2004 年 3 月 6 日 星期六 【晴】

今日都幾夠訓下~
尋日下午6點訓到而家…
大大話話都有成15個中喇!!~ 好開心~
跟住就卦住睇Speed既電視節目lu~~
個節目係6年前架
講佢地去東京行街 睇下有冇人認到~
又播返佢地以前d歌
覺得自己又好熱愛佢地添~!!
如果佢地而家仲係Speed既我一定會支持返佢地架 ! !
話晒都係佢地令我開始愛上日本既音樂~!!!

其實我好憎d人去自修室唔同我講~
我知你知我講緊你格
之前你地約好左去科大都冇同我講~
我已經有少少嬲囉....
不過冇出聲~ 過左陣都都唔記得左
今日又係咁... 我唔想次次打俾你先知你係自修室囉~
你話見唔到我on9自己on緊就好似有罪惡感
好啦~ 跟住我on喇~ 你就去左自修室
咁你又叫我on?
今朝仲打黎問我諗唔諗住做功課溫書
我話你係去自修室先打俾我架~
我記得你話過咁樣好似俾人出賣咁...
而家你覺唔覺得你出賣緊我?
所謂 : " 己所不容 勿施於人 " 呢句新學既 !
換轉去自修室既係我, 你會點諗??
就算我真係唔去
我覺得點都應該問下囉....
試問我邊1次去自修室冇同你講?
唔只係以家... 諗返起係中4個陣你都有去自修室冇搵我
我次次都係係屋企嬲完一陣就冇野~
但係++埋埋咁多次我真係會唔開心囉.....

今日@#$%^&*.........
有d野唔想係度發表
我中意自己收收埋埋, 得唔得?

之後突然之間想睇返以前有阿邊個出現過既日記
跟住就搵晒以前既日記黎睇啦…
搵左好多… 睇返自己以前d日記真係幾開心!!
跟住想搵返第1次見佢係幾時
諗左好耐先記得原來係個陣~
但係個陣我應該冇寫日記呀~!!
呀~~~ 好後悔個陣冇寫日記呀....!!
好彩而家日日都有寫!
第時唔會後悔姐~!

>>March 7, 2004 at 4:41:43 PM GMT+8

2004 年 3 月 5 日 星期五 【晴】

今日去石峽尾跳舞呀~ 同許佩一齊去
去到都幾好玩 勁跳SweetS囉我~ 呢排迷上左!
同阿兒 + 傻基 + 阿貓都夾得幾好!~ 哈哈~
我發覺阿兒跳舞真係好好睇 要學多d佢喇~~

返到屋企之後望到阿豆個info寫左段野~
突然之間又好唔捨得佢地!!
狗寶… 真係我咁耐之黎最中意既1班fd~~
諗起CE之後我地一定會各散東西…
仲可唔可以好似而家咁日日見呢? 唔可以~
就算得閒約出黎 耐左都可能會慢慢唔記得大家…
狗寶仲會唔會再聚舊呢? 好難講囉…
我好驚4年之後我已經唔記得左呢個誓約~
好驚4年之後見返大家會少左d人…
好驚… 好唔想分開…
不過我真係好期待有呢1日!!
我好想可以帶埋自己既另一半去海洋公園同呢16個人玩~!!
另一方面我都唔想同Girls佢地分開~
特別係歡歡啦…
如果我地之後唔係讀同一間學校… 我仲會唔會落去訓呢?
我地仲會唔會好似而家咁形影不離呢?
唔知… 唉… 點解人要經歷生離死別喎…

死別......令我諗返起中7個個華華(個腦有事個個女仔)…
星期一係assembly宣佈佢已經離世...
我好唔開心....覺得佢真係好慘.........
跟住同菲菲(斯諾家姐)傾ICQ
佢講左好多野俾我聽....
點解?! 點解神要1個咁熱愛人生既女仔離開???
我唔明囉… 成日都係咁…
可能....神覺得佢離開係1種解脫 可以令佢冇咁辛苦…
咁可能佢離開都未嘗唔係件好事…
我都相信神會帶領華華返去佢身邊好好咁照顧佢~
佢都應該唔想d同學為佢喊既~
菲菲話華華唔中意人喊嘛~
不過如果我個fd死左 我都一定會喊到痴線~
我都唔想有呢d事發生係我身上
總之… 希望中7既佢地都可以考到個a-level
當係代華華做返d野啦~~

6點倒我就開住d歌聽
一路聽一路係梳化度訓陣啦~~ 好似好歎咁!
但係其實我真係好唔夠訓…
跟住就好似死左咁訓著左喇~~~

>>March 7, 2004 at 4:18:37 PM GMT+8

2004 年 3 月 5 日 星期五 【晴】

『我諗大家失去左既...都係好多....
經歷既都一樣係咁不平凡~~
就算幾唔開心...係人前都係咁開心~~
這就是我們狗寶的特徵了~~』

狗寶都係9個人,冇野可以改變到..
4年後,同樣既人,去番同一地點,睇番同一樣既野,支持同一隊人
係某年某月某日,.我地可以帶埋自己既另一半,去番海洋公園,玩番同一樣野
朋友既承諾....係一生一世架.......




