2004 年 1 月 18 日 星期日 【乍雨乍晴】

今日係學校差d趕唔切d功課!!~
不過都好彩… 安然無恙咁度過左~~~
但係今日早放喎!!~ 放1點~ 咁有咩好做呢?
見冇野做....我,歡歡,萍萍,邱邱,wing wing,凱珊同埋阿梁就一齊去左食飛碟啦~~
咁耐冇同阿梁同凱珊食野都幾開心Y~!!~
都好似冇乜點同wing wing食添~!

食完之後我地無啦啦想睇 "德州電鋸大屠殺"
咁就諗住打電話俾阿漢殺上佢度借隻碟黎睇啦~~
點知我地個個都冇帶電話係身!
wing wing隻衰野… 電話岩岩好冇電~ 算~ 入酒樓打~
打左好耐… 個個都唔係屋企!!!
我又唔記得左佢地咁多個既手提喎~!!~
好激氣呀～～ 搵左咁耐都係得個吉~!

其實頭先我地打打下電話有個婆婆話想打電話 咁咪俾佢打先囉~~
佢傾傾下好似好慘咁
我諗係佢老遠黎搵佢d仔女飲茶
但係佢d仔女理都唔理佢仲話佢煩… 又叫佢點又叫佢點~
我企係旁邊雖然唔太知道係乜事 但係都估到d啦~~
我真係好想埋去鬧電話入面個d人!!!
但係阿婆話就話把口鬧緊佢d仔女姐… 但係個心仲係好鍚佢地架嘛~
我費事個婆婆鬧返我轉頭啦…
但係我個陣真係笑唔出囉……
我第時一定唔會咁對我阿媽!!~
點都好我都會照顧佢~!!
如果我老公對我阿媽差既話… 啍!! 我一定唔會嫁俾佢囉~!!~
不過結得成婚先算啦~~
如果結到既… 希望我d仔女都唔好咁對我…
如果唔係我實傷心死!!!

之前我地都唔係話太想睇 "德州" 架咋~
但係而家話冇得睇我地又唔係好忿氣 搞到好想好想睇添~!!
咁我地就唔罷休咁去左租碟睇~ 啍~
原本諗住借返借驚悸片既
最後我地就揀左隻話係血肉橫飛, 膽小、孕婦、小孩、心臟病患者都唔睇得既紀錄片睇
仲租多隻講東南亞d古怪野既碟~
但係2隻碟都3級架喎!!! 好彩都借到姐~!

我地上到邱邱屋企就開始睇碟~
呀@@ 第1隻碟入面個d內容其實係d核突野~
咩d人俾車碌死,燒死,爆頭,斷腳,自殺,強姦,地下搏擊d殘忍招數......好多好多~~
但係個d交通意外死者個d相 我係網上面都見得多啦~~ 唔係太驚!~
不過有d鏡頭都唔係太想睇~~
之後睇左好耐都係映埋d核突野 我地個個都開始麻目喇~~~
仲可以一路睇一路大笑 一d都唔覺得核突~
而邱邱就真係全程都好呆滯
因為佢唔覺得d野有d咩特別Y嘛~ 真搞笑~
之後睇個隻東南亞既碟
唉… O晒咀…… 都唔知佢up乜!
得個旁白自己係度講~ 悶到死左.... 之後就走人lu~~

今日發生左d野....搞到我覺得好唔知點咁.....
我而家覺得自己係1個善變既人呀....有時都幾情緒化~
我呢一刻可以好開心, 但係2秒後我可以即刻好down好down....
我而家唔中意呢個人, 但係可能佢做左1件事之後我就會對佢改觀…
咁係咪好黑人憎呀??
一時一樣...........都唔知想點咁~!
有時我以為自己係咁 但係其實原來唔係架囉…
連我自己都唔係好清楚自己~
我諗我要繼續去深入認識我自己喇!!!

