2004 年 3 月 31 日 星期三 【乍寒還暖】

今日借左呆康部相機返學校呀~~
返到去先開始發覺… 自己開始唔捨得走 唔捨得Last Day喇…
一返到去就狂搵人幫我簽返畢業相d名!!
我真係驚簽唔切+簽唔齊呀...~~ 特別3B張班相!! 真係好難齊!
而5B張班相 1日就簽齊晒喇~~ 好野~!!!
個個都簽得好令呀~~~

之後ECON堂 派左MC份卷之後已經冇人理佢~
有d問佢拎分 其他個d就周圍走係度影相~~
我就影左好多相喇!!~
今日順學號由2號開始映落去 (我係1號Y嘛~!)
費事等間唔記得同邊個映左冇同邊個映啦~~
玩完一大輪之後到小息都keep住去搵人映相 仲過埋隔離班添~!!
見fd個d就映~ 但係都好似見親個個都要影咁~!
可能個個我都想記住啦~~
跟住又有好多人叫我影相 真係好開心!!!

＊＊＊＊＊＊＊＊＊ Post一d出黎啦 ＊＊＊＊＊＊＊＊＊＊
<*~桂花攝位~*>
<*~寫緊記念冊架~*>
<*~衰人~高過我喇~*>
<*~懶Q?一定係啦!!~*>
<*~慒茶茶添~!我好似搭臺~*>
<*~愛死Rita呀!對我好鬼死好~*>
<*~阿魚係我隔離位呀~笑~~*>
<*~同佢5年同學喇~*>
<*~阿law同我都5年喇!!~佢真係好得意~*>
<*~勁痕兄!出晒名啦~keke~*>

<*~呢2條友好鬼無聊...的佢地出去!~*>
<*~望住Jess隻眼...電唔電得死你?!哈哈~*>

跟住上Math堂喇~
講完卷之後到Miss胡(胡寶燕)同我地講d肺腑之言~
不過唔係真係廢話… 佢想我地真係俾心機去讀好d書~
跟住就送朱古力俾我地
仲解釋左 "朱" 同 "古" 同 "力" 既含意添~!!
佢仲自製左d桔既圖片送俾我地 話大吉大利wo~ (其實個個係柑,佢搵唔到桔)
放心啦! 我一定唔會黎手掉左佢! 因為我真係覺得好有意義呀…
佢話佢記人名真係好差
話會落左F.1度嗌 " 陳+麗 " 喎......~ =o=" 點解會咁架…
之後我地就叫佢逐個嗌我地既名出黎拎朱古力~ 順便考下佢~!!
佢都應成左 ! 仲話 : " 今次係最後1次嗌你地喇… "
嘩… 有d感動添~!
之後佢就逐個嗌… 今次好多人名佢都記到呀!!
阿law個名佢嗌岩左 林少青同林雪文都講錯
黃詠欣同黃穎妍佢都冇撈亂到呀~!! 真係好勁~
但係嗌既過程佢都好緊張… 可能又感動啦... 一路諗一路喊... 個情景真係!
我都大大聲講左句 " +油呀~ 你得既~~ "
但係平時佢成日嗌既陳倩萍佢竟然無啦啦唔記得左!!
我地成班都係度提水俾佢啦~~
我又話 : " 你平時成日嗌架~~ 你諗下, xxx出黎做數~! " 咁架呢~~
跟住佢話就係成日嗌先唔記得喎… 真係好可愛~!!
佢諗左好耐終於諗到喇!~ 成班拍晒手掌!!! 氣氛好感人呀…
後尾臺面仲有幾舊朱古力淨低
ms胡仲以為有人唔想拎佢d朱古力呀~~
我地就全班拎住自己並朱古力舉起晒40隻手! 真係冇人冇拎到架~~~
個場面好震撼… 都好感動呀~~
不過我冇喊到… 咁係好定唔好呢?

