2004 年 1 月 28 日 星期三 【晴】

今日蜜柑去左歡歡屋企幫佢整電腦~
我地請完佢食m記 (因為佢又幫我地作文又幫歡整電腦)
跟住就上左去喇~
話咁快..佢插一插返實d制..
咁就用得喇~!
原來咁簡單........................
歡歡仲以為係火牛壞
咁佢咁耐冇得電腦咪好唔抵!? 哈哈哈~
之後我地就去整單車
我整返條太同換過個撐住地下個舊野就踩得lu~!!
個度d人仲話咩個肥仔面都紅晒~ 哈哈!~ 真係搞笑~
仲話見我係女仔先換俾我~
如果唔係就...再見～
咁好彩我係女仔姐!!~ 呵呵~

>>February 5, 2004 at 4:19:04 PM GMT+8

2004 年 1 月 27 日 星期二 【晴】

無聊地過左1日~
睇返好多以前既live~
有w-ind...flame...aya...maki...arashi...morning娘...
睇左好多野啦~!!~
原來我識唱咁多日文歌架~!!~ 好勁好勁!!
同歡歡一齊睇w-inds.仲令佢中意左w-inds.添~!!~
我都中意返w-inds.喇~!!
佢地跳舞真係好勁!!!
突然之間好想跳舞添~!!
好想練勁d舞佢呀~!!! 好!!!

>>February 9, 2004 at 6:07:10 PM GMT+8

2004 年 1 月 26 日 星期一 【晴】

食埋中午飯走lu.......
好唔捨得萍萍表姐....好唔捨得8舅父8舅母..............
今年.........我喊喇..........真係好唔捨得..........
原本話尋日走......之後話今日走我都係好唔捨得...........
佢地真係好就我...包括媽咪....
但係我就成日係度發脾4...係度扭計...
點解當時我唔識得好就佢地 要佢地就我?
可能係我明知佢地錫我我先發脾氣..................
呢d唔通就係叫得寸進尺??
我諗...我對佢發得最多脾氣既人...先係我最重視,對我最重要既人....
但係...又有幾多人受得住我呢種重視人既方式呢?
不過有時我唔發脾氣又唔代表我唔重視佢架喎......
唉~! 唔知呀~~~
我成日都一時一樣架啦.....好難講~~
而家返到黎..算啦~冇咁唔捨得lu~~
唔捨得既....咪遲d自己1個返大6探佢地囉~~~

夜晚.......同左歡歡周街白痴~
我地行到去安寧個度竟然有人撩添~! 哈哈!~
可能黑得滯睇唔清我地個樣啦~~~
話咩 : " 小姐, 你地跌左野呀~~ "
不過我地都冇理到佢地~~
我仲同歡歡講 如果我地今晚有人撩第2次就會係2月14之前拍拖~~~
點知… 之後真係冇人撩喇~~~

我地勁白痴~
又係人地樓下大大聲嗌人地個名跟住即刻閃人!
又係人地餐廳門口扮臘味~
仲要扮左陣先見到原來有人望住我地笑...... 一x一"

不過… 雖然2個都笑到癲晒 好似好開心咁~
但係原來...大家都係......好唔開心......
其實歡歡xxxxxxxxxxxxxxxx
而我… 就因為返左香港覺得個心好唔知點咁… 都係唔開心~
可能就係因為咁就想搵d野黎令到自己好似好開心咁啦~~~
唉...~~~ 我地2個都好想而家xxxxx囉....
但係可以點Y… 唔想返屋企呀總之~~~
我地係街行左好耐 仲想今晚唔返屋企添~!!
不過唔會啦… 唔返屋企可以有咩做?
我地坐完寶康公園就係屋企樓下d chair度坐

之後我去左歡歡屋企 諗住係佢度訓~
但係訓左落佢張床我就有種內疚感......
覺得自己好似不良少女咁… 唔肯返屋企…
點解唔返屋企陪媽咪呢~~~~~
所以... 我地就一齊祈禱喇~~
不過我最後都冇留低媽咪係屋企訓~
我唔忍心要媽咪自己1個…
所以我都係夜媽媽返左屋企呀~~~

