2004 年 2 月 26 日 星期四 【晴】

今日小天使計劃揭盅喇!!
我真係估唔到我個守護天使係邊個囉~~~
點知… 歡歡同我講… 我個天使…
竟然係佢！？！？！？
佢都算呃得我透囉~~~
等我一路都信佢 ! 仲以為佢守護丁淑霞~ 真係吹漲…
估唔到會係佢囉!!
佢話成日都同我一齊 買唔到野送俾我喎~
連我釘係個board個張 "給天使的信" 佢都冇機會拎咁話~!
呀~~~點解會係佢架~
不過都好既~ 起碼唔係Jess個d先啦~

夜晚好勀呀…
不過都有返跆拳!
我由今朝返學已經想返跆拳喇~~
今日早左返去 又係阿福教~~
都幾好玩既~ 不過冇上2堂咁好玩~~
但係d動作又型左囉!!
之後我就教個2個白帶妹妹仔同d弟弟綁帶~
哈哈!!~ d細路好Q呀~~~ 勁得意!!
同佢地玩真係幾開心~!!
Nicole話覺得我第時可以去做幼稚園老師喎~~
話我勁有愛心! 哈哈!~
多謝呀~~ 我暗爽中喇~!!!

行返屋企個陣暴暴係度笑我地~
話唔知邊d人呢~大過佢都仲可以等左巴士
咦??即係佢睇左我個日記喇喎~~
跟住佢話我日記仲好睇過皆大歡喜呀~! 哈哈!~
佢又話佢作左篇文用左我同阿媽嗌交既故事做題材
YeAh!!~~我做左女主角~~叫家麗~
歡歡叫歡怡~Oscar叫子揚~笑死!
一開頭就用我同阿媽既鬧交聲傳到去34樓子揚屋企~
臨尾用子揚聽到我同阿媽既傻笑聲作結~
嘩!! 作得好呀~!!~
29樓既聲傳到34樓都聽到~
真係幾無稽下~
但係件事係真架喎~~
咁又真係好睇過皆大歡喜喎~~~哈哈!!

>>February 28, 2004 at 6:05:00 AM GMT+8

2004 年 2 月 25 日 星期三 【晴】

今日好失策呀…
COMM test出貓竟然失左手!!
咁我諗住佢都知我地出貓架啦~ 又嫌麻煩喎!
咪扮份note出黎揭囉~
點知方Sir咁岩企正前面!! 斷正!!~
之後佢行埋黎我櫃桶話 : " 嘩~~~咁大疊呀? "
跟住就收左我份卷同note喇~~
你都知大疊呢! 1次test咁多~
之後佢見到周妍櫃桶又有成疊note
周妍自己遞份卷俾佢收添~~
好彩阿sir都冇鬧我地…
淨係話我地唔應該side時間做埋d無聊野~
之後就掟返疊note俾我喇~~
佢試下check晒咁多人既櫃桶Y~
我唔信有人櫃桶冇擺note~!
基本上個個都出緊貓 !
算啦~ 阿sir都算唔錯架喇 !
冇記我缺點又冇罰我~
俾著miss ma或者miss胡??
我唔死都一身珊啦~~~

世史堂個陣test完就去左睇越戰既電影~
睇睇下miss lai好罕有地發脾氣鬧人!!
原來係鬧阿雪佢地囉~~
佢地係度玩紮辮仔!
Miss lai今次真係嬲呀…
放學補課個陣 原來Miss胡都知道呢年事~
之後佢地話阿雪有喊喎… 仲搵左miss lai講sorry~
但係miss lai就叫佢自己好好反醒下~
又話我地班d人個個都好懶散
有d卦住跳舞(擺明話緊我啦...=.=" 我有跳舞唔代表我成日都卦住跳舞架!! d老師講下道理好冇!?)
有d卦住玩… (又有我份)
有d卦住玩剪頭髮~ (我個頭阿雪剪架嘛!~仲係miss胡面前問過佢我個頭好冇睇)
佢好似針對住我地2個黎講咁囉......~~
唉… 我覺得阿雪好慘呀…
我地今日都死左係d Miss阿Sir手上!
佢話d老師開始發癲 叫我小心d喎~~
就係咁… 我地2個就做左我地班既犧牲品喇~~~
講到好似好偉大咁添!!
唉....都係自己衰姐~

返到屋企.........um..............

