2004 年 1 月 8 日 星期四 【晴】

一訓我就訓到今朝!!~
原來歡歡尋晚11點幾就返左屋企囉… 我都冇知覺添~!!
不過真係訓得好足 好豬服~~~

返到學校唔知點解都係眼訓
HIST堂就恰下恰下咁啦~
到ENG堂就狂同周妍傾計~
2個雞啄唔斷俾mok mok鬧左幾十次我地都冇理佢囉~~
不過佢今我又冇書喇… 唔知邊個成日吞左我locker d書~ 衰人~!
唯有又係用另1本野黎扮野~
但係又好似尋日咁俾mok mok篤爆左囉.....
又話 : " Why you always bring the wrong book "
仲話我又cheating him添~~ 哈哈!~

lunch我同歡歡同萍萍出左去食飛碟
食食下見到邱邱佢地係飛碟屋出面行過 仲諗住嚇下佢地添~!!
點知佢地真係掂行掂過 望都冇望過我地囉......-.- 嚇唔到添!!~
食完我地諗住去買朱未力食啦
點知經過間鐘錶行見到d鐘時間係1:53倒~
大煲喇!!! 行返去實遲到!!
咁我地就跑跑跑啦… 跑到身水身汗
差d想橫過條大馬路爬欄杆過對面返學校架喇~!
傻啦~梗係冇爬到~~
點知返到學校問個校工 竟然搭十都未到囉…!!
玩野咩~ 間野又會咁多個鐘一齊快咁多都有既!!~
以後唔好去個間野買鐘呀~~ 壞架~~~ 啍!!

今日我地又冇返跆拳喇… 唔想交學費嘛~~
我拎左部單車去29樓梯口俾oscar補條太 佢話識補喎~~
其實原本我係想叫佢幫我去換太架.......
算啦!~ 竟然佢話可以幫我補 咪俾佢試下囉~~
原來拆左架單車都幾好玩 幾得意添~!!
一路整我地就一路傾計
佢話係學校後面個公園都聽到我係學校入面嗌囉........=.="
又講左好多其他野~
傾傾下就成個中都有喇~~

咁夜d我就拎左問何+借個部曲髮機試下整鬈d頭髮啦~
因為我想試下星期日表演個陣以鬈髮look出場Y嘛~ 咩都試下!~ 好!
咁我就拎左部野落去歡歡度一齊玩啦~
落到去睇左陣電視就幫佢整 整左一輪之後搞掂喇~~
頂...我仲燙親隻手添呀~!!~ 勁痛~~~
不過我覺得歡歡鬈頭髮都幾令喎~~ 定唔知我整得令啦下!~ 哈哈!
之後到佢幫我整 淨係整左2邊咋 費事煩~~
而且我地都唔識整.....
都ok既~~ 是但啦 唔好理喇!~
<*~死喇...燙一燙就咁喇...真係勁痛!!~ 我會唔會死架～～～*>

跟住我地2個玩玩下佢媽咪就返lu~~
我地就扮訓~ 點知今次唔駛扮就俾佢篤穿左喇....~~ 真失敗!~
之後我問阿姨覺唔覺歡歡個頭有d咩唔同左~
佢望左望就話 : " Y～～去邊度電左頭髮呀~ "
之後我同佢講我地自己拎部機黎玩之後
歡媽媽就話電到好似髮型屋個d咁~~
我就即刻懶醒咁大嗌 : " 我電架~我電架~ "
哈哈!!~ 我係想有人讚呀~~ 唔俾呀!?~
之後訓左係歡歡張床度玩玩下 又同阿姨傾左陣計
覺得張床好豬服...我又好眼訓添~!
咁歡歡就睇電視 我睇睇下就去左搵周公喇~~

>>January 18, 2004 at 5:35:44 PM GMT+8

2004 年 1 月 7 日 星期三 【晴】

今日小息個陣我地班好多人都係度趕緊功課
我都唔例外啦當然~
不過份HIST同應用練習真係自己做架!!~ 好叻呀~!!!
仲借埋俾人抄添~! 幾勁!!~

趕趕下功課無啦啦聽到Tyrone大嗌 : " X街～你又想點呀！"
咁我就抬高頭望下發生咩事啦~~
原來Tyrone鬧緊阿萍 仲行出去好似想打阿萍咁添~!!
之後講返… 原來阿萍企係老師臺前面
Tyrone就一野咁推開阿萍跟住話 : " 死開啦~ 阻鬼住晒~ 8婆~ " 咁~
跟住阿萍就同其他人講Tyrone呢d咁cheap既行為啦~
之後佢去到歡歡前面愈講愈慶 就隨手拿起包紙巾掟落Tyrone度
之後就扮冇野咁同阿青傾計~
咁Tyrone就發爛渣喇~~~

當tyrone衝到出去想打阿萍既時候
好彩漁民同大獲岩岩係門口
就即刻行入黎講下笑咁截住Tyrone啦~
其實中立d黎講 阿萍平時對Tyrone既態度都唔係咁好
有時我都覺得有少少過份~
不過今次真係tyrone唔岩先囉!!~
對1個女仔 唔駛咁大力推開人仲要鬧人卦~~
雖然佢平時對我都冇乜野 有時我仲覺得佢份人都ok~
但係今次呢件事 我真係覺得佢好黑人憎囉!!~
如果唔係有漁民佢地 我諗tyrone已經動左手喇!~
個陣我已經停左冇再做功課 因為我諗緊出唔出去調停好嘛~~
之後漁民黎左 咁我就冇行到出去啦~
講真~ 無啦啦行出去好似好怪咁~

