2003 年 12 月 29 日 星期一 【晴】

今日2點幾先起身呀~
玩左成日電腦....又去j-pop睇網....又玩下vos咁~
仲狂睇以前跳舞個d片添~!

夜晚周妍問我去唔去睇《金雞2》
去!~ 梗係去啦~!! 我等左好耐喇~~~
咁我就拿拿林係個結他袋度拎返個銀包出黎啦~!!
落到樓下諗住搭巴士去… 點知冇車喎!!~
咁我就諗住跑去地鐵站搭mtr過去啦~~ 就黎遲到啦嘛~
點知我先發覺原來我冇帶到個銀包出黎呀~!!!
咁我頭先拎左個銀包去邊???
頂～～～咁即係又要識我跑去架姐~!!!
估唔到睇左2日戲2日都要跑去戲院… (汗")

去到戲院佢地都到齊喇~!!
今日有我啦,周妍,amy,曾忠,斯諾,漁民,阿漢,阿law~
咁我地就好快咁bill晒入戲院喇~!
睇完套戲… 真係幾核突下~~
不過都好似唔夠1核突 同埋冇咁好笑~~~
因為我記得上次睇1個陣我笑足成場架....~~~
仲笑得好大聲!!
臨走要同邱邱一齊dup低頭 費事俾佢認得我地追住我地黎打添~!
!不過今次好搞笑~
套戲入面鄭中基話 " 打劫! "
戲院入面就有個細路跟住佢講 " 打劫! " 真係笑死我~~
佢阿媽又會帶佢黎睇呢套戲既~~~
不過入面講過句野....話 : " 而家幾痛苦既經歷 將來諗返都會係好sweet既回憶 "
我不嬲都有呢種諗法 估唔到俾金雞搶左我既版權~
睇完都有少感動既… 不過吳君如真係好白痴囉!!~

睇完戲佢地問去邊 我就返屋企喇~
個死人阿law臨走仲要串我話我銀包都唔帶出街 可以去得邊呀~~
啍~~ 咁我咪返屋企囉!!
我真係有拎個銀包出黎架嘛~!!
係唔知點解冇擺落袋姐~~~
跟住又玩電腦玩到勁夜… 3點幾就訓lu~~

>>January 1, 2004 at 9:26:43 AM GMT+8

2003 年 12 月 28 日 星期日 【微冷】

尋晚勁夜訓… 搞到今朝math補課都中下中下咁~!
佢地一返到去就問我係咪未訓醒喇… 搞到我都冇乜點聽書~~
好難先捱完個3個半中囉~~
好彩一路上堂一路食薯片 如果唔係我實訓著~!
跟住我同林怡同坤少又夾埋一齊玩呂廁
今次又係倒水啦~~ 佢又白痴到又坐左落去!!~
跟住我地又勁白痴 係miss俾我地個d糖上面畫左d公仔~
畫左紅中啦… 3筒啦… 白板啦… 東啦… 我地仲諗住畫埋鋪十三么出黎添~!! 低b~~
畫完之後冇人想要d糖 咁我地就夾手夾腳塞d糖入呂廁件衫啦~
佢又塞返入我校褸袋!!~
唔知點解玩左咁耐miss都睇唔到囉~~~ 好彩姐~~

跟住我就同歡歡一齊去睇人夾band~
我地遲左成個中先到囉…
去到先知原來好多人都病左~!
通常d人病左一排我就開始病史架喇.....我諗我都就黎黎料~
跟住我就跟蜜柑學打鼓啦~!!
今次教左d深少少既野 我都跟到d喎~!!! 好叻呀~!!
玩完我同歡歡就2個係度白痴 亂咁打d鼓喇~~
真係好嘈好難聽 不過又幾好玩喎~~
之後我地2個都玩得好開心 !
仲係度畫人地d poster添~!!
幫佢+左d綠色眼影… 希望唔好有人發覺到啦~
如果唔係我地可能把直入黎打橫咁出返去…

睇完我同歡歡就自己走左去食m記
食完就行左陣旺角就返屋企喇~~
歡歡唔豬服嘛… 我個結他又勁重.. 好辛苦!!

