2004 年 2 月 6 日 星期五 【乍雨乍晴】

今朝一早就等埋Yuki一齊去shadow跳舞~~
邱邱就訓過龍.....唔去lu~~~
去到跳morning娘。既新歌~
幾好Y!!~ 我都幾中意跳!!~
不過跳full版成日舉起隻手真係勀左d~~~
之後冇跟yuki去Rainbow Magic度跳呀~~ 繼續留返係Shadow~
走個陣同Shirely傾計 係咁講係咁講~~
同佢真係幾好傾架~~ 哈哈!!~

之後留屋企食完野就同歡歡同萍萍返團契~
今日唱完好多詩就選新既團契幹事~
我地掙扎左好耐… 終於決定投張毅做主席!!~ 哈哈~
今日帶左冷帽出街呀~~
好暖好豬服~~ 哈哈!

>>February 15, 2004 at 10:45:37 AM GMT+8

2004 年 2 月 5 日 星期四 【晴】

hehe....今日我著西褲返學呀!! ^0^
尋日睇到篇F.3妹妹仔寫既文章
話咩馬凱力+陳永滔+楊家禧+陳文賦個d好令仔…
話佢地有俊俏既臉 迷倒好多女仔…
嘩~~ 睇到我~~ 掩住半邊咀笑!~
跟住就send左俾好多人睇~~ 嘩卡卡~~~ 笑死我喇!!
今日返到去… 勁多人係度講~~ 係度笑!~ 就黎笑爆咀喇~!!
放學個陣係操場見到佢地4個男主角… 真係笑死!!~
個情景同篇小說入面一模一樣!~
我仲望住佢地笑左好耐添~!! 嘩哈哈!!~
大大的眼睛.......高高的鼻子............
點知俾佢地發現左… 即刻擰轉面先 !

今日test P.A.......上次出貓出得太好分喇~~
個度廢潘好似唔信我咁高分 所以今日專登整多個test出黎~
但係人地隔離D班佢又冇俾呢個test喎 擺明覺得我上次test去左D班拎料啦~~ (雖然真係)
今次我又叫歡歡唔好走喇… 費事佢走左俾廢潘望到正一正!
不過今次我真係自己做份test
好耐都未試過自己做pa test喇~~ 好叻女添!!
個條廢潘呀… 我坐第1行第4個位架啦~
佢行到第7行個邊都仲望住我呀~~ 正低b仔!

到ECON test喇~~ 我當然又係冇溫書啦 !
歡歡又話驚俾miss睇到所以冇出貓~
佢有出去背習架嘛~ 梗係唔驚啦~~~
咁我唯有靠自己 擺本書係櫃桶睇啦~~~
大煲粥 ! ! 我連睇邊頁都唔知呀…
真係一堂ECON都冇上過 點出貓?!
出貓都要知道睇邊版先得架~~
咁阿萍坐第3行第3個位 我見佢出貓咪望住佢囉~~
望下佢揭本書揭到邊度 跟住認返個頁d公仔~
全靠佢我先知大概要抄邊度咋~!! 呼… 好險~

好喇~ 放學等齊人~~
有我, 林怡, 萍萍, wing wing, 周妍, 何+, 阿雪, 歡歡, 佩儀, Amy, 邱邱, 阿law, down down, 桂花, 漁民
(排名分先後… 跟學號)
我地就一行15人去左新都間酒樓 "慶功" 啦~~
去到冇位… 我地就成班係人地門口排開2行
同出出入入個d人客講 "歡迎光臨" ~ (可能我地已經嚇走左好多人喇~哈哈!)
可能人地驚我地倒佢米 以我地好快就有位lu~~~
難道我地原本既用意就係咁?