>>February 27, 2004 at 4:46:18 PM GMT+8

2004 年 2 月 24 日 星期二 【晴】

今日起身諗住溫下書啦~
之後就走左去寫邱邱本記念冊...
寫寫下就走左去玩電腦~
萍萍表姐叫我dl個QQ玩(大陸用既ICQ)
話可以同佢玩視頻 仲可以send相俾我喎~~
之後dl左黎玩.....同d大陸人傾好搞笑 個個都叫我玩視頻~
咁我見遲d都要學玩視頻 就接受左1個男仔啦~
唔知點解我淨係聽到佢把聲 但係又見唔到樣~
佢又聽唔到我把聲 連樣都見唔到(因為我都收埋左隻眼仔)~
咁仲好啦~! 佢講野我打字~~ 真係幾搞笑!
佢成日話佢自己係度銀銀尋尋好怪喎~~
又真係既 ! 好似自己同自己講野咁~ 傻佬呀@@~ 哈哈!
不過我都唔中意同net fd面對面講野~ 咁樣仲好~
橫掂我打字都唔慢~ 佢又幾好傾!!
都傾左幾耐下啦~~

之後同歡歡臨時決定左去+龍爸爸度學跆拳~
好趕既情況之下就飛左去旺角先啦~
+龍爸爸叫我地去到旺角再轉27M去佛光街喎~~~
我地好不容易搵到個小既站上岩左車
叫個司機到佛光街就嗌我地落車~
點知個司機話27M唔經佛光街喎 !
下?! 但係我地上左車喇喎... 車都開埋添!
司機個我地應該搭個架小巴係27MS....
唔係呀化........爭個S都唔同我地講!! 真係吹漲～咁
打俾+龍爸爸求救啦~ 佢叫我地落車搭的士喎~
可能我同+龍爸爸講電話個陣大聲得滯
坐車尾個個阿姨自告奮勇話帶我地去喎~
叫我地落車跟住佢就得~
之後… 我地唔駛搭的士就去到喇!!
好彩遍到個咁好人既姨姨同班熱情既乘客姐~!

去到見到沙田既一班師弟同梁禕麒(家麟細佬,已經黑帶)~~
我地就自己拉左陣筋 之後就踢靶喇~
先Turning… 後360度turning…
再而Turning + 360度Turning!!
呢個動作真係好鬼型囉!!
+龍爸爸係咁教我同歡歡點先踢得好
又講返俾我地知有咩做得唔好~
佢真係教得好過師傅囉…
起碼我會有心機練d腳先!!
之後我自己都好努力咁係度踢~
經禕麒同+龍爸爸指導完 踢d腳真係令左囉~~
真係有用架!! 我都有俾心機去練~~

等佢地打完free fight就夠中走人~
走個陣成班人搭埋同1部lift~ 得返個肥仔未入黎!
佢一行入黎我地班友仔就係度扮 "o都o都" 既超重聲啦~
點知部lift真係"o都o都" 聲!! 即時笑爆咀呀~!!!
之後見到隻好令既手~~我好中意呀!!
係點....就唔同你地講喇~~哈哈~

落到小巴站要等埋頭先個肥仔同另1個人落黎
+龍爸爸話禕麒可以就咁做個1字馬出黎呀~!!
咁我就叫佢做啦~~
佢放低左個背囊 一野就係地下做左個1字馬喇~!!
嘩.....~~勁到佢Y!!
之後大咀又叫佢做埋個Reverse Kick!!
話咩叫 " 差館出面Reverse Kick " 喎~~
做得幾令呀!! 仲好型添~!!
淨係個名都型爆啦~!!!
同班跆拳人一齊行真係好有安全感呀!
一定唔會俾人打先啦~~ 哈哈!~

落左小巴出返旺角我地就say goodbye喇~
+龍爸爸擔心我地唔識路話帶我地去~
但係費事啦~~ 咁我咪死口話我地識架喇~ 咁囉~
大家都有同我地講88呀~ 真係warm~
之後盲中中俾我地搵到個296C站~
原來我地唔夠散紙搭車囉.....=.=||.....大~檸~樂~
倒晒d銀仔出黎都唔夠喎…
連攝廿蚊紙心心個個5毫子都拎埋出黎喇~
我問歡歡夠唔夠 佢話搭地鐵仲爭7毫子…
呢個時候...救星出現喇!!!
班跆拳人行返過黎我地呢邊呀!! 太感動喇…
之後我地就問左佢地借左d散銀搭車喇~~
我地仲係度扮乞衣
話咩多多益善 少少無拘添~~ 低b架!!~

之後又講多次88~~ 佢地就走左lu~~
咁我地2個就行返去巴士站等296C啦~
一路等仲一路係度猛話好彩~~ 如果唔係就大件事呀~~ 盛呀咁~
仲係度猛話頭先勁樣衰~ 又會唔夠錢搭車既~!
點知冇耐有人整我條頸!~ 原來係大咀喎~~
佢地成班人行返過黎呀~ 咩事呢?
原來我地2個等個個296C站係出深水涉架!!! 白痴~
今次仲樣遠過頭先囉~~~
我地2個仲係度呆等車~
唔係佢地同我地講我諗我地可能上埋車添呀!!~~
佢地成班人都問我地係咪唔識路呀個d野
又係度笑~ 又好似諗我地2個都一擔擔 唔睇實我地都唔得咁~
之後大咀同+穎送到我地去296C站就走lu~~

