|
2004 年 4 月 25 日 星期日 【晴】
＊這是歡歡的獨白.... 感激她的關心
我好想某人會睇到! 希望你明白....＊
↓↓↓↓↓↓↓↓↓↓↓↓↓↓↓↓↓
**睇完文豬豬既日記
佢話真心相愛而又唔可以一齊既人最慘喎…
係咩? 我唔覺得喎~~
唔可以一齊姐~~ 但大家都知大家中意大家嘛~~
既然知道自己中意既人中意自己，咁又有咩咁慘呢？
如果有個你唔中意既人對你展開連綿不絕既攻勢...... 咁咪仲慘~!!
好在呢個情況冇發生過o係我身上…
但見到自己d fd.... 比男仔追到喊..... 我冇野好講囉。
所以話… 你追唔到人痛苦咩? 比你追果個咪仲痛苦~!!
起碼個女仔會受盡良心責備... 覺得對你唔住囉…
如果你真係想個女仔開心既，不如你放棄啦…
應該放手既時候就應該放手......
o係你呢個情況而言
是愛不示愛，示愛不是愛呀…
但係明知個女仔唔中意你，你又明知自己唔可以陪到個女仔
你都仲3番次咁問：「你可唔可以做我女朋友?」
咁其實你都唔係好中意個女仔姐~!!
做人唔可以咁自私家嘛........
個女仔都明確地咁拒絕左你啦… 你仲想點?
你係咪想佢日日咁為左避開你煩惱??
定抑話你想比人鬧你先安落?
煩既唔止會係佢一個..... 佢d fd都會煩架…
睇你個樣… 我覺得你想佢孤苦寂寞咁等你返黎。
但呢d係你單方面既想法，你單方面既愛慕，
個女仔中意食蘋果，
果種口感係其他生果比唔到佢架....................**
在人生的舞台上 , 每人都在演不同的角色 .
每天的生活就如一齣戲 , 而戲裏面的內容如何
則看你自己怎編劇了 , 皆因你是這齣戲的命脈 .
你便是主宰這齣戲的根源 ...
儘管戲裏面有很多情節 , 每每不如觀眾所想
但你所能做到最大的發揮 , 就是在這舞台上寫下最光輝的一頁
＊P.S. By 文人ken
>>April 27, 2004 at 3:55:09 PM GMT+8
2004 年 4 月 24 日 星期六 【晴】
尋日咁辛苦, 今朝一訓就訓到下午喇~~
起左身之後同許佩同埋歡歡傾ICQ 同佢地講左d野~
我真係頂唔順喇!!
我唔中意俾人管 亦都唔中意俾人煩~
而家真係令到我好好好好唔開心呀!!! >< 好煩!!
佢地都教我點作出應變措施呀~ 哈哈!
好呀好呀~!! 真係唔該晒呀~~
之後許佩又讚我~ 聽到勁開心啦~!! 爽到爆!
好多謝許佩同歡歡呀!! 佢地對我真係好~
唉… 玩到3點幾都未溫過書呀我…
PK啦~ 就考TT喇~ 邊溫得切姐!
愈溫唔切我就愈唔想溫~ 唉～犯賤!
之後同ken傾出體個d野~
佢話出體前會有d好似俾鬼責咁既感覺呀or有d人會耳鳴~
不過要係好累既情況下先可以~
咦?! 咁原來我都差d試過可以出體喎~ 仲唔只1次添~!
如果我早d知道咩係出體可能會試到架~~
之後諗住訓啦 點知又走去整日記d相~
加左d新既相落去囉~~
好想整令個日記嘛!~ 哈哈!
>>May 1, 2004 at 10:18:45 PM GMT+8
2004 年 4 月 23 日 星期五 【晴】
返到屋企都9點幾喇~
沖完涼都11點lu~~ 係時間訓返陣喇~
訓到2點中就起左身~ 今日蜜柑去澳洲嘛 要去送佢機呀~~
咁我同許佩4點幾就約左一齊去送機喇~
我地買左張卡諗住送俾蜜柑
去到東涌個陣先6點中
原來蜜柑8點先上機囉 又昆我地7點…
我地見有時間就去左M記買野食啦~ 順便畫埋張卡~
我地畫到張卡幾令呀~! 畫左勁多公仔添呀~ (其實係愛黎牙位~哈哈!)
不過都接左d星星俾佢既~~ 算係咁啦~~
7點倒我地就起程搭S1巴士去機場喇~~
去到機場覺得都幾先進呀!! 我都係第1次去新機場咋~~
d運輸帶好得意呀! 哈哈~ 好似做gym個d跑步機咁~
去到J個度見到蜜柑佢地喇~ vocal一早到左~
得佢自己企係一邊好似好慘咁… 咁就等我地去拯救佢啦~!
