2004 年 3 月 16 日 星期二 【晴】

今日返到學校見到阿青 佢買左個蛋糕俾我囉…
仲要係生日個d蛋糕 ! ! 叫我唔好食早餐…
可能佢想tum返我開心啦~~
但係我冇胃口到連早餐都唔想食
再叫我食cream我真係嘔俾你睇 !
所以淨係食左d蛋糕同上面d生果咋~~
不過都好多謝阿青!!!

COMM堂方sir俾我地自己溫書
我都好奇蹟地係臨尾20分鐘拎左本中文書出黎睇~
跟住漁民行左去問鄭子傑野
阿sir叫佢返埋位 話佢冇問過阿sir就走出位喎~
跟住漁民又串串地咁同佢講野
跟住就冇理到阿sir繼續問野~
阿sir竟然講左句 : " 係咪玩到咁大呀~ "
好似就黎打交咁~
不過最後都冇事~~ 好彩~

今日早放 我就返左屋企啦~~
食完飯就去左許佩屋企一齊溫中文
都溫到幾課既… 不過速度勁減囉~!!
4, 5個中先溫得個 3, 4課…
雖然又傾下計又發下夢
夜晚又落下街又食埋飯睇埋電視…
但係我都覺得好似溫得慢左咁~~
不過都算好架喇 ! ! 起碼有溫書嘛~~
返到屋企諗住寫日記既
不過老媽子話玩電腦好傷神喎…
咁咪聽下佢話唔玩囉~~ 轉左去睇電視~
睇完 "陀槍師姐" 睇下d應用文格式就訓覺喇~!
老媽子話寧願聽日早d起身溫喎…

>>March 18, 2004 at 11:05:17 AM GMT+8

2004 年 3 月 15 日 星期一 【晴】

今日一返到學校Suki就同我講話尋日件事搞到好大件事咁~
Miss Lai話叫我返到黎即刻去搵佢~ 咁咪去囉~~
落到去Miss lai就要我企係詢問處度寫返件事既經過俾佢
之後見到飛飛 佢都要寫…
我仲俾miss lai省左餐~ 搞到我心情唔係咁好....
佢仲話可能我性格係咁 好輕鬆咁去睇呢件事~
但係都唔好好似好少事咁睇喎~
咁點姐~ 唔通要我喊晒口咁對住佢佢先覺得我重視呢件事?
咁寫完我就返上去啦… 心情極差 ! !

小息之後個2堂PA
廢潘叫左我出去同我講 話學校體諒我中5 所以唔記我缺點~
但係conduct就要降1個grade~
仲同我講今朝已經見左我家長 問我知唔知~
佢話呢? 我同阿媽今朝都仲未知咩事 !
佢仲叫我去見社工添~~
返到班房桂花佢地問我點 咁我咪同佢地講囉~~
佢地都話廢潘低b既 !
平時conduct頂多咪B~
降埋grade拎C邊有學校收呀? 仲話體諒我呀~?!
佢問我知唔知見左家長
我覺得佢有心問我架囉~
又會問我知唔知既 ! 咩意思姐 ! 我知佢就驚啦~~~

第5堂落左去見黃姑娘… 同佢講左點解唔想溫書個d野~
又講下其他野啦~ 真係好唔想同d fd分開個…
同佢講完都豬服左d既~ 不過始終有d野我都冇講到
同埋我覺得唔知點表達~
有時我會覺得佢了解唔到我諗乜架…
因為我自己都唔清楚自己 佢又點會知呢?
好似個conduct咁…
我有時會諗 : 橫掂都係冇學校收架啦~ 咁我仲駛乜繼續讀姐!
佢又會話話唔定有奇蹟
老師可能見我成績進步左 所以唔降grade~
咁即係迫我要拎高分姐~~
就算高分左都未必會唔降啦~
但係我想講 "求學不是求分數" 囉....
不過呢d說話我個陣冇同佢講
但係佢有問我拎ICQ話想睇我日記
我都唔mind佢睇到我呢段野 等佢知道我點諗囉~

傾到打中放lunch都仲傾緊
但係今日阿廖生日 我地約好左去食pizza hut~
萍萍, 邱邱個d都黎左社工室出黎等我~
萍萍仲入埋黎問黃姑娘我走得未添~!
我真係好開心佢地落黎搵我架!! 所以我唔捨得呢d好朋友~!!!
同黃姑娘傾完都開心左d既~
出到去仲要笑… 但係其實我都唔知個d笑係真心定係扮出黎…
我淨係知我唔想講咁多野囉~ 同埋冇乜胃口…
食完仲撞到菲菲 見到佢佢同我講對唔住…
唔緊要啦~ 我都冇怪過佢~
不過趕時間返學校 所以就跑走左喇~