　　　　　　　　　有緣再見

>>March 6, 2004 at 5:45:40 AM GMT+8

2004 年 3 月 4 日 星期四 【晴】

好慶.....真係好慶!!
今日廢潘勁賤格囉~~
佢話5D有人同佢講話我地班有人Form test個陣抄答案喎~~
白痴~ 班班都有人抄啦!
又會淨係話我地班既~!
好多人都話覺得廢潘自己作野
想離間我地2班既感情喎~ 咁我唔知啦~
不過我覺得如果係真既5D篤人背脊個條友都好賤下~
無啦啦又會同miss講既!!
仲要爆埋個名出黎…
我真係諗唔到有邊個會咁做囉~

但係我嬲既唔係呢樣喎!!
係隻死廢潘呀! 又係度問我地想唔想test多次~
大佬 ! 2個幾中呀test ! 我唔制囉~
有人話想有人話唔想~
tyrone, 鄭子傑, 何+個d咪係度話test囉~
梗係啦!! d人高分Y嘛~!
梗係想test多次睇下有冇得再高分d架啦~~
好心佢地啦! 想做數咪自己係屋企做囉~
點解要我地陪埋佢地姐!
何+話test個陣我話唔好架~
阿萍又同廢潘講話叫佢叫d人中意test既就去test~ 唔中意可以唔黎 !
點知廢潘又問多次全班test唔test
跟住自己係度講 : " test呀.....?~ "
食蕉啦 ! ! 有人嗌唔test佢就唔講
有人嗌test佢就講出黎~ 好賤格囉~
跟住佢就話用Day F朝早個2堂連堂再+埋早會個d時間黎test~
如果計返2個半中既話就要7:45a.m返到學校~
收皮啦唔該！7點9我平時都未起身啦~!!
ECON test我都8:25先返到去!
PA我一定唔會理佢囉~
之後佢又話唔駛早返 淨係做d指定既題目喎~
就算唔駛返我都好嬲!!
點解會有個老師咁cheap架~~
我最不滿佢選擇性聽意見囉!
test又係咁~ 調位又係咁! FXXK!
本來都諗住叫返佢miss潘架喇
但係而家唔叫佢廢潘我條氣唔鋸囉 !
我激氣到係咁掟野 真係好抆!
一落堂就同阿萍, 歡歡個d一齊係度數廢潘~!
我知廢潘未走格 ! 理得佢~ 照鬧囉 !
我話過架啦~ 我發脾氣既時候唔駛理人地點睇我 !
amy呀… 佩儀呀… 林怡佢地都過黎叫我唔好咁 叫我算~
但係真係好激氣Y嘛!!!
我個陣已經發誓一定要係日記度唱衰佢!!!!!! (怒!)
不過出到去食野已經冇咁嬲喇~

一放學就換衫lu~~ 社排嘛~
今日綠社VS黃社 我做隊長喎~
我同阿廖2個玩做波囉~~
即係當阿廖企前排個陣我就做setter set波俾佢bad
咁轉位轉到我上前排既時間就到佢set俾我bad~
今日既表現我都幾滿意~~ 嬴波嘛!!~
一開始我地開波, 唔知點就輸左分~
跟住到我開喇~~ 勁開心!!~
連續開左6,7球過去黃社都接唔到!! 勁囉分~~
不過我最中意都係第2球 !
個球我開啦~
一開完就即刻跑返setter位準備set波啦~
點知個波已經打左過黎!吳冰冰又打失左喎!打左落個網度…
跟住我就勁快咁飛過去網底豆返個波上黎 !
點知俾我救到呀~!!!
跟住佢地就打返過對面場~~
嬴左個球喇!! 勁開心囉~~~ 救得好令!!!
不過扒左落地下擦到左隻腳囉…
因為左腳冇護膝Y嘛~ 借左個俾阿廖~ 痛痛地…
不過之後繼續開波都開得好好~
今次我最中意呢球囉 ! !