冇耐蜜柑佢地話映相 我地就坐埋一邊喇~
佢班fd又叫我地3個女仔逐個同蜜柑映… 係咪玩呀............=.="
是但啦~ 快快脆脆映完就算~~
映完之後蜜柑班fd個個都拎住相機黎映我地~
傻架咩!~ 而家係蜜柑走呀 又唔係我地~ 映我地把托咩!
之後映埋大合照蜜柑就係時候上路喇~~
我地同佢講左聲bye bye佢就入左去喇~
我地3個女仔同佢d fd同埋屋企人講埋bye bye都走人喇~~
出返機場上到車我又訓過喇~ 真係好累… 好累…
入到地鐵站我地幾個又繼續訓啦~~
我仲扒埋係佢大脾度訓添~! 真係好豬服~
我真係勁眼訓呀~!!! 好辛苦.......
搭到深水步vocal走左 得返我同許佩咋~
可能睡姿有問題 搞到落車個陣隻腳好似痺痺地咁…
本身以為冇咩事~ 點知一上完電梯之後隻右腳痺到行唔到呀! 勁痺~~
要行埋一邊抖左陣先行到 差d仆親呀~!!
幾經辛苦終於返到屋企喇… 真係累到痴線!!
>>May 1, 2004 at 10:25:22 PM GMT+8
2004 年 4 月 22 日 星期四 【晴】
今日訓訓下唔知做咩彈左起身
望下個中已經10點半喇喎~~
唔係呀化....... westhong仲未起身!?! 佢仲要返學架喎~~~
之後叫醒左佢我又繼續訓啦~~ (係啦~ 我叫醒佢架~ 哈哈! )
訓到12點幾佢返完學我就起身走人喇~
我搭左架巴士再轉地鐵去尖沙咀呀~
今日我地為邱邱預祝生日Y嘛~ 去食buffet!
我以為半個中可以出到去架... 點知要個幾中先去到!
電話又冇電喎~! 真係好想掟爛部電話~
咁我去到尖咀就唯有係地鐵站搵個電話亭打俾佢地啦~
錢都未入就聽到wing wing大嗌我個名喇~
Oh!~ 救星來了~~
因為歡歡同桂花太餓 所以派佢地黎接手等我呀~~
跟住我地就去左間巴西餐廳
去到我就即刻食野啦~~~ 都好肚餓呀!!
咁我就出去夾夾夾... 咩都夾少少落隻碟先~ 試完好食個d先出去夾餐慒!
好彩隻碟夠晒大姐~~~
不過食左第1 round我已經飽飽地喇…
但係d野真係好好食!! 我唔捨得喎~~
最搞笑就係個度有個好似好怕羞咁既待應哥哥~
佢好勁架!! 每幾秒就行過黎一轉~
咬住唇咁問我地要唔要d咩豬仔骨呀... 珍寶腸呀咁~~ 真係好得意~!!
唔知點解我見到佢淨係問我地呢張同隔離個張臺架囉~~
仲要次次行埋黎問我地要唔要既野食都唔同既 真係好想睇下佢係咪跑緊架~~
臨尾我同歡歡KO埋碟雪糕就正式宣佈我地已經飽死左喇~~
之後我地去左無印睇野~
睇完坐左係出面個food court度傾計~~
勁白痴~~ 歡歡拎完佢部機映我地~
之後我地又係度笑笑笑 笑埋d白痴無聊野~
咁而家有咁多人 佢地就叫我而家call蜜柑出黎啦~~ 都好!! 哈哈~
之後打俾佢佢話佢入左TKO搵我 搞到我好似玩緊佢咁…
冇耐桂花走左 蜜柑就到左喇~
跟住我地就一齊去左打機~
蜜柑送左份生日禮物俾邱邱呀~
都送左對鼓棍俾我呀... 我話過唔要架~
咁佢又話咩咩咩... 咁多謝先啦下...
之後同歡歡一齊玩踩單車個個game 真係累死我!
仲辛苦過平時真係踩單車咁架~~
如果我平時好似打機咁踩單車 我諗我死左好耐lu~~ 一開波已經炒車喇~!! 哈哈!
踩完佢地又叫我同歡歡玩電單車個部機
唔得住呀~~ 我地要時間回一回氣~ 哈哈!
之後我地就玩fing fing手個部機 原本係我同歡歡VS蜜柑架~
之後玩玩下萍萍同邱邱都一齊黎對付蜜柑喇~~
臨尾玩個d拍拍機都好好玩 識講廣東話架!! 哈哈哈!~
之後就走啦~ wing wing佢地行左入卓悅 都搞左好耐先出黎呀~~
咁阿梁話屋企冇飯食喎~ 我地就話返TKO陪佢食啦~
其實今日要返跆拳架~ 我打算唔返Y嘛~
點知搭緊地鐵個陣火龍打黎話師傅叫我地今日返去學跆拳喎~ 話會有d高級師傅黎~
學左咁耐跆拳師傅都好似冇試過咁樣打黎叫我地返跆拳架喎
咁唔返又好似唔係咁好咁啦~
佢咁講我又想想地返 起碼火龍都話想我返先啦~~
之後我話可能會遲到 佢又話盡量啦~ 個d~
我咪話睇下點先囉..... 因為已經有太多野煩我喇......