>>January 21, 2004 at 8:50:13 PM GMT+8

2004 年 1 月 17 日 星期六 【晴】

今日都勀勀地唔係好想出到咁遠
所以冇去到夾band呀~~
係屋企無聊成成朝之後就同歡歡一齊去樓下買朱古力同影印endless rain既琴譜
之後就拎左去地鐵站俾返份譜蜜柑lu~~~

之後就返到屋企玩電腦
有個叫icq fd俾左佢張相我
我見到張相右手邊有個男仔超令仔呀~!!~ ^0^
真係好令仔 又有型喎!!
我仲估佢係個個令仔添~! 不過唔係囉…
好中意個男仔呀!! ><
但係我諗我係當佢係偶像咁黎中意架姐~~~

之後唔知講開咩 周妍話佢知我冇男朋友
咁我就昆佢話我拍緊拖啦~
仲同佢講個男仔叫做steven添~!
哈哈!!~ 個名我作落去架咋!!~ 不過都幾襯佢Y~~
好開心呀~!!~ 周妍差d信左係真~~
因為我係度作故仔囉~~ 哈~
如果我真係識到steven哥哥就好囉......~~
夜d又同個個icq fd chat
問左好多steven哥哥既野呀~~
好想知佢多d野!!~ 好想知呀~!!! >_<

>>January 21, 2004 at 8:44:45 PM GMT+8

2004 年 1 月 16 日 星期五 【晴】

今日又係死妹DaNcE出show既日子呀!!! 去香港仔囉今次~~
今日諗住返1個中團契架~
點知歡歡遲起身 我地3個商討過之後就決定連個1個中都唔返喇~!!~
事因我同萍萍3:45就要出到銅鑼灣等~
咁我就上左陳樂屋企鬈頭髮~
今次佢幫我鬈得曲過上次好多呀~!!~
我都紮住左一半頭髮先再夾鬈佢~ 都幾好Y~~
呢幾次死妹DaNcE跳舞我都唔同髮型架!!~
第1次夾直左 第2次個頭曲曲地 第3次就紮左d頭髮先再夾曲~
之後等陳樂幫fion鬈埋個頭之後就一齊飛地鐵去銅鑼灣喇!~~ 但係都遲左少少……

今日既時間超趕呀!!~
我地4:45要去到香港仔報到 5點就跳架喇~!!!
仲要等齊人再搭車入香港仔~!
我地已經要係地鐵度化妝喇… 勁樣衰… 俾人望望望… 好彩得幾個人姐~!
但係我地搭到去北角站個陣阿青打黎問有冇帶歌去~
係喎........d音樂呢??!! 冇帶到呀!!~ 冇錄到添~!!~
大檸樂喇!! 點算好~~
個陣都差唔多3:45喇 咪叫佢地到左銅鑼灣個d人即刻去搵下有冇CD鋪
有既就入去買返2個首歌既碟囉~~~
全程車我部手提都冇停過係咁響… 好似好緊張咁添!!

我地3個一落車就跑跑跑
一跑出左地鐵站就見到佢地成班人係度行緊~
咁我就叫大家分頭搵啦!!
我地3個繼續跑去另一邊搵
真係冇停過咁跑… 好趕好趕…
買唔到隻碟就唔駛跳喇~!!~
最後我地都係搵唔到love revolution 淨係買到do it! Now隻歌咋~~
算… 跳少1首囉… 冇計架喇~
咁我地3個諗住搭的士上左香港仔報到先
點知時代廣場個的士站爆多人!!
咁我地就是但搵左架巴士上香港仔啦~~~
上左車繼續化妝 對住個叔叔係度化
我地仲自己同佢講唔好意思添~!
搞到佢微微咀咁係度笑~~
一落車我地又跑!!
真係好野~ 跑咁耐我地都唔駛停 !

