2004 年 4 月 11 日 星期日 【晴】

今日好似冇地方俾我地溫書呀~~
小童好似開到5點咋…
咁我今日又係點幾先聽到電話響啦~!!
起得身黎食埋野都2點幾lu..... 都係唔去喇~~
唉... 我d藉口真係... 我都知係藉口黎架喇~~
真係麻煩晒許佩日日打黎叫醒我~~
如果可以既話...........我願意以身相許~!!

之後又癲狂地對住部電腦啦~~
得閒又睇下電視咁~~ 跟住又夜訓lu~~
唉… 唔去溫書既後果 就係頹廢喇~~~
睇d日記咁短就知啦...
我幾時先起到身架～～~~～～~

>>April 15, 2004 at 1:40:27 AM GMT+8

2004 年 4 月 10 日 星期六 【晴】

今朝許佩話10點幾打電話叫我起身去自修室溫書架…
點知佢打到1點幾我先聽到電話響!!
唔夠訓卦… 火祝我都唔知架啦~~
既然咁遲先起身 唔去自修室lu~~~
之後玩電腦無無聊聊又過左日~ 又一d書都冇溫喎!!
唔得呀唔得呀!! 一定要努力呀~!!!
但係都要趕返起d日記先~~
今日都打左好耐呀~!!!
不過今日日記好快寫完~~ 呵呵~
又4點先訓lu!!~

>>April 15, 2004 at 1:30:59 AM GMT+8

2004 年 4 月 9 日 星期五 【雷雨】

好難先捱到今朝 許佩就陪我去石峽尾跳舞喇~~
行去地鐵站個陣真係辛苦到我…
好似行屍走肉咁! 都唔知打左幾多千個呵欠喇…
去到我地同阿兒一齊行上去個室內運動場
阿兒未行過個條奪命斜架~~ 咁我地就昆佢係1條冇咁斜既斜路啦~~
點知之後佢一見到條真正的奪命斜 真係唔知笑好定喊好喇~~
我諗佢真係想調頭走架喇~~ 哈哈!
之後跳左陣Love like candy floss啦 又學多左野喇~~
同埋夾左次好耐都冇跳過既Do it! Now~
嘩… 真係亂到乜咁~~ 哈哈!
之後就同許佩返左將軍澳食飛碟喇~~

本身我地諗住去睇 " 20‧30‧40 " 架~~
點知原來已經落左…
冇計啦~~ 咁就睇 "天作天盒" 啦~
但係得今晚9:30p.m先有場… 咁就上左許佩屋企睇碟喇~~
哈哈!~ 好爆笑~ 個卡通d公仔勁低b
仲搵到個角色勁似我架添~!
但係睇睇下我隻眼已經馬唔大lu…
咁我坐係許佩張床度睇架嘛~ 睇睇下訓埋落去 咁就訓著左喇~~
一訓就訓左4個中 鬼叫我咁唔生性走去通頂咩~~
8點倒就俾許佩抄醒左啦~ 咁就落街買野食~
之後等埋阿廖就入場喇~~

我今次都係第1次入5院咋~~
原來細成咁既… 好似得幾行咁~ 哈哈!!
之後就睇啦 套戲真係幾好笑架我覺得~
特別係個男主角用把爛左既傘遮蔡少芬 但係自己個背脊就濕晒~~
唔知點解有d位好似全場淨係得我同許佩笑咁既 搞到我都唔敢笑得咁大聲…
但係睇到後面講佢老公向佢求婚個度真係勁感人!! 我都有喊囉…
仲有佢老公死個度… 都喊得好勁~!
我都拎定d紙巾出黎俾佢地
見到佢地2個係我2邊都係度索鼻 又勁用紙巾抹 都唔知笑唔笑出黎好~~
不過睇完套戲真係覺得好感動…
因為之前返過佈道會都睇過段謝婉雯醫生既屋企人講返佢點調去前線工作
染病之後點努力安慰家人個d野~
++埋埋就會覺得好大感觸 真係好想自己做到個好虔誠既基督徒呀~!!
不過對唔住… 我仲未做到!
咁講真我都有喊架嘛 仲諗住佢會係後門俾人出去~
點知佢要我地係前門出呀!! >_<
咦… 咁光! 個個都喊到隻眼紅晒架嘛~ 都唔體諒下d觀眾既~!
唔知點解睇完個心真係有少少up住up住架囉~
我之前唔想睇呢套戲就係因為咁喇... 睇完點都有d唔開心既~
之後返到屋企又4點幾先訓喇… 真係!

