2004 年 3 月 26 日 星期五 【晴】

今日朝早玩自拍呀~
哈哈!~ 好無聊~~
跟住就揹埋個結他出去問呆康借相機線喇~
真係好耐冇揹過結他出街 都幾中意揹結他出街呀~! 哈哈~
不過好重..........(累")
跟住就同許佩約左係坑口站車頭等啦~
點知我一落去係車尾 又咁岩有班車
我地又遲左到 仲見到許佩企左係車頭~
真係勁想大大聲咁嗌 : " 許佩 ! 上車先呀! "
不過後尾都冇… 唔係就儀態盡失喇~ (乜我有過咩?)

冇估錯~ 我地係最遲到個個~~
係喎 ! 冇講添 ! 今日去蒲吧夾Band呀~~
佢地話係蜜柑最後1次喎… 咁我咪出黎囉~
許佩又話想睇 就同埋佢一齊出喇~
之前冇係日記提過夾band d野乜滯
其實係覺得自己咁cheap學咩人夾band Y~ 咁咪費事講囉~
不過而家又覺得冇咩所謂 都唔係唔俾得人知既~
但係咁唔代表我勁喎!!~~ 哈哈~
出到去冇房喎… 就係門口企左陣傾下傾咁啦~
跟住就入左蒲吧入面間房仔 我咪抆佢地記念冊同映相囉~!

跟住一入到Band房我就霸住左個鼓係度打啦~~
打返之前蜜柑教個d節奏 之後再學多左d打法啦~~
好勁呀!! 我打到呀~!! 唔望住自己真係唔信係自己打架~~~
跟住就同vocal同埋許佩係度玩 不過許佩都係去坐多囉~
得我同vocal兩個拎住2支冇插線既結他扮自己彈緊~ 低b !
夾左1個中之後有人book房 咁就出左去等啦~
出到去成班係度傾計 夾左咁多次Band今次講得最多野同最好玩架~!!
不過佢地成日串我..............一x一|| 衰人Y~~~ 哈哈! 不過好好玩~

嗲左成個中又入返去夾Band喇~~
入到去就死攬住套鼓唔放 !
又打多左d打法喇 仲跟到添喎~~ YeAh ! YeAh !
跟住夾左首Stay Away就夾真的愛你~
頭個次我真係彈得好核突… 之後彈又彈得幾好喎~~~
跟住一齊夾左次
阿大彈主音同chord 我彈和音同另1隻chord 真係好好聽~!! 哈哈!~
自己彈架嘛~~ 我仲轉返阿大轉頭添呀~!! 呵呵呵~~ 教返佢彈d和音~~
臨尾個次許佩仲錄低埋添~!!
好彩我都冇乜點彈錯姐................(汗")

夾夾下Band個陣無啦啦醒起
頭先拎左部數碼相機粒電池出黎係映相個間房仔度叉電 (驚等間唔夠電嘛~)
到而家都唔記得拎喎 ! !
死啦!~ 俾人拎左我冇錢賠返俾呆康架~!!
好彩過到去仲係度..........(一額汗!)
跟住就諗住拎返入Band房繼續叉啦~~ (好似好度縮咁)
咁我就抆左是但1個amp既插頭 插個叉電器落去~
一抆完阿大就望住我
我以為佢望下我做咩啦~~ 咁咪冇理行開左囉~
點知佢又擰過黎啤住我 我都知乃左野架喇~~
跟住問佢 : " 下.....? 我抆左你個amp呀?! " 佢就點頭~
原來我抆左佢支結他個amp 搞到支結他即刻冇晒聲呀~!!
但係我明明望過個插頭係我個amp架喎…
望真d~ 原來係我個amp壓住左佢條線~ 真係玩死!

跟住夾夾下Band 阿大話整親隻手 問我有冇膠布~
我諗左陣先醒起原來自己銀包入面有塊人地送既PC狗膠布~
平時擺係個銀包度睇 今日終於有用場喇~!
不過...今次用左唔知仲會唔會再收到佢送俾我既禮物呢? 算啦算啦~
咁我就遞左塊膠布俾阿大啦~
跟住佢問 : " 咦? XO呀? "
下........??! 唔係呀fa...~~.... PC狗黎架喎~ =.="
我勁無奈咁講完呢句之後就爆笑喇~!! 全場都爆笑~
點解會係XO呀??! PC狗白色 XO黑mi蚊架喎~~~