之後打下打下我地勁有士氣
我勁係度嗌 " Ball ! "
佢地就嗌 : " Best! " ~
跟住就 :" Ball Best Ball Best Ball Best Best Ball " !! 正!!
而且又有聽到周妍, amy佢地係場邊同我+油呢~~
我充滿power喇!! 哈~
跟住打左2場....一場25:10....一場25:14.....
我地綠社2:0嬴左黃社~!! 好野!!~
今日係我今年第1日落場打 嬴波好開心呀~!!!
比完賽我同阿廖自己係個場度打波~
佢set左一球俾我… 我bad得勁令囉!!!
又乃網過而且落地都落得幾快~
連對面場d男仔都接唔到!!!
頭先比賽又唔見我bad得咁令!?!? 激氣呀~

之後打左陣波 就去左男子藍社VS紅社個邊做球證喇~~
好野!! 今日有得做球證~!!
第1場我做2nd (第2球證)
第2場先做1st (第1球證, 企係個架上面個d) 囉~
上次做球證都成1年前囉…
而家做返感覺幾好玩!~
雖然做2nd個陣有d波in定out呀....
有冇掂網呀....個d我都睇唔到 係度發夢~
但係我好俾心機睇d人既企位架~ 睇下有冇企錯!
之後做1st....企上個架之後感覺仲正!
又係好耐冇企過上去喇~
我不知幾盡責! 吹得都幾好~
最型既就係我話個球in就in, out就out, 觸網就觸網, holding就holding
總之我見到乜野就判乜野~
要同我拗咩?
搵隊長同我講唔該~
我睇到in咩?
你搵隊長同我講都冇用~
我擰一擰頭就繼續吹雞開波~~
覺得自己好似大晒咁添! 哈!~
仲有做埋d in波out波既動作先型! 好pro呀我~~ 哈哈~~
完場個陣我唔係好想落返黎架… 我覺得仲未玩夠~
做埋今次都唔知仲有冇機會係呢度做多次lu…
好唔捨得個排球場...................

夜晚冇返跆拳~
都好既… 我都好勀… 想抖下~
諗返呢2日報左IVE同教育學院
2間都係讀幼兒教育~
咁其實… 我係咪想做幼稚園老師架??
我都唔知喎.......其實我仲未諗做d乜野~
好似樣樣都中意 但係又有d唔中意咁......
之但係我又諗唔到仲有咩可以讀!
不過是但啦~ 做幼稚園老師都幾好Y~~
同d細路玩都幾開心!!
又有得讀兒童心理學~~ 應該幾好玩!
係咪都報左佢先 報多冇死Y嘛!!
報～～～

>>March 6, 2004 at 4:49:47 AM GMT+8

2004 年 3 月 3 日 星期三 【乍雨乍晴】

今日ENG堂mok mok勁煩呀…
係咁係我個邊巡黎巡去!!
搞到我勁難做自己野囉~~
鬼叫我地個邊出左名玩野咩~
漁民呀..林怡呀..桂花呀..Amy呀..我呀..呂廁呀..周妍呀... 全部係晒呢邊!!
遇到呢班危險人物碰頭 mok mok梗係目及實晒我地啦~~
今日桂花同amy仲係度映相!
搞到mok mok直情企正係佢前面講書....走啦....~~
桂花坐我後面呀!! 即係企係我隔離啦........一x一"
仲有呀~~ 個Mr. Mok呀~
我地上堂傾計就梗架啦~
佢又成日係度講講講話我地break左個promise喎!!
(佢尋日發老脾話要我地肯聽佢講野先教書Y嘛) 真係超煩…
我都好想講句 " 唔教咪唔好教囉! "
我地都係費事搞大件事先tum返佢咋 你估真係想聽書呀?

oOｏ0Ｏ*＊Ｆ．５生涯最後之Ｓeａtｉnｇ　pｌaｎ～＊*Ｏ0ｏOo
－－－－－－－－－－－－－－－－－－－－－－－－－－－－－
　何+　黑豬　| █ |　秀芬　坤少　| 　|　〔Amy〕〔桂花〕　| █ |　 阿慧　　 Iris　　 ˍˍˍˍˍˍˍˍˍ
Down　Suki　| 　 |　阿青　 阿law　| 　|　 余麗玲 　〔 我 〕　| █ | 〔林怡〕〔漁民〕 |︳ █ mok巡視範圍 ︱
Victor　Joan　| 　 |　 Jess　 Molly　| 　|　〔周妍〕 〔呂廁〕　| █ |　丁丁　　歡歡　 |︳ █ mok停留範圍 ︱
Mokey 翠兒　| 　 |　謝文傑　Rita　| 　| 　 詩雅 　wing wing　 | █ |　 阿賴　〔阿萍〕 |︳〔〕mok監視既人︱
郁香　邱邱　| 　 |　詹詹　〔阿雪〕| 　|　　Tyrone　 勁痕　 | █ |　阿龔　 　阿寶　　￣￣￣￣￣￣￣￣￣
　　　　　　　　　　　　　　　　　　　 【Ｔｅaｃhｅr’s　Ｄeｓk】　 ██　