返到屋企… 見到媽咪個樣勁唔開心…
但係我覺得廢潘同佢講到好似好嚴重咁囉 ! !
根本我就唔覺得成件事有幾嚴重!!
佢勁傷心呀… 搞到我都好唔開心…
我真係好鍚佢… 唔想見到佢咁…
由呢1刻起!!我對廢潘既憎恨度倍增!!!
我自己心情都極差…
諗起個conduct....冇學校收....真係勁灰~
個心好似有舊野頂住頂住咁~ 野都唔想食!
但係諗落… 唔讀咪唔讀囉…
係佢迫我既! 唔係我唔想讀~ 是但啦! 唔諗佢住喇~~
跟住就訓覺… 訓到唔想起身…
可能因為唔開心啦~ 根本連溫書既心情都冇!
我可以講, 我真係好唔開心......!!

>>March 18, 2004 at 10:52:56 AM GMT+8

2004 年 3 月 14 日 星期日 【晴】

今日係學校我勁急呀......勁想去廁所架囉…
咁我就衝左入女廁啦~~
點知一入到去 ! 見到個男仔.......(竟然?!)
係最尾個隔廁格…
我睇到眼都突埋 ! 即刻O晒咀咁望住佢~
點知佢擰過黎話 : " 你去啦~ "
咁我咪答佢 : " 哦! " 就入左去廁所喇~~ 真係好急…
但係女廁有男仔我真係覺得好搞笑囉~~~ 廿歲倒架喎!!~

lunch唔想出去買野食 咁咪唔出囉~
諗住落去搵菲菲 點知落到去又冇人~
上到黎見到肥man 就入左5D同佢傾計喇~
真係講左好多野~

今日我係有d唔開心~
但係唔係你地諗個樣囉.....~~

>>March 18, 2004 at 10:16:14 AM GMT+8

2004 年 3 月 13 日 星期六 【晴】

今日我同許佩又上左佢阿爺屋企喇~~
不過今日係去溫書~
但係溫左陣我已經拎住阿爺部彩芒電子辭典係度玩game囉…
5點倒阿爺著晒西裝咁 話出去表演拉小提琴喎~~ 勁!!
之後就得返我同許佩係佢屋企 又冇溫書喇~~
去左開電腦玩 跟住又狂傾計~~
原來今日係白色情人節囉…
咁我就提議落OK叮盒肉醬意粉黎慶祝~!!
得到左許佩和議~ 咁就落街喇~~

落到去我地幾經辛苦先叮完d意粉
岩岩開餐冇耐就見到個細路玩個d紙杯~ 即係自由斟個d呢~~
佢彈下彈下個度插住個d紙杯
我仲係度諗 : " 再大力d睇下飛唔飛到過對面Y~~~ "
點知佢真係再大力d ! ! d紙杯飛晒出黎~!
咁我咪即刻仆埋去幫佢接住d囉~!
好彩冇跌到… 許佩都過埋黎幫手~!
點知個細路即刻pat低晒d野走佬喎 ! !
d紙杯跌晒落地下… 勁樣衰~
個o靚仔又閃得勁快 ! 搞到個個都以為係我地整咁…
勁瘀囉… 真係瘀架~ 唔係講笑 !
我地仲要係地下慢慢執返起晒d紙杯
仲聽人有人話咩 : " 都咁大個女啦… " 咁添呀!!
都唔關我地事~~~

咁我地真係覺得勁樣衰…
咁就搬晒盒叮叮意炒去OK出面食啦~
點知食食下有個男人坐左係我隔離冇幾遠
我都冇乜點為意~ 繼續傾計~
淨係覺得佢迫緊我食2手煙囉…
點知之後無啦啦聽到有人 " hehehehe " 咁係度笑…
望一望隔離又冇人喎!~ 得個男人好正常咁係度係緊煙~
之後幾次都聽到 " hehehehe~~~ " 望過去又冇野…
咁即係個男人有問題啦........~~
我即刻咀都歪埋 ! 同許佩2個互望左一下…
都係唔好理佢喇~~ 繼續傾計!!~