>>April 15, 2004 at 1:22:42 AM GMT+8

2004 年 4 月 8 日 星期四 【晴】

今日許佩同阿廖同埋邱邱都染頭呀~~
咁我等佢地染完之後就過去睇下佢地個新look啦~
順便俾佢地睇埋我個新頭 (新染既頭)
點知行去個陣係厚德撞到Ken同埋阿so踩單車喎~!!
又會真係咁橋咁都撞到既!!!
我今個禮拜第3次撞到阿Ken喇… 真係奇蹟!
之後去到OK見到佢地3個
要勁留意同埋係燈光下先見到佢地high light囉~~~
不過都ok啦 佢地仲要返學補課嘛~~
我同邱邱都唔駛～～～ 呵~呵~呵~~
之後邱邱同阿廖返屋企 我就同許佩周圍行喇~~

行行下諗起今晚陀槍大結局喎!! 不如一齊睇啦~~
經過一番思索之後決定左去寶島喇~~ 可以一路食飯一路睇~~~
不過… 要返左屋企拎錢錢先~~
就咁走左阿媽餐飯喇… 好衰女呀!! >_<
不過都俾佢質左食d野~~ 咁就出發去寶島喇~~
但係餐飯要食成個中都幾有難度架喎~~
不過我地始終都冒住俾人趕走既風險 好厚面皮咁行左入去~~ 哈哈!

我地一入到去就望住部電視黎揀位
點知個老闆娘問我地係咪睇電視呀~
仲話今晚大結局佢都想睇 不過要做野冇得睇咋~~
哈哈!~ 俾人識穿左添~!!
勁樣衰囉… 唯有認啦~~~
點知佢仲叫個伙計讓左令位俾我地睇電視呀~!
嘩… 真係好人到爆! 明知我地黎呃電視睇架嘛~~
佢好人到問我地聽唔聽到d聲 仲開大埋d聲俾我地聽添呀~!! 愛死佢!
之後同老板娘笑笑笑~ 笑左陣就開波喇~!!
跟住一路睇一路食 真係好驚碟飯捱唔到成個鐘呀...
我地一到廣告就係咁講係咁講 得閒就爬兩啖飯咁~
睇到大半個陣d飯已經凍晒喇… 仲硬硬地添~! 真係啤一聲~~
臨尾陳小生帶個副黑超.....
我真係覺得佢勁似隻烏英呀~! 哈哈哈!!~ 笑左我成個字~
但係個結局真係令我啤多聲囉! 啤～
" 我地一齊去發掘奇蹟啦~! " 咁樣就完左
真係想打人呀我~~~~~~ 咁即係程峰死唔死架~~~~~~~~
跟住我都聽到d阿叔係度笑住話 : " 奇蹟喎~ " 咁~ 哈哈!!~
睇完擰轉面見到成間鋪d人都望住部電視 真係超好笑呀!!

睇完之後我地2個都即刻閃人啦~~ 唔通仲留係度獻世咩~
咁我地又去左打左陣千秋 又周圍行下傾下計咁~
之後行到圖書館個頭見到1男1女喎~~
望真d.......咦?? 原來係大珊喎~!!
咁佢對住個個一定係邱仔啦~~
咁我咪同大珊say halo囉~!
點知大珊冇咩表情咁另左過黎halo......
咦..............??! 佢地好似講緊數喎…
唔對路喇~!! 即刻講bye bye啦我~~
之後就走走走走走...........!!
許佩話我頭先勁樣衰呀!! 人地嗌緊交我仲走去halo人~!
咩喎~~ 我點知喎~~ 咁唔通見到都扮唔識咩~!! >_<
呀～～～ 但係… 點解我會咁做架…
下次見到熟人我幾大都睇定d先呀~!!
不過今日同許佩真係傾左勁多野~ d話題又真係好似講極都講唔完咁~!
8婆Y嘛~ 係多野講d架喇!~ 哈~
之後傾傾傾 傾到12點幾倒就返屋企喇~~~
諗住聽朝跳舞早d返去早d訓Y嘛~