入到酒樓.... 咦? 佢開左間房房俾我地喎~~
可能佢地以為咁樣就可以隔絕我地同外界 等我地嘈唔到出面d人~
不過房入面仲有其他人喎~~ 哈哈!
d野食嗌完又嗌… 要數123先可以起筷~ 真係笑死!
d野食唔夠2秒就清晒lu~~
之後邱邱走左去覆診 我地就繼續食~~~
我地係入面玩得勁癲!!~
又係度講miss ma 話佢同個奸夫係學校成日食lunch一齊撐臺腳~
講完之後望下隔離張臺 勁似家長教師會d人~
咁我地就即刻轉晒太話自己讀5A
仲話星期日新春行大運個陣調轉5A同5B個班牌添~! 哈哈~~
食完.....大家仲估食左幾多錢~~
15個人食都係$400幾咋~!!!
估$700個d人就K.O埋碟抄河~~

之後拎幾隻碟俾Z幫我燒野 諗住放係佢信箱度俾佢啦~~
點知去到佢樓下見到有個人同佢差唔多樣喎…
望真d真係佢呀~!!
歡歡話佢好準時喎~~ 但係我都冇約過佢!
真係咁岩撞到架咋喎~~~ 又會咁橋既!?
俾完野佢就走左lu~~~

夜晚冇返跆拳呀… 留左係屋企跳w-inds.既Because Of You~
今日終於跳晒我未學識個d喇~~
原來我之前學pop jam個live唔係full版~
而家? 跳晒lu!!~
跳到w-inds.既舞好有成功感添~!!!
之後問阿兒拎多左幾個mm新歌既live~~
學左陣… 覺得都幾好睇喎~!!~ 哈哈!~~
跟住就訓lu~~~

>>February 15, 2004 at 10:45:27 AM GMT+8

2004 年 2 月 4 日 星期三 【颳風】

今日落雨踩唔到單車返學呀…
諗住29樓一定入唔到lift 我又落左28樓搭lift啦~~
點知28樓部lift一打開 入面d人仲多過等lift個d人!!!
估唔到係28樓搭lift都入唔到囉~~~
等埋歡歡我地就諗住搭的士啦
因為行路實變落湯雞 等車又驚塞車會遲到~
點知的士站d人仲多過頭先搭lift既人~! 仲冇車添 !
即係趕我地入絕路啦~~~ 勁黑仔呀…
我地唯有等巴士… 好彩有車黎~~
但係返到學校已經8:20a.m喇…
本身約左8:00要返到去架~~ 諗住re多次hearsay先~
點知… 遲大到 !

返到去見到勁多白布係hall個台既地下~ 原來個hall滲水喎…
死 ! 等間容乜易搧死我 ! !
由於邱邱既冇返學 咁我就要頂佢跳個part啦~
冇時間上課房拎尋日d衫喇~~~
好彩阿paw肯跑上4樓幫我拎 ! 唔該晒~~~
咁我放低左個書包之後即學 " 千金 " d動作跟住同wing wing夾左陣 已經有人行入hall喇…
大煲啦 ! 學左3分鐘都唔知有冇~~~

跟住何+佢地問我做咩仲唔換衫 趕唔切架喇!!
咁我咪即刻跑返入後台換衫囉~
點知原來我唔記得左袋衫擺左係出面… 咪跑返去拎囉!~
跑返入後台個陣竟然搧左搧 成個仆左係度~!!
嘩哈哈哈!!~ 唔知點解我淨係想笑囉~~ 哈哈哈!!~
跟住就勁快手咁企係個幕旁邊換衫喇!

一開始跳R&B個part…
今日down down出左黎俾我地圍圈yo囉~! 哈哈!!~ 勁好笑~~
Jazz個part漁民請何+走個陣勁多人係度wow~~~
我地轉圈出黎扮跳社交舞都有好多人笑~~
之後… 就到我地個part " 千金 " 喇~~
漁民同桂花個part超搞笑 ! 漁民跳到d動作真係幾核突~~ 哈哈哈!!~
同我地呢part d動作一樣 但係睇落好似2 pair人跳緊唔同野咁囉~~~
之後我同桂花要扮阿sa拎傘跳
我竟然唔記得左去拎傘!!~
到個段音樂個陣就好樣衰咁跑去後面拎傘… 真係幾好笑~!!
臨尾d動作我地都夾得幾好~~
d人勁爆笑 反應好過尋日低form幾千倍囉~!!
到最後個隻ROCK
我地成班人都跳得幾好幾齊!!~
開始覺得我地班好型添!! 哈哈~

完左個assembly我就咁那高左條長褲
用條校褲遮住就上返課室喇~
好多人讚我地班勁囉!!~
miss胡話翠兒講英文好好聽!~
話我遲d如果唔諗住讀書既真係可以去個d咩演藝學院度讀喎~~ 哈哈!!~ 唔知呀…
黃太都話我地個assembly做得好好 好精彩~
我都覺得我地做得比想像中成功好多好多囉!!
不過我地隻 " 千金 " 分錯類呀~~ 哈哈!~
唏 ! 都冇人知架啦~~ d人睇舞之嘛~ 哈哈!
我地都係求其搵幾首似樣既歌
見差唔多類型既就話係架啦~~
我覺得我地都幾串囉~
English Assmbly跳舞多過講英文 仲要播埋中文歌添~!!
真係勁串~~~哈!