跟住一路食一路傾
我講講下野無啦啦earth左一口氣出黎
咁就掩住個口 停左冇講野啦~~
跟住許佩問我做乜
我正想講個陣佢都earth左啖氣出黎~!!
唔知點解我覺得超爆笑呀~~~
跟住笑住咁講 : " 咪就係咁囉~~ "
哈哈哈!!~ 真係好好笑~~~
今日經歷既野真係特別~

跟住返到上去都冇乜點溫書 淨係係度傾計~~
臨尾我地講去做義工 照顧d弱智兒童既經歷~ 真係笑爆咀!
!我就話要帶多件衫去換姐
費事著住件係晒口水既衫周街走啦~~~
許佩話個陣個弱智兒童問佢食唔食糖
跟住係自己個口度拎出黎俾佢食…
笑到我死左 ! ! !
之後阿爺同佢個fd能利就返黎擺返d野~
我地唔想咁夜返屋企嘛 咪話走先囉~

走個陣我勁樣衰 懶係型咁企係部lift既角位啦~~
點知出lift個陣走唔到 ! !
因為個斜揹袋條帶勾住左lift入面個d扶手......(定唔知欄杆啦~)
佢地出左lift都行返個黎睇我咩事…
我仲要整左一陣先整得返條帶出黎~~ 勁白痴~~~
跟住就踩單車返屋企喇~

>>March 18, 2004 at 9:43:47 AM GMT+8

2004 年 3 月 12 日 星期五 【晴】

今朝點幾先起身
之後3點倒就同許佩去左南豐個自修室諗住溫書啦~~~
去到係度睇相囉… 睇左勁耐又笑左勁耐~~~
就黎嘈到俾人打架喇我地~ 哈哈!!
跟住我就係度寫記念冊
寫寫下先口痕咪落南豐買野食囉~~
買完野食之後去返自修室
睇左2頁ECON許佩阿爺 (契個d 肥肥地架~) 就叫我地上去打邊爐喇~~
好野有野食~~
不過其實我唔識個阿爺架… 都係陪許佩去架咋~~

上到去其他人已經落晒街買野食
淨返許佩阿爺1個係屋企~~
咁我地上到去第1件事就放低d野
跟住我就入左廚房掉垃圾啦~~
點知我一掉完之後先醒起 個個好似唔係垃圾桶…
我勁驚囉~~ 佢住南豐架喎…
整污糟左我賠唔起架喎~~~
之後問返...好彩個個係垃圾桶
不過冇放垃圾袋姐~
咁我地4隻手一齊幫阿爺 (我都叫住先啦~~) 拎住個垃圾袋
阿爺就掟d垃圾落去啦~
點知佢一掟 ! 我地4隻手都捉唔住個垃圾袋
成個跌左落地下~~
跟住我就即刻對住許佩講 : " 你點做野架~~~ "
哈哈哈!!~ 賴左落佢度~~~
其實我都有份渣住個袋架喎.....~~
咁佢就無奈地笑啦
我就一路笑一路執返起個袋~
點知我掉轉個袋黎拎 d垃圾倒返晒出黎…
勁樣衰~~~ 哈哈!!

之後我地就出左廳映相~~
好無聊囉… 去到人地屋企映相~ 哈哈!~
不過我地2個勁搞笑囉… 好似去佢屋企搞破壞咁~
跟住到我渣機啦~
都唔知點解撞一撞將麻雀臺之嘛~
成棟麻雀跌晒落地下…
可能阿爺已經想打爆我個頭架喇~!! 哈哈!!~
冇耐d人上返晒黎 咁我就諗住呢係門後面嚇佢地啦~~~
(但係其實除左阿so 我個個都唔識…)
點知d人入極都未入完… 都唔知幾時先跳出去嚇佢地好!!
最後俾人發現左......1個人都嚇唔到.......=.="
又會咁失敗既~!!!
<*~阿爺屋企(南豐黎架!!!)~*>
<*~駛唔駛去檢查下個咀???~*>

跟住我同許佩就全程練舞啦~~~
佢mp3入面d舞我首首都識跳咁滯喎~~ 好似好勁咁 !
跟住就教許佩跳啦~~~
之後又同埋阿so一齊跳返死妹DaNcE隻Do it! Now
勁耐冇跳過囉~~ 差d唔記得!!~
不過好搞笑呀~~
3個人係人地屋企跳隻14個人跳既舞~
仲成日阻住人地拎野添~!