>>February 25, 2004 at 7:32:25 PM GMT+8

2004 年 2 月 23 日 星期一 【晴】

今日學左d ECON
呢次係我中5以黎最留心聽既1次~!
奇就奇在....竟然係ENG堂聽Mr. Mok教~~~
mok mok教ECON我明呀~
好過Miss Ma教多多聲!!
不如佢地2個掉轉算數啦~

lunch得我同歡歡同邱邱3個出左去食寶島~
我地食既魯肉飯要$22
但係萍萍還左$20俾我, 歡歡有$24, 邱邱得$21~
差$1喎...........大煲喇 ! !
唔通爭個$1就要我地留低洗碗???
咁就唔駛返去上堂lu~~~
之後睇下個menu 原來$21姐~~~
好彩...............~~~ (呼............鬆口氣)

放學補中文…
黃太講晒書之後全班都拍晒手呀~~
因為終於都教晒呢2年來既26課書.....
同時.....佢都宣佈左教埋今年就退休喇..........
但係佢都唔算老 點解咁早退休呀~~
佢話佢有好多野都未做喎…
唔通真係好似莊子咁講 : "享受養生之道" ??
我地班聽完都 "下?! " 左聲
但係我冇囉....因為我尋日已經知道左....
同埋.....我冇心情去"下".........
我只想靜靜地咁聽佢講野.....聽真d佢把聲.......
黃太話今年我地係佢最後1年教既會考班
希望我地可以考好d個會考....
留返個好印象俾佢喎.........
聽到呢度...................................................
我唔想令佢失望呀.......
黃太...........你太好喇................

>>February 24, 2004 at 11:47:15 AM GMT+8

2004 年 2 月 22 日 星期日 【晴】

今朝suki無啦啦問我
記唔記得我地學校有個女仔(華華)之前個腦有事入左醫院~
我梗記得啦~~ 上年校長係Assembly有講過…
我個陣都覺得佢好慘!
暴暴話話陣見到班F.6 (今年F.7) 係度喊喎~~
點知...佢今日同我講個女仔死左.....
唔知點解好似受左個打擊咁 !
雖然我唔識佢 淨係知道佢係邊個~
但係話死就死 連聽日個mock都等唔到......
咁...........係咪真係好可惜呢?
唔好啦~~我唔想個女仔就咁就死左!
之後suki擰返過黎
話個女仔原來危殆中 仲未死~
咁都好d.....我唔捨得佢......
但係其實而家佢係咪好辛苦呢?
會唔會比死更難受??
俾著係我.....我又可唔可以好似華華咁 咁堅強咁面對呢??
我好佩服佢份人咁樂觀
身患重病都仍然努力讀書~
等左咁耐.......唔通連mock都唔俾佢考?!
一切交托俾神啦.........
天父會保守佢既兒女架 ! !

夜晚睇周妍日記
話黃太教埋今年退休喇喎.....
自己係佢教最後1年既會考班喇........
突然之間又好唔捨得佢.......
＊ｐ．ｓ．多謝你呀~expensive遠~

之後玩電腦~
黑豬同我講佢尋晚發左個勁爆笑既夢呀!!
佢話夢見我渣住把刀追斬隻豬
隻豬跑跑下就停左係度~
跟住擰轉面同我講左句野~
隻豬話 : " 本是同根生, 相煎何太急 ! "
隻豬會唔會串左d呢?
我都唔知笑好定嬲好喇~~
跟住攤左係梳化....攤攤下未到11:00就訓著左lu...
可能今日個人好累喇… 個頭都好痛…
好耐未試過咁早訓喇........~~

>>February 24, 2004 at 12:14:09 PM GMT+8

2004 年 2 月 21 日 星期六 【酷熱】

今日跆拳去集訓+BBQ~
話唔知咩聯誼個d野喎~~
搞到好似帶我地去相睇咁… 哈哈!!~
要去到屯門蝴蝶灣咁遠~!
約9:30a.m官塘等我地差唔多10:00先到囉~~ 哈哈!
不過任樂文(藍紅帶師弟,勁E-kids feel)遲過我地~
我地一俾人話遲到就賴落佢度喇 !
好野~~~有人墊底!!~

今朝歡歡同我講話尋日邱邱打俾佢話搵我唔到 問我係咪同佢一齊~
當然唔係啦~~ 歡歡就話幫手搵下我~
點知收左線唔夠5秒Oscar打俾佢
話好似聽到我同我阿媽嗌交喎~ (佢住34樓,仲可以望到我屋企!)
仲聽到我話咩 : " 唔返咪唔返囉 ! "
所以oscar就打俾我~
我都唔記得有冇講過呢句野喇
不過可想而知我個陣有幾大聲啦~ 真係好嬲 !
最感動既就係… 原來尋晚歡歡同漁民都落左街搵我…
歡歡放棄左同佢男朋友傾電話 落左樓下d公園搵我~
之後仲去埋寶康, 寶林, 景林, 厚德…
咁佢又驚我會去佢屋企搵佢唔到就返左去啦~~
到漁民幫手搵我...
佢出左去左碼頭同清水灣半島個邊搵我呀...
可能佢知我中意夜晚去d冇乜人既地方卦...~
跟住歡歡就醒起我有次同阿媽嗌完交去左後樓梯
佢又驚我係坐坐下係後樓梯訓著左
咁佢同漁民就行晒咁多層搵我喇...
搵到成2點幾歡歡又再打電話俾我 今次又係阿媽接喇~
佢同歡歡講話我係屋企喎~~
跟住歡歡問佢 : " 乜佢唔係入左青山咩? "
我阿媽就答佢 : " 青山唔收佢Y嘛~ "
就係佢呢幾句野 就搞到人地以為我離家出走喇…
真係對唔住呀...我唔知會帶俾大家咁多麻煩架...I' m so sorry....
特別係對漁民同歡歡....要佢地side咁多時間黎搵我.....
不過我好開心有班咁好既朋友囉!!!
佢地好關心我 對我好好
但係我自己就身在福中不知幅…
仲係度發脾氣唔聽電話… 真係冇鬼用呀!