之後佢講多輪野就放lunch喇~
一落堂d人行出位我先見到原來大半班女仔都喊左出黎 個個都眼紅紅鼻紅紅咁~
原來佢地係miss嗌名派朱古力個陣已經開始喊架喇… 我都唔知添~!
可想而知個陣我幾專心… 哈哈!~
不過如果我一早見到佢地喊我都可能喊卦…
可能啦~ 都有少少想喊既~ 不過都係冇喊到!!
搞到我好似冷血咁~~
傻啦~ 我好唔捨得架!

之後同林怡, 阿萍, wing wing, 周妍, 何+, 阿雪, 歡歡, 佩儀, 邱邱, 桂花, 子琪一齊去食韓燒~
我地又係度大大聲講野 仲同個waiter係度玩~~
搞到個waiter想笑又唔好意思笑咁… 好得意~~
佢仲肯講野同我地玩添呀~!! 哈哈~~
食完諗住返學校 點知落雨wo!!
咁就成班一齊跑返去啦… 都冇咩人帶傘~
好搞笑......大家一路跑一路笑~
跑跑下唔知係咪周妍踩左落d水tum度 d水飛晒上我隻腳度!!~
我地即刻係度尖叫~ 但係仲一路跑緊架wo~~
真係好好玩~~

之後返返去上ENG堂
派返d卷返黎卷I同卷III都肥左 預左架啦~~
但係卷II就好高分wo~~~
跟住成班又好誇張咁走黎走去映相~~
同漁民擺個d白痴甫士真係笑死我!!!
可能都就走喇 大家都大膽左~~ 冇乜點理mr. Mok~ 哈哈!
影影影… 影到放學miss潘補課都冇理~
差唔多搞到4:15先開始補~~
平時呢個時間d補課都差唔多放喇… 今日佢竟然肯俾我地玩左咁耐~~
所以我都好專重佢 冇埋怨過佢話要補課既決定~
<*~白痴余德龑 + 成熟陳+麗~~*>
<*~畫到好有幼稚園feel添!~*>
＊＊＊＊＊＊＊＊＊ 隔離班 ／ Ｆ.６ ＊＊＊＊＊＊＊＊＊＊
<*~我愛暴暴~暴暴愛我~阿細樓上31樓有隻暴暴~哈哈~*>



補完課係新都撞到暴暴, 柯G同溫+
咁就同佢地去左影貼紙喇~~
原本佢地約我今日放學去映架~~ 但係我又要補PA....
仲諗住叫佢地自己去映先添~! 估唔到咁都撞到~~
搞左好耐先返屋企 夜晚又再出過去~
今日凱珊生日呀~!!
我地New Girls就梗係同佢慶祝下啦~!!
咁就去左洞蜜園join佢地喇~~~

去到食左d糖水傾左陣計 又係度笑笑笑~~
今日有凱珊, 阿廖, 邱邱, 歡歡, 阿ming, 花花, 阿萍, 阿梁同我~ 齊人喇!!
食完就去左東港城傾計啦~
阿梁同花花走先 得返7個8妹係度~~
幾經辛苦先搵到個地方打等 傾傾下俾個管理員話我地太嘈喎~~
佢話有人驚我地驚我地搞個d展覽品~
不過一睇就知我地係乖乖女 所以淨係叫我地細聲少少~~
哈哈哈!!~ 我地梗係乖啦~~
我地講左一輪野之後都好夜喇 聽日仲係last day添~!!
咁走之後我地就自己係度映相啦~~~
好不容易先俾我同歡歡set好d相機
跟住教時間制 1 ! 2 ! 3 ! 跑返去~~ 映相!!~
勁搞笑呀~~ 哈哈!!
我地仲要勁齊咁扇低擺甫士~~ 邱邱話勁似twins呀~!! 哈哈~!
<*~最衰梁梁同花花走左啦...~*>
<*~唔係又扮聖誕樹呀fa~*>
<*~哈哈!!~好似做緊show咁~*>