>>February 9, 2004 at 6:04:17 PM GMT+8

2004 年 1 月 25 日 星期日 【晴】

[返廣州第5日]
原本諗住今日返香港架~~
不過我同媽咪都未買夠野 所以留多日囉~~~
今日得我同平平表姐去行街街咋~ 媽咪自己去掃貨~
又冇得食17中d腸粉lu........~~~ 好卦住 !
行左好耐上下九 都冇乜點買過野~~
淨係陪阿平買揀指甲油都唔知用左幾多時間lu~~~
跟住行我最想行既狀元坊~~~ 都冇咩衫睇得入眼既~~~
行左1個中倒就關門lu… 真係後悔點解唔早d黎~!!~
其實我都有少少怪阿平既~
卦住自己睇野搞到我冇左咁多時間…
但係諗落佢又成日幫我講價 又幫我揀野~ 都算係咁啦~!!~
佢都要買野架嘛~~ 係咪?

之後我地去食野
又見返之前問阿平問咩名個個男仔檔小食店~
阿平仲以為我想帶佢過去添~!! 哈哈!~ 真係好笑~~
我地坐低食野個陣有個乞衣問我拎錢… 我勁驚囉!!~
佢個兜愈遞愈埋 但係阿平又叫我唔好理佢喎~!!
真係好得人驚~~
好彩最後佢都走左~~~

食完之後去廁所 阿平發現佢對鞋爛左喎~~ 哈哈!~
陪我行街行到鞋都爛埋 佢都算唔話得喇~~~
之後佢去買鞋又買左勁耐
我就呆等左成半個中…
買唔到我想買既Pinky馬騮仔lu!!~
算啦~ 唔買都冇咩所謂既~~
不過半個中後… 佢竟然1對鞋都買唔到!!~
話搵到3隻鞋都係左腳喎~~ 真係吹漲~~~
望下隻錶 9點姐~~
望真d原來10點!!~ oh~~ 返歸lu~~~

返到屋企俾人叫左過隔離屋見阿欣欣哥哥個daddy mami~
佢地一見到我就話我成個唔同晒~~
梗係啦... 咁多年冇見~~~
跟住又話我大個女左 又同我講會考個d野~
叫我努力讀書喎~~ 會考真係好緊要!!
講左好多野 搞到我都想考好個會考唔好衰俾佢地睇~~~
佢地仲話我細細個個陣去佢地屋企玩
咁岩個陣電視播緊隻牛叫~
我就係佢屋企掀開床下底張野係度嗌 : " 咦? 隻牛呢? 隻件係邊呀?? " 咁~~
哈哈!~ 原來我細個咁得意架喎~~~

之後返過屋企... 睇多陣碟就訓喇~~
又有個種 " 唔捨得走 " 既感覺喇....
唔捨得表姐... 唔捨得舅父舅母......
年年都係咁…… 我唔中意呢種感覺呀~!!!

>>February 9, 2004 at 5:48:01 PM GMT+8

2004 年 1 月 24 日 星期六 【晴】

[返廣州第4天]
今日8舅父佢地要去8舅母個邊食飯 所以萍萍表姐陪唔到我行街街lu~~
淨係陪到我地出去食早餐~
今年食唔到17中d腸粉lu~~~ 搬左~~~ 又未開返~~
所以去對面食煎餃算~
食完我同媽咪就周街行下 表姐就走先喇~~

先後陪媽咪係附近買完衫…
行左陣我望下個袋
咦?!?~ 點解條拉鏈開左既?!?!
再望下疊行是… 淨返3封咋!!~
我起碼有十幾封係入面啦~~
頂頂頂!!~ 俾人偷野!!!
原來頭先個sales行出黎係想同我地講有人打我主意~~
點知出到黎班新彊仔已經落左手…
之後佢地行返過黎 仲對住我笑添~!!
好似同我講緊 : " 係我地偷架~ 捉我Y~~~ " 咁!!
FUCK!!! 我真係好嬲!!~
唔多唔少係因為唔見左咁多錢啦~~ at least $850!!
唔係$50個d利是佢地都唔偷架喎~!!
淨係偷淨最平個3封$20~
但但係我最憎既係個幾條友囉~!!!~
我真係第1次有種想殺人既衝動 !
我發誓 ! 我一定會練好跆拳~!!~
第時見到呢d人我一定唔會放過佢~!!~