COMM堂勁好玩!~
我+呂廁+周妍3個又好似尋日咁係度畫公仔~
話說尋日周妍畫左個女仔
呂廁就跟住佢畫畫到核核突突咁~
跟住我就照住周妍個女仔黎畫啦~~
畫完… 都幾似喎!!~
之後傳埋俾Iris同漁民同埋桂花照住黎畫
畫得最似個個都仲係我囉~ 哈!
今日周妍又畫左個女仔~ 到我跟住佢黎畫喇~
之後淨係俾我個公仔呂廁跟住黎畫…
今次佢畫得令過尋日好多喎!!
唔通尋日俾我地話完 夜晚返屋企苦練~?!
之後我又畫多左個女仔~
周妍又照住我個公仔跟我畫~
我地仲叫人估下邊d係我畫 邊d係周妍畫架添!!
之後仲畫左d無聊畫…勁白痴囉~~
＊＊【大家一齊黎估下~!!!】＊＊
<*~估到未?~*>
<*~錯晒喇!~*>

＊＊【尋日既畫】＊＊
<*~周妍+呂廁~*>
<*~我+儀+漁民~*>
<*~哈哈!~桂花畫得好白痴~!! 咁多幅...算漁民的最不堪入目~*>

放學要補Math... 去唔到打社排呀.....
今年綠社冇乜勁人 識打波既可以話得返我同阿廖~
今日得返阿廖帶住班低form
落到去聽佢地講話VS紅社慘敗囉… 好傷心… 有d失望添~!
跟住就去左睇綠VS紅既男仔比賽~
一路睇一路諗返以為自己比賽既情景 真係好想再打比賽!!
試下接到波or接失波既滋味~
跟住又睇下阿豆佢地做球證 我又想做~~
諗返自己都做過 真係幾好玩~
miss lau頭先都叫我幫手計分呀~!
我覺得佢都幾信得過我囉~
如果唔係都唔會叫我做啦, 係咪? 好開心添~!
不過呢d野我聽日就可以感受返喇!!~
因為聽日VS藍社 我唔駛補課呀~!!
走個陣我幫手收野
收返d "龜背" 個陣我覺得似歡歡男朋友個個男仔問我點解唔打喎~!!
竟然?!? 乜佢識我架咩~?? 唔知呢~
我咪同佢講我補課囉…
其實今日已經有好多人問過我點解唔打喇…
其實我都想打~
起碼就算輸波 都唔會輸得咁難睇先啦~~
之後就同阿廖度下
睇下聽日我地點做波… 點企位個d野~
突然之間覺得自己好pro添~! 哈哈!~

跟住就去左圖書館拎自修室個張後補證啦~
去到同個職員講返我圖書館唔見左
但係又俾人執到~ 不過又未拎返咁啦~
之後對過張身份證 我就講左我個no.俾佢聽~
第2班既139.......冇錯Y!
跟住佢拎左份form出黎俾我睇
係啦~ 係我架喇~ 陳嘉麗Y嘛~
點知望下張相.........
咦!? 都唔係我黎既!? 唔通同人換左張相!??~
跟住望望下... 見到 "東華三院呂潤財中學" 幾個大字~
原來同名同姓呀撞鬼!!~
等我仲一路以為係自己添~!!
名都幫人簽埋~~~~
跟住佢幫我搵搵下 第3班既134都有個叫陳嘉麗囉~~
今次睇下張form....係我喇~~冇錯喇~~感謝上帝~
又會咁橋都有既!?~ 哈哈!~
搵日去東華度搵下呢個女仔先!!