今日阿青生日呀~!!~
但係我買唔切禮物俾佢囉… 呢排真係勁忙 !
仲變左佢送左條橙色既手鐸俾我囉~!!
我都唔知講咩好… 佢對我真係太好喇~~~
咁lunch我地就去左消防宿舍食 當幫阿青慶祝生日啦~~~
我地每個人都同邱邱傾左2句就開始食飯喇~~
我地十幾個人玩到勁大聲 好好笑囉~~
搞到人地個餐廳即刻嘈晒~~~
跟住桂花話想生雙包胎就聽多d Twins既歌喎~
聽Boy' z就生2個男仔~
咁我中意morning娘。架嘛~~
咪話咁聽Morning娘。咪好大煲!?
跟住即刻全場爆笑~ 咁我真係幾危險下喎~~~

頭先除左著條褲出去食lunch 費事俾d老師見到鬧我啦~~
返到去又著返! 仲除埋條校裙用條褲黎扮校褲添~!
隻色真係差唔多 不過係多左d袋囉條褲~~
今日阿萍將佢條校褲攝埋入對boot度 我就著好似著左西褲咁~
2個男高校生出世喇~~~哈哈哈!!~
放學我仲著住個條褲走添!
不過出學校門口個陣要避避避咁囉........~~
好彩 ! 成功逃出學校校口!!
去到新都我同歡歡仲換埋對鞋添~!
襯晒成套衫我覺得自己好似仲型過d男仔呀!!~ (係好似)
著我條褲好睇過著西褲啦~~ he.....~~

返到屋企又練Because of You喇~!!
好叻女!!! 我可以跳到成隻舞喇~~ 又跟到個bit !
真係好想搵多2個人同我一齊跳 好似w-inds.咁~~~ 勁呀!!

>>February 15, 2004 at 9:35:04 AM GMT+8

2004 年 2 月 3 日 星期二 【晴】

今日低form assembly要出show喇~!!
一朝早我同歡歡就飛的8:00a.m返到學校rehearsal多次~
點知咩都re唔到就表演囉~~~
第1次係hall個台上入面換衫呀~!! 超搞笑~~
我地幾個女仔換衫,梁璟珩行左過黎都唔覺得係d咩野~
之後佢走開喇,我地先醒起 : 原來我地換緊衫架喎~!!!
哈哈~~ 我地今日套衫係校服件恤衫+太 再+深色外套同長褲~~~

成個show都run得幾好喎~!!!
我地d舞都跳得出 已經比預期好好多架喇~!!
不過我地勁多烏龍野囉~~
個power point竟然可以連校歌都打錯~~
臨尾諗住成班一齊出去谷躬 點知d人出到一拳就谷左~~~ 真係爆笑~~
不過我都好滿意!!

PA堂要test呀~ 我地班d人幾醒咁問左D班拎答案抄~~
我就寫低左係張memo度啦~~ 之後放係冷衫袖度出貓 !
個廢潘成日 "目及" 住晒囉~~ 搞到我出貓都出到驚驚地
除左抄漏個d其他都抄岩晒d答案落去~
點知之後對卷 我竟然40/44囉!!~
廢潘對卷個陣已經企正係秀芬隔離睇我幾分喇!! ( 秀芬幫我對)
佢一早就預左我低分架啦~ 諗住睇下我有幾低分~
而家咁高 一睇就知佢唔信 !
我坐第1行 佢收卷收到第7行仲望緊我份卷呀~~ 仲唔係咩!! >_<
之後仲話下次有多個test D班冇架bor~~
傻既都知佢想test多次睇我點死啦~!!! 頂~~~
阿雪又同我一樣出貓出到勁高分 佢都38/44呀~
之後廢潘又扮晒野咁問晒我地其他問題d答案
擺明check緊我地識唔識啦~~
佢仲同我講 : " note有架喎… "
暗串呀?~~~ 好彩我都答到… 符碌!!