之後一路搭車條氣都好唔順~
都唔知點解咁都唔知自己俾人偷左野!~
行街又成日發媽咪脾氣~~
要佢就我去左過馬路屈臣氐先!
但係其實我唔去都冇咩所謂架喎…
只不過係自己任性要佢就我~ 一定要去左先!!
鬥曷可能我已經諗通左唔逆佢意
但係我真係好硬頸…
佢愈係同我鬥咀我就愈唔想屈服… 所以成日嗌交收場…
之後媽咪同我講… 話成日發惡夢夢見自己俾人打荷包
連d證件都唔見埋~
係條街度叫人幫都冇人理佢…
我聽完之後覺得好心痛… 覺得自己好衰!!
其實媽咪養大自己已經好辛苦…
仲要成日驚養唔大我 驚我有意外~
但係我又成日咁對佢… 佢壓力都好大架!!
跟住我就一路行街一路拖住媽咪隻手 一路dup低頭喊…
對唔住呀… 你真係好辛苦… 我知架……

>>February 9, 2004 at 5:31:28 PM GMT+8

2004 年 1 月 23 日 星期五 【晴】

【返廣州第3天】
今日許氐家族去食飯呀~!!
年年都夜晚先去酒樓食 今年變左下午呀~~~
仲去左老遠參觀左4舅父間醫院先喎~~
其實個間我覺得係診所多d囉…
之後去到間酒樓 好多人呀… 我地book左間房囉~~
入到去d大人就一圍臺講野
我地d細路(即係後一輩啦~)就另1圍臺~
收完一輪利是… 真係收到手軟~ 年年都係d大人黎讚幾句咁啦~~
不過今年好多人都話我大個左好多囉 可能我岩岩俾阿雪剪左個新頭同換左眼鏡卦~~
我而家又有少少後悔俾阿雪剪我個頭添~!
因為短得滯… 成日飛起晒囉~~ 不過算啦~都OK既~~~

食完野我同萍萍表姐同敏健表姐3個傾計啦~~
之後就話去5舅父屋企坐~
因為1架車載唔到咁多人 所以就分左幾架車去喇~~
我同媽咪就跟5舅父架車
萍萍表姐佢地就跟姨媽車
敏健表姐就跟依凡表哥架車~~
真係唔明點解要拆散我地3個.........=.=
我地部車第1架到達!!~ 因為其他車行錯路囉~~ 哈哈哈!!~
之後聽左幾首Beyond既歌就輪到d長輩為我地獻歌喇~~~
佢地唱左好多舊歌 真係個個都好有中氣~!!!
佢地原來好多把聲都好好
7舅母仲係唔知咩團既團長添~!!
依凡表哥同佢老婆合唱都好好聽~!!~
我地3個真係聽到啞晒囉～～
個度最新既歌都好似係 " 傷心太平洋 "
連sammi劉德華都冇隻~真係~~

之後有d人就話去9舅父屋企 即係敏健屋企啦~~
但係媽咪講好左今晚係呢度食飯 咁我又想痴住媽咪嘛~~
不過佢地問我地3個想去邊我地都話冇所謂 結果就留低左啦~~
點知… 原來大部分人都走 我地3個開始後悔喇……
跟住敏健就細細聲話 : " 點呀… 而家再唔走就冇機會走架喇… "
咁我就話 : " 咁點走先得架~~ 就閂門喇~~~ "
BAN一聲～噢！閂左！被迫留係度喇…
個d卡啦OK我地唔岩唱… 個氣氛好尷尬架我都覺得~
靜．．．．．．