＊P.S.原來我張圖書證真係唔見左囉…
可能係個個職員上次入錯左acc講錯我知 所以都係要補領過張~
搞到我7點幾先返到屋企呀…
(不過頭先打完男排都6點幾喇原來!)
好耐未試過搞排球d野搞到咁晏喇~

>>March 4, 2004 at 6:38:45 PM GMT+8

2004 年 3 月 2 日 星期二 【晴】

今朝又賴死唔起身喇…
不過7:45am都死左起身~
因為要執個死人PA box file呀!~
今日form test Y嘛 唔知點解好似覺得好大件事咁~
個個都死咪咁! 咁我咪諗住每個topic都執d返學校溫囉~
執下執下.....已經8:10喇 !
但係衫又未換 早餐又未食!!!
快快手手掟晒d野入書包就換衫走人!~
次次飛的返學都可以行去…
我都未試過好似今日咁 連去的士站都要跑去架!!
好彩… 飛到返學校仲有時間~~ Yeah! *0*v

今日調左位喇… 同歡歡分開左~
Maths堂test完就叫呂廁 (坐我前面) 教埋我摺頭先我同歡歡學緊個隻用錢摺既心心啦~~
小息已經學摺左一半~
點知今次摺都未摺就俾Miss胡見到.....真係堪呵......
之後仲要俾佢收埋個2張$10紙添~!
大佬~ 我諗住用黎食lunch先趕係lunch之前學埋佢咋喎~
而家佢收左我邊夠$食m記??!
咁落左堂放lunch我咪去問佢拎返個2張$10紙囉~ 費事累到呂廁啦~~
跟住佢又係度講d唔係鬧我既野
又話 : "上我堂做埋d咁既野? "
咁我咪答佢 : " 就黎lunch啦嘛~ 趕住學完用黎食lunch 呀~ "
佢又話 : " 佢知我咩人架啦~ 我唔罰你唔得架bor~ 你話啦? 罰咩好呢~?
　　　　作文就唔好架啦… 好似好無聊咁~ 數學點會罰作文....@#$%&.... " 云云 …
跟住我話 : " 梗係唔好作文啦~ 唔好~ "
咁就叫佢罰我做1年past paper俾佢
佢又話好~ 又話驚我會抄~ 真係可愛死呀!!~
最後就叫我抄返4題mock卷既section B俾佢~ 好少野咋!!~ 正!!

之後食完m記飽到想死!又返返學校溫PA~
今日係學校勁溫PA ! 可以話係我F.5以黎最專心溫既1次~!!
不過係上其他堂個時溫囉… 哈哈!~
溫完都幾入腦 覺得PA教d野原來都唔算太難~
自己睇仲明過miss教~~ 追都應該追得返....卦~
但係真係對PA熟左好多囉~
佢地都話未見過我咁努力溫書!!
我都好開心自己肯溫下d PA架~~

＊P.S.lunch Miss潘已經知道左我同呂廁上堂玩摺銀紙....
　　 你話Miss把口幾勁Y.... 我冇睇錯佢 !

ENG堂我地班激嬲左mok mok....
佢話我地班2年都係好lazy~~
又好talkative喎 (即係話我地多野講成日傾計.....=.=||)
跟住又話唔教書 以後佢就堂堂坐係度
等我地想聽佢講野個聲佢先開聲喎~~
桂花 (坐我後面) 就話 : " 係咁就發達喇!~ "
哈哈!~ 衰得佢~~ 雖然我都係咁諗....~~~
不過我都唔想睇到mok mok發脾氣~
最後漁民就好勇咁叫mok mok唔好嬲 mok mok就冇事啦~
咁我地班d人又繼續傾計lu.....~~
所以咪俾佢話我地唔守promise囉~~
算啦~ 你都知我地班本性愛多咀~
豁達d啦~ 香港人~

放學… 終於test喇PA!!~
原本話落hall考架!! 好彩而家係返班房… 都冇咁驚~
之後派左本Question book俾我地 但係後面有答案架囉....~~
miss潘話唔準睇後面喎…
鬼理佢咩 ! 我唔會囉~
第1題已經唔識做喇!!
數落去題題都唔識做 都唔知要做d乜!
但係抄答案又唔可以抄到咁足!
我都專登錯左好多呀…
但求有字係份卷上面就得啦~ 理得佢岩定錯!
我已經好有骨氣咁冇睇note架喇~~
做左2個幾中… 眼都花埋!!
終於test完lu~~ 好野~~~~

>>March 3, 2004 at 3:28:31 PM GMT+8

2004 年 3 月 1 日 星期一 【雷雨】

今日又踩單車返學~
踩左出去先知大煲!! 落緊雨…
冇計啦~ 唔踩就遲到!! 頂硬上把啦~~
好彩唔係落得好大姐~!
唔係實變落沙雞兼炒車~~~

lunch冇出去食 都好耐未試過留返係sch食lu~~
之後搵許佩諗住教佢跳SweetS d舞啦~
去到見到佢, 阿so, 阿廖個d圍左個圈聽Air (佢個班既1個女仔) 講PA (聽日form test Y嘛~)
咁我就圍埋聽埋1份啦~~
聽左d Goodwill A/C........同Current A/C個d
明過miss講囉~!!~
Air你可以去開班喇~ 哈哈!!~
唔知點解次次都係咁~~
Mok mok (教ENG) 同方sir (教商業) 上堂教ECON
就明過 Miss Ma 係ECON堂教ECON架喎~
而家Air lunch教PA 就明過Miss潘教~ 點解?