其實今日真係好煩! 好煩! 好煩煩煩煩煩煩煩煩煩．．．．．
如果我返跆拳 但係我之前應成左同阿梁/邱邱佢地一齊食飯架喎~!
!咁究竟返跆拳好定係食飯好呢?
咁之後......又點算好呢??? 好… 煩… 呀…
根本冇人明我諗緊d乜! 個個都唔明~
或者你地會覺得我唔夠決絕 但係有d野我真係做唔出~
我可以講既都講晒啦~ 可以做既都做埋啦~
我真係會設身處地咁代自己入去為人地諗下架囉....
而我又會覺得你地好似覺得我dum住人地咁…
你估我冇拒絕過佢咩! 你估我冇推過話我唔想出去咩! 你估我想咁架咩!
我都唔想格! 我真係唔係咁諗架嘛~! 我都唔中意d人dum住人地~
但係點解要搞到好似我錯晒咁姐~ 關我咩事喎!! 真係好唔開心呀…
好啦~ 俾我冷靜下先啦~~
之後我就決定左返跆拳啦 歡歡話唔返~
不過我知佢地關心我既 多謝大家啦~!! 唔唔~
返到屋企叉左一陣電我就執野出門口喇~~
點知搵唔到條單車鎖匙喎!! 係邊呢係邊呢???
唔理喇~ 落去問歡歡借佢個鎖同key算數喇~~
點知落去到我先發現自己唔記得猜道袍同條帶......>?!>?!?~?
咁我返屋企黎做咩呀?? 都係諗住拎道袍架咋喎~~
咁是但啦 我都費事上返去lu~ 就叫歡歡借佢件道袍同佢條帶俾我啦~~
之後就飛車返跆拳lu~~
飛到去新都迫完車仲要跑去寶林 好辛苦呀...................................(爆汗")
一跑到入去個個都望我呀~ 問我駛唔駛咁急喎… 跆拳都未學就流晒汗~
我俾面師傅見跑返黎咋!~ 不過都遲左半個中~
我今日係紅黑帶既師姐呀!! 哈哈~ (條帶係歡歡架嘛一x一" 仲寫住佢個名)
今日都幾好玩~ 我同火龍做punch個陣都唔知轉左做3下 以為仲做緊double
仲一齊話陳健聰做錯添~! 跟住我地2個都俾人笑~
我仲講左句 : " 下? 乜轉左咩?! 幾時既事呀?? "
師傅聽完之後真係想打爆我呀~~ 哈哈!
之後成班人一齊做d basic form~
我好叻女呀!! 右腳可以做到個reverse kick呀!!!
好開心~!! 仲俾師傅讚我做得令添~!!!
點解我右腳咁勁既?! 之前明明唔得架喎~!!
但係隻左腳呢… 就… 同以前一樣做到咁核突!!
算啦~ 我表演右腳算~ 哈哈!
臨尾玩個d野係我2個人1組~ 1個坐係度整個V字腳 另1個係上面彈黎彈去
但係唔可以踩中人地隻腳架喎~~
當我做坐係度個個個陣 暴暴唔小心踩左落黎呀!!!
嘩嘩嘩啤嘩嘩嘩!! 真係好痛好痛!!!
咁我就望下睇下有冇擦損啦~
點知一望見到瘀左............!?!?
下?! 乜咁會瘀架咩~>!? 唔好理啦~~ 繼續玩~
玩完換褲個陣見到個傷口都冇流血 但係瘀得好勁囉…
之後個阿姨 (藍帶架, 唔知應該叫師姐定師妹) 輕輕掂左掂個度 痛到我痴線呀~!!
就算摸一摸旁邊d地方都好痛… 唔知點解呢!
跟住佢好細心咁幫我墊左張紙巾
然後用膠布幫我貼住先冇咁痛咋~~ 真係唔該晒!!
之後我就走先啦~ 約左許佩嘛~
之後就搵埋佢一齊去搵蜜柑~
我又唔想去食飯又唔想飲野咪周圍行囉~
之後冇野做就話一齊行上魷魚灣村探險啦~
行行下蜜柑話聽到有貓聲 叫我地落返去~
我話 : " 唔落喎! " 仲要係冇表情咁講~
係架喇~ 我係咁架喇~ 咁叻你咪自己落囉~
點解你唔講俾我聽咩事就要我跟你落去? No WaY~
況且我同許佩都聽唔到~~
之後繼續上上上~ 我地諗住搵返Miss Choi間屋架~ 不過我地都係唔記得左邊間係…
咁我地就落返去啦.... 送蜜柑走~
佢又講左d野... 又令到我好內疚..覺得對佢唔住...