跟住我地就唯有玩啤牌啦~
一坐低就聽到門鈴響 3個都好希望係有人返上黎問我地去唔去~~
點知原來人地送牛奶黎.............一一"
知道左之後我地就爆笑喇~~
之後我地就好無聊咁係度諗無聊野
話叫萍萍send個短訊叫人打電話黎拯救我地 叫佢send " HELP ! " 出去叫佢帶我地走~ 哈哈哈!!~
跟住聽到 " o都 " 一聲 ! 我同萍萍都以為係門鍾響互啤左一眼以為有得走啦~
點知原來係敏健玩緊個玩具電話囉~~~ 哈哈!!~ 算啦~
今年可以話係我最後悔既一年新年~~
點解我地唔早d走呢~ 係度冇野玩都幾悶~~~
不過之後玩鋤dee真係好好笑!! 我地都玩得好開心!!!
萍萍草夠2次100分要罰食碌柚呀~!!~ 哈哈哈!!~
之後join埋翔潔表姐個囡囡 有表姐幫佢手俾佢成日嬴添~!! 真係好好玩~~

玩左陣原來已經過左好耐喇…
估唔到快樂既時光過得特別快~ 又係食飯既時間~~
今餐打邊爐~~~ 但係我頭先已經食左好多朱古力~ 都飽飽地喇~~
但係都頂硬上啦~~ 唔可以咁冇禮貌架嘛~~
跟住就食食食食食… 餐飯食左個幾中都未食完…
我真係飽到好想死!!
但係舅母仲係咁迫人食野~~ OH! My GoD~~~
我唔係真係好飽我都唔會出到聲話唔想食啦~
仲要係講左好多次我食唔落~~
做咩係度夾硬迫人食野姐!!
我再食落去個胃就爆架喇~~
個陣我真係好想喊囉..........
我未試過俾人迫食野迫到想喊架~!!!
我地3個入廚房筆湯飲個陣都係度講話好飽… 3個都係咁俾人迫~
做細既真係慘~~~

終於食完飯就去返客廳傾計喇~~
同舅父舅母表姐佢地傾計都幾開心Y~~
不過我都唔係咁中意同d大人傾計 所以我都好少出聲講野~~
聽下人講咪算囉~~~
但係d大人始終講講下都會燒埋落我個疊…
咁講呀講呀就10點幾lu~~~
跟住搭車返屋企 好彩趕到尾班車~!!
返到屋企睇左陣碟就訓喇~

>>January 30, 2004 at 9:12:00 AM GMT+8

2004 年 1 月 22 日 星期四 【晴】

【返廣州第2天】
今朝好叻女呀~! 唔駛人嗌就醒左~
不過醒左都唔肯起身囉… 個被竇太暖喇~~~
之後都俾人迫左起身~~~
跟住食早餐~~~ 有舅父拿手既粥同腸粉~
hehe… 有腸粉~~ 正!!
之後就同表姐同埋媽咪去行上下九 (街名黎架)
行左成日我都冇乜點買野~
但係媽咪就係咁買野~
我淨係由朝食小食食到晚黑囉~~ 好似冇停過咁…
仲食得勁過平時同歡歡2個 " 為食到尚德 "
不過d野真係幾好食~ 咁平… 食多多都唔怕啦~~

夜晚終於行到去麗灣廣場喇~~
見唔返上年個令仔哥哥…
上年佢地成班人係度擺過檔幫人畫襟章架~~ 我都畫左3個~
仲同佢地有講有笑添~!
又係度講埋d無聊野… 話咩帶埋d江蘇餅游水黎HK喎~~ 哈哈!! 傾左好耐啦總之!~
佢話下年可能會係擺檔架~~
但係今年我黎到… 冇左lu… 有d失望添~!

跟住又食左陣野又行啦~
咦? 我睇中左對鞋喎~~
但係媽咪都係個d " 呢隻好咩? " 既樣~
表姐又係 " 唔駛買咁貴啦~ " 既樣~
我真係開始嬲喇!!
今日出左黎成日我淨係買左條褲咋~~
其他個d佢就話呢樣唔好個樣唔好 !
我中意個d佢地就話唔好, 佢地中意個d我又唔中意 !
咁即係唔駛買啦~~
而家d野邊個用架!!? 我呀~!!
佢中意咪自己買囉~~~
平又話唔好貴又話唔好~~~ 我返屋企好過啦~!!!
跟住我就開始發d死人脾4喇~!
一路行一路唔出聲 連表姐tum我我都唔彩佢~
淨係同佢講我發緊脾氣唔好惹我!
當我自閉既時候我係度諗返杜汶澤本《江湖血淚史》
我覺得我好似佢細個咁
唔理媽咪幾辛苦賺錢都好 但係就成日激佢唔聽佢話~
想要乜就要佢買乜俾我…
我都覺得自己好衰女 !
但係雖然我識咁諗… 但係我都繼續發脾氣喎… 點解呢?
冇耐媽咪黎tum返我喇~
我好開心佢tum返我 仲話我中意買就買喎~~
其實會唔會係因為我知佢地錫我 所以我先發脾氣呢?
如果佢地唔錫我既… 我點發脾氣都冇人理啦~~
但係我又唔係想有人因為我發脾氣先理我架喎…
hey ! 唔知呀 ! 總次之後我都開心返啦~~
因為買左對鞋啦嘛~ 哈哈!!
同埋知佢地想辦法tum我開心囉~~
我都知自己好刁蠻 仲好任性添~!!
不過我就係咁架啦~~
呢d唔好既野… 遲d先慢慢改啦~~