之後個條劉兆倫就係門口大嗌 : " 係咪打呀~ 我又黎!~ "
低能! 我覺得佢個樣一d都唔似講笑囉!!~
如果tyrone真係打阿萍 我相信佢一定會打埋一份~!!
因為之前阿萍同歡歡周圍唱佢同黃凱欣d野Y嘛~
所以佢咪咁憎阿萍囉!~
但係點睇今次男仔都唔應該打個女仔!!
周妍咁岩企係班房門口都叫劉倫走啦~ 都唔知佢過黎做乜 !
我個陣係度諗~
如果真係有人出手打阿萍 我一定會出去幫拖~
就算出到去唔係打人係俾人打都好啦 我唔會睇住阿萍俾人打囉~!!
就算漁民佢地唔幫手
我覺得至少我同歡歡同埋邱邱會出去幫手先囉~~
咪以為女仔就好蝦 ! !
同埋講真 唔知點解我都想係學校打下交~ 好似好好玩咁~

之後當然係冇打到啦~
劉倫就走左 tyrone就返返埋位~
漁民仲同阿萍講 : " 你男人黎架嘛~ 咪讓下d女人囉~~ "
阿萍就話 : " 女人? 累人呀~ " 講到自己真係個男仔咁~ 真係笑死~
tyrone又唔夠人串 因為大多數人都企係萍萍個邊嘛~~~

不過諗落有時tyrone都幾好人 但係有時就好賤格~
佢以前都有用粗口鬧過我,話 : " X你老母~ "
頂佢個肺! 我真係好憎人地鬧我阿媽~
佢好犀利Y~ 可以迫到我係班房大大聲咁用一連串粗口鬧返佢 !
最後當然係我勝出啦~~ 多謝!~
不過都係F.3既事lu~~
有時佢又好好 肯幫我整d片出黎 又肯幫我搵片剪片~
F.5咁耐我又未試過同佢嗌交個d野呀…
咁我諗....其實阿萍平時對佢都有少少唔岩既~ 改下啦~~

放學返到屋企真係超眼訓呀~!!
歡歡又冇帶屋企鎖匙 咁就黎埋我屋企食完野就齊齊覺覺豬~~
岩岩訓落床冇耐老媽子就返黎喇~
佢係廳度話 : " 咁早訓既~~ 你地朝早就鬥訓 夜晚就奮鬥! 日夜癲倒呀~ " 咁~~
哈哈!!~ 我同歡歡係被鬥度偷笑呀 真係覺得好好笑~
點知俾媽咪聽到 佢仲話 : " 偷笑添? " 咁添~~
哈哈~~ 跟住我地就真係訓著左喇~~

>>January 11, 2004 at 5:16:38 PM GMT+8

2004 年 1 月 6 日 星期二 【晴】

估唔到尋晚一訓… 就訓到今朝!~
歡歡就趕起佢d ART功課喇~
咁我地就執齊野上返我屋企度抄作文啦~~
真係唔該晒蜜柑… 幫我地2個作文~ 仲要一晚作左2篇~ 真係唔該晒~!!~
我係ICQ收左d smg (即係個2篇文) 之後就|copy落記事簿度啦~
跟住開左2個記事簿就 " 一人一邊mon " 咁抄文~
佢左邊~我右邊~ 真係好搞笑~!!
抄完之後我地就齊齊上學去lu!!~

今日我地選擇左搭296M~
好耐都未搭過喇~~ 有返F.1個陣咁既感覺~
因為只有個陣先咁蠢會日日去搭車返學囉~~
我地今日搭都係貪佢夠快同埋可以一路返學一路做功課咋~~~
事關我地2個仲有好多功課未找數囉!!
我仲要係百忙之中唔見埋枝藍筆添~! 頂~

今日都係趕功課日 都冇咩好寫既~
係PA堂俾廢潘啤實晒做唔到功課 要被迫聽左2堂書咁囉~
仲有MATH!! 我岩岩恰左2秒眼訓之後Miss胡寶寶就超勁大聲咁嗌我個名~
嚇到我心都離埋!!~ 真係醒晒囉~~

放學補完課返到屋企玩左陣電腦就off左9喇~
之後係梳化訓著左.....
點知起身個陣係覺得俾人摑左巴咁先識醒囉~
原來係阿媽!!! 佢頭先原來狂拉我叫我入房訓個d野~ 醒左諗返都有少少印象~
但係我頭先訓緊架嘛!!~ 點Q知姐!!
低b架~

之後打日記打到2點~
我今日開始有少少想讀下書個d野~ 係努力少少囉~
我想做左本應練同HIST既eaasy呀~~
雖然呢2樣應該尋日交............一x一||
不過我等間開始做架喇我諗~
唔知我做唔做到呢? 聽日話俾大家知啦~~
好啦!~ 唔寫喇~
之後做呀做呀… 做到4點幾都未做完囉…=.=

>>January 11, 2004 at 5:18:02 PM GMT+8

2004 年 1 月 5 日 星期一 【晴】

今朝好好彩… 我起到身~
雖然尋晚2點幾落左床 算早喇~
但係都係訓唔著囉~~~
係張床度碌黎碌去 搞到5點幾先訓得著~
起左身之後又冇乜野做 我又唔想溫oral喎 都唔知溫咩!~
未到1點就出左門口喇~
但係我2點先考囉……

今次我好準時呀~! 仲準時左成大半個中添.....!
點知去到......一個人都冇!
下!? 唔係考晒呀..........?~~ 我會好驚架喎!~ 早知返唔駛咁早起身啦~~
好彩坐左陣就有人返姐~!
跟住就係個waiting room度一路傾計一路等… 等左5點半倒我先開始考囉~~
今次早左個幾中添! 蝕左~

到我考喇!!~
呀~~~ 我係Mok Mok同Miss Ho考呀~~ 好驚Miss Ho Ban晒我d問題!!
我一入到去就係咁笑 係咁自己係度笑~
跟住坐低左Mr.Mok就計時叫我開始~
我坐係Mr.Mok對面都唔知同佢定係同Miss Ho做interview
好彩佢係我想開心同Miss Ho講我係Chris Wong個陣叫停我話再開始過姐~!
跟住問問問答答答…
我冇寫到第6條問題呀 是但問左題之後Mok Mok就話No idea 真係易答~
俾著係Miss Ho我可能已經俾佢跳左去next Question lu~~
跟住坐過Miss Ho對面~
佢望實我好似想同我講d咩咁 咁我咪等佢講囉~
點知佢同我講原來等緊我叫佢Good afternoon Miss Green.......=.="......
完左之後就到dis吉吉~
我講過3次野囉~ 好彩都仲有機會講野!~
但係講到真係.......成pat屎咁~
不過考完之後就好開心咁跳走lu!!~

