樣衰拎住個結他去聽talk所以叫佢落黎幫我keep住先~
佢竟然肯喎!!~ 真係唔該晒佢~
跟住我地就練詩啦~
練完之後我就同阿萍同歡歡一齊出去旺角~
今日去個度超細囉… 但係好正 !
講真~我都幾中意睇人夾band既~~~幾好睇呀!

之後我地就去左大家樂食飯~
d野食同大快活好似一模一樣咁既~!!
我最後都揀左滑蛋牛肉飯~
冇計啦… 其他我真係好唔中意食~
食完玩左輪就去左打機喇~
玩玩下周妍打黎同我傾計~
嗯...冇事既~~放心啦~~
我一路同佢傾一路行
行行下都唔知自己行左去邊添~!
好彩之後都識返返機鋪~~
打完機去左間糖水鋪嗌個左菠蘿冰...都係麻麻地好味咋喎~
飲完就搭地鐵返屋企lu~~

哈哈!~
今日都有少少悶啦~
我都冇乜點出聲~
係食飯個陣玩左陣囉~~~
不過都幾開心Y!!~ 幾好玩呀~

>>December 23, 2003 at 3:36:29 AM GMT+8

2003 年 12 月 12 日 星期五 【晴】

朝早起唔到身去shadow呀…
訓訓下阿貓打黎我先識起身~
仲磨左一陣先出去添~!!
去到石峽尾淨返半個中, 我地就跳左少少Go Girl同錄左次do it! now~
跟住我就跟阿兒學左d moving喇~

下午等埋歡歡返團契, 我地2個遲左成個中先到~!
返到去個陣岩岩玩緊game
我地就好輕易咁攝左入人群入面喇~
之後就睇帶, 張毅去其他人屋企錄映帶呀~
團契之後我地就練詩~
今日冇左阿萍, 我同歡歡都要唱大聲d添~!
好彩冇走音… 乜滯~~ 哈~
走左之後行行下先記得原來我地2個帶左團契個牌走
算啦~我地都費事行返返去喇! 聽日先拎黎去啦~

之後就上左歡歡home打機~
見到佢好憎個個阿姨喎~~~
佢地2姊妹對佢地阿姨既態度真係好差囉…
我真係未試過咁樣對個長輩~
不過聽歡歡講到佢阿姨真係好衰…
咁都冇野好講啦~~

夜晚又去左LIB出面練舞
又跳左少少跳break dance~
今晚唔係咁開心呀~~點燃呢? 真係好down~~
陪完暴暴返home後我就自己1個人走左去打千秋~
唔知點解我真係好唔想返屋企呀!
仲要無啦啦想去網吧唔想返home~
打俾歡歡又搵佢唔到, 打俾萍萍又唔想佢咁夜撲出黎陪我~
之後打俾oscar佢又唔出得喎~!
仲叫我千其唔好夜媽媽1個女仔去網吧添~~
驚有危險咩… 係都唔輪到我啦~ 係咪先~

之後歡歡打返俾我, 同佢傾左好耐呀~
傾傾下見到對情侶咀咀, 佢地就望左望我添~~
喂~大佬~ 望到我望住佢地佢地都繼續咀, 咁駛唔駛望下有冇人先呢~~~
我仲係佢地隔離擦過…
一路講電話一路偷笑~
真係好想笑出聲囉~!!
跟住我係尚德慢慢兜左好耐終於返屋企喇…
但係真係好唔開心囉…
唉...呢樣野係咁架喇~~以前都試過啦係咪?
有開心有唔開心既~~~