總之我受緊良心遣責啦~! 我聽完會唔開心....
唔好理喇! 早d返屋企啦叫佢~~
最後佢都走左~~ 咁我就同許佩返寶林lu~~
之後同許佩坐左係寶林d樓梯度傾計~
傾左陣westhong就拎返d筆俾我 許佩就返屋企~
咦咦咦??? 盧吉吉都黎埋喎~~ 點解佢會係度既~~
之後我地就坐低左啦~傾左陣計~
之後盧吉吉就打去玩許佩~ 話佢執到個電話(即係我個電話)
叫許佩而家落黎拎返喎~~
咁我同westhong聽到之後就爆笑啦!!!
估唔到佢真係夠膽打~ 仲扮得好似咁添! 咁就昆左許佩落黎喇~~
我仲叫盧吉等間俾返部電話許佩個陣捉住佢隻手添~!! 哈哈哈!!
之後........ 哈哈哈!!~好搞笑啦~~
" 小姐... 其實我對你一見鍾情~ " 真係好好笑~
跟住我地就返屋企啦~ 不過食埋消夜先~
不過我帶唔夠錢呀~~~ 要佢地請我食添~! 真係唔好意思~~
下次我實會請返佢地架!!!
食完行行下肚痛喎... 咁就坐低左傾計啦~
咁就傾到天光lu~~ 去食埋個早餐就真係返屋企喇~~
>>April 30, 2004 at 9:30:34 PM GMT+8
2004 年 4 月 21 日 星期三 【晴】
呀..... 下午4點幾倒起身呀...........
頭先發夢個夢好搞笑呀~!!
我夢見我地last day 但係個個同學都有d唔同左呀~
就係有d做左財神 有d做左壽星公~
總之個個都做晒神仙咁啦~~
但係我就係隻八爪魚...............................................................=.="
起左身之後我連野都未食就過左青衣搵westhong喇~
佢話可以教我行下個度間IVE喎~
我又想返去青衣睇下長亨/長發個d地方而家變成點~ 好! 去!
咁我就搭地鐵去到葵芳 咁岩又俾我搵到去IVE個小巴站喎!!
上到車問隔離個個男仔去IVE係咪最尾個個站 佢話唔係喎~~
真係嚇死我! 我唔識落車架wo~!!!
不過佢話好多人會落 叫我唔駛驚~
之後佢叫我落車 問我係咪報course
傻啦~ 我邊有咁勁! 中五都未畢業啦我~~
之後搵埋westhong佢就帶我行IVE~
間IVE真係幾大下 都幾令~~
我都係第1次入IVE咋 一入就入左間咁令既IVE~ 哈哈!
之後我地就去左食野啦~ 食完就去左西航屋企拎本課程簡介
上到去玩左陣 都搞到12點幾~
我都費事走lu~~ 咁就係佢度借宿一宵啦~~
不過我地卦住傾計 都冇訓到添~!
訓到朝早6點幾先訓呀~~ 但係佢聽朝仲要返學架喎~~
望就望佢起到身啦~
>>April 30, 2004 at 6:46:28 AM GMT+8
2004 年 4 月 20 日 星期二 【酷熱】
咁我就訓訓訓.... 訓到1點幾起身去交上網錢啦~
嘩~~~ 今日真係熱死人呀!!
我交完錢之後就去左Iris度fax張收據啦~
真係唔該晒Iris~~ 好好人喎!!!
行去富寧真係熱鬼死我!! 都出晒汗添喇…
去到佢好似溫緊書... 阻住佢溫書先! 哈哈~
不過fax完傾左陣傾我就返屋企lu~~~
返到屋企之後有電腦玩喇!!~
過左陣又同westhong傾電話~
講開gra. din喎~~ 死啦... 唔通我真係要著裙?!
會唔會嚇到d酒店職員唔敢返工 冇人服侍我地架.......
係就好喇!!! 可以反轉逸東!! 哈哈哈! XDXDXD
夜晚2點幾打去叫westhong起身
我由半夜打到4點幾先叫到佢起身呀…
打左成千幾次電話終於嗌醒佢喇~~ 真係好難頂…
原來叫唔醒人係咁慘架@@
睇黎平時真係好委屈許佩同阿青佢地喇~~~ ThX ThX!
叫完我都好眼訓呀~ 訓喇!