跟住陪歡歡去圖書館print野
望入自修室見到好多熟人呀~!! 真係勤力~
跟住就同歡歡去左慧安園買野食~
去到食完魚蛋食煎餃 食完煎餃食黑燸米 食完黑燸米又走去買雪糕食~
但係我地已經食左野先出黎架喇喎~~
如果唔係歡歡借左我錢搞到我冇錢買野食 我諗我都會繼續食落去~~
點解次次都要為食到尚德架呢? 哈哈!~

hae到5點幾終於返屋企喇我地~
返到去玩左陣電腦就拎齊d功課落歡歡度諗住一齊博殺下啦~~
點知落到去… 睇相… 玩跳彈床… 煮麵… 映相… 玩呢埋… 又side晒d時間喇~
但係我發覺歡歡屋企咁細都可以玩到 "僕呢呢" 架囉~
事沿佢話入佢間房俾d野我睇 咁我就bill左入另一間房度呢埋啦~
佢以為我呢係門口面 驚一行埋黎我就會嚇佢喎~~
雖然我之前真係係門後面 但係之後就走左去張床度搵d被comp住黎呢埋啦~
經過幾分鐘… 佢開左門tum我出返去 不過佢冇望門後面囉~
但係一打開門就見到張床架喇喎~ 佢咁都見唔到!?
之後過多陣佢就出返廳 咁我就出返黎跳出去嚇佢啦~!
佢話平時佢阿媽都係咁摺被 真係唔覺得有d咩唔同囉~~ 哈哈哈!!~

之後佢話要去廁所 咁我就搵多撻地方呢埋啦~~
諗到! 通常都入衣櫃架喇… 我又入~~
我入左個衣櫃之後竟然仲有位淨!!
咁我就吞過去右邊啦 因為一打開衣櫃通常都係望到左邊先~~
我呢左陣歡歡就出黎喇~
我聽到佢嗌 : " 又呢埋… 3次喇~ 你係咪人黎架~ " 咁已經好想笑 但係死忍啦~~~
跟住佢就一路搵一路嗌左出黎 搵雲成間屋之後佢終於入房喇!!~
我以為佢知我食衣櫃啦~ 點知原來佢打電話!! 吹漲~
仲要打去我屋企搵我~!! 真係笑死我呀~~
我阿媽接左電話之後 佢竟然同我阿媽講我呢埋左 佢就以為我返左屋企~
佢仲同我媽子講我地頭先玩個d野~
講講下佢打開左個衣櫃左邊個度門 跟住話 : " 連衣櫃都冇呀~! "
我真係好想笑出黎囉~!!~
忍左陣之後我真係忍唔住喇~~ 跟住又跳多次出去嚇佢!!~
哈哈哈!!~ 真係好好玩囉~~
跟住歡歡都入埋黎 原來入到2個人添架~~~ 哈哈哈!~

之後終於K.O左個麵黎食喇~
食之前歡歡又懶有情調咁話要咩燭光晚餐 跟住拎左d蠟燭出黎~ 真係幾令既~~~
跟住咪映相囉~ 映完之後就食麵~
食食下佢問 : " 唔知d頭髮燒著左會係咩聲架呢~ "
跟住我就答佢 : " 吱吱喳 " 咁囉~
佢個陣已經拎左少少前陰係舊蠟燭隔離 點知之後真係燒著左囉!!~ 哈哈哈!
證明左真係 " 吱吱喳 " 咁既聲喇~!
跟住佢就成刻整熄d火衝入廁所睇下佢d陰有冇咩3長2短~ 哈哈!!~
有少少窿左囉~~ 變左鬈毛喇… 哈哈!~
好彩用cutter cut左之後都冇咩唔同~
之後又係度好無聊咁拍video
拍拍下歡歡唔知講開咩SM 我就話 : " 睇我呢一身SM既裝扮......#$%^& "
但係我著衛衣同運動褲咋喎~~ 哈哈!
咁岩仲有埋蠟燭可以玩滴蠟添~!

之後我地落完街買朱古力就要開始做功課喇…
我地都冇心情做 唔想做~
之後我地都係做左d啦…
做做下我就訓一陣 歡歡就繼續做~
之後到我醒左就到佢訓~ 我就做做做…
做到4點9倒就叫歡歡起身 我就去訓下~
其實都幾開心!!~
好耐都未試過做咁耐功課~
雖然係對住周妍份HIST資料題黎做
但係我都有用腦改左少少野~
係抄左佢份PA會考題姐~
我今日真係玩少左電腦囉… 可能係出左街既關係啦~!
係歡歡張新床度訓真係好豬服~!! 我好中意呀~~~ >0<

>>January 7, 2004 at 5:48:37 PM GMT+8

2004 年 1 月 4 日 星期日 【晴】

嚇死我...
仲以為個日記又有d咩冬瓜豆腐添~!
好彩...最後都冇事~
我仲驚到打左篇懶係書面語既野諗住問下發生咩事添~!
好彩冇手快快post到......(汗")
另一方面仲好多謝呆康!!
佢竟然唔駛我開口都幫我打左篇野去問囉~~
寫得仲詳細過我!!
真係唔該晒呀~!! (感動感動)