跟住映映映.... 映左一輪就係度要返屋企喇~~
大把核心功課等住我做…
咪就係d記念冊囉~!!!!!!!!
死啦....~~ 幾十張呀!~ 點寫呀~~
等我仲諗住今晚KO晒佢地添~!!
返到屋企都點幾鐘喇~!
又要整返頭先d相入電腦啦~費事聽日唔夠memory映相!!
聽日一定映爆晒架!!!
整完都2點幾 我就拎條夏季裙出黎熨啦~~
話晒5年黎都冇真真正正自己熨過1次 !
次次都係歡歡幫我熨既~~
最後1日喇… 我真係好重視呢1日!
所以我就熨呀熨~ 熨到4點幾喇……
呵～欠～ d記念冊郁都未郁過 ! !
唔理喇~ 打死我都要訓呀~!!
唔係聽日個黑眼圈以倍數變黑我咪死!!? 唔得架~~~

>>June 20, 2005 at 5:43:39 PM GMT+8

2004 年 3 月 30 日 星期二 【晴】

今日派卷喇~~
科科d分都俾預期高好多wo~~~ 好開心添~!
首先派PA 大半班都抄左~~
我就梗係抄埋一碟添啦~! 書都冇溫過…
不過都唔係最低分個批… 好彩~~ 哈哈!
廢潘又成日話我地班太多人肥佬!
我心諗 : 梗係啦~ 人地AC班邊個教呀~ D班個冇野好講啦我地~ 個個做數做到痴晒線~

跟住派Maths
MC竟然可以咁高分!? 好勁呀~!
但係卷卷一就死左~ 都預左唔高分!~
連d式都冇背過 學咩人考maths Y~~
派返黎個陣真係死左~
冇肥佬已經好好啦 但係都俾miss胡話左幾句~
跟住小息佢就捉住左wing wing講野啦~
你方唔係佢話wing wing考得唔好咩…
點知我去完廁所返入班房俾佢望到!!
佢即刻嗌 : " 陳+麗~ "
大煲啦… 就係咁我就頂左wing wing個位喇~~
跟住Ms胡寶寶話我唔應該咁既分數 至起碼都有個C喎~
問我肯發力未 (當然未啦…)
跟住就問我返到屋企應該做咩呀~~
我梗係好叻女咁話做past paper啦~~
跟住佢問我做幾多年呀~~ 我俾左幾多年你地做呀~~
大佬…我鬼知咩…我都冇做過~!
跟住佢就醒左我4個大字 : " 好自為之! 時日無多! " (佢係話4個字架咋…)

跟住派HIST
MC都算係高分啦我覺得~ 係份long Q我答錯野
不過+晒d分都pass呀~!! 死好彩~~~
之後派TT份卷一 即係尋日考個科~~
掂呀掂呀!! 我40分有廿幾分喎~~
d分都中上呀! 同溫左書個d人咁上下~
佢地實有溫書格! 咁得啦~~ 我賺左好多架喇~!!
咁都要諗下自己有冇努力過架嘛~~~

我地班本身諗住4月2 last day BBQ架
但係而家睇個勢實落雨啦~~ 而家話改打邊lo囉~!
但係雨天操場俾人book左…
廢潘話佢爭取到詢問處個頭既地方俾我地打邊lo喎~~
哈哈哈! 即係教職員廁所出面個度~
話d老師經過雨天操場實經過我地個度
到時可以截左隔離班糊先喎~~
真係搞笑~!! 好似好得意咁…
冇諗過可以係個個位打邊lo~!
今次個last day應該會好特別既~~
同埋我都想廢潘黎一齊打邊lo~
雖然我唔係好中意佢 但係話晒佢都做左2年班主任啦…
個last day好好睇睇咁一齊玩都幾好既~~~

Hey!!~ 今日狂寫記念冊d解釋派俾人
簡直好似罰抄咁… 囉苦黎辛!!
數數埋埋我仲有幾十張記念冊未寫呀~~~ 好堪呵~~~
救～命～呀～～～～
冇喇冇喇~~ 仲有2日我既中五生涯就冇喇~~~
聽日一定要帶相機映相映相~!!
仲要帶返F.5同F.3既班相同埋排球隊d相返去俾人簽名呀~!!!
今日都已經同人映左好多喇~ 哈哈!
好後悔做Dance Club主席個2年冇映低d Club相…
好想同Miss鄭映相呀~!!
佢係我咁多年最愛既老師!!! 我愛你~~~