>>December 21, 2003 at 7:28:47 PM GMT+8

2003 年 12 月 11 日 星期四 【晴】

今日係學校我又玩呂廁喇~
今次我一倒, 水樽入面淨返個d水就全部落晒落佢張登度~!
佢返到黎望左望張登…
唉…諗住今次會失敗啦~
點知佢竟然坐落去!! 哈哈~
今次濕過尋日多多聲啦~
佢一坐落去就feel到濕晒… 真係笑死~!
跟住mok mok黎到整唔掂部CD機, 坤少佢地就係咁叫呂廁出去幫mok sir~
冇計啦~~ 佢就好樣衰咁遮住個pat pat行出去!~
呢個時候林怡俾多樽水我~~ 明啦~~ 再倒過 !
不過今次呂廁冇中招呀~~
佢想搵紙巾抹喎~~ 好彩我一早收埋晒佢d紙巾姐!~
但係咁岩mok mok行緊過黎, 佢又唔知坐唔坐落去好喎~!
佢想坐落去幫我遮住d水, 費事俾mok mok見到既~~
但係有灘水, 叫佢點坐?!
最後佢都坐左落去,不過mok mok都睇到d水~
跟住就用eng話我玩班長, conduct俾個D我喎~~~
唔知點解我聽完之後都唔係好驚呀~~
淨係想知佢係咪講真~
如果講真既, 操行D都冇學校收架啦~
咁我就可以早d唔駛聽書趕功課喇~~~
點知之後佢又同我講話forgive左我~
我都知佢對我地好既…
但係我真係冇心機讀書嘛~~ 對唔住~

今日早放, 之後就同周妍,amy,何+同埋阿雪去旺角行街街~
行左冇耐佢地就要去補習喇~
得返我同埋阿雪~
一路行街我一路同佢講左好多野呀~~~
我覺得佢真係好好人呀~~~
同佢行街都傾到好開心~~
我同佢行街行到唔想返跆拳添! 最後真係冇返到~
不過今日冇乜點買到衫囉…
估唔到咁耐冇出去行都冇乜點買衫返屋企…

之後返到tko就即刻去左歡歡度打機~!!
打到9點幾先記得要跳舞, 咁梗係即刻飛去啦~!
不過今日我都冇咩心機跳~
所以行到我都係行行企企咁~
走個陣同漁民佢地幾個男仔一齊行~
其實我想自己1個走多d囉…
自己1個女仔同佢地班唔多熟既男仔一齊走… 好怪~
但係漁民叫左我咁多次, 唔同佢一齊走好似好衰咁~
算啦~~不過我都冇講過野, 自己1個行係後面~
佢地話我今日斯文左喎~
梗係啦!! 我都冇出聲冇滯!!
跟住返home個陣又遇到班單車黨, 漁民同佢地差d打交添喇~!
唔知點解我唔係好驚囉…
不過個情景真係好彊...真係好怪...
我都話左中意自己1個返屋企多d架啦~~~

>>December 21, 2003 at 7:04:51 PM GMT+8

2003 年 12 月 10 日 星期三 【晴】

今日ECON堂漁民同呂廁調左位
咁我就梗係同佢傾計啦~!!
請教左佢好多野…
原來係咁既.....真係唔該晒佢呀~!!

lunch跳完舞就返返班房~
飲飲下水無啦啦覺得好無聊
所以就倒左d水落呂廁張chair度喇~
仲俾林怡見到添~!
點知佢淨係望住我奸笑左一下…識做啦~~~
跟住我就行左出去掉垃圾喇~
係我行緊返埋位個陣我見到呂廁一野咁坐左落去~!!
哈哈哈!!~ 笑到我即刻扒左落地下~! 真係好好笑…
我笑左好耐佢都仲未知咩事!~
後來唔知係咪林怡同左佢講啦~~佢就唔敢企起身~~
我係地下笑左成分鐘先返埋位坐低, 但係都仲忍唔到笑喎~~
呢個時間全班都注視緊佢個pat pat喇~
個個都係咁叫佢企起身, 又叫佢去派簿又叫佢去拉窗簾~~
我地班真係團結! 哈哈~
黃太入黎個陣我地仲係度笑, 估唔到今日黃太竟然冇野派俾我地囉…
等我地仲係咁叫黃太叫呂廁派野添~! 仲話佢好想出去幫手派野~
正係我地失望既時候… 哈哈!!~ 黃太嗌起立呀~~~
呂廁想唔企起身都唔得啦~!
我地就係咁笑笑笑笑左好耐~
佢仲話要擰爆我個水樽添~!!