跟住我驚許佩會悶喎~ 咁就同左佢出出面傾計啦~
傾左好耐 笑左都好耐 ! 仲俾肥仔話我地講野好大聲添~!
跟住我地2個就拎左部相機出出面撻算係空地映相~
映完夾多陣Band就走人lu~~ 都8點半喇~
跟住等齊人一齊去返撻空地映相~
終於有返張團體相喇~~ 有埋肥仔同許佩!
跟住就到我, Vocal, 阿大, 鼻屎佬同蜜柑影全家福 (個名都幾#$%&*)
仲爭馬會佬就齊晒人架喇~!!
跟住係咁映… 都好開心!!
本身叫左許佩錄movie架~~~ 佢地成班白白痴痴咁係度郁~!!
點知我唔記得叫許佩禁制 佢又冇禁到… 錄唔到喇~!!!

映完一輪之後佢鼻屎佬同阿大就散開左 咁我梗係拉返佢地埋黎映啦~! 難得1次~~
tum左佢地都幾耐下 終於tum掂佢地行返過去再映過~~
點知老媽子打黎喎~!
鼻屎佬係度話我玩佢地 叫左佢去過黎自己又去傾電話~ 哈哈!~
跟住仲1個2個講埋晒d無聊野 嘈我同我阿媽收線添~!
不過佢地唔信個個係我阿媽囉...~~以為係我d朋友~
傻啦~ 真係我阿媽 !
跟住媽子都好識做咁收左線喇~
之後無啦啦想搵d野玩 咪叫佢地拎d煙出黎俾我地扮食煙咁映相囉~~
哈哈!! 好似幫d煙賣廣告咁~ 好搞笑~
<*~好齊人~*>

<*~爭馬會佬就齊人喇~*>

之後諗諗下… 又無啦啦想入男廁玩下喎~!
但係又有個職員企係附近 俾佢見住我入去好樣衰架喎~~
算啦 ! 咪理喇 ! 咁就衝左入去~~ (之後諗返如果衝到入去原來有人咁會點…?! @0@)
跟住許佩同vocal就一齊入埋黎啦~
阿大同鼻屎佬同蜜柑入到黎就幫我地映相~~
我地3個仲要對住個尿兜影~ 勁低能! 不過好刺激呀~! 哈哈~~
玩左陣我地就行返出去
咁岩有個職員係門口望住我地1個個咁行出黎~!!
我就講左句 : " 入錯左喎 ! 男女廁又會咁似既~~ "
哈哈~ 咁唔係都唔知講咩好~ 真係~
個職員就好無奈咁話 : " 嘩~咁都入錯呀?! " 哈哈!~ 好搞笑~
<*~好彩冇人~*>
<*~蜜柑偷影我銀包~*>

之後阿大同bass佬同肥仔就返大埔~
我就同許佩, vocal同埋蜜柑食飯啦~
去左食雲吞河 仲要4個都係!~ 哈哈~
今日一齊食飯個陣都幾多野講 多過以前同蜜柑同埋vocal好多!!
可能今日真係熟左啦~~ 又同佢地玩得幾開心!!
哈哈!~ 好happy呀~ 之後返同許佩一齊返屋企lu~~
跟住玩電腦玩到2點幾3點先訓 都係聽日先去溫書啦 !

>>June 20, 2005 at 5:50:34 PM GMT+8

2004 年 3 月 25 日 星期四 【雷雨】

今日10點倒就起左身喇~
跟住就一直玩電腦 係咁dl Speed, w-inds.同X-Japan既野~
都睇返好多Speed同X-Japan既live同PV~~
睇Speed個陣.... 真係勁想學晒d舞點跳! 真係好正~
跟住睇X-Japan又好想彈返結他!
好中意聽佢地d歌呀~~
今日睇佢地 '92 Tokyo Dome 個live睇到Taiji唱和音先知
原來Taiji唱歌都幾好聽架!!! ^o^

夜晚去左呆康樓下問佢借數碼相機
我以為去到先打俾佢叫佢落黎啦~
點知去緊個陣佢打黎… 原來已經等左我半個中!
等我仲係屋企度玩結他~
一出到去… 嘩… 凍到我痴線!
我先著得件薄切切既外套+件短袖 體溫驟降十幾度呀真係~!
點知踩左2野單車先知落.....雨?!!?
仲愈落愈大添~! 唔好玩啦~~
一路踩d風一路吹…呀吹…讓這風吹~真係頂你個肺!