尋晚5點幾先訓 今日一起身就已經差唔多5點喇~
不過今日發左個夢好正架囉~~
一開始唔知點解我同萍萍同另1個人就拎住把劍 係用個長方形既盒裝住既~
事實上我地就要去一撻地方斬妖除魔~
咁我就唔知點解俾人選中左做拎劍拯救世界既人啦~
萍萍佢地就護送我去~
去到唔知一撻咩地方就有幾個人陪我地食野
跟住使橫手昆我地除鞋想搬走我地d鞋等我地行唔到去有惡魔個個城~
好彩我好耐之前好似發過呢part夢 所以就搶返自己對鞋啦~
跟住又有第2條友黎想昆我去第2度 咁萍萍就護送唔到我~
我又冇咁蠢跟佢走喎今次!~
但係萍萍摸下個盒好似唔見左把劍喎!!
摸真d原來把劍幼得滯所以摸唔到… 咁我地就輪住黎保護把劍唔好俾d衰人搶走喇~

跟住我地就到左個巴士站 要行段路先到個有壞人既城~
去到我就拎把劍出黎啦~
但係把劍好軟 又幼喎 都殺唔死個d鬼怪既~
唔知點解話要用我d血滴落把劍度先得囉~~
咁我界左界隻手指就滴左少少血搽左落把劍度
把劍就即刻變得好粗好令好堅硬 仲有埋雕刻係上面架添~! 真係好勁呀~~~
之後又唔知點解有段片映低左我地幾個
咁我地就同d惡魔一齊睇完段片先開始打交喇~
我仲同佢地講 : " 睇埋先啦~" 咁添~!
之後我就KO左好多壞人啦~ 成功完成左呢個咁神勝既任務~

之後唔知點解又到另1個人黎完全呢個任務
個條友好鬼冇用囉~ 要d同伴幫佢手代佢殺左d惡魔~
真係好想出手幫佢呀!~
但係把劍淨係指定個個人殺d鬼人先有效架咋喎~~
發發下個夢就醒左喇~~
我真係幾中意呢個夢 我好有成功感呀~~
覺得自己好正義添~!! 又有得冒下險呢～～ hehe~~

>>January 7, 2004 at 4:38:24 PM GMT+8

2004 年 1 月 3 日 星期六 【晴】

今日好頹呀又…
諗住做下功課 點知又走左去玩電腦~~
成日都冇出過街呀… 係夜晚落去買朱古力食咋~~ 真係好頹~

11點幾有幾條友打黎~
咪就係Pk FoR 4囉~!!~
我地好耐冇試過4個一齊傾電話喇~!!~
真係傾得好開心 成日係度笑笑笑笑~~
我地傾傾下就開始講自己個喪禮會點搞~
包包就話咩要粉紅色or紫色做主題喎~~
仲話有得唱k有大抽獎 嬴左可以搬佢條屍返屋企喎~~~ 哈哈!~ 低b!!~
佢仲話個死人化妝要有假眼睫毛架…
同埋每個人入去都要笑一笑~~ 幾好喎又~~~
周妍就話以粉色做主題 要有好多波波架喎~~
阿豆就冇乜發表意見~~ 因為佢做緊數囉~~

到我喇到我喇~!!
嗯… 我要橙色or紫色做主題~!!!
另外要有好多彩虹… 門口要有1條架喎~~
等個靈堂好似個天空咁 d人好似跨過條彩虹就可以去天堂悼念我~~
到時我又要播住Aya呀… Maki呀… Morning娘呀… FLAME呀… 嵐呀… 同Speed d歌呀咁~
最緊要既就係有X-Japan!!!
要有埋MV架喎~!!
仲要好似周妍咁有好多波波係度架啦~~
跟住就要擺多個架....用黎放相既~!!
放我d死黨啦… 朋友啦…
main point係擺情人既相呀~!!
就算我死左仲未拍拖都是但擺返d我中意過佢呀~~ 佢又中意過我個d人既相啦~
(講明呀! 冇都要求其擺幾張落去呀! 等我扮下多人追Y嘛~!!)
諗起包包個喪禮有得唱k…
咁我個喪禮不如搞返個攤位遊戲啦~!!
我諗應該幾多人黎既~~
$10一張入場券都賺到笑呀~!!!
跟住d來賓黎到可以唔駛裝香 插幾支百力滋俾我就得架喇~~
最好就有歌舞表演啦~~
搵埋Monning娘佢地黎贈慶~~ 咁就正喇~!!!
真係愈諗愈興奮~! 希望快d到就好喇~~~ (講下笑姐)
不過真係諗到好似婚禮咁囉..............汗"

跟住我地講下講下就講到謝師宴
阿豆話佢地班諗住謝師宴表演行cat walk~
話用d廢物整衫著住黎行喎~~~
跟住我就話不如玩cosplay!
包包問有咩可以係4個人 可以俾我地4個扮喎~~
諗諗下… 不如就F4啦~!! 夠晒紅喇~~ 包包中意~
阿旭就一定係佢架啦~!!
佢話阿旭個花名叫大胸脯 岩佢喎~~
我就做Vaness.......叫肌肉男喎~~
阿豆話做仔仔 原來仔仔叫大law柚囉…
周妍就做孝天 又係有個好核突既名~!!

講講下咁狗寶cos咩好呢?
不如就扮美少女戰士啦~~~
放心~ 我地唔會跟佢著超短迷你裙既~!!
頂多咪整長少少條裙同入面打底囉~~~
係時候分配角色喇~佢地話月野兔咁多瘀野非我莫屬喎…
點解會係我喎.............一x一
咁我個地場衛呢??? 佢地就話搵曾忠黎客串下喎~~
咁水野亞美就係Fion
火野麗係wing wing
木野真琴係Amy
愛野美奈子係阿豆
海王美智瑠係包包
天王遙就係阿雪
冥王雪奈個個女仔就係肥man~
土文瑩就係周妍~
而小小兔就俾阿斌做喎~~ 哈哈!!
仲有3個男仔 變左身之後就係女仔個3個就留俾萍萍,邱邱同歡歡做~~ 哈哈!!
我地仲話到時每人要扮自己角色既絕招呀~!!~ 笑死~~