返到屋企就同表姐砌左幅沙畫~ 哈姆太郎黎架!!~
媽咪都話我地無聊 咁大個仲玩埋d咁既野~
但係今次係我同表姐2個人一諂痴d沙上去架喎~~ 又自己襯色~
我覺得好有意思囉~~
玩完都成點中lu!!~ 又訓覺~~
今日著多左衫訓~~~ 暖好多~~~

>>January 30, 2004 at 8:59:05 AM GMT+8

2004 年 1 月 21 日 星期三 【晴】

【返廣州第1天】
今日訓都訓到成10點幾11點~
原來我尋日仲未執好野架囉… 而家先開始執~
食埋飯搞到2點幾先出門口
一路搭車一路聽返X-Japan d歌~
我都好耐冇聽lu~~~

好快.......安全到達 ! !
一返到萍萍表姐屋企就開飯喇~~~
成年冇食舅父煮既令飯 d野好好味呀~!! >0<
表姐屋企都上埋網~
第時可以同佢係電腦相會喇~!! 哈哈哈!!~
之後睇左陣碟就訓lu~~

>>January 30, 2004 at 6:17:48 AM GMT+8

2004 年 1 月 20 日 星期二 【晴】

今日記得冇耐就同歡歡出左旺角買衫衫~~
媽咪自己俾錢我叫我去買d新衫過年呀~!!~ 真係好~~~

出到去係旺中隔離新開個商場撞到陳郁香喎~~
我同歡歡就數123一齊嚇佢!!~
嚇完佢之後我仲以為佢會話我地添~!
點知佢淨係話我......=.=|||.....
佢話 : " 死人陳+麗～嚇死我喇～ "
哈哈哈!!~ 好得意呀佢~~
跟住我地就好快閃走左lu!!~

今日真係撞到好多熟人!
係旺角見完陳郁香之後就撞到抄屎同黃國偉
之後係油麻地地鐵站見到個類似呆康咁既物體~
我係部售票機後面望左好耐… 真係好驚會認錯人~
等間嚇錯人咪樣衰 ! !
咁就即刻打去佢屋企搵佢 真係唔係屋企喎~~
就問左阿康媽拎佢手提~
玩左2次… 加上我觀察成既動作之後我肯定係佢喇!! 冇錯喇!! 跟住就過去嚇佢~!!~
YES!成功左!! 同佢嗲左2句之後就走左lu~~

歡..歡......就係時候返長洲食團年飯喇…
咁我都要返屋企啦~~
我地2個搭唔同線 佢港島線我調景嶺~
搭2條唔同層數既電梯~~
之後我就係度唱 : " 你我相隔多麼遠～～～ "
點知佢話 : " 我唱唔出呀......一x一"......
衰人Y~~ 係佢叫唱架… 而家竟然唔敢唱??
不過之後佢都有send返個msg黎打返d歌詞俾我~ 算佢啦~!
之後仲發現… 原來我同呆康搭埋同一班地鐵返tko添真係橋喇~~~
今日我同歡歡2個都好似唔捨得走咁...
歡歡話我地好似係度永別咁~
唔知係我有事定佢有事呢?
諗落...都有d咁既feel.....
希望大家都冇事啦~~哈哈哈!!