之後我地就一齊搭地鐵去荃灣
師傅話第時佢同阿福(高大威猛但係又好善良既黑帶兼消防員)結婚一定會請我地去喎~~
仲叫我地一定要著裙~
又要馬坤佢地著西裝~
唔係呀...?~~ 咁快?!
之後佢話唔快囉 都18歲咯~ (唔係掛~你18果時我仲玩緊煮飯仔bor=.=)
唔知佢地擺酒個陣會係咩樣架呢??
如果著晒道袍去又會點? 哈哈~
睇黎都係呢1,2年內既事喇~~~~
到左荃灣師傅佢地去左百佳買野
我同歡歡同暴暴就坐左係出面等囉~~
但係荃灣對我黎講意思都幾重大…
我10年前… 係呢度住過 !
咁我就自己1個走左去周圍行啦~
我想搵返以前返屋企條路…
但係諗極都諗唔到點去~
咁我就自己周圍行啦 行返以前好熟悉既路.....好熟悉既地方~
終於俾我搵到去小巴條路喇!!~
但係我搵唔返搭返屋企個個小巴站囉.......T_T
一路行我都好想搵返以前係度住個種感覺
諗返以前日日行麥當勞對出條馬路既感覺…
十年喇~ 條馬路仍然係咁好行~
一路行個種感覺都好怪囉…
好似好熟悉咁… 但係又好似好陌生…

之後俾人催返去拎野啦~~ 心情又轉返好喇 !
可能覺得唔可以對住佢地苦瓜乾咁既樣卦~~~
原來我地仲要搭巴士去架~~
成大班智道人上到車 我地3個又開始係度白痴
一路笑笑笑笑到去蝴蝶灣~~
到達屯門了!!! 但係冇得BBQ住 要操左先呀!!! >.< !!!
低b~~ 個度勁多人囉~~
要換道袍出黎 仲要落沙灘操… 做show咩!!
換完衫已經有勁多人望住我地喇~~
好彩我都紅帶姐! 冇咁樣衰~~
師傅話驚俾人拉 話我地非法集會喎~~
咁就淨係BBQ算啦~~~ 真係~
<*~點解要拎水樽?~*>

我地真係落左沙灘操~
個個陳志全(美孚個間館既3段黑帶師傅,係個肥佬黎)低能架! 要我地赤腳跑沙灘~~
d沙又粗喎! 踩到我隻腳Y~!
仲有人拎住部DV係度影… 拍MV咩~~
跟住就叫我地做bacis form喇~~
個肥佬師傅仲我我地係海灘邊操 強迫我地要操落海呀~~~
仲不停係度問 : " 點解你地條褲唔濕既?~ " 係咪低能架~
佢間館d人就聽佢講, 勁多白痴仔操晒落海~
我地將軍澳個d就理佢都傻喇~~
我地一起腳d沙就周圍飛 d人好似去食沙咁囉~~ 哈哈!
我地班醒目仔女就梗係冇事啦~~
負責飛d沙落人地度架嘛~~
最後操左次天地十九步就閃人去食野囉!!

我淨係除左條帶就不停燒野食lu~~ 方便d嘛~
係咁食丸同腸仔呀我~~
馬坤(我師弟,將軍澳既紅帶,勁有雷氣!)佢地買左d鮑魚去,話有我地份喎~~ 正!!
即刻話以身相許啦我地~~
點知佢同任樂文話唔要.....=.=||| 死野!
之後就勁係度玩以身相許
幫親佢地做野都話 "要以身相許架喎~" 哈哈哈!! 好白痴~~!

之後我就自己去左同其他師兄弟去沙灘打排球啦~
有李+龍(又係黑帶,為人好搞笑,有個老婆同個bb)
家麟(美孚既紅黑帶)
大咀(黃帶師弟,而家去左+龍爸爸間館學)
同+穎(同班師兄熟d既綠帶師妹)~ 仲有d我唔識既師兄弟啦~~
一埋去佢地就話多左個得力助手呀~
話覺得我應該會幾有用咁喎~ 哈哈!~
佢地又知既~~ 乜打排球勁都有樣睇架咩??
佢地一路打一路講笑 真係幾開心下架~~ 我自己都打得幾好!
著住道袍BBQ+打排球都係第1次呀~!!
佢地仲時不時叫我教佢地跳舞添~~ 傻仔!