玩完一輪之後黃太就講左miss潘d野俾我地知~
原來miss潘個媽咪真係過左身喇…唔怪得啦…
不過佢今日好似好返好多~ 希望佢真係冇事啦~!!
黃太話失去左個親人真係好慘…因為黃太尋日唔補課都係為左去佢姨媽個喪禮…
仲話可以見到佢最後一面已經好好~
唔...........失去左親人真係好慘.................
黃太又叫我地好好珍惜而家身邊既人
我會~我一定會好好珍惜而家身邊既每1個朋友…同學…
其實我已經好幸福架喇~!!
好多人都對我好好~~好多謝你地呀~!!

今日知道左樣野
聽完之後我好明白佢既感受....
因為我自己都有驚過~!!
我試過1次......都唔想再試多次~!
所以我會默默地支持佢
有咩事搵我我都會盡力去幫佢~
其實我都唔知可以點幫佢......
我自己都大個女啦~
都好應該做返自己應該做既事~!
唔可以成日好似細路女咁淨係卦住玩架喇......
但係我識講...都唔知做唔做到....
可能佢都係一樣啦~!
唔知呀@@總之我做到既就做啦!

>>December 11, 2003 at 4:07:46 PM GMT+8

2003 年 12 月 9 日 星期二 【晴】

今日見miss潘著晒成身黑色衫呀…
佢個樣好似想喊想喊咁
佢俾時間我地自己做野個陣我仲見到佢抹眼淚添~!!
唔通佢媽咪真係有事....??
我地班都算有良知喇…
尋日仲話Christmas party要整到個課室好似個靈堂咁, 叫廢潘安息咁話喎~~
而家我地都即刻話轉返d聖誕裝飾喇~~
佢又話今日放學同唔到我地補課
俾著係平時我地一定會拍晒手咁話好架嘛~
但係今日我地成班聽完都冇出聲…
見到miss潘咁既樣....我都想今日聽聽話話咁過~
雖然我平時唔多中意佢
但係今日見到佢咁down我都即刻幫佢祈禱呀…
希望主耶穌會幫助佢, 保守佢同埋佢媽咪
就算佢媽咪真係咁唔好彩離開左佢
都希望神可以賜俾佢平靜既心
唔好影響到佢既生活同工作啦…

今日歡歡終於帶返佢同暴暴同阿星送俾我個個粉紅筆袋返黎喇~!!
我梗係第1時間用啦~~~
點知用左冇耐呂廁就同我講我個筆袋畫花左~
A:咦? 你個筆袋咁快畫花左拿?
B:下!? 點解會咁架! 我畫架?!
A:係呀~
B:岩岩畫架?!
A:係呀~
B:你見住我畫架?!
A:係呀~你冇閂筆蓋就開筆袋~
B:呀~~個筆袋新架~~
A:遲早都畫花架啦~
B:咁又係...遲早都俾你地班賤人畫花~
A:既然你咁講...咁我就畫啦~
B:(大聲)你試下! 我實打爆你個頭~!
之後全班即刻係度大笑~!!
打破左英文堂悶到發瘟既氣氛~
我都唔係講得好大聲姐...
估唔到連Mr.Mok都聽到, 仲問我係咪鬧緊佢添~!
哈哈! 算啦~ 呢段插曲應該拯救左好多釣緊魚既同學架喇...(汗")
莫莫仲話 : " 5B is a differcult class. Very differcult to teach! " 咁添~!

Lunch又係度跳break dance~
今日又教左wing wing佢地女仔個part d動作喇~~
夾埋隻舞都算ok既……
跟住就跟漁民學一左part舞
因為我同佢2個會出一part囉~!!~
唔……好想快d睇下隻舞排完會係點添~!!

夜晚歡歡無啦啦叫我9點去佢屋企, 話有野玩喎~~~
咁我就落去啦~!
落到去見到佢有個programme係好似機鋪打個d機咁架~~
真係好好玩!!!
我地9點幾玩到11點…
2個人玩都玩到miss左d呀~!!
但係真係好得意… 我地仲約左聽晚再玩過添~!!~

哈哈!!~今日好開心呀~!!
同歡歡講左好多好多野....
佢講d野都tum得我幾開心~!
呢幾日成日都玩ICQ玩到勁夜...日日返學都好唔夠訓呀...
算啦~!上堂個陣補返~!

>>December 11, 2003 at 10:33:56 AM GMT+8