夜晚返黎睇電視啦~~
睇到本港台有個咩拉咩圖既魔術師…
變魔術真係出神入化!!~
唔用布遮我碌大隻眼都睇唔出佢點樣將d波波放黎放去係d玻璃杯入面~
之後仲將d玻璃杯變晒做實心添!! 真係好勁!!!
諗返起… 我以前想做既職業第1個就係做魔術師....!!~
我好想做魔術師呀而家~!!~ 特別睇完拉咩圖變魔術之後~!
第2就係做偵探… 第3就做心理學家~~
全部都好似好難咁既~!!~
呼～～～努力喇~~~

聽日就返大陸lu~~~
一返就返好多日… 所以要趕返晒咁多日既日記呀~!!!
搞到而家6點喇… 都仲寫緊~
仲俾阿媽鬧話我起唔到身添~!!
唉… 寫完喇~~ 好野!!~

>>January 30, 2004 at 6:16:01 AM GMT+8

2004 年 1 月 19 日 星期一 【乍雨乍晴】

今日天氣仍然係勁凍!!
係學校d時間都過得好快 又早放lu~~~
阿雪咁岩帶左d剪頭髮既絞剪返學校
周妍就講左句叫我俾阿雪幫我剪頭髮~
哦!~ 是但啦冇所謂呀!~ 好囉~~
咁就決定左放左學去阿豆度剪喇~~
我都未試過唔駛2秒就決定去剪頭髮架!!
之前都冇諗過要剪~~
發覺而家好多野都好似自己想點就點咁添~! 哈哈!~

放學個陣我,豆,周妍,阿雪同佩儀就一齊走啦~
一出到學校門口已經勁凍
我地傾計個陣都見到大家個口係度噴緊煙~~ 好得意呀~!!~
今日個口可以噴到好多煙出黎呀~!! 可能真係好凍啦~~~
我地5個一齊數 : " 1,2,3 " 跟住一齊噴添~! 好搞笑~~~
之後我就係度食煙喇~~
hey~! 扮食煙之嘛~~~
應該係話扮食完煙噴煙個下~
佢地個個都話勁似呀~!!~ 我都覺得好似~~ 真係好好玩~~
上到去我地鋪好d剪阿雪就落手喇~!
我都冇乜點睇佢剪 淨係卦住同佢傾計~~
佢剪完之後我覺得個頭涼左好多囉… 好凍… 因為個頭薄左勁多呀~!!~
個頭一睇就知剪過囉~~
OK啦剪得幾好 冇所謂啦~ 我出得街就得架喇!!~
真係唔該晒阿雪 咁就有個新look喇!~
之後成完野佢地就送我返學校打乒乓波lu~~~

今日社際乒乓波比賽呀~~ 我都係尋晚先知咋!!
仲唔俾我唔打話寫左我個名喎… 唔係睇在綠社份上我先唔會幫佢打呀~!!~
去到我係咁係度玩 玩左陣就話女子高級組開波喇喎~~
第1場對阿雞 我同佢2個仲係度玩超級無敵乒乓波添~!
哈哈!~ 好搞笑呀~~ 一路比賽一路笑… 笑死我喇~!
仲同個評判嗌交添~~ 好彩個計分員企我呢邊姐!!~ 哈哈!~
其實d人望住我地笑多過望我地打比賽囉~~~
我地2個1人嬴鋪 係咁 " 掉屎 "
睇到d人勁緊張囉~~
hey~~ 我仲諗住早輸早著可以早d走添~!
第3局就輸左俾阿雞lu~~ 但係嬴唔嬴對我黎講都冇咩所謂囉今年…
以前我就會好想嬴比賽~!!~
而家.........睇化lu~~ 無慾無求呀~~哈哈!~

之後對黃社個肥妹 猜波個度又係同佢玩超級無敵乒乓波~
點知一開正球個陣佢就狂挫西!!~
痴線架~~ 我鬼識擋西喎!!! 佢勁陰我囉… 又話自己冇挫西~ 啍~~
好彩我都唔輸舌!!
旁邊d人話我地2個, 1個玩西1個玩快波 都唔知邊個嬴喇~~
呢局我玩完就算 真係唔記得左佢嬴定我嬴囉最後~~~
不過一嬴1球就有人嗌 : " 好! 打得好呀~ " 咁個d野我都幾開心架~~
真係有d動力想再打好d~!!! 有人支持我Y嘛~~