之後馬坤佢地黎叫我返去食鮑魚
咁我就順便返去拎埋d汽水飲啦~
返到去食左2隻鮑魚 食到牙教都軟埋...咬到我Y~~
阿福同師傅望住我食到咁"呢hae"都係度笑我~~
睇住師傅同阿福2個咁恩愛 1隻雞中翼2份食~
個肥佬師傅無啦啦係度話我地3個(我&歡&暴)粗魯
如果斯文少少實有好多男仔追~
唔出聲個陣就幾好喇咁話~ 哈哈!~ 係咩~~
但係呢2條友仔都有男朋友喇喎… 得返我1個冇人問津~
個肥佬就係度笑喇~~ 哈哈!!
跟住就叫佢是但搵個徙弟要左我 又係度講埋d無聊野~
之後馬坤話肯要左我 我勁開心~
原來佢係諗住有多個工人駛囉…
之後肥佬師傅行過黎話我會係窮佢~~ 係bor~~ 哈哈!!
佢自己又話我會打爛晒佢屋企d碗
又話我會用晒佢屋企d水~ 低b架!

跟住歡歡叫阿福燒佢去比賽個陣影個段片俾佢
肥佬師傅聽到就話 " 燒俾佢~ "
諗諗下.....哈! 等佢係下面著得飽食得暖呀~??
仲要一路燒一路嗌 : " 羅歡儀.....拎野喇..... " 咁!!~ 真係笑爆咀!!
之後講講下歡歡無啦啦同肥佬師傅講
咩話第時佢百老歸老@#$%^&* (我唔記得佢講咩)
我一聽到呢度即刻噴晒d可樂出黎~!!!
我覺得勁搞笑呀~~ 無啦啦話佢死 !
歡歡仲要返多句話 : " 第時你冇仔送終都@#$%^&* "
哈哈!!~ 真係超幾冇禮貌呀~~
其實我地不嬲都係度暗串佢~ 係度笑佢~
頭先係沙灘佢話有冇人唔識操十九步
我地3個大大聲話 : " 我~~~~ " 擺明玩野啦~
跟住佢話 " 唔識就做50下掌上壓~ "
鬼睬佢 ! 我地仲企係度做假掌上壓 佢吹我地唔漲~~~

跟住我就同歡歡又去過打波啦~
今次有埋阿福呢個打慣排球既消防員係度 都幾好玩~~
個隻咁既李+龍勁白痴咁係度扮大佬 我咪同佢鬥過囉~
跟住佢話 : " 咩呀~打你Y拿? " 個d~
我咪話 : " 驚你呀!? 你試下~~ " 咁囉~
跟住佢行埋黎 想行動喇~
我即刻大嗌 : " 蝦女仔呀~~~ "
但係都俾人撻左落地下! 好彩係沙地姐… 哈哈! 好低能~

之後我地就轉左玩數字球啦~~
我打死都要做1號 點知俾人嗌得最多既又係1號..........一x一"
佢地專登玩我既~~~~~
個個都jer住1號黎嗌!
特別係死人李+龍,梁家麟,大咀,任樂文同馬坤呀!! (但係我地之後得7個人玩咋喎!呢5個+埋歡歡同我...)
佢地班賤人又拋得歪 又拋得勁高喎~!!
我次次都接唔到咁滯囉…
都係靠掟得中人黎保住條命仔~
但係我又點夠個5條賤精鬥呢…
就係咁....1獲....2獲....到第3獲我就要俾人掟羅柚架喇~~
就係個大咀!! 係last個次專登擋住我唔俾我去執波
搞到我3獲俾人掟呀~~ 嗚.....
我企係個告示牌後面俾人掟
仲有班賓妹企係我前面望住我黎笑呀~ 真係樣衰!
跟住繼續玩啦~~
攻擊目標又係我 d人係咁嗌1號1號~~
佢地一拋高波我就接唔到架喇…
就算跌左落隻手都浪返出黎!!
到佢地嗌停個陣 個d賤精又好似追住我黎掟咁喎!~
肥佬師傅不知睇得幾開心啦~
仲成日係旁邊笑我白痴咁都接唔到添~!!

有次我嗌2號(即係歡歡)
阿馬坤唔小心阻住左佢去執波喎!
跟住歡歡就推開佢跟住用濕頭哥一野挫正佢要害!!~ 哈哈哈~
我地個個都走到勁遠
係得馬坤俾歡歡挫到唔識走~ 係訓左係地下~
歡歡仲賤到即刻掟落馬坤度添~!! 笑死呀~
原來歡歡個野係防止馬坤跑到遠處既~~~ 嘩哈哈哈!!
佢真係好狼囉~ 不愧為喪B呀下!
真係玩得超勁開心呀!!~ 比想像中好玩好多~!!
原來成班跆拳人都低b架!! 勁過癮~~ 真係唔捨得走~~ 哈哈!

