2004 年 2 月 16 日 星期一 【晴】

今朝早左返學校打排球 肥man約Y嘛~~
返到去見到個斌個新頭 剷左青…
嘩哈哈!! 好Q呀~~~ 真係好想摸爆佢個頭~!
都好耐冇打過波lu!!~ d技術差左添~!!
唔得 ! ! 就黎社排喇~~ +油 ! ! !
之後低form做Engliah Assembly 用白雪公主個故事做主題~
臨尾要個王子咀咀白雪公主佢先識醒
我地5B同5A前面個堆女仔已經勁大聲係度 : "wow~~ wow~~ " 仲拍埋手掌添~!
個王子拎左個紙板咀唇出黎
我地成班係度嗌 : " KISS ! KISS ! KISS! "
哈哈哈!~ 照過癮呀~
阿sir miss都冇我地收 淨係係度微微咀笑~~
最衰唔係真錫啦~! 哈哈哈~XDXDXD

ENG堂有班小學生行過我地班房 可能黎參觀啦~~
我同歡歡勁無聊 對住行過個d小學生做鬼臉~
好彩而家d小學生都識做~ 冇篤我出黎又或者嚇到喊~~
唔係我地就大煲粥喇~!!!

中文堂勁眼訓
可能因為咁就俾黃太嗌左起身答問題~
咁 "店舖" 呢課既描寫手法我就答多角度描寫啦~
跟住係咁答… 答極都答唔中佢想我講既作法
淨係答晒其他個d作法出黎… 真係吹漲~
呢課咁多作法差唔多係我答晒
得啦~ 唔駛答啦其他人~~
我答左條問題起碼5分鐘 都仲未答完~!
個咀唔勀隻腳都企到軟呀...................(汗")

放學同歡歡去左圖書館幫埋佢地交自修室張form
順便補領返張圖書證啦~~
我地C4除左歡歡 3個都要補領圖書證~ 真係搞笑!!
我之前原來爭圖書館$25囉.........一x一|| 我都唔知添!
仲以為唔見左張圖書證就咩都唔駛賠~~
點知原來我張圖書證有人執左呀!!
但係我唔見左成半年喇喎................=.="
咁即係我個銀包都應該俾人執左啦~~~
哎呀 ! ! 蠢左喇 ! !
點解我唔一早去報失圖書證呀~!!
咁咪可能搵得返個銀包囉~~~
個銀包係凱珊同邱邱送架!!! >_< 仲有張8達窿~~

我地排隊果時無啦啦講起中文課文黎~~
仲話蘇軾係小人~
辛棄疾係鹹濕佬~
李清照係姣婆~
徐志摩花心~
陶淵明中意逃避現實添~!
註 : 未溫書切勿聽我地一派胡言…

1) 係蘇軾既 <念奴嬌> 佢抒發左自己年華老去但仍一事無成既感慨.....
　拿拿拿~! 咁仲唔係小人??
　根據 <論仁論君子> 一課 君子係「不病人之不己知」架!!
2) 辛棄疾係 <青玉案> 擺到明話元宵節就係去睇靚女啦-->
　「眾裹尋他千百度，驀然迴首那人卻在燈火欄柵處」
　嘩.......咁仲唔鹹濕呀?!
3) 李清照講埋話咩「玉蕈秋」
　同人地講自己閨中寂寞添!! 姣到佢丫.....
4) 徐志摩係 <再別康橋> 度話康河沉澱著佢彩虹似的夢…
　佢就開心得過喇，背住佢老婆追林徽音~~
　佢老婆不知幾慘呀~~
5) 陶淵明係 <歸去來辭並序> 度猛話自己本性愛自然~~
　其實佢唔想返工之嘛~~
　搞到佢老婆同佢d仔女冇啖好食~~!!
HEY~~~好無聊呀真係~~~~