夜晚返到屋企睇返今年X' mas Party跳舞個d片
同埋以前映落個d低能片
仲有以前其中一d跳過既舞~
好好睇呀~!! 好正!!~
估唔到自己都跳過咁多舞…
有d仲係冇錄低架添~!!
我發覺好多隻舞我出場機會都算係幾多架喇~
仲通常企前面添~!! 可能我矮啦~~ 哈哈!~
不過睇返真係好開心架~~~
睇下睇下睇到朝早6點幾~ 又通頂… 頂~

>>January 1, 2004 at 8:42:23 AM GMT+8

2003 年 12 月 27 日 星期六 【微冷】

今日起身冇耐就同Z,傑傑同阿+去呆康屋企睇魔戒第1周第2集~
因為我地諗住夜晚去戲院睇第3集Y嘛~!!
點知上到去見到佢地係度玩緊vos
一入去佢地就俾左隻 " 好心分手 " 我玩… 低b架!!
不過我miss極都高分過佢地~~ 哈 !
個死人黃燕華又話上黎!!
點知放左我飛機… 搞到得返我1個女仔上呆康屋企!! 算~~~

上到去等左陣華華都唔上黎咁我地就自己睇先~~
佢地勁變太… 無啦啦拎部相機係度映相話諗住映低我唔同既坐姿喎........=.=
有冇咁多甫士呀我.....~~
睇睇下我真係好肚餓 所以就齊齊落街掃零食喇~!!
出到去走廊個陣我又係玩嚇人啦~!!
好野!! 成功嚇到佢地~~
跟住就掀起一場驚人大戰
5條友係走廊度一路等lift一路玩~
係d防火門度跑黎跑去嚇人!
傑傑又白白痴痴咁呢係個垃圾桶後面 盲既都望到佢啦~!
佢仲以為自己呢得好密~~
呆康鎖完門之後出到黎一望就望到個白痴仔~~ 真係笑死我~!!!


玩到之後已經跑到累累地
一入笠又講返佢地之前個次搭笠賣甩左蔡+個件事~ 真係笑死!!
落到去我話要搭笠 佢地就走樓梯 咁我地同佢就失散左喇~~
咁我就自己去左JUSCO買野食啦~
冇耐佢地又黎埋就一齊掃~~
呆康真係好!! 肯買我話想食個隻薯片!! ^0^
不過我自己都掃左廿幾蚊零食囉......撞鬼~
未上到去我已經餓到開左罐芝士波同卡樂B喇~!
仲俾Z老笠左好多黎食添~!
行下打下交咁就上返呆康屋企喇~

上到去我地就開餐啦~~
仲搞到佢屋企不似屋形… 成張臺都係零食!~
跟住我就拎起頭先部相機映返呆康轉頭啦~!
點知映映下俾Z搶左我將好豬服既梳化chair~!!!
唔制呀!!! 幾大都要搶返!!
咁就梗係要主人出馬幫我拎返張chair啦~~~
我就諗住用呆康部相機威脅佢 叫佢幫我拎返張chair坐~~
點知 ! 點知 ! 點知我話 : " 陳耀康 ! 搶返張鄧 ! 如果唔係你部電話就#$%^&* "
咪住 ! 電話 ? 佢地即刻係度狂笑呀… 我都笑到收唔到聲~~
個死仔康仲拎住佢部手提話 : " 禁呢個制可以映相呀~ " 咁~!!
頂~~~ 一時講錯之嘛!!! 笑笑笑 ! 有咩咁好笑姐~!

頭先上黎個陣咪康問我地佢帶條十字架頸鏈好唔好~
咁我地就好真心咁話好…
仲叫佢買黑色或者整條粗粗地既金鏈
再著埋條火焰大喇叭褲+黑色緊身底衫~
襯埋對紅黑人字拖~
咁佢就有足夠MK call li做個十足既mk佬喇~!!
我諗佢呢個look可以係mk殺出一條血路既…
mk康個名堂應該好快會係mk打響!!~ 哈哈哈!!
點知上到去繼續睇魔戒1 套戲入面有個女仔帶住條鏈~
我地就叫佢不如帶呢條(但係條鏈應該係女裝…)
點知呢個女仔將條鏈送左俾佢男朋友仔
我地又話個條係mk鏈 又話佢冇降啦~~ 條鏈都冇埋!~
我地個陣仲未清楚套戲入面個男朋友叫咩名 所以就以mk佬稱呼佢喇~~
真係慘… 拍戲都俾人話mk… 仲要係魔戒.......一x一||