出左去半個中倒 返到屋企都點幾lu~~
玩多陣ICQ啦~
點知有條友hi我問 : " 你有冇自慰架? "
我咪答佢 : " 你打我, 我會還手 "
跟住佢話 : " 咁如果我仆你呢? "
我 : " 打爆你個頭 ! "
哈哈!~ 我覺得d對話好搞笑呀~~~
跟住條友就冇再出聲lu~~~

>>March 28, 2004 at 2:22:21 PM GMT+8

2004 年 3 月 24 日 星期三 【雨】

大walk喇!!
尋晚許佩打黎叫醒我溫書 我同佢講話我唔溫喇~~
跟住就繼續訓... 訓到今朝?!
千幾課書我未溫喎~~ 跟住就死返sch考mock啦~
HIST我真係睇都冇睇過 淨係卦住咪COMM~
但係我睇左3課都未夠呀!! 有成16課咁叉多...
咁我就趁考完HIST即刻 "立" 下F5個幾課先啦~!!!
淨係望個title... F.4個d理鬼佢喇! 都冇時間...
咁就死左入hall test喇~~
不過份卷又好似test得ookk咁 可以俾我吹到野寫囉~~
test個陣我完全冇把握時間... 仲係度玩手指~
望下條題目, 望下d手指~ 寫左幾隻字, 再咬下手指... 勁無聊囉~
但係臨尾都俾有勁多時間淨! 早知我再寫慢d啦... 悶死我喇!
頭先考HIST個陣我又係有勁多時間訓覺!
唔通呢d就係低分既先兆...?!!?

放學同包包傾計 講返我地2,3年俾Fangle個d人昆去睇Band Show
但係原來係B埋BQ既~!
仲去左官塘唔知邊度睇...
搞到我冇返跆拳錯失左見到夢中情人既機會!
跟住又講返我地個陣勁o靚妹... 又白白痴痴咁~
竟然會有人約我地睇band show~
跟住我地叫埋周妍一齊講 就話咩一齊打電話俾粉仔同佢講生日快樂~
跟住包包話 : " 我而家都仲有佢電話喎~ " (但係我地都成1,2年冇聯絡過)
咁我就醒起... 個陣好似我地個個都唔肯俾自己個電話佢地
跟住就一齊爆左包包個no.俾佢地知 所以佢地就打俾包包喇...~~
哈哈! 諗諗下... 仲傳過小金金同包包...@#$%^&*... 哈哈哈!!~ XDXD 笑死我喇~~~
跟住我就同包包係新都周圍盪 搜尋d生日禮物俾人喇~~
3月真係多人生日!! 大堪呵喇~~~ 阿萍個份我都未送.....
跟住我地仲去左玩具反斗城反返轉佢!
拎住d "barbi" 系列既手袋仔行cat walk 勁低能~~
仲拎起個兜度既橡膠龜再掟返落去~
掟左一陣我就行開左...真係勁唔好意思...
因為我見到隔離個幾個阿姨同細路係咁望住我地囉....... 一0一||

夜晚同呆康傾開佢話出去溫書喎...
屋企有人打麻雀 所以去food court溫~ (food court!?) 真係好搞笑~~
咁佢溫完我就去左跟佢學玩魔術喇~~
正! 橫掂我聽日又唔駛返學~ 我要做魔術師~!!! @@
出到去見到呆康d魔術變得都幾勁!
有d我真係見唔到有咩破綻~~
咁睇下又學下咁... 雖然好多都學唔識...
梗係~! 要練架嘛~!!
不過我最中意睇到玩個d手指魔術
左手彈1隻手指過右手再插返落去左手個d咁既呢~~ 真係勁搞笑!
仲有個變長手指公既魔術同紙牌魔術!!
好勁呀! 佢識變走隻牌又變返出黎咁架~
總之就勁啦!! 我要學好佢~~~
玩玩下已經好夜喇.....
聽日佢仲要考mock架~~ 費事阻到人啦~!
好有風度bor~~~ 肯送我返尚德~
佢仲話而家好精神 返到屋企都訓唔著喎~~
係呀! 講漏左! 佢仲識用啤牌黎攻擊人~ 真係痛架!
因為我試過囉.... 驚驚.......
不過我好中意盒朱古力呀~!! 多謝晒~~
個盒真係好鬼死令~! 一定係貴野啦~~ 哈哈!
<*~真係好令~*>