>>February 19, 2004 at 5:29:17 PM GMT+8

2004 年 2 月 15 日 星期日 【晴】

今日趕功課呀 尋日拎左d功課都冇抄過~
lunch去左寶島食
歡歡就返屋企拎錢~
咁萍萍同邱邱就坐我對面 我自己就霸晒另1面啦~~
我好似好勤力咁囉 出黎食飯都不忘功課~
其實係因為我抄唔切篇文 要一路係飯一路抄~~
左邊臺放飯 右邊就擺篇文係度抄~
食呀食 抄呀抄 傾呀傾不知幾開心~~
之後講開d核突野 我地就係咁係度笑~
傾傾下我想扒飯.....點知望下左邊唔見左碟飯既!??
諗諗下好似頭先俾人收鬼左 我仲望住佢收架添...!!
但係我冇為意囉… 佢以為我食完卦…
但係食左一半咋喎~~~
之後佢地見到我俾人收左碟飯 我地就係度大笑喇~~~
低B～～～

之後行返學校撞到陳樂同林敏佢地~
咁我地就開始講阿森宇哥d鼻毛好長啦~
長到.....好似周星馳d戲個如花咁......又長又密又多.......(汗")
之後包包話諗住叫佢剪一剪佢
我咪話介紹個髮型師佢識囉~~ 真係好搞笑~!!
又話叫個髮型師幫佢偷薄d鼻毛 又話幫佢剪碎佢~
仲話電鬈佢幫佢整埋焗油~ 勁低b~~
邱邱話幫佢電負離子~
唔得喎… 電直左咪仲長囉? 哈!~
萍萍仲話幫佢紮賓辮添!! XDXD
真係好笑到成條隧道d人都聽到我地笑!!!
上到去同邱邱搵森宇兄驗證一下
阿廖見到都問我地係咪見到d野~(指住佢個鼻窿)
哈哈哈!!~ 原來佢地都發覺到~~
之後阿廖仲話叫佢去剪斜陰添~!!~

>>February 17, 2004 at 5:11:30 PM GMT+8

2004 年 2 月 14 日 星期六 【晴】

今日成日都係屋企玩電腦~~
之前仲諗住做下功課添~!! 又渣兜啦~~~
不過就趕返10日日記 超勁呀~~~
覺得自己既歷史又充實左好多添!!

夜晚咩功課都冇做過呀… 唯有問人借黎抄啦~!
仲叫左呆康幫我作篇文~~
但係個篇文應該係X' mas假之後交架喇~~
俾黃太追到而家 唔交唔得呀…
呆康真係夠雷氣!! 話咁快就應成左~~
跟住就周圍撲應用練習啦~
又會班班都冇既!! 趕盡殺絕咁話啦~~~
最後都借左down down個本~
另一方面又問左黑豬同鄭子傑借~~
估唔到佢地肯借俾我囉~~~

我飛車去左呆康樓下等佢
點知等左成4個字都見佢唔到~~
頭先一去到佢樓下冇耐竟然見到有人掟個果醬個d玻璃樽落黎囉!!
離我4米倒... 幾秒之後送埋個樽蓋落黎 ! 嚇得我.........
之後見到呆康 原來佢一早就落左黎
不過係另1邊門口等我…… 真係唔好意思喇!!
我諗住佢就算係另1邊出口等我都會行一行過黎睇下架嘛~ 點知冇喎 !
我又有單車費事行過去 咁就白白等左咁耐喇~~
之後去埋肥肥個女個度(茵怡)等埋down down拎本應用練習就飛車返屋企喇~~

返到屋企鄭子傑同黑豬send file俾我~
佢地scan左d應用練習呀....scan過黎俾我抄!!~ 真係好!!!
唔知點解我好感動添!!!
如果唔係佢地 我諗我今日真係唔駛訓喇~!!!
不過之後我都冇即刻抄 仲係度玩電腦同寫日記
阿兒話同我+傻基一齊夾w-inds.呀~!!
女版w-inds.~ 應該都不錯!!