睇到完場個陣我同mk康開始爭咬究竟邊個係阿拉根 邊個係伯羅米~
我仲講錯左條友叫阿根德添~!!
頂… 講錯之嘛… 好好笑咩!! 笑…
其實人地真名係阿拉岡同波羅莫呀......=.=......鬼叫我地睇緊翻版咩~!!
我地狂係度倒帶睇返d片段究竟邊個打邊個 但係最後都冇個真確既答案~
由於我地無啦啦落左街買野食… 又磨左一大輪…
所以最後都睇唔切第2集......~~ 算啦~!! 照睇第3集!!~

跟住返到屋企玩左陣icq同vos
玩玩下竟然9:30p.m?!?!?
唔係呀fa......佢地約左9:50係戲院等架喎~!!!
我琴琴青就衝左出門口!!~
鬼咩~~~ 要跑去呀~~~ 勁辛苦… 早知唔拎袋啦~~
我仲要經過商場襯有時間去左個廁所添喎!!~
唔係等間睇睇下戲急急咪大煲!??
點知去完個廁所到達戲院佢地就是未到囉.....
跟住打俾佢地 原來佢地係樓下分緊薯片~
我地要一人裝d咁拎入去掩人耳目~~
好快我地就了左入戲院喇!!~
我地睇10:00嘛~~~ 今次睇戲得呆康1個男仔囉~~ 哈!
跟住就係我地3小花出場喇~~

入到去個陣播緊d廣告
華華睇左陣就死蚊住我隻手唔放~!!~
仲係度嗌 : " 鬼呀!!~ 好驚呀!!~ "
但係個套係驚慄片黎架咋喎…
佢搞到我都想嗌~!! 因為佢扯到我隻手好痛呀~!!
我發誓我呢世都唔會同佢去睇鬼片!!~
跟住我地就開d薯片食~~
個d拆包裝袋聲真係好大聲… 我地幾個又同時一齊開薯片
又白白痴痴咁係度笑唔知笑乜~!
咁岩套戲又冇乜聲 真係好驚俾人鬧~!!
我地仲有包開極都開唔到既蝦片
仲想擺佢係地下踩爆佢架!!~
但係d蝦片一爆就飛開晒出去我諗我地幾個會俾其他觀眾柄囉~!!

幾經辛苦華華呢隻大力水狗終於開到包蝦片喇~!!
咁我就好快手咁拎左1塊出黎啦~!!
點知一拎出黎我地幾個即刻爆笑呀~!!!~
塊蝦片仲大過我個頭囉~~~
跟住我地幾條白痴仔就係度狂笑!!~ 仲要笑得幾大聲下~~
基本上成個戲院個陣得我地4個係度笑緊……
劉欣仲話見到斜前面個位哥哥仔係咁啤我地添~!!
估唔到堂堂一部咁勁既大制作… 竟然會俾一包幾蚊既蝦片搶晒鏡~~~
我地仲係度數阿令仔揹住幾多支箭 佢d箭好似射極都仲有咁既~!
結果推斷到… 可能佢射晒d箭出去之後慢慢係d人身上蚊返黎用喎...............(汗")

睇完呢出戲真係覺得好正!!~
個feel好似真係世界未日咁~
同埋我體驗到山姆對佛羅多真係好好 好保護佢~
我都好想自己做到1個對朋友好好既人!!~
同埋如果既話我都想好似佛羅多咁拯救地球 應該會好好玩~!!!
睇完晒出戲我就記得菲菲叫我睇埋d字幕先好走~
咁我就蚊埋佢地陪我睇啦…
個個都行緊出門口我地仲好似賴死唔走~
算囉… 橫掂佢地都唔識我架啦~~
原來之後有得睇d索描咁既野囉~!!
等左好耐先有得睇令仔呀~~~
真係好令仔!! ^0^ 佢射箭好型呀真係!!~

睇完戲之後我就陪佢地行返厚德啦 順便上mk康屋企拎返條頸巾~
可能今日睇碟漏左係佢度啦…
送完華華返屋企之後我同劉+欣就係度講d無聊野!!~
愈講愈大聲 跟住又係度大笑啦~~~
但係經過3個半中不眠不柯既情形下個陣已經成2點喇~~
點知我地笑笑下聽到有班街頭青年大嗌 : " 細聲d啦~! " 咁喎~~
但係我地聽完唔知點解覺得仲好笑 ! 笑得好似仲大聲咁添~! 哈哈~~
點解唔係d居民鬧我地架呢~~
跟住mk康話原來佢係3秒之前都聽到佢地嗌我地細聲d
但係我同劉+都聽唔到喎~~
同埋佢又唔知個班人係咪話緊我地呢~~ 哈哈!~
好彩佢地冇過黎打我地姐 !
如果唔係4打3.........人地又成班mk仔........我地唔夠抽架喎~!!