之後就出廳就食野啦~~
見到個男仔原來佢都叫阿細囉… 真係橋~
不過d人叫佢做阿Ken多~
但係點解呢個阿細會高我咁多架..........
跟住佢仲除左副眼鏡問我覺得佢似幾多歲添~!
我淨係覺得佢除左眼鏡令仔d咋~~~ 哈哈!
跟住佢係隻杯度畫左個公仔~
一睇就知係花啦~!!~
咁我咪嗌 : " 花黎既~ " 咁囉 !
點知佢話原來係龜黎架.......一x一||
仲拉大隊笑我添~! 勁無奈囉~~

食野個陣我岩岩夾起第1粒丸 諗住放入個口啦~~
點知… 咁就碌左落地下 !
仲要係跌左落許佩地腳度 跟住碌碌碌碌.....左唔知去邊!!~
我地扒左係個地下度搵 但係搵極都搵唔到囉…
差d俾人以為我地裝人裙底添呀~!!
唉~ 算喇~ 柚得佢啦!!
跟住食完我地跳多陣舞就閃lu~~~
今日都幾好玩… 不過d人都唔係好熟~
我冇乜點出聲同佢地講野囉…
費事俾人覺得我姣啦~ NeVeRmInD~~ ^0^

>>June 20, 2005 at 6:08:21 PM GMT+8

2004 年 3 月 11 日 星期四 【晴】

今日個早會勁長呀…
原來今日係F.7既last day........有d捨得得添!!~
最唔捨得既係黃沛聰同楊菲菲啦~~
佢地2個係台上代表7A講野 聽住佢地一唱一和真係好搞笑~~~
不過有d都幾感動…
跟住佢地唱Today 我覺得幾正囉 ! !
雖然冇乜聲同快左成句 但係我覺得d感情係最緊要架!! 好!! 實在太好喇~!!
不過佢地overrun左 已經開始上第1堂喇~~
但係7B仲未上台講野喎!!
橫掂第1堂COMM都冇野做架啦~~ 勁想佢用埋第1堂 !
點知7B勁感性… 差唔多個個都喊~
講埋d野又悶… 又淨係得佢地班d人笑 台下就靜英英.....=.="
我都即刻擰轉頭話 : " 我想返去上堂呀...... " =.=||
起碼上到去可以做自己野又唔駛企先啦~~
點知都係企左1堂…
算啦!! 佢地最後1個assembly啦嘛~! 又係last day......就下佢地啦~!!
如果係我last day.....我都會勁唔捨得離開個hall 勁唔捨得走囉...~
理得台下d人笑唔笑!!
諗諗下… 自己而家都時日無多架喇…
好快就到自己last day....仲返唔返到黎讀呢?
唔知呀… 好灰……

放學… 就社際歌唱比賽喇~~
比賽之前問呂廁借左部數碼相機 跟住就仆左去搵d中七影相啦~~
小息已經同左菲菲映lu~~
跟住係操場同左阿君(袁健君)影!
之後入到7A班房見到劉佩寧, Eva(林玉華) 同黃國偉
咁我就同佢地映相啦~ 都有d唔捨得佢地!!
跟住… 就同黃沛聽映相囉~!!
<*~放學映既~*>
<*~一睇就知我地成熟穩重事業有成啦~*>
<*~5年同學都好少同呂廁映相~*>
<*~救命呀!!有人想錫我呀~*>

<*~班F.7呀~*>
<*~綠社人~*>

跟住就俾人催上hall比賽喇… 驚喇驚喇~
其實頭先最尾個2堂都開始驚架喇 勁緊張咁係度口up up d歌詞~
我地放學都未夾過 拿拿皮係hall隔離條樓梯夾左幾次就上台唱喇~~
今日係樂器比賽先…
跟住到英文歌唱比賽 最後就普通話~
我地係英文個part最後個隊 好似壓軸咁添~! 哈哈!~
不過真係勁怯… 我把聲都唔係太掂架咋!!
咁就梗係祈下禱啦~~~