放左學唔駛補課呀~~ 落雨又搞到唔駛打社排~!
今日本身VS藍社架嘛~
咁我就繼續留係班房抄埋本應用練習先啦~~
今朝抄到而家… 真係唔想抄 !
許佩都過左黎等我 仲幫我疊返好d應練~
佢講左句 : " 呢排d應用練習我全部都係抄架咋~ "
我就話 : " 係囉!~ 我都係呀~~ "
點知一抬起頭 ! 大煲粥喇!!
原來Miss胡行左入黎!! 我勁驚囉~~~
大佬~~ 班房得我地2個!! 我仲抄緊應用練習架喎~~
臺面仲有成5, 6本應練打開左
盲既都知我抄緊功課啦~!!
佢一行埋黎我就真係煲窿粥喇~~
唔通係佢面前收d野落櫃桶咩 !
miss胡絕對唔係咩善男信女
俾佢見到我抄功課?!
俾佢省完1獲之後分分鐘出埋違規紀錄
仲要日日俾佢check埋功課先走得呀~!!
再+上佢把口咁咩… 等唔到聽日已經成個教員室知咩事喇!!~
總之唔死一身珊啦~!!
跟住佢問我 : " 唔駛補課咩? "
我勁驚咁答左佢之後佢就行左去老師臺擺低份野
我即刻趁呢個時候撥晒臺面d應用練習落櫃桶! 淨係留返1本係臺面~
但係又唔可以勁大動作喎!! 唔係就乃野喇~~
之後佢就走左.....又行返黎同我講野!!
我幾驚佢問我做緊乜呀~!
你知佢幾8架啦~
好彩....係叫我叫科長聽日派左疊w.s...
之後就真係走喇~
嘩！！！好驚呀！！！
我同許佩都互望左眼
好似2個都諗緊 " 咁都死唔去!? " 咁~
真係好驚險囉................(汗"")
佢竟然咁都留意唔到我抄緊功課!!~
都話miss胡可愛架啦~~~ (唔鬧人個陣)
不過我個心仲係卜卜卜卜咁跳囉.......呼～

返到黎又卦住睇d舞 又卦住玩電腦~~
仲諗住溫下PA添!!
聽日form test呀......渣兜啦~~
算…

>>March 3, 2004 at 3:14:33 PM GMT+8

2004 年 2 月 29 日 星期日 【晴】

今日起左身又訓返~
起身一望個中已經8:15a.m (好彩個中快15mins)!! 嚇到我~
但係8:25就遲到 我仲連書包都未執添!!
之後就拿拿皮搞掂晒d野走人啦~!!
仲諗左成2分鐘駛唔駛單車好…
算啦! !踩到返去都遲到喇~!
決定飛的返學!!
咁又駛左我廿幾蚊喇.........

今日ENG堂上lisening勁無聊…
down down(吳浩賢,坐我前面)又中個頭落我張臺度喎!
咁我都好識做咁拎左疊書上臺面
再打直埋個筆袋俾佢愛黎long住個頭啦~
咁真係好豬服!! 我都試過用呢個方法托住個頭聽書~~
種感覺勁正~!!! 冇得等!!
不過當然係要用我個長方形pat pat兔筆袋先會咁豬服啦~~
我同歡歡(佢坐我隔離)見佢咁豬服就順手幫埋佢按摩(識屁咩!~亂咁黎之嘛~)
我就係右邊用右手幫小down down禁膊頭
左手就幫佢禁個太陽穴~
咁左邊就留俾歡歡啦當然~
就係呢個時候…
歡歡一野打落down down個頭度!!~ 哈哈!~
仲話 : " 訓得咁舒服Y拿!? " 真係笑死~~
咪係囉 ! 要我地2個服侍佢~ 佢恨到啦~~~
我地笑到勁大聲 阿雪佢地係後面一路都望住我地係度笑~
前面黑豬呀.......tyrone個d都擰晒過黎~
好彩mok mok帶住個head phone咩都聽唔到~~ 哈哈!