今日勁凍呀~~ 仲要著住條校裙…
我見凍咪著返頭先跳舞條褲囉~~
係班房一路著down down一路望住 仲同我講我未拉好拉鏈添~! 哈哈!~
不過我有打底褲係入面既~~
但係我都係對住佢咁拉 佢話好核突喎~~ 哈哈!!
我又著校裙又著褲
歡歡又著左絲襪成隻假腳咁~
+埋萍萍著西褲同著左對boot 真係超搞笑~~
我地3個一齊映左張相
套校服即刻大變身 ! ! 型爆 ! ! !

放學黎多次full rehearsal喇~
聽日仲有高form既assembly要做架嘛~~
我地+多左好多野呀~!! +多左隻 "千金"
之後邱邱唱歌 勁好聽囉 ! !
周妍佢地係台上扮fan屎要同佢握手
我同歡歡就扮埋一份 伸隻手落去同佢地握手~
真係覺得自己勁似明星呀~! 哈哈!!~
個full rehearsal玩得勁開心呀~!!
真係估唔到個English Assembly會做得咁好玩架囉~~
我地歡又爬左上hall既上層搞d射燈既控制器~
我係咁 " 閃 " 盞射燈 差d整爆盞燈囉~~~
鄭子傑佢地班人仲改左校歌d歌詞 變左做首粗口歌添~!! 幾過癮~~~

邱邱呀......... re re下hearsal個陣個心有d唔豬服呀~~
佢話唔知係咪心臟病發喎… 咁就訓左係我大脾~
之後我都好擔心佢架…
我發覺我真係幾鍚佢! (因為我見佢塊面咁滑真係錫左好多啖呀!!)
仲有…我真係勁擔心佢! 好唔想佢有事!!!
之後返到屋企 邱邱打黎話佢要留院觀察聽日返唔到學囉~~
但係佢已經冇事 我都安心返好多~~

之後我搵把扇跳 "千金"
媽咪拎左把好似中國個d古扇咁既扇出黎
我打開睇睇下發現寫左自己個名架喎!!
原來把扇係我F.1個陣畫架囉…
估唔到佢收埋左喎~!!!
之後wing wing打黎 我同佢講左邱邱入左e院~
咁聽日隻 "千金" 就我同佢做partner喇~~
跟住佢話其實佢好錫我好照顧我~~~!
我聽到好開心架!!
多謝wing wing～～～
我都好中意同wing wing玩架~~

>>February 15, 2004 at 8:44:49 AM GMT+8

2004 年 2 月 2 日 星期一 【晴】

今日用左2堂eng堂黎諗舞…
好煩呀~~ 是但諗左d教左rock個part舞算喇~~
我真係好唔中意d人成日問我點算點算囉…
點解一定要係我揹??
我都唔想跳架!~
之前明明話係用舞蹈種類黎做topic架嘛~
而家改左做音樂種類
你教我classic同hip hop既舞有咩唔同喇~~~
鬼知咩!~ 我就唔識排囉~~~
無啦啦+跳舞呢part落去都好K怪啦~~~
跳舞都係用黎攝時間架之嘛~~~
唔知呀!!~ 唔排唔得啦…
班班都做得唔錯 我地唔可以輸架~!!

咁放學就留低左陣教佢地跳d舞啦~~
教晒wing wing就走喇~
夜晚又約齊晒d人練舞
除左wing wing其他人都黎齊喇~!!~
今日練埋rock 用左arashi首PIKA NCHI呀~~
再夾返R&B個首歌 都排左好多喇~~

>>February 10, 2004 at 5:18:55 PM GMT+8

2004 年 2 月 1 日 星期日 【晴】

今日返學喇!!~
同歡歡坐喎~~ 正爆啦!!~
我地一路返學玩到上堂~ 超過癮!!~
玩下停下咁.. 差d遲到呀~!!
返到去仲話一齊實行個屈阿媽俾利是我地既大計~~
因為我阿媽俾利是佢 佢阿媽都會俾返利是我~
咁如果我阿媽俾$100
咁我咪可以收返$100囉? 哈哈!!~
所以就諗住返去叫媽咪加注喇~~~
不過我都係冇咁做~~~ 太cheap喇!~ 講下姐~~~