>>February 17, 2004 at 10:34:08 AM GMT+8

2004 年 2 月 13 日 星期五 【晴】

今日情人節喇~!!~
朝早約左許佩同邱邱去跳舞呀~~~
今次我地早到喎!! 勁呀~!!
我好耐都未試過第1個到達 感覺不錯~
之後阿貓同阿兒都黎左
我地3個就跳左次3人版既It' s All Right 都跳得好齊喎~~ 哈哈!~
邱邱同許佩就成日坐埋一邊… 不過之後都有出黎練舞~~
我都係咁跳呀!!~ 跳返以前既歌 真係好開心~!!
平時d舞我又唔多練 今次練左好有成就感~~

今日好開心呀~!! 又收到朱古力喇~!!
夾夾埋埋… 我諗收到40份倒啦~!!
之後阿兒搵埋我同傻基一齊跳w-inds.既Because of You
我企龍一個位呀~~ 阿兒係涼平~ 傻基做Keita~~
超正!! 我第1次係咁多人面前跳呢隻歌咋~~
阿兒好耐冇跳就唔係好記得 之後跳跳下得返我自己1個係度跳~
阿貓同3期(阿貓老公)係我地跳緊個陣跑左去前面睇
仲拎埋部手提出黎映相添呀~!! 痴~線~架~~
跳完成隻舞之後Sakiko勁Q~~ 係度嗌住我個名黎尖叫!~
仲話我好型呀!!~ 哈哈!~ 我暗爽中啦~~
估唔到我地而家跳埋w-inds.既舞呀下~

之後我同邱邱走先 許佩跟Yuki去Rainbow Maigic~
返到黎媽咪又叫我去JUSCO買張轉轉chair喎 都返唔切團契
歡歡又話唔返~ 咁我就同左邱邱去食m記喇~~
之前搭車返黎個陣傾左好耐計!~
原來邱邱想讀IVE架~~ 佢話想讀幼兒教育 再唔係就讀關於旅遊既野喎~~
諗諗下讀IVE都好似幾好~
我又唔想讀死1樣野 所以我都唔係太想入d咩演藝學院個d野囉~
我唔想成個世界都係跳舞! 跳舞同跳舞呀~~
如果我揀讀書 咁我都可以跳舞架姐~~ 係咪?
但係讀咩....我真係未諗~
話唔定我地成班fd會係返同1間IVE度讀添!~ 哈哈~

夜晚出左去尖沙咀睇激光~
點知我同歡歡遲出去 出到去咩都睇完lu~!!
咁我地(我,歡,邱,萍,雪,周妍,桂花,何+,佩儀,翠兒,花花,阿梁,wing wing,amy)就係文化中心個度玩~~
我地勁白痴!!~ 係文化中心出面又打高爾夫球 又打保齡~
仲打埋排球添呀~!
但係我地咩都冇帶去架喎~~
冇錯 ! 係扮打波~~ 事實上係打空氣 !
我地嗌人地個名 跟住就開始一場激鬥喇~~
我同萍萍仲係度攔網添!!~

之後我地就轉行玩跳大繩~
諗都諗到啦~ 都係冇繩~
桂花跳左兩野之後我就入繩喇~~
我同邱邱同桂花同wing wing笑到癲晒
周妍個d已經行開左少少扮唔識我地喇~~
而我地一於好少理 愈笑愈大聲~~
周圍d人勁望住我地 唔知我地做緊乜~
打波又唔見個波 跳繩又望極都見唔到條繩~
d人行過都笑笑口咁囉~~ 唔知我地做緊乜!
有d就擺出一副 "咁都得" 既表情~ 勁過癮~~
仲有個女人行埋黎話 : " 下次帶埋繩黎Y嘛~ " 咁添!!~
唔知係我地自己玩緊定係我地玩緊人呢~??

之後我地就返左TKO食糖水喇~~ 阿law都黎埋~
我地成班冇情人既單身一族臨走映左張大合照就鬆人喇~~
用黎對照一下 睇下下年邊個會唔係度~~哈哈!~
不過今日好勀… 好眼訓…
<*~好多花~*>
<*~不過冇情人~*>