好啦~! 咁等我苦練下d魔術啦~!
練完下次搵埋華華,劉欣佢地唱k個陣嚇死佢地!! 呵呵呵~~
有請著名魔術師陳+麗小姐~!!! @登登登登@

>>June 20, 2005 at 6:05:50 PM GMT+8

2004 年 3 月 23 日 星期二 【晴】

今日唔駛考試呀~!! ^0^
仲唔大覺訓咩!!
今日好開心~~ 又發左好得意既夢!!
夢入面我做左個男仔囉…
不過身手好好, 好好打 !
係d樓梯度同好多壞人打交 不過打嬴晒~
幾有成功感呀~!
之後唔知點遇到個男仔
佢話要同我比試下喎~~
咁就要清場… 以免殃及池魚~
可想而知有幾勁呀~!! 哈哈!
點知d睇熱鬧既人好唔願意咁離開左之後…
我同個男仔竟然唔打交!
我仲上左佢屋企玩添~!!~
仲問佢 : " 你飲咩呀~? 我幫你拎Y~~~ "
勁白痴呀~~~~~~~~~
不過個夢都發到我唔捨得起身~~~

跟住一起身…
嘩 ! 我部電腦呢!? 點解變左做電視櫃架???
原來老媽子將佢地換左位…
個感覺都幾新鮮~
之後就開始執臺同琴chair 真係亂到嘔茄~
紙巾又有.....工作紙又有......玩具又有.......
成pat野咁真係想死!
不過執完之後好有滿足感~~ 好勁呀!!

之後一直係度玩電腦… 睇電視… 睇電視… 玩電腦…
又係咩都冇溫過!
聽日考HIST既MC呀 唔識都仲可以撞既~
但係仲要考COMM........
平時都唔聽書架啦! 雖然聽左都冇乜用…
但係今晚點搞得掂?
我連佢呢2年教過d咩都唔記得啦~~~
2年有邊堂聽過佢講書......2隻手指數得晒~!
踩晒屎啦~~~
仲要考2個半中頭!!
我唔要2個幾中呆坐係hall呀~~~ >_______<

>>March 24, 2004 at 3:28:54 PM GMT+8

2004 年 3 月 22 日 星期一 【晴】

頂頂頂~~~ 今朝一起身...6點幾!!??
唔制呀 ! ! 訓著左… 咁我尋晚3點爬起身做咩呀>!?
唔理呀… 勁唔忿氣呀~ 唔起身喇 ! ! 啍!
跟住又訓… 訓到7點幾唔起身唔得啦~~
之後就飛單車返學校考PA~~
PA真係溫都冇溫過!! 幾驚要呆坐2個半中呀~!!
好彩......d題目唔識做都亂咁寫d野~
但係原來Section B個個都話易到爆個條第6題
就係我飛左冇做到個題!!! 點解~!!

Test完11點幾我地就去左百佳食飯~
拿拿林坐低就開始溫HIST…
p喇p喇 ! ! 原來真係好多課要溫!! 但係我又唔係好想溫喎…
食完飯就拎本書出黎睇
阿萍, 邱邱同wing wing就不斷係度討論書本上既野 我冇聲出啦~~
鬼叫佢地個個都溫得多過我!! 不過都溫唔晒~~哈哈!
跟住就極速 " 立 " 下d title啦~~
咪鬼理喇! 死就死啦~ 跟住點幾中就行返sch喇~~

之後做卷… 個4條資料題都唔知答得岩唔岩…
好似唔知自己答緊乜咁!
d條約呀...會議呀...同d point好多都係撞同老吹架囉~~
後面既論述題.....
4個題目我都好似識答d又唔識答d咁… 揀邊條都死呀!!
不過都答到野既~~ 高唔高分就唔知啦~
最搞笑就係wing wing
隔離考BIO個d人早過我地收卷
點知miss叫佢地pens down個陣wing wing都放低埋!!
仲同周妍講 : " 喂~你仲寫呀? "
跟住周妍冇答佢 (梗係啦!得wing wing咁白痴~哈哈)
之後佢再望下個board 我地仲有15mins做卷~
佢就自己係度講 : "P你個k Y ! "
好低b呀佢~~ 都話佢Q架啦~~

夜晚睇電視睇到人地玩魔術玩到超勁
又勾起我做魔術師既夢想喇 ! !
!跟住就叫呆康教我魔術啦~~
我一定要學好魔術 做個出色既魔術師~!!!
可以變好多好多野....跟住勁多人讚我~哈哈!
跟住睇到d野~ 真係幾開心架~!!!