之後我地報完到就去左換衫
冇耐佢地成班人都黎埋~
化下妝換下衫… 跳舞喇!!~
今日個台試都未試過 不過都跳得幾好~~~
周街都幾多人睇 起碼多過頭先睇唱歌既人先啦~!!~
好開心有人行行下都停係度睇自己… 好開心有人話好睇…
雖然冇跳1隻舞 好似跳完都好唔夠皮咁~
但係今次應該係last 我會好好enjoy既~~
我地跳完1次 成個節目就完左lu~~
之後我地映左陣相 又想再跳多次喎~~
咁就叫人開音樂俾我地自己玩
點知今次玩就好似表演多次咁… 好似仲多左人黎睇添~!!~
跳完… 我都好有滿足感喇~~
今日都算跳左2隻舞啦係咪? 哈 !
之後個負責人問我地下次仲有show出仲出唔出…
我地都有人話唔出喇~~
咁都係既 個個星期都出太密喇…
如果隔一排先再跳會好d~
但係..... 都未必再有機會lu..........我都唔係太捨得.........
今次我地竟然係用學校名義黎表演架
但係學校應該唔知我地出黎表演囉~~
我地仲幫學校拎左個牌
唔知學校無啦啦收到個感謝牌會係點架呢?
而家好似我地自己話晒事咁喇~~

*＊死妹DaNcE＊*
香港仔出show Ｏｏ０Oo
＊＊＊＊＊＊＊＊＊＊*****************************************************＊＊＊＊＊＊＊＊＊＊＊


<*~感謝牌+臨時臨急買既碟~*>


之後換完衫係街坊福利會個hall玩左陣就同邱邱,阿廖,許佩,萍萍,阿so同埋阿廖個fd一齊走~
我地返返銅鑼灣食完糖水之後
經一經過維園d年宵就返歸lu~~
返到屋企勁頭痛又勁勀勁辛苦.....仲諗住去歡歡屋企陪佢訓添~!
唉....頂唔順喇....係屋企訓算~~

>>January 21, 2004 at 8:29:30 PM GMT+8

2004 年 1 月 15 日 星期四 【乍寒還暖】

今日test完PA個form test都諗住返屋企架喇~~
但係見到阿雪幫緊Jess jel頭喎 仲要係用d有顏色既jel黎jel~
真係好搞笑!!~ 又紅又黃又銀咁… 型爆啦~!!~
阿雪幫jess整完個型頭之後就到呂廁~
皆因佢地包剪鎚呂廁輸鬼左 就要做犧牲品喇...~~
點知… 阿雪幫佢整左個仲型過Jess既頭~!!
額頭個度有個勾架~~ 哈哈哈!!~ 成個小飛俠咁~!
之後就到黑豬 黑豬整緊頭個陣唔知點解好似成日有人行過班房咁~
搞到呂廁成日擰轉面背住個門口~
之後走個陣咁岩有人有相機喎!!~
我地一路映就一路大笑
但係原來下面有人參觀緊我地學校囉… oh!~
咁佢地幾個就要鬼鬼鼠鼠咁鬆人喇~~
唔係俾校長個d見到就大檸樂喇~~~

夜晚去歡歡屋企一齊睇花樣中年大結局 好唔捨得呀.....~~ 做完喇~~ 算~~
之後就返屋企玩電腦啦~~
邱邱問d音樂點算喎~~ 聽日表演啦嘛~
係喎!!~ 我都唔記得左要帶歌去跳添~!
之前隻碟又漏左係學校個hall~~
上個禮拜表演用既歌又係小童d人幫我地播既~ 我都冇為意添~!
算啦~~ 應該燒多左隻碟係許佩度
聽日先打俾佢叫佢dup帶啦~~~

>>January 18, 2004 at 5:57:50 PM GMT+8

2004 年 1 月 14 日 星期三 【颳風】

今日上完PA堂條廢潘明明走左架啦嘛~~
跟住唔知做乜老遠咁又行返返黎
咁我同周妍就好無聊咁話佢似隻鬼 成日飄黎飄去~
跟住仲想像廢潘係度講 : " Ｉ　ｗｉｌｌ 　ｂｅ　ｂａｃｋ．．．．．" 真係笑死~
之後講講下唔知點解扮左 " 魔戒3 " 個個咕嚕係度講 " my pressure......"
周妍仲拎左卷膠紙出黎俾我扮魔戒添~!! 哈哈!!~