>>April 26, 2004 at 7:05:09 AM GMT+8
2004 年 4 月 19 日 星期一 【晴】
今日起身個陣已經2點幾lu~~ 訓左8個中都夠啦~
跟住玩左陣ICQ食埋野就出門口喇~
約左wing wing 5:30p.m係將軍澳中心一齊過厚德呀~~
出左地鐵站冇耐撞到許佩 之後就等埋周妍同邱邱喇~~
而桂花, Amy, 呂廁同翠怡就話等我地上左車之後係寶林上車~
咁我地見桂花仲未到寶林就去買野食啦~ 點知買買下有車喎!! (其實之前已經走左2架車…)
咁就走埋第3架喇~
冇耐又有車喇 我地就上車啦~
我地5個人 搞到許佩要自己1個人坐喎 咁我地就叫許佩坐埋過黎啦~~
變左許佩 + 我 + 邱邱坐2個座位~~ 真係好搞笑呀~!
wing wing同周妍就坐我地前面~ 桂花佢地4個就住最尾個排~
之後我地一路係度傾計 又係度講笑話~ 真係勁好笑~~
玩左大半個中終於到左理工大學喇!! (我之前明明好似聽過話去紅磡架喎好似…)
入到理工我地是但抽d位黎坐啦~
我同Amy同桂花同埋呂廁坐呀~!!
周妍,wing wing,邱邱同翠怡就坐另一邊~
睇左幾隻舞都覺得ok好睇~
係d人跳舞既技巧都好好 不過夾埋d音樂成隻舞就冇咁好睇囉~
不過有d真係好正!!
點知睇到一場慢音樂既舞 無啦啦勁多掌聲喎~!
係首歌入面自己加d掌聲落去呀!!
我同Amy同桂花互望左一眼 跟住就爆笑喇~~ 真係笑死~!! 哈哈哈!
可憐既呂廁就好似俾人遺忘左咁…
之後個司儀話 : " 又係大家最開心既環節喇~ "
我仲以為係大抽獎添!
點知係中場休息呀~~ 哈哈哈~
下半場我同翠怡調左位 呂廁又同周妍調左位~
我就同許佩+邱邱+wing wing+呂廁坐喇~
一開場第1隻舞一開始個個女仔都係金色架
我咪話 : " 咦? 少林寺十八銅人喎~!!! "
點知邱邱話 : " 泰國野黎架......=.=........ "
哈哈哈!!~ 乜係咩~~
臨尾個段謝幕舞好正呀!! d女仔d衫真係好令~~ 又SeXy~~~喎~
我都睇到流口水呀~ 哈哈!
睇完成場表演我覺得同自己中意既人一齊跳舞個feel一定會好正架!!
睇到我個心都好似有種唔知點既感覺咁… 就係想同男仔一齊跳d好睇既舞囉!!
同埋我都好想第時自己既男朋友會識跳舞
跳舞叻既男仔我諗我會中意多d架~~ At least會加分先啦~~
同埋大家興趣相同 點都岩key d既~~ 哈哈!~
總之睇完真係好想跳舞啦~~ 好想好想!
如果俾我跳次好似今日咁大型既show 即係要換幾場既衫跳幾場既舞咁~
我真係會覺得好好好好好開心架!!
 <*~wing wing堂家姐哦~*>
睇完我地就出左去啦~
咁岩7個身上有著黑色衫既人企埋一堆喎!!
wing wing就拎住部相機幫我地映低呢班 " 黑衣邦 " 喇~~
映左一陣相我同許佩同邱邱同wing wing去食野 其他人就搭巴士返屋企喇~~
我地去麥當當買左d野食就搭地鐵返屋企
咁我去到調景嶺就陪wing wing返屋企啦~~
佢今日著裙嘛 仲要著到咁lady~~ 我驚佢有危險呀~
咁等我幫佢嚇走d色狼啦~ 哈哈!
之後送到佢返屋企樓下我就自己行返屋企啦~
咁岩撞到毛毛喎!! (小童群益會既職員)
冇見一排仲係咁肥咁得意~~ 哈哈!
估唔到佢認得我喎~~ 仲話送我返屋企添~! 真係好人~~
不過之後我都話唔駛呀 咁就同佢講bye bye lu~~
 <*~黑衫咋~not MK~*>
 <*~哈哈!~個型好令呀~*>
返到屋企發現上唔到網呀!!!
呀～～極大的打擊!!!
不過好彩唔係部腦有事… 唔係我真係會含恨而終架~~~
我一沖完個勁豬服既涼就睇返自己以前跳舞個d片~
睇完就同westhong傾電話 傾到天光先收線呀~
又通頂..........我真係想死!!!
>>April 2, 2005 at 10:01:43 AM GMT+8
2004 年 4 月 18 日 星期日 【晴】
尋晚Oscar打黎問我去唔去將軍澳中心個club house溫書~
咦? 有地方溫書喎~~ 都好~
問許佩去唔去佢又話唔想出街 咁就自己去啦~~
不過今日遲起身 又係聽唔到d電話響~~ 但係都有去溫書呀~
其實1年前既今日
我+歡歡+Oscar+劉仔4個戇居居夜媽媽踩單車上銀線灣~
我真係冇野好講~ 推單車一定快過踩上去…
落黎個陣仲要俾d惡狗嚇餐慒~!