>>April 1, 2004 at 5:17:26 PM GMT+8

2004 年 3 月 29 日 星期一 【溫暖】

踩晒屎啦~~
又係一貫既作風 --------- 一訓訓到第2朝~!
算~~ 我豪晒佢!!~
今日好勀呀… 所以搭車返學~
車上面睇左少少囉 個5分鐘車程我都貪~
跟住返到學校都冇乜時間睇喇… 梁太就黎左監考~
算喇 ! 唔溫喇~!!
都test得ok既~~ 好多野都係吹水咁吹落去囉~!
有d記得少少又冇咩印象都係咁作野~
但求份卷唔好白雪雪已經得架喇~!!!

好搞笑呀~~ 梁太一入我地班房就幫我地執乾淨張老師臺
又係度搞我卦係screen度個個bb仔 (公仔黎姐) ~
仲放埋落老師臺櫃桶個粉筆盒入面!
哈哈!~ 好Q呀佢~~
我都忍唔住講左句 : " 佢唔會提水架woo~~ " 咁~ 真係好好笑~~
之後做做下卷無啦啦聞到陣消毒藥水味~ 勁攻鼻呀!!
原來佢係度抹臺.............=.="
其實梁太係咪兼職校工黎架.....!

Hey~~~ 份卷II又係度吹喇~~~
d長題目都唔知答乜好 咁求其作d野落去啦~~~
幾經辛苦終於考完喇~!!
好野~~ 個mock完結喇~~
真係全班一齊拍手囉~~ 都未試過咁架!
所以話~ 我地真係勁高興~
跟住就返屋企on9慶祝!!~ YeAh YeAh!~
真係好奇怪.....
以前一考完一定去wet架嘛!!
而家竟然咁乖留係屋企?!
不過玩電腦玩到天昏地暗囉…
仲同人chat到成點鍾呀~~ 慘~~~

>>April 1, 2004 at 4:56:55 PM GMT+8

2004 年 3 月 28 日 星期日 【晴】

今日真係咩都冇溫過就殺上戰場喇~
係開考前2分鐘立下本書囉~
跟住就拎d文具出黎啦… 要收埋個筆袋~
唔知點解硬係覺得少左d野咁
但係筆袋入面要用既野都拎左出黎架喇喎應該~~
點知一望wing wing張臺.......大煲!!!
見到支鉛芯筆!! 係喇!! 係少左佢喇~!
但係筆袋真係冇喎…
諗諗下一定係係許佩度唔記得拎返~
o也晒蕉啦~ 考ECON唔帶鉛筆… 畫咩圖呀~
派卷添喇wo~~~ 死喇死喇…
好彩wing wing妙手一揮 飛左支鉛芯筆俾我!!
多謝你呀… 感動T^T
卷I我都死唔晒喎~ 仲可以老吹… 都吹得幾開心~
有d答案又有d印象 都測得ok既~
臨尾個題我識做架!! 點知唔夠時間畫圖同explaination
早知頭先唔吹咁多啦~

跟住要等成個幾中先考M.C 真係等死我!!
side晒我d時間~ 啍啍~~
咁卷II就係Miss Ma黎監堂啦~
真係冤家路窄… 佢黎監返自己個科~
點知佢話我地班房個中 (今日係班房考) 慢過佢隻錶
跟住反轉埋我地個中唔俾我地睇時間~
係咪有病呀佢.....照計返d時間咪得囉~
阿萍咁同佢講佢又唔理喎!
跟住我咪同佢講話投票囉~ wing wing都話好~
隻Ms Ma又扮聽唔到…
跟住Tyrone個d話叫佢教慢自己隻錶喎~~
哈哈!~ 全班就係度笑~~
隻Ms Ma又話no laughting anymore~ 真係笑鬼死!
點知份MC我一路玩頭髮一路做都仲係有時間淨… 真係悶死呀~