P.E.堂冇野做喎~~
miss lau話俾我地溫書
咁我地班8婆就係度8卦啦~~
一路8卦一路玩 都冇溫過maths添~!
我地仲係度扮食人
即係1個人係部相機前面打開個口
另1個就係遠處度扮俾佢食~~
映左出黎真係好搞笑呀~!~
我好似跪左係肥man條利上面咁~~
因為我坐左係張台上面囉~哈哈!~
真係好搞笑~~~


之後笑笑笑笑到放學~~
又無啦啦話陳郁香大左肚 又有左呂廁個BB~
跟住又唔知點傳左個BB俾周妍
佢又俾張臺頂住 伸極都伸唔到隻手去掂我俾左個BB我喎~~
咁佢就好饑不擇食咁摸Tyrone啦~~
wow~~~ 我唔會講tyrone有左呂廁個BB架!!~
我話周妍又有左tyrone個BB呀~~ 哈哈!!~ 問佢死未~!!~
真係好搞笑囉~~
既然個BB係tyrone既.....
我一定唔會俾佢掂到我架!!>_<

夜晚又去左歡歡屋企一齊睇電視喇~!!~
原來d電視真係好好睇~!!~
好正呀!! ^0^
我而家已經成為左個電視迷喇~!

>>January 18, 2004 at 5:51:42 PM GMT+8

2004 年 1 月 13 日 星期二 【乍雨乍晴】

PA呀~~ 個死廢潘又話要test喇!!~ 麻鬼煩~
好彩我地班有人好醒目咁問左D班拎份卷黎睇 仲問埋d答案添~!!
跟住就齊齊出貓啦又~
點知廢潘勁9! 真係好9!
佢話臺面淨係准放支筆同塗改液囉~~
仲係度ckeck我地張臺
話有d咩ENG字係張臺度都當我地出貓喎~
搞到d人個個都係度擦擦擦~
我仲抄左d ECON落添架!! 等間又要我再抄過喇! 頂!~
之後仲話要check埋手板 睇下有冇寫野~ 低b架!!~
擺明知道我地出貓啦佢~~ 平時又唔見佢咁~!
除埋條褲俾佢check好冇!!~
之後test個陣佢仲要企係最最面喎 一望就望晒我地d櫃桶啦~~~
好彩~~ 我仲有張memo紙喎!!~ 吹我唔漲~~~
搞咁多野我咪又係出到貓~~
跟住ECON test… 方法同上啦~~
我拎埋張memo紙出黎抄都得添呀~!

放學歡歡話想去廁所 咁我地就一齊係新都搵廁所啦~~
跟住一路係度作歌詞唱 " 下一站天后 "：
＊站在廁所前, 細心看看那一面~ 到下次方便, 去呢度 依然去到~ 在華麗的商場, 途中 一定去到......]
作到呢度就入到廁所lu~~~

跟住我就去左歡歡屋企~
睇左好耐電視呀~!!~
一路睇電視一路抄飯 真係好勁呀我地~!!~
炒左出黎都幾好味 仲好多腸仔添~!!~
睇到11點幾… 睇睇下就係佢屋企訓著左喇~~
<*~果然色香味俱全喎~*>

>>January 18, 2004 at 5:29:03 PM GMT+8

2004 年 1 月 12 日 星期一 【晴】

今日唔知發乜神經天氣勁凍喎…
返到學校完全唔想溫中文呀~!
但係今日係模擬模擬考試喎~~ 個個都溫 好冇癮添~!