>>February 15, 2004 at 6:59:45 PM GMT+8

2004 年 2 月 12 日 星期四 【晴】

今日一返到學校勁多人送朱古力俾我呀~! 超開心~~~
梗係啦 ! 今日情人節前1日喎~!
星期五.....d人梗係周圍送朱古力啦~!!
不過我今年冇送朱古力俾人呀…
冇計啦~ 冇錢又冇時間~
今年真係入多過出呀~!!
出都冇出過就入左一大堆返黎… 真開心~~
COMM堂我地仲拎晒d朱古力出黎映相 映完就映人~
Comm堂直落放學我地成班人 (我,周妍,漁民,桂花,何+,阿雪,amy,佩儀,邱邱,歡歡,
　　　　　　　　　　　　　翠兒,down down,wing wing,阿萍,林怡,阿law)
仲一齊拎晒d朱古力出黎映添~!! 超令超壯觀~~~
<*~我地咁多人今日既斬獲~*>
<*~3月14號...我會大出血囉~*>

今日中文堂黃太講書 問我地班邊個最開朗~
估唔到d人話係我囉…
真係估唔到!!連黃太都話我成日大笑~ 狂笑添!!
不過俾人咁既感覺我都幾開心既~~
跟住黃太又問我地班邊個最陰暗而神秘~
一講起陰暗我就諗起丁淑霞喇~!!
佢真係好陰沉 ! 不過唔好意思講姐~~
之後話神秘我就覺得係葉寶儀喇~~
佢成日都好似d仙女咁飄黎飄去.....
一講出黎全班就大笑喇~!! 仲有人agree with me添~!!

今日又係曾忠生日呀~!
我都有份夾錢送野俾佢架~~
佢地竟然買左個限量版而且有3隻味既避孕套俾阿忠 ! 哈哈!~ (白/牛奶/黑朱古力味)
唔知佢用唔用得著呢?
從此我地就叫佢做避孕忠啦~!
即係敲一敲就唔駛唔會有BB既鐘~~~ XDXDXD

放學(我,歡歡,周妍,佩儀,阿梁,邱邱,阿萍,wing wing,阿雪,amy)就去左小金井食喇~
今日早放嘛!! 去到又撞到阿忠佢地班人同黑豬佢地~
之後我地就係小金井玩玩玩玩玩, 食食食食食!
一撻算係高級既地方 由我地入左去之後就嘈到拆天~!!
10個女仔係度bi li ba la~~
真係奇怪點解我地冇俾人趕走呀!
呢d就係我地既特色喇~~~
我地成班仲大聲食左首生日歌比曾忠聽 (班男仔坐係我地後面)
我地一唱! 佢地班人即刻dup低曬頭扮唔識我地喎… 衰人Y~ 哈哈!
我個咖哩豬扒(食自己)黎左之後
個waiter問我飯上面個d係乜
我咪問佢試唔試下囉~~
佢話唔駛喎… 咁又係既~ 人地返緊工架嘛~~ 哈哈!

夜晚返跆拳~ 好耐冇返過喇!!~
歡歡預備左3支紙花俾佢同我同埋暴暴~
我地3個將朵花插落個頭度~
歡歡插左邊 我插右邊耳仔隔離~
暴暴就插係條頸巾度~~
我地仲一路行返跆拳一路周街映相添~!!
原本唔遲到都映到遲晒大到喇~~ 哈哈!!
途中我地仲話玩大佢 唔好除朵花~
好呀!! 行到新都個陣最樣衰… 勁多人…
我咁岩行正地鐵站個邊添呀!! 乃晒野啦~~~
之後有班男仔行過歡歡隔離
個邊望唔到我朵花架~~ 淨係望到歡歡個朵
佢係咁避係咁避~
但係我都見到有人係度笑囉~~哈哈哈!
<*~歡歡都帶左朵紅色既假花係頭架~*>