>>March 23, 2004 at 5:46:27 PM GMT+8

2004 年 3 月 21 日 星期日 【晴】

今日test ENG呀~!!
成3份卷.... 要朝早test到4:00p.m真係想死~!!
作文就是但作左篇野 都應該ok既~
考埋卷II就成班人去左Pizza Hut食 順使幫阿萍慶祝埋生日~
d人就同上次幫阿廖慶祝生日個d咁上下啦~
不過今次我地張臺係最入
唔知係咪個職員認得我地上次坐係門口位嘈生晒
所以今次就調我地入最篤篤…
食完我地痴白痴囉…
冇人同我地渣機 我地自己擺係牆上面調時間制映相
仲放埋上人地d布簾度.............(汗")
好啦~ 之後個職員見到我地咁on居就走過黎幫我地渣機~
我地又無聊到映埋d低b相…
個個都唔望鏡頭做埋晒d核突表情+動作~
好似前人未俾人笑過咁…

由於等間要test Listening
所以我地飯後既娛興節目係........去地鐵站........一x一||
我地去睇下d地鐵站名 費事等間test出唔識串呀~! 真係爆無聊~
點知睇睇下我地唔知點解成班都好靜
突然有個菲律賓女人係度 : " 嘩hahaha!!~ " 笑到勁大聲
望過去佢係電話亭度同人傾緊電話咋喎…
但係我聽到個地鐵站有回音囉~~ 真係恐怖!
不過我地成班都係度爆笑呀~~

跟住佢地個個都話驚飯氣攻心 等間test會hup眼訓喎~
hey~~ 邊有咁易!~
點知行行下我真係有d眼訓…
今朝仲好精神架喎 ! ! 點解?!
唔通真係飯氣攻心??!
開左Listening份卷之後真係咩都聽唔到~
聽緊呢個答案... 係度諗 : " 點解咁耐都未講個答案架... "
點知望真d ! 已經講到之後個幾個答案>!? 唔好玩啦~~~
跟住聽完... 黎喇黎喇!! 攻心喇!!!
睇住份卷係度hup眼訓 仲訓著埋添!!
好彩識得醒........!! =0=v

做得出夠膽認 ! ! !
做完又唔敢企出黎真係好低莊~
唔好再咁cheap啦~~~

夜晚11點倒走左去訓 諗住2點起身溫書啦~~
真係咩書都冇溫過 ! !
2點呂廁打黎嗌醒我…
我叫佢2:45a.m再打過黎....我想訓多陣呀…
跟住佢之後打到黎 我醒到喎~~
跟住沖完涼 食完野
就訓係梳化度溫HIST啦~
點知睇左幾版又訓過............

>>March 23, 2004 at 5:09:34 PM GMT+8

2004 年 3 月 20 日 星期六 【晴】

今朝發左個夢好奇怪架…
夢見同xxxxx傾計~
望出窗口仲見到Z著住波衫係樓下行過
總之就好怪啦~!
不過都發到我唔捨得起身~~ 哈哈!~

之後醒左就玩電腦同睇電玩啦~~ 都係冇乜野做!!
又係想溫書 但係又唔想去溫~~
唔知呀… 跟住睇左好多卡通片…
好好睇添~!! 好中意睇呀~~
跟住就hae到夜晚都冇溫過書喇....

>>March 21, 2004 at 4:21:42 PM GMT+8

2004 年 3 月 19 日 星期五 【晴】

今朝都算早起身囉… 10點呀都~
本身仲諗住早d起身溫下書~
食蕉喇~~~ 唔玩電腦都睇電視~
唔知點解愈想溫書就愈想睇多陣電視 雖然冇乜野睇都仲要睇~!
連許佩叫我去自修室我都懶得去lu~~
我唔駛d賤人提我溫書
我係想溫既我自己會溫啦~~
所以呢~ 班所謂既老師唔好迫我溫書呀~
我好憎人威脅我!!
如果用conduct黎迫我讀書既
咁我老實講句 你中意降就降啦下 !
跟住睇下網… 做下無聊野… 咁就過左日喇~
聽日先溫啦~!
＊P.S.好少日記可以1段打晒~
　　 所以話....今日真係好無聊