上到去mk康屋企 佢搵左陣話搵唔到條頸巾囉~~
下!?? 冇咩!? 咁係邊~??!
我諗諗下..今日又好似有帶返條頸巾返屋企wo...
咁唔通..我真係拎左返去!??
我唔係好記得喇…
跟住就同mk康講話我返屋企搵下 搵唔到先再問佢囉~~
跟住佢就話我玩野喇........一_一"
大佬~~~ 你估我專登上黎貪得意咩~~~~ 我都唔清楚架~~~~~
跟住我就慢慢行返屋企喇~!
今日都幾開心Y!! 好耐冇去戲院睇過戲喇~~~

>>January 1, 2004 at 1:45:04 PM GMT+8

2003 年 12 月 26 日 星期五 【晴】

冇訓過呀.......
一直到今朝都幾精神下~
終於追返晒d日記打落電腦度喇~~
跟住就返房訓… 訓到1點半歡歡同萍萍打黎叫我返團契…
係喎!!~ 我訓過龍添~!!
今朝仲要跳舞添架~~~ 算啦算啦~~
跟住我就即刻bill起身 拿拿林食左碗飯就返團契喇~~~

返到去佢地唱緊歌 我地唱左陣就玩遊戲喇~~
玩扑傻瓜個陣好搞笑
d人嗌完d名都唔知邊個打邊個~~
之後就玩扮野 一叫個個人個名旁邊個2個人就要同佢一齊做動作~
要扮椰子樹啦..大笨象啦..單車啦..如廁啦..直升機啦..微波爐啦..
總之就好搞笑啦~!!
玩完之後我地就落去有蓋操場玩火燒後爛
跑左陣又玩搶膠袋~
係成組人排成一行 頭個個就要蚊人地組最尾個個人個膠袋
最尾個個人就要保護自己個膠袋唔好俾人搶~
而且條隊係唔準斷開架喎!!~
之但係我地組次次都斷左… 真係囉命~~
最後我同歡歡同萍萍仲一齊起腳攻擊隔離組添~! 哈哈!~
幾好玩呀今日~~ 玩完仲有野食添~!

之後我買左個包食就同歡歡一齊返屋企~
佢頭先跑完好似好辛苦… 把聲又沙晒~~ 真係好擔心佢~
一路上我都冇乜點撩佢講野 費事佢之後出唔到聲啦~~
跟住我上左歡歡屋企 見到佢家姐傾緊電話喎~~
應該係同男朋友仔啦~~~
睇佢個樣咁sweet sweet....仲話我妒忌佢添~! 啍~~
跟住佢聽到歡歡話上我屋企玩電腦佢又話上 話要上黎打機喎~~
啍~~你求我啦~~但係我地唔係上黎打機喎~~
歡歡上黎借電腦玩之嘛~!
鬼叫佢部腦死左咩~~
咁佢一路玩我就一路練琴啦~~
練Endless Rain呀~! 都唔係練得好熟…

夜晚就係咁係度玩vos
仲用最快個個speed黎玩添~!!~
好正呀...我可以彈到d快少少既歌喇~~
真係幾好玩~~~
呵呵~~ 今晚好開心喎~!!!
聽日睇魔戒....正啦~~ YeAh!
聖誕一定要睇戲呀~!!!

>>December 27, 2003 at 7:11:27 PM GMT+8

2003 年 12 月 25 日 星期四 【晴】

今朝7點幾先返入房訓 3點幾先起身呀~~
一起身媽咪就問我究竟而家d成績點 有冇可能追返d成績升返官中~~
我答佢以而家既成績黎睇30%倒啦~
估唔到佢竟然問我補習好唔好~!!!
奇蹟呀~~ 由細到大佢都唔會叫我補習 話side錢喎~~
而家佢竟然叫我補~~
不過我都唔會補啦~~
由細到大都唔補… 我都唔中意補習既~!!
不過我真係有諗… 我係咪真係放棄左學業呢?
我都唔知喎~~ 過埋聖誕先算啦~