comm堂又冇心機溫中文 咁就叫佢地唔好溫啦~~
跟住講講下講返以前低form個d野
個陣原來真係幾白痴下~~
之後講講下講返以前F.1岩岩一入學個位係點
仲砌返F.1個seating plan出黎添~!! 哈哈!!~
估唔到俾我地砌得返呀~~~
我仲話好記得斯諾坐邊 因為....keke.......
個陣上上下堂會望下佢架嘛~~
點知我咁都記錯.......=.=" 原來係第2個位~

　　　　oOｏ0Ｏ*＊Ｆ．1上學期一入學之Ｓeａtｉnｇ　pｌaｎ～＊*Ｏ0ｏOo
　　　　－－－－－－－－－－－－－－－－－－－－－－－－－－－－－－
　　　　肥Man　Tyrone　|　張蓓　Patrick　|　wing　　　出雲　 |　　 結宜　 呂廁
　　　　丁丁　　浩子　　|　詹詹　繁星 　|　秀芬　　Victor　　|　　包包　 Ocean
　　　　阿豆　　傻仔文　|　芝芝　阿傑 　|　周妍　　椰寶寶　 |　　阿雪　 曾忠
　　　　Carol　　c諾　　|　Fion　　阿斌　|　Karmen　KingKong |　　Misty　 阿law
　　　　[枴仗]　　阿漢　|　阿細　　蜘蛛　|　Molly　Tomathy　 |　　 Amy　 福頭
　　　　　　　　　　　　　　　　　　【Ｔｅaｃhｅr’s　Ｄeｓk】　發仔

lunch食完飯又唔想溫書 見冇野做就過左D班搵肥man玩~
玩左一陣就打中 我就返返班房啦~
點知一行入到班房咁岩miss lau係出面行過
咁就順手咪佢拉左出黎走廊度傾計喇~~~
佢咪又係叫我努力讀書個d囉…
話我係度讀左5年書 F1至F3成績都好好唔駛人擔心~
又做過傑出學生 係好多人既榜樣~
而家我就卦住玩…
如果連呢3個月我都唔努力博一博既話 第時就真係囉辛黎辛個d囉~~~
佢又話岩岩開完conduct meeting 好多老師都對我好失望喎....~~
我都估到啦~ 我中4開始就知道自己頹喇~~
佢話雖然佢只係個P.E. Miss
但係都有責任提醒我喎~~
跟住佢又講下自己讀書個時d野 仲同我傾左好多無聊野~~
miss真係幾得意既 講d野都好岩聽~~
搞到我真係好Ｂｒｕｎｉｎｇ！！Ｂｕｒｎｉｎｇ呀~!!~
好想試下讀返好d書…
我都唔想令到佢失望~
我真係估唔到.....miss lau竟然係咁關心我~!!~
估唔到佢係咁鍚我架囉…
所以我都幾想返返黎官中見佢 同埋miss鄭~~
其實我仲想傾落去架!!
點知阿law行出黎話 : " 你唔上堂拿~? " (個陣已經上左20分鐘ENG堂)
咦~~搞到miss推返我入班房喇~!!~ 啍啍~~我想傾計呀~~~
入到去仲俾mok mok話左我2句添~!

>>January 17, 2004 at 2:18:09 AM GMT+8

2004 年 1 月 11 日 星期日 【晴】

今日好白痴~
唔知同周妍講開d咩
跟住一望埋去前面 見到呂廁同陳郁香坐得好近喎~
我就無啦啦話佢地坐得咁近會有BB喇~~ (我都唔知點解咁講)
跟住就開始講小香香有左呂廁個BB啦~~
仲叫佢唔好掂我 如果唔係就變左我大肚喇~!
點知陳郁香係咁摸我!! 我大左肚喇～～～
跟住就傳左個BB俾周妍－－＞余麗玲－－＞梁璟珩(連阿勁痕哥都有左呂廁個BB?!?!?)
之後梁璟珩又俾返周妍~~
我坐佢隔離就梗係避避避避避啦~!!!
最後… 變左呂廁自己搞大自己個肚~~
哈哈哈!!~ 死人自我繁殖怪Y~!
就係咁… 就玩左勁耐喇~~~
　 　【示意圖】
　　呂廁 → 香香
　　↑　　　 ↓
　　周妍 ← 阿細
　　↑　 ↘↑↓
　　勁痕 ← 阿余