跟住就卦住玩電腦…
玩玩玩.......玩到12點倒呀都~~
聽日考TT我睇都未睇過!! 仲有成幾百頁添架~~
仲要+多疊百幾頁既附加資料喎!! 囉命咩～～～
搞搞下1點先開始拎本TT書黎睇下
睇左2版就勁眼訓 教左鬧鐘2:30a.m起身溫過喇~~
點知......................................(待續)

>>March 31, 2004 at 4:28:25 PM GMT+8

2004 年 3 月 27 日 星期六 【陰】

今日許佩約左我去南豐溫書呀~~
我又遲到喇… 因為卦住同許佩傾ICQ囉!~ 哈~
不過佢同阿爺一早上左會所度霸位 但係都係冇位喎~~
跟住阿爺去左買叉燒
我地就冇溫書… 坐左係花園旁邊d長椅度傾緊喇~~
係度傾今日發左個我怪夢…
個夢真係好白痴架~!!~ 我唔敢係呢度講~~~
之後我又講返有次發夢夢見同歡歡係浴室度玩
跟住玩玩下整污遭左佢屋企道牆 我就係度狂笑~~
笑下笑下就 " hahaha " 咁笑醒左~~
真係好好笑呀~! 竟然夢入面笑到現實世界~~
冇耐阿爺打俾許佩~
話唔清楚我地既位置 但係都聽到我地d笑聲喎…
乜真係咁得人驚咩???
跟住我地買左d零食就去左許佩屋企溫書喇~~

上到去許佩開左電視 咁我地就一路食一路睇…
睇完靈感SUPER GIRL就睇間碟少女組 都仲係唔想溫書~
大佬.....聽日ECON呀~~
中5都冇聽過書 今日點煲都煲唔掂啦~~
明知溫唔晒就搞到我勁唔想溫喇! 許佩聽日又唔駛考~~
咁岩我地2個都勁勁眼訓喎
一路睇電視個陣已經死左一半架喇~
之後見冇野做又唔想自己訓喎 咪襯許佩hup緊眼訓個陣嚇佢囉~!
哈哈!!~ 嚇到佢即刻彈左起身!!~ 好搞笑~~
冇耐我就係梳佬度訓著左 許佩就入左房訓~
過左陣許佩叫醒我 原來已經訓左2個中!?
咦~~? 我岩岩合埋眼咋喎~~~
之後又賴死唔起身 同佢講訓多陣先啦~
冇耐聽到許佩大嗌 : " 夠鐘返學喇~!!! "
下下下!??~咩話!? 我咩書都未溫過喎!!!
嚇到我個心都離埋! 超~~~ 原來假既…
跟住我地就落街食OK 我幾次都嚇到許佩彈一彈呀~!
哈哈哈!~ 好成功添!!
食完上返去就周圍打電話tip題啦~~
咁真係溫唔溫Y嘛… 唔tip點死 !

跟住約左呆康俾返部相機佢
許佩陪完我去之後就返左屋企啦~~
咁岩呆康今日去左圖書館借魔術書 又學左d新招 !
咁又跟下佢學野啦~~
今日又學多3個啤牌魔術呀~~ 不過我成日撈亂左個幾個魔術囉~~
呆康真係幾勁!! 好好玩呀~!! 哈哈哈~
玩到唔捨得走添呀~!
但係點都要返屋企架~~~ 之後就踩單車返屋企喇~~

返到屋企見阿雪on9就即刻hi佢!
問下佢有冇溫ECON Y嘛~~
如果佢都冇溫我會安樂好多~
點知阿雪話佢都溫左1A呀~!!
咁我咩都冇溫咪好似好衰女咁囉?
之後就同阿雪+Fion+黑豬講好 一齊夾埋唔溫ECON喇~~
哈哈哈!! 仲諗住今晚要棟起床板溫書添~!
慳返～～～～～

>>March 31, 2004 at 4:32:36 PM GMT+8