我地玩到6點倒就走lu~~
因為暴暴隻腳有水泡唔玩得 費事佢悶Y嘛~~
點知更衣室鎖左! 頂~算~~
我同歡歡就咁著多條褲係出面就算數喇~~
之後3個盲中中咁中返出荃灣~ 好勀呀…
唔玩先知原來自己係咁勀架~
之後我地返到將軍澳 係地鐵站度影貼紙相~~
影得都幾令呀!!
呢張係我地3個識左5年以黎第1張得我地3個人既貼紙相~~
好開心呀~!! 我都會好好保存佢架~!!!
我好開心識到你地呀~!!! ^3^~~~
<*~知唔知咩叫令女?~*>
<*~冇錯喇~一定唔係呢d貨色啦~*>

>>March 3, 2004 at 4:42:35 PM GMT+8

2004 年 2 月 20 日 星期五 【炎熱】

今朝出去跳舞 又同阿兒夾左次Because Of You喇!!~ 我真係好中意~~
淨係計練舞個part都幾開心既~~
因為之後wing wing拎左d粟米匙黎俾我地食~~
但係我真係覺得阿貓好唔尊重我囉!!! 我真係嬲架~
之後去左wing wing屋企 同佢傾左好多野~~
勁係度白痴!又同佢玩拍動作片 d動作真係型到.....唔型 ! 哈哈~

跟住wing wing就係銅鑼灣落車~ 佢去唱k嘛~
咁我就自己搭地鐵返學校練排球 !
返到去… 係更衣室撞到梁愛玲呀!!!
佢一見到我就叫我 "嘉麗仔"
都好耐冇聽人叫我呢個名喇~!!
係得民安隊d人先咁叫我架咋~~~
d阿sir同madom就可能會叫我C1553既~~
今日見到佢真係好興奮!!
大大話話… 都起碼半年至1年冇見喇…
佢叫我返返民安隊呀~~
話就黎籃球比賽 叫我幫手打喎....~~
個1刻我真係好想返返民安隊
好想著返起套制服！好想係操場步操！！！
但係星期6我又想返團契喎… 咁點算好呀~
而且我又驚自己返返下唔返~~
阿ling話遲d再打俾我呀~~ 咁我地就交換返個電話喇!~
唔知我會唔會再踏入民安隊既行列呢??

之後出到去佢地已經比緊賽
咁我咪自己1個坐係場邊阪呆囉…
呢排成日都係咁 一覺得冇人理就自己ignore埋人地...
跟住就祈禱感下恩 又同天父訴下苦啦~~
祈祈下禱都有d想喊出黎 我真係好憎冇人理我~
祈完禱… 阿豆望到我呀!!
跟住肥man佢地就叫我入場打波喇~~~
我真係好開心佢地咁熱情叫我去打波 真係好感謝神呀~!!!
之後打波都打得麻麻 可能冇心機打卦...又勀呢~
我覺得自己打得冇以前咁好呀…
仲要對住d變態男排黎打! 實死冇生!!!

夜晚執左張玻璃臺喇~~令晒~~
d野執齊晒入返晒落d file度~~
之後同阿媽吵左一大獲喇~!!
但係只係因為佢叫飲湯我話唔飲既小事...
我係屋企發脾氣就係大大力 "彭" d野
一係就播住歌開大電腦個喇叭
一係就同佢鬥大聲咁嗌交~
真係好黑人憎囉!! 成日迫人飲湯~
我係d好黑人憎既人....你愈迫我我就愈唔會聽你講~
之後佢又係度煩煩煩 又搵自己係我阿媽黎撻我
我真係好慶架喇~
嗌嗌下我都費事同佢嘈 乾脆開大個喇叭開到最大
仲要係停左玉置成實首 " Shining Star "
轉左做Luna Sea個首 " Rosier "
但係個陣已經11點幾喇喎 我覺得實會俾人投訴囉…
但係冇計架 ! 鬼叫佢自己仲係度嘈嘈嘈~
其實我係好想佢走去閂細聲d個喇叭架 我都唔想嘈到人~
但係我一定唔會自己走去閂細佢囉!!
我發緊脾氣架!! >__________<

之後又嗌左一輪交 又係佢自己撩交嗌之嘛~
次次我已經唔出聲佢仲係度銀銀尋尋...!!
以我既性格我真係忍唔到要駁佢咀架囉~~
之後有電話我又唔聽 我唔想同人講野囉~
佢又唔聽咁咪大家都唔好聽囉 !
我知道係邱邱打黎架~ 歡歡都有~
之後都係冇接 就愈黎愈多人打俾我喇~
Oscar.....漁民.....周妍.....許佩.....wing wing.....
個個都係咁打.......打完屋企打手提.........
之後我阿媽接左個電話 梗係搵我架啦~~
跟住佢話 : " 陳+麗呀? 佢入左青山呀~ "
好叻咩 ! 唔聽咪唔聽 !
之後佢地又打左幾十個電話黎
打到成2點都仲有Oscar..漁民同歡歡打黎~
但係我真係唔想聽囉~~
我唔想再解釋一次點解我唔接電話 又點解同阿媽鬧交~
我好開心有咁多人關心我同擔心我~~ 多謝你地!!
但係我知自己真係好任性...中意點就點~
我始終都冇接過佢地是但1個既電話......對唔住呀.......