跟住我就一路係咁玩icq
夜晚歡歡打黎搵我傾電話…
佢病得都幾勁下喎....又發燒喇~
把聲仲變埋添~! 差d認佢唔到~~

跟住就夠鐘拎份禮物俾阿斌喇~
份禮都拖左佢好耐喇.......
當係多謝佢借個amp同turner俾我 仲搵人夾個amp俾我做生日禮物囉~!!!
見佢追左我份禮物咁耐我都要識做先得既~~~
我成11點幾點先包份禮物同張卡俾佢
去到佢樓下都12點半lu~~ 好彩佢仲未訓 ! !
佢仲係度學緊捉圍棋囉... 成個阿伯咁~
我擺係佢門口之後就打俾佢叫佢出門口睇下~
ok啦~~ 冇送錯地方~~
咁我就返歸lu~~~

跟住返到屋企好開心喎~!!~ ^0^
一路玩icq一路寫日記
又整返日記d相…
搞搞下搞到天光喇~~
死… 通左頂添~!
不過我已經追返好多日既日記囉~~ 好野!!

>>December 27, 2003 at 6:46:16 PM GMT+8

2003 年 12 月 24 日 星期三 【微冷】

今日朝早7:10先返到將軍澳~
歡歡返屋企覺覺豬先
我就去左東港join狗寶佢地~~
去到淨返5寶係度咋~~
有周妍, 包包, 阿豆, amy同阿雪~~
原來今日佢地打邊爐個陣阿law咩咩咩喎~~
我去左報佳音冇去到打邊爐… 睇唔到添~!! >.< side晒~~
我去到厚德個陣包包已經死左咁滯喇… 扒左係張chair度訓…
跟住我地就係度傾計~~
原來我地Pk FoR 4入面 4個人都有野唔開心
周妍...阿豆...包包...我...
總之真係各有各唔開心~!
佢地話Pk FoR 4四個人都自信崩潰呀......
講落又真係~~ 我地4個都.........唉~~
唔通呢d就叫同病相連??
估唔到以前既我地一齊既係玩同笑~~
而家就一齊唔開心…
fd就係咁架喇~~ 開唔開心都一齊嘛~~
呢d先叫好朋友~~~
所以我都好多謝歡歡, 萍萍, 邱邱, 暴暴, 阿青, 肥man, 菲菲, 漁民佢地~~
仲有好多人...都好關心我對我好好~~
起碼佢地有咩開心唔開心都會同我講... 我又會同返佢地講~~
我好開心識到班咁好既朋友架~!!! ^0^

講左陣阿斌都黎左~
但係我自己都超眼訓呀…
眼訓到就咁訓左係商場個地下~~
過左一陣… 我就俾人嗌左起身去食早餐喇~~
不過得周妍, 包包同埋我3個去食囉~
我仲想食m記添~! 好耐冇食過喇~~
但係最後都去左美心食個火腿蛋通粉~ 都幾好味既~~~
食完野我地就繼續傾計喇~~
傾傾下我又訓左係張臺度… 好似死左咁~~ 真係訓著左!!~
咁佢地傾左陣又叫左我起身 今次大家都返屋企喇~~~
我好辛苦先行到返屋企…
返到去已經9點幾喇~~ 洗完面換埋衫就撻左落床……
我真係好想連衫都唔換! 鬼叫我頭先訓過地下咩~~~

訓下訓下… 媽咪拎左個電話俾我聽喎~~
原來已經6點幾喇~~~
阿青打黎問我係咪去睇燈飾呀~~
睇!!! 橫係睇啦~!!! 尋晚唔記得左睇 今晚點都補返~~~
但係佢地成班約左7點喎… 咁佢地就出去先啦~~

今日......我竟然著裙出去呀~!!
唔知點解想試下著裙出街囉~~
好耐都未試過著裙出街… 仲冇帶眼鏡喎~~ 好驚添~!!
我諗住聖誕玩下先著裙架之嘛~~~
冇咩人見到... 唔緊要啦...
出到去尖咀喇終於!!
都唔知自己係邊~~
約左阿青佢地係E出口等 點知個E出口封左!! 迫住我C出口出~~
搞左好耐… 都有成半個中喇先等到阿青佢地~!!!
點知阿青俾人偷左部電話囉……
而家d人真係衰!! 俾我一定唔會偷人地部電話!
就算執到我都唔會拎啦~~~ 唉…
我唔見過2次電話...都知道冇左電話係咩感受既~~
阿青真係慘................T^T...................