放學TT又test喇…
佢唔悶我都悶啦!!~上親堂都test!
愈多test我就愈唔想溫 所以次次都冇溫過~~
唔係睇邱邱就睇note~ 卒之咪又係全班都出貓~~~
個個都擺疊note係櫃桶~
我地好叻呀~! 趁之前上堂test上半份卷個陣記低晒d問題 跟住就抄晒d答案落張memo紙度
到test個陣正喇!!~ 做得好快~~ keke........
連小香香都同我地一齊狼狽為奸呀~ 哈!~
估唔到… 原來Miss Ho堂出貓都好易架咋~~

>>January 16, 2004 at 5:15:57 PM GMT+8

2004 年 1 月 10 日 星期六 【晴】

今日表演喇~!!~ 唔知點解好開心添~!!!
11點倒就去陳樂屋企度叫佢幫我整個頭啦~~
不過去到佢都仲未幫Fion整
11:25倒先開始幫我整囉~~
跟住我地就你幫我我幫你咁… 好快就K.O左我地個頭喇~~
但係唔知點解我d頭髮卷極佢都鬈囉!!~
fion夾1,2秒就鬈晒
我夾成10秒先鬈鬈地~ 啍~~~
咁我地梗係唔夠時間啦~~~
跟住齊齊飛的去到慧安園~
去到12點喇~~ 遲大到lu~~~ SoLy~~~

好彩去到都仲未開始rehersal
練左陣re左次我地就去食野lu~~~
食完之後我地就去左更衣室裝身兼化妝化~
好好玩呀!!~ 我第1次出show自己化架咋個妝~~ 好叻女添!! ^0^
咁我地就搞搞搞… 搞左勁耐啦~~
佢地話我比平時令左, 成熟左囉~~
仲話女性化左好多喎.....~~
乜我平時好男人咩 =.=

2點幾我地就搞掂晒d野出去啦~
出到去… 係後台 ( 其實個後台即係龍門後面~哈! ) 玩左陣 映左陣相囉~~
點知… Ever (小童既社工) 見到我竟然同我講 : " 嘩~ 我最唔認得你喎~~ "
咩意思先… 係咪踩緊我Y~~~ 啍~~
之後個show就開始 原來早左囉~
2:45就跳喇 之前仲話3點幾跳添~!

上到臺喇!~ 其實下面都唔係太多人~
不過個臺超細囉… 個個都跳到就住就住咁~
搞到我地要臨時臨急改左d企位同動作黎就個臺添~!!
一路跳… 個臺就一路搖!
大佬 ! 13個人喎~~ 唔好玩啦~~
我跳跳下仲kick到邱邱添~!! 差d仆左係度~~ (笑)
邱邱仲甩埋鞋帶添呀~! 笑死~ 拿~~唔係我踩甩佢架~~
佢話之後趁有個跪低既動作個陣先綁返喎~~~
不過都跳得幾好既今次!!~ 哈哈!

跳完晒2隻舞之後我地就狂玩狂映相~
之後有人叫我地係塊板上面簽名
搞到我地真係好似d明星咁添~!! 哈哈!!~ 發～夢～
我地玩左好耐,跟住就睇左陣band show啦~~~
睇睇下望一望後面 咁死好彩俾我望到呆康囉!!! 哈哈哈!!~
估唔到佢真係黎睇我表演呀~~~ 多謝晒~!!~
不過好可惜… 佢黎遲左…
佢仲同我講 : " 唔好同我講你表演完呀~~ "
下....? 真係表演完喎~~
跟住同佢傾左陣佢就走左喇~~ 唔好意見呀下!!
不過都好多謝出雲黎捧場囉~~~
　　　　　　　　　　　　　　　　　～＊＊＊死妹ＤａＮｃＥ＊＊＊～


<*~終於睇到鬈鬈地喇~*>
<*~呢幅睇唔到我個樣喎 @0@ 係咪令好多呢~*>

之後我地就成班野去映貼紙相~
嘩~~~ 真係映左好多囉!!~
8個人映既合照又有~
我+fion+萍萍既又有~
之後成渣人既又有!~
4個人既又有!!~ 總次好多好多啦~~~
真係有少少暈… 仲有d想嘔添~!! 都幾辛苦下~~
不過幾開心囉講真~!