>>March 21, 2004 at 3:45:37 AM GMT+8

2004 年 3 月 18 日 星期四 【晴】

呼～～～
今日勁無奈囉… 29樓部lift full左入唔到~
我仲要lung住個細既! (我部單車)
咁就拎埋部車落28樓搭啦~~ 實入到 !
點知下面有部lift壞左囉… 入到去d人勁迫迫~
我部單車牙左咁多位真係好唔好意思添~!
仲有個阿姨話佢個仔就黎遲到 所以夾硬入lift~
點知d人就嗌交喇… 唉… 真係好過意唔去!
點知部lift落到16樓無啦啦上返27樓喎~!! 乃野啦…
早左出門口架喇喎… 唔係咁都要我遲到呀~??
都係部lift入面留左十幾分鐘喇~!!
一出lift就飛單車~ GO!

飛車飛到去新都之後就跑返學校~
一返到去第1件事就係去廁所!!
好急呀… 而家唔去就要等2個中架喇~!
我驚我忍唔住...............(汗")
之後入到去8:23a.m已經俾人叫下次早d~ 好彩!
跟住就份卷..... Part A都算係咁啦~~
之後做到後面Part B 淨係識得1題長題目
仲要係唔知岩唔岩架添~! 唔方高分喇~~
MC都麻麻地~ 測得冇尋日咁好囉~
算~好唔好都唔到我理!~

之後撞到潘太喎~~
佢實在太好喇 主動黎搵我傾計~
仲問我而家有冇努力讀書 再卦住玩電腦就俾左部電腦佢喎~~
哈哈!!~ 好中意佢呀~!!
估唔到1個PE miss都會咁關心我~~
跟住等齊訓輔導組d老師(Miss Lai, Miss邵, 廢潘)同黃姑娘同校長就去左校長室度傾~
今日我冇乜發脾氣呀~ 但係我仍然對佢地有d不滿~
之前又係佢地自己話conduct拎C好多學校都唔會收
而家又話未必~ 簡直自打咀巴!
我淨係係度點頭咋~
唔通當住校長而前指住廢潘個頭問 : " 你有冇腦架~~~ " 咁呀?
跟住又話睇下我全年既表現再商量我既conduct~
我自問今年我絕對盡唔到1個勤奮上進既學生既本份囉…
又話睇下我d成績有冇進步~
講真, 如果因為成績唔好, 讀書唔掂而要降grade既話
咁我諗有大把人陪我~! 我都冇野好講啦~~
我真係好想問 佢地有冇睇電視呀~~
" 求學不是求分數 "
我覺得d老師都應該要學下~
許佩同我講話佢以前都俾d老師咁壓落去佢度
佢激氣得滯就鬧返個miss啦~
個miss就話要降佢conduct ! 有病~
d老師最叻就係咁架啦~~~
打我地咩? 而家又冇體罰囉~
鬧我地咩? 又唔夠人講… 就撻自己既權力出黎!!
如果我第時真係讀幼兒教育
出到黎我一定唔會做到好似佢地咁囉~!!!
都唔知咩叫以身作則 !

跟住就同媽咪去左韓燒食啦~~
但係其實我唔係好想食野… 啖氣頂住左 d野食唔落呀~!
但係都食晒d野咁滯… 好耐都未試過同媽咪係街食飯lu~~
食飯個陣我地都成日講笑 都好開心~~
但係一講到廢潘我就真係幾把火!係幾把~ 可以變臉變得好快囉~!!
成餐飯都係笑下又發下嬲咁~!
死廢潘… 食屎啦佢!! 好慶呀~!!

同埋我想講~
呢個日記係我既! 我中意寫咩咪寫咩囉!!
每個人都有佢獨特既見解
我鬧廢潘絕對唔係自己無啦啦作d野去佢度
佢唔做到咁又點會俾人話呀~~
香港有言論自由 我係唔中意就唔中意架啦~
唔通仲扮到同佢好fd咁喇喎?! 冇可能囉~
個日記我唔mind俾人睇~
亦覺得冇人會咁cheap睇完我日記周圍唱~
若然真係有呢d cheap友 咁我都阻止唔到~~~
我寫得出就會認 !
講得岩既我相信不少人會認同囉~

返到屋企...... 我有d覺得自己就黎痴線.......
總之一提起廢潘我就可以好嬲!!
我會好慶 ! 慶到咩都做得出!
我都講過啦~ 我唔好惹架
我唔會去蝦人, 亦都唔會俾人蝦到我~