到我地出喇 ! ! !
都唱得不錯既… 但係把聲震震地囉…
我硬係覺得自己好似就黎想走音咁 ! ! 仲有d怯場咁啦~
不過尋日rehearsal阿青佢地話我個樣好似好緊張咁 咁今日就要扮自然喇~~
又俾我扮到好似唔驚咁囉… 真係好似… 但係唔係真係囉!~
不過我覺得自己d和音唱得幾準 好唔好聽就另一回事啦~~
中段有句和音我覺得自己好似有少少出唔到聲咁
跟住就一路唱返一路dup低頭笑啦~~ 好白痴.....
唱完個度唔知係佢地覺得我地唱得唔錯想俾鼓勵我地
定係佢地以為首歌完左喇~
有人拍掌喎!!~ 勁多掌聲呀~!!~
勁開心~~ 好震撼囉!!
但係有2句我覺得平時唱得好好多架囉…
都係怪自己怯場… 唱得差左…
個2句我覺得對成首歌黎講都幾重要架~~
可以話係應該唱得最大聲個2句~!
真係我就唱差左… 唉~~ 好冇用呀!
<*比賽實況黎架~*>

唱完之後問周妍佢地 佢地個個都話唱得好好聽呀~!!!
d和音好和 ! ! 我把聲又勁入咪~!! 好正~ 好有自己既style~
仲話好大機會嬴添!!
我聽到真係勁開心架~!!
呂廁又幫左我地映相同錄左頭先我地唱歌
出去聽個陣都覺得幾好聽~~ 哈哈!!~
之後宣佈英文歌唱比賽冠軍… 綠社呀!!~
我地呀我地呀~!!~ 好野~~ 勁開心呀~!!
臨尾1年可以拎返個歌唱比賽冠軍呀~!! 好特別~~~

之後等d人走晒 我地幾個就留低左繼續唱歌
唱左勁多次~ 仲用mp3錄低埋添~!!
上晒癮呀!! 好唔捨得走… 唔捨得個咪~~
阿青又送左包童星點心麵俾我 佢話我嬴左佢會請我食架!!~
講起真係好多謝阿青~~
呢幾日佢好照顧我 又陪我地練歌又沖蜜糖水我飲~~ 真係好周到!!!
仲見到黑豬係台下白痴~~
係度又揮手又彈黎彈去扮fan屎~~
仲要係度大嗌我個名!~ 勁搞笑~!
miss wing仲話盡量幫我地係張shirt度+返我地個名添呀~!!
多謝Miss Wong～～～～～～
<*~比完賽留低錄歌...黑豬做Fan屎呀~*>

之後返跆拳~
咁我遲去門口就自己去
點知返到去暴暴都未返到… 真係啤一聲~!
佢搭車仲慢過我行路~~
一返到去個2個好得意既妹妹仔就跟住我入更衣室 係咁同我講野~~
哈哈!~ 真係好得意~~
仲話我遲到要俾師傅罰做掌上壓添~!!
o殊...........細聲d.............
點知師傅真係唔記得左罰我!!
仲叫我去教呢2個白帶妹妹仔踢slep kick添~!
佢地聽到之後勁開心咁係度嗌 "好野" 呀~!! 仲攬住我添~!!
搞到我都開心埋~~ 哈哈!~
不過佢地好難教囉… 我都係第1次教白帶~!
佢地玩玩下就自己走左去玩~ 真係冇佢地收呀~! >0<

跟住玩左陣體能 跑黎跑去個d~~ 都幾好玩!!~
仲有人剎制個陣踩爛左道牆添!! 超爆笑~~
牆都踩得穿!! 仲要係1個圓形喎~~ 哈哈!!
今日返跆拳d氣氛都好好~ 哈哈!~ 好好笑~

>>June 20, 2005 at 6:13:32 PM GMT+8

2004 年 3 月 10 日 星期三 【晴】

今日真係唔好講笑 !
由返學test到放學 連補課都要test ! !
7堂入面得第3堂唔駛test咋… 可憐得我地~~
我又1科都冇溫過就殺上戰場!!
又死唔晒喎~~哈哈!!~
咁好彩我冇溫姐~!

小息勁搞笑~
我地幾個拎左mp3出黎聽 仲要企住係我班房個門口度~
跟住阿斌又話要聽下首歌~
點知miss胡走行過!! Fion叫佢佢都聽唔到 仲係度聽~
點知Fion再大聲d叫阿斌 : " miss胡呀~! "
咁就嗌到miss胡都望埋過黎喇~
跟住? 阿斌咪乃野囉~!
miss胡又捉住佢係度鵝喇… 鵝左不知幾耐!
side晒我地練歌既時間~~
又話佢咩中五就唔應該玩d咁既野
仲要帶埋部機返學~~ (但係其實佢冇份唱架囉...)
跟住就燒埋我個疊話上次綠社搵我打排球 社長已經俾佢省左獲金!~
跟住就問阿斌咩社 個社長點解又要搵d中五唱!~ (咁岩阿斌又係綠社囉....陳文褲大劑喇........)
跟住阿斌就扮晒野話唔唱 問miss拎返部機喇~~
好彩佢同部機最後都冇事…
但係… 我有份唱喎~!!
好彩冇同miss胡講我同fion都有份姐~!
如果唔係又俾佢鵝架喇~~ 煩~