之後出去食lunch
行返學校個陣同歡歡2個扮玩vos入面既戀之風景~
我地就用口 " 彈 " d音出黎啦~~
點知有塊樹葉跌落黎......?!
唔係連樹葉都柴我台呀fa......?~~~
跟住我地就一齊係度自言自語鬧棵樹 真係好好笑~~~

夜晚我狂跳w-inds.既舞呀 一路睇一路學~~
睇左陣because of you就狂諗舞喇…
因為我地星期3同星期4要搞到English Assembly~
topic係音樂既種類~~
佢地話介紹唔同種類個陣就跳d唔同type既舞喎…
又要我諗.....好煩架.........仲要咁趕添!!~ 點排呀~~~
我要一路睇, 一路學, 一路跳, 一路諗, 仲一路俾阿媽迫食飯~~
諗住抄d舞唔駛諗啦 又唔知抄邊d!!~
連d音樂我都未收到呀~!! 點諗呀~~~
9點半就出左去排舞lu~~
仍然未收到音樂… 咁用住我有既日文碟先囉~~~

我自己1個飛車去先 點知落雨喎… 凍到我!!
去到邱邱話唔夠錢買電芯
咁我就去接滯佢啦~ (拎amy d錢)
去到見到桂花就同佢一齊入左間電器鋪
邱邱覺得頭先唔夠錢勁樣衰 所以就冇入到喇~~~
一入去我地2個就係度笑笑笑 個老板就無啦啦搭嗲喇~~
跟住問我幾年級 (冇錯..係幾年級...怒")
我咪答佢我中5囉!~
佢話以為我岩岩小學畢業呀~!!~ 哈係呀化…??
跟住又係度同我講會考
話最後幾個月唔可以嘻嘻哈哈咁笑住過 要認真d讀書喇~~~
一路講講講… 桂花就鼠左出去喇… 淨返我~~
我不停遞個$40俾個阿叔
佢都好似唔想收咁繼續講~~
但係又唔俾d電芯我喎!!~
咁我又要繼續聽…
最後又話咩覺得我好環保呀 唔知點呀~~
搞左好耐先俾得成錢走人!!~
出到去… 桂花竟然講我同個2個阿叔搭上左~
化.....唔係卦...~~...~~ 唔關我事架喎!!~

之後d人都差唔多到齊喇~
我地就傾傾傾 玩玩玩搞左好耐~~
我諗成11點幾先開始正式揀歌排舞囉…
咁我地就揀住首嵐既Typhoon Generation做R&B既歌先~ 仲排左d添~!!~
叫桂花係中間做花呀!!~ 笑死~~
不過佢覺得太樣衰唔肯做囉…
如果有既真係會勁爆笑架!!~

另一方面我好憎某d人囉…
成日嫌呢樣嫌個樣!!~
而家我想排架? 我想諗架? 我想練架??
係你地推晒d野俾我我先要理咋~~
搞到我好似委屈佢咁!!
大家都唔好跳Y笨~!!~
諗d簡單得滯既又唔得 我已經就晒佢地黎諗舞架啦…
難度都唔係話太高姐 練囉~~
唔通唔練就可以跳到架喇咩!!
咁叻 佢諗喇!!!
練到12點幾先返到home呀…
跟住就玩電腦到3點幾lu~~~

>>February 9, 2004 at 6:38:46 PM GMT+8

2004 年 1 月 31 日 星期六 【晴】

今日約左8點幾係圖書館門口等~
點知阿豆話唔去自修室喎~~
我都好眼訓!!~ GOOD呀!!
咁就cancel左喇~~~ 唔駛去真係好開心!!~
好似一身都鬆晒咁~~~ 跟住就訓返啦~~

訓到2點幾起身隻手指超痛 所以冇去夾band呀~~
橫掂去到隻手指咁痛都夾唔到d乜架啦~~~
之後我就係屋企執屋喇~~ 執下又彈下結他咁~~
咦?? d手指又冇咁痛喇喎~~
彈熟左好多喇首 " 真的愛你 "
真係好開心自己彈到d chord~~~ ^0^

夜晚睇警訊之類個d咁既野~~
入面個人講話 : " 其實點解d人可以咁大意, 俾人拉開左條拉鏈再拎埋入面d野都可以察覺唔到架呢~? "
嘩~~~ 擺明話緊我啦~~
我阿媽一聽到即刻係度笑~~
咩意思先~~~ 囉景呀.......?~~
算~ 豪俾佢囉!~
學姨媽話齋 睇佢點折墮~~