咁down down俾人打完之後繼續昏睡啦~
我見無聊咪拎d記念冊出黎寫囉…
跟住拎晒d無印筆出黎~ 紅橙黃綠青藍紫.....
十幾支夾晒落down down冷衫條領度 方便拎Y嘛~~
一抆支筆就得 ! 用完插返落去就OK~ 哈哈~~
成排彩虹咁~ 勁令 ! !
點知mok mok無啦啦行過黎喎!!
大檸樂啦~~ 抆都抆唔切!
咁我就即刻那起我件長袖冷衫嬲住down down~~
諗住叫佢扮凍 嬲多件衫係面~
佢又好醒目咁嬲住左喎!!
掂~ mok mok絕對發現唔到~~
我覺得自己實在太~~~~聰明喇!! 哈哈!~
跟住又爆笑喇~~ 今堂ENG堂真係勁好玩~~~

lunch去左食肉醬意粉~
仲食左個高級甜品添!! 幾好味~~ 正!
之後P.E堂要做體適能呀… 勁唔想上囉~
不過d成績仍然幾好 都冇乜點退步到~~
sit-up 1分鐘就做左57下倒啦~
掌上壓就左51下 都冇限時間既!~ 哈~
坐地前伸都過47 d根都唔算緊左太多~~
手握力都算係咁架喇…都OK~
最死就係臨尾要跑9分鐘!!~
食到飽飽走去跑… 勁辛苦!
原本諗住慢慢跑 之後作返個數落去架~
不過之後都有跑到 不過冇盡全力囉… 唔想咁辛苦~
9分鐘冇停過呀!! 跑左1584m~ 勀到死呀~~
不過今年last一堂PE堂… 俾下面miss啦~!!

之後miss仲諗住做埋立定跳遠~
點知我地拎晒d墊出黎佢又話唔跳喇喎!
咁我同歡歡同凱珊咪一齊係張墊度訓囉~!! 唔夠訓Y嘛…
之後又傾下計 阿青同佩儀都訓埋落黎~!
之後我地真係訓左…
訓訓下我好似聽到打鍾聲 不過冇理到!
點知過左陣歡歡大嗌 : " 有人出黎喇 ! ! "
我一擘大眼見到成個操場都係人囉… 嚇到我即刻彈起身!~~ 呼~~
落堂仲要擺返d墊入PE房
真係2堂PE堂就消耗晒我成個lunch喇~!!!

返到屋企之後又係度跳舞喇~
呢排勁跳SweetS d舞 真係好勁好快~ d舞好正!!
前排開始練Because of You (w-inds.)
之後練Crazy About You (Mini Moni) 同Shining Star (玉置成實)
仲有好多好多…
不過覺得呢幾首d舞最正囉~~
SweetS個首Lolita☆Strawberry in Summer已經練好喇!!~ 好開心~
今晚就努力睇live學新歌Love☆Like Candy Floss!
呢首超快! ! 咁多首真係最難呢隻~~
練到身水身汗.....真係超勀!!~
不過都已經K.O左佢喇~~ 正!!
次次一諗到練完跳返出黎就會好令好型
我就會想練落去架喇~~
真係好中意跳舞!! 我要再勁d!!~

練完有d頭痛… 又成身汗又勀…
咁就去沖涼啦~~
今日係廁所浸左勁耐囉~~
沖左成半個中有多~ 沖完真係勁正!!~
不過好眼訓囉… 所以12點幾就訓左lu~~
真係好累..........................

【上文提及既歌/舞】<*~真係好睇架! dl黎睇下啦~*>
*＊Crazy About You ＊ Mini Moni
http://kagoshima.cool.ne.jp/gamehkui/Mini%20Moni%20-%20CRAZY%20ABOUT%20YOU%20(Dance%20Ver.).mpeg

*＊ LolitA☆Strawberry in summer ＊ SweetS
http://kagoshima.cool.ne.jp/gamehkui/SweetS%20-%20LolitA%20Strawberry%20in%20summer%20-%20AX%2003-10-04.mpeg

*＊ Love☆Like Candy Floss ＊ SweetS
http://kagoshima.cool.ne.jp/gamehkui/SweetS%20-%20Love%20Like%20Candy%20Floss%20-%20Pop%20Jam.wm
【仲有Because Of You 同 Shining Star遲d up埋俾你地啦】