跟住我地就行左去文化中心個頭~
好彩阿青識路姐~!
佢地話money個d去左天馬欖個邊玩嘉年華喎~~
我都唔知天馬欖係邊........=x=||........
行行下我地竟然撞到Audrey同溫+喎~!!! 真係橋~~~
咁我地就即刻搵人幫我地映左張相… 跟住就一齊前進去海旁喇~~~
我地行到文化中心個陣竟然咁好彩俾我撞到邱仔!!~
我即時嚇左一嚇!!
鬼咩~~ 我冇帶眼鏡呀~~~又著左裙~~
真係好驚俾人見到~!!
嚇親人就唔好啦~~~
我避左避之後都有同邱仔say halo~
但係我冇望佢囉...
可能諗住我唔望佢佢就見我唔到卦~~
跟住邱仔話佢地成班人係出面玩緊game 問我去唔去
我梗係話唔去啦~!!! 貪得意咩~~ 唔制~~
之後rita話我好搞笑~
一見到邱仔就兜左去佢左邊 仲橋住佢隻手~
邱係又跟住我兜兜兜兜左去佢左邊同我講野~~
咁我真係驚架嘛……

<*~又冇帶眼鏡又著裙....未見過呢~~ 算啦! 聖誕豪1次~!!! >0< 冇下次架喇~!!! ~*>

去到海旁真係勁多人 想搵個令位都冇~~
見到d人係度唱歌...又有人畫畫~~
仲見到d cosplayer係度唔知做乜都有勁多人圍觀~
咁我地死妹DaNcE出去跳返part舞都夠撼啦..............一x一"
我地望過對面海 真係幾令喎~~
我地仲望到paul許願樹添~!!
我都係岩岩先知香港有paul許願樹咋…
不過咁夜… 我地都係唔過去喇~~
之前仲諗住聖誕搭船好好玩添~!!
一路上都見到好多令女姐姐~~~ 真係好令呀~~~ (心)
好想過去叫佢地一齊映相添~! 哈哈~~
我地一路行一路玩 仲係度講埋d無聊野~~
話咩搵個阿叔幫我地映相 但係佢淨係映後面paul樹冇映到d人~~~
哈哈!! 真係笑死~~~

玩到12點幾都係時候返屋企喇~
唔係今晚冇車返去就大煲!!
我地搭地鐵個陣又好白痴咁係度映相… 仲係油塘轉車個陣映喎~!!!
轉完車我地又傾計~
唔知係咪靜得滯呢?
我地講野都唔係太多聲之嘛~~(都唔細聲)
對面個男仔係咁望住我地....唔知係咪諗緊鬧唔鬧我地好呢? 哈~~
唔好理啦~~ 咁真係好好玩Y嘛~!!!
我地仲諗住去映貼紙相添~! 因為平時好少同佢地出街Y嘛~~
但係咁夜… 咩都閂晒啦~~ 唯有等下次!!
到左將軍澳站我同Audrey就落車啦~~
我地之後就係將軍澳站映左張貼紙相先走!!~
真係好搞笑囉… 大家都唔識用部機~~
跟住我買左2條腸仔食就送左佢返屋企喇~~~

<*~俾邱仔嚇一嚇 我就即刻帶返眼鏡喇~~~ 都係帶眼鏡慣d~~~*>

返到屋企都成1點.... 冇咩人on9喇~
睇到d野... 我唔係咁開心添~!
我諗可能係真係唔開心~~
好想出街......唔想留係屋企囉~~~
好想去打千秋........

>>January 18, 2004 at 8:11:14 AM GMT+8

2003 年 12 月 22 日 星期一 【晴】

今日去左周妍home整鬆餅
訓遲左勁驚周妍等左我好耐囉~~
好彩佢都岩岩起身…
跟住我地就約左係厚德百佳個度等一齊買材料喇~~
不過我都係遲到囉.................一.一"

上到周妍屋企玩左陣ICQ包包就上到黎 咁我地就開始整野啦~~
我地將d發粉 麵粉同麥粉撈到亂晒…
不過都整到d鬆餅出黎既~~~
我多手+左d蛋黃係d鬆餅上面 搞到好似老婆餅咁添~!! 不過真係好味d喎~~~
我一路整一路食 都食左幾多下囉~~
仲食到佢地唔俾我再食~
話如果我再試味既話就冇野送俾人喇喎~~ 哈哈!~~
跟住我就幫包包搽過d指甲油啦~
原來黑色既指甲油真係幾難搽下…