>>March 20, 2004 at 9:40:54 AM GMT+8

2004 年 3 月 17 日 星期三 【晴】

今朝諗住6點起身架!!
但係我同老媽子都聽唔到鬧鍾響…
其實我4點幾起過身去廁所架~
不過費事咁早起身冇精神做卷所以訓返~
等到許佩打黎叫醒我之後就溫多左陣書又訓多左陣啦~~
之後就死左返學校考CHIN~~~
乃野啦~~ 26課書我先溫得個4課…

入到試場臨開考個陣
廢潘無啦啦問我尋晚幾點訓喎~
我咪答左佢12點幾囉 !
佢都唔知問黎做乜~! 又唔係關心我個d~
係就問 : " 尋晚溫書溫到幾點呀~ " 咁啦~!
佢仲要問到好似審犯咁 !
事必要答你架?! 低能~
佢都唔知係咪專登想撩起我把火呀~!
佢咁陰濕實知我勁唔妥佢啦~~~
係人都知佢不嬲都針對開我格! 針囉~
想迫我發脾4呀?
我真係驚有1日我會忍唔到囉~~~

不過今日考得好似不錯咁~~
起碼卷一同卷二都做得晒~~
作文我都覺得作得算係咁架喇… 都作左起碼1000字~ 好勁咁添!!
卷二我就真係冇乜點溫書 溫左個d都唔係好熟~
但係好多我有溫既佢都有出囉~~
算係咁架喇… 老吹囉~~
放學阿青無啦啦高住我 咁佢追我就梗係跑架喇~!!
2個傻婆大庭廣眾係新都門口又嗌又追
俾人話我好低b囉......~~
我認呀~~ 哈哈!!~

今日心情都好返好多架喇…
冇乜點諗d唔開心既野~ 已經豁左出去喇~~
但係下午廢潘打黎 唔知係度講乜!!
明明係講緊我conduct既問題
佢無啦啦話我阿媽有同黃姑娘提過d唔知咩關於缺點個d野~
都唔關事架啦~ 講左又點冇講又點?
我阿媽都話冇講過架啦~~ 咁佢想點姐!
我寧願要個C都唔駛佢施捨個B俾我 但係+個缺點囉~~~
如果結果係咁我寧願連會考都唔去! 最多咪唔讀囉~!!
我就係咁架喇~~ 我一定唔會去求佢!!
我conduct拎C都係因為佢架咋~ 係佢迫我架 !
試問堂堂1個傑出學生 又做過班長又做過Prefect
點會無啦啦conduct拎個C呀~~
佢係咪唔多唔少都要負d責任呢?
我覺得佢都好應該檢討下囉 !
我都知自己係有唔岩
但係我唔覺得1次咁既事咁要降我conduct或者記缺點囉...
佢太陰濕喇… 我真係唔知夠唔夠佢鬥 !
但係一提起佢我真係把幾火 !
我敢講佢係我見過咁多個最黑人憎既老師!!!!!!!!!!!!!!!

聽日廢潘一定要我去聽佢地開會
都唔知係咪想迫我發癲 !
媽咪都好擔心我會發脾氣亂講野…
講真~ 我真係唔知控唔控制到我自己 !
總之死廢潘唔好再迫我!!
我會做出d咩我自己都唔知
再迫我我真係會死俾你睇架!!!

係呀~~講漏左添呀~!
個日佢明明係同我講話會降我個conduct架~
佢今日又黎問返我佢同我講過d咩~ 係咪話有可能cnduct會降grade
我咪話唔係好記得囉....
跟住佢引導我問我佢係咪講過話有可能會影響我升中六既情況
我話 : " 你冇講過呢句喎 "
我好記得真係冇!!
之後佢又問多次 : " 咁我係咪有講過話有可能會降grade呀~? "
我話 : " 你話會 "
佢話 : " 係囉~ 我話可能會Y嘛~ " (我不知幾想講到明係冇 "可能" 呢2隻字! )
唔點知解我覺得佢而家好似係度御膊咁囉.....
所以我今日專登記實佢講過d咩架!!
費事轉個頭佢又唔認數呀~~~
但係我唔希望佢將d責任御落我或者我阿媽身上
如果唔係到時我真係死左
我覺得佢會後悔......

>>March 28, 2004 at 5:09:38 PM GMT+8