之後又唔知點解講到扮迪士尼個d卡通人物~
係個d好大個公仔笠落頭個d 帶左就唔怕俾人認到啦~~
講左一大輪點扮點玩老師之後我地先醒覺…
點整個公仔頭呀!?? 仲難整過美少女戰士d衫啦~~~
點抖氣? 點睇野?!
我車~~ 講完得個吉......~~
跟住唔知點又講起阿斌多左個花名叫大屎忽~ 因為佢pat pat好突囉~~~
咁講下講下阿豆就變左屎忽豆 包包就叫屎忽包~
我就叫屎忽細~ 哈哈!!~ 咁有冇人叫屎忽大呀!??!
今日真係講得好起勁好過癮囉~!!~
傾左個幾中之後就收左線喇~~~

今日好開心!!~
睇完出講狗既戲之後就好中意狗仔喇~~ 大狗我都好中意!!~
可能前日同d狗玩完啦~~~
跟住就同Pk FoR 4傾電話~!!~
又好似以前咁傾得好開心 有返以前無憂無慮既感覺~!! 仲狂講d白痴野~
呢幾日唔知點解都好珍惜狗寶… 好珍惜Pk FoR 4同其他fd~~
我相信我地狗寶… 真係會友誼永固架~!!!

『就算幾唔開心...係人前都係咁開心~~ 』
笑.......因為我地鍾意笑....
白痴同低B永遠都係我地既象徵....
冇野可以改變到.....
我地就係咁白痴同低B....因為我地就係狗寶... [copy form 豆]]

>>January 6, 2004 at 10:24:22 AM GMT+8

2004 年 1 月 2 日 星期五 【晴】

今朝遲左起身呀… 9點幾約埋邱邱去去深水鼰齠R喇~~
今日去到跳Go Girl多囉~!! 因為我自己冇練過呀~~ hehe~~
學完之後錄左1次 我冇跳錯到呀~!!~ 好野~~
跟住錄左Do it! Now同Go Girl就返將軍澳喇~~~

跟住返屋企換左件衫就同萍萍返團契~ 歡歡又返左長洲囉~~
今日勁唱詩~~ 我都好中意唱詩既~~
無奈今日喉嚨痛得勁過前幾日好多!! 都幾辛苦下~
不過都仲唱到歌既~~~ 係最高個d音上唔到乜滯囉~
但係之後狂唱狂唱… 唱左成2個中呀.... 我企到好勀喇…
仲要1首歌唱十幾次~!! 仲要不停有人講野~
你話最尾個幾首歌先勁repeat同有人講野就話正姐 首首都係咁真係好難頂~
不過我都會接受既~ 我都有聽佢講 請神進入我既心中架~~

之後佢話俾幾十秒我地自己祈禱 佢又繼續係度講野…
咁叫我點祈呀~~
我真係同神講今次團契我覺得有d野做得唔好 我唔係咁中意~
但係睇得出主持個個都俾心機去做 佢都盡左責~
但係求主賜力量俾佢做得好d啦~!!
雖然我覺得有不足之處
但係我都好enjoy唱詩既過程~
總之一切交托俾神啦~!!

返到屋企玩左陣ICQ就訓左係梳化~
好眼訓呀… 我又覺得唔多豬服~ 喉嚨真係好痛!!
醒左之後媽咪話我發燒囉… 我都覺得有少少慶慶地~
但係訓先前我覺得好凍架喎~~ 我諗唔會卦....~~

>>January 3, 2004 at 9:27:47 PM GMT+8

2004 年 1 月 1 日 星期四 【晴】

今朝好開心呀~!!
尋晚仲驚歡歡唔返學就冇人打黎叫醒我~~
點幾中就好琴青咁叫許佩同埋呂廁朝早morning call我啦~
估唔到… 今朝竟然有好多個人打俾我呀~~~
有好Q (大個眼袋) 既許佩啦~
有好好人既呂廁啦~
又有好關心我既阿青啦~
又有聖誕願望係希望我早d訓既萍萍啦~
仲有話要請病假既歡歡添~!
不過原來佢係打黎提我幫佢請病假囉~~~
但係都好多謝佢叫醒我既~!!
如果唔係有咁多個電話 我諗我可能聽完就訓返落床lu~!!

返到學校…
咦? 今日調位喎~~
周妍坐我隔離 呂廁就坐左係我前面~
左面Rita後面就係勁痕兄~
ENG堂好無聊 咁我就不停咁同周妍傾計啦~
又趕下功課又擰去後面8下澳門事件既來龍去脈~
跟住Mr. Mok叫我地做本書個d Ex.
咁我就係本Writing Focus度畫公仔啦~~
畫畫下呂廁擰過黎話 : " 乜條頸咁長既~ "
大佬 ! ! 頭髮黎架 ! ! !
跟住旁邊傳來一把男人聲 : " Oh!~ Don' t copy from the other~ "
哈哈哈!!~ 笑死呀~~~
我都冇做到 佢抄我個公仔咩!!~
好彩我遮得快! 如果唔係俾mok mok見到我個公仔就乃野喇~~~

夜晚出左去同羅洛甄慶祝生日~ 估唔到我最早到囉~
跟住Winnie, 劉欣同華華都黎埋
我地就係劉欣帶領之下入左OK睇啤酒~~ 佢話想飲酒喎~
睇睇下呆康同傑傑黎埋~
但係佢地遲到喎~!! 傑傑就俾華華炮轟啦~~
而呆康就係個架後面綁鞋帶~
咁華華同劉欣就行過去鬧佢啦 順便打佢一獲!
咁我就諗住係後面行過去包抄呆康啦~!
點知華華佢地一出手就嚇到呆康向我呢邊逃走 但係佢仲望著華華佢地架喎~~
咁岩我就衝緊埋去 佢一擰過黎就撞喇!!!
佢塊面撞左落我額頭度呀~~~
但係我頭先已經好大力咁擋住佢架喇喎~~
點解會係我俾佢撞開左架!??! 應該係佢飛開先岩架嘛~~~
跟住我就成個俾佢撞左去另1個架前面~
係混亂之中我仲整跌左包M巾添~! 真係大吉利是~~~
我真係覺得好痛架個額頭… 仲撞到腳爭添!!~
但係唔知點解我俾佢撞左落去下之後就係度笑… 仲笑到起唔到身囉~~~
再望下呆康左邊面紅左(俾我撞紅)我就仲笑得勁~!!~
呢個時候Z終於都到喇~~~ 佢咩都睇唔到添! side晒~