包包今日...........
我好支持佢架!!
無論佢點做我都會撐佢~

返到屋企......唉......
都唔知佢想點 !
好煩呀~~

>>January 5, 2004 at 6:44:27 PM GMT+8

2003 年 12 月 21 日 星期日 【晴】

今日同萍萍+歡歡約左買禮物
因為24號個晚教會d人話報完佳音一齊返港澳交換禮物喎~~ 咁我地就揀啦~~
係千色店揀左好耐都唔知買咩好 就走左去睇童裝喇~~
個度d童裝真係好令囉~!!~ 我好中意呀~~
我一定會草到錢買個度d衫架!~ 啍~~
睇完衫行多陣… 我終於見到想買咩喇!!~
係張好細好Q圓碌碌既chair仔!~
唔知坐唔坐得架~~ 不過真係幾得意~!
之後我地就出左去food court個頭睇魔戒個d展板~
好正呀!!~ 我地仲係度映相添~!

夜晚發生左d我唔係咁開心既野....
不過都有d開心野既~~
是但啦~!

>>January 5, 2004 at 6:24:48 PM GMT+8

2003 年 12 月 20 日 星期六 【晴】

下午練詩喇又~
我把聲都唔算太得~~ 唔敢唱太大聲呀~ 費事走音啦~~~
跟住係港澳聽佢地好多人彈歌 仲聽到jason彈添~!!!
佢彈到X同Rusty Nail呀~!! 真係好勁~!!
咁我就一路聽一路寫聖誕卡啦~~!!

見到d人收到聖誕卡都幾開心~~
之後聽完Band就就去食扒啦~
頂… 又唔見左支潤唇膏!!
今日我都好少出聲 同佢地都冇乜野講…
但係另一邊就好多野講~~ 我唔中意呢種感覺囉~~~
食完野就去打機 玩左結他機同鋼琴機呀~!! 好好玩喎…
打完機之後就返屋企喇~~~

跟住返到屋企on9~ 又傾完ICQ咁~
又夜訓lu~~~ 成5點幾呀......

>>January 5, 2004 at 6:12:19 PM GMT+8

2003 年 12 月 19 日 星期五 【晴】

今朝聽到阿青個電話先識起身… 原來賣旗喎~!!!
咁我訓多陣就出門口啦~
去到見到阿青已經係度賣緊 因為個陣已經10點幾喇~~ 哈哈!~
唔得!! 我都要開工喇~~
係厚德賣旗都幾好呀~!! 好多人都會買~~
不過阿青話有d嗚遠既人串佢囉~~
好叻咩!~ 最後佢地咪又係要幫我買旗~~~
阿青! 我幫你出左氣喇~!
賣賣下仲撞到周妍佢地成班… 去科大溫書~
又係科大!? 咁多人去架~~
好彩我都老笠左佢地1條朱古力姐~!

跟住我地就去交旗袋~
交完旗袋我同阿青就去食野~
食完就join返萍萍去聽佈道會~
歡歡冇返呀… 佢返左長洲~~
我地唱左陣詩就睇錄影帶~
餅帶係講沙士個陣個胸肺專科主任謝婉雯架~
佢係個好叻既女仔 好肯為香港人服務~~
睇完真係好感動…
之後又到個牧師講野 佢講野都幾好笑~~ 幾過癮呀~!

聽完我就同佢地一齊過明道小學喇~
因為今日係小學同學既BBQ聚會囉~~~~
一路上都係得佢地講 我都冇乜點講野~ 好悶呀…
佢地d慕德人都唔理我既~!!
得我1個唔係慕德… 都唔知佢地講緊咩~!
我以後都唔會同佢地一齊行呀~~ >_< 真係好悶!!!
去到明道之後唱左陣歌就玩game~
華華原本第7組架~!! 但係都俾我拉左過黎第4組~
搞到佢地個組得返4個人… 哈哈!!~

跟住就開始玩野外定向喇~!!!
我地首先要去1C班房度搵齊10張紙仔 砌成1句野~
跟住先可以再去搵第2個指令~
搵左好耐都搵唔齊10張紙仔呀…
好彩我都冇佗衰家~~ 搵到1張咁大把!!~ 哈哈~
搞左好耐搵齊晒喇!!~
搵完第2同第3個指令就跑返落地下~~
跟住仲要諗個有創意既組名喎… 點算好呢?!
咁我地就派蔡+去隔離組度目及目及人地個組名啦~~
目及完.... 都係冇頭緒~
阿+話不如叫 " 野外新/生定向 " 喎~~
咁娘…… 我覺得 " 畢業爆先鋒 " 好聽d姐~! 我中意個爆字~~
好彩有華華佢地支持我姐!!~
終於我地畢業爆先鋒真係拎左個最有創意獎呀~!! 多謝~~~