>>February 9, 2004 at 6:15:56 PM GMT+8

2004 年 1 月 30 日 星期五 【晴】

朝早補maths要test...冇溫過書又唔想做~
+埋唔夠訓喎~! 可以點?
訓覺囉~~~~~~~
test得麻麻地呀~ 預左啦~
仲俾miss wu話而家唔溫冇時間架喇~ 唔可以仲未溫書喎~~

之後姑姐黎~
我地去飲茶呀~~~ 仲撞到歡歡去食野添~!
俾佢嚇一嚇嗌到勁大聲~
連姑姐同媽咪都嚇親囉~
不過係俾我嚇親...我都嗌得幾大聲下~
之後我地去到 " 一粥麵 " 個度搵位又見到歡歡
今次仲唔到我嚇返佢!?
佢俾我嚇到差d食埋個匙呀~! 哈哈~

咁我地就真係去左飲業啦~~~
姑姐係咁幫人叫野食 叫完又質俾我同媽咪食~
咁我地就係咁食...係咁食....
哈哈!~ 媽咪都俾姑姐質到勁飽呀~!! 問你知驚未~
佢終於體會到俾人迫死野迫到就黎爆肚既感覺喇~~
而家....都已經差唔多掃晒臺面d點心~ 飽到想死~
姑丈都飽到食唔落喇.....
估唔到...姑姐仲走去嗌多碗豬頸肉+燒鵝瀨叫我地食....T^T
食完呢餐個腦大左2倍喇!!

送完姑姐姑丈走之後返屋企狂彈 " 真的愛你 "
除左結他solo個part其他粗粗地都算彈到d~
夜晚Pk FoR 4打黎喎~~
佢地... 好凝重咁叫我讀返書…
不過驚我話佢地成日咁同我講我會覺得佢地煩喎~~
唔會既....... 我知佢地關心我 !
我好感動佢地咁關心我~ 仲約我去自修室添~!
我諗左陣都應成左~
我都好想同佢地一齊升中6繼續發癲架~~~~~~

再夜d...睇包包日記....
講左好多佢諗既人生道理~
有關於愛情架啦~~ 有關於友情~~~ 類似個d啦~
睇睇下我睇到喊喎.........
唔知點解覺得好似好感動咁~
我都好同意佢既講法~
諗落自己有咁多人鍚真係好幸福
仲有...諗左好多野啦~~
而家我好似易喊左添~!點解呢?

其實今日見到姑姐同姑丈真係幾開心~
因為我覺得姑丈好就姑姐囉~
姑姐成日講野串佢佢都唔嬲既~~ 真係個好老公 !
唔知我第時個老公係點架呢?
oh~~~~~~~~ 嫁得出先算啦~~~~~~~~~
今日飲完茶 我就係同我阿媽講左句 : " 我取左老公返黎好冇~ "
佢到夜晚都仲係度笑緊囉............ 低b~

>>February 5, 2004 at 4:41:25 PM GMT+8

2004 年 1 月 29 日 星期四 【晴】

下午起身呀....
寫返返大6既日記囉~
之後就落左歡歡屋企睇大丈夫~
超好笑呀!!
出去滾之嘛~~ 講到好似去打劫咁!~ 超過癮~
之後又玩玩玩玩玩電腦lu~~~

>>February 5, 2004 at 4:24:20 PM GMT+8

2004 年 1 月 28 日 星期三 【晴】

今日蜜柑去左歡歡屋企幫佢整電腦~
我地請完佢食m記 (因為佢又幫我地作文又幫歡整電腦)
跟住就上左去喇~
話咁快..佢插一插返實d制..
咁就用得喇~!
原來咁簡單........................
歡歡仲以為係火牛壞
咁佢咁耐冇得電腦咪好唔抵!? 哈哈哈~
之後我地就去整單車
我整返條太同換過個撐住地下個舊野就踩得lu~!!
個度d人仲話咩個肥仔面都紅晒~ 哈哈!~ 真係搞笑~
仲話見我係女仔先換俾我~
如果唔係就...再見～
咁好彩我係女仔姐!!~ 呵呵~

>>February 5, 2004 at 4:20:10 PM GMT+8