之後就去左歡歡屋企玩啤牌~ 都幾低能架~
因為個個既智商同反應都差唔多咁劣 所以玩com棉胎都可以玩成一粒中~~ 掂呀!! 仲玩通頂添~!
但係我地第1日4個一齊玩係4月17~
個陣無啦啦去左清水灣半島個度傾計傾通頂... 第2日又玩通頂... 第3日就咁...
上年既呢段日子就係咁過架喇~~
到沙士時期完左之後我地朝朝都係返學前約係新都一齊抄功課
又一齊食早餐~~ 真係幾好玩!!
今日既來賓有我, 歡歡, 劉仔, Oscar, 李健樂同姚曉廉~
我望左本書一陣就同佢地係咁傾計~ 因為耐冇一齊玩Y嘛!!~
之後我唔知發乜神經問阿lim我以前係咪好斯文... 佢話係喎~~
咁我就順使問埋以前6年級個陣係咪有唔少人中意我啦~ (因為阿lim係我6年級既同學)
佢話係呀~ 哈哈! 仲話自己都係其中1個白痴仔~
嘩哈哈哈!! 當堂笑死我呀真係!!
之後樂樂話要去補習啦~
咁佢地就走左出去 淨返我同歡歡係度喎!
我咪隨手那起Oscar個袋掉左落 "鄧" 底囉~
劉仔本PHY書就掉係paul盆栽後面 佢部手提就放係reception隔離~
之後同歡歡一齊出左去收埋本PHY係垃圾桶後面 然後好淡定咁入返會所打機喇~~
玩2幅圖搵錯處個d game 真係勁白痴呀~!! 4個人都搵唔齊~~
之後我地出返去搵本書啦 點知搵唔返本書........=.="
咁我同歡歡就一齊去問管理員有冇執過本書啦~ 我地仲未敢同佢地講我地整唔見左本書....
點知個管理員答緊我地個陣Oscar同劉仔就行左入黎
我同歡歡就好似俾佢地圍住左咁 走都走唔甩呀~~
咁咪即刻數123閃人去商場囉~~
落左商場係d樓梯度傾計 都傾左好耐計呀~~
之後搵返Oscar佢地仲一齊去OK食叮叮意粉添!
返到屋企又玩電腦啦~~
今日又通左頂lu.... 咪就係因為講電話囉~~
最衰都係westhong啦~~ 哈哈哈!!
太差喇～～ 又通頂.......
再通多幾通人地離遠望會以為我帶緊黑超架喇~!!
>>April 24, 2004 at 6:48:25 PM GMT+8
2004 年 4 月 17 日 星期六 【晴】
今日去左許佩阿爺屋企溫書呀~~
本身諗住係屋企溫架 但係許佩又話驚我溫唔到喎~ 咁就去啦~~
但係我又唔記得阿爺屋企點去喎!
許佩就叫我去到樓下打俾佢 佢落黎接我~
點知去到樓下我行行下又好似識去咁喎!
雖然唔知有冇去錯… 但係去左先啦~!
真係好驚個看更問我搵邊個 我實O晒咀架~~ 我連阿爺姓乜我都唔知…
之後上到去打俾許佩叫佢落黎 其實我已經係門口等緊佢開門啦~~~
佢一出到黎我就即刻拎枝筆對住佢扮打劫~
點知阿爺打開左度門見到我 話閂一閂門就變左我出黎喇喎~!!
我就淨係卦住笑唔記得左打劫緊人喇!
上到去同許佩玩左陣就開始溫書啦~~
許佩同阿爺都話帶左個米奇老鼠大手套會有power d架 打機都易嬴d~~
咁我就第1時間帶起佢黎溫書啦~!!
點知睇左幾頁就恰著左....................................................................一一"
之後睇左陣d好搞笑既卡通片就落街食野喇~~
之後佢地就去茶樓打邊爐 我同許佩就去左OK買意粉上返阿爺屋企叮喇~~
鬼叫我得返$20係身咩~~~
叮緊意粉個陣見冇野做喎 就衝左入房搵機打啦~~
原來得返winning咋......... 焗住要玩啦~~
點知淨係得個1 Play制可以用… 我同許佩要輪住咁1人踢一球呀~~
最後叻囉我地~~ 3比0~~ 輸左~~
之後就拉埋許佩一齊睇Aya個concert 真係正到我流晒口水呀~!!
睇完就教許佩彈琴~ 教佢彈右手 我就幫佢彈左手~ 哈哈! 都幾好玩~
冇耐阿爺佢地就返喇~ 佢地飲醉酒呀… 阿爺就叫我地走先啦~~
但係我覺得佢好似好急咁要我地走… 我係唔明點解要好似趕我地走咁囉~
起碼有我地係度 都有女仔照顧醉左個個女仔Y嘛~
我又唔覺得自己真係搞屎棍成咁…
你叫我走我又唔會唔走既 但係我想知點解囉~~
阿爺送我地走個陣我都有問佢 佢個d理由係我覺得唔成理由既理由囉~
再問深d我都見到佢d笑容少左lu~~
許佩都話想叫我唔知問…
但係我真係唔覺得自己有做錯喎~ 我想知點解姐~~
算啦~! 可能有d野我真係唔明啦~ 之後我地就各自各返屋企喇~~
行返屋企個陣做左件好勇敢既事! 我覺得好勇敢~
真係好耐冇試過... 又或者係未試過~ 哈哈! 勁!!