跟住我地6E班既人就同盧老師映相~!
盧老師要去飲今晚要早走呀… 真係忙~
我地映完之後盧老師話見到我就諗起我話送俾佢個條頸巾
但係我過左5年都仲未送囉…
佢話等我考完個會考先喎~~
我驚我會考之後冇面見佢咋~!!
不過佢話考成點都好...都要同佢講~
佢唔會介意架喎~~~ 真係好~~~
<*~想當年我係插班生~*>

跟住佢走左我地就BBQ喇~
BBQ又冇咩野食… 燒得個幾條腸同幾粒丸
我又唔想燒扒燒雞翼喎~! 好似食包飽咁囉....~~
好彩我同有劉+欣,華華,winnie阿+,呆康,鄭浩文同Z陪姐~!!
我地呢個爐都幾好玩既~~ 睇住呆康佢地係度白痴~~
佢仲倒左我個碟d腸仔出黎自己用添呀~!!!
仲想食埋我個叉… 好彩我截得住!!

食完之後我地就打左陣排球啦~
見冇乜野做就幫下手執下野 收下d chair咁~~
我仲白痴到望住華華同佢傾電話… 多分鐘得滯 !
跟住陳主任俾左粒識著燈既介指糖我地 同我地講左一輪野~
搞到我真係好想得閒就返小學探下佢地添~!!
聽完我地就走左去映相喇~
我同劉欣拖住手好興奮咁係度跳
點知望一望樓上有成班男仔望住呀～～～
大煲~~ 我仲邊有面目見人!?
唔好理喇~~ 映埋就走!!~
我地去左跳飛機呀~~~哈哈!!
之後呆康同Z佢地又出埋黎 咁咪一齊映囉~~ 映完我地就走喇~~~
<*~飛機場.......哈哈!! ~*>
<*~唔好意思~~我係聖母~*>
<*~睇下華華個咀@0@~*>

之後我地去左安寧遊樂場度玩~
其實咪即係公園1個… 連千秋都冇~
但係我同華華2個玩玩下行錯路 俾大隊拋離左喎~~
唔得 ! 我要搵條快d既路早到過佢地先得 !
跟住就同華華一齊跑跑跑…… 跑左好耐… 都係遲佢地1步!
之後我地諗住呃佢地入廁所 跟住扮早到啦~~
點知呆康竟然坐係對面大嗌 : " 我見你地唔到呀~~~ "
低b!! 穿煲啦~ 算~~我地現返身囉…
跟住我整整下個電話唔知邊個話映相
咁我就咁就擺左個電話係張chair度~
映完就齊齊走左去食糖水喇~~

去到糖水鋪我地係咁玩打交~
我呢位跆拳cheap友竟然係度教人踢腳囉............(汗")
不過踢踢下我差d仆左係度!!~
之後玩玩下我順便摸下條褲部手提係唔係度啦~~
咦咦咦??? 冇左既!??
唔怪之得我踢得咁豬服啦~~ 好鬼順~~
原來冇左部手提頂住係咁free架… 我都唔為意添~!!
跟住佢地就即刻陪我跑返個公園搵部手提啦~!! 去到都唔見左lu~~~
打電話去打唔通 即係冇左啦~~
如果唔係我都有飛線返屋企~
算啦~~都唔係第1次唔見手提~
今次我又冇上次咁唔開心呀…
打左個電話俾老媽子之後佢竟然冇話我
淨係同我講話唔好再係大慒~ 要注意健康…
唔夠訓就會咁失雲架喇咁~~
哦! 知喇!~ 聽左佢講一輪野之後就收左線~ 繼續玩撻人!!~
估唔到我學跆拳竟然又會教人柔道囉.......~~
又會有人肯學先搞笑Y嘛~!!!
我仲撻左呆康一野添呀~!! 勁!!~
<*~我部手提既最後一面...闊別我的手提~*>
<*~仲有3個冇入鏡~*>

返到屋企知道左d野~
唔係嚇我Y嘛~!!
唔好啦...我唔係咁想...
好彩有佢企係我個邊幫我姐~!
真係唔該晒~~~
如果唔係我都唔知點算好呀~!!
靠佢幫我收多d風教我點做喇~~~ ^0^
睇住我呀 ! ! !
拜託晒～～～

>>January 18, 2004 at 8:12:45 AM GMT+8