之後我地就去左食野啦~~
今次好特別呀 去左食m記~
我買左個+大碼既巨無霸餐再搭多個朱古力新地囉~
好野 ! ! 好耐冇食過麥當勞餐喇~~
之後我地就去左food court食~
食完之後我地就問傑傑借佢同佢女朋友仔係銀包入面個張相出黎睇啦~!
點知借借下變左搶!!~
仲係JUSCO度玩追逐戰添!!
就係為左個張冇擺到落銀包既相跑左唔知幾耐喇..........................................=.="

跟住我地就一齊去廁所啦~
我同劉欣沿途都一路拎住自己條頸巾係度扮媽媽生
而華華同winnie就俾我地當左係小姐~~
Z同呆康同埋傑傑就係嫖客~~ 真係好好玩囉!!~
行到度防煙門後面我一轉彎就呢埋諗住嚇佢地啦~!
點知我嘩一聲之後後面竟然冇人~!!! >0<
原來佢地係隔離個個門口入囉… 仲見住我係度嚇空氣添~!
之後去完廁所我隻拎左渣水出去諗住玩佢地
點知出到去呆康就係另一度防煙門度走出黎嚇我~
哈哈!! 好彩我醒目~~ 我手上有一渣水架~!!
兜頭兜面咁潑左落佢度!! 哈哈哈~~濕晒~~
我+麗媽唔係咁好蝦架~! 哈哈!!~

跟住我地真係走左去OK買酒飲~
買左jolly唔知乜同埋d雜飲囉~~ 咪同果汁差唔多~~~
咁我地就出發去寶康公園度坐喇~
係公園我地跟住冇開瓶器
但係呆康好勁囉!~ 好快就徙手開晒d酒~~~
我地每人飲左都唔夠1樽~! 跟住映左陣相就去打千秋啦~
唔知係咪飽得滯… 打打下打到我個胃勁痛囉 ! 頂~

之後我就同劉欣去左廁所 咁岩呆康同Z又去喎~!!
咁我地就話跟佢地入去參觀下個男廁啦~
點知入到去Z竟然真係去廁所??!
低能架咩~~ 擰埋過黎Y笨~!!
咁我就同劉欣返過女廁去廁所啦~~
出到黎見到Z… 係咪又想玩水先~!!
點知今次佢抆住我扯左我入男廁囉!!~
原來佢想扯我入去跟住搵水潑我呀~!!
搞錯呀!!! 又唔搞劉+欣~!!!
個死人陳耀康仲係旁邊睇戲咁睇!!~ 幫手啦~~
不過唔係幫佢手對付我喎~~~
好唔好彩… 我唔夠佢大力… 仲俾佢潑到成頭濕晒添~!
跟住劉欣終於動手幫拖喇~~ 用水潑Z定唔知康仔~
跟住康仔就發晒癲咁裝返d水黎潑我地喇~!
我地3個梗係即走啦~!! 呆康就係後面追追追追追~~~
追多2追之後聽到後面有跌野聲喎!!~
哈哈!~ 我地3個即刻停左係度大笑~!!! 仲以為呆康又跌左部手提落地~
點知原來今次跌部數碼相機呀~!!~ 真係笑死~~
好彩部相機冇事 我地仲係度映個月亮添~!
<*~講你都唔信! 月亮黎架~*>

跟住我地返返公園玩Turth or Dare~
但係周圍都冇乜人 Dare都冇乜野好玩~
玩完2次Dare之後就決定一定要Turth啦~~
個個都想轉中傑傑喎~!!! 因為咁多個而家得佢1個拍緊拖… 我地梗係有野問啦~!!
原來佢仲未拖佢女朋友囉… 咩都未呀~~ 真係失敗~~
跟住到呆康就問佢點識佢而家中意個個女仔呀~ 個d野囉~~
華華就問佢個陣中意鄭浩文d咩~~
劉欣就… 原來佢拍過3日拖架囉!!~ 真係估唔到~~ 佢快過我地喇~!!!
但係佢話唔可以同人講初戀得3日咁樣衰架嘛 所以話當個次唔算喎~~ 哈哈!!
跟住Winnie就冇乜野問既~
Z就講左d俾低form妹妹仔撩既野我地聽啦~~

跟住問到我....我講左出黎架喇~~
可能有d未講晒既 不過如果佢地問到我都會講~
我唔mind話俾佢地知囉~~ 好朋友係應該咩都講架嘛~~
我諗我係個d好中意同熟朋友玩既人~
所以我唔介意同fd講我d秘密~
但係如果真係好秘密好秘密個d我就真係淨係會同好熟好熟好fd好fd個d先會講架囉~
好彩大家講野既都唔算係d咩大秘密~
不過真係唔講得既我相信我地咁多個都真係唔會講出去架~~~

玩玩下變左傾計~
我覺得大家都係講緊真話囉~~ 我都係!
講講下就講返小學d野~
佢地話原來我小學6年級一入港澳個陣好多男仔中意我架喎~~
嘩～～乜我真係咁多人中意架咩!??
個陣我又唔係好覺喎~~
淨係覺得我插左入黎6E班搞到佢地d學號吞後晒 d人覺得我係瘟神咋~~~
但係Z話個陣我好似好靜咁~
小學就係中意d靜d架啦~ 但係中學就會中意d活潑d架喎~~
不過之前劉文健同我講話小學中意d女仔巴渣d 中學先中意溫柔d既女仔喎~~
咁即係點呀?????????? =?0?=
跟住winnie就話6年級個陣全班都覺得我好神秘~
當年我係插班生 又唔同人講我幾時生日~
又唔同人講我住邊 電話都係得幾個女仔知咋~~~
所以就覺得我好有神秘感喎~~
劉欣就話我小學個陣係風頭躉~
係咩!?? 我真係唔知架喎!!~
仲話其實我好犀利 唔夠半年就同班入面d人玩熟晒~~
點解唔早d同我講呀~~ 等我可以暗爽一下Y嘛~!!!
跟住佢地又叫下我努力溫書呀 叫我追返d成績呀咁~
好開心呀!!~ 真係好多謝佢地!!! 我真係係very吃皮囉~~