放學補Maths呀.....miss胡堂呀~!
仲要test上年份mock卷~~ 成2個中架!!
今日仲要rehearsal添架~~ 我邊夠膽同佢講唔test走左唱歌?!
冇喇冇喇....冇得re喇....~~ 嗚.....
我都不知幾耐冇上過台唱歌~!
嚴格黎講都係中1, 2個陣社際歌唱比賽個陣之嘛~~
3年喇都~ 今次可能係最後1次參加社際~!!
但係我一路做卷首歌都係個腦度轉黎轉去囉~~~
做到淨返半個中個陣聽到好微弱既音樂聲喎!!~
我認得出係我地個首歌囉~!!
呀......即刻冇晒心機做卷!! 好想落去練歌呀~~
跟住就祈禱啦… 真係好想趕得切落去練歌
希望佢地咪走啦~~~

冇耐叫Fion行過我地班房 應該係上黎睇下我走得未囉~~
咁我一test完就仆落去hall喇!!~ YeAh!! 佢地仲未走~!!~
真係好感謝神呀~~ 佢地話等埋我喎!!~ 好感動~~~
全靠阿mark (幫學校手做野個d人啦) 肯留低幫我地set器材咋~! 真係好人~~~
跟住我地就唱....一路見住d人放補課
愈黎愈多人行左入黎聽囉.......勁唔自然~
菲菲呀.....抄屎呀.....周妍, amy, 邱邱, wing wing, 佩儀, 阿雪個d都係度~
一路唱.....佢地就一路聽一路俾comment~
唱都我都唔捨得走添~!! 好想唱多幾次呀~~

之後講返.......聽左好多comment呀~!!~
最開心既就係菲菲讚我地唱得好正!! 連d和音都唱到~~
其他仲有好多.....唔講俾你地聽~! 哈哈~~
我自己知咪得囉~~~ 有好有唔好啦~~~
好個d聽落真係好開心~!
咁會令我愛上唱歌架~~~
唔好個d我地都會改下既~~

返到屋企又係狂聽啦~~~ 聽日比賽啦嘛~~
我唔想聽日出醜呀… 希望唔好走音啦~~~
但係而家時唱唱下把聲都沙沙地
所以我專登去買左樽蔘蜜黎飲呀~~~ hehe...
夜d問出雲借咪 想試下可唔可以同許佩一齊錄首歌~
佢叫我去佢樓下度接囉~
係呀… 接… 佢係屋企掟落黎呀~!! 超過癮~~
我當然係接唔到啦~!
不過跌左落地都冇咩既~~
但係返到屋企都用唔到個咪… 算~~
希望聽日有好表現啦~!!
我知天父會保守我架~!!! +油!!!

>>March 11, 2004 at 11:31:59 PM GMT+8

2004 年 3 月 9 日 星期二 【晴】

今日好似冇咩特別事發生
最特別咪就係放學同Fion同埋許佩一齊練歌囉~~
我真係好中意同佢地一齊唱歌架~~~ 好好聽 !
當然唔係我唱個d啦~ 係首歌~~
我把聲就拆晒喇… 高音少少都唱唔到咁滯 !
早知之前唔成日大嗌啦~~~
lunch我地唱左幾唱 阿青都話和得唔係咁好同埋有d亂~
我勁驚我把聲突囉~~
你知啦~ 平時我講野都鬼死咁大聲 !
唱歌都突就好核突架喇…

但係放學許佩要補課 咁我就同Fion兩個人練啦~~
阿青都係度幫我地聽下d聲
之後仲用佢部數碼相機錄低左我地唱歌添~!!
原來我同Fion把聲都幾似架喎~~ 哈哈!~
之後諗諗下... 咦?
邱邱同wing wing都係時候唱架喇喎~~
佢地今日歌劇比賽Y嘛~~
點知衝到落去… 唱完…
咁就上返課室繼續唱啦我地~
之後許佩補完課就黎左一齊唱~~
3個人用音樂黎左次之後就用許佩部mp3錄啦~~
呀........有d位我走走地音呀.........
同埋有d唔和囉~~ 我唱和音多嘛!!!~
真係覺得和音好好聽~~ 有d都和得幾好架我覺得~~
練到5點幾倒我地就閃lu~~
唔該晒阿青幫我地聽聲呀 !