返到屋企都12點幾啦~ 就即刻沖涼! 沖涼!
之後就同westhong傾電話~~ 都傾左好耐呀~~
佢仲send左佢挪威返黎既阿sir講nor～～～威口音既中文既video俾我添~!
佢自己又扮得好笑喎!! 真係好驚我笑到嘈醒我既母親大人呀~!!
仲有段玩個台灣男歌手既片...
有d電視台咁既野派d女仔去玩佢~
有個女人扮怪獸向住佢咆哮... : " 吼～！"
真係笑死我~!! 哈哈哈!!!
>>April 27, 2004 at 5:25:47 AM GMT+8
2004 年 4 月 16 日 星期五 【雨】
今日訓到3點幾呀~~
頭先訓訓下好似接過Oscar電話~ 同佢講話訓醒打俾佢
但係又唔知係咪自己發夢喎! 咁個手提擺床頭架之嘛~ 係都唔出奇姐....
咁食埋野就打返俾佢問係咪真架啦~~
YES! 我冇記錯!
佢無啦啦問我Gra Din搵左Partner跳舞未喎~
下...............?? 乜真係要跳舞架咩?! 我唔知喎…
跟住佢問我介唔介意做劉仔個Partner~
嘩... 唔係呀...?~ 而家就開始搵partner架拿?! 仲有2個幾月先Gra. Din喎~~
之後劉仔就拎左個電話問我好冇啦~~
好~~ 梗係好啦~~ 我都未搵Partner~~
但係個d舞我真係一d都唔識架喎....~~~
不過劉仔話佢都唔識架~ 唔緊要~
咁好啦~~ 有人搵自己喎!!~ 到時就唔駛自己瑟縮一角轉地喇~~ 哈哈!
咁之前wing wing話有免費飛叫我地一齊去睇跳舞 我地就好多人都應承左啦~~
但係夜晚wing wing打黎話原來d飛要$90 但係佢叫晒人去都唔知點算好~~
咁又係既… 有成9張飛喎… 唔通要佢1個俾晒咩~!
算啦算啦~ 我都會去既~~~
不過呢排要節衣縮食先得喇~~ 哈哈!
之後幫佢問埋周妍~ 又tum到1個去喇~~!!
再夜d wing wing又打黎話阿漢+邱邱個d都去~
OK啦! 夠人喇~~ 好野~~ 唔駛驚lu~~
之後就一路傾啦~~ 原來佢都未開始溫書呀~ 有人陪喇我!!
許佩叫我聽日一齊溫書 唔知點解我好想叫埋wing wing添~!
係啦~~ 好想大家一齊努力~
如果wing wing去既我既動力會大d架! (當然仲有各方好友給我的動力啦!! )
講左陣就tum到wing wing聽日一齊溫書喇~~ 好野!!~
夜晚Oscar又有打過黎搵我傾電話~
同我講左d野啦~ 佢話唔講得架wo....
哦哦!! 咁唔講啦~ 不過我會同日記講~~
因為聽完之後覺得.... 世界變lu~~~ 哈哈!
之後睇返自己個留言板~
原來自己以前re人地d留言re得咁白痴架喎~~
睇返d留言都覺得好好笑~~ 哈哈!
今日我依然係冇溫過書呀…
係執過下間屋囉~ 但係都未執好~
真係好對唔住呀............ 唔聽話添~!! 之前仲話會溫書..........=－.－=.........
好啦~!! 唔可以再通頂架喇~!!!
我要聽話!! 聽日去溫書~!!!!!!