玩完返到屋企勁累呀......~~~
不過又唔想訓覺喎!!~
咁就玩電腦&寫日記啦~
仲去左歡歡屋俾佢睇下我今日個鬈髮look添~!!~
我真係幾中意呢個look架~~~ 未試過Y嘛!!~
哈哈!!~

>>January 18, 2004 at 11:04:20 AM GMT+8

2004 年 1 月 9 日 星期五 【晴】

尋晚一訓我地今朝就訓到點幾中喇……
其實我尋晚冇諗住係歡歡度訓架囉 係一時唔小心訓著左姐~~
但係我地2點要返團契喎!!~
返上屋企搞左陣之後就出門口啦~~
我地返到去… 遲左成大半個中!!~
好彩… 都冇人鬧~

之後玩分組討論 講祈禱個d野呀~~
話每人都講d自己既野 跟住就幫其他人祈禱~~
我地講好多無聊野之後先1個個講自己想既野~
首先boxing話籃球比賽打得好d
杰奶就話想讀好d書 個試考出黎成績好d
阿通就希望歌唱比賽同佢既女parter夾得好d喎~~ (女parter一0一...奸笑)
豬雞就想大隻d 唔做肥仔 同埋讀到大學喎~~ (即係升埋中7啦~~)
萍萍一開始就話想情緣快到 之後就改左上堂訓多d 係屋企溫多d書
歡歡就同我一樣 唔抄功課自己做~
我之前...就話要2月前拍到拖啦!~
因為計返年齡... 如果我2月前都仲未有拖拍就即係遲過歡歡拍拖架喇~
因為佢大我半年 佢又8月開始拍拖…
計返差唔多架喇~~
之後諗諗下都係算數把啦 冇降架喇~
所以就改返要自己做功課~!!! 好有幹勁咁喎~~
之後祈禱大家都係度笑笑笑笑笑
boxing笑住咁同天父講話我地唔係好認真囉~ 哈哈!!~
笑姐我地~ 唔係唔認真呀~~

之後我同歡歡就去左圖書館玩電腦~
一路玩一路狂食朱古力 食到有d想嘔添......@~@
跟住又係圖書館print埋7月同8月既日記~
好開心呀!!~ d日記好多頁呀~!!~ 正!!
去到仲見個電腦哥哥 幾令仔又好人~
我print print下原來爭1張紙
諗住落去買紙個陣佢問我介唔介意用廢紙呀~~
我話唔介意咁佢就俾左張紙我print野喇~ 仲唔駛錢添~!! 真係好~~~
好中意個電腦哥哥呀^0^

返屋企個陣一路行一路同邱邱傾電話
傾傾下見到前面有班人迎面行過黎~
我同邱邱咁岩講緊笑話 : " 咩呀～收線啦～唔收打你呀～ "
跟住班人入面有幾個就無啦啦話我 : " 豬扒走啦~ 打你呀~ " 咁~
食蕉啦!!~ 無啦啦鬧我?
我咩都冇做過喎~~ 望都冇望過佢地啦~
跟住我就問佢地 : " 你講咩呀~ "
點知佢地即刻彈句粗口出黎喎~!!
咪以為識講粗口就好勁啦 通常一開始就講粗口個d一定係唔夠中串~
咁我就同佢地講 : " 嘩~~ 識講粗口好叻喎~~ 開course教人講粗口Y~ 笨~ "
歡歡係旁邊都話埋一份~
之後佢地就冇聲出喇~~
雖然佢地成6,7個人
但係我可以話俾佢地知
我唔會無啦啦去蝦人 但係亦都唔會俾人蝦到我囉~~~

夜晚返到屋企就開始整跳舞件衫 因為聽日要去表演囉~~
我將個袖縫左去左邊
諗住將個手袖帶係隻右手度Y嘛~~
之前又剪短左條裙咁 又同個袖打摺~
搞搞下搞到5點幾呀......~~
今日又係得返我同許佩咁夜仲整緊衫
我地一路整一路chat好搞笑呀~~~

>>January 13, 2004 at 5:25:50 PM GMT+8