頭先個對個2個社都係第1場我打先 岩岩打完而家又叫我喎~!!~ 唔係呀fa~~~
好彩我一d都唔勀 連汗都冇出~
嗌咪個個人仲問我 : " 你回左氣未呀~ 駛唔駛俾你休息下? "
哈哈!~ 真係好搞笑~~ 好似直落咁!~
對紅社… 都幾易打~
我地2個人係度猜黎猜去個波 睇睇下有人彈左句 : " 二千零八 "
之後就跟住有人數 " 四千五百四十 " , " 六千七百二十四 " 咁喇~~
哈哈!!~ 超搞笑~ 我自己都數埋一份~!

嬴左呢個round之後就要打多場決勝負 因為頭先我個隊友輸左局嘛~
頭先佢地比賽個陣我地社落後緊
我就望住紅社個女仔講 : " 流鼻水 ! 流鼻水 ! " 哈哈!~
因為佢頭先同我打個陣話要抹鼻嘛
如果佢而家流鼻水就可以減低佢既戰鬥力喇~ 哈哈!
我好似去搞事多過睇比賽囉~~
之後到我對另1個女仔 都嬴得好易~~
不過最遲係我地呢場比賽 成場人都圍晒埋黎睇喎~!!~
咦～～～人地會怕羞架嘛… 哈哈哈!!~
之後打到10:1其實我想讓下佢架…
俾著我都唔想人地抄我啦~~
點知佢失手打左出界.....11:1........
我覺得自己好衰格呀~!!~ 嬴人咁多.....佢實好唔開心.....

阿雞周王澤蘭已經等左我好耐喇……
咁我地入到廁所即刻換衫啦~
阿雞叫我幫佢拎住件校褸我先記得 原來我唔記得拎件校褸呀~!!!!!!
OH NO~~ 今日咁凍… 冇校褸我會死架!!!
返返去hall睇又冇喎~~ hey!
之後落校務處問左問 好彩俾人執左……
最好彩就係我今日咁岩放左支潤唇膏係個校褸袋度 咁先認到咋!!!! ^0^
真係感謝神呀~!!~ 我相信係神保守我架囉… ~~

咁我地5個就大搖大擺咁周街係度大笑啦~~
行到隧道口澤蘭話miss lau個陣搵佢跑越野跑針對佢喎~~
之後我就望到佢隻波鞋…
諗諗下.....咦??!! 我件P.E衫呢???!!
我就即刻抄下個書包啦~~ 冇喎…
實係頭先澤蘭關左廁所燈 我換完衫就放低左件P.E衫出去睇咩事啦~~~
咦咦咦～～～咁就唔記得拎件衫喇!!!
阿雞叫我遲d問人借衫著算數喎…
但係我已經唔見左2件P.E衫喇~!!!
今次呢件已經係問人借架喇…
咁我咪好抵死?
跟住佢地話陪我返去搵…
唔返喇!!~ 我都費事搵~~ 成日唔見!! 今次搵返咪又係唔見~~
聽朝叫A班d人返去補課個陣幫我睇下算喇~~ 啍~~~

之後落大雨… 咁我就送左阿joe去搭小巴 之後自己返屋企~
途中有個女仔叫我遮埋佢過尚德喎~~
好~~ 好彩我今朝冇落雨都戇居居拎左把傘出門口姐~!
平時我寧願淋雨都唔拎傘架嘛~~
跟住聽個女仔講佢去電視城個度學跳舞
話唔知俾佢阿爸發掘左佢跳舞叻喎~~
聽聽下我都想做dancer....
我記得以前都有諗過做dancer架~~
可惜Y… 唔夠高… 唔諗住lu!!~

之後就去左歡歡屋企玩~~
hehe....剪左頭髮既時刻.......梗係要映低佢啦~!!
<*~歡歡放左頭髮落黎我覺得都好令女架~*>
<*~歡's單車同我架一樣~*>
<*~對住塊鏡黎影架~!! 呢度係歡歡個廁所~*>

>>January 21, 2004 at 10:36:56 PM GMT+8