返到屋企之後諗住溫下書啦~ 聽日4個大test!!~
點知又係度聽個首歌.......
我覺得自己唱歌好似好聽左呀~~~ 好似囉~ 哈哈!~
之後玩玩玩… 玩到12點幾眼訓
連書皮都冇睇過就走左去訓lu~~~ 呢獲大煲喇!!

>>March 11, 2004 at 4:47:15 PM GMT+8

2004 年 3 月 8 日 星期一 【晴】

今日小息終於去搵miss鄭喇~~~
多謝你 !

lunch同狗寶去椰林閣食~
勁低b呀!!~ 真係我地一入去個度就勁嘈~~
我地狗寶又係入面笑笑笑笑笑~
跟住講返....原來上次我地9個約埋lunch一齊出黎去韓燒食飯已經係半年前既事~~
個日係9月30號… 今日3月9號… (因為狗寶,所以揀9號)
差唔多半年喇真係~~
乜有咁耐喇咩!? 一d都唔覺時間過黎咁快~!!
咁證明我呢半年都過得好開心啦~~
開心既時光過得特別快 又係時候講bye bye~!

放學test完maths就即刻仆落去睇社排啦~!
鬼叫miss胡唔肯放我走俾我去打波…
我等左呢場波好耐喇…
今次社長出埋幫我同miss胡講叫佢放人都冇用~
落到去仲未打完
我有諗過即刻係個hall隔離條樓梯快快手手換左件衫跟住叫球證換人架~~
不過個陣都19:12 費事換lu~
換得黎都打完喇!~
綠社真係輸左呀… 2局都輸左俾藍社~
算啦~! 都打得好好架喇~!!

跟住我就同wing wing,周妍,邱邱,林怡,佩儀,何+,阿雪,amy佢地一齊睇男排比賽~
我地係旁邊玩玩玩 笑到勁大聲~
都唔知係咪睇波既~!!
最白痴就係玩用腳猜包剪鎚!! 勁白痴~
wing wing話個遊戲名叫 "你估我唔到" 喎~~ 我真係估唔到囉~~~
哈哈!~ 勁低b! 不過好好笑~~~
之後見到黃社成班足球隊上陣打排球…
個個都著白飯魚~ 得1個唔係 !
因為個個男仔係田徑隊架~~ 哈哈!~ 勁好笑~
仲見到有人用倒掛金out打排球 仲俾佢救得返個波添~!!
最搞笑就係有球黃社d人又用腳踢
點知一踢踢左個波去隔離場個球證個頭度!!~ 笑爆咀~~
我地幾個傾傾下都睇到個球都笑到扒左係度出唔到聲!!~
爆笑度有10粒星呀~!!
跟住綠社男仔嬴埋藍社~ 完場~~

返到屋企勁聽 " Tonight, I feel close to you "
真係愈聽愈好聽!!~
又勁同許佩ICQ 發覺我地好多野都好似~~
我同左佢講好多野呀~~
我發覺都幾中意同佢玩 哈哈!~ 幾開心架~~~

>>March 9, 2004 at 3:51:16 PM GMT+8

2004 年 3 月 7 日 星期日 【晴】

今朝assembly又見到個好得意既肥仔 (好似花名叫麥樂雞架! 真名我咁多年都唔知) 上台扮野喇~~
係度播住歌扮唱 " Only You~~~ " 真係笑鬼死!!
諗返起我F.3個陣佢先F.1~
個陣唔知點解佢同排骨精 (好瘦好細粒好Q 著吊腳腳既F.1仔)
同埋另1個F.1仔成日都等我放學
個排我又會同d同學講d o靚仔等緊我 走先~ 哈哈!!~ 真係好搞笑~
我地好似係某1日放學咁岩行同1條路
跟住傾傾下計識架~
之後就成日一齊放學~
佢地好搞笑好得意 好好玩架!!~
冇後悔識左佢地 仲好開心添~!
特別上年做prefect個陣守佢地個層同佢地玩~ 勁過癮!!