之後我地諗住去廁所 出到去見到有班養狗之人係度放狗喎~~
嘩嘩嘩!!~ 好多狗狗呀~!!!
有隻狗好大隻呀~!! 好多毛毛好得意架~!!!
又有隻好似狼狗咁既狗~(即係狼狗?) 幾令架~~
仲有幾隻細少少既狗~~ 總之好多啦~!!!
我地又即刻係度映相~~ 呆康渣機~~
不過映唔晒咁多隻呀～～～
映左一輪之後就同d狗仔玩左一陣 Z已經走左去好遠等緊我地喇~~
鬼叫佢驚狗咩!~ 哈哈~ 佢話佢俾狗追過好多次喎~~
跟住有隻好大隻好瘦好恐嚇既大狗跑左過黎 我諗隻狗企左起身真係會好過我架!!~
好得人驚!! 一睇佢個樣就覺得好兇囉… 我地就即刻話走人啦~!
點知佢跑埋黎喎!! 真係好驚好驚~~~
我真係驚到企左係條好幼既燈柱後面呢埋就以為佢見我唔到囉!~
跟住又黎多獲!!
" 叮" 一聲! 我諗到喇~~ 扮燈柱~!!! 好彩佢唔係跑埋黎姐~!
唔通佢真係以為我係燈柱?? 哈哈~
<*~d狗仔好得意呀~!! ^0^ 好Q～~*>
<*~似唔似以前閃電傳真機個隻? 分分鐘仲高過我~*>

<*~原來......d飲水機唔係淨係for我地架咋~~~*>

玩完狗狗我地就返歸啦~~
我地同winnie同埋Z講再見之後就打俾winnie
跟住大大聲唱左2首中英文版既生日歌~
個陣都12點幾喇… 度度都好靜~ 得我地幾個係度嗌歌!~
呆康都已經行走左幾步扮唔識我地喇~~
點知我地唱完之後對面班踩緊板既人竟然拍手叫好囉~!!
真係俾佢嚇左一嚇~ 幾驚佢地聽完過黎打我地呀~! 哈哈~
跟住就歸家喇~~~

返到屋企繼續玩電腦~
寫左成晚eassy囉.......真係多得Z唔少~
搞到3點幾先訓~~ 好眼訓呀~~
聽朝仲要去跳舞添架~!!!

>>January 18, 2004 at 8:10:35 AM GMT+8

2003 年 12 月 31 日 星期三 【晴】

今日訓到2點幾先起身 跟住又係玩電腦~~
就算勁無聊冇野做都唔想做功課呀……
其實真係幾多功課下~~
但係我仲未識死囉!!~
玩到夜晚都仲未掂d功課~~
算啦~~ 頂多咪唔交~!!
橫掂歡歡都諗住聽日唔返學咯~!

今日都彈左幾次Endless Rain前面個part~~~
但係個死人琴… 搞到我都冇乜心機練琴!!
跟住追返呢幾日既日記~~
正!!~ 追返晒喇~~~ 好耐未試過追返當日既日記~!!

今日老媽子左大6... 要食自己囉～～～
個喉嚨又好痛……
好似有粒野係喉嚨度頂住左咁~ 一吞口水就勁痛!!
但係我仲食埋d熱氣野喎~~~ 好似前世未失過聲咁!
夜晚歡歡上黎玩電腦個陣摸過我… 話我好熱可能發燒喎~~
唔會卦… 佢都仲有咳~
唔緊要啦~~ 要病一齊病囉~~~
估唔到2004年既第1日我竟然咁頹.........唉~~~

<*~包包之話~*>：＊寧缺勿濫＊------------------------------------------> 好!! 包包! 我撐你!!!

夜晚玩icq玩到2點倒就off左
見冇野做又訓唔著就執下間屋堆左十年個d工作紙同d垃圾野
執執下就搞到3點幾~
不過張臺真係整體左好多囉~~
我d野都未試過咁亂架!!
頹喇～ 頹喇～

>>January 2, 2004 at 9:10:14 AM GMT+8

2003 年 12 月 30 日 星期二 【晴】

差唔多3點起身跟住玩ICQ
跟住就度下今日去邊玩好啦~~~
原本我諗住同mk康,華華佢地去沙田睇show架~
但係又唔知去唔去好喎~!!
諗諗下我又唔係咁想去到咁遠....而且又唔算太多人都唔好玩啦~
諗諗下萍萍又話想去蘭桂芳…
咩地方黎架~~ 我都未去過!!~ 去下都好似幾得意既~~
咁我就諗住去完蘭桂芳就落銅鑼灣join暴暴佢地啦~!
咁今晚實好多節目~
咁岩狗寶同戰國又約11點去食糖水喎… 去唔到添~!!
不過唔知點解… 最後我竟然邊度都冇去到 決定留係將軍澳玩~!!
咁我就同阿梁, 邱邱, 萍萍4個去左新都間上海菜館食飯喇~~

間野幾好味既~~ 萍萍同邱邱碗麵好似食粥咁囉… 哈哈!~
不過個度d服務態度奇差 ! d職員既工作速率仲好低添~!!!
食完飯真係飽到想嘔…… 行都行得幾辛苦下~
跟住我地就行去地去洞蜜園同花花同埋阿ming一齊食糖水喇~!!
之前仲飽到行都行得好辛苦…
但係過左一陣我食完涼粉仲食多碟炸蘿蔔糕添~!
咦? 狗寶佢地都係去洞蜜園喎…
果然我就真係撞到佢地喇~!! 好野!! 可以一齊玩~~
佢地仲行埋黎搞左我一陣添~! 阻~鬼~住~晒~ 哈哈!