咁耐冇返… 一返去我地就囉左個頭彩~
入到去道場即刻3一齊 : " Yeah! " 咁展示我地頭上面朵花~
之後就勁低b咁仆左去換衫喇~~
我又3個一路上堂都勁傾計 仲笑得好大聲添~!!
都唔知俾師傅啤左幾個獲喇~~ 哈哈!~
不過我都知佢唔會鬧我地架喇~~
之後阿福勁操我地 做埋d basic form....
又狂slow jump 真係腳都軟埋!!
休息個陣即刻衝左入廁所抖返陣呀~!!
歡歡仲無聊到係度映相~
仲叫個阿姨幫我地映呀~~低b~~學緊跆拳都映相!
<*~被禁者謝絕出鏡~*>
臨落堂交學費…
嗌到我地個名個陣我地即刻拎住支花+學費(搵朵花夾住d錢)仆出去遞俾師傅~
仲去跪埋係度好似求婚咁添~! 哈哈!~
唔知咁算唔算將功補過呢~??
不過師傅都好似幾中意咁~~ 哈哈! 佢就甜啦～～～

學完跆拳我地就去搵雪糕食~
食完行返屋企個陣我地4個(+埋阿joe)唔知點解無啦啦講起個殺人兇手 :
" 原名HKCEE, 又名CE
　專係5-6月期間犯案
　謀害全港多名中學生~!! "
跟住愈講愈多 愈講愈離譜~
又話咩佢又有個同黨叫HKAL呀~
連環兇殺全港中七學生~
仲有香港政府包庇佢地添~!! 真係笑死~~~

之後阿joe走左 我地3個就行返屋企~
係車站隔離見到Cookies個廣告牌
佢地4個人都有3條黑色間條架~
Kary就係頭髮度
Stephy就係眼睫毛度
Miki就係條頸度~
咦? 咁Theresa呢?? 我望唔到喎~~~
跟住我竟然望住Theresa用隻手敲下個廣告牌
跟住話 : " 喂~ 你呢? 係邊呀?? "
呀～～～我竟然對住塊廣告牌講野呀… 我係咪痴線架~~
暴暴佢地答完我 原來係做左2條吊帶~
我諗返先覺得好好笑~! 哈哈!

夜晚玩ICQ玩到1點倒個陣
有個人打俾我講左d野..........
唔講喇~~ 佢會知道我同佢講d咩既~~

>>February 18, 2004 at 4:49:20 PM GMT+8

2004 年 2 月 11 日 星期三 【晴】

今朝杰囉~~
1日3個test!!
上左頭個5堂就test足5堂 ! 真係人都癲~~
好彩放學maths唔駛test咋
如果唔係就真係放學test到放學!!

今日我諗起派記念冊啦~~
但係得1張解釋 都唔知俾得邊個好~~
我又想畫令d個本野先喎 咁就唔俾住啦~~
阿青話周妍見到個本野話畫得幾令呀~!!~
梗係啦~~ 我畫架嘛!! ^0^
個本寫寫左+畫左3頁野
3頁都好colourful架~!!~
我中意彩虹Y嘛~!!
That' s why我咁中意個本野~
我會繼續畫落去 畫到佢令令架~!!!

Lunch都幾勁呀~~
我買左3個包再+1包腸粉~
真係飽到想死!!
返到屋企玩左陣電腦
夜晚就去左邱邱屋企教佢同許佩跳morning娘。既新歌It' s All Right~
其實本身我唔係咁想去架....
真係我真係好眼訓好累....
不過唔去既話佢地未必跳得識隻舞囉~~
我都想去跳舞既~~ 哈哈!~
返到黎好眼訓好累....訓lu~~

>>February 15, 2004 at 11:43:50 AM GMT+8

2004 年 2 月 10 日 星期二 【颳風】

今日好多人捐血呀~~~
我冇捐到呀… 媽咪話唔俾喎~~ 我自己又驚驚地~
佢地捐完之後個個都話勁痛
仲話d姑娘不負責任 亂咁拮添呀~!!~
歡歡俾人2隻手都打晒針… 夾埋打左3支針
萍萍就話感受到d人用隻針係度lui下lui下…
阿斌仲話個姑娘拮錯位添呀~!!~
嘩… 聽到我眼都突埋!!
好彩之前Joan冇+返我個名上去咋!!~
TT堂我仲唔小心一野整到阿斌個針窿
嘩!~ 痛到佢~~ 唔好意思呀下~
之前好後悔冇捐到血… 而家諗返好彩冇捐咋!!!