>>April 27, 2004 at 5:27:15 AM GMT+8
|
天使既身材!!! 魔鬼既面孔!!! ★☆
登登登登~~~
|
廣告 |
|
|
讀者留言 |
| 路人留言
|
 ::: JJ :::
<br>竟
>>August 31, 2010 at 4:01:52 PM GMT+8
加油
>>August 22, 2010 at 4:12:29 PM GMT+8
:::: 路人 ::::
<br
>>August 26, 2009 at 7:41:06 PM GMT+8
hi!我覺得你個backgrou
>>June 18, 2008 at 4:10:02 PM GMT+8
::::161810::::
<
>>June 19, 2007 at 4:54:48 AM GMT+8
::::許佩::::
<br>而
>>June 17, 2007 at 7:40:22 PM GMT+8
喂 你個fd失戀
<br>不如你
>>June 4, 2007 at 9:35:27 AM GMT+8
我都覺得死妹dance開心好多~
>>April 4, 2007 at 5:29:57 AM GMT+8
::::許佩::::
<br>梗
>>February 15, 2007 at 8:05:01 PM GMT+8
d相好精彩啵~~
>>February 5, 2007 at 6:28:26 AM GMT+8
:::: 161810 ::::
>>February 4, 2007 at 5:14:30 PM GMT+8
我都唔知咩係睇望
<br>我淨係
>>January 25, 2007 at 12:36:51 PM GMT+8
:::: 161810 ::::
>>January 25, 2007 at 4:13:57 AM GMT+8
144635 終於知你咩樣了
<
>>January 14, 2007 at 4:36:33 PM GMT+8
:::: 許佩 ::::
<br
>>January 11, 2007 at 2:59:02 PM GMT+8
:::: 161810 ::::
>>January 11, 2007 at 2:54:55 PM GMT+8
:::: 161810 ::::
>>January 11, 2007 at 2:53:19 PM GMT+8
你ｘａｎｇａ點去呀留比我啦唔該
>>January 2, 2007 at 7:38:31 PM GMT+8
細細細細細~~~~~~~~~~
>>January 2, 2007 at 7:27:01 AM GMT+8
冇呀 我過左個loney x'm
>>December 30, 2006 at 8:23:25 PM GMT+8
你好呀144635 我都知xan
>>December 20, 2006 at 6:33:44 PM GMT+8
我諗你估錯啦
<br>我唔識你識
>>December 19, 2006 at 7:33:34 AM GMT+8
::::蜜柑::::
<br>冇
>>November 30, 2006 at 6:22:28 PM GMT+8
::::泰::::
<br>唔知
>>November 30, 2006 at 6:21:03 PM GMT+8
::::許佩::::
<br>梗
>>November 30, 2006 at 6:19:52 PM GMT+8
::::珊::::
<br>um
>>November 30, 2006 at 6:17:52 PM GMT+8
::::出雲::::
<br>我
>>November 30, 2006 at 6:16:33 PM GMT+8
籍口
<br>
<br>好明顯你
>>November 21, 2006 at 7:29:34 AM GMT+8
板主，我覺得你真係好那happy
>>November 16, 2006 at 2:00:40 AM GMT+8
無聊上到唻~
<br>原來你仲未
>>November 15, 2006 at 6:20:12 PM GMT+8
你好牙...我係路過既/./.我
>>October 22, 2006 at 11:04:42 AM GMT+8
CW梗係大日子啦
<br>香港第
>>September 10, 2006 at 1:40:32 PM GMT+8
:::丸貓:::
<br>下~!
>>September 9, 2006 at 8:55:31 PM GMT+8
:::出雲:::
<br>CW好
>>September 9, 2006 at 8:50:29 PM GMT+8
:: Crazy ::
<br>
>>September 9, 2006 at 8:45:24 PM GMT+8
哈哈~~~路過架咋~~~
<br
>>September 8, 2006 at 8:34:58 PM GMT+8
聽講你真係玩cosplay wo
>>September 6, 2006 at 3:01:22 PM GMT+8
我一search showhap
>>August 30, 2006 at 12:46:59 AM GMT+8
++昌++
<br>哈哈!!~咩
>>August 12, 2006 at 9:19:33 PM GMT+8
++豐++
<br>呀下, 又係
>>August 12, 2006 at 9:18:17 PM GMT+8
++蔚蔚++
<br>哈!
<b
>>August 12, 2006 at 9:17:04 PM GMT+8
做乜咁慘成個月都冇生意?
<br
>>July 11, 2006 at 5:07:47 PM GMT+8
哈!!我諗你要搞一搞清楚乜叫日記
>>May 8, 2006 at 2:05:42 PM GMT+8
哈哈. 我就黎要通緝你喇大佬!~
>>May 8, 2006 at 9:14:30 AM GMT+8
++蔚++
<br>冇計啦~
<
>>April 19, 2006 at 5:50:51 PM GMT+8
估唔到你依家仲會比龜逗呀下～
>>April 5, 2006 at 9:43:20 AM GMT+8
++歡歡++
<br>本質係咁既
>>March 31, 2006 at 7:30:20 PM GMT+8
++豐豐++
<br>原來真係有
>>March 31, 2006 at 7:29:01 PM GMT+8
++寶寶++
<br>哎呀呀~
>>March 31, 2006 at 7:27:08 PM GMT+8
++呂廁++
<br>你未聽過C
>>March 31, 2006 at 7:26:10 PM GMT+8
|
|
＊這是歡歡的獨白.... 感激她的關心
尋日咁辛苦, 今朝一訓就訓到下午喇~~
今日訓訓下唔知做咩彈左起身
呀..... 下午4點幾倒起身呀...........
咁我就訓訓訓.... 訓到1點幾起身去交上網錢啦~