>>February 22, 2004 at 4:52:28 PM GMT+8

2004 年 2 月 19 日 星期四 【晴】

今日既小天使行動好順利~
冇俾人發現~~ 呵呵!!~
lunch我地又寫晒俾自己個天使既留言係黑板
上面我仲見到其中1個留言寫住
" 謝文傑的天使 : 唔該你~ 幫我打陳+麗~ "
哈哈哈!!~ 好搞笑呀~~
因為我近排係咁恰佢囉!~
係咁屈佢係我個守護天使
話佢咩都唔做又唔送野~ 我認住佢呀~~~
之後我仲拎住支粉筆係謝文傑塊面度畫野
同佢講 : " 醒定d呀~ "
跟住戚一戚條眉~
哈哈!! 我覺得自己好似電影入面個d黑社會會~~ 好搞笑~
呂廁仲出黎幫謝文傑出頭
話唔俾我再畫佢添~! 好搞笑呀~~~
真係好想知邊個係謝文傑個天使~

放學見到肥man佢話打緊排球 咁我就join埋去打埋一份啦~~~
唔知點解好驚接bad波呀...
我點可以咁細膽架!!~ 波都唔敢接!!
以前d技術去晒邊!?
之後又冇乜心機打
由好開心好多野講咁打變到冇乜點講野咁打~
仲成日唔追波 俾斯諾話我…
唉… 唔知點解我覺得好驚添~!
我唔想俾人話我唔追波唔接bad ball~!!
之後終於接到d bad ball喇!!
但係接完幾球後又係咁… 隔離又有d勁黑人憎既人係度打波喎!
之後我仲中左個波餅…
雖然口就話冇事 但係我頓時好想喊出黎囉~!!!
我都費事再阻住人打波喇…
自己又想返屋企~ 咪走先囉~~
我發誓 ! 我一定會搵返以前精湛既球技返黎架!!!

夜晚又去學跆拳lu~~~
我地遲到again～
阿福又係度狂操basic form~~
不過今日d動作型d好玩d ! 冇上次咁累既~~
不過d汗就流得多過上次喇!!
今日多左勁多細路黎學 個個都好Q呀~!!
臨尾打free fight
阿福又話俾我地(我,歡,暴)3打1呃我地著甲~
之後又唔認數喎 ! 真係可怒也~
最後要我同暴暴打…
今日暴暴隻腳趾公起左個水泡呀 可能因為咁所以打得冇咁好啦~
我d腳都起得幾好 踢到好多次暴暴件甲仲俾師傅讚添~!
岩岩開始打個陣師傅話我件甲綁得好核突(人地幫我綁架喎...=.=|| )
仲問 : " 隻耳仔(即係綁繩個個位)呢? "
跟住我就指住自己隻耳仔話 : " 呢度囉~ " 咁~~
哈哈!! 好爆笑呀~~~
不過臨尾俾暴暴伸左一下個背脊…
個度冇甲遮架… 差d嘔血!!
哈哈!~ 講下姐~~~ 有好多人笑囉~~
我今日表現真係唔錯!! 我幾滿意~~ 仲成日係度搞笑添!!
但係俾師傅屈左我地星期日去赤柱BBQ呀… 即係又要去操啦~

學完跆拳我地又去買雪糕食~
係seven對出見到4個男仔 我諗都係黑社會個d啦…
同我地4個(+埋杜惠賢)迎面咁行~
但係佢地好似專登阻住我地唔俾我地行咁
我地大家都冇讓開喎~
唔知係咪真係驚都未驚過呢?
我地男女男女咁隔開行過左
係閃左閃個身囉~~ 幾勇~~~

行行下歡歡同我講話蜜柑睇死我地2個會考都唔高分~
話歡歡得8分, 我頂多得5分~
收皮啦～我真係好鬼死慶!!
我係唔中意俾佢睇死呀!! 點Y?
就算我點頹點唔溫書都唔會淨係得5分啦~~ 你當我地流架?
我地2個都好唔鋸囉…
咪睇我地平時係咁抄抄抄,訓訓訓,傾傾傾,玩玩玩 !
我覺得點都唔會衰成咁囉~
我地睇左睇中文書咋 test都有個 "佳" 字啦~
歡同佢講我地一定唔只呢個分數
佢話做人有自信係好既~
講到我地真係好唔掂咁!
FXXK～我真係好嬲囉 !