＊＊＊Ｃｏｐｙ係網址個度禁Ｅｎｔｅｒ就dl到架喇~~~＊＊＊

>>March 3, 2004 at 11:54:02 AM GMT+8

2004 年 2 月 28 日 星期六 【晴】

今日發左個夢好正~ 我好中意~
又係個d要同d壞人打完1餐先會完結既正義之夢!
今次夢見戰鬥完一輪之後去左個廁所
見到JUSCO哥哥入左格廁所~
我諗住睇下佢有冇事就逐格廁所搵佢啦~
點知開左2格廁所 見到2格都有個妹妹仔係入面
個2個妹妹好Q架!! 勁得意~
真係好想攬住佢又抱住佢囉~~~
我直覺上覺得佢地係姊妹
嗌左交~ 跟住就係廁所度喊喇~~
之後我tum返佢2個
抱左佢地出去佢地就跟媽咪走左lu~~
而我就唔記得左搵JUSCO哥哥… 哈哈!!

正因為我地打敗左d壞人
咁大家就各散東西啦…
但係我次次發親d夢去到d咁既情節我就唔想走
我想繼續發呢個夢, 唔想同夢入面既人分開~
跟住仲爬左上棵樹度摘左d花仔諗住做紀念~
我次次發夢都係想帶返d野返黎架~~
唔想發完夢就冇左!
但係次次一醒左就知道咩都係假… 勁失望囉~
好啦~ 講返個夢! 仲未完架~
我仲夢見媽咪 係年輕版架喎!!
總之係個夢入面我唔想走啦~! (下省1000字)
好懷念個夢呀!!
我發覺我真係好中意發埋d要同壞人戰鬥既夢
真係好有正義感架~
所以我都幾想做美少女戰士架~
哈哈! 講真架~ 我寫俾人d記念冊都係寫呢個係夢想!
or...有魔法囉~~
跟住就做魔術師...偵探...心理專家...........正!
不過我想做既野都幾不切實際!
好啦~!! 你地鬧我啦~! 鬧醒我啦~!!
不過我都係中意做埋d無聊野架喇~

係歡歡屋企hae左成日
最有意義既都係寫左邱邱本記念冊囉~~
都keep左成半年都有喇…
再唔寫真係會俾佢打爆我個頭!!
夜晚落左OK食叮叮肉醬意粉… 好耐冇食過lu!
食食下歡歡去廁所 我就開始諗埋d無聊野喇~~
係度諗.................@#$%^&*@$%^&*@#$%^&*_+......................

>>February 29, 2004 at 7:19:45 PM GMT+8

2004 年 2 月 27 日 星期五 【晴】

今日訓到天昏地暗 連舞都唔想去跳喇…
等我仲練好左小星星添~!
不過係我自己懶起身姐~ 下個星期跳返囉~
之後就寫左陣邱邱本記念冊
又受唔住引誘走左去玩電腦喇~~
玩玩下連團契都唔想返!!
唉… 算啦~ 唔返喇~
之後開返d好耐都冇開過既ICQ acc
種感覺… 好似時光倒流咁囉~
都有成大半年冇開過個d acc喇~~

<*~林智日記入面個2個bb~*>
夜晚成12點先落歡歡度
佢無啦啦開左林智(以前學跆拳升左黃帶既師弟)個日記黎睇~
入面講個d野都幾有意思
佢講左好多道理我覺得都好岩~
不過有成8頁.....
好彩佢1篇都唔係寫好多~ 仲幾好笑添!
如果篇篇都好似我個d咁長 我就成晚都唔駛訓喇!
佢日記放左張BB相幾得意添架~
係2個bb黎~ 有個仲咬緊另1個個頭添~!
咁我見無聊咪扮下個bb咁咬歡歡個頭囉~
點知俾佢話我白痴喎!~ 算~我係呀!~ XP
之後我就係將彈彈床度訓著左喇~~
都成4點lu......(汗")
好耐冇試過咁夜訓喇!!
<*~訓著左條歡歡映低左~頂~*>

不過我今日想抒下情~
d人話我個日記好花喎~ d橙色好賤眼~
有個仲話睇完之後去訓一定唔識醒喎~~
咁又點呀?
個日記係我架! 我中意點咪點囉~
我都係諗住俾自己睇架姐~
你地中意睇咪睇囉~~ 我都預埋會俾人睇~
但係我冇迫過佢地睇架喎~
佢地唔中意咪可以唔睇! 但係唔好係度踩我個日記囉~
It's my own thing !
Please don't be 嘈生晒
我轉色又點?
唔轉色又點?
寫得長又點?
寫得短又點?
咁叻你寫Y~煩!

>>March 3, 2004 at 4:29:25 PM GMT+8