今日識到個人 佢話佢不嬲都有睇開我個日記架喎~~
之後睇返佢d hist 原來1月個陣都已經同過佢chat~
佢話我個樣好似佢個朋友喎… 係女朋友~ ( 下....!? 似我既都會有男朋友!? )
仲話有咩關於金融個d野都可以問佢 佢可以教我喎~~
因為佢而家係墨爾本讀緊呢科Y嘛~
嘩… 我覺得呢排好似多左d唔識既人同我有關係咁~
算啦算啦~! 真係好想睇下佢女朋友咩樣~
夜晚同ken傾ICQ又傾左勁耐! 傾到通左頂添呀~!
玩到6, 7點個陣我開始有d眼訓喇…
但係我11點要出到去跳舞!
訓左唔駛起身架喇wo~~ 咁捱埋佢啦~

>>April 15, 2004 at 12:31:05 AM GMT+8

2004 年 4 月 7 日 星期三 【晴】

今朝我地勁白痴呀~~ 竟然一大班人去左飲早茶!!
點知我遲左成個中呀… hehe....
唔好意思~~ 起唔到身呀~~
等埋阿青之後就一齊去左 " 客家棧, 好! " 搵佢地啦~~ (其實個度係叫 " 客家好棧 " )
好彩佢地都係入左去唔係好耐姐~~ 因為都有好多人遲到~~ 哈哈!!
今日一行15人呀~~ 正! 有間房~~
一入去見到萍萍個頭染左~
嘩嘩嘩~~ 金到Y!!
個個都話想同佢講英文喎~~~ 哈哈!~
不過佢識應你先得架~~~
不過真係勁多人染左頭呀~!!
林怡啦… 邱邱啦… wing wing啦… 我同青青啦~
唔知點解望埋去冇染頭同有染頭d就覺得冇染頭個d好似好娘咁添~~
哈哈!~ 講下笑~~
好彩個陣講完呢句冇俾人打姐~! 哈哈~
跟住我地就狂嗌狂嗌嗌左好多野食啦~~ 正!! 勁飽~
我地真係爆嘈呀~! 都幾驚俾人踢我地走~~
林怡出左去一陣話聽唔到我地d噪音喎… 哈哈!~
原來間房d隔音設備好好~ 所以繼續嘈!!~
呢個時候實好多人好勤力咁溫緊書啦~~
但係我地係呢個時候竟然計劃緊CE之後個camp去邊玩好!
真係唔得我地死喇~~ 哈哈!
之後Down Down話要走先
點知成班都係咁捉住佢係度講話佢去偷情喎~~ 哈哈! 笑死~
<*~我們的食物哦~這只是冰山一角~*>
<*~萍萍的金頭 + 細細的紫紅頭~ 好惡哦...~*>

之後食完野就去左睇染髮個d野啦~~
好!! 我決定左染多次喇~!! 買左隻紫色~~
咁等埋周妍就同埋阿青同佩儀一齊上左周妍屋企整頭喇~~~
今日到青青幫我染 仲染左2次添~!
d色就現過之前啦~~ 都幾好!!
不過d髮質… 好似真係差左咁呀~!!
好好~~ 我豁出去~~
見支野仲有淨就幫阿青染埋啦~~ 哈哈!~ 好搞笑~
之後染埋周妍個頭支野仲好似 "枝" 極都 "枝" 唔完咁… 真係想死!!~
仲幫佩儀染左dd頭髮添~!
之後都搞到6點幾7點先走呀~~
打搞晒阿姨喇~ 哈哈!~
不過真係好耐冇見佢 仍然仲係咁好人! 哈哈~

之後返到屋企 見個支染髮劑仲用淨喎~~
咁就問埋媽咪染唔染下啦~
佢今日終於話睇到我個頭有色喇!!~ YeAh YeAh!
之後仲叫我幫佢染添~!!!
咁佢個頭又勁上色呢~~ 上色過我囉…
可能多我d白頭髮卦~ 連漂都慳返!
染完出黎都幾紫下~ 又紅紅地色咁啦~~~
哈哈!~ 真係好YeAh~~
佢仲話驚d色勁得滯 聽日返工會俾人炒添呀~!
哈哈~~ 唔關我事架~~ 你叫染架咋~~

>>June 20, 2005 at 5:02:42 PM GMT+8