Lunch都幾開心
同左周妍, 阿雪, Amy, 林怡, 佩儀, 桂花, 子琪出去食韓燒~
好白痴~ 佢地成日俾d好似狗仔既氫氣球嚇親 !
同佢地出去食都好開心 都幾多野講~~
食完之後返到操場我地坐左係長chair 有d就去locker拎野~
跟住見到劉倫同佢條女企我地對面, 望住我地係度講野~
(我好少叫人女朋友做 "佢條女" 但係我覺得 "女朋友" 呢個字唔岩呢個賤人用)
咁我咪同佢鬥啤囉 ! 咩事姐 ! 而家驚你呀~?
一路望一路同林怡佢地講 : " 望望望,望咩望 ! 啤啤啤,啤咩呀啤 ! "
林怡同何+話好押韻囉~
好野!! 我嬴左~ 佢地唔望我先!
係Y~ 我係咁架喇~
如果我見到有d人不懷好意同望住我 我一定會同佢鬥望! 一定!

之後劉倫同佢條友分開左
佢行左過黎呢邊擺書 跟住仲一路係度啤啤啤~
唔知佢啤定望啦~~
咩呀 ! 鬥望囉~~
跟住佢行到我隔離開locker就pat左d書同件校褸落張chair~
咩呀? pat落我度Y笨~~~
我又唔驚呀!!~ 打過囉~
就算唔夠打我都唔會驚佢~! 啍!!

跟住林怡同何+話覺得我好愛恨分明喎~~
話我如果好中意1個人可以中意到死
如果憎1個人可以好憎~
諗落都好似係…
不過我憎開個d大多數都係范眾憎!
如果唔係佢黑人憎既 我諗我都唔會無啦啦憎佢啦~~
如果佢都憎我… 我諗大多數人都會企我個邊囉~~
想當年我都同劉倫條女嗌過交
就係因為個陣X 'mas Party講明話明早返黎練舞
個8婆又遲到又話我唔俾位佢企!!
但係我明明已經留左個位俾佢架喇喎
自己卦住傾計唔聽我講野之嘛佢~!
遲到仲咁大排~!! 跟住咪鬧交囉~~
鬼叫我係Dance Club主席呀? 我中意點排就點排~
miss鄭俾得我做主席證明佢信得過我啦~
我自問都做得好好! 唔係呃個主席返黎做架~!
咁叻~ 你排Y~
道理又係我個邊, 職位又係我最大
講人緣我好佢幾十百萬倍啦~!!
試問有邊個個陣唔憎佢?
有既… 極少囉~
佢又成日唔夠人串又學人串人喎!
個陣成班人都知係佢唔岩
跟住我話去搵miss鄭 (Dance Club負責老師) 囉~
咁佢又冇聲出 !
我完全唔驚囉~ 我一d都冇錯!
總之諗返起就嬲啦~!!!
個死8婆仲累到我F.2個年俾個死鍾太鬧~~
我好記得架!!! 真係好激氣!!!
我都好後悔點解個陣唔鬧返鍾太呀~!
俾著而家我一定會據理力爭!
咪以為老師就大晒先得架~~~

放學唔駛補課 咁就同埋暴暴同歡歡一齊返屋企啦~
不過返去之前去左搵miss胡
問佢聽日放學個math test我可唔可以lunch test左佢
因為放學要打社排.....VS藍社......
我唔敢講有我會嬴波
但係點都輸得冇咁難睇啦我覺得~~
都預左俾佢話...
不過問下都好既~ 當係為左綠社做返d野囉~~
之後佢就叫我叫社長個d去同佢講
唉… 都唔知會唔會搞到社長佢地俾人鬧~

其實我想搵miss鄭架…
佢話叫我今個week得閒就去搵佢 佢有野同我講Y嘛~
唔知係咪叫我努力讀書個d
總之我覺得佢一定係為我好架啦~~!
不過我費事暴暴同歡歡等我咁耐 所以冇搵佢就走左lu~~
之後一路覺得個心好唔豬服…
硬係覺得辜負左miss鄭一番心意咁…… 覺得自己好衰呀!!!

夜晚同許佩ICQ
佢叫我幫佢整佢同Fion歌唱比賽度唱個首歌 幫佢cut走把聲~~
跟住佢就叫埋我一齊唱喇~~
諗落都好喎!!~ 都最後1年… 玩埋佢啦~!!
橫掂之前都玩左2年
好 ! ! 應該幾好玩~~
今次首歌好似好難唱咁
係倉木麻衣同孫燕姿合唱既 " Tonight, I feel close to you "
首歌真係幾好聽~ 不過真係好難唱~
但係應該幾好玩, 幾得意!!~ 哈哈!~^0^

>>March 9, 2004 at 3:58:24 PM GMT+8