咁我地就坐左係出面d臺 狗寶佢地就入左間所謂既VIP房食糖水~
差2分鐘就2004個陣包包個d就係間VIP房度衝出黎同我地講HaPpY nEw YeAr~!!! 好開心呀~!!
但係我隻錶仲有2分鐘先到喎~~~ 唔算呀~!!
跟住我地就衝返入去間VIP房係度玩~
終於11:59喇!!~ 唔好理 是但倒數左先算~ (唔知個時間岩唔岩架喎 但係點都要數一數架嘛!)
今日既主角有 [ 我,萍,邱,花,ming,周妍,阿雪,陳樂,肥man,amy,豆,c落,law,漢,斌 ]
我地成班15個人勁大聲係度數十九八七 出面d人都望晒入黎喇~!
數到 0 個陣大家一齊講HaPpY nEw YeAr真係癲到爆呀~!!
玩完一輪之後我地又出返去出面聽是非啦~~
哈哈!!~ 大家都做左千禧8婆!!
我地仲周圍狂send msg同打電話同人講新年快樂添~!!
我都收到好多msg呀~!!!

12點幾我, 萍萍, 邱邱, 花花同阿明就走左去厚德傾計~
傾左一陣見到曾忠喎~!! 咁我就諗住玩跟蹤啦~~~~
點知原來佢去洞蜜園join狗寶同戰國… 我車 !
跟住我地行到2點傾多陣計佢地就返屋企喇~~
咁我同萍萍就返洞蜜園join佢地再玩過~

一去到我就匿左係佢地間房隔離 諗住呢埋等間跳出去嚇下佢地啦~!!
點知好衰唔衰隻手爭竟然撞左落後面道鐵閘度!!
" BOOM ! ! ! " 勁大聲呀~~ 阿law即刻望出黎啤住我… 俾人發現左添~!!
咁我地2個唯有好瘀咁入去坐低啦~~
入到去佢地問我知唔知成熟英文係咩~
我就好醒咁答佢地係mixture 但原來係mature呀~!!!
佢地仲要成班人係度講mature mature ! 知你地又問~!!?

　　　　　　　　【門口】
　　　　　　阿law　阿漢　斯諾
　　　　　阿斌　　　　　　 曾忠
　　　　　陳樂　　　　　　　肥man
　　　　　周妍　　　　　　　阿雪
　　　　　阿豆　Amy　阿細　阿萍

之後就係度講笑喇~~
斯諾唔見左部電話喎~~ 有人陪我!! ^0^
跟住我就話聽佢家姐講好似有條白痴仔行埋去拎左佢部電話同曾忠個袋~
曾忠話個袋$10咋喎!~ 不過入面竟然放左張$20~~ 蝕左~ 哈哈!!
跟住斯諾就話個條友真係白痴仔
咁我就話有條更加白痴既白痴仔俾個白痴仔偷左部電話~~ 哈哈!~
跟住佢地就話我串左喇.....~~ 講下笑姐~~~
斯諾又唔忿氣話我都唔見左部手提~
咦? 但係我而家有電話用喎~~~ 你有冇? 你有冇? 柯~呵~呵~~呵~~~

跟住唔知點又燒到阿斌個疊啦~~
講下講下阿試唔知話我咩 跟住我就1隻叉飛埋去佢度~!! 中呀!! Bingo~~
好彩我冇拎起隻鐵叉飛佢姐 ! 唔係2004就係佢死忌喇~~
跟住佢就飛返d雞亦骨過黎攻擊我~!
好彩我拎住左張過左膠既memu!!~ 我接到舊骨喎~!!!
仲順勢好似全壘打咁彈走左舊骨~
佢地個個一見到咁都拍晒手掌呀~!!! 哈哈哈~~
我都覺得自己個一野好犀利~ 咁都擋到!! ^0^

之後講起功課…
我做都未做過呀~~~
跟住叫阿雪星期5唔好收HIST功課~
萍萍又話唔收CHIN功課!!~ 好野~!!
睇黎我地都係時候巴結下d科長喇!!~ 哈哈~~
成班5B一齊狼狽為奸~~~ 正 ! !
早知我就唔做PE科長啦~~ 都冇功課既 !

今日係個度洞蜜園真係幾搞笑呀~!!~
又係度扮月野兔個招 " 月冕飛擊 " 飛個碟過去班男仔度~~
又扮個d一打開個整古人既盒就有個公仔頭彈出黎fing下fing下個d~~~
之後萍萍拎左佢地潤唇膏出黎話好似羅白臣d o者喱味喎~~
跟住我就拎左佢支潤唇膏係張臺度郁 仲嗌 : " 好味到震~~~~ " 哈哈哈!!~
跟住就係一陣爆笑喇~!!!
算啦~~ 冇野玩Y嘛~~~ 係要玩d無聊野~~

玩完一輪我地成班都好癲~
3點幾4點人地要收鋪lu 我地就走喇~~
走個陣斯諾唱左首歌 仲要好似跳埋舞咁扮鬼片入面個幾個女仔既動作~
佢仲要係正我後面~ 我真係打左個冷震呀!!
唔知係佢唱個首歌得人驚定係佢d動作有問題呢~!
跟住我就返左屋企lu~~~
返到黎我玩下ICQ寫下日記咁到差唔多7點先訓~~
咩功課都未郁過添~!! 大煲喇~~~
不過新既1年我好開心 有咁大班fd陪我過~!!!
我地仲要成班都玩得勁開心勁興奮 !
相信2004都會係好開心既1年呀~!!!

>>January 1, 2004 at 2:01:42 PM GMT+8