返到屋企我叫蜜柑唔好睇死我地
佢又唔知係度講d乜呢~
佢都知自己講緊我地壞話呢.....?~
另一方面就話歡歡報串~
頂~ 佢同你fd d定同我呀!!
我講左句 : " 警告你唔好再話歡歡! "
語氣真係幾強下~ 我真係好嬲囉~~
　　　　
　　　　　　<含羞小桂花> 　　　　<冷豔小星星>

<程麟系列之中間分界>　　<程麟系列之宮廷裝>　　<程麟系列之斯文OL look>

>>February 22, 2004 at 1:31:15 PM GMT+8

2004 年 2 月 18 日 星期三 【晴】

今日好搞笑呀~!!~
我呢個守護天使… 終於行動喇!!
詳情唔講得住............
如果唔係你地會知道我守護邊個架!! 秘～～～密！

頭2堂CHIN堂勁悶 悶到我要扒晒係度訓覺…
Maths堂我都冇聽書
淨係卦住係度譯返記念冊入面個d日文做中文~
譯到小息就行左去Joan度問佢d日文點解啦~
問完返埋位都唔夠1分鐘!
係櫃桶拎本日文字典出黎查字~
一打開就見到入面攝住張紙寫住 : " 陳+麗~ 上堂唔好sleep la~ From : 怪盜St.Ange "
哈哈!!~ 怪盜St.Angel~
我深信我既守護天使一定係個低b仔~~~ 哈哈!

lunch我地勁多人寫晒自己想同自己既守護天傷講既野係黑板~
勁令呀~!!~ 搞到個broad真係好似個留言板咁~~
我寫左 " No.1 's小天使 I LOVE U!~ (箭咀指住)聽日好送禮物喇下~ " 咁~~
哈哈!!~ 真係好無聊~~
之後又望住謝文傑同佢講 : " 識做啦～ "
佢既反應係 : " 都唔係我~~ "
理你呀~ 明屈架喇!~ 哈哈!~ 真係好刺激!!

放學同邱邱,歡歡,何+,阿萍,wing wing,amy一共7個人去左小童幫人補習呀~~
放心~唔好咁驚~~
幫d小學生補姐!!~ 我都仲搞得掂既~~
去到我,邱邱,歡歡,amy一齊係1間房度幫d細路補~
其實咪又係度睇下佢地d功課
同佢地傾下計 陪下佢地玩~~
我睇個2個o靚妹勁多野講
係咁問我野,又係咁講野~
搞到我都冇咩心機同佢地對功課添~!
不過d細路女真係好可愛~~
基本上我地個個都係度同d細路玩
係度玩包剪鎚 玩天下太平~
我仲同d細路玩變魔術添~!!~
不過都有幫佢地睇功課既~~
點知有個女仔問我黃埔江係邊 我即刻啞晒…
而家d小學課程真係… 無聊呀!!
不過我地今日個個都好開心~
最衰我地只係做替工Y~~ 真係好想黎多次!!

返黎又在努力中~
小天使計劃............好!!
聽日應該幾好玩!!!
歡歡(左上) ＊ 麗麗(左下) wing wing(右上) ＊ 萍萍(右下)

>>February 19, 2004 at 5:19:17 PM GMT+8

2004 年 2 月 17 日 星期二 【晴】

小天使計劃玩左都幾日喇~
即係抽簽搵1個人俾你做佢既守護天使
要對佢好...送野俾佢...關心佢...謂問佢等等~
但係唔可以俾佢知道你既真實身份喎~!
今日終於開始有人做野
竟然係羅歡儀收到舊蛋糕仔呀~!!
仲寫低張紙俾佢叫佢睇醫生~
張memo紙係得上次TT有去澳門個d人先有架咋
個蛋糕又係尋日佢地補習個度先有得賣…
跟住估估下歡歡個守護又使係邊個
Amy就話今朝見住Suki擺落歡歡櫃桶架喎~~
OH!~ 佢俾人踢爆左lu~~ 哈哈!!

之後桂花又收到
我就係度大嗌 : " 點解我冇架~?!? 我個守護天使去左邊呀~~~ 做咩仲唔做野呀!!!~ "
跟住就一路係度發神經 仲係咁話d人係我既守護又使~
最搞笑就係老屈謝文傑係我個天使
仲係咁鬧佢唔送野俾我添~!! 哈哈哈~~
點知食完lunch之後
我發現我櫃桶多左包糖呀~!!
上面仲寫左 " 天使 " 2隻字~~
嘩!! 超勁爆開心啦~!!
其實係覺得好好玩至岩~~
我可愛既守護天使… 你終於都做返d野喇~~
我諗我都係時候做返d野喇~~

夜晚我去左景林買多本記念冊
呢本係諗住俾好fd個d fd寫架囉~
仲買左d零食~
呢排勁中意寫記念冊 又中意俾人寫~
我會寫到好令好令架~!! 畫勁多公仔~~
我又中意記念冊入面寫日文
因為咁樣既記念冊入面先多野寫多野問呀~!!
我仲好中意將d日文譯返做中文添~!!
好有成功感呀~~ 已經譯左好多喇!! ^0^
都係要搵Joan幫下手~~~

返到屋企係努力左d野~
唔講得俾人知住架~~~
唔知成唔成功呢?? 哈哈!

>>February 18, 2004 at 5:02:52 PM GMT+8