我發覺而家同好多人都玩得好開心呀~!!!
HIST堂歡歡落左去捐血 咁我就變左同秀芬坐啦~~
同佢傾左勁多野呀!!~ 2堂都冇聽過書~
冇諗過仲可以同佢坐埋一齊講咁多野囉!!~
佢又同我講左d秘密~~ 哈哈!~
佢話次次中意人我都係第1個知個個喎~~ 真係好彩!!
呢排又同個個都玩得埋呢~~~
哈哈!~好開心呀~~

夜晚返到屋企查左成晚日文~
鬼咩 ! 鬼叫我買左本寫日文既記念冊
唔轉返做中文我自己都睇唔明呀~! 仲點俾人寫呀~~
一查就side左我成晚…
張記念冊真係多問題到爆!!
我仲要寫返落叻1本簿度寫得勁令勁彩色添!!~
我幾中意喎~~哈哈!~

>>February 15, 2004 at 11:33:30 AM GMT+8

2004 年 2 月 9 日 星期一 【晴】

今日中文堂要作文呀~~
好耐未試過自己真正作返篇文
黃太一俾我地返屋企作我就叫人幫我作或者搵文抄架喇~~~
今次我都好有心機咁作架~~~

隻新鞋勁刮腳呀!~
搞到我隻腳勁痛~~
行路都要就住就住 行得幾樣衰 !
去完圖書館陪歡歡print野
返到屋企先知原來冇帶鎖匙出去......頂~~
媽咪又唔係屋企喎!!~ 冇屋企返添~!
咁就落左去歡歡度喇~~
i-cable又成晚上唔到網喎~!!
成日都係咁真係好想打爆i-cable個老細個頭!!!

>>February 15, 2004 at 11:19:08 AM GMT+8

2004 年 2 月 8 日 星期日 【颳風】

今日放假呀~ 2點幾先起身~
等媽咪買腸粉返黎食~
之後無聊冇野做啦~~
勁同許佩ICQ~ 咁又過左1個下午喇~~~
許佩真係衰, 引誘我玩ICQ~~哈哈!

之後落街買返學鞋~
都好耐冇試過同媽咪一齊去買鞋喇.....~~~
試鞋個陣個女人問我係咪讀中二~
我 " 下? " 左1聲之後佢話 : " 中一呀? "
嘩~~~ 唔係呀化....?~~
中五喇~~ 估細我咁多年~
乜我個樣真係唔似F.5咩!?

返到屋企寫日記寫到2點幾~
又未做過d功課喇…
仲諗住今日努力添 ! 渣兜啦~~~

>>February 15, 2004 at 10:56:44 AM GMT+8

2004 年 2 月 7 日 星期六 【晴】

今日新春行大運呀~!!~
落雨縮短到路程~~ 好野!!
縮到圍住學校+隔離間老人院行1個圈就搞掂~!!
個龍頭返到黎龍尾都未行出學校個hall呀~~~哈哈!!~
話咁快就行完!真係開心!~
唔係唔落雨實行成3個中都有!!

一路行就一路同邱邱傾計~~
又講返個篇好搞笑既文入面d男主角…仲講得幾大聲下~
點知原來有2個男主角(馬凱力同楊家禧)係正我地後面囉!!!
勁樣衰~

之後上Amy屋企~
佢地成班係度打麻雀 仲要打3番起糊~
我淨係識食雞糊之嘛!!~ 唔駛玩啦~~~
之後睇左陣佢地打牌 我都識識地計番喇~~~
肥man勁搞笑 唔識打牌咁就跟阿雪呢個牌王學野啦~
佢成日唔小心讀左阿雪d牌出黎 勁白痴~
我都幫手話佢~~
點知之後自己又講左fion叫緊糊隻牌出黎~!!
勁低b囉~~~

之後佢地就繼續打
我就轉左行去睇魔戒II~~
超正呀!!~ 我終於睇晒魔戒喇~!!
等佢地打完牌之後我已經魔戒上腦~~
疊起晒d麻雀砌城堡 仲叫佢地班 "半獸人" 咪駛指意得到地球~!! 哈!

>>February 15, 2004 at 